2000FUN論壇

標題: FEZ感想加入之「ダブルラリアット」你仲記唔 [打印本頁]

作者: 風雨霜雪 時間: 10-5-31 11:17 PM 標題: FEZ感想加入之「ダブルラリアット」你仲記唔

【巡音ルカ】ダブルラリアット【炒飯】中文字幕+註解

[utube]SkivSFQ_oE0[/utube]

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?
我自問當時冇諗咁多，只係為左想打機而玩。

還好自己係封測時期加入，
我做錯事時，大家都一樣會做錯，所以大家識得包容。

但我地已經變左老手，
面對新手反而顯示唔出包容，
為左一場國戰，踢走一個新手，踢走一個玩家。

破一下冰，會唔會嚴重到影響國戰輸贏?
擴錯亂出召，但又有幾多人會主動守塔?主動出召?

一隻game要多人，不停有新血，先好玩，
俾你場場嬴，但打ge都係同一班人，好玩咩?

放低「老手」ge態度，諗返自己仲係新手果時，搵返最初ge果團火la!!!!!!!!!

[ 本帖最後由風雨霜雪於 10-6-1 12:53 AM 編輯 ]

作者: -若男 時間: 10-5-31 11:27 PM

隻公仔好得意

支持文章!

作者: 紅孩子 時間: 10-5-31 11:31 PM

有點兒同意....

作者: Zenon 時間: 10-5-31 11:43 PM

首歌已經唔知俾我洗機洗左去邊

文章有點兒同意._./

作者: XYZ5678 時間: 10-5-31 11:56 PM

破一下冰
擴錯亂出召

25都係做呢d野啫,閣下是否不支持踢25

25同新手點分呢

定係閣下係:
「睇情況先啦,睇下點先話踢唔踢」

「情況」係咩,閣下文章好似並無提及

作者: Blass 時間: 10-6-1 12:04 AM

半徑85公分是這雙手觸及的距離(大劍自轉的意味
曾經有張圖是巡音拿著大劍自轉
可惜沒右鍵

作者: 『阿細』 時間: 10-6-1 12:20 AM

私心覺得halyosy的版本比較好聽

作者: laulam 時間: 10-6-1 12:32 AM

同意到極
RE#5:我每次見親人地踢人..都係犯左一次錯..就即踢..無人話佢知自己錯..
如果老手們可以晒個少少既時間話佢知邊樣唔得邊樣唔得既話..佢都再犯咁就抵踢...
可惜我未見過有老手肯慢慢教...只會晒時間打個"吊"字..
25既同樣..話佢一次都仲有第2次..咪又係抵踢囉...
但老手們請自己問下自己..你有幾多次踢人前係有教新手?
另外,有D人就叫爬好文先好玩...大佬..讀書咩?打機都係想RELAX下姐..又要人睇文
好心各位老手們係國戰既期間..晒你少少既時間教下新手..比多D新血有空間生存

作者: 風雨霜雪 時間: 10-6-1 12:43 AM

原帖由 XYZ5678 於 10-5-31 11:56 PM 發表
破一下冰
擴錯亂出召

25都係做呢d野啫,閣下是否不支持踢25

25同新手點分呢

定係閣下係:
「睇情況先啦,睇下點先話踢唔踢」

「情況」係咩,閣下文章好似並無提及

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?

睇嚟你仲係唔明我ge意思~
當每個人都搵返自己當初玩fez ge目的，我相信唔會有「25」ge出現，
而且我亦堅信，「世上好人總比壞人多」

的確好多新手ge行為同「25」冇分別，
但回到從前，你會定意自己為「25」嗎?
如果你有機會去美服玩，你會將全場ge「25」踢晒嗎?
你自己又點定義「新手」同「25」?

水工只會坐水不會守塔(什至死門)，同你所謂ge「25」送塔送死門又有咩分別?
如果前線破冰係一項嚴重錯失，十個追一個ge行為又算係咩?

又有人因多次獨自守塔而死，而被人定義為「25」送死，
哩啲真心附出ge玩家又算係咩?

到底真係有咁多「25」，定係你地自己對新手包容不下，
大家都知，只係大家都唔肯接受吧了。

作者: 殺神特工F仔 時間: 10-6-1 01:38 AM

係!!!好有感觸~~~~但有團為左個團既面子多自己團既人入左場既
而去踢人....哈...
自己做新手果時...如果係依家代番入去...我一定成日比人踢~..haha~

作者: Mirror777 時間: 10-6-1 01:50 AM

[utube]vwDlLBAJbIQ[/utube]

我覺得呢個版本最好聽~

實谷奈奈

作者: feisss 時間: 10-6-1 01:54 AM

非常同意~ 有時有d初初玩既玩家做錯野,d所謂'大團'就話踢自己做錯野就say聲sor算
叫新手學好d技術先上前線,會用心教既又有幾多個?

作者: 幻瞳Evangeline 時間: 10-6-1 02:12 AM

ya~~唔知點解以前果團火已經返來了0.0

總想貢獻什麼,為同伴做點什麼..以及以前不認輸的成長過程

就算玩得唔好,我依然係愛呢一隻game^^/

自問本身係愛玩音樂..但係fez裡面我搵到更多..

諗起之前係台灣玩左一陣子mhfo..

的確咩人都有..一開始唔對路就走場/咀炮/自私吸裝備等等..

但人地完場後最低限度都會講句

"辛苦了"

唔知幾時開始..大家(特別係再年輕一輩)已經忽略互相尊重呢一回事(唔止係fez)

定係香港網絡文化影響?以抽水,食花生自居為榮..仲有咩認真就輸了/on9等等林林總總

有時的確唔需要太過認真,但應該認真時候請真的認真一點好嘛?

究竟係現實太過苦悶,定係認為快樂必需要係建築係人地痛苦身上?

(抱怨一下,現時電視只會製造更多笨蛋..)

對於遊戲定義,大家各有不同

但請以人的角度去出發作為決定。

比起改版..我更加希望老手們的處事態度都應該要改版

別說日本玩家什麼什麼..

