2000FUN論壇

標題: 蘋果螺 - 一種不錯的龜龜食糧 [打印本頁]

作者: raja_b 時間: 10-6-28 11:45 PM 標題: 蘋果螺 - 一種不錯的龜龜食糧

特別鳴謝: 封之介,dboy,chy,pit,龜痴及有被我煩過的師兄/姐
應承過封兄,如無大錯,會貼埋呢邊 =] 希望幫到大家啦

購買蘋果螺前之準備:
其實在小弟買蘋果螺作繁殖之前,已經有為此爬過不少的文章,及麻煩過很多師兄/姐有關之事宜,所以...在各位行動之先,第一個必須的準備,就是"爬文". 而小弟...亦希望此篇文章,能為各位有意購買/繁殖蘋果螺之龜友們,提供一些資料及對其的初步了解 =]

選購篇:
通常,各位龜友們入手蘋果螺的地方,不外乎兩個,就是金魚街及天光墟. 依小弟所見,金魚街所賣的蘋果螺質素比較差,價錢亦會比較貴,大約20元才有4-5顆. 相反,天光墟就會便宜一點,10/15元就會有8顆左右,質素普遍比金魚街的好. 但不竟...到天光墟是一個人體的挑戰...如果大家不想爆肝的話,金魚街可能是最方便的選擇. 不過,如何才是質素好的蘋果螺呢? 其實簡簡單單的從外型,也能分辨出那顆螺的狀態較高. 首先,就是看螺的外殼,既然是蘋果螺,在顏色上當然要像蘋果(金魚街普遍在賣的,是Pink Ramshorn,大約是粉紅蘋果螺,外殼顏色偏粉紅,十足"富士蘋果";而小弟於天光墟所購買的,是Brown Ramshorn,大約是啡蘋果螺,外殼顏色較透明及光亮,而且偏啡紅色,頗像"蛇果"). 此外,就是要看殼上有沒有出現常見的螺殼疾病. 第一樣常見的螺殼疾病,就是角質化. 這通常會出現在螺殼兩側的內圈,如果發現螺殼橙紅的內圈有白色或米色的變異,那大概就是出現角質化情況. 此項疾病應該是不能醫治,或是後天補救的,所以愈大範圍的角質化,代表螺的質素愈低. 而第二樣常見的螺殼疾病,就是缺鈣. 據網上資料所示,蘋果螺之所以會缺鈣,多半是因為水中的營養己用盡,螺不能在水裡得到足夠的鈣質作螺殼的生長. 或者,是食物的營養中,缺少鈣質這一項元素. 所以,如果在螺殼上看見有一些微小的洞孔,即代表該螺正處於缺鈣生長當中,狀態不如理想. 但即使有漂亮的螺殼,如果螺本身已經死亡,那就算買了回家,也只是徒然. 所以,在確認購買之前,必須保證所買的螺尚在人間. 這個實驗很簡單,只要細看螺肉是否尚有"血色"(即依然橙紅),螺肉能否黏貼著容器,小螺的觸鬚有否自然擺動. 如果只能看見螺殼,那就需要將螺放到一個平穩定的地方,當小螺沒那麼害怕的時候,自然就會再次活動. 但若果等待多時,小螺依然躲在殼中,從沒有探頭及移動的現象,那就要小心此螺已... 當為蘋果螺身體檢查完畢後,我們亦需要看清小螺現正居住的環境,因為即使貌似健康良好,但有可能只是還未發病而已. 如果在選購時,載著小螺的的袋子已漏氣,袋身已滿佈水蒸氣,水質混濁及模糊等,這都不是好的環境. 也可能表示,小螺已經被困在此惡劣環境多時,被迫在如此差的情況下長成,所以狀態也可能比較差. 當選購得到優質的蘋果螺,其實在整個飼養過程中,已經成功了一大半. 始終這是要來成為龜龜的糧食,如果購買的螺有疾病,或者並不健康,那龜龜食了,也可能會出現狀態,所以在選擇小螺時,這些購買須知及購前觀察,是必不可少的.

裝備篇:
簡單悠閒養 - 膠箱/膠盒/膠兜*2-3
方便無憂養 - 膠箱/膠盒/膠兜/玻璃缸*1,濾水器(如:水妖)*1
其實此兩種養法之分別,大概為水質的控制和換水的次數. 後者可在維持較好水質之餘,減少飼主為其換水的次數. 而前者則需要用較多時間去保持飼養環境的質量,並存在著一定風險.

糧食篇:
據多位師兄/姐指出,蘋果螺幾乎所有蔬果都會吃,其中質地較軟身的效果更佳. 甚至在食物被分解前,牠能消化的,都會進食. 而小弟一般都會把龜龜的Nut Max龜糧壓碎,然後放進盒中. 而日前亦嘗試將莫絲球作為食糧,效果亦不錯. 但要注意的是,因為莫絲球浮力非凡...如果飼養環境有一定水深...還是不要用莫絲球,改用另一類型的莫絲會比較好.

