2000FUN論壇

標題: 正確的討論態度(自認XD) [打印本頁]

作者: brianho11 時間: 10-5-14 12:39 PM 標題: 正確的討論態度(自認XD)

雖然已經唔係d乜野特別事啦
隻隻game都有人鬧代理 <<<<<<岩岩改返~之前打錯字
大家睇我呢個post之前，我先聲明
我唔係話橙岩哂!!只係我見有人盲目喪鬧!!
另外我唔係駁出位!!只係有個句講個句姐!!
以下係字海，怕悶，硬頸既人就唔好睇啦~
因為你地一定會插我!

入正題= =
近排有好多人鐘意玩逐點擊破，咁我就學下人 =v=

第一樣野：橙成日維護，又唔見成效，又唔講整好左d咩，咁不知所謂既??
係!! 唔見成效、唔講整好左d咩，呢d絕對係代理做得唔好既野，唔好既地方係令玩家感到混亂。
但係...我見平日有d人士一dd搞錯左
佢地抱怨既，唔係『冇成效、冇通告』，而係「做乜野成日維護呀!!」
首先，「封測」期間，日日維護唔正常? 唔係丫~~都係為左修補問題姐~~
咁某些人士點解仲要盲目咁鬧呢??
要鬧，就鬧「喂!橙! 你維護冇所謂呀，呢d係你既工作，不過保持高d透明度好wo!」

第二樣野：回溯
呢樣野冇得講.....database問題，代理有時都冇辦法，但係咁樣唔代表佢冇問題
而玩家倒不如自己盡量預防一下，唔係有事個陣都冇交嗌
database既更新多數會係︰
1)每日既某一個鐘數，我諗正常應該係0000
2)玩家登出時最後3s，因為我留意倒，你關game最後3s係唔比取消，我猜測作用係防止更新database時有變數
3)維護前一段時間 (但係我肯定橙有冇做到)
而回溯有兩大種 (如有講漏左，請提點)
1)database更新時有錯誤，例如維護前趕唔徹係15s內登出，影響database更新既時候既數據
通常呢類會回少d
2)因為整理bug既時候，內容同以往玩家所做既野有關係，有修補bug有必須回溯，否則單單回一兩個人會有好大既麻煩
(我諗大家知我講咩麻煩，但係呢種回法多數都回好多，.....我向各位回左好多溯既玩家默哀= =)

第三樣野︰死黑橙，一日淨係識得呃錢
無疑...佢呃錢...我自己都有d覺，但係係咁鬧佢呃錢又有咩用呢
如果佢地係有心呃既，係佢地角度，只會諗「超!我肯呃你肯比，你情我願」
你地講咩都係意見接受，態度照舊

第四樣野：話人硬膠、傻仔、低能、無知、小學雞、幼稚........etc
某些士可能覺得咁樣話人好型，可以踩低人、抬高自己
No!!
比外人睇倒，反而感覺更差。
當你話人膠既時候，其實你自己都成為左膠人 =﹏=
每個人有唔同既睇法，你係唔可能控制。
你只有兩個正面既選擇
1)接受
2)不同意，亦良好既心態提出自己既意見
thats all
意圖去同化、踩低人，唔會有成效之餘，仲會增加雙方既憎恨
最後變成純粹罵戰

冇幾耐之前，呢個版有場罵戰，大家見倒覺唔覺得好無聊先??
佢地係就係有自己意見，不過來來去去講極都係個兩三個，唔緊要
最主要係佢地不停去攻擊對方既想法，企硬自己既立場
有立場係好，但係太極端就唔係一件好事lo

就我自己睇，佢地個個講既野都唔係冇道理，只係某d人一見同自己唔岩key就插
文化沙漠咪就係咁慢慢形成架lo...

小學雞，細個可能唔明一d事，唔緊要! 我地呢d大個d既，成熟少少既話返比佢地聽究竟係咩一回事
而唔係開口埋口"咪膠啦!小學雞!"
有時我見倒d人講呢d野...心裡真係有一句「你咪侮辱左一d正常既小學生...」

以下係我認為真正既良好表達意見
點解我地唔試下心平氣和d講野呢??
用維護冇成效一題做例，點解唔可以變成咁呢??
『大家覺唔覺近排橙雖然日日維護，但係都唔見有咩成效呀?
最慘係佢連整好左d咩都冇講到 = =
咁樣對我地既知情權有少少唔公平wo....
不如我地向官方反映下
無結果都叫有行動過丫』
right? 咁樣好聽幾多~
總好過

『死臭橙，一日只係識昆錢，bug一堆又唔整好佢
聽汁啦你!!! 』

==================== 我係分格線=﹏= =======================
最後我真係希望一d仲係處於暴奮狀態既人諗下
講d乜野先係對個環境好，盡量同人和諧咁生存下

唔該哂nanogear 話我聽我double左個 post ^^||
可能搞到有d人睇我個post睇倒流哂汗xd

[ 本帖最後由 brianho11 於 10-5-14 01:49 PM 編輯 ]

作者: aesopu85441 時間: 10-5-14 12:44 PM

發post討論方面 : 我覺得應該首先第一個發post的樓主耍有禮貌為大前題先@@連個標題都爆曬粗罵曬人全家人地已經會扯曬火
但係我覺得吾大家應該咁燥底....佢做野方式大家心照。無謂去怒氣

[ 本帖最後由 aesopu85441 於 10-5-14 12:46 PM 編輯 ]

作者: nanogear 時間: 10-5-14 12:45 PM

小部份唔同意但係大部份都同意, 因為我同你理解有少少唔同
but, 點解要post2次?