我地中國人亦有一句說話叫 "以德服人"

在戰場上，沒有要守護的東西..只是一頭野獸而已

最後當然希望新手亦要學會堅強一點..

以上。

作者: mghojwpkiog 時間: 10-6-1 02:18 AM

有時見到d新手犯錯...冇人見到..我會靜靜雞密佢..同佢講..
跟住team住佢一齊打..一路教佢點做..唔好做d咩..

[ 本帖最後由 mghojwpkiog 於 10-6-1 07:43 AM 編輯 ]

作者: oooiii 時間: 10-6-1 02:23 AM

有時我見到新手被人踢,
我都會密佢知原因

作者: kan0123123 時間: 10-6-1 04:51 AM

有時見到d新手犯錯...冇人見到..我會靜靜雞密佢..同佢講..
跟住team住佢一齊打..一路教佢點做..唔好做d咩..

作者: kevin987654 時間: 10-6-1 05:24 AM

最睇唔起就係有d 團為左俾自己友入而亂咁踢人出場

包場例外因為團戰對團戰開戰時已經講明唔係乜乜團請離開的

會亂踢人的團我自己都入唔少，亦都已經全部離開了

我自己由開server 打到依家，現在不會過度追求輸贏，只會享受戰鬥的過程

若然戰況激烈的話全場星水星藍都在所不計

但俾人sm既場(爆埋qml都不能反勝的場) 我會連補品中水細水都懶得吃

俾人殺多幾次快點完場好過

根本唔少心用低傷技破冰1-2次絕對值得原諒尤其是弓手，因為弓手距離遠和法師同時出技的情況十分普遍

我玩弓手連精準系都無修，因為蓋技會蓋得好頻煩，所以都是用火箭強力做主力，

改版後冰b3級都係得4秒，還有水晶回血也不會扣水晶總數

總結:還是快些改版吧

[ 本帖最後由 kevin987654 於 10-6-1 05:36 AM 編輯 ]

作者: 固態蛇 時間: 10-6-1 05:36 AM

好有FELL d歌詞

作者: 10654132 時間: 10-6-1 05:45 AM

大小姐版本更正
老實講上到戰場打仗就變左另一個人

作者: XYZ5678 時間: 10-6-1 06:16 AM

原帖由 風雨霜雪 於 10-6-1 12:43 AM 發表

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?

睇嚟你仲係唔明我ge意思~
當每個人都搵返自己當初玩fez ge目的，我相信唔會有「25」ge出現，
而且我亦堅信，「世上好 ...

25定義啊,故意損害己方
新手定義啊,剛玩這遊戲不久
呢d定義大家同意架可?

直接d問幾句
你係咪唔踢25先?
你係咪呼籲大家唔踢25先?
係咪25扮做新手,就一定唔踢先?

到底係包容新手，定係對自己分辨唔到新手定25既無能作出合理化?

我聲明先,我有個定義:「呢個fez係有25既存在」
多定少我無計過
不過你要否定25既存在既話,我都吹你唔漲

---------------------------------------我係分隔線-----------------------------------------------------------
唔知邊條友講過,存在必有意義
既然研發商有設立「踢人」呢個功能
我地應該善用呢個系統,而不是罷用呢個功能
我地作為對fez有火既玩家
應該要明白到要如何利用這個功能來令遊戲氣氛變好
好似大家辛辛苦苦打到反勝,無謂俾25送ob搞到大家廿幾分鐘既努力白費
雖然「踢人」系統有時會俾人濫用
不過我地唔係要「實行罷用來避免濫用」
應該要「教人善用來減少濫用」
這才是積極面對的態度

良性討論良性討論
唔好有粗口

作者: mahoro 時間: 10-6-1 09:25 AM

我玩FEZ最為了炒飯(エッチ)抱歉...別打我><
為了想做的而去做第一次看到這樣熱血
國家與國家之間的戰鬥自此就愛上了FEZ

作者: 死人狗 時間: 10-6-1 09:33 AM

隻GAME 再唔多D野嘅話就咩血都流走曬嫁啦~
GAME 呢嫁野,有新gameｄ人就即刻走曬~
呢d只係一時衝動
自問都係封測到依嫁~見住d人一個個咁走都知咩事啦~

作者: skytim 時間: 10-6-1 10:21 AM

我鍾意
推下先

作者: 夜鶯 時間: 10-6-1 10:23 AM

我想問有沒有link給我download呢?
我想打包帶走a_a"

作者: LoVe_KiN 時間: 10-6-1 11:13 AM

好同意丫
都係打機姐
仲有d新手做錯野..咪教佢地囉
次次都話踢..一次機會都唔比

作者: 風雨霜雪 時間: 10-6-1 11:35 AM

原帖由 XYZ5678 於 10-6-1 06:16 AM 發表

25定義啊,故意損害己方
新手定義啊,剛玩這遊戲不久
呢d定義大家同意架可?

直接d問幾句
你係咪唔踢25先?
你係咪呼籲大家唔踢25先?
係咪25扮做新手,就一定唔踢先?

到底係包容新手，定係對自己分辨唔到新 ...

講得好，
事實大家都有分辨25同新手ge能力，
但眼見ge，不就是踢新手嗎!?

冇原因，亦唔洗理由，
或者應該講，低lv就係最大ge理由，什至有低lv25論。

我從來都唔支持25，
亦唔否定踢人功能ge存在意義，
但依家根本就係濫用，我完全見唔到有善用。

事實上我都會踢人，
但我踢ge一啲掛住3x lv，行為等同1x lv的玩家，
而且我都會同佢講「唔好xxx」，佢係都唔理我，我先會踢，
至少做到咁，先叫善用踢人功能吧。

25係抵踢，但放過新手好嗎?
新手做1/2次野，就提點下佢，邊個新手唔係跌跌碰碰咁成長?
但依家ge新手，跌倒了，連起身ge機會都沒有，叫佢地點成長?