環境篇:
蘋果螺對水質的要求並不是太高,一般有濾水器的環境下,牠能生存得很好. 若果沒有濾水器的話,只要適當的換水,也能為其提供很好的居所. 而水方面,只用自來水,不需隔夜,問題也不大. 在水溫方面,18-25℃時的蘋果螺最為活躍,而且適當的溫度更能決定牠們的壽命及繁殖率. 以香港夏天的溫度來說,則是極為適合飼養及繁殖蘋果螺,但如果水溫接近27℃,就需將螺移至陰涼處,因為水溫高於27℃,有機會造成大量螺死亡. 在香港的冬天,若氣溫太低,這可能會減低蘋果螺之活動,但如果未低過4℃,蘋果螺只會進入擬似冬眠狀態. 不過,根據一調查報告所示,若在蘋果螺飼養環境中加入暖管,即使溫度調至22-27℃,也會造成大量原因不明之死亡.

繁殖篇:
蘋果螺是雌雄同體的,但雌雄同體並不代表可以個體繁殖,雖然的確有雌雄同體的物種能夠做到,不過不包括蘋果螺. 蘋果螺繁殖時依然需要一對公母螺,但在不同的交配對象時,牠們能夠自然轉換性別,所以只要有兩顆螺以上,牠們就能自然繁殖. 據資料所示,配合適當的餵飼,在出生後四週內就能進行繁殖. 通常,牠們每次的排卵,也不會只有一顆,而更常見是兩顆以上. 卵與卵之間並不是完全分開的,而是並互相黏接成為一個卵塊. 另外,蘋果螺的卵多數會於水中生產,並能黏貼著缸的四周,不易脫落. 依我個月所見,從我530買回八顆蘋果螺後,一星期左右,已經產下二十多個卵塊,而每個卵塊中,平均也會有五至六顆卵. 直至現時為止,即三星期的時間,小弟的八顆蘋果螺已產下過一百個卵份. 推算在一個月的時間內,大約可以產下一百二十至三十個卵塊. 依照平均每個卵塊有五顆卵的約數計算,即有約六百顆卵,再換句說話,就是每顆螺在一個月的時間,大約可以產出七十顆卵左右. 而當小弟飼養蘋果螺一週後,第一小缸四邊都黏著卵塊,而且略見小螺雛成,立即將大螺轉至另一缸中飼養,以讓小螺能順利誕生. 約產卵後兩週,小螺就會破卵而出,但由於小螺個體太小,飼主很易會誤以為是塵埃,若此時換水,小心小螺會被沖去. 在小螺出生後一週,配合適當的糧食,大概就會長大至肉眼可清晰分辨殼,肉的階段. 不過由於小弟飼養蘋果螺只有三週,小螺還未完全長大,所以還未能提供繁殖成功率的數據,希望及後補上. 由於大螺有機會會不慎吃掉小螺,所以如果飼主選用簡單悠閒養法的話,建設在適當期間,將大螺轉移到另一飼養箱內.

清潔篇:
簡單悠閒養 - 當飼主看見飼養的缸底,差不多滿載蘋果螺的便便,這就提示飼主是時候換水了. 或者,當飼主聞到缸內的水,開始有點臭,甚至發現不尋常的昆蟲幼體時,就更加需要換水了! 但要是隨便地把水倒掉,有機會連帶把小螺/未靠邊的大螺一併倒掉. 所以小弟建設利用魚網/蝦網,先將水倒進網中,把一切隨水飄流的物質都隔起,再細心查看有否小螺/大螺在此堆填區中,如有,就立刻放回缸中,其餘的就可沖去.
方便無憂養 - 雖然此養法的換水次數可以大大減少,但當飼主需要換水時,亦可配合簡單悠閒養的換水法,以保證只有垃圾才被倒去.

成熟篇:
當小螺長大成螺,原本的大螺已經百子千孫,或飼主已完全掌握繁殖的技巧,這,就是有新龜糧的時候了! 飼主可直接將螺放入龜缸之中,在不久之後,相信你已很難找回剛投進龜缸中的螺了...(尤其是蛋龜一族"orz) 由於資料不足,小弟不能詳細列出蘋果螺的營養數值,但據多位師兄/姐所言,此螺能為龜龜提供大量鈣質,這對龜龜生長(尤其對龜殼)有正面影響. 但並不建議以蘋果螺作為主要食糧,因為龜隻必須吸收不同的營養,所以蘋果螺應以小吃形式給予龜龜,大約一星期一至兩次,每次一至兩顆,視乎龜龜大小而定.