你見解有部份係基於佢目前係封測狀態
但係我唔同意呢次係實際意義既封測
我認為今次係以封測為名義, 實際上已經係收費營運

1. 封測定義之一, 名額問題
點解封測要限名額, 首先係因為程式封測中穩定性同安全性都未有保障
為不影響大部份潛在客戶, 出事時減少負面影響, 所以限人
但係橘子無限人, 亦唔見佢有心減少對客戶既壞影響, 因為我見佢回溯左好多次都冇停商城, 反而加商品
根本冇心減少負面影響

除非server爆滿=限人

2. online game測試原則上一定要刪檔, 公測封測都要
因為有時有d bug, 同有d設計不良既地方會嚴重影響公平性
唔係講緊有d人可以升快d第一個封頂呢d膚淺問題
我講緊可能會有複製等嚴重問題

封測目的係搵bug, 有bug好正常, 出bug就冇可能擔保冇後遺症
真係有心封測冇可能不刪檔

3. 已經有商城=已經收費

基於上述三點, 我認為今次係收費營運, 唔係封測, 唔係公測
既然佢唔係測試, 回溯當然不可忍(尤其商品消失轉蛋回溯), 冇預警停機當然不可忍, 頻頻停機當然不可忍...
如果冇人發火冇人嘈, 佢以後隻隻game都係咁都唔緊要, 最多唔玩橘子d game
我怕以後間間公司都學佢
咁以後真係無得揀啦

[ 本帖最後由 nanogear 於 10-5-14 02:58 PM 編輯 ]

作者: brianho11 時間: 10-5-14 12:46 PM

原帖由 aesopu85441 於 10-5-14 12:44 PM 發表
我覺得應該首先第一個發post的樓主耍有禮貌為大前題先@@連個標題都爆曬粗罵曬人全家人地已經會扯曬火

嗯! 你岩~~
我加反句先-﹏-
不過我怕有d人會好有"禮貌"咁數人地全家= =

原帖由 nanogear 於 10-5-14 12:45 PM 發表
小部份唔同意但係大部份都同意

but, 點解要post2次?

下? post 2次??
我有咩??

作者: 死肥鬼 時間: 10-5-14 12:46 PM

十分同意

"有立場係好，但係太極端就唔係一件好事lo"
e句好好

有時大家都集中埋一點睇game/人
冇咩必要

善意批評岩
不過大家注意下自己既一字一句

維修都有兩面
第一面:死爛橙維維維,維乜春,晒x晒我d時間!
第二面:有bug就要維=]

大家互相忍讓下
開心玩game

作者: aesopu85441 時間: 10-5-14 12:47 PM

原帖由 brianho11 於 10-5-14 12:46 PM 發表

嗯! 你岩~~
我加反句先-﹏-
不過我怕有d人會好有"禮貌"咁數人地全家= =

噗 A_A 的確有D高手可以有禮貌咁數齊曬人地祖宗十八代

作者: 逸乂 時間: 10-5-14 12:49 PM

已閱。　　　　　　　　　　　

作者: aesopu85441 時間: 10-5-14 12:49 PM

同埋我覺得日日維都無咩問題又吾係某d人有得玩某d人無得玩大家公公平平咁樣仲好@@有時間沖下涼洗個面繼續爆肝，我就繼續hea升吹水佢維吾維護到d野出黎已經吾成問題等如番學一個小息咁睇你點樣去善用呢個小息時間放鬆自己。

作者: brianho11 時間: 10-5-14 12:52 PM

原帖由 aesopu85441 於 10-5-14 12:49 PM 發表
同埋我覺得日日維都無咩問題又吾係某d人有得玩某d人無得玩大家公公平平咁樣仲好@@有時間沖下涼洗個面繼續爆肝，我就繼續hea升吹水佢維吾維護到d野出黎已經吾成問題等如番學一個小息咁睇你點樣去善用呢個小息 ...

好笑 = =
我以為你話
"咁樣仲好@@有時間沖下涼洗個面唔洗太沉迷"
點知...都係爆肝= =

作者: mightychily 時間: 10-5-14 12:56 PM

大部份同意你既講法..
有關呃錢部份...想補充..

佢封測開商城呢一點...好難講岩定唔岩..
因為冇明文規定封測唔可以開商城..何況佢係免費game.
呢個問題主要係...好多人受唔住誘惑..
隻game既質素大家有眼睇都去入點又扭蛋又時裝呢樣果樣...
我覺得係呢隻game洗左500以上既人應該撿討下..
就係因為佢咁既質素都可以令你心甘情願俾咁多錢,點解仲要投資落遊戲度(eg.開更多server,改bug)

支持樓主..
大家係時侯冷靜少少...

題外話...
我分享左一篇防回溯既文章..都可以俾人暗串..
就証明左呢各位真係俾橘子激親...

作者: aesopu85441 時間: 10-5-14 12:58 PM

原帖由 brianho11 於 10-5-14 12:52 PM 發表

好笑 = =
我以為你話
"咁樣仲好@@有時間沖下涼洗個面唔洗太沉迷"
點知...都係爆肝= =

某D人ja - - 我爆肝就吾會中係得32 lv......果d賣game幣為生果d人先要爆肝佢地都係人，吾係萬能@@都要有時間抖下

[ 本帖最後由 aesopu85441 於 10-5-14 12:59 PM 編輯 ]

作者: littlehoiyi 時間: 10-5-14 01:18 PM

我都好認同樓主的講法

不過爛橙的做法真是不敢認同

其實第一點同第二點維修及回溯在CB的大前提之下是好正常既事,
問題是橙係CB之下推出商城
係呀...賣買既野你情我願,
但是在一個可以在官網自由申請及有商城賣的CB底下,
都幾易令人誤會是公測,
有誤導之嫌,
以大多數的遊戲公司為例子,
CB=CLOSE BATA, 商城只會作為測試之用, 可能會免費送點給測試玩家之用, OB再作刪除
所以我覺得所有嘈吵既問題根源都是在於此GAME是CB但又賣商城及自由申請不刪檔...
我覺得這個是營運錯誤, 如果現在是刪檔CB, 跟本沒什麼可以給人嘈了..