---------------------------------------------------------------
不過我本來發哩個post，就唔係要探討「25」/「新手」ge問題，
或者只係其中一小部份。

最重要係想大家搵返自己最初玩fez果份心，
我相信當大家都搵得返，fez會美好得多。

作者: 謝曬 時間: 10-6-1 11:36 AM

淨知場場都有人9踢-.-

作者: sSnAkEe 時間: 10-6-1 11:41 AM

原帖由 XYZ5678 於 10-5-31 11:56 PM 發表
破一下冰
擴錯亂出召

25都係做呢d野啫,閣下是否不支持踢25

25同新手點分呢

定係閣下係:
「睇情況先啦,睇下點先話踢唔踢」

「情況」係咩,閣下文章好似並無提及

25做幾多次?
新手唔小心做幾多次?

你可以由新手引申到25
你都滑波得好勁下...

作者: 風雨霜雪 時間: 10-6-1 11:57 AM

原帖由夜鶯於 10-6-1 10:23 AM 發表
我想問有沒有link給我download呢?
我想打包帶走a_a"

http://www.tubefire.com/
上面個網可以dl youtube 片，
save做MP4/WMV/MP3任君選擇(仲有2個唔知係咩，冇試過)

係youtube打「ダブルラリアット」就會見到好多個版本，
好多真人翻唱會比原版好聽，可以自己搵搵。
如果都係想要有中文字幕ge版本，打「ダブルラリアット中文」就會搵到。

作者: XYZ5678 時間: 10-6-1 12:00 PM

樓主可否具體地解釋一下「岩岩玩果陣時團火」係咩黎?
我初初玩果陣係解悶,無話咩火唔火

慢慢地,想打國戰打得好d完美d,就自己進修下要點打
咁之後了解到呢隻game講合作,就除左自己,要身邊既玩家都好先得
咁自然除左對自己,對身邊既人都要有要求

就係咁啫
不過,我都反對亂踢新手,因為老玩家會走,遲早同自己打果班會係自己曾經踢過既新手
但係有陣時一兩場既時間係教唔識一個人,又可以點呢?
(我選擇無奈地接受)(成長係需要時間既)

新手與老手同樂係最理想既情況
不過要達到,就係一件艱難既事
因為隨著fez既發展,有一d既定既價值觀係一班人心中根深柢固
而根除既方法就係改變一d主流既價值觀
一.失敗時不要過份埋怨,要大方d
二.不要只看自家短處,亦要看長處
三.對面就算輸都有值得學習既地方
四.要培養新手,無論係咪自己部隊,自己國家既
五.接納

作者: SALER_． 時間: 10-6-1 12:16 PM

隻喵好得意.w.

作者: Lycozen．綾音 時間: 10-6-1 12:32 PM

巡音>////<.......................

作者: 【紫焰】 時間: 10-6-1 12:37 PM

有時都好想鬧人= = 但唸下會比負能量人....都係好言咁勸下佢..叫佢下次唔好就算= =

作者: 試插 時間: 10-6-1 12:50 PM

真係新手係值得原諒但唔該爬晒文先黎玩或者正正常常入團聽教
破冰唔該講SOR
擴建唔該學下人點擴先睇環境不如搵個人做晒咁多個地圖既擴建方最基本既3支出黎先

作者: laulam 時間: 10-6-1 03:00 PM

#34打機姐...唔係下下都要爬文掛....
為工作為讀書係正常...為打機既...咁就不如直接叫人唔好玩...
以入團呢樣野...就希望各團接納新手吧...
最重要既始終都係見到新手要指出錯誤並作出指導..並不是一堆粗口去攻擊新手和送他一程

作者: MushRoomYa 時間: 10-6-1 03:34 PM

我當初1lv就走左打國戰-_-
打到40lv,,,,,

作者: 試插 時間: 10-6-1 03:40 PM

原帖由 laulam 於 10-6-1 03:00 PM 發表
#34打機姐...唔係下下都要爬文掛....
為工作為讀書係正常...為打機既...咁就不如直接叫人唔好玩...
以入團呢樣野...就希望各團接納新手吧...
最重要既始終都係見到新手要指出錯誤並作出指導..並不是一堆粗口去攻擊 ...

但呢隻GAME就真係唔該你爬爬文唔好怪人踢踢踢

作者: laulam 時間: 10-6-1 03:54 PM

原帖由試插於 10-6-1 03:40 PM 發表

但呢隻GAME就真係唔該你爬爬文唔好怪人踢踢踢

我有爬文...所以我未試過比人踢=V="
但係玩隻GAME都要爬文既...有幾多人會有心機?(仲要D文唔係少字-3-)
其實老手可以係國戰入面見到新手做錯野..即時話佢知唔好咁做..晒少少既時間話佢知..好過晒少少時間打粗口鬧人吧..

作者: 風雨霜雪 時間: 10-6-1 04:24 PM

唔好話爬唔爬文，
我試過16lv入場做水工，出左3水，就俾人踢左。

又試過18lv，出左騎，行左2步都冇俾人踢左。

sosad~

作者: 消失．雪 時間: 10-6-1 04:31 PM

其實..當初我玩既時候..
初上戰場我咩都唔知..

我連部隊係咩都唔明,新手有邊個知部隊有咩用..?
(唔好同我講話其他game都係咁,團/公會/部隊對我黎講都係1個吹水既地方,除左fez,我未見過係其他game有團/公會教新手玩既情況,當然你可以話我見得少,但你望下都知fez唔係國戰緊有人會叫你入部隊吧?有都唔多喇,係咪?自己代入新手睇睇,初初入game你最想既應該係去玩吧?唔係第一時間沖去搵部隊搵人教自己點玩吧?)