問題篇:
近日,有位師兄講及一些蘋果螺的問題,大概是說蘋果螺在繁殖兩至三代後,很容易就會出現大量死亡,無論如何改變環境及裝備,情況也沒太大改善. 經過多位師兄,尤其我們的蛋龜之達人 - 封之介師兄詳細講解後,小弟大概綜合了問題所在及大約的解決方向,在此特別鳴謝封師兄不厭其煩的解釋=]. 首先,不論各位龜友想把蘋果螺飼養在那裡,都要注意飼養環境中的PH值. 最適宜蘋果螺生活的PH值是7,即是中性的水. 先前,小弟曾在網絡上找尋到一個蘋果螺的研究,他們把蘋果螺放於不同PH值的水中飼養,包括有中性水,酸性水及鹼性水中. 當中,放於中性水中飼養的蘋果螺,牠們能夠正常的成長及繁殖,而且沒有不明的死亡事件. 相反,放在PH值7以外的水中飼養的蘋果螺,即使仍能繁殖,但數量也會大輻減少. 此外,不少蘋果螺在研究期限還未完時,已經因不明原因死亡. 就算最後能存活下來,其成長及健康都被水質嚴重影響. 所以建設各位有意飼養蘋果螺的龜友,簡簡單單的使用清缸飼養會比較好. 因為普遍我們常用的底材(如:珊瑚石骨,火山石等)及常見的水中植物,都會影響到水中的PH值. 若不想蘋果螺壽命大輻縮短,飼主只需要提供清缸,足夠的自來水及食糧(如不想每天餵食的話,可放一塊莫絲),再配合適當的水質,蘋果螺就能健康的生長及繁殖. 另外,飼主也需避免近親繁殖. 因為有不少飼主購買蘋果螺後,就期望牠們能生生不息地繁殖,但經過數代小螺後,就容易就會出現近親繁殖的案件,從而導致再下一代的小螺在健康上產生嚴重問題. 而所謂的近親繁殖,就是進行交配的螺是有血緣關係,如果是這些有"親戚"關係的螺所生的下一代,有很大可能都會有畸形及疾病等問題. 若果想避免此類情況,飼主可在購買蘋果螺時,可多選幾對(如4-5對),並以牠們作長期螺種. 而牠們繁殖出來的小螺則作龜龜的食糧,這樣就能大大減低有近親繁殖的機會. 正常一顆健康的蘋果螺,壽命也能在一年以上,換句話說,這些螺種能為飼主繁殖一年以上的龜龜食糧,頗為化算! 但由於不同的原因,小螺並不是百份百能長成大螺,所以必須配以適當的照顧,才能為龜龜提供健康,而且穩定的蘋果螺作食糧.

(特別注意: 請勿為求方便,直接把螺放於龜缸中"飼養",否則...未見其卵...可能已經...不見其屍...)

此為Pink Ramshorn Snail

此為Brown Ramshorn Snail

530於天光墟購入之蘋果螺,10元8粒 =]

擬似在交配的蘋果螺

第一小缸...失敗了的試驗...因為有小螺出生...急著把小魚魚糧及壓碎的Nut Max放入缸中...但未見小螺進食...已先見這兩樣食物的變質...魚糧不用兩天就有點發霉的現象;而壓碎了的Nut Max...在兩三天後...亦有類似現象...但由於小螺不斷出生...恐怕換水會造成大量殺生...所以...只能人手把小量魚糧及Nut Max拿出... 多虧封師兄的提點,小弟立即買了莫絲球放到飼缸中,給小螺依附及進食. 但水質仍然是個問題...=[

細看失敗了的小螺繁殖缸...

此為第二缸的飼養環境,至現時為止,缸邊已有約八十個卵塊

此圖為不同階段的螺卵成長:
紅色圈 - 初出生的卵塊,只見卵塊中有數顆螺卵黏在一起,但未見小螺的形狀
藍色圈 - 出生大約半星期的卵塊,已能略見有小點在卵塊中,此為小螺雛形
黃色圈 - 出生大約十至十四日左右的卵塊,已能看見小螺的全形,不久後就會正式出生
綠色圈 - 剛出生的小螺,由於個體極小,而且常有未能靠岸的情況,所以建議此時不要換水

此帖只為分享小弟近一個月養蘋果螺的所見所聞,如有錯漏,希望各師兄/姐及達人指點,小弟會作出更新或更改. 亦希望此帖能夠為有心飼養/繁殖蘋果螺的龜友們提供些少資訊. =]

在此再次鳴謝各位有幫助過小弟的師兄/姐及網上資料,亦多謝各位的閱讀
謝謝收看 =]
加番句先...一切版權由本人所有...