公司要賺錢所以遊戲要快點出商城???
如果一間公司只是靠一隻GAME賺錢....
我想應該好快摺埋-.-
只是我覺得香港推出先是想用香港作為白老鼠,
所有BUG及測試好後, 再在台灣日本這些大土地推出,
由於白老鼠測試期唔好浪費...所以順便推出商城賺錢

作者: kennyhihi 時間: 10-5-14 01:18 PM

大家覺唔覺近排橙雖然日日維護，有做表面的改善措施，但係其實有無諗過多維護=回溯機會越高=多玩家投拆=多玩家流失=論壇越多抱怨文&罵戰?
沒錯!維護係為左修補問題,但也會產生問題
不如我地向官方反映下!

作者: Dipsy 時間: 10-5-14 01:23 PM

睇下幾多人推薦都知咩事, 講完好似無講...gamania 比人叼咗咁多年, 唔會變,

自己睇下D台灣玩家點講啦...

作者: kennyhihi 時間: 10-5-14 01:27 PM 標題: 回復 14# Dipsy 的帖子

唔係既,無結果都叫有行動過ma,我好同意樓主講法,起碼所有人都有同一種觀念,就係一心為隻game好
所以都推薦左!

作者: Dipsy 時間: 10-5-14 01:30 PM

原帖由 kennyhihi 於 10-5-14 01:27 PM 發表
唔係既,無結果都叫有行動過ma,我好同意樓主講法,起碼所有人都有同一種觀念,就係一心為隻game好
所以都推薦左!

我地為GAME好?頂多唔好用外掛喇, 黑橙呢? 掛住搞商城喇

作者: brianho11 時間: 10-5-14 01:33 PM

原帖由 littlehoiyi 於 10-5-14 01:18 PM 發表
我都好認同樓主的講法

不過爛橙的做法真是不敢認同

其實第一點同第二點維修及回溯在CB的大前提之下是好正常既事,
問題是橙係CB之下推出商城
係呀...賣買既野你情我願,
但是在一個可以在官網自由申請及有商 ...

佢既做法可圈可點，所以你見我對佢都唔作d乜野評論

原帖由 Dipsy 於 10-5-14 01:23 PM 發表
睇下幾多人推薦都知咩事, 講完好似無講...gamania 比人叼咗咁多年, 唔會變,

自己睇下D台灣玩家點講啦...

唉....我都冇話佢會變-.-
只係預期做無為既罵戰，倒不如講d有建設性d既野
如果有人真係去投訴，只罵不及如何改善同提出意見相比
如果橙係理既
我覺得橙可能會理提出意見個邊咁姐...

不過我自問都冇咩勝算架啦

作者: nanogear 時間: 10-5-14 01:43 PM 標題: 回復 4# brianho11 的帖子

唔信你重頭睇下自己個post...

作者: brianho11 時間: 10-5-14 01:50 PM

原帖由 nanogear 於 10-5-14 01:43 PM 發表
唔信你重頭睇下自己個post...

嘩= = 係wo...咁鬼神既我~~
唔該哂你

作者: kawah1111 時間: 10-5-14 01:51 PM

字海

好抱歉都要講句
2kf o係某程度變左商業性攻擊

a公司知道遊戲營運,人氣高,就開個acc 小媽插蟹
依樣野一定會有
冇人搞事,就唔會有咁多玩家出聲,
even聲援,再插都好
其實放眼留意唔難

但係影響最深既
都係一班年齡比較細既玩家
人云亦云

做得依樣野..就遇左bad looping..
只怪...有人眼紅吧了

依樣係我睇到既野.....不喜請閣下自理

作者: brianho11 時間: 10-5-14 02:03 PM

原帖由 kawah1111 於 10-5-14 01:51 PM 發表
字海

好抱歉都要講句
2kf o係某程度變左商業性攻擊

a公司知道遊戲營運,人氣高,就開個acc 小媽插蟹
依樣野一定會有
冇人搞事,就唔會有咁多玩家出聲,
even聲援,再插都好
其實放眼留意唔難

但 ...

SORRY....我係問句...2kf係咩 = = <<<係 "我想問句" 打錯字
但係我明你講緊乜野
有呢種人存在完全唔出奇
不過我眼見好多都唔似係...
學你話人云亦云而已....
打機啦~~

[ 本帖最後由 brianho11 於 10-5-14 02:08 PM 編輯 ]

作者: kawah1111 時間: 10-5-14 02:04 PM

原帖由 brianho11 於 10-5-14 02:03 PM 發表

SORRY....我係問句...2kf係咩 = =
但係我明你講緊乜野
有呢種人存在完全唔出奇
不過我眼見好多都唔似係...
學你話人云亦云而已....
打機啦~~

2000 fun lol

重點O係人云亦云果度

作者: brianho11 時間: 10-5-14 02:05 PM

原帖由 kawah1111 於 10-5-14 02:04 PM 發表

2000 fun lol

重點O係人云亦云果度

哦哦= = 哈哈我明啦
2k =2000
f=fun
唉....冇計...小人死蠢 XD

作者: kawah1111 時間: 10-5-14 02:07 PM

原帖由 brianho11 於 10-5-14 02:05 PM 發表

哦哦= = 哈哈我明啦
2k =2000
f=fun
唉....冇計...小人死蠢 XD

我習慣者~sor~
而且我都會同意你好多講法,希望多d人會明

作者: 234432 時間: 10-5-14 02:08 PM

好好好

好多字冇睇到 88

作者: littlehoiyi 時間: 10-5-14 02:09 PM 標題: 回復 22# kawah1111 的帖子

如果營運得好, 又何怕其他公司商業性攻擊呢?
其實d人嘈來嘈去都是個幾樣野~唉

作者: nanogear 時間: 10-5-14 02:13 PM 標題: 回復 20# kawah1111 的帖子

其他公司可以開acc插
橘一樣可以開acc幫自己講野

2000fun問題...