唔係每個人玩之前都會上論壇睇睇隻game既專區,我自己已經唔係
我係玩左過半年至明咩叫2kf,個時我先開始望過1,2個吹水po,我係自己玩到幾隻角都3xlv我至留意到有教學po
我自己都教過唔少新手,雖然唔多,但我有去包容過,有去為佢地反駁過,唔明既咪教..
有新手直情連頻都唔識點用,講真,初初軍頻,塞頻有咩用我都唔明
有新手連組都唔識禁,我做到既係行到去佢面前同佢講,最後更會可能自己轉去個位新手既國家教佢玩

睇住新手俾人踢,自己諗番自己仲係新手個時真係好無奈
你可以話我懶係野,就算唔回想自己係新手
你自己打打下國戰俾人踢個種心情你會明掛?
---------------------------------------------------------------------------------
另外,
25同新手好大分別,
25係你叫極都唔停,
新手知錯佢會問下會知錯停手,

就擴塔黎講..
新手見有老手走去擴..佢地都會跟住老手愈擴愈遠喇....((雖然有時真係擴到....遠到送俾人= ="但新手就是會錯的.
咁我認為你講佢明,佢都會識去改,會留意下其他人點擴.
你自己睇睇25點做喇,主水擴n支ob or 食塔,有冇新手咁白痴咁擴? ((當然不包括咁岩第一次入場就見到人地亂擴既新手-.-e種只好慢慢教番好= =..反正講1次佢地都應該明

至於擴at同wall時..
初初新手的確唔會明要點擴,e個真係要入團教,國戰中有時好難講明,不過e個都算係後期既野

咁佢地唔坐水上前線喇..
25前線送死..扣得幾多..夠你俾人爆1支ob多?(不包括國血最後真係差1,2個血既情況-.-個d情況有時老手都好難話唔死真係唔死)
再講-.-死得愈多出黎時間愈耐..你估一場1x個25仔送死咩-.-真係扣到國血好多?
新手上前線,死就一定多,我知咁同25好難分..不過新手上前線死多幾次大概會放棄轉坐水喇,我唔排除有新手好勝心強,不停沖上去
但見到e個情況,老手又唔識去密一密,去組一組?講一講要幾耐..?唔阻你1場國戰吧?

另外,新手咩都唔明鬼知你破咩冰食咩傷咩...
你自己諗下你新手上場個時明唔明咩叫破冰食傷?(當然我信有人真係天才機神,但e個世界唔係每個人都一樣)
假如你有心教,我相信你密佢教佢又好,組佢教又好
又或是你阻唔到個場佢俾人踢,我相信你事後會搵番佢慢慢教好佢

我係一教就教哂咩叫坐水,擴,出召(用途同時說明)
我自問技術唔叻..但我仲可以講到咩叫破冰食傷-.-
教好左基本..其他真係要由佢地自己去試.
e家出左新手任我仲陪佢地行埋添...
我自己都覺得冇左幾個鍾時間好唔知點-.-
但教好左佢,多個未來既老手唔好咩?

作者: 少爺詹 時間: 10-6-1 05:22 PM

我要東方紅魔館版炒飯
求link!!

作者: Cry‵櫻 時間: 10-6-1 07:03 PM

有共鳴.....

作者: 傻下傻下 時間: 10-6-1 07:23 PM

我最初真係一個新手
手拆跳台AT 非近水據點真係乜都有
仲試過比某隊內成員誤會為敵國25=.=

我而家見有人比人踢都會睇下有冇原因先
冇就死都禁反對
合理既就踢
粒新手做錯咩同佢講完下次唔好
有改過的話佢比人踢我會反對

作者: 試插 時間: 10-6-1 07:26 PM

原帖由 風雨霜雪 於 10-6-1 04:24 PM 發表
唔好話爬唔爬文，
我試過16lv入場做水工，出左3水，就俾人踢左。

又試過18lv，出左騎，行左2步都冇俾人踢左。

sosad~

如果一場有5-10隻16lv
你又想贏場國戰你會點?

作者: laulam 時間: 10-6-1 07:31 PM

原帖由試插於 10-6-1 07:26 PM 發表

如果一場有5-10隻16lv
你又想贏場國戰你會點?

一隻game只有老手走無新手入..
你覺得隻game仲有無可能存在?
為左國戰勝負,輸左隻GAME..值得咩?

作者: 試插 時間: 10-6-1 07:34 PM

原帖由 laulam 於 10-6-1 07:31 PM 發表

一隻game只有老手走無新手入..
你覺得隻game仲有無可能存在?
為左國戰勝負,輸左隻GAME..值得咩?

你新手肯用vent 肯聽教肯比人鬧會吸收入c團
我教你

但冇目的咁係國戰送死學埋d人掛水坐水叫人自易既人 3水又唔易破冰冇sor 既新手我會同佢講88

作者: laulam 時間: 10-6-1 07:44 PM

原帖由試插於 10-6-1 07:34 PM 發表

你新手肯用vent 肯聽教肯比人鬧會吸收入c團
我教你
但冇目的咁係國戰送死學埋d人掛水坐水叫人自易既人 3水又唔易破冰冇sor 既新手我會同佢講88

你要知道新手有邊個知vent係咩野?同埋依家已經唔洗人教了..謝了
已新手有好多野都唔識..去送死過一次之後或者未死之前..老手既就粗口一大堆之後踢..有比機會人教嗎?叫人自易個D..3水唔易個D..都要話佢知唔好咁做唔得架..次次見親都係3句唔埋就踢..有教過嗎?仲有..新手鬼知咩野係破冰..唔好當人老手好嗎?
新手有錯係要教..老手就梗加要教下你地踢人既習慣!!!!
仲有..玩隻game要去比人鬧...你肯去做D咁既野..唔代表正常人鐘意玩GAME為比人鬧..搞清楚吧

作者: 試插 時間: 10-6-1 07:57 PM

原帖由 laulam 於 10-6-1 07:44 PM 發表

你要知道新手有邊個知vent係咩野?同埋依家已經唔洗人教了..謝了
已新手有好多野都唔識..去送死過一次之後或者未死之前..老手既就粗口一大堆之後踢..有比機會人教嗎?叫人自易個D..3水唔易個D..都要話佢知唔好咁做唔 ...

哦,,,我講其他新手
我好希望想玩既自已了解下隻game係點點玩法
我團就有兩個係咁樣新手入左團由咩都唔識教到佢識識地呢d新手抵讚
新手唔新手你做適當既野唔會比人踢醒水 3水出水唔掛水唔主水回血我諗都唔多會比人踢團戰場例外

作者: laulam 時間: 10-6-1 08:24 PM

原帖由試插於 10-6-1 07:57 PM 發表

哦,,,我講其他新手
我好希望想玩既自已了解下隻game係點點玩法
我團就有兩個係咁樣新手入左團由咩都唔識教到佢識識地呢d新手抵讚
新手唔新手你做適當既野唔會比人踢醒水 3水出水唔掛水唔主水回血我 ...