作者: torlay 時間: 10-6-28 11:53 PM

好是好...
但我接受唔到心愛既龜兒咬住鼻涕蟲質感既食物

我真係接受唔到囉

作者: 夜兒乂 時間: 10-6-29 12:04 AM

屈機
可以自己轉性-,-
仲有點解去天光墟會爆肝?.?

得閒試下先

作者: Diego軒 時間: 10-6-29 12:06 AM

簡單d講係咪姐係食魚糧呀??
見到有卵塊不d水出黎換得唔得??

作者: raja_b 時間: 10-6-29 12:06 AM

原帖由 夜兒乂 於 10-6-29 12:04 AM 發表
屈機
可以自己轉性-,-
仲有點解去天光墟會爆肝?.?

得閒試下先

因為唔少想去天光墟既龜友...會寧願唔訓教...
去多幾次...真係爆肝...

作者: raja_b 時間: 10-6-29 12:09 AM

原帖由 torlay 於 10-6-28 11:53 PM 發表
好是好...
但我接受唔到心愛既龜兒咬住鼻涕蟲質感既食物

我真係接受唔到囉

Handelababy?!

作者: raja_b 時間: 10-6-29 12:11 AM

原帖由 Diego軒 於 10-6-29 12:06 AM 發表
簡單d講係咪姐係食魚糧呀??
見到有卵塊不d水出黎換得唔得??

可以食魚糧,可以壓碎龜糧比佢食
有卵塊,如果正常情況,佢會黏住個缸邊,倒水都唔會甩既~

作者: Diego軒 時間: 10-6-29 12:17 AM

原帖由 raja_b 於 10-6-29 12:11 AM 發表

可以食魚糧,可以壓碎龜糧比佢食
有卵塊,如果正常情況,佢會黏住個缸邊,倒水都唔會甩既~

姐係用魚網係裝住d大既

作者: raja_b 時間: 10-6-29 12:21 AM

原帖由 Diego軒 於 10-6-29 12:17 AM 發表

姐係用魚網係裝住d大既

唔係~
係一手拎住個網,
一手就將d水倒向個網度,
咁個網就可以隔住d屎/卵/螺,
但你就可以倒走曬d水,
而冇直接倒埋有用既野,
咁倒完水,就係個魚網度拎番d螺/卵出黎,
最後洗個網,k.o.~!

作者: 夜兒乂 時間: 10-6-29 01:05 AM

原帖由 raja_b 於 10-6-29 12:06 AM 發表

因為唔少想去天光墟既龜友...會寧願唔訓教...
去多幾次...真係爆肝...

唔訓教對我呢個夜鬼來講,好小事
不過我真係養既
我寧願會去魚街買-,-
好唔鍾意天未光就出街

作者: raja_b 時間: 10-6-29 01:24 AM

原帖由 夜兒乂 於 10-6-29 01:05 AM 發表

唔訓教對我呢個夜鬼來講,好小事
不過我真係養既
我寧願會去魚街買-,-
好唔鍾意天未光就出街

魚街買...就真係要好小心慢慢揀...

作者: 封之介 時間: 10-6-29 01:30 AM

其實金魚街10蚊都有4粒=.= 仲大粒d

作者: Diego軒 時間: 10-6-29 01:34 AM

原帖由 raja_b 於 10-6-29 12:21 AM 發表

唔係~
係一手拎住個網,
一手就將d水倒向個網度,
咁個網就可以隔住d屎/卵/螺,
但你就可以倒走曬d水,
而冇直接倒埋有用既野,
咁倒完水,就係個魚網度拎番d螺/卵出黎,
最後洗個網,k.o.~!

D卵會唔會用手一拎就散哂嫁??

作者: 封之介 時間: 10-6-29 01:37 AM

原帖由 Diego軒 於 10-6-29 01:34 AM 發表

D卵會唔會用手一拎就散哂嫁??

唔會...蘋果螺既卵係一排圍住~~一整走成塊卵起出黎...唔會整散到一粒粒

作者: ╭月瞳╯ 時間: 10-6-29 01:37 AM

原帖由 封之介 於 10-6-29 01:30 發表
其實金魚街10蚊都有4粒=.= 仲大粒d

上次3我地買戈袋生左超多

作者: 封之介 時間: 10-6-29 01:39 AM

原帖由 ╭月瞳╯ 於 10-6-29 01:37 AM 發表

上次3我地買戈袋生左超多

我果D出哂世了= = 勁多囉

作者: ╭月瞳╯ 時間: 10-6-29 01:45 AM

原帖由 封之介 於 10-6-29 01:39 發表

我果D出哂世了= = 勁多囉

我都差不多

作者: 封之介 時間: 10-6-29 01:46 AM

原帖由 ╭月瞳╯ 於 10-6-29 01:45 AM 發表

我都差不多

你加多4隻應該仲多啦=.=
星期4出唔出去無聊下

作者: ╭月瞳╯ 時間: 10-6-29 05:21 AM

原帖由 封之介 於 10-6-29 01:46 發表

你加多4隻應該仲多啦=.=
星期4出唔出去無聊下

咪又係得5隻
佢番到黎幫我生左7督蛋囉

7月1 有冇煙花睇

作者: 男囝 時間: 10-6-29 07:47 AM

型~試下先

作者: 鋒．嵐＊ 時間: 10-6-29 10:30 AM

蘋果螺...我都有考慮過買比班龜食..
結果都係無

但係繁殖速度太快...而且我都接受唔到成隻鼻涕蟲咁既野比龜食= =!!

