2000FUN論壇

標題: 暗忍並不廢第二彈 [打印本頁]

作者: keigo0622 時間: 10-7-5 01:36 AM 標題: 暗忍並不廢第二彈

今晚睇忍頻又見到人嘈交....又話暗忍有幾廢幾廢....又話75副本冇人要...又話D人就算打副本要術忍都唔會要暗忍..
又講到暗忍埋身打王又會被秒之類的...講既人通常都係未打過75副本既人..所以今日打完副本影左D相...
暗忍並不廢..75副本3人團..坦克我(暗忍)..1技工...1光祭....一小時完成...洛基唔記得影相....有影奧丁同狼王...
冇人死過...先殺狼後殺奧丁...所以到殺完奧丁BUFF時間剩3分鐘..加埋打左57分鐘...
洛基除左上左75鍵BUFF..都係常規BUFF...之後先清完小怪..到狼王有變龜..13000防..鋼鐵意志發動有15000防
有開75閃鍵技..打狼時技工有開閃BUFF..冇記錯6800閃...打完發覺血從來冇跌過一半..打奧丁時改用爆傷BUFF..
打奧丁時一樣血從來未跌過落一半...先清完怪原因係打狼時變龜開防技可以15分鐘內殺狼+奧丁...
裝備黃4鍵+黃神核全+9....4飾全+9.....78紫武兩星+7.....相信裝備簡單..不算高階....很多人做到...(就算冇黃核有78紫核亦相差不大)
希望話暗忍廢的人可以對暗忍改觀...亦希望覺得打副本暗忍不如術忍的人看看...
老實講...我唔敢講術忍做唔到坦克效果...但一定暗忍做坦比術忍輕鬆....但如果以第一次打副本黎講..術忍絕對比暗忍安全得多..
順帶一講....我唔係想講自己做坦有幾勁...因為我有好多朋友都係2人團...戰+祭機工+祭亦都有...但係打狼會有小狼召出黎..
冇機工幫手清實在太危險...所以我3人團完成...希望大家唔好再講到暗忍有幾咁垃圾了...暗忍並不廢...共勉之..

[ 本帖最後由 keigo0622 於 10-7-5 01:38 AM 編輯 ]

作者: 明治=] 時間: 10-7-5 03:24 AM

平時打親75副 =)
1忍 1補最主要戰士都唔洗

作者: 曉諭 時間: 10-7-5 07:51 AM

我自己玩主坦,副補
一直都覺得暗忍攻擊高 (當你組到幾個比你高lv或者火力勁既dd時, 佢地又"唔識集火",通常都係忍者會ot, 雖然我唔明集火有咩咁難xd)
而且比怪打回避都幾高下
當然我自己係坦戰所以我係指同坦戰比而唔係同大家心目中既"無敵忍者"比

不過玩家vs玩家
我就唔知了, 畢竟我唔係忍者

樓主post得出黎絕對支持
之前一直叫弱果d人希望唔好唔見哂

p.s. 雖然我話忍冇大家口中咁弱
但係我個人係認為
副本時隻暗忍打成點..好多時候係補師控制
因為有d補真係....XD

[ 本帖最後由曉諭於 10-7-5 03:24 PM 編輯 ]

作者: shumtt 時間: 10-7-5 09:38 AM

@_________@
勁野

作者: ffaas 時間: 10-7-5 10:10 AM

很用心, 應該去精華.
嘈暗忍d人貪得無厭姐.

作者: asdwjkl2006 時間: 10-7-5 10:37 AM

比你一個好 !!!!!!!!!
為暗忍大平反......
(敢問樓主加屬點心得

)

作者: skytim 時間: 10-7-5 10:40 AM

暗忍好慘ga 個個都話冇用
支持樓主撐暗忍~

作者: 企鵝先生 時間: 10-7-5 12:02 PM

樓主好似講到黃裝+9係好平民既裝甘...說真的不是人人都有黃裝

所以應用紫裝再做多一次測試會好一點

不過我都好支持暗忍因為我都係玩暗忍A_A

作者: keigo0622 時間: 10-7-5 12:21 PM

80黃裝+9很平民吧...75升80依段時間8件裝備就算幾黑起碼都自己鑑到一半..其他10M一件就收到了...
點+9亦唔會用幾多錢...+8上+9有35%..2000一個強化石..我計你點一件用100個強石..8件...160M
我計夠你200M好未...200M你連3粒61全能都買唔到...200M真係對一個80LV既人有好困難?