唔係個個都會去論壇睇下玩法..所以希望所有團都接納新手..
至於新手既錯誤...老手既唔好狂爆粗口..而係教導新手....

作者: teakululu 時間: 10-6-1 08:26 PM

從前…

看見人堆便放冰D

現在…

看見人堆放雷D

呼…還我原來的冰D

作者: laulam 時間: 10-6-1 08:29 PM

原帖由 teakululu 於 10-6-1 08:26 PM 發表
從前…

看見人堆便放冰D

現在…

看見人堆放雷D

呼…還我原來的冰D

只要慢慢教導便有好轉

作者: hk1995 時間: 10-6-1 09:37 PM

感觸良多

作者: king2a30 時間: 10-6-1 09:56 PM

那團火已經沒有了...
人已不在了...

作者: 大亂碼 時間: 10-6-1 10:07 PM

哈哈以前第一次上戰場我記得有2件野好深刻

第一樣:嘩騎士啊! 好型啊!! 狂問人點做騎士架做左之後開心到爆去插人講左聲

!

第二樣:見到個隱遊唔知佢係咩黎行埋去一野飛出黎..嚇疾左加15秒..

作者: 大亂碼 時間: 10-6-1 10:18 PM

我發現以前咩都唔識反而比依加開心好多

作者: allall999 時間: 10-6-1 10:47 PM

原帖由 大亂碼 於 10-6-1 10:18 PM 發表
我發現以前咩都唔識反而比依加開心好多

55...我都同意

作者: 淡彩ｘ無華 時間: 10-6-1 11:14 PM

我忘本了T_T
我聽過MIKU append之後就冇聽過舊初音lu

作者: 風雨霜雪 時間: 10-6-1 11:23 PM

原帖由 大亂碼 於 10-6-1 10:07 PM 發表
哈哈以前第一次上戰場我記得有2件野好深刻

第一樣:嘩騎士啊! 好型啊!! 狂問人點做騎士架做左之後開心到爆去插人講左聲 !

第二樣:見到個隱遊唔知佢係咩黎行埋去一野飛出黎..嚇疾左加15秒..

我只係記得我最最初係開戰士的，打怪時見到法c老遠就殺到怪，
就del左ac開左隻法。
之後都係覺得戰好用啲，del左ac開戰。
又後來，大家ge lv開始高左小小，打怪時見到個法放火c，
「嘩!!!!!!好勁!!!!!!!!!!」
(果時第一次見火c真係覺得好勁咁)
之後又del左個戰開返法，到自己用火c果時先發覺:頂，咁低攻ge。

作者: kevin987654 時間: 10-6-2 12:18 AM

原帖由 大亂碼 於 10-6-1 10:07 PM 發表
哈哈以前第一次上戰場我記得有2件野好深刻

第一樣:嘩騎士啊! 好型啊!! 狂問人點做騎士架做左之後開心到爆去插人講左聲 !

第二樣:見到個隱遊唔知佢係咩黎行埋去一野飛出黎..嚇疾左加15秒..

新手時玩雙手戰起家，玩到第二日俾刀遊拆武，當時唔知發生乜野事，以為中左bug

依 ! 點解無左個武器既無端端，於是開番個道具欄裝番把武，都係裝唔到既點解呢...

過左10幾秒之後把武器又回來，如是者俾人拆左武三次都係試圖點道具欄武器想把武器討回來

之後去巴哈爬文才知道如來是刀遊的破武技能

第一樣同你都差唔多覺得騎士好型於是問人點出，之後去敵水晶狂插敵水晶的水工15分鐘之久

ps:我都係開server玩到現在的老玩家，記得以前頭一個星期差唔多有成五六千人上線，後來因為外掛來臨於是走了8成的玩家

作者: 試插 時間: 10-6-2 12:23 AM

原帖由 kevin987654 於 10-6-2 12:18 AM 發表

新手時玩雙手戰起家，玩到第二日俾刀遊拆武，當時唔知發生乜野事，以為中左bug

依 ! 點解無左個武器既無端端，於是開番個道具欄裝番把武，都係裝唔到既點解呢...

過左10幾秒之後把武器又回來，如是者俾人拆 ...

五六千人真的有那麼多嗎?

作者: kevin987654 時間: 10-6-2 12:23 AM

玩弓時就貫骨救人，玩吉吉時就閃光但係用閃光通常都一齊死

玩火法雷法時就火d雷d 來救人

因為試過好多次用雷c 都係救唔番個隊友，於是只好用他做餌了

作者: 風雨霜雪 時間: 10-6-2 12:24 AM

原帖由 kevin987654 於 10-6-2 12:18 AM 發表

新手時玩雙手戰起家，玩到第二日俾刀遊拆武，當時唔知發生乜野事，以為中左bug

依 ! 點解無左個武器既無端端，於是開番個道具欄裝番把武，都係裝唔到既點解呢...

過左10幾秒之後把武器又回來，如是者俾人拆 ...

我記得我第一次俾人破武，仲問人對方係咪用左外掛，點解同佢打打下會冇左把武。
同埋果時俾人破足，以為係開左特殊能力，問人點先有果啲「蜘蛛絲」

作者: kevin987654 時間: 10-6-2 12:33 AM

原帖由 風雨霜雪 於 10-6-2 12:24 AM 發表

我記得我第一次俾人破武，仲問人對方係咪用左外掛，點解同佢打打下會冇左把武。
同埋果時俾人破足，以為係開左特殊能力，問人點先有果啲「蜘蛛絲」

新手永遠是最可愛的，所以沒原因的話我一定投反對票，除非對方lv 10 以下

就會叫他返城去做新手任，然後投贊成票，

送死門呢d 行為就唔駛想太多直接投贊成

ps: 新手時期我都係打怪打到16級覺得難升之後先去打國戰的，當時還沒有開放新手任務

每次練新角色都覺得打怪好煩 lv 1 -lv 16

作者: kevin987654 時間: 10-6-2 12:35 AM

原帖由試插於 10-6-2 12:23 AM 發表

五六千人真的有那麼多嗎?