作者: ╭月瞳╯ 時間: 10-6-29 10:59 AM

原帖由 鋒．嵐＊ 於 10-6-29 10:30 發表
蘋果螺...我都有考慮過買比班龜食..
結果都係無

但係繁殖速度太快...而且我都接受唔到成隻鼻涕蟲咁既野比龜食= =!!

繁殖速度追唔切龜食佢既速度

作者: 鋒．嵐＊ 時間: 10-6-29 11:28 AM 標題: 回復 22# ╭月瞳╯ 的帖子

睇幾耐餵一次同份量同有幾隻龜食哈哈

作者: 封之介 時間: 10-6-29 11:44 AM

原帖由 ╭月瞳╯ 於 10-6-29 05:21 AM 發表

咪又係得5隻
佢番到黎幫我生左7督蛋囉
7月1 有冇煙花睇

應該有掛

作者: zx789456 時間: 10-6-29 01:37 PM

我都有養,我想問草龜同巴西龜食5食得,如果食得要幾大先吞到?

作者: 封之介 時間: 10-6-29 02:19 PM

原帖由 zx789456 於 10-6-29 01:37 PM 發表
我都有養,我想問草龜同巴西龜食5食得,如果食得要幾大先吞到?

食得...食幾耐睇你隻龜大細...正常唔洗一分鐘已經落左肚

作者: zx789456 時間: 10-6-29 02:49 PM

我覺得隻螺大過龜個口,驚佢地噎親

作者: ╭月瞳╯ 時間: 10-6-29 03:20 PM

原帖由 鋒．嵐＊ 於 10-6-29 11:28 發表
睇幾耐餵一次同份量同有幾隻龜食哈哈

歌仔有得唱
一日一蘋果嘛

食佢好過食蝦乾

原帖由 封之介 於 10-6-29 11:44 發表

應該有掛

我愛煙花不愛花.....

作者: 鋒．嵐＊ 時間: 10-6-29 06:59 PM 標題: 回復 28# ╭月瞳╯ 的帖子

蘋果螺同蘋果係唔係一樣先 - -!!

草龜同草係唔係一樣xdxd..

蘋果螺同東風螺同田螺..邊隻好味d先.. = =!! 搞到有小小想餵班龜哈哈

作者: fasun 時間: 10-6-29 07:05 PM

謝謝師兄分享!

作者: ╭月瞳╯ 時間: 10-6-29 07:26 PM

原帖由 鋒．嵐＊ 於 10-6-29 18:59 發表
蘋果螺同蘋果係唔係一樣先 - -!!

草龜同草係唔係一樣xdxd..

蘋果螺同東風螺同田螺..邊隻好味d先.. = =!! 搞到有小小想餵班龜哈哈

咁就餵啦a_a

作者: zx789456 時間: 10-6-29 07:40 PM

2隻巴西嗅下就走開,隻細草咬5爛個螺,點先比到佢食?明明見到佢好有興趣又食5到==

作者: 封之介 時間: 10-6-29 07:45 PM

原帖由 zx789456 於 10-6-29 07:40 PM 發表
2隻巴西嗅下就走開,隻細草咬5爛個螺,點先比到佢食?明明見到佢好有興趣又食5到==

既然佢地唔食就唔好強求= = 呢D野留返比D要愈大愈紅既龜食仲好

作者: ╭月瞳╯ 時間: 10-6-29 08:13 PM

原帖由 zx789456 於 10-6-29 19:40 發表
2隻巴西嗅下就走開,隻細草咬5爛個螺,點先比到佢食?明明見到佢好有興趣又食5到==

你可以用手指啪裂隻螺個殼先之後佢地會自然食

作者: 鋒．嵐＊ 時間: 10-6-29 10:05 PM 標題: 回復 34# ╭月瞳╯ 的帖子

好鬼殘忍= =!!
呢d動物..個殼一爛左成隻就會死- -!!

蘋果螺好味定係田螺好味..
食隻跟住報告下...跟住我先餵下xd

作者: 封之介 時間: 10-6-29 10:12 PM

原帖由 鋒．嵐＊ 於 10-6-29 10:05 PM 發表
好鬼殘忍= =!!
呢d動物..個殼一爛左成隻就會死- -!!

