2000FUN論壇

標題: 老老實實邊個仲有熱誠踢哩隊波o既入黎留個名 [打印本頁]

作者: Kafu 時間: 10-7-10 12:18 AM 標題: 老老實實邊個仲有熱誠踢哩隊波o既入黎留個名

7月6 號場波唔夠人放左人飛機一次..對手+球證係場邊白等
我開左個post有關哩場波改期..有70個查看但係冇人回覆
又再一次冇人踢而放飛機..我唔知咩原因搞到咁
但係總共兩次放飛機夾埋要俾返$600球證費

盃賽出唔到線已經係預料中事,但係有人贊助..人地俾錢你去踢波
咪當係唔洗錢有波踢玩下囉..橫店嬴輸都係出局咖喇
如果係因為見隊波都出唔到線又或者嬴面微乎其微o既人唔該好好反思一下
咁樣做係十分之冇體育精神..嬴輸係緊要..但係大家會唔會將哩樣野睇得太重呢..
又或者係唔係因為隊波長期輸波搞到冇哂心機甚至有離心..
哩d答案只有你地自己先知..

我都廢事轉彎抹角
隊波都幾多人爭會費冇交齊..同埋長期唔見人..
真係踢成6,7場波先見一次..有d仲會1年先見一次..我冇作大咖..
其實你地係踢o既就為球隊負返責任..定期出席唔會好難o者..
我唔要求你場場都黎到..但係都唔好咁丫-.-
如果真係長期出席唔到講一句退隊真係好容易..

最後問多一次..邊個仲有熱誠踢哩隊波o既..麻煩留一留言

作者: funclub 時間: 10-7-10 12:15 PM

2KF各隊員,

你們已完成所有賽事(4場比賽)!

但你們應該返醒一吓, 有份舉手参加比賽的球員要有責任, 如未能到場比賽應早點通知賽會! (賽會會通知對手及球証), 賽會及對手在冇收到通知下只可在場等候你們(這樣對手會浪費車馬費及時間), 相反你哋係對手你哋會點, 重要被放飛機兩次.........! 還有你哋應該向2000FUN道歉! 你哋這樣行為以後可以找到那樣好的SPONSOR嗎?有賽會相信你哋嗎?

鬥FUN CLUB

作者: IvanNakata 時間: 10-7-10 06:03 PM 標題: 憤怒的回應

我連續俾你地放2次飛機既對手 - 鞍青既領隊, 你地既表現令到我地十分憤怒, 我唔理你地領隊問題又好, 球員問題都好, 我地2次係球場一個你地既人影都見唔到, 我踢左甘多年網杯未試不過俾人係球場放飛機, 最多都係開賽前2個鐘通知我地話唔夠人棄權, 起碼唔洗要我地去到球場無得踢, 我又要俾埋車錢, 水錢我d隊員, 仲要浪費我地既時間, 有d工都唔返特登放大假過黎踢, 你地係8號實話實說話9號一定無問題, 甘我又係唔夠4個鐘內又叫到晒d人, d人仲問我對手係咪會踢, 我仲同d人講對手應承一定踢, 點之結果又係無人黎, 不論領隊又好, 球員又好, 無人到球場, 如果你領隊有到場, 係碼我地會知連領隊你都俾人煽, 我地都無甘慶, 你係領隊都唔到場就好過分, 完全無責任, 打你電話又無人聽, 你黎唔到都可以通知聲賽會or我本人有其他代領隊會到場(係出場表上係有我2個聯絡電話,無可能打唔到俾我), 你地唔夠人可以唔踢架, 又無人用支鎗逼你地踢, 通知聲我地or賽會唔踢咪算囉, 放左人飛機又唔道歉, 你地唔想踢就唔好報盃賽啦, 晒左好多人既金錢同時間, 你地要踢就以後落街場跟隊啦, 唔好係到獻世, 你地之後都應該踢唔到大部份既網盃, 我只會針對個d放飛機既人, 唔係個sponsor

作者: 小小小龍龍 時間: 10-7-10 11:12 PM

原帖由 IvanNakata 於 10-7-10 06:03 PM 發表
我連續俾你地放2次飛機既對手 - 鞍青既領隊, 你地既表現令到我地十分憤怒, 我唔理你地領隊問題又好, 球員問題都好, 我地2次係球場一個你地既人影都見唔到, 我踢左甘多年網杯未試不過俾人係球場放飛機, 最多都係開賽前 ...