有丫我記得當時server a 爆鬼咗，攪到次次登入都入唔到，迫到我要轉戰server b

server b 段日子真的很難過，經常都打5:0 場

其實呢個遊戲剩係square enix 呢個廠出品已經夠殺，但一路官方都無乜點宣傳呢個遊戲

真的是完全浪費左呢隻會生金蛋的雞

[ 本帖最後由 kevin987654 於 10-6-2 12:39 AM 編輯 ]

作者: 風雨霜雪 時間: 10-6-2 12:36 AM

原帖由 kevin987654 於 10-6-2 12:33 AM 發表

ps: 新手時期我都係打怪打到16級覺得難升之後先去打國戰的，當時還沒有開放新手任務

每次練新角色都覺得打怪好煩 lv 1 -lv 16

深表認同!!

作者: 骷髏乂洛莉 時間: 10-6-2 12:52 AM 標題: 回復 1# 風雨霜雪的帖子

冇錯呢大大~你甘講真係讓我諗番唔少1年前初初玩果時~
第一次步入遊戲連新手指示(h鍵)都未睇過既1lv新手既感覺現在也深深在心中...好奇.驚訝.緊張既感覺
當時既自己一次進入戰場就有人主動叫我坐水,主動帶領人去守塔(雖然果時都唔知咩係坐水)
好彩當時既老手十分包容同耐心既指導...願教願體諒重話就算1lv既新手都可以為國戰出分力(不過都有比人罵坐主水回血

)
不過也不像現在...懂得既人不願提醒新手,只懂得叫人去守.出召而自己不行動 (有些情況例外..而咩情況請自己分辨-捉字室就不要嘈了)
不少真正的新手都抱怨fez難融入所以放棄....希望大家回頭看看自己初初既時候也不是完全識...online是不斷有新血流入
老手責任也可以說把國戰知識分享比人...因為fez 係多人一齊玩. 齊國戰既遊戲....懂得合作.包容既國家通常也是最強大
p.s最後也是發現1lv打怪是較國戰升得快~呵呵:smilie_:):

[ 本帖最後由骷髏乂洛莉於 10-6-2 12:54 AM 編輯 ]

作者: 骷髏乂洛莉 時間: 10-6-2 01:07 AM 標題: 回復 47# laulam 的帖子

呢位大大冇錯玩game當然冇人會想比人罵
但fez既國戰你做既野係影響緊99位玩家...
fez係團體合作遊戲唔係單機遊戲..需要溝通.包容
50v50...50人裹會有溫柔既人會有粗魯冇禮既就好似社會一樣做錯事免不了比人罵
因為你做既野影響到其他人如果想做錯事但冇人指責你....可能單機遊戲會比較合適那位人士

以上只是把自己既看法說出希望不同意既人不要粗言對待
對於搞事既人希望大家多多容忍你反應越大他也越成功！！

作者: 少爺詹 時間: 10-6-2 01:42 AM

原帖由 laulam 於 10-6-1 08:29 PM 發表

只要慢慢教導便有好轉

現在根本不想玩冰法
可惜我是長期冰法
冰完5隻又如何???

箭雨精準雷d 一個唔該破晒
我仲見到大把雷b 食暈tim A_A
玩弓手既遊睇清楚你地自己做緊乜啦
尻放箭雨有Q用???
番去坐水啦阻Q住晒

[ 本帖最後由少爺詹於 10-6-2 01:44 AM 編輯 ]

作者: 碎撚 時間: 10-6-2 02:54 AM

原帖由 骷髏乂洛莉 於 10-6-2 01:07 AM 發表
呢位大大冇錯玩game當然冇人會想比人罵
但fez既國戰你做既野係影響緊99位玩家...
fez係團體合作遊戲唔係單機遊戲..需要溝通.包容
50v50...50人裹會有溫柔既人會有粗魯冇禮既就好似社會一樣做錯事免不了比人 ...

無錯..呢個社會係有唔同既人..呢一點係唔可以反對..
但係FEZ當中發言既..大部份都係粗魯無禮既人..
就係因為呢D粗魯無禮既野..令到新血大大減少..最終只會令代理商覺得隻game再無利用既價值..只會放棄更新或者放棄代理
如果為左一場既國戰..以放棄一隻game..我覺得唔值.
另外...每過人都有新手時期...都係經歷過做錯野既時候...依家既新手都唔會例外...只要教導最終都會脫離新手...所以有時唔一定要鬧..
如果大家係愛惜FEZ既...就請各位包容新手...
p.s:這是分身囧

作者: 碎撚 時間: 10-6-2 02:59 AM

原帖由 少爺詹 於 10-6-2 01:42 AM 發表

現在根本不想玩冰法
可惜我是長期冰法
冰完5隻又如何???

箭雨精準雷d 一個唔該破晒
我仲見到大把雷b 食暈tim A_A
玩弓手既遊睇清楚你地自己做緊乜啦
尻放箭雨有Q用???
番去坐水啦阻Q住晒

依家FEZ既玩家..都係掛住人傷..戰場意識太弱
如果係新手既..仲可以去教..可以令佢改變...
至於老手......無話可說
但係有時弓手箭雨破冰可能係一兩次既失誤...多過一次既....你直接鬧佢啦-V-"