作者: keigo0622 時間: 10-7-5 12:52 PM

現金有近6000M....冇賣過點數...都係自己整裝掛1LV卡賺番黎的...
話說富豪榜十個有一半都係忍者...

作者: 2004037 時間: 10-7-5 01:45 PM

打怪有回避率打人無個下先係問題=]

作者: keigo0622 時間: 10-7-5 02:47 PM

係..因為感知加既命中同敏捷加既閃避率都唔成正比的...1敏=10閃 1感知=16物理命中
感知提升永遠都高過閃避率...所以PK黎計除左同戰士打..根本唔會見到有MISS既出現..
包括我自己UNBUFF既情況下命中都高迴避600幾...我朋友戰士UNBUFF命中3400..我先得4284物閃..
命中率約80%..佢飲支71感知水都接近100%命中了..更何況祭司都有加感知技能..
而加閃避率既途徑又咁坷克..一係同機工組隊..佢放500閃避率..但係又只可以要其中一樣...有閃避就冇爆傷..
一係就75緋鍵BUFF..30分鐘CD..持續15分鐘...一係就點滿專精既朦朧之術+3250閃10分鐘CD...持續15秒
現時黎講真係除左打怪會比較有閃避效果...PK真係可以話完全無感覺...

作者: 豐～／／ 時間: 10-7-6 01:05 PM

副本唔組暗忍會慢好多...
低LV果時的確暗忍好廢XD 我自己都唔想入副本拖累人
80左之後就唔係架喇

作者: 企鵝先生 時間: 10-7-6 08:38 PM

樓主是中文ser是吧?

80金裝在英文ser是很值錢的丫....
一個材料都要500多萬= ="

所以我才會建議樓主用紫裝做多一次作比

作者: keigo0622 時間: 10-7-6 09:52 PM

裝備黃4鍵+黃神核全+9....4飾全+9.....78紫武兩星+7.....相信裝備簡單..不算高階....很多人做到...(就算冇黃核有78紫核亦相差不大)
↑ ↑ ↑
都話4鍵4飾品咯....................
我有打得好清楚..係4鍵4飾品....要材料做既只有神核+武器...
武器78一星+7..綁定了變2星...我後面有打(就算用78紫神核亦相差不大)
唔通英文SER連80黃4鍵4飾都要100M一件起跳的嗎?
還是你根本未升到75-80..唔知道黃鍵黃飾係要鑑出黎的?
我相信你去買75黃OR80黃都總比妳收78紫裝簡單得多...
除左80有洞既4鍵..基本上鑑出黎既黃裝我都送NPC了..
你要我點用紫裝去測試一次?你去收一套80黃全套相信比你收一套78紫全套還要簡單得多...

[ 本帖最後由 keigo0622 於 10-7-6 09:58 PM 編輯 ]

作者: jyes18com 時間: 10-7-6 11:02 PM

其實你地跟本係自我安慰緊明唔明等自己多D理由覺得忍者仲有希望=_=

作者: keigo0622 時間: 10-7-6 11:22 PM

難道你覺得忍者可以單刷諸神副本3隻王先叫希望?

作者: Love_baby~ 時間: 10-7-6 11:31 PM

樓主有見地~
我等開新lv 時, 86lv 用3點學埋術忍第一層 +600 魔爆同 30% 魔爆傷, 你話咁加好唔好?

[ 本帖最後由 Love_baby~ 於 10-7-6 11:32 PM 編輯 ]

作者: keigo0622 時間: 10-7-7 12:08 AM

開新等級應該會開新專精吧..到時再算吧..=.="

作者: 企鵝先生 時間: 10-7-7 02:05 AM

原帖由 keigo0622 於 10-7-6 09:52 PM 發表
裝備黃4鍵+黃神核全+9....4飾全+9.....78紫武兩星+7.....相信裝備簡單..不算高階....很多人做到...(就算冇黃核有78紫核亦相差不大)
↑ ↑ ↑
都話4鍵4飾品咯....................
我有打得好清楚..係4鍵4飾品 ...

首先樓主何必甘激動呢?我承認我睇流了

但是我當然知道四鍵,飾品可以鑑定的啦...

