2000FUN論壇

標題: 甄子丹下一步 [打印本頁]

作者: Fai704 時間: 10-5-4 10:39 PM 標題: 甄子丹下一步

(綜合報道)

(星島日報報道)

甄子丹新片《葉問2》四日收千萬元，有望打破新春期間由《72家租客》所創下的三千多萬元紀錄。看來，港產片票房今年將可大幅度回升，連《歲月神偷》都收二千三百萬元，年度的十大賣座片，不會再出現過不了千萬元也跑入圍的「羞家」現象了。

　　今年是甄子丹年已毋庸置疑，年初的《錦衣衞》，年中的《葉問2》，還有年底劉偉強《精武風雲》中演陳真，完全是由頭到尾都咁「勁揪」！

　　甄子丹現正忙於在涿州拍攝麥兆輝、莊文強的《關雲長》，他演關公，姜文演曹操，絕對有睇頭。然後大家期待，連神枱上的關二哥都演了，「宇宙大王」下一部還能拍甚麼？

　　拍甚麼是次要，拍打戲請誰當他的對手才是關鍵所在！一直有傳他會和泰國最好打的Tony Jaa合作，作為功夫迷，肯定翹首以待！但問題兩個地球上最好打的人碰在一起，誰願打輸？利益分配又如何？

　　我覺得甄子丹的下一步，其實最可能回歸美國，進軍荷里活！大家要記得，甄子丹最初乃由美國來港，師傅袁和平先把他送到北京「加操」，回流香港拍打片才成名。時隔四分一世紀了，甄子丹今天已成為華人影壇最具號召力巨星。成龍大哥五十幾了；李連杰早宣布不再拍功夫片；發哥，根本美國人不需要他這類型！中國崛起，荷里活已知道內地市場的重要性，甄子丹回去，收二千萬美元片酬，絕對物有所值，大把世界！

　　manfredw@netvigator.com

　　(我的遊樂場文雋)

作者: ac1111hk 時間: 10-5-6 10:16 PM

甘樣谷法 , 好易出事 , 身為功夫片迷 , 寧願他一年拍一部 , 在他壯年拍多d仲好!

作者: kwan183 時間: 10-5-7 12:39 AM

聽聞佢同周董拍葉問3喎

作者: Fai704 時間: 10-5-7 01:14 AM

原帖由 kwan183 於 10-5-7 00:39 發表
聽聞佢同周董拍葉問3喎

流料
前幾日報道講左唔會拍葉3

作者: Raymond豪 時間: 10-5-9 05:07 AM

我敢肯定香港未來 7~8年既武打片都係甄子丹既世界, 另外仲有吳京, 不過近一兩年開始靜左, 自從佢自己執導左套爛片狼牙之後就好似冇拍戲喇, 期待~~~~更期待既係精武風雲, 佢再一次演繹陳真呢個角色, 記得細個睇亞視既精武門佢又係做陳真, 女主角係萬綺紋, 超好睇囉

!!

成龍個啲根本就唔算武打片, 佢個啲只可以叫動作片囉~~~~~~

作者: Fai704 時間: 10-5-9 12:16 PM

原帖由 Raymond豪 於 10-5-9 05:07 發表
我敢肯定香港未來 7~8年既武打片都係甄子丹既世界, 另外仲有吳京, 不過近一兩年開始靜左, 自從佢自己執導左套爛片狼牙之後就好似冇拍戲喇, 期待~~~~更期待既係精武風雲, 佢再一次演繹陳真呢個角色, 記得細個睇亞視既 ...

亞視播精武門
係我細個時少數會追睇電視劇集之一
電影版一定要睇

歡迎光臨 2000FUN論壇 (https://www.2000fun.com/)