作者: brianho11 時間: 10-5-14 02:18 PM

原帖由 littlehoiyi 於 10-5-14 02:09 PM 發表
如果營運得好, 又何怕其他公司商業性攻擊呢?
其實d人嘈來嘈去都是個幾樣野~唉

原帖由 nanogear 於 10-5-14 02:13 PM 發表
其他公司可以開acc插
橘一樣可以開acc幫自己講野

2000fun問題...

你地get錯哂啦唔係其他公司攻擊橙
你地要知 2kf 係免費論壇，靠廣告賺錢
咁點吸引倒人比錢佢賣廣告呀?
就係論壇多人睇
點先知多人睇?? 就係多人講野
咁如果冇人講野點算呀?
搵人出黎講lor!
我唔咁白講出黎
咁你而家明頭先位人兄講咩未

作者: djkakwan22 時間: 10-5-14 02:21 PM

你究竟係唔係爛橙既打手?

咁我問你一樣野
日日都維護尋日維護出左商城野佢咁得閒去整商城又唔整好個SER?
而且領地仲回晒係唔係又係保障權益?

保橙黨既朋友請解釋!

作者: nanogear 時間: 10-5-14 02:26 PM 標題: 回復 28# brianho11 的帖子

get到...同台灣某某遊戲網站排行榜一樣
咁我地咪幫左橘宣傳?

我想提醒將會回覆既人
有d人擺到明離哂題既人你最好唔好應佢

[ 本帖最後由 nanogear 於 10-5-14 02:29 PM 編輯 ]

作者: brianho11 時間: 10-5-14 02:26 PM

原帖由 djkakwan22 於 10-5-14 02:21 PM 發表
你究竟係唔係爛橙既打手?

咁我問你一樣野
日日都維護尋日維護出左商城野佢咁得閒去整商城又唔整好個SER?
而且領地仲回晒係唔係又係保障權益?

保橙黨既朋友請解釋!

請你唔好誤會，我亦非保橙，我只係一個論者
我冇話過橙既行為係完全正確!!
我只係話維修係佢地要做既工作，日日維修唔係佢地既錯!!
但係唔該你自己睇清楚我個post係打d乜野!!
我好清楚表示過我既立場唔係支持橙既!!

原帖由 nanogear 於 10-5-14 02:26 PM 發表
get到...同台灣某某遊戲網站排行榜一樣

咁我地咪幫左橘宣傳?

某程度係架= =不過算啦... 理得佢幾多
我只係覺得如果佢係要用咁既手法...
都唔係粗言粗語丫......有好多細既係到睇緊post架ma

[ 本帖最後由 brianho11 於 10-5-14 02:28 PM 編輯 ]

作者: asthetic 時間: 10-5-14 02:28 PM

我想回答一點問題:
1)關於維護問題
其實橘子佢做左好多野
比如說以前36>41不用5小時這個BUG也改了
橘子更加沒必要公佈他維護了什麼
因為可能有極多的BUG要處理,他每個都說出來是完全沒有意義
正如你不會在買車的時候要求廠商將這車由第一天設計到完成的錯誤部份都列個表出來

2)關於橘子A錢問題
不能以其他公司不會"這樣那樣"來說橘子不能這樣
橘子在封測其間開放商城沒有任何問題
這只不過是營運手段而已
最後,關於騙錢問題
商城買賣是自願性質,加上
橘子是商業機構,不是慈善機構....
說完

作者: asthetic 時間: 10-5-14 02:30 PM

"日日都維護尋日維護出左商城野佢咁得閒去整商城又唔整好個SER?"

天天都維護就是為了弄好那些BUG
然後被說不幹活,天天都維護

弄多幾個SER要錢的,
要錢,所以出商城,
然後被說騙子

再說多次了:橘子是商業機構,不是慈善機構....

作者: littlehoiyi 時間: 10-5-14 02:31 PM

原帖由 brianho11 於 10-5-14 02:18 PM 發表

你地get錯哂啦唔係其他公司攻擊橙
你地要知 2kf 係免費論壇，靠廣告賺錢
咁點吸引倒人比錢佢賣廣告呀?
就係論壇多人睇
點先知多人睇?? 就係多人講野
咁如果冇人講野點算呀?
搵人出黎講lor!
我唔咁白 ...

依家明曬~

但是我上官網看, 有2KF的文章列表,
差不多大半都係鬧緊橙既,
咁負面的宣傳也沒咩用`

作者: brianho11 時間: 10-5-14 02:32 PM

原帖由 asthetic 於 10-5-14 02:28 PM 發表
我想回答一點問題:
1)關於維護問題
其實橘子佢做左好多野
比如說以前36>41不用5小時這個BUG也改了
橘子更加沒必要公佈他維護了什麼
因為可能有極多的BUG要處理,他每個都說出來是完全沒有意義
正如你不會在買車 ...

大部分認同啦....不過
"每個都說出來是完全沒有意義"
對我自己黎講係
但係你睇下其他人既反應
又話佢冇做過野呀乜乜乜乜咁.....

原帖由 littlehoiyi 於 10-5-14 02:31 PM 發表

依家明曬~
但是我上官網看, 有2KF的文章列表,
差不多大半都係鬧緊橙既,
咁負面的宣傳也沒咩用`

um - - 你要明白世上最好既宣傳就係負面...
因為負面既野有合理同唔合理
唔會理既會比人話....咁先至係宣傳既起步

[ 本帖最後由 brianho11 於 10-5-14 02:34 PM 編輯 ]

作者: littlehoiyi 時間: 10-5-14 02:40 PM

原帖由 asthetic 於 10-5-14 02:28 PM 發表
我想回答一點問題:
1)關於維護問題
其實橘子佢做左好多野
比如說以前36>41不用5小時這個BUG也改了
橘子更加沒必要公佈他維護了什麼
因為可能有極多的BUG要處理,他每個都說出來是完全沒有意義
正如你不會在買車 ...