而且我只是叫樓主作多一個測試作對比

我的只是建議...你可以不做丫但做了就可以有更多人清楚忍者是還可以生存的

本人都是玩暗殺忍者我都支持暗忍的希望改版後有更多新技能令忍者發光發亮=]

作者: keigo0622 時間: 10-7-7 02:38 AM

其實我好想知你睇漏左既意思係睇漏邊一句?黃武我冇提過..咁身上剩番9件裝備..
神核我亦有提過就算用78神核都唔差太遠...之後你又問我黃裝+9點算平民..
我之後又有解釋過了..4鍵4飾全+9真係好平民..200M就可以搞掂了..
之後你又話一個材料要500M..我真係好難懂...

我身上既裝備已經算係最簡單入手了...既然80黃4鍵+4飾比紫裝還要易入手..
點解要去選擇較難入手而且素質還要比較差既紫裝去測試?我不懂了...

[ 本帖最後由 keigo0622 於 10-7-7 02:53 AM 編輯 ]

作者: atkins1130 時間: 10-7-7 08:21 PM

暗忍萬歲.....

我都係因為佢打怪爽先玩暗...
又唔使個d 施法時間，又唔使扣普拉，依 d 野勁煩

作者: yaoyeguard 時間: 10-7-7 10:53 PM

+++++++樓主看了你的文章我e+唔等新職業啦我爆up忍者啦 now 44lv中~~

作者: faye0713 時間: 10-7-8 12:11 PM

說讚！推推推！

作者: 冷血制裁 時間: 10-7-8 01:18 PM

我支持暗忍=[本身想重玩因為d人話廢但係聽完樓主咁講我決定繼續升返暗忍]

作者: 勞勞仔 時間: 10-7-8 04:29 PM

多謝大大分享

作者: asthetic 時間: 10-7-8 04:29 PM

暗忍的強弱不是看1個例子的
3人團刷75副本當然可以了
喜歡的話,拿暗祭去當打手啊,什麼的也沒問題
坦白說,我到現在也未看過一種職業是一定打副本沒人組的

問題是打副本"正常"都是五人團(別跟我說75副本有很多3人團,3人團的原因只是因為東西掉落而已)
暗忍在五人團的角色一般都是打手
暗忍的近戰攻擊就令很多人都不想組了
試試設身處地的想
有坦有EC,現在在招打手
現在有4個打手要來
近戰1名,其餘3名都是遠攻
這樣一來,這團拉BOSS打也不會慢多少

試想想,
暗忍可以拉仇恨,可是比起戰士呢?
暗忍可以當打手,可是比起法師呢?
暗忍的定位就是全能型,也就是每樣都會一點,可是每樣比專精那一項目的職業差
能拉仇恨,能當打手,有點血,有點閃
所以才能身兼多職,而這只是建基於人數少這方面
所以暗忍可以在3人團代替坦和打手,身兼2職,可是在5人團就比法忍的穩定輸出差了
因為5人團坦拉怪,3個打手1補師是最穩定的打法

為什麼這麼多人說暗忍廢?
只是因為在中間等級的永遠比封頂的多
而暗忍在中間就顯得太劣勢
在封測的時候,上限是60LV
那時候的忍者暴不到閃不到擋不到
可是忍者由60LV開始,暴擊,閃避愈來愈明顯
這明顯是後期的職業
可是我認為80LV也不算是後期,
暗忍依然比很多職業弱勢,只是在70-80這段時期,開始能找到了暗忍的其中一個優點
還未到90LV之前,暗忍在我眼中依然是劣勢職業
個別暗忍有出色的表現不代表整體,不然就不會有這麼多人說暗忍弱了

順便...我覺得忍者最大問題是那CD時間

[ 本帖最後由 asthetic 於 10-7-8 04:31 PM 編輯 ]

