2000FUN論壇

標題: 有D野我想講好耐 [打印本頁]

作者: 代人玩的小京 時間: 10-7-27 01:46 AM 標題: 有D野我想講好耐

近排有不少玩家為左讓FEZ版成為第1，不昔無所不用其極黎回post
求其一句「已閱」(以及加上數個「補字」廢話)咁又一回
有時第一個開左頭，跟住到第二個，第三個，第四個...係度毫無意義地盲目推post，仲要好似接力咁跟樓上出聲
就算唔係跟樓上，講既都係D廢話
更甚者有人帶頭開個9post，其他人又陪佢9一餐......
我入去到果d topic，或者睇多幾頁回覆，唔睇返個title我真係唔肯相信呢D係FEZ版既主題黎囉！

究竟，帖數係咪真係咁重要？

首先，呢度係記論FEZ既區，唔係吹水區。就唔係話完全唔俾你吹水，有時，適當地on下9爛下gag，係一種幽默，唔係壞事。但係都唔好離譜成咁啦，要同人鬥on9鬥無厘頭，唔該返去吹水區鬥到夠，係FEZ版講既野(尤其開新主題)，唔該盡可能點起碼都同FEZ有丁咁多關係好唔好？
p.s.我唔係話吹水區係專俾人on9用。

睇完回帖係好習慣，但係「回帖」都係一種學問，唔係求其一句「已閱」，「已閱x2」...，甚至幾個表符號就得。人地辛辛苦苦打編文(或者搵編文copy and paste)出黎，你回帖為名抽水呃分為實，回既內容仲要完全同主題或樓上無關，跟本就係唔尊重樓主！我相信絕大部份(我唔敢講「任何人」)發帖既人都希望其他人真心對待自己既文章，寧可對方做cd-rom唔回帖，都唔想俾人用D無意義既回復借自己既文章呃分，變相downgrade自己個topic。
不過都要睇下樓主既心態既，如果佢專登開個topic俾人on9，咁就講黎都漎氣。(on9主題又係第個問題)

為左人氣？為左面子？為左......亂咁谷帖數，看似人流多資訊息亦多，但係入面提供既盡是一大堆無意義既垃圾訊息，結果反而拉低左整體上既質數。
呢個係質同量既問題：
如果你係買家，你用會相同既價錢購買4個好橙，定係買10個鐙但係有9個係爛架？

同樣地，而家FEZ版又未至於話去到10個主題9個on9既地步(不過如果班抽水神人繼續發功，呢一日不遠爾)，但係一班「勇士」為谷FEZ「人氣」而所付出既「努力」絕對係唔可以睇少。之不過，問心果句，呢班「勇士」所做成既結果：充斥大量無意義訊息，比真正既吹水區更加似吹水區既FEZ版，又係咪大家期望既呢？

最後，我得開呢個topic，就預左有人會乘機抽水呃分(真心果隻)，邊個真係要咁做我控制唔到，不過希望各位自律，適可而止。
仲有邊個想話我都係乘機呃果1分......well，我打咁多字結果就係「呃」左果1分，同果D「已閱」1分，「似住奈姐大Q哂...」又1分，放幾個

又1分，跟風x2 x3 x4 ....又幾個1分果D(仲要1次唔夠2之唔夠N咁多次都仲未夠果隻)，小弟自問望塵莫及囉。

作者: 7B! 時間: 10-7-27 01:48 AM

其實好多已閱完都會再返黎答下你野,
並唔係FEZ全部人都係X2X3X4..

作者: -123456- 時間: 10-7-27 01:57 AM

你係唔係唔鋸fez版長期扲第一~而開廢尼個up post

作者: 10654132 時間: 10-7-27 02:14 AM

討論區一早就變左質
樓主你講既野唔係尋日既事
我亦覺得只不過係廢嗡
回覆有分又點
分數重唔重要唔係用你既標準黎睇
亦都唔係用我既標準黎睇
同埋你想佢地討論d野關fez隻game事, 定係關2kf 既fez版事?
寫呢d野唔係為比人抽水, 係要捍衛自己既觀點
唔係你寫黎做乜? 番屋企訓啦晒尻氣

作者: kuok1234 時間: 10-7-27 02:18 AM

如果是書面語，我倒有可能看下

口語字海............我只能說，路過厄分

作者:  時間: 10-7-27 02:48 AM

睇晒你篇野都覺得自己好神奇
明知你唔明白fez為何需要一個吹水區/版既原因
都要睇晒呢埋笑話

盲目"已閱"的而且確係扣分抵死
比表情連發更差
後者至少可能有多種意思
前者只係頂多2種

你自己諗下技能,合作,戰略型game
你要既質素post
只會造成2kf計數版
黎黎去去都係幾種話論 "爭論"
現時同計數版相比之下
後者本人連上黎睇下既意欲都冇

FEZ有冇咁多數比你地計?
而game內溝通空間又是否足夠?
之後就唔洗講

[ 本帖最後由  於 10-7-27 02:51 AM 編輯 ]

作者: 9978 時間: 10-7-27 04:14 AM

如果有兩個討論區
一個資料研究，計數討論，另一個就狗up 已閱。
我揀前者，

前者，直接令全體玩家質數上升，老玩家望天打掛都係想班新手生生性性。
後者，新手見到個討論區狗up多過乜，對隻game既印象就係吹水多過打，從來唔駛認真。

呢排真係過火左...十個po九個廢既...