作者: pflame 時間: 10-6-2 09:39 AM

原帖由試插於 10-6-1 03:40 PM 發表

但呢隻GAME就真係唔該你爬爬文唔好怪人踢踢踢

你鬼知人地有無爬過文
爬過都可以唔記得做錯啦
洗唔洗爬完文做返個test 先玩呀
不如叫大家考張fez cert 先黎打機呀笨

作者: VirusLoren 時間: 10-6-2 02:23 PM

[回憶]想當年公測玩果陣......為左一件頂防都唔到一半ge game錢裝去狂升LV,
   升到有得著果陣果種回憶，依家都忘記唔到。真係好撚過癮。
[Now] 雖然依家陣國都轉左....不過都會買d幾LVgame錢裝黎著下，買把13LV93攻雙手斧玩去打怪。真係好正。
   老實講...次次有踢人投票，我永遠按反對，打機姐，又唔係輸左要切柒。(我個人認為。)
   打機就係要追求開心，有時on9就係開心。唔明算鳩數，明ge心照。下下講踢人，老實講我開頭轉國果陣玩綠國
   ，都唔知做乜鳩，我係21LV見一場踢一場。吊！當年15LV就打得國戰。為左比自己人入就踢人？知唔知咩係專
   重？有團又點？有團先係人？無or唔同團就係狗？入唔到咪下場囉。唔係咩叫緣份呀？
   我就唔係話踢人真係完全唔對。有咩人踢得呢？果d做錯野比人話，之後仲要串柒柒咁係度吊人果d？踢佢，我
   實話好！雖然係網上面同人串嘴同罵人on9係好爽，不過如果係惡意到爆咁話人，就唔好玩啦乜都。咁打機做乜
   ？訓覺啦不如？
   所以我希望大家係話要踢人，按踢出投票果個野個陣，想下個個人係唔係真係仆街到要比人圍？要比同場ge5-       50個人厭棄咁踢走呢？
   我都係想大家，FEZ的同胞們，開開心心咁打機姐，唔同國唔同團，都係梅路法利亞ge人，大家都係鬥下技術，
   爽YY下姐。
   報名：我係紫國-雷恩，擊劍士。
P.S.我就係比人踢先走左綠國入紫，sosad。=[

作者: 碎撚 時間: 10-6-2 02:35 PM

原帖由 VirusLoren 於 10-6-2 02:23 PM 發表
[回憶]想當年公測玩果陣......為左一件頂防都唔到一半ge game錢裝去狂升LV,
升到有得著果陣果種回憶，依家都忘記唔到。真係好撚過癮。
[Now] 雖然依家陣國都轉左....不過都會買d幾LVgame錢裝黎著下，買把13L ...

同意...
不過減少D粗口會好D...
仲有錯字..
專重=X
尊重=O

作者: 碎撚 時間: 10-6-2 02:36 PM

原帖由 pflame 於 10-6-2 09:39 AM 發表

你鬼知人地有無爬過文
爬過都可以唔記得做錯啦
洗唔洗爬完文做返個test 先玩呀
不如叫大家考張fez cert 先黎打機呀笨

同意..但係良性討論會比較好

作者: VirusLoren 時間: 10-6-2 02:36 PM 標題: 回復 73# 碎撚的帖子

Thx~
粗口係搞事用，=p
錯字打錯左，我用九方打字。

作者: 碎撚 時間: 10-6-2 02:40 PM

原帖由 VirusLoren 於 10-6-2 02:36 PM 發表
Thx~
粗口係搞事用，=p
錯字打錯左，我用九方打字。

我試過用1分鐘既9方..之後放棄

作者: VirusLoren 時間: 10-6-2 02:49 PM

原帖由碎撚於 10-6-2 02:40 PM 發表

我試過用1分鐘既9方..之後放棄

五分鐘先會學識。:smilie_/

作者: g97832 時間: 10-6-2 10:52 PM

我估樓主都係想大家對新手多D包容
無必要嘈各人觀點唔同

作者: 試插 時間: 10-6-2 10:56 PM

原帖由 pflame 於 10-6-2 09:39 AM 發表

你鬼知人地有無爬過文
爬過都可以唔記得做錯啦
洗唔洗爬完文做返個test 先玩呀
不如叫大家考張fez cert 先黎打機呀笨

咁又係.....
咁如果佢破冰or蓋技可唔可以自發性打左句sorry先呢
亂擴新手盡量避免擴建
團場避免入入左既就坐水 3水即出睇下果場d人好唔好人冇踢到
比人尻踢就只好打怪去了

作者: michael636 時間: 10-6-2 11:46 PM

被感動了....

作者: fiy 時間: 10-6-3 02:48 PM

我係為左調劑下自己返工而去玩

作者: jeffrey1025 時間: 10-6-3 03:02 PM

原帖由 XYZ5678 於 10-6-1 06:16 AM 發表

25定義啊,故意損害己方
新手定義啊,剛玩這遊戲不久
呢d定義大家同意架可?

直接d問幾句
你係咪唔踢25先?
你係咪呼籲大家唔踢25先?
係咪25扮做新手,就一定唔踢先?

到底係包容新手，定係對自己分辨唔到新 ...

反問:

你點知佢唔係新手唔識野做錯事?

點解做錯野就100%=25?

唔可以係新手?

人誰無過  你做新手個陣  做錯小小野  就俾人踢左  但係根本就冇俾機會你學你改  就封殺你  你有咩感想

教唔聽踢 ok係佢抵死  但你教過未  人地一做錯  就踢人出場封殺人地改過機會

咁你日後生左個仔佢一做錯野  係唔係唔洗俾機會佢改  直接打死佢再生一個?

[ 本帖最後由 jeffrey1025 於 10-6-3 03:06 PM 編輯 ]

作者: 老頭賢 時間: 10-6-3 07:59 PM

原帖由 風雨霜雪 於 10-6-1 12:43 AM 發表

大家仲記得自己新手果時係點嗎?
又係為左咩去玩fez?為左贏?為戰積?為面子?為啖氣?

睇嚟你仲係唔明我ge意思~
當每個人都搵返自己當初玩fez ge目的，我相信唔會有「25」ge出現，
而且我亦堅信，「世上好 ...

