2000FUN論壇

標題: 拍拖係2個人既事定係2家人既事? [打印本頁]

作者: 傻森 時間: 10-7-11 02:29 AM 標題: 拍拖係2個人既事定係2家人既事?

其實我係我的愛情故事到都發表過我同女朋友既經過
到左而家1年7個月啦（而家大家都仲好似初戀咁熱情）
同佢都好穩定
我屋企人呢都ok中意佢既
但佢屋企人就極度反對我地拍拖
之前試過分開過一排個陣佢話左比佢屋企人知我地分開左
之後再係埋一齊但無同佢屋企人講好似玩緊地下情咁(不過都唔算地下情只係唔比佢屋企人知姐)
而家呢我地既關係都邁進左一大步
但有日佢突然話「如果我地唔結婚，淨係同居，你介唔介意嫁」
其實我真係無乜所謂
但我真係好想佢屋企人可以接受我
同埋你地覺得佢應唔應該講比佢屋企人知
（如果講左，可能好快分手，因我女朋友都話可能會受唔住大壓力而分手）
我本身就有遺傳病既　亦都超過５０％會傳染比下一次（無得醫）
所以佢屋企人唔中意我
唔好再同我講埋ｄ咩「只要愛對方，咩都唔怕呢ｄ咁既電影對白，講就易～有幾多人做到

[ 本帖最後由傻森於 10-7-11 02:37 AM 編輯 ]

作者: ☆可兒☆ 時間: 10-7-11 07:47 AM

拍拖在情感上確是兩個人之間的事~ 任何人都很難影響的..包括自己唷~ 明明是不愛沒可能迫自己去愛明明是愛也騙不了自己不去愛~!!

但很無奈的說.......你所說的[有幾多人能做到]的事... 牽涉太多問題....
包括愛究竟有多深包括能否對其他真的可否置之不理
當中牽涉自私與無私對愛無私但卻家人自私這就是矛盾~!!!

假如退後想一想.... 這只是一種選擇~決擇~!!
人生來就有數不盡的決擇與取捨
當中存在著矛盾的對與錯也同時可說沒對錯可言...

路不只一條~ 方法不只一個~~
努力的去想一想~~~ 總會有解決方法的~

要是想不到.. 就不要去想....
順其自然盡量做好自己..
時間亦會帶給我們出路的~

最重要...別自己走向掘頭路或是自尋死路~!!

作者: matthew124 時間: 10-7-11 10:32 AM

係咁既情況下,我諗你留意多d你女朋友既心情
佢可能比你更加唔開心(我相信你明點解!)

你係好想佢家人接受你
但係佢地既然咁介意你既病
咁可以代表佢地非常緊張個女

但係你就要諗下,佢家人都可能會諗點解個女咁耐都唔拍拖呀?
遲早穿煲!!

所以,你要做既,就係係你講比佢家人知或佢地自己發現之前
諗下點樣討好佢既家人
否則就好似你講咁 "可能會受唔住大壓力而分手"

佢地咁緊張個女,你可以從關心女朋友個方邊入手

最好高d收入,呢種家人都ok介意你既收入

(上邊有好多廢話,可能你多笑話睇睇就算la^^")

作者: a1213829 時間: 10-7-11 09:50 PM

我覺得拍拖係兩家人同埋d朋友既事因為呢個世界唔係只係得你兩個要理下其他人既感受如果佢地真係介意既話我諗你應該係佢地面前多d表現自己先..
P.s 小第中一可能講既野唔岩

作者: 紫靈姬 時間: 10-7-12 01:49 AM

拍拖一定係兩個人之間既事
但如果拍得日子耐考慮到結婚
就一定係關兩家人既事
做父母最大既心願就係希望自己既子女得到幸福
唔需要父母再擔心尤其係女更加令人擔心
你女朋友係一個孝順女
你要佢係親情與愛情之間作出選擇
佢已經忍暪父母選擇左你
所以你應該暫時唔好令到你女朋友難做
你女朋友可以接受到你既一切係因為佢愛你
佢家人阻止你地一齊就係唔想個女到最後結果係傷心
你如果真係想令到佢家人認同就只有努力賺錢同埋嘗試有冇辦法醫治好你既病
愛情可以令人迷失自我但係別忘記呢個世界好多事都好現實
我只係純粹提供意見如有冒犯請多多包涵

作者: 傻森 時間: 10-7-12 03:50 AM

好坦白的說
暫時藥可以醫到我個病...............
我同佢都決定左唔講住
因為大家都講左之後佢會頂唔住
加上我極度唔想失去佢...
所以都係選擇隱瞞

作者: jerry031 時間: 10-7-13 12:36 AM

嗯....我覺得愛情系兩個人ge事lo
但系..到談婚論嫁ge時候
可以參考父母ge意見
但系只系作為參考唔可以太著重佢地ge意見lo
自己ge思路都要清晰
如果相信自己的....
當然...
就可以得到彼此的幸福了.3.

