2000FUN論壇

標題: (轉貼)人體奇妙小發現 [打印本頁]

作者: 藍ㄦ`＊ 時間: 10-6-4 08:04 PM 標題: (轉貼)人體奇妙小發現

1.喉嚨覺得痕痕地果陣,, 係咪以為乾咳可以整走佢呢?
錯喇! 原來搞下隻耳仔,,"liu"又好,,"抓"下痕又好
就可以刺激到耳仔ge神經而令你止痕~

2. 去party或者落club,,想"撘舢",,但d音樂太大聲,,
人地講咩你都聽唔到點算呢??
"拱"隻右耳去聽就會清楚d 喇~
原因係右耳對談話敏感d,,相反左耳對音樂比較敏感.

3. 打針怕痛點算好?
o係個醫生打你針果陣咳幾聲可以令你覺得無咁痛架~~
原因係會令心口氣壓升一升,,唔知點咁啦~ (太深唔識譯)

4. 鼻塞係咪令你覺得好唔舒服呢?
只要你要舌尖頂一頂上腔,, 再用手指按一按眉心,,(要有力)
可以令你o係廿秒內趕走鼻塞~!
原因係咁樣會搖動你鼻塞果部分ge鼻骨~

5. 訓醒覺得胃酸"lar"住喉嚨?
側訓果陣向左就會冇問題~
因為如果你向右就會吊住個胃咁,,胃酸就會倒流,,
造成疼痛/口氣.

6. 牙痛果陣,,用冰敷虎口ge位置,,
會刺激口腔神經,,從而止痛.

7. 煮野食唔小心燒親手指點算?
唔好即刻用冰敷,,應該用另一隻手指輕輕捽佢,
咁樣可以幫傷口回復正常體溫,,唔會起水泡

8. 飲酒飲到頭痛?
成因係酒精令你耳水不平衡,
呢個時候把手按在一個?定的平面上,,如桌面/地下,
可以令你個腦覺得穩定d.
(唔好懶到話企o係度就夠穩定,,因為手ge神經敏感d,先會有效)

9. 跑步果陣胸口落d赤赤痛係咪好多人都試過呢?
原來成因係當你右腳落地果陣,,而你又呼緊氣,
就會對肝造成很大ge壓力,
解決方法好簡單,,控制你的呼吸,,o係左腳落地先呼氣就會冇事

10. 緊張果陣個心跳得好快?
吹下你ge手指公可以幫你平靜番.

11. 飲凍飲/ 食雪糕令你頭痛?
咁係因為你ge口上腔過冷,,令你ge身體以為你個腦都過凍,
急於保溫,,但會造成個腦過熱,,頭痛就係咁黎,
解決辦法: 用舌頭暖番你ge口上腔,
條利平d,盡量包裹哂上腔,,咁就會冇事

12. 坐得太耐,,駕車,,玩電腦,,有時會你覺得麻痺,
好似俾蟻咬咁,,唔郁得,,呢個時候將個頭左右搖就得喇~
因為成因係頸神經緊張,,左右搖呢個動作可以舒緩神經~

13. 水底忍氣~
浸個頭落水前,,好似狗仔跑完步咁急急索氣,
可以令你忍多約十秒鐘!
因為你閉氣果陣會令Co2上升,,令你血液增加酸性,令你個腦察覺有野唔妥.
做呢個索氣動作會令你身體產生錯覺以為有較多O2,,令你可以忍耐d

14. 聽日有小測/ 演講點算?
臨瞓前睇多次可以令你記得好d~
因為短暫記憶變成長期記憶ge過程發生
臨瞓前睇/諗既野會比較容易變成長期記憶

真的假的阿.３.'?
有d真系吾講吾知呢..
有用的十卜十卜我一下吧xD謝謝

作者: lok★★ 時間: 10-6-26 06:13 AM

多謝分享