2000FUN論壇

標題: 煩惱~黑頭問題 [打印本頁]

作者: 卡通 時間: 10-7-4 03:28 PM 標題: 煩惱~黑頭問題

我D黑頭真係好勁,己有幾年,都有用下野護理,但唔多有效~更恐怖的是D黑頭攪到個鼻,瞼好多油出~唔知版主,師兄們有咩方法幫下小弟?
有D咩護理產品係值得推介?THX

作者: 小sion子 時間: 10-7-5 11:39 AM

原帖由卡通於 10-7-4 03:28 PM 發表
我D黑頭真係好勁,己有幾年,都有用下野護理,但唔多有效~更恐怖的是D黑頭攪到個鼻,瞼好多油出~唔知版主,師兄們有咩方法幫下小弟?
有D咩護理產品係值得推介?THX

可唔可以講下點樣用下野護理?.? 用過咩野護理?.? 點樣唔多有效?.?
平時有無用其他skincare?
如果本身咩都無用既話, 唔做日常護理而去諗去黑頭/去暗瘡之類既野, 其實係本末倒置~

黑頭唔係d可以"解決!"既問題, 而係keep住清、keep住清, 同埋平時保持乾淨的話黑頭就無"增長"得咁快~
其實說穿了黑頭係留在毛孔內的油脂氧化了變成有色睇得見~所以呢, 其實唔係"黑頭整到你成面油", 而係本身油脂分泌多, 而如果毛孔唔暢通的話, 咁d油脂困係毛孔入面~困得耐就會氧化變成黑頭咁既樣~
所以如果要清黑頭呢, 用clay mask將污糟野吸出黎/推上皮膚表面再清除會好d~一星期兩次幫塊面做深層清潔~
但講到預防黑頭的話呢, 其實補濕呀去角質呀都係必須既~起碼令毛孔暢通d, 油脂先唔會成日積聚係毛孔~

作者: 卡通 時間: 10-7-7 01:12 AM

我一心正係用潔面液同爽膚水解決黑頭,但好似無咩用~仲有請問版主大大有咩方法解決鼻出油的問題?E個問題真困擾我啊~

作者: 小sion子 時間: 10-7-8 05:21 AM

原帖由卡通於 10-7-7 01:12 AM 發表
我一心正係用潔面液同爽膚水解決黑頭,但好似無咩用~仲有請問版主大大有咩方法解決鼻出油的問題?E個問題真困擾我啊~

因為潔面同toner都只係日常護理~對已經形成左既黑頭無咩作用~反而係可以令黑頭出少d~(不過亦只係少d/慢d出, 始終都係要keep住清先可以望落無黑頭~)
而已經形成左既黑頭係應該用深層清潔mask啦~

出油方面呢........
有好多人(尤其缺乏護膚觸覺既男生)對面油既處理方法係洗面, 再crossover大家都好鍾意用既暗瘡膏, 結果皮膚最直接既後果就係缺水
而缺水就間接導致皮膚分泌更多油脂去滋潤皮膚~同埋意圖鎖住僅存既水分~
要控制油脂分泌呢, 其實補濕同保濕先係真正既課題~

不得不慨歎一句, 其實香港既天氣實在太濕又太熱, 令大家好唔願意去搽d呢樣個樣上塊面~
你有用洗面同toner係個好開始~但toner之後其實加個lotion step會完整d~因為你洗面之後洗走左油脂, 其實皮膚既保水能力下降左, 就算你搽左toner上去補濕, d水分都鎖唔住, 甚至可能仲要倒蝕添(呢個要睇你既洗面產品會唔會潔力過強)
用返少少lotion/cream去鎖住皮膚水分會好d~
甚至如果你願意去做多d既, 日間用隻比較清爽既lotion/cream~有少少控油功能仲好(但主要功能要係補濕~只求控油的免談~)夜晚就用隻滋潤度高少少既cream~趁夜間修護皮膚~
而3-step(洗面、toner、lotion)以外呢, 其實敷mask係一個速效同方便既補濕方法~
長遠黎睇執返正皮膚既水油平衡自然就可以減少油脂~

同埋呢, 對皮膚黎講, 有人話廿幾度以上氣溫每升一度, 油脂分泌會增加10%, 當然我唔知佢用d咩性質既皮膚得出呢堆數據, 但係的確氣溫越高油脂分泌越旺盛~
所以天氣一熱就應該注意唔好令皮膚受熱得太緊要~
但亦要留意, 而家香港周圍都係冷氣~的確係幫緊皮膚降溫~但冷熱交替又係會刺激油脂分泌既~所以其實平時出出入入冷氣場所都係容易出多左油~
對皮膚黎講長期維持係一個相對低溫既狀態係好d既~唔係鼓吹你開冷氣(事實上我自己係屋企都唔開冷氣~_~)~不過經常出入冷氣場所都可以係出油既成因啦~

歡迎光臨 2000FUN論壇 (https://www.2000fun.com/)