作者: AQAX 時間: 10-7-13 01:54 AM

係兩個人+屋企人既事...

好似我咁....我屋企人都唔鐘意我女朋友...

話因為8字唔夾....咁我有計咩?

係咁要我同我女朋友分手....

我依家都同女朋友1年5個幾月.....但我一直冇理到屋企人...(佢地都比好大壓力我)

但如果我同呢個女朋友結婚既...屋企人實反對...

到時一定關屋企事....

我覺得你應該比佢屋企人知,因為呢D野終雖見家翁...避得一時...避唔倒一世

就算壓力大而分手既....都要面對....你地有冇經濟能力搬出黎住?

加上要比佢屋企人明白....你地好愛對方同埋要佢地明白...依家21世界唔好似再係以前咁因為屋企人而分手,呢個係自由社會

雖然咁講好似好簡單,但做起上黎就好難...我明白既== "

但希望你加油啦

作者: 紅纓=^.^= 時間: 10-7-13 12:40 PM

拍拖的確是兩人的事,
彼此往後日子也是老伴來的
如是者,樓主應該是出來做事了好幾年嗎?

先分開其他因素問題,
只探討樓主跟女友的,何解女兒家的她選擇同居的做法呢(不結婚同居),如是父母者如何想想
有機會可要問問女友為何不想結婚~

從女友往後日子既時間去理解,從易令對方父母容易接受
至少有提及樓主自身有遺傳病,身為父母又怎會想女兒反而去照顧他人呢(對吧)
eg:月入,性格,安穩度...等等

P.S唔好再同我講埋ｄ咩「只要愛對方，咩都唔怕呢ｄ咁既電影對白，講就易～有幾多人做到
這話樓主更不應說= =,成年人了...有什麼說話可行或者不可行,你至少懂會分析吧!?
沒錯,很老土的東西,但事實有成功例子,同時也有不少失敗過的事實

作者: 紫靈姬 時間: 10-7-13 01:58 PM

原帖由傻森於 10-7-12 03:50 發表
好坦白的說
暫時藥可以醫到我個病...............
我同佢都決定左唔講住
因為大家都講左之後佢會頂唔住
加上我極度唔想失去佢...
所以都係選擇隱瞞

事實上對方家人要接受你唔係一時三刻就可以接受得到
可能暫時未有藥醫唔等於無希望在明天呀嘛
你愛你女朋友更加要好好堅持下去
雖然家人既認同都好重要
最重要都係睇你女朋友既想法不是嗎
有啲家人好開通亦有家人好保守
首先做好自己本份對你女朋友好一點就足夠
我相信只要你係用心愛你女朋友有為將來打算
佢既家人一定會感受得到你既真誠

作者: raysonlove 時間: 10-7-13 03:26 PM

拍拖係兩個人的事結婚先係兩家人的事.

作者: loveyoujj520 時間: 10-7-13 04:48 PM

咁你係咪同佢屋企人拍拖丫?

作者: THM:$ 時間: 10-7-13 07:12 PM

又係哩d被屋企人反對既問題..

作者: 傻森 時間: 10-7-13 07:59 PM

原帖由 THM:$ 於 10-7-13 07:12 PM 發表
又係哩d被屋企人反對既問題..

拍拖最大既問題不嬲都係呢樣嫁=.=

作者: 陳手跛 時間: 10-7-14 04:40 AM

其實我認為有好多個睇法每個人既價值觀愛情觀都唔同

我覺得冇得羅黎一齊講

我既睇法就係拍拖絕對係兩個人既事結婚絕對唔係兩個人既事因為雙方既家人都變成你既家人

唔單止係對你對人都有影響

以上發言全部所屬主觀性言論樓主三思

作者: minda325 時間: 10-7-14 02:38 PM

除非兩個人一齊家庭背景佔左重要因素(先會係一齊)

如果唔係的話, 只要兩個人一齊好早就牽涉到兩家人在內的話, 我可以好肯定講, 行唔到最後既機會一定over 50%

歡迎光臨 2000FUN論壇 (https://www.2000fun.com/)