十卜
仲有,,你踢左個25又點姐,,個25做左就係做左,,都更改唔到戰果嫁啦
將輸贏睇得太重又唔好,,正所謂友誼第1,,比賽第2
搞到場場差唔多都有罵戰出現咁就唔好啦=[

by:藍國>小燕- -

作者: 黑摩利 時間: 10-6-4 08:21 AM

幾好聽既又真係~~

作者: Ark-S 時間: 10-6-4 04:09 PM

雖然現在也只是重練..也不算什麼老手...不過如果大家能多點包容..破冰做錯事..say聲sorry,大事化小,小事化無的話..相信FEZ會變得更和諧~~

作者: Ellis123 時間: 10-6-4 07:33 PM

隻貓好得意　
講完

作者: shadowbrian 時間: 10-6-5 12:20 AM

A________A好多人講就識講有D仲要講到自己真係做到咁

但港版有幾多老手係做到日版既普通玩家標準

作者: Y~y_y 時間: 10-6-5 12:16 PM

我係比樓主所講既被老手被迫走的新手
睇左你篇文都好有感觸

但Fez比其他game已經好好多

作者: 079049 時間: 10-6-5 04:39 PM

我新手個陣成日俾人踢,因為亂擴

作者: 斑比 時間: 10-6-6 12:10 AM

要求好post不要沈!
同埋請唔好係正面post到講其他野

作者: ﹂B「仔﹁ 時間: 10-6-6 10:36 AM

封測果陣有個刀遊神手教我一見到半血法師就要介o.o

作者: 斑比 時間: 10-6-8 12:11 PM

仲記得封測個陣咩都唔識-_-
玩下玩下雖然勁左dd 但都好似好多野都唔識(係失去了吧)

作者: 熱血大刀 時間: 10-6-8 12:29 PM

我愛FEZ
我更愛不分你我既FEZ

作者: AnGEr_ChIcKEN 時間: 10-6-8 01:00 PM

其實真係可能之前膠膠地無啦啦火

作者: 落淚 時間: 10-6-9 12:10 AM

原本都係諗住唔回貼，淨係睇算，不過見到?人既回覆真係頂唔順。如果你係個個新手，你咩都未知，咩都未玩過就比人踢出去，你會覺得點？係…有陣時係有?黑人憎既二五，但係咩都唔理，有殺錯冇放過？就好似一個疑犯咁，唔通個官唔理三七廿一就立即話佢犯左事，問都唔問就入左冊，自問你自己真係熱愛Fez。咁就應該為佢而付出一小小既力，係…教一個新手係難，但如果大部份人都咁做。咁…教一個新手…有幾難？如果你話我低能？冇可能做到？我覺得唔低能囉。每個人做小小事就可以令自己喜愛既遊戲強大（可能你唔喜愛啦），何樂而不為？為fez我地要發動革命，我地要為fez的美好前途而戰。唔好再等，起錨啦！

作者: _an 時間: 10-6-9 01:23 AM

同意樓主既講法

你地唔比佢地打過一場佢點會認真知道點樣玩?
真係上左網爬文咁又點?
打場國戰會唔會實際D 學得快D?
有d人就成日都睇唔起d新手無做錯野都可以踢
有d做錯少少野就話人25  樓主講得岩丫我地做[新手]果陣時咪又係成日做錯野
邊得黎咁多25丫咁得閒做25整衰對方點解唔打多幾場賺下星戒仲好
當然我[無講過無25既存在]
唔教新手又唔比佢入去打番場佢地只會永遠都係新手
★無進則退架啦咩都唔比人做入場又踢又無人教邊識者?★
慢慢咁走完一個又一個
玩黎玩去都係果班人講得岩丫 Fez你地玩晒架喇
我自問唔係玩得好勁
但起碼我曾經做過團長既時候OR只係一個普通的FEZ民既時候都有認真教過新手

靜係講守塔先啦:
守塔啦!!!  依句野差唔多每1場都出現架啦
記住新手都有[眼]!!!
★★★★★★★★★★★★★★★★★★★★★★
★都無教過d新手遇到依d程況既時候要點做!!!!★
★★★★★★★★★★★★★★★★★★★★★★
好自然佢地會走過去
到佢地去守既時候又話新手去送死  [踢啦 25仔黎]你地又知既?難道你地先係?
你地又有無諗過向你地叫守塔既時候根本無乜老手肯自願去?
我地d老手前線架啦 (當然我指既唔係全部 ,但要對號入座都唔會阻止你既:)
d新手見無人去但又有人不停叫守塔
好自然去守啦你地咁打既 [守塔丫ma] 唔去守又話成班掛住坐水/叫守塔又無人去等輸啦
佢地靜係知要守塔根本未諗到夠唔夠打
重新講多次
★★★★★★★★★★★★★★★★★★★★★★
★都無教過d新手遇到依d程況既時候要點做!!!!★
★             好自然佢地會走過去架啦             ★
★★★★★★★★★★★★★★★★★★★★★★

★★★★★★★★★★★★★★★★
★無人教佢地佢地點知要點做者? ★
★★★★★★★★★★★★★★★★

低過xx lv既坐水啦
又話無人守塔又叫人坐水!!!!
問心我打過大部份既場好多老手既都未必去守塔

你地係點樣變左老手?
點樣由排尾幾變做頭10?
你地自己知
有陣時教下d新手唔會死既 [新手唔聽既話就另1回事]
將心比己啦

以上都係我個人意見
有人讚成都有人反對
不喜既勿插
有錯字既留言幫手修正=)
(順帶一提反對既咪諗住玩捉我字''塞''喇好小學雞^___^)

[ 本帖最後由 _an 於 10-6-9 01:30 AM 編輯 ]

作者: Tsuna34416912 時間: 11-5-11 03:11 AM

原帖由 風雨霜雪 於 10-5-31 11:17 PM 發表
【巡音ルカ】ダブルラリアット【炒飯】中文字幕+註解

SkivSFQ_oE0

大家仲記得自己新手果時係點嗎?
又係為左咩去玩fez?為左贏?為戰積?為面子?為 ...

該換新血鳥

作者: 醉孃 時間: 11-5-11 03:40 AM

風雨呢排出好多討論post丫~

作者: hanonkakai 時間: 11-5-11 03:50 AM

原帖由 Tsuna34416912 於 11-5-11 03:11 AM 發表

該換新血鳥

:kill: :kill: :kill: :kill:
一年前既POST

作者: ~友淺新恆~ 時間: 11-5-11 03:56 AM

新手最初緊會有D錯,不停咁踢走有熱誠去玩FEZ既新玩家係唔係好事呢?對玩家對開發商對代理都係唔好,係一個三輸局面.

包容一下新手!放開所有少許的不滿包容別人!

歡迎光臨 2000FUN論壇 (https://www.2000fun.com/)