如果這位朋友有看我的POST,
我有說CB 商城沒問題
問題在於令人誤導是OB及當CB版本需要改善停SERVER回溯等會引起玩家不滿,
如果是沒有商城的CB,
我相信這兒的POST可能少左一半....

正如你不會在買車的時候要求廠商將這車由第一天設計到完成的錯誤部份都列個表出來
你說得對
但買家最後消費的一定是沒問題的車子
有問題的應該會賠償吧?
我相信最近都應該有留意豐田汽車的問題
這個就是根源CB出商城的問題

任何商業買賣都是自願性質,
那就可因為橘子是商業機構,不是慈善機構
把未正式CB好的遊戲推出來大賣?
對呀..那是願打願挨,願者上釣
但是商業者良心何在? 對於普遍是1X-2X歲的青少年的商業者良心何在?
那消費者上來2KF嘈也是預計到的事情而已

作者: asthetic 時間: 10-5-14 02:40 PM

我只是想對那些很喜歡罵人的說
工作人員檢BUG是很痛苦的事
如果每檢一個BUG都要寫一篇報告,
對應檢出來的BUG和實際遊戲
這簡直要了他們的命
我知道這是他們的工作
不過不代表我們不能給予工作者的一點尊重
雖然這是他們的工作,不過為什麼不能學會體諒他們呢?

比如說,在快餐店吃完之後,用紙巾抹枱,把垃圾倒進垃圾桶
即使這是那些清潔人員的工作,
不過為什麼用家就要以高高在上的姿態指罵他人?為什麼不能作些舉手之勞來減輕其他人的負擔?

作者: nick1 時間: 10-5-14 02:41 PM

原帖由 asthetic 於 10-5-14 02:28 PM 發表
我想回答一點問題:
1)關於維護問題
其實橘子佢做左好多野
比如說以前36>41不用5小時這個BUG也改了
橘子更加沒必要公佈他維護了什麼
因為可能有極多的BUG要處理,他每個都說出來是完全沒有意義
正如你不會在買車 ...

你用個例子其實有少少問題,依家我地係買左架車,發現有問題,之後返廠修理,修理完之後間公司無話比你知架車修理左d咩,最後架車還不斷出現問題,你還覺得件事無問題?

作者: aesopu85441 時間: 10-5-14 02:42 PM

黑橘咁多年做野ge經驗，大家心照啦，無謂嘈，就算黑橘睇左我地ge文章，亦吾會覺得會心動【這‧就是爛橙】

作者: littlehoiyi 時間: 10-5-14 02:43 PM

原帖由 asthetic 於 10-5-14 02:40 PM 發表
我只是想對那些很喜歡罵人的說
工作人員檢BUG是很痛苦的事
如果每檢一個BUG都要寫一篇報告,
對應檢出來的BUG和實際遊戲
這簡直要了他們的命
我知道這是他們的工作
不過不代表我們不能給予工作者的一點尊重
雖 ...

我也明白你的論點
樓主也是針對呢點而出POST的~
如果有間中上來看..
其實可以說是積壓怨氣而成吧..
因為確實有些些人已經花了很多商城...:(

作者: littlehoiyi 時間: 10-5-14 02:44 PM

原帖由 brianho11 於 10-5-14 02:32 PM 發表

大部分認同啦....不過
"每個都說出來是完全沒有意義"
對我自己黎講係
但係你睇下其他人既反應
又話佢冇做過野呀乜乜乜乜咁.....

um - - 你要明白世上最好既宣傳就係負面...
因為負面既野有合理同唔 ...

這一個衝人氣的方法真是不敢認同~

作者: asthetic 時間: 10-5-14 02:48 PM

如果這位朋友有看我的POST,
我有說CB 商城沒問題
問題在於令人誤導是OB及當CB版本需要改善停SERVER回溯等會引起玩家不滿,
如果是沒有商城的CB,
我相信這兒的POST可能少左一半....
-------------------------------------------------
不滿是一定有的
不過請體諒一下這是封測
為什麼一定要想成是"打著封測旗號的公測"
而不是想成是"開放商城的封測?"

正如你不會在買車的時候要求廠商將這車由第一天設計到完成的錯誤部份都列個表出來
你說得對
但買家最後消費的一定是沒問題的車子
有問題的應該會賠償吧?
我相信最近都應該有留意豐田汽車的問題
這個就是根源CB出商城的問題
--------------------------------------------------------------
橘子都說了這是封測
也就是等於是試驗版
還有
你舉錯例了
豐田是把完成品拿出來賣,然後有問題
橘子是把半成品拿出來賣,而且也說清楚這是未完成版,有錯?這是自然的
更何況
BUG這些事在軟件界多不勝數
即使是那些已完成的遊戲有BUG也是正常的吧
有BUG就改了,最多也就給點雙經日什麼的,你想一個內測中的GAME賠償?未免太苛刻了點吧

任何商業買賣都是自願性質,
那就可因為橘子是商業機構,不是慈善機構
把未正式CB好的遊戲推出來大賣?
對呀..那是願打願挨,願者上釣
但是商業者良心何在? 對於普遍是1X-2X歲的青少年的商業者良心何在?
那消費者上來2KF嘈也是預計到的事情而已
---------------------------------------------------
那麼,WINDOWS一直也是先把產品推出,然後再慢慢檢BUG,這也是種經營手法
雖然也有人爭議,不過微軟依然是軟件界的龍頭

作者: asthetic 時間: 10-5-14 02:49 PM

原帖由 nick1 於 10-5-14 02:41 PM 發表

你用個例子其實有少少問題,依家我地係買左架車,發現有問題,之後返廠修理,修理完之後間公司無話比你知架車修理左d咩,最後架車還不斷出現問題,你還覺得件事無問題?

