2000FUN論壇

標題: 紅國真係問題多多... [打印本頁]

作者: denshir 時間: 10-4-20 02:56 PM 標題: 紅國真係問題多多...

本人本職盾戰，係紅國玩左1年左右。
期間發現問題甚多，所以想開post講下。

首先，紅國太少戰士。莫講係盾戰，連雙手都少。最多咩呢...弓遊，雷法。
fez勝利之道: 多戰。
紅國成日話烏合、v團勁，又唔睇下兩者差別係邊(技術層面同入石唔講住)。
人地一條線3-4隻盾戰行頭，幾隻雙手同埋火法跟住，條線幾硬呀。
紅國?1-2隻盾戰同埋幾隻雙手係頭，成堆弓遊、雷法係後面屈傷(只係指大部份)。
我暈10次人，有5次都集唔到火。
兩者一打落就知烏合同v團果d贏啦。
唔好因為戰士易死就唔玩至得嫁，就係易死你先要練到唔死。

跟住，大部份弓手或者雷法都唔救人。
刀遊係前面開黑，破手(不論係為壓線定係幫自己友走人)，d人都好似覺得刀遊做呢d野為左屈傷咁，弓手絕少幫刀遊貫。
戰士係前線同人力拼，打到無哂血，d弓手同雷法又係絕少救，搞到要戰士救番戰士。d弓手同雷法淨係識執少血果d，結果就係換人頭。
淨係咁就已經輸好多人頭啦。

第三，戰線有斷層(即係所謂既有人淆)。
經常見到既情況就係，盾戰+一部份雙手戰為壓線衝前，後面有一班人係度食爆谷，等到戰線有利先出黎打。前部份同後部份既人最少有15個身位既距離，咁點壓線?
咁驚死就唔應該打國戰，應該去打怪算。有時只要成班人一齊沖就一個都唔駛死，但係就係因為得幾個沖，就死哂喇。

第四，食技既問題。
食技既問題之所以咁嚴重，唔係因為d人係咁出技，而係因為d人係唔適當既地方係咁出技。
以弓遊同雷法為例，當有敵人被暈，佢地要做既唔係用箭雨或者雷d黎執被暈果隻，而應該用呢d大範圍技黎屈對面後排果d。
咁做除左唔會阻住我方集火之外，亦可以防止係我地集火期間俾人用火d、雷d等等。弓手同雷法要執人頭既話，應該係執果d集火殺唔死淨番好少血果d。
另外就係集火既問題。一個人得1千血，被人暈完。(當佢係a石盾戰)2下火d加3下重壓都應該死得，4秒的確未必做得哂咁多野，但至少都應該做到2下火d，2下重壓掛。但係我見到既情況係淨係打到1下火d同2下重壓就俾佢走左。佢仲有成3百幾血，想走唔甩都幾難。仲要俾佢有30秒抗暈，果下先大獲。
原因?咪就係有d人就驚無得屈傷，爭住打;有d人就等執人頭，遲遲都唔打囉。

第五，唔掃隱遊。
玩得fez耐既一定有掃遊既習慣。如果無，唔該練下。唔理你用羽毛定十字定聽聲，總之要掃遊。
經常見到既情況係，俾對面既隱遊跳到人群中間先發現，結果成堆俾人黑哂或者俾人破哂手，又俾人殺。前排既戰士要掃，但係後排既弓手法師就更有責任掃遊。戰士近身同人打可能會忽略係側邊既隱遊，但係後排既視角一定闊過前排囉。
唔係話隻隻都要掃到，起碼唔好經常俾人黑哂同破手先啦。

第六，唔守塔。
紅國擴建的確水準高，但係唔守塔，擴得再好都俾人拆哂。
d唔去守塔既一係嫌遠唔行，一係就入左石要屈傷。但係輸左國戰，你屈幾高傷都一定唔夠贏既多經同星戒。
嫌遠果d仲pk，行過去最耐都係半分鐘。就係為左果半分鐘時間，唔守塔。到俾人爆左，就要用幾分鐘黎追番d國血。