我由衷的道歉,7月6本身我已請假準備踢這一場比賽,奈何唔夠人,我本以為有人通知你們了,真的對不起,害你們白等,,然而,7月9號的重賽太突然,假已請不到,,真的對不起.
我為我們的不負責任感到慚愧....另一方面,坦白說,我對球隊的熱誠幾乎去到盡頭了,普通的練習,友賽我還會參予,然而一律正式比賽,不用預我了。
對賽會及鞍青球隊致上萬分歉意,,對不起,作為隊員的我,真的很對不起。

作者: siuchun4 時間: 10-7-11 02:35 AM

我去到就盡去嫁喇,第1次得我,HEE仔,小龍,今鳥4個話會去,我問左KAFU,佢話搵狗雪
其他我乜都唔知,不嬲我都唔過問球隊既野,有波踢,我去到既都會去
至於其他既人有咩思想有咩唔喜歡我亦唔多清楚
其實狗雪呢報呢個比賽因為唔清楚我全名而冇報我名我亦唔介意,會照去
至於其他既,有咩後生仔踢下波,屌2句咪算囉

作者: 古拉比卡 時間: 10-7-11 04:20 AM

好對唔住..我對自己未能出席6/7對鞍青呢場但冇同大家講而向球隊道歉!
同時亦對鞍青講..浪費左你地寶貴既時間..非常抱歉!

講返球隊..我好明白作為球員好應該多d留意自己隊波既活動..所以我唔知有重賽係我責任..但時間改得咁急..點解冇人嘗試打電話通知我..?
我唔係想推卸責任..只係覺得已經放左人地一次飛機..又應承左人地重賽..點解唔花少少時間通知d隊友幫手抽時間去踢..

我工作時間唔穩定..但我會繼續就時間出席球隊既比賽..隊長有我電話..有咩事打比我

作者: Kafu 時間: 10-7-11 04:31 AM

原帖由 古拉比卡 於 10-7-11 04:20 AM 發表
好對唔住..我對自己未能出席6/7對鞍青呢場但冇同大家講而向球隊道歉!
同時亦對鞍青講..浪費左你地寶貴既時間..非常抱歉!

講返球隊..我好明白作為球員好應該多d留意自己隊波既活動..所以我唔知有重賽係我責任..但 ...

我之前換左電話卡所以有部分人電話都唔見左
同埋所有隊友資料都係我部舊電腦到壞左開唔到

鞍青方面..真係十分抱歉.

作者: 麥艾克斯 時間: 10-7-12 11:37 PM

唔係見到人地鞍青FUN CLUB留言...我真係唔信會有D咁既事
我真係覺得好羞家
當初狗雪幫大家拗贊助, 我都有出過兩嘴
唔係為其他, 就係為大家有波踢
老老實實, 有得去, 去得到. 我基本上一定到
有時唔肯定去唔去到, 我都帶埋衫褲返工
真係去唔到, 我會通知隊長.
無可能聲都唔聲放飛機.....
我對晒自己張更表, 我知道自己去唔到, 都叫大家加油, 踢完一起看世杯都得
返來看留言都無人回, 以為踢完.
(個陣未有改期帖, 我唔知道改期的事情, sor)
當我知道連續兩次放人飛機呢個消息後, 第一個感覺係隊波"好撚無品"
---
唔好話出去比較
叫大家交會費, 隊長還隊長叫, 大家還大家唔交
除你名, 好似唔係咁好. 唔除你名又唔交錢, 對人地都唔公平
隊長話一個月交10蚊...好難咩? 乞食都交得出啦? 但係有幾多人交?
身份上我係隊員, 唔方便講野. 但我交足1年錢.
喂, 你參加個球隊就有份責任係度.
我真係未必次次都來到, 但起碼我有心交足錢俾隊波, 我用唔到既, 俾其他隊員用都得
唔該個D唔交錢又唔出席既人反省下, 連呢D責任心都無, 將來點係社會立足
想來就來, 想走就走? 贏波臭串, 輸波屌鬼? 請搞清楚自己咩身份
---
我唔知鞍青同FUN CLUB會唔會再返黎呢度望下, 可能唔會了
但我真係想當面同人講聲Sorry.
面係人地俾既, 架係自己丟既
2000fun足球隊個名從此臭晒...
我希望大家痛定思痛, 認真參與呢隊波
輸左真係無咩咁於, 最仆街就係約左人又唔撚出現. 男人老狗講口齒. 絕唔應該做埋d咁既野

歡迎光臨 2000FUN論壇 (https://www.2000fun.com/)