問題是,橘子早就說了這是"未完成的車"

作者: brianho11 時間: 10-5-14 02:50 PM

話說...點解我睇唔返d cm 既= =

作者: nanogear 時間: 10-5-14 02:53 PM

原帖由 asthetic 於 10-5-14 02:49 PM 發表

問題是,橘子早就說了這是"未完成的車"

問題是, 橘子為這"未完成的車"做了不少促銷, 出了問題也不停售

作者: hoikitluk 時間: 10-5-14 02:53 PM

一堆字海已吃了..唔唔...很飽呢
食完當然要講d野啦(有入有出!?)

第一點：
每日維修是很正常的吧..
因為這遊戲本身就是第一次推出　本身有很多的問題是唔玩過係唔知的
咁樣日日都維修是很正常的吧　以前的封測OLG都係日日都有維修的啦
我相信只要到左公測就唔會日日維修的了
不過有時我認為改左D咩係應該出公告的　好讓玩家係知道佢有做野的

第二點：
回溯問題其實係大多的遊戲係封測時係常見的問題之一
其中有些原因是因為遊戲中有一些ＢＵＧ是對玩家及遊戲的利益造成影響的
所以就要回溯
另一個原因就是因為資訊輸入伺服服時出錯
這都是因為初期伺服器不穩的原故
希望如果發生了回溯的時候係玩家先通知其他人及去同黑橘講
減少其他人的損失及令黑橘可以即時關ＳＥＲ修復
而唔係上去人地個ＦＢ罵人．．．這是無補於事的．．
當然黑橘本身都要即刻做野．．．唔好等維修時間先順便一次過做．．

第三點
封測就出商城是有點問題的
不過代理是黑橘呢...係OLG界的無人不曉的黑橘
佢最高明的係你明知佢係呃錢，明知你會罵佢
不過就係一邊有人罵，一邊有人問點
所以如果佢黑橘代理的ＯＬＧ你竟一定要預左會咁．．
（講開又講　係咁多個地方的黑橘來講　香港的是最呃錢同最黑的）

第四點
這就不是遊戲本身的問題啦
而是玩家的質素問題，而且不只限在遊戲界中
差不多是整個網絡文化都係咁
成日都有人會人身攻擊而唔係諗下人地講咩的
最後只和雙方為罵而罵　成為了筆戰
當然有人是寫了很「出位」或「欠打」的文章，但你可以不用理會
就算是反擊／回應都不要爆晒粗，又要人身攻擊咁
而是以理力爭．．這是討論區　而不是罵戰區
另外這有一部份是因為討論區的版主不理或加入罵戰有關
又不見台灣某巴字頭的討論區整天有罵戰帖出現．．

整體而言　類似樓主的ＰＯＳＴ好耐以前就出現過無數次
可是也是改變不到網絡世界的生態
不過總好過無人出聲咁啦

作者: asthetic 時間: 10-5-14 02:57 PM

原帖由 nanogear 於 10-5-14 02:53 PM 發表

問題是, 橘子為這"未完成的車"做了不少促銷, 出了問題也不停售

封測不就是為了檢問題嗎?為什麼要停售?
反正我是沒看過因為封測有BUG而要倒閉的網遊

作者: brianho11 時間: 10-5-14 02:59 PM

原帖由 hoikitluk 於 10-5-14 02:53 PM 發表
一堆字海已吃了..唔唔...很飽呢
食完當然要講d野啦(有入有出!?)

第一點：
每日維修是很正常的吧..
因為這遊戲本身就是第一次推出　本身有很多的問題是唔玩過係唔知的
咁樣日日都維修是很正常的吧　以前的封測 ...

我相信思想係可以浸出黎既.....
希望外界會多d 正能量

作者: littlehoiyi 時間: 10-5-14 03:00 PM

原帖由 asthetic 於 10-5-14 02:48 PM 發表
如果這位朋友有看我的POST,
我有說CB 商城沒問題
問題在於令人誤導是OB及當CB版本需要改善停SERVER回溯等會引起玩家不滿,
如果是沒有商城的CB,
我相信這兒的POST可能少左一半....
---------------------------- ...

那麼,WINDOWS一直也是先把產品推出,然後再慢慢檢BUG,這也是種經營手法
雖然也有人爭議,不過微軟依然是軟件界的龍頭

其他我不多回了, 我也是有用WINDOW的,
BATA版的WINDOW是不會有任何金錢的收益的
但現在的幻月之歌是涉及金錢上的收益
什麼是CB, 即是未製成品
利用未製成品而賺取任何的收益是沒經營者的社會良心

打著CB的旗號而想擺脫消費者的投訴及大鬧,
世上沒有這麼好康的事吧?

看這位朋友的文章通順~不是公司來的消毒文吧...?

作者: asthetic 時間: 10-5-14 03:01 PM

正能量+1
不過我覺得最大問題其實是在網路世界太易發表意見,
連一點點的包容空間都不給別人

作者: nick1 時間: 10-5-14 03:03 PM

原帖由 asthetic 於 10-5-14 02:57 PM 發表

封測不就是為了檢問題嗎?為什麼要停售?
反正我是沒看過因為封測有BUG而要倒閉的網遊

佢收得錢就要確保貨品的品質,確保不了就不應該收錢

作者: littlehoiyi 時間: 10-5-14 03:03 PM

原帖由 brianho11 於 10-5-14 02:59 PM 發表

我相信思想係可以浸出黎既.....
希望外界會多d 正能量

我相信如果官方有來看POST也有良知的話...
正能量也會回來~:P

我都係見你個POST幾正面先來回POST~

我自己就以閒玩的心情去玩....所以停機等事也沒很放上心~
(雖然我也有購點~@@因D裝太可愛了...)
但LV就沒衝上來~玩開心便好~

作者: littlehoiyi 時間: 10-5-14 03:07 PM

原帖由 asthetic 於 10-5-14 03:01 PM 發表
正能量+1
不過我覺得最大問題其實是在網路世界太易發表意見,
連一點點的包容空間都不給別人

其實有些事是雙向的
要人包容前
也要本身對人尊重~

但是我由CCB已經開始在此...我真是覺得在經營方針上, 看不出對玩家有任何的尊重
當然那些破口大罵的人是不對~
GM..遊戲設計者及美術員等都枉被白罵
但就體諒那些"有怨沒路訴"的人吧~