蘋果螺好味定係田螺好味..
食隻跟住報告下...跟住我先餵下xd

田螺個殼硬好多...正常都唔會揀佢

作者: 鋒．嵐＊ 時間: 10-6-29 10:37 PM 標題: 回復 36# 封之介的帖子

如果細細隻既話都唔會硬得去邊??

---------
試下小餵睇下點先

因為如果長餵真係好麻煩..者係等於養埋螺咁樣- -

[ 本帖最後由鋒．嵐＊於 10-6-29 10:41 PM 編輯 ]

作者: 封之介 時間: 10-6-30 12:53 AM

原帖由 鋒．嵐＊ 於 10-6-29 10:37 PM 發表
如果細細隻既話都唔會硬得去邊??
---------
試下小餵睇下點先
因為如果長餵真係好麻煩..者係等於養埋螺咁樣- -

我都係覺得無咁好=.= 不過如果食既我都係搵隻草龜做實驗...養左佢3年係時候捐軀了

作者: ╭月瞳╯ 時間: 10-6-30 02:22 AM

原帖由 封之介 於 10-6-30 00:53 發表

我都係覺得無咁好=.= 不過如果食既我都係搵隻草龜做實驗...養左佢3年係時候捐軀了

愛協會告你平機會會起訴你

作者: 鋒．嵐＊ 時間: 10-6-30 10:17 AM 標題: 回復 39# ╭月瞳╯ 的帖子

海天堂多謝你

-----------------------------------------------------------------
但係蘋果螺 1星期食1至2次..每次1-2粒..

比盡你每隻龜1星期食得4粒- -

咁樣即使螺既鈣質高- -但係餵得咁少- -又有無咁大效用

作者: raja_b 時間: 10-6-30 11:14 AM

原帖由 鋒．嵐＊ 於 10-6-30 10:17 AM 發表
海天堂多謝你
-----------------------------------------------------------------
但係蘋果螺 1星期食1至2次..每次1-2粒..

比盡你每隻龜1星期食得4粒- -

咁樣即使螺既鈣質高- -但係餵得咁 ...

係作補充,而唔係作單一來源

作者: zx789456 時間: 10-6-30 05:17 PM

唔該該晒你地o既指點,龜b食得好開心

作者: 你白痴我白目 時間: 10-6-30 05:19 PM

養螺要比咩佢食,同埋個膠兜要有幾大??佢會吾會自己爬出黎??點睇隻螺有冇病/其他問題??

作者: zx789456 時間: 10-6-30 05:29 PM

你根本無睇過前面就問,咁呃分都有o既

作者: raja_b 時間: 10-6-30 06:59 PM

原帖由 你白痴我白目 於 10-6-30 05:19 PM 發表
養螺要比咩佢食,同埋個膠兜要有幾大??佢會吾會自己爬出黎??點睇隻螺有冇病/其他問題??

要食咩...我文中有講...
膠兜幾大真係隨你...但建議空間唔應該太細...正如我八顆螺種,最細都有5-6'兜仔養...
蘋果螺基本不會離水太遠...
選購篇同問題篇已答...

作者: 你白痴我白目 時間: 10-7-1 02:15 PM

原帖由 zx789456 於 10-6-30 05:29 PM 發表
你根本無睇過前面就問,咁呃分都有o既

我有睇,不過睇完吾記得左^^!!懶得再禁番去睇!!^^
乜吾比問野架咩??

作者: ╭月瞳╯ 時間: 10-7-1 02:41 PM

原帖由 你白痴我白目 於 10-7-1 14:15 發表

我有睇,不過睇完吾記得左^^!!懶得再禁番去睇!!^^
乜吾比問野架咩??

問野當然可以,
不過問野前麻煩請先爬文再問
而且你仲要明知前文有講過你都仲要問
咁樣已經可視為呃post

作者: 你白痴我白目 時間: 10-7-1 02:46 PM

原帖由 ╭月瞳╯ 於 10-7-1 02:41 PM 發表

問野當然可以,
不過問野前麻煩請先爬文再問
而且你仲要明知前文有講過你都仲要問
咁樣已經可視為呃post

乜係架咩‥‥‥!!養螺會吾會牛/惹左d其他生物黎??

作者: raja_b 時間: 10-7-1 03:11 PM

原帖由 你白痴我白目 於 10-7-1 02:46 PM 發表

乜係架咩‥‥‥!!養螺會吾會牛/惹左d其他生物黎??