作者: 2004037 時間: 10-7-8 06:20 PM

80左都係爆擊明顯左 pvp閃都唔閃下
係得d低能怪物先間中20下都唔知有無閃到一下

作者: keigo0622 時間: 10-7-8 08:28 PM

發依篇文章第一帖我有提到發文目的..係因為職頻有人嘈暗忍有幾廢..同埋有人講組術忍都唔會組暗忍..
而且我冇意討論暗忍強定弱..只係想講暗忍沒有很多人口中咁廢...
因為暗忍單體輸出絕對係全職之冠..←我敢肯定 (不討論BUG技)
點解咁肯定..係考慮到DPS,攻速,技能%數,技能CD等等好多因素...
就以攻速黎作一個例子..當一個暗忍倍化,血之咒印,血性界限.神速反應4開情況下先開千年殺..
千年殺後係10000爆率.攻速90.大技因為無視防禦關係.我自己就爆八千多.四連彈17XX乘4下,刃擊11XX乘4下
當然所有職業都可以全開技能..但使用效益就各職差好遠了..我每0.9秒就可以使用一個技能..有10000爆率
大技%數高..無視防禦..但其他職業響血性限界+神速反應時間裡面可以作出幾多下攻擊...
就再拿技工同忍者既技能再相比大家相同響神速反應情況下..忍者攻速90,機工攻速160,30秒內既血性限界
先假設神速時間不只15秒..因為唔開神速既情況下雙方既攻速會差更大..
機工先開20秒既爆率BUFF..機工20秒內可以使用12個技能..而且不能達到10000爆率..
但忍者20秒既千年殺情況下可使用22次技能10000爆率...再算上打一隻王既時間我預定3分鐘好了...
3分鐘內忍者可以使用3次千年殺..一場BOSS戰鬥情況下有3份1時間都係8800-9000爆率..
而機工3分鐘時間內只有20秒時間持續八千出頭既爆率..戰鬥拖越長..大家相差既時間就越大
至於法師方面..因為每一隻怪既魔防同物防都唔一樣..例如洛基..魔防超高..物防超低..所以唔太去比較了
而且法師偏向範圍輸出多過單體輸出..相信大家沒意見吧...加上團隊有戰士的話..
5次防護崩潰減既防只有減物防冇減魔防...咁整體輸出會差更遠...
當然我唔係響度話機工同法師傷害低..因為大家既優缺點都不同..
機工,炸彈可以同時打複數敵人.以清小怪黎計整體輸出比暗忍高..
法師,範圍魔法清小怪整體傷害第一,有控場,可以解DEBUFF..
暗忍,單體輸出最高,打王時能讓戰鬥時間盡快結束.減低治療壓力(雖然以現時副本難度根本沒有治療壓力)
術忍,遠距離輸出,有範圍輸出..可以同機工/法師一齊清複數怪,以新手打副本黎計比暗忍輸出安全.但單體輸出不如暗忍

說明副本..正正依家就係有依個問題..就係因為掉落物品關係..戰士都可以就咁加一隻祭去打75副本了
當戰士都選擇去同祭司2人團OR3人團既時候..其他人搵唔到團點算?
一個5人團打一日只可以打一次既諸神副本..但係依家只要多一個祭司就可以變兩個團隊去打一日一次既諸神副本..
俾你點揀?一個團隊戰,法/機,祭一團一個暗忍,法/機,祭一團
對於'暗忍的近戰攻擊就令很多人都不想組了'我不能理解..做坦都可以了..不想組既原因係?
以現時大家打既諸神副本已經非常成熟....法忍比暗忍並沒有穩定既輸出..只有係未識打一個副本前比較安全而已..

你第一句有提到不是單單看一個例子..其實我有說明自己既裝備..老實講不算高階....好多人都能夠做得到..
響最後一段你提到中間等級的比封頂的多..冇錯..依篇文就係比未封頂既人睇的..就係想佢地睇下封頂後既實際情況..
而且我真係講左好多次了..依篇文並唔係講忍者無敵論..冇提過暗忍強定弱..並沒有講出唔出色..整體如何..
所以我標題係暗忍並不廢..而第一篇文係'忍者並沒有你地想像中咁差'..係為大家對暗忍既誤解作解釋
並沒有起標題'暗忍好勁,暗忍好強'
最少我自己覺得PK不如戰士...機動性差...清複數小怪方面冇機/法來得快...
但係最少依家打副本多一條出路...搵唔到坦既情況下都可以自己做坦開團...
最少依方面比術忍,機工,法師.光/暗祭來得有優勢吧...
最後都係果句,每一個職業都有佢既優缺點...本篇文章係讓大家了解暗忍亦都有長處..並沒有大家口中咁一無事處..
因為太多人以未封頂既情況下為暗忍作結論..亦很多人不理解DPS,攻速,各職業既技能%數值,整體傷害,技能效益去作評估
本篇文章純粹為不了解暗忍的朋友去解惑..為暗忍搵唔到坦去打諸神提供多一條出路..並沒有意去討論暗忍強弱之意..謝謝!!