作者: nanogear 時間: 10-5-14 03:12 PM

原帖由 asthetic 於 10-5-14 02:57 PM 發表

封測不就是為了檢問題嗎?為什麼要停售?
反正我是沒看過因為封測有BUG而要倒閉的網遊

我說停售是指停賣商城道具, 不是關閉伺服
停賣商城道具是為了減少商城物品被回溯的影響

第二, 請看篇三篇, 我的立場是不相信這次是實際意義上的封測
這次是以封測的名義進行的促銷活動
測試和收費營運的明顯分別在於: 測試目的並不為營利, 而收費營運的目的在於營利
橘子為幻月做了不少的宣傳和促銷, 而促銷的目的是為了增加營利
這很明顯這是收費營運

作者: asthetic 時間: 10-5-14 03:14 PM

其他我不多回了, 我也是有用WINDOW的,
BATA版的WINDOW是不會有任何金錢的收益的
但現在的幻月之歌是涉及金錢上的收益
什麼是CB, 即是未製成品
利用未製成品而賺取任何的收益是沒經營者的社會良心
---------------------------------------------
不知道能不能試試把幻月之歌和商城分開呢?
商城是賺錢的,
而商城的BUG.........沒有,即使有也不多吧?
幻月之歌不是賺錢的,而且是封測中,所以天天維護,有BUG也是正常的
問題只是商城的東西和幻月之歌有關而已
至於社會良心一說,我認為你應該冷靜一下,想一想會不會太誇張呢?

更重要的是..
橘子一直都說這是未製成品,
別人偏要把這意思扭曲,變成"打著封測旗號的公測","不相信這次是實際意義上的封測"等等
這不是對橘子很不公平嗎?
橘子說現在是封測,那對橘子來說就一定是封測,因為這遊戲是橘子的,
每個人對每件事的看法都不同,
哪可能依照個人的意願,一意孤行的認定自己的想法才是對的,
然後對別人加以指責?

打著CB的旗號而想擺脫消費者的投訴及大鬧,
世上沒有這麼好康的事吧?

看這位朋友的文章通順~不是公司來的消毒文吧...?
--------------------------------------------
首先謝謝你說我文章通順
然後你想知道我是不是橘子的工作人員
只要查一查我IP就可以了,我身處美國
而關於封測的問題....
消費?何來的消費?
幻月之歌不是免費網遊嗎?
而且封測有BUG很正常吧?
在封測的時候推出一個基本上已完善,沒有太大BUG的商城來賺錢,有問題嗎?
因為太少遊戲這樣做,所以就不能接受嗎?

[ 本帖最後由 asthetic 於 10-5-14 03:19 PM 編輯 ]

作者: keunggg 時間: 10-5-14 03:20 PM

都係果句- -"
我根本分唔到佢係封測定係公測了= ="
佢依定封測不刪檔 AC重要上官網就申請到...咁重唔係公測?
更何況...回溯左我諗佢點都要作出補償...開下雙經丫...之類都叫做補償下- -
佢比我既感覺係...佢覺得e家封測回溯係好正常= ="
但係e家係咪真係叫封測呢?我個人黎講唔多覺- -

作者: nanogear 時間: 10-5-14 03:24 PM 標題: 回復 55# asthetic 的帖子

1. 幻月之歌不是免費網遊, 商城制是收費形式, 實體產品包也賣完了
2. 既然你身在美國, 在"costomers are kings"的思想背景下, 相信你很清楚, 營運者有義務確保消費者在合理的環境下使用商品. 你認為頻頻維修, 回溯, 是一個合理的伺服環境?

[ 本帖最後由 nanogear 於 10-5-14 03:27 PM 編輯 ]

作者: asthetic 時間: 10-5-14 03:27 PM

我也說過了
請不要把你個人對公測和封測的定義強加於橘子身上
這真的很不公平
公測和封測的分別就只在於商城和申請ac?
這可能只是你個人的想法,不代表橘子的立埸

在我個人而言
封測和公測的分別就只在於官方的態度
如果官方說是封測
天天回溯我也覺得正常
如果官方說是公測
回溯的程度和現在差不多的話,我也一樣會覺得很討厭

1. 幻月之歌不是免費網遊, 商城制是收費形式
幻月之歌是免費網遊, 商城制是營運手法
在你心中什麼才是免費網遊?web game?flash遊戲?還是非法下載的遊戲?
2. 既然你身在美國, 在"costomers are kings"的思想背景下, 相信你很清楚, 營運者有義務確保消費者在合理的環境下使用商品. 你認為頻頻維修, 回溯, 是一個合理的伺服環境?
因為是封測,所以很合理
而且"costomers are kings"是美國產的思想,極不適用於香港,甚至歐洲/亞洲

[ 本帖最後由 asthetic 於 10-5-14 03:32 PM 編輯 ]

作者: keunggg 時間: 10-5-14 03:35 PM

封閉測試(封測)︰
封閉測試（Close Beta Test，簡稱封測或CB）是一個軟件測試過程，較常用於網絡遊戲。相對於公開測試，封閉測試的主要用途是測試軟件的功能和檢查程式錯誤等等，MMORPG的封測結束之後，遊戲公司常會將角色資料刪除，但也有少數不刪的。
公開測試(公測)︰
公開測試，一般常指線上遊戲，在正式營運開始前開放給玩家的測試。此時遊戲並非正式版，因此常用英文OB表示，即Open Beta Test的縮寫。雖然原意是希望玩家能夠提報遊戲bug，但並不是把玩家當做真正的驗證人員。由於通常為免費性質，故常常能夠吸引到大批的玩家參與，可視為另一種行銷策略，另一方面也節省下測試人員的成本，和驗證遊戲穩定度（頻寬及機器是否能負載，又稱壓力測試）的時間。
轉自維基

佢今日真係封測緊?