第七，大團唔團結。
好似人地綠國b團、n團、sa、ac相處融洽，打國戰夾得自然好。
紅國ft淨係夾纓龍，血染就淨係夾g團。到俾人攻本土先黎夾就太遲啦，點會夠綠國、紫國打姐。

綜合以上，試問有問可能強大?
成日吊人上石，有鬼用?
咁得閒吊，不如鍛練技術到唔入石都等於入石，前線一個可以打二個，同埋改善好上述毛病。紅國自然強大

作者: 負碌KinG 時間: 10-4-20 05:07 PM

第八個原因 :人又少忙又多實力受限制

作者: kevin987654 時間: 10-4-20 05:13 PM

盾戰組一個擊劍一個火法就可以行到邊殺到邊，前提是要組唔怕死又要技術有番咁上下的玩家

例如:小弟

作者: 情場一點紅 時間: 10-4-20 05:58 PM

老生常談

作者: denshir 時間: 10-4-20 06:03 PM 標題: 回復 3# kevin987654 的帖子

= =
唔係成日見你ｏｎ

作者: 小飯._. 時間: 10-4-20 07:34 PM

解決唔到架啦

作者: parco1994 時間: 10-4-20 07:48 PM

仲有輸召-.-

作者: denshir 時間: 10-4-20 09:26 PM 標題: 回復 7# parco1994 的帖子

我本身只講壓線既問題.....
當然召喚不足都係好嚴重既問題.....
紅國有唔少人出qml勁，但係護既人同召都有問題。
首先，紅國唔夠騎係好大問題。
經常都唔係成場唔夠騎，而係谷完第一堆騎之後，就無第二堆。好常見一開頭無召打既時候，紅國就已經有幾隻騎，但係到後期出qml，或者要打敵qml既時候就零騎。
當然每個職業都係好重要啦係國戰，但係我認為冰法同盾戰應該排到最後。(唔係包庇自己)
因為冰法同盾戰都係壓線開路既先鋒，相信大家都唔會否認。

另外，護qml d人都有問題。經常見到d人唔係幫手吹，而係停係度打qml冰左果d人。
咁鍾意打，就應該出騎打敵騎，一定高傷。

作者: denshir 時間: 10-4-20 09:27 PM

原帖由 小飯._. 於 10-4-20 07:34 PM 發表
解決唔到架啦

搞唔到都要搞嫁._.
睇住咁落去唔係辦法....
所以先要開post

作者: 武用鬼 時間: 10-4-20 09:36 PM

第七,唔夠團結
講真開個VT出黎都仲係有小圈子風氣-.-

作者: denshir 時間: 10-4-20 09:50 PM

原帖由 武用鬼 於 10-4-20 09:36 PM 發表
第七,唔夠團結
講真開個VT出黎都仲係有小圈子風氣-.-

大團唔夠團結.....唉
呢個問題要咁多個大團都一齊面對

作者: kevin987654 時間: 10-4-20 11:51 PM

原帖由 denshir 於 10-4-20 06:03 PM 發表
= =
唔係成日見你ｏｎ

因為我隻隻角色都會玩，所以周圍轉來轉去

作者: 小飯._. 時間: 10-4-21 12:42 AM

講完等於沒講不過你講得岩唔得都係要做

作者: 路人荿 時間: 10-4-21 01:18 AM

打得多街場
越打越變得好似單兵作戰
就算有團友在身邊依然無法將背後交托

敵人隻眼望前 (只想着多殺幾件雞)
我地隻眼望後 (後面仲有無人支援?)

