2000FUN論壇

標題: 新手多問高手/有心人回答勿插 [打印本頁]

作者: 布＆賢 時間: 10-5-30 01:09 AM 標題: 新手多問高手/有心人回答勿插

問題一;我只養普通金魚伹係想再加D魚洛去見議加咩魚好?
問題二;魚缸內已有燈見議加咩器材好?
問題三;加D白沙洛過魚缸好冇? 沉木又得唔得?
問題四;如果魚缸內有清道夫或琶琵魚咁洗唔洗加埋濾水器洛去?

問題暫時咁多如果你覺得我係白目就唔好理我就行了

請高手/有心人回答謝謝! 不喜勿插我-

作者: 布＆賢 時間: 10-5-30 01:11 AM

暫時先說聲謝謝比回答我既咁多問題的人

作者: torlay 時間: 10-5-30 02:32 AM

肯問總比唔去問既人好千萬倍

請問你個缸咩size,幾多條魚,咩魚?同埋有咩設備

一,如果養開普通金魚咁最好就+番一樣落去,

二,如果無過濾既,最好落過濾,一般養金魚通常會採用頂濾

三,沉木可以,白沙免問了.沉木落缸前請處理好先.
唔建議落白沙係因為白沙容易積聚排泄物,
平時唔多覺,換水沖起d沙你就知味道了.白沙過某段時間後就會開始變黃

四,最好就落濾水.清道夫工作並唔係食魚糞便.

作者: siu霖 時間: 10-5-30 04:09 AM

問題一;金魚最好混返金魚,最多品種唔同...因為金魚既習性同水質要求同其他熱帶魚唔同.
問題二;濾水器就一定要,因為金魚都比較易污濁,氣pump就如果有濾水器都唔洗用住...除非真係唔夠.
問題三;加d沙落缸會令d食物殘渣同便便埋左係入面,難打理,加舊木ok了
問題四;清道夫只係會食物殘渣,青苔,琵琶都食青苔,但佢地都會食糧,所以個缸放1,2條琵琶再加返個濾啦.

作者: 鋒．嵐＊ 時間: 10-6-6 10:45 PM

問題一;我只養普通金魚伹係想再加D魚洛去見議加咩魚好?

金魚最好唔好混啦，最多都係混唔同種既金魚，例如黑色...
咁樣會比較好

問題二;魚缸內已有燈見議加咩器材好?

濾水器一定要有啦，氣泵唔洗講都應該有。
基本上都無乜可以係底度加小量石春呀..水草咁樣..美觀小小

問題三;加D白沙洛過魚缸好冇? 沉木又得唔得?

白沙就一定唔建議,因為好易積排泄物,到時積左好多菌,
咁好似上面加小小石春啊波子..都無乜大問題..只要唔係勁多..
但係白沙就唔好啦..

沉木可以啊..

問題四;如果魚缸內有清道夫或琶琵魚咁洗唔洗加埋濾水器洛去?

講真呢兩種魚我既經驗話比我聽係好易死.. 唔知係唔係我個人養既經驗
我養魚起碼都五年先死,但係次次清道夫都係死左

跟住我諗住去買田螺啦,田螺都係可以清潔.點知個幾條「蘇」..
班金魚以為係「紅蟲」..食鬼埋..搞到死左

所以我就唔建議你養呢類..所以必須都加濾水器!!
另外加完濾水器每3日就一定要換一次水了
金魚比較多排泄物同埋唔乾淨
仲有如果你放左石春或者其他波子之類既野
最好用手起一起個「河床」..
廢事積咁多污髒野

作者: panasonic 時間: 10-6-8 04:57 PM

金魚可以混o既魚真係唔多.....
混錦理啦@@(隨口up當祕笈)

加條暖管啦如果唔想有白點病就..
金魚/琵琶食得多痾得多 , 清缸養最好.
過濾o既種類能力睇你要咩效果 , 沙缸>滴漏>濾桶>頂濾>掛濾>潛濾

歡迎光臨 2000FUN論壇 (https://www.2000fun.com/)