作者: littlehoiyi 時間: 10-5-14 03:41 PM

原帖由 asthetic 於 10-5-14 03:14 PM 發表
其他我不多回了, 我也是有用WINDOW的,
BATA版的WINDOW是不會有任何金錢的收益的
但現在的幻月之歌是涉及金錢上的收益
什麼是CB, 即是未製成品
利用未製成品而賺取任何的收益是沒經營者的社會良心
------------- ...

幻月之歌不是賺錢的,而且是封測中,所以天天維護,有BUG也是正常的
問題只是商城的東西和幻月之歌有關而已
所以我從一開始就已經說..這真是問題的死穴了~
至於社會良心一說,我認為你應該冷靜一下,想一想會不會太誇張呢?
從一間"誇" 國公司來說, 需要擁有社會良心我覺得並沒有太誇張
要知遊戲的消費者應該是以1X-2X的人為主, 可以說是年齡還淺的朋友
用這一種手法令他們消費, 我真是覺得完全沒有社會責任及良知

還有我剛去了看看便行店購買的$28產品,
盒上是完全沒有提及過是封測的,
這如果購買者真是單純看了產品包喜歡而購買, 回家一看官網(甚至有些小朋友會不看幻月官網...)跟本好難知悉或跟本不知這是需要維修的CB來啊~
這就是說的誤導問題

因為太少遊戲這樣做,所以就不能接受嗎?
這種不合理的經營手法, 太少遊戲會這樣做是因為"不合理"
不能接受是當然的吧?
不要本末倒置了.....

anyway, 我也只是針對橙的經營方針去說
合理不合理一定各有人支持
我也只是支持樓主的說法, 但再提出對經營者的不善的論點罷了

要去專心工作了~ 好開心都有人理性地討論~

作者: asthetic 時間: 10-5-14 03:42 PM

完全不重要,
因為橘子說是封測,所以現在就是封測
而進入一個封測中的遊戲就要有BUG/回溯的心理準備
其他人,什至有權威的認證都是多餘的

作者: keunggg 時間: 10-5-14 04:02 PM

封測日日修唔係問題= ="
我覺得佢有封測既問題- - 但係以公測既方式去開放...
令我覺得佢有點過份- -"
係咪姐係揸住雞毛當令箭

作者: nanogear 時間: 10-5-14 04:24 PM 標題: 回復 61# asthetic 的帖子

ok 我想這樣會沒完沒了
最好到此為止, 以下列出雙方都確定的事實, 有錯請補充指正
我將停止回應板友asthetic有關封測的討論
如果沒有錯我想請頂樓板友轉上頂樓讓其他板友自行判斷

1. 遊戲橘子聲稱旗下網絡遊戲"幻月之歌"正在封測
2. 遊戲橘子聲稱"幻月之歌"封測結束時不會刪除角色資料
3. 玩家一般的共識封測時可能會出現問題, 參加封測是有風險的活動.
4. 遊戲橘子沒有在當眼位置清楚解釋參加封測的風險
5. 遊戲橘子在服務條款中列出了免責聲明
6. 遊戲橘子在市面出推出了"幻月之歌"的實體產品包, 而封盒上沒有任何封測字樣
7. 遊戲橘子在"幻月之歌"中推出了商城, 以商城制作出現金收費
8. 遊戲橘子針對"幻月之歌"做了不少宣傳和促銷
9. "幻月之歌"的伺服器每天維護, 無預警斷線, 回溯, 引起部份玩家不滿
10. "幻月之歌"的伺服器斷線, 回溯影響到部份玩家的收費商城物品
11. 遊戲橘子承諾會補回異常消失的收費商城物品
12. 遊戲橘子在明知伺服器經常維護, 無預警斷線, 回溯的情況下繼續推出收費商城

[ 本帖最後由 nanogear 於 10-5-14 04:28 PM 編輯 ]

作者: qwel0001 時間: 10-5-14 07:35 PM

第一樣野：橙成日維護，又唔見成效，又唔講整好左d咩，咁不知所謂既??
成日維護唔係問題
又唔算多,最多一日兩三次,維護時間又唔算長
第二樣野：回溯
回溯通常係日爆ser既game易有
或者簡單來講,就係人流勁多既game,超過伺服器負擔
冇辦法,除非叫人唔好
第三樣野︰死黑橙，一日淨係識得呃錢
貪錢唔係問題,但問題係為左貪錢出多d商城物品,整左好多bugs出來
(講起都火:琴日例行更新左幾樣商品,但冇啦啦多左幾樣bugs)
之後又冇道歉(賠償唔敢多諗啦),仲要叫玩家自行回報,回報都算,仲要處理速度慢,今日先收到回覆話已轉交某部門,一上線仲未回復
樓主玩幻歌ser,琴日件事好似置身事外
但有一日代理為左出隻新式神,結果你個公會變左1級,但係又冇左1級升2級既任,個公會一係解,一係永遠1級,回報左又幾日都未處理好,你就明白呢種心情
第四樣野：話人硬膠、傻仔、低能、無知、小學雞、幼稚........etc
香港人常有問題,之從兩年前係電台聽過小學雞一詞,就成日睇到d人用呢個詞來罵人

原帖由 nanogear 於 10-5-14 04:24 PM 發表
ok 我想這樣會沒完沒了
最好到此為止, 以下列出雙方都確定的事實, 有錯請補充指正
我將停止回應板友asthetic有關封測的討論
如果沒有錯我想請頂樓板友轉上頂樓讓其他板友自行判斷

認同6,7點
未見過有game一封測就有新手包買
最多係買書買野免費送封測碟
仲要咁快開商城
到底目的係測試定係開始營運?

[ 本帖最後由 qwel0001 於 10-5-14 07:41 PM 編輯 ]

歡迎光臨 2000FUN論壇 (https://www.2000fun.com/)