1.音樂，我會比６分…
兩首ed都合格，因為兩首歌曲有返少少key社風味；op我覺得一般，可能是melody關係，我唔多鐘意最尾果段太高音…
至於插曲，個人認為雖然好聽，但唔係幾配合套動畫所表達o既意義…
隊band o既設定可能係想同k-on!!鬥…（key我相信你係嬴左= =）
最後係bgm方面，由於呢套動畫前身冇遊戲，基本上係冇印像曲（即每個人女主角都有一首專用bgm），感覺有少少唔習慣…
而bgm好似冇以前咁，有較多催淚o既bgm…
所以就以上而言，我會比６分。
2.人物設定，我會比６分…
人設嗎…
個人覺得主要角色o既背景算係感人，基本上有 d 角色o既背景好似過往key社三神作…
失分原因，係太多角色了吧？麻枝准自己都好似搞唔掂咁多角色，令到某 d 角色13集動畫入面都係講得唔過5句話…
再加上男女比例唔平均，大約係9比6…
呢個設定令我懷疑key社係咪走BL路線而唔再走美少女路線…
另外有個可以討論o既地方係聲優方面…
個人覺得由理用櫻井浩美，加上由理性格，令我覺得由理好似little buster!ex o既沙耶= =
至於天使嗎…
個人睇上去性格同外觀好似clannad o既琴美…
對於麻枝准話「聲優只能用花澤香菜」，我有 d 唔服。
起用o既原因相信係花澤近期爆紅吧？聲線聽落同能登麻美子配琴美冇咩太大分別…
綜合以上原因，其實我係人設方面係比多左分數…６分其實都算唔錯…
3.動畫內容，我會比５分…初期頭5集，比人有種感覺除左交代背景外，就係拖劇情…同主線無咩關係…
於是令後期有種趕劇情o既感覺…
另外之前有個日本動畫師話麻枝准用「死」黎開玩笑係兒戲，個人對此有保留，但初期狂用「死」黎開玩笑係事實…
另外果位動畫師話第9集唯消失前日向o既對話，係對女性o既侮辱…係咪侮辱就見人見智了，在此不作評論。
到後期內容，因突然謂得太多太快，令我自己有少少混亂…
到第13話大結局，個人認為的確無衰尾，各人o既感情都表達得淋漓盡致…基本上3分係比係呢到… = =
就係咁，個人比５分啦…
4.動畫所表達o既意義，個人比８分…
key社係所有作品中都會有個含意，過往大多數作品係圍繞【親情﹑愛情﹑友情】，今次呢套動畫除左呢3種外，仲有好多野去表達…
比如死後遺愛人間（音無），人性o既黑暗（直井初出場時﹑音無 < 小弟個人認為），瀕死時o既感覺（基本上所有角色都係）…
而死後世界係咩，官方未有說明，而個人認為死後世界好似天主教o既「煉獄」一樣，係一個暫時比人停留o既平台…
而主角們就認為死後世界係一個比某 d 人去完成夢想o既地方…（嘛，反正key社就係要我地估下係乜= =）
至於有 d 較哲學o既問題都有出現，比如謎之少年所說o既「愛」等，都係 d 冇答案o既問題，麻枝准擺出黎係想令我地知道人間是否有愛，所付出o既努力是否值得等高深意義等…
5.與過往三神作o既動畫比較，個人會比５分…
由於angel beats!係合作項目，唔係純key社作，因此已經扣1分…
雖然所表達o既野較過三神作為多，但我認為描寫得唔夠三神作咁深入…
即ab所表達o既意義，由於唔係每個人都經歷瀕死，所以感受唔深…
人設方面，由女多男少變成男多女少…感覺唔太習慣…
可加上冇前置遊戲，令整個project o既可觀性減少…
嘛…總之就係比三神作差，不過對比4月新番來說的確唔錯…５分岩岩好…
6.作畫風格，我會比４分…
低分o既原因，好明顯啦，由理外型抄涼宮！
另外除天使外，大部份人物都冇左key社畫風（NA-GA同桶上至o既畫風唔見哂）…
人物畫風太普通？可能因為係合作項目關係…
比４分吧…
7.世界觀設定，呢個我比７分…
雖然世界觀係動畫中交代得好混亂同唔多詳細，但13集o既動畫已經知道左大約o既世界觀係點…
對於key社黎講，呢種世界觀絕對係非常創新，應該比分…
另外呢個世界觀亦都表現左現實世界o既絕望﹑憤怒等感觀…
以動畫黎講，一個世界觀可以表達到咁多野，已經唔容易，所以我呢部份會比高 d 分…
8.催淚程度 / 感受程度，呢個我比８分…
先說催淚，講真除左第10同13集外，真係無邊集係催淚…
催淚o既因素係友情同愛情…
呢2集我內心都睇到喊…
至於感受，就比較多…
「死」同「離別」，係ab主題。
有人講過ab唔係催淚，而係要感受。
以上兩種感覺同經歷，都需要用感受，先可以知道呢套動畫講咩…
感受呢家野真好哲學呢…
值得比８分，而失分主要係所感受ｏ既野太極端，只有好少人試過…（你試過瀕死o既應該會明呢套野想講咩…）
9.戰鬥場面，呢個我比５分…
始終戰鬥唔係主體，分數自然唔會太高…
至於槍械描寫，都還可以…
另外戰鬥o既場面…初期（特別係第一集）感覺好好，越後就感覺越冇睇頭…
我諗戰鬥呢家野都係麻枝准用黎襯托主體，並唔係主體黎…
呢個分數差唔多啦，５分。
10.場景設計，呢個我比６分吧…
我最記得係Ｇｕｉｌｄ，勁似lbex沙耶線o既地下迷宮= =
其實ab有咁多個地方，大家會記得邊個？
我記得都係校長室（總部）﹑天使間房﹑禮堂﹑保健室…
基本上設計都唔錯…
另外GDM開演唱會時o既背景設計比得上K-ON!!，我覺得仲好過K-ON!!…
不過失分o既地方係多到認唔哂…
總結而言，睇下我比幾多分先…
6 + 6 + 5 + 8 + 5 + 4 + 7 + 8 + 5 + 6 = 60分.....
我認為嘛…如果比4月新番黎講，Angel Beats!絕對一流好睇，但對比返「key社三神作」動畫版，就會稍為遜色…