作者: 鬼厲 時間: 10-7-27 04:28 AM

原帖由 9978 於 10-7-27 04:14 AM 發表
如果有兩個討論區
一個資料研究，計數討論，另一個就狗up 已閱。
我揀前者，

前者，直接令全體玩家質數上升，老玩家望天打掛都係想班新手生生性性。
後者，新手見到個討論區狗up多過乜，對隻game既印象就係吹水 ...

你真係要學術討論, 就唔該去大學內聯啦~~ 呢個版根本係遊戲版, 大家係因為遊戲先上黎討論~~ 你覺得學術討論同埋遊戲討論係一樣專業?? 個動機係出於一鳩樣嚴肅?? 你根本係度發緊夢!!

你係學術版就有學術版既主流風氣, 遊戲版就有遊戲版既主流風氣, 你唔能係要成個遊戲版同埋全部遊戲玩家就你一小班人鍾意學術風氣, 從而剝削主流令到所有野岩你地小部分人心意先好~~

作者: kuok1234 時間: 10-7-27 04:30 AM

原帖由鬼厲於 10-7-27 04:28 AM 發表

你真係要學術討論, 就唔該去大學內聯啦~~ 呢個版根本係遊戲版, 大家係因為遊戲先上黎討論~~ 你覺得學術討論同埋遊戲討論係一樣專業?? 個動機係出於一鳩樣嚴肅?? 你根本係度發緊夢!!

你係學術版就有學術版既主 ...

佢有佢學術，我有我耳穴，河水不犯井水，that's all

作者: 鬼厲 時間: 10-7-27 04:37 AM

原帖由 kuok1234 於 10-7-27 04:30 AM 發表

佢有佢學術，我有我耳穴，河水不犯井水，that's all

所以D人真係SHORT上腦~~ 平日做野已經夠累, 人地上網就係求輕輕鬆鬆, 你要緊張我不如偷閒去睇股搵真銀啦~~ 不過個D平日精力過盛, 無所事事既電車又唔同講法!!

作者: 9978 時間: 10-7-27 05:01 AM

原帖由鬼厲於 10-7-27 04:28 AM 發表

你真係要學術討論, 就唔該去大學內聯啦~~ 呢個版根本係遊戲版, 大家係因為遊戲先上黎討論~~ 你覺得學術討論同埋遊戲討論係一樣專業?? 個動機係出於一鳩樣嚴肅?? 你根本係度發緊夢!!

你係學術版就有學術版既主 ...

係你眼中，一堆無意義既廢文章，充斥fez主討論版，都無所謂？

大部分人都覺得咁樣好煩好厭，偶然既放鬆係好，但唔係一日都晚已閱呃分，為乜？

對主版一定要嚴d，其他五國既子版咪留番你地d老手慢慢吹下水囉，學你咁講輕鬆下耳穴下。

之前太放寬班人，結果得寸進尺，日日抽水，正經po既就極速沉底。

都係一句主版過寬

作者: 鬼厲 時間: 10-7-27 05:28 AM

原帖由 9978 於 10-7-27 05:01 AM 發表

係你眼中，一堆無意義既廢文章，充斥fez主討論版，都無所謂？

大部分人都覺得咁樣好煩好厭，偶然既放鬆係好，但唔係一日都晚已閱呃分，為乜？

對主版一定要嚴d，其他五國既子版咪留番你地d老手慢慢吹下水 ...

拿~~ 你條友都算講返D人話, 其實你講既係規則認受性問題, 離開文化風氣乃至而家HIT爆既選擇性執行問題幾萬里遠~~

如果你要係遊戲講專, 唔係唔得~~ 但係你有無討論專業既基礎同埋空間先~~ 基礎就係會員素質, 空間就係未開發之地~~

從來都係曲高和寡, 越專既門檻越高, 低素質會員就不可發表意見~~ 係呢個你認為係小學雞充斥既論壇, 有無必要去講專??

至於空間, 你走入資料版, 入面一大堆資料同埋玩家寶貴既經驗係度, 可以話老手該說已說, 變得無話可說, 新手有唔明, 就入去睇資料, 唔係好似廢人甘要人喂~~

甘樣呢個小學論壇既遊戲版究竟有咩用途呢?? 老實講, 除去資料版, 其他有用既戰術多數留係團網同團友討論~~ 再加上大家既水平偏低(呢個係事實), 呢個版既用途不過係方便各機友日常交流, 討論些較低層次話題~~

文化真係無話對與錯, 但係將次等文化格硬變成主流文化, 即係剝削大部分人去成就你小部分人, 一定會產生絕對的不公~~ 其實呢個已經好大問題, 但係你仲忽略埋係執法既過程中, 以權謀私詔程中產生的階級剝削~~

歡迎光臨 2000FUN論壇 (https://www.2000fun.com/)