自己繁殖蘋果螺比龜食,
原因就係為左可以比龜食到乾淨既螺,
係補充到額外營養之餘,
唔會因為有病菌而攪病隻龜

作者: 乂流星亂舞乂 時間: 10-7-1 04:41 PM

真係又平又大碗@@  生殖咁快睇怕唔洗買咁多魚仔同蝦仔~~ 超合乎經濟原則呀~~
今日我都買左係天光墟買左10蚊5粒  但係前排去好似冇個檔嫁幾時開既??
另外我唔係幾認同幾似鼻涕就唔食得-3- 好多海鮮  味煮既時候都嘔心~

作者: raja_b 時間: 10-7-1 07:17 PM

原帖由 乂流星亂舞乂 於 10-7-1 04:41 PM 發表
真係又平又大碗@@  生殖咁快睇怕唔洗買咁多魚仔同蝦仔~~ 超合乎經濟原則呀~~
今日我都買左係天光墟買左10蚊5粒  但係前排去好似冇個檔嫁幾時開既??
另外我唔係幾認同幾似鼻涕就唔食得-3- 好多海鮮  味煮既時候 ...

我個人覺得...星期六日既天光墟,會多好多野睇 =]

作者: dboy3333 時間: 10-7-1 08:24 PM

但係如果想執阿婆既好野, 平日去先會見到

作者: 你白痴我白目 時間: 10-7-1 08:44 PM

不過要咁早起身趕去旺角買都係吾好搞我,有冇人會買多d之後轉賣比人??

作者: raja_b 時間: 10-7-1 09:09 PM

原帖由 dboy3333 於 10-7-1 08:24 PM 發表
但係如果想執阿婆既好野, 平日去先會見到

呀婆出品...真係要細心觀察完...先可以出手@@

作者: 乂流星亂舞乂 時間: 10-7-1 09:09 PM

星期六日會多左蜥蝪呀蛇呀個d睇星期一至五好似冇==" 可以既話星期六日先去唔洗咁早起身因為星期六日開耐d

作者: 夜兒乂 時間: 10-7-1 11:58 PM

餵我d鱷龜都唔錯
宜家變得愈來愈惡
一經過佢附近,就想咬我
有膠箱保護下,令佢不能有機可乘

佢幾乎見野就食-,-
食得就吞,唔食得就吐
我估佢可以接受到呢種食物

作者: 虎=~ 時間: 10-7-2 02:35 PM

我仲以為係養0,0
原來係食得,得閒試試

作者: raja_b 時間: 10-7-2 10:53 PM

原帖由 虎=~ 於 10-7-2 02:35 PM 發表
我仲以為係養0,0
原來係食得,得閒試試

係食得嫁,如果有養食蝸或蛋龜就正喇!

作者: dboy3333 時間: 10-7-3 12:14 AM

原帖由 raja_b 於 10-7-2 10:53 PM 發表

係食得嫁,如果有養食蝸或蛋龜就正喇!

我的確認為旦龜好鍾意食...
我果2隻, 係好鍾意留意缸底既龜鈣或螺

作者: raja_b 時間: 10-7-3 06:35 AM

原帖由 dboy3333 於 10-7-3 12:14 AM 發表

我的確認為旦龜好鍾意食...
我果2隻, 係好鍾意留意缸底既龜鈣或螺

我未買過龜鈣比我果幾隻野食@@

作者: 封之介 時間: 10-7-3 01:58 PM

原帖由 raja_b 於 10-7-3 06:35 AM 發表

我未買過龜鈣比我果幾隻野食@@

買啦~10蚊有6粒@@

作者: raja_b 時間: 10-7-3 04:08 PM

原帖由 封之介 於 10-7-3 01:58 PM 發表

買啦~10蚊有6粒@@

冇啦啦都可以比龜龜咬架?

作者: ×簡︻單愛∞ 時間: 10-7-5 12:06 AM

樓主有冇試過將佢地仲隻仲隻分開放 ??
即係自己一隻膠盒 ?
我發覺佢地其實係可以單細胞繁殖的..
因為我有兩隻分開獨立膠盒
一星期發現佢地曉自己痾春~而且係受精的..

作者: raja_b 時間: 10-7-5 01:17 AM

原帖由 ×簡︻單愛∞ 於 10-7-5 12:06 AM 發表
樓主有冇試過將佢地仲隻仲隻分開放 ??
即係自己一隻膠盒 ?
我發覺佢地其實係可以單細胞繁殖的..
因為我有兩隻分開獨立膠盒
一星期發現佢地曉自己痾春~而且係受精的..

有師兄話佢可以單性繁殖
亦有師兄話佢地只係雌雄同體

我有搵過資料,
究竟雌雄同體係咪等於可以單性繁殖,
而的確係有某幾個品種既生物可以,
雖然有某幾種蝸牛同螺係響其中,
不過Ramshorn Snail又無說明係其中之一...