作者: 小緒 時間: 10-4-21 03:10 AM

想唔好前線前邊同後邊有15個身位呢
我就有一個提議既
第一當然要組人組左人重要D人一定要跟住行(你組既一定係自己人啦自己人都唔幫你唔一齊行咁你吊下佢唔該) 實行日本傳說中既小組風氣
第一組人都唔要亂咁組組5隻雷法組黎把能一齊玩食技刀遊5隻組埋緊加ON9 -_- 自己5隻係人地主水慢慢玩玩5連介?
起馬前線組既一隻盾2隻雙手戰 2隻法/一隻法+其他職要平衡先會發揮到實力
組人無咁令既到起馬有戰士有法有D前有D後 5隻前又無人幫你後邊救你 5隻後又無人幫你地頂
最好組開邊D就組返個D人夾開有感情做野都快手D

重有追D無血人講真一隻雞你曬幾分鍾去追好唔抵重要係4 5隻去追WA 追人1分鍾追殺唔到由佢啦放佢返前線囉

作者: 我是雞仔 時間: 10-4-21 12:35 PM

到時出新技

我地的遊俠千其唔好亂用閃光.......

否則又多個問題.....

作者: 神之鬥士 時間: 10-4-21 02:42 PM

如果紅國夠人
就一齊玩pvp
打完之後做事後檢討
最好搵埋d新手一齊
教一教佢地
可以咁就最好

作者: 小緒 時間: 10-4-21 03:54 PM

隻雞扒永遠到係9唔答8

作者: denshir 時間: 10-4-21 07:17 PM

原帖由 小飯._. 於 10-4-21 12:42 AM 發表
講完等於沒講不過你講得岩唔得都係要做

靠你既感染力去令紅國改變....

作者: denshir 時間: 10-4-21 07:26 PM

原帖由小緒於 10-4-21 03:10 AM 發表
想唔好前線前邊同後邊有15個身位呢
我就有一個提議既
第一當然要組人組左人重要D人一定要跟住行(你組既一定係自己人啦自己人都唔幫你唔一齊行咁你吊下佢唔該) 實行日本傳說中既小組風氣
第一組人都唔要亂咁組 ...

開組的確係需要，但係最理想既唔係組自己人，而係根據職業分組。
例如擊劍同火法唔好自己打，無識既人都搵隻盾或者冰法組下。
雙手戰可以自行選擇跟盾定係組雙手搵食。
如果可以的話，每組都應該有一隻盾，2-3隻高輸出，同埋一隻冰法(紅國好少冰法同盾-_-)或者一隻弓。
我覺得淨係組自己友打唔夠好，除非你果組d職好齊。我有時見到d組有3隻盾戰+一弓一雙手，或者4法一雙手，甚至亂組。
呢d組合都好弱- - (5個都係神人就例外啦)
多d同其他團既人組隊除左可以磨練你打小隊既技術，亦可以令團與團之間更融洽。

作者: denshir 時間: 10-4-21 09:33 PM

原帖由 神之鬥士 於 10-4-21 02:42 PM 發表
如果紅國夠人
就一齊玩pvp
打完之後做事後檢討
最好搵埋d新手一齊
教一教佢地
可以咁就最好

其實教都要分2方面，第一係技術層面(出招既準成，連技運用等等)，第二係戰術層面。
我覺得第1階段最好要佢地自己體會。準成同連技係講感覺，要自己打下打下先有。當然前輩可以向新手分享自己既經驗，但係切忌用指責既語氣話新手。
第2階段最好就係大團收新手，然後組佢地打國戰。係打既途中解釋各種戰術，最重要係解釋(好似點解低lv要出騎，點解巨營唔好起咁近據點等等)。淨係話佢知要咁做無用，咁只係點佢做，而唔係教佢做。
亦煩請其他團要俾d耐心，唔好見到新手做錯野就鬧佢，甚至鬧埋個團。

作者: 我是雞仔 時間: 10-4-21 11:40 PM

原帖由小緒於 2010-4-21 03:54 PM 發表
隻雞扒永遠到係9唔答8

呀奈話

我的技術進步課,有排要學.

唔想到時比人問,你打左咁耐,仲係咁的技術.

自己都知咩野係羞家啦....

作者: denshir 時間: 10-4-22 02:16 AM

原帖由 我是雞仔 於 10-4-21 11:40 PM 發表

呀奈話

我的技術進步課,有排要學.

唔想到時比人問,你打左咁耐,仲係咁的技術.

