2000FUN論壇

標題: 鐵血戰士s觀後感(唔想知太多劇情勿進,thx) [打印本頁]

作者: 法號夢遺 時間: 10-7-12 09:25 PM 標題: 鐵血戰士s觀後感(唔想知太多劇情勿進,thx)

鐵血戰士s就係講一班地球上最惡既人(僱容兵,殺手,反常人等等)無啦啦跳左落血獸既狩獵場(森林),個到有血獸,有血獸養既一d獵犬(好鬼多隻,個頭好多刺個d,但係一條友都冇殺到,比人用小型機槍殺得7788,重要死淨好似1隻)同埋一d係但箱到走出黎既怪物(唔知係咩黎,但係一出黎就比人射死左,個身有好多蟲,有少少似異形但唔係異形,隻野個樣係戲入面冇清楚交代,戲份就係得出黎比人射死個下...有d人話都係用黎比血獸狩獵既一種生物,我都好想知係咩黎),跟住班人類就比4隻血獸殺一個死一個,死剩d主角,日本仔就用武士刀就同一隻血獸單挑,最後同歸於盡(武士道?),有隻血獸比人用自殺式炸彈殺死,(淨番2隻點死下面再講)

如果睇過鐵血戰士1,2個d多數都會話今次s好悶,雖然我有睇過鐵血1,2/異形1-4/avp1,2既經驗,但我覺得今次鐵血s都ok既,要拍得好過1,2集係難d,我覺得今次s不過不失啦,可能係Adrien Brody 做得幾好既關係...佢最尾殺隻變種血獸個陣個樣夠哂狠同狼死,不過我都覺得好正,其實套戲都好睇得出人性,大家都為左生存而不擇手段,最9既係入面既醫生,佢隻腳中左血獸既個d伏,行唔到,女主角都扶住佢走老,但係佢就成機用刀上面既麻醉汁整到女主角行唔到,想用佢黎引開d血獸,相反比男主角救左既個隻血獸幫男主角頂住隻變種血獸同整飛船比佢番地球,雖然架船最後都係比變種整爆左,呢到可以突顯出醫生係幾咁奸,第2奸既就係一個已經係個森林星球到住左10季(唔知一季係咪=1年)都冇死到既黑人,間唔中殺左d血獸,拎左d血獸裝備比自己用。開頭佢都好好人咁帶班新仔(今季d人)去佢間屋到避d血獸,但係等到班新仔d警覺性低左個陣就係出面放火,想局死屋入面d新仔之後拎哂佢地d裝備。聽個黑人講,好似話每季都會有d人類比隻血獸捉黎呢個星球到狩獵,同時會有3隻血獸黎到呢個星球,隨著人類既科技進步,每次比血獸捉黎既人類既武器同裝備都會一次比一次強,血獸就藉此提升自己既狩獵技巧(我記得大概係咁)。如果大家睇完套野有好多關於血獸既野唔明,我建議你地睇番鐵血1,2同avp1,2。入面應該解答到你地好多野...

呢2個最後冇死...

[ 本帖最後由法號夢遺於 10-7-13 08:31 AM 編輯 ]

作者: 脆辣雞腿包 時間: 10-7-12 10:33 PM

咁請問樓主最後尾班人走唔走到呢??

作者: Fai704 時間: 10-7-12 10:40 PM

原帖由 脆辣雞腿包 於 10-7-12 22:33 發表
咁請問樓主最後尾班人走唔走到呢??

係無答案的

作者: 法號夢遺 時間: 10-7-13 08:17 AM

原帖由 脆辣雞腿包 於 10-7-12 10:33 PM 發表
咁請問樓主最後尾班人走唔走到呢??

男主角最後講左句:現在我們要想辦法離開這個臭星球...
咁你話走唔走到?

作者: ReD_v3v 時間: 10-7-14 07:16 PM

可能會有2怪無啦啦飛左去個星球到有D怪怪地

歡迎光臨 2000FUN論壇 (https://www.2000fun.com/)