所以我都係自己觀察同聽師兄講,
蘋果螺係會好有意識地會爬上另一顆蘋果螺既身上,
而且好多時都係會黏響右手面一段長時間,
如果我冇記錯...有資料係講過蘋果螺既生殖孔係右邊,
因此...我覺得佢地係需要交配既...

不過如果師兄可以確實證明佢地係可以單性繁殖,
咁就最好喇,等小弟可以更正番果一部份 =]

但想問師兄,分開養,佢地係咪依然可以大量產卵?
定係師兄只係見過果排可以,而之後就冇呢? Thank You =]

作者: ×簡︻單愛∞ 時間: 10-7-5 01:48 AM

原帖由 raja_b 於 10-7-5 01:17 AM 發表

有師兄話佢可以單性繁殖
亦有師兄話佢地只係雌雄同體

我有搵過資料,
究竟雌雄同體係咪等於可以單性繁殖,
而的確係有某幾個品種既生物可以,
雖然有某幾種蝸牛同螺係響其中,
不過Ramshorn Snail又無說明係 ...

唔會..
分開兩邊兩邊既蘋果螺佢地都會大量痾春
其實同時我又諗緊因為係分開養既時侯已經有d好細隻既螺出左細..
但諗深一層又無理由咁細隻會影響到大個隻繁殖

因為實質隻小螺都只係剛現個外形...
你都可以試下分開兩隻做下試驗

作者: raja_b 時間: 10-7-5 09:36 AM

原帖由 ×簡︻單愛∞ 於 10-7-5 01:48 AM 發表

唔會..
分開兩邊兩邊既蘋果螺佢地都會大量痾春
其實同時我又諗緊因為係分開養既時侯已經有d好細隻既螺出左細..
但諗深一層又無理由咁細隻會影響到大個隻繁殖

因為實質隻小螺都只係剛現個外形...
你都可以 ...

因為我既螺種一齊生活太耐,
所以就算依加先黎分開養,
都未必準確,所以...未必即刻試到
可能遲少少買過新既種,或者等一粒細螺大
咁就可以做到呢個實驗喇 =]
唔該曬師兄先

作者: 封之介 時間: 10-7-5 11:47 AM

原帖由 ×簡︻單愛∞ 於 10-7-5 12:06 AM 發表
樓主有冇試過將佢地仲隻仲隻分開放 ??
即係自己一隻膠盒 ?
我發覺佢地其實係可以單細胞繁殖的..
因為我有兩隻分開獨立膠盒
一星期發現佢地曉自己痾春~而且係受精的..

蘋果螺受精一次就可以生好幾次...唔洗次次搞

作者: raja_b 時間: 10-7-6 10:23 AM

原帖由 封之介 於 10-7-5 11:47 AM 發表

蘋果螺受精一次就可以生好幾次...唔洗次次搞

由此可見...蘋果螺係一種好神奇既生物!

作者: ×簡︻單愛∞ 時間: 10-7-7 02:41 AM

原帖由 封之介 於 10-7-5 11:47 AM 發表

蘋果螺受精一次就可以生好幾次...唔洗次次搞

但隻野都成兩個幾三個星期先剛痾完ja wo-.-'....
佢攪一次可以痾幾多個月蛋- - ?

作者: fasun 時間: 10-7-7 01:25 PM

請問師兄, d 螺可以同燈魚一起養嗎? 螺b會俾燈魚食晒嗎?

作者: raja_b 時間: 10-7-7 01:44 PM

原帖由 fasun 於 10-7-7 01:25 PM 發表
請問師兄, d 螺可以同燈魚一起養嗎? 螺b會俾燈魚食晒嗎?

我就真係未試過喇,不過我有見過師兄係放螺係魚缸中養,
但魚量並唔係太多既,而且有幾多草/洞/石比小螺生存
之但係...果個師兄唔係單一想繁殖螺...而係想佢地繁殖出黎食青苔...

其實...如果真係想繁殖蘋果螺,我覺得是是但但比佢自己一個盒,
會比較方便,同埋安心~ 最多係咁依比個水妖佢,我覺得都會安全過同魚養 xD

作者: restart2010 時間: 10-7-7 04:33 PM

我都想試下自己養，但唔係咁易買到蘋果螺

作者: raja_b 時間: 10-7-7 05:20 PM

原帖由 restart2010 於 10-7-7 04:33 PM 發表
我都想試下自己養，但唔係咁易買到蘋果螺

蘋果螺唔難搵...魚街都有成4-5檔賣...@@

作者: 封之介 時間: 10-7-7 07:13 PM

原帖由 raja_b 於 10-7-7 05:20 PM 發表
蘋果螺唔難搵...魚街都有成4-5檔賣...@@

嗯~~魚街有間叫水草店都係10蚊4隻~~

歡迎光臨 2000FUN論壇 (https://www.2000fun.com/)