[ 本帖最後由 keigo0622 於 10-7-8 11:02 PM 編輯 ]

作者: asthetic 時間: 10-7-9 01:37 AM

我見過法師做打手可以將怪既仇恨拉過去,暗忍呢?

忍做坦當然沒問題,但那是效率問題
也就是說,有4個人要招坦的話,1個盾戰和1個忍,你會選誰?
要說自己開團也可以,
在全頻看到2個廣告："戰士+打手招奶媽打75副"和"忍者+打手招奶媽打75副"
你是奶媽,你又會選誰?
可不可以和是不是有效率是2個問題
我在說的是5人團忍者的弱勢,而你說的是3人團忍者的強勢
沒錯,3人團的忍者當然是好了,可是5人團呢?
更何況要說可以的話,機工一樣可以做暗忍做的事

暗忍和法忍最大的分別不是什麼輸出之類的,
是遠攻和近攻的分別
只要BOSS會範圍技和高攻,
暗忍作為打手就只能用遠攻了

我也沒暗忍有多弱
問題是副本不可能愈來愈弱,愈後的副本一般都會愈難,下次改版就開100LV了,到時候還能3人團?
這我不知道,如果100LV打的副本還能3人團的話,
全敏暗忍應該是10次有7,8次暴,加上迴避之類的屬性也會提高,
到時候暗忍才能好起來

在我眼中,忍者就是十B的學生
要說他差嗎?並不是,只是旁邊的學生都是3A7D之類的

作者: keigo0622 時間: 10-7-9 03:33 AM

或者你問一下戰士的朋友或者睇其他帖..OT的情況下..第二仇恨係暗忍定法師...
我可以肯定的答你..暗忍..我已經擺左咁多數據出黎..你睇唔明單體輸出情況下暗忍絕對係第一傷害嗎?
我由30級副本開始打到依家75副本..第二仇恨除左自己從來未見過係其他人...單單有戰士既團隊裡面..
5層既防護崩潰為物理系攻擊既提升..魔攻根本追不上..

副本問題我已經講左了..以依家大家都咁成熟既情況下..戰士寧願組二人三人團去刷寶都唔願意組五個人去大家分寶..你有看懂嗎?
當搵唔到戰士坦既情況下..暗忍做坦亦係另一出路..你懂嗎?

以依家大家打諸神打到爛既情況下..要求既係要傷害輸出速度..並唔係要你一滴血都唔扣響遠處慢慢製造傷害..
75級副本你可以列出有邊一隻怪唔可以近攻的?

你看文希望你睇重點...文章係以依家大家打諸神相當成熟的情況下...好多人寧願組少D人分寶都唔寧靜組滿5人去分寶..
因為諸神一日只可以打一次..當冇坦既情況下..暗忍做坦亦都係一條出路..
並唔係拎盾戰同暗忍做坦作比較....就算有戰士既團隊....識打既人你問下仲有幾多個人係拎盾去打的...
個個都拎把重武一路輸出一路輕鬆坦...根本冇盾戰既必要..

以依家所說既情況就係等於...一團人爭個祭司...有邊個唔想組個光祭?但係光祭都去左同戰士2人團之後..
有暗祭可以補你唔死..一樣可以打完諸神..咁你揀唔揀?係咪搵唔到坦搵唔到光祭就唔洗打?
情況係一樣你懂嗎?搵唔到戰士/光祭...咪退求其次搵暗忍/暗祭去打囉...

而且本文章係講緊現時既版本,80封頂,副本好多人打到爛熟了,戰士寧願組少人唔組多人既情況下..暗忍做坦亦係出路..
並唔係講暗忍做坦比盾戰做坦優勝..有邊個唔想組戰士組光祭去打副本?

而且我已經再三說明我跟本冇評論過暗忍係咩等級既學生..本文章只係帶個訊息俾大家...
暗忍並不廢...術忍輸出根本冇暗忍輸出來得高...只有響唔熟一個副本既情況下..術忍比暗忍安全而已...
搵唔到坦打諸神既情況下..自己做坦亦係出路...
並唔係提出暗忍可以做坦好勁..係提出冇戰士既情況下..暗忍一樣可以做坦完成副本...
本文只係想比對暗忍唔了解既人睇可以了解暗忍..並唔係要為暗忍依個職業評分!!

歡迎光臨 2000FUN論壇 (https://www.2000fun.com/)