2000FUN論壇

標題: 大家扮拖既目的係咩?(希望大家係度分享心得or意見) [打印本頁]

作者: matthew124 時間: 10-7-7 08:23 PM 標題: 大家扮拖既目的係咩?(希望大家係度分享心得or意見)

我就冇拍拖(比人飛就飛左好多次T^T)
但係我就覺得同伴侶
可以一齊進行同一個科學上既研究
成功後既感覺
一定更加開心

唔知大家又點睇呢?

作者: kuen22382 時間: 10-7-7 08:35 PM

拍拖既目的.......除左自己開心外.....仲可以帶給對方同樣既開心

(前提係你必須學識令女人開心,否則你既女人唔開心你都唔會開心得去邊)
而唔係為左愛以去愛一個經已無可能既愛,亦唔應該為左愛而令自己痛苦下去(當然也包括對方),所以「等」對方回心轉意唔係個好方法,「等」只會令你痛苦落去.......(當然你覺得開心我無野好講)

假如你發現你現在的求愛方法(溝女方式)令你帶來傷痛的話,請承認自己既失敗,然後好好向高手學習新的求愛方式，並改變自己。 (否則同一個方法只會帶黎同一個結果)

「想要改變就必須懂得捨棄舊有的思想，學會捨棄後就必須學習接受新的思維!!」 (又係一句我作既垃圾句子

)

[ 本帖最後由 kuen22382 於 10-7-10 11:53 AM 編輯 ]

作者: 銀河戰國 時間: 10-7-8 03:02 AM

老實講我就希望可以到結婚
長長久久
你地或其他人就唔知喇
D女係成日叫買野又食好住好試問我搵萬2蚊個月養佢唔起早分手早著

作者: matinluk 時間: 10-7-8 09:42 AM

拍拖都係為左開心姐 ~

作者: 20011032 時間: 10-7-9 01:26 AM

我都問過依個問題
ｖ
ｖ
ｖ
http://www.2000fun.com/bbs/viewt ... p;extra=&page=1

作者: bee~come 時間: 10-7-9 02:33 AM

我好簡單

愛一個上一課

作者: ╣愛╠ 時間: 10-7-9 03:43 AM

原帖由 bee~come 於 10-7-9 02:33 AM 發表
我好簡單

愛一個上一課

好哲學 but又係岩既野- -

作者: mathew802 時間: 10-7-9 10:10 PM

開心...打機不能開心?
運動不能開心?與朋友之間不能開心?
為甚麼世上要有「愛」?

這是人與生俱來的感覺.
如果你說等待無可能的愛只會令你痛苦下去.
我認同.但我認為.如果你不等待.就沒有機會
愛情不是說.A不愛我就找B.B就愛我就找C
這樣.並沒有任何「愛」的成份.更加會盲目追求.
當你遇上「她/他」,你就會明白...

作者: kuen22382 時間: 10-7-10 01:06 AM

=.=唔開心拍拖黎做咩

如果你要等待就要改變自己,因為對方就係唔鐘意現在的你才分手,依點我之前都講過,要追番對方就請改變自己

(而唔係等運到)
咁我又無話過唔可以等...你開心咪得囉.....不過我既主要意思係,就算遇到D咩,你都要繼續你既生活,唔通唔駛食野訓覺咩

咁又唔好成日愛來愛去,愛唔係得個講字,不斷空談,美化又有咩用? 又唔好下下話人唔明白!
咁你又知唔知「溝女學」(我改既個名) 又係由幾多情場失敗者研究出黎? 佢地一個個經歷過無數既痛苦、失敗、拒絕你又知唔知?
數以萬計既人,一個個從失敗,到一步步踏上成功既路,你又知唔知? 一次又一次,去同一個個唔識既女仔搭訕,你又知唔知要幾大勇氣? 忍受住無數既創傷,過住一D覺得自己連人都不如既自卑生活你又知? 因為樣衰而唔敢出街唔敢見人既時候,你又知? 一次次怨恨著自己唔靚仔又冇錢又唔係天才,一次次怨恨著自己,一次次問著自己點解既時候你又知? 一次又一次被人拒絕既時候你又知? 一次又一次咁被人嘲笑既時候,你又知? 比人豪不留情咁侮辱既時候,你又知? 比人當做奴隸既時候,你又知? 當你知道自己不過是被人利用既工具既時候,你又知? 當你被最親既朋友出賣既時候,你又知? 當你最需要人安慰既時候,但發現原來無人會理你既時候,你又知? 當你發覺自己不停努力不停付出既時候,最後得到既不過只係一句︰「just friend」既時候,你又知? 當比人接受左,以為好開心既時候,原來人地只係當你係「水泡」既時候,你又知? 當以為你同你女朋友好開心咁一齊既時候,原來佢經已變左心既時候,你又知? 當你同你個伴侶相約好,幾年之後再一齊,結果得到既係一句︰「sorry」既時候,你又知?
當個女仔身邊有其他男仔或男朋友既存在時你又敢唔敢上前去認識? 你又知唔知幾多人學完「溝女學」重拾番自信? 學會重新經營自己既人生? 你又知唔知幾多人學完「溝女學」可以搵到一個真真正正適合自己既女仔? 你又一直都話愛情偉大,但係你又真係明白愛情既偉大? 你真係覺得自己偉大緊? 定係只係不停咁安慰自己? 美化自己? 合理化自己? 不好再肓目地幻想,請好好看清現實

請好好接受現實

這就是現實

我要講既係,你既經歷並唔係得你「一個」人經歷過!!!好多人都曾經經歷過,仲要比你更多更慘都有,所以唔好以為只係得你一個人先明白!

另外,咁A唔愛我,我去搵B有咩問題? 呀A自己都搵左另一個,點解我唔得? 咁如果我搵B既時候,我同B都相愛呢?唔通就唔係愛? 唔通一定要同初戀情人一齊先有愛? 唔通要同第一次相愛既人一齊先有愛?
咁就死得啦,A一唔愛我,我咪實變寡佬? 女人就話用貞操可以理解得到,但係咩加陣男人都要架咩? 唔怪得知,加陣D女仔情願TB,都唔鐘意D男仔啦.......D女仔仲MAN過D男仔....唉! 瀟灑D啦各位!

(其實當我分享出黎既每一個技巧,都係D師兄弟每一顆既血與淚!)

ps.向各位師兄弟致敬!

[ 本帖最後由 kuen22382 於 10-7-10 12:02 PM 編輯 ]

作者: ☆可兒☆ 時間: 10-7-10 09:38 AM

原帖由 20011032 於 10-7-9 01:26 發表
我都問過依個問題
ｖ
ｖ
ｖ
http://www.2000fun.com/bbs/viewthread.php?tid=4167751&extra=&page=1

唔同問題丫~~~~

你問既係 [ 拍 ] 拖~!!

樓主問既係 [ 扮 ] 拖 ~!!

( 唔好以為樓主打錯字丫~~根據樓主回帖內容推算下..確是有少許[扮]拖的成份的)

玩玩而已~~!!! 悶中 ^O^

[ 本帖最後由 ☆可兒☆ 於 10-7-10 09:43 AM 編輯 ]

作者: kuen22382 時間: 10-7-10 10:05 AM

=0="係喎....我都中左招.......原來係扮拖.............

作者: matthew124 時間: 10-7-10 10:42 AM

打錯字姐-.-

作者: LAUJUNEJUNE 時間: 10-7-10 12:23 PM

我拍拖目的未必為左結婚,只係希望有個人可以一齊去下旅行,一齊分擔,可以互相扶持的人就夠了~

歡迎光臨 2000FUN論壇 (https://www.2000fun.com/)