自己都知咩野係羞家啦....

最緊要肯學....

作者: kuok1234 時間: 10-4-22 03:32 AM

原帖由 denshir 於 10-4-22 02:16 AM 發表

最緊要肯學....

問題係佢學左年幾，都係.............

你要接受一個現實係，有d人天資有限，真係學極都唔得

[ 本帖最後由 kuok1234 於 10-4-22 03:35 AM 編輯 ]

作者: kuok1234 時間: 10-4-22 03:33 AM

原帖由小緒於 10-4-21 03:54 PM 發表
隻雞扒永遠到係9唔答8

隻雞一入，成個po當堂多左

味

作者: charlie仔仔 時間: 10-4-22 10:38 AM

箭手破冰 , 雷D打暈 , 1盾對10盾 , 箭手雷法人數 X 2

作者: 我是雞仔 時間: 10-4-22 04:26 PM

原帖由 kuok1234 於 2010-4-22 03:32 AM 發表

問題係佢學左年幾，都係.............
你要接受一個現實係，有d人天資有限，真係學極都唔得

打算橙橙出左銃的話,就立即去重點技能

之後訓練下...... 就去打場比奈姐睇. (用dxtory)

但係技能就仲味計算好.......

而家都有個片嫁,不過唔想PO出來住.

奈姐話,紅國個個人想進步,呀雞你係唔係仲想原地踏步,一D進步都冇呢.

比人咁講,自然就有D不服嫁啦,但係自己唔岩的地方的確係技術唔好.

唔通想比人笑咩.

作者: Wingmiac 時間: 10-4-22 09:09 PM

想紅國同胞落踏, 要show 比佢地睇有乜so先有得傾(傾only)

作者: denshir 時間: 10-4-23 12:20 AM

原帖由 kuok1234 於 10-4-22 03:32 AM 發表

問題係佢學左年幾，都係.............
你要接受一個現實係，有d人天資有限，真係學極都唔得

=_=真係咁咩？？

作者: denshir 時間: 10-4-23 12:22 AM

原帖由 charlie仔仔 於 10-4-22 10:38 AM 發表
箭手破冰 , 雷D打暈 , 1盾對10盾 , 箭手雷法人數 X 2

咁你覺得有咩解決辦法?
講問題係唔足夠既，要令紅國改變就應該講解決辦法，而唔係單單沉醉喺以前做錯d咩。

作者: denshir 時間: 10-4-23 12:23 AM

原帖由 Wingmiac 於 10-4-22 09:09 PM 發表
想紅國同胞落踏, 要show 比佢地睇有乜so先有得傾(傾only)

我相信總有想令紅國強大既人在

作者: 櫻色幻想 時間: 10-4-23 03:27 PM

講多無謂，行動最實際。
係想改既話.....想搞番起紅國既法弓朋友們可能就要轉一轉職先——
話哂有樣野叫以身作則嘛.......

作者: kuok1234 時間: 10-4-23 09:31 PM

原帖由 denshir 於 10-4-23 12:20 AM 發表

=_=真係咁咩？？

真係咁
你有無試過同d靚仔靚妹補習，補到佢上中5 仲可以成日錯先乘除後加減未???

你吊住佢計數就可以記得有先乘除後加減

一到佢自已一個人去考試就唔記得先乘除後加減

作者: denshir 時間: 10-4-24 12:05 AM

原帖由 kuok1234 於 10-4-23 09:31 PM 發表

真係咁
你有無試過同d靚仔靚妹補習，補到佢上中5 仲可以成日錯先乘除後加減未???
你吊住佢計數就可以記得有先乘除後加減
一到佢自已一個人去考試就唔記得先乘除後加減

呢個比喻幾好-_-

作者: 小飯._. 時間: 10-4-24 12:42 AM

以身作則左好耐所以至今重係三職未40

作者: feisss 時間: 10-4-25 02:58 AM

近排考試停玩左,
依幾日玩返覺得紅國好似強左同變好左

歡迎光臨 2000FUN論壇 (https://www.2000fun.com/)