2000FUN論壇

標題: 不要像我這樣沒用..間接害死人 [打印本頁]

作者: bennypk123 時間: 10-7-28 11:54 PM 標題: 不要像我這樣沒用..間接害死人

希望各位朋友...睇下我真實既經驗...希望唔好有下一個我既出現..因為呢個教訓...影響我一生一世..掉之不去既陰影..
我係一個無用既人,由認識佢既個一刻起,我都無放棄過我玩左10幾年既玩意-網上遊戲(onlinegame)日日都抽3~5個鐘去遊玩虛擬世界,我亦因為十分投入網上遊戲~每次玩新遊戲都玩過千幾蚊...戀愛初頭當然係甜蜜,網遊有時都因甜密而忽略..但慢慢地...過左一年...我又變番網遊人士...同女朋友過住都係平淡帶甜既戀愛生活,佢有時都會問起我,你將來想點,我亦有答佢,亦有行動過.但可惜,我番工既累+懶,做成一個三分鐘熱度既情況出現,個心不能堅持太久,每次都輕口講白話,對佢既誠諾..一次又一次自打嘴巴...失望後又失望...但佢都無放棄過我呢個男朋友...直至呢個月....佢同我講...遲左月經..好驚...我就同佢講..唔洗緊張...月經有時都會遲~唔好諗咁多...(我都知女人一緊張擔心就會影響月經遲黎)之後就無再多問...有時佢打黎..因為我打緊機..搞到9唔答8..之後收埋線...有時又因為累..而早訓...一次又一次既忽略成為左導火線,一個星期前.佢問我..如果有左bb咁點算,我答佢..有既..我唔食都要比左你2個食先家啦....!佢覺得我...煮到埋黎先食...既態度...就係因為我呢一句說話..我間接殺害左1條小生命...亦同時失去左一個愛我,維護我,為我好既女人,當我刪哂電腦入面所有遊戲既時候...del哂所有網上acc 既時候...佢已經離開我...而我...只可以帶住一生一世既傷痛....去生活落去....一條生命.一個愛自己既人..就係因為咁而失去...各位朋友....打緊網遊既朋友...沈迷工作既朋友..不要輕易忽略失邊人....本人控制不了既網遊引...今日一次過介哂....換來既係沉重既教訓同痛苦.....我連基本想負責任既機會都無...只可以睇住佢係度受苦而自己只可以坐係張床度喊..我真係覺得無地自容..點解自己殺左人仲可以坐係度...個心...真係碎哂...個人既精神已經崩潰...我真係連做人既資格都無...害人一生..殺人一命..人醒覺既時候...已經為時而晚了...(歡迎任何批評/責罵)因為我真係一個好差勁既男人...唉

[ 本帖最後由 bennypk123 於 10-7-29 12:08 AM 編輯 ]

作者: mathew802 時間: 10-7-29 12:06 AM

適可而止.
我也是沉迷網遊的
曾經為了一個人而放棄.
但發覺原來很難的

有時候.不需要自責
緣份就是這樣.擁有的時候不懂珍惜.當失去的時候才想起.掛念.又有什麼用呢?
可能這個就是上天給你的考驗
自制能力欠缺啊...
網遊是吸引.但回望一下.排名第一.裝備強又如何?生活會更快樂?

網遊只是娛樂.搞不清娛樂的定義.就會浪費很多時間
講番你果到..點解你話間接害死左條小生命?佢落左..個B?

另外.番工真係玩D PC GAME好了...唔好沉迷係D ONLINE GAME
我諗你篇野可能令到好多人「覺醒」
知道網遊既殺傷力.
祝你可以早D「復活」繼續迎接一個美好既世界

最後送幾句說話比你
人只要有生命.就能繼續擁有與失去
不論有多失敗的人.也有這個權利
珍惜只會在失去的時候才感覺到
這不是你的錯.是上天的安排
決心也只有失去時才會醒覺
當你擁有時便只有沉醉
不要問自己有沒有錯
世事並不分對與錯

P.S.你篇野其實可以隔開D..有點難睇

[ 本帖最後由 mathew802 於 10-7-29 12:07 AM 編輯 ]

作者: bennypk123 時間: 10-7-29 12:12 AM

原帖由 mathew802 於 10-7-29 12:06 AM 發表
適可而止.
我也是沉迷網遊的
曾經為了一個人而放棄.
但發覺原來很難的

有時候.不需要自責
緣份就是這樣.擁有的時候不懂珍惜.當失去的時候才想起.掛念.又有什麼用呢?
可能這個就是上天給你的考驗
自制能力欠 ...

實不相暪....醫生話佢落左後打後可能無不育...呢個責任....我想負...但佢唔比我負...堅持自己去受苦....我先發現...我所謂既愛...係幾咁渺小...我宜家既心情真係...崩潰....我....失去左我可能係人生最寶貴既一個女朋友....絕塵而去後悔莫及.......親手將這愛情斷送...只因遊戲....唉.......因為一個嚴重既教訓...我既沉迷已盡消...呢個沉重既教訓....將圍繞我一生....我好難原諒到自己....唉

作者: mathew802 時間: 10-7-29 10:49 AM

事情都到左呢個地步
仲可以點呢...
能夠挽救既時間已經錯失左
而家你就算點內疚都冇用
用番作為朋友既身份關心下佢啦
可能仲有機會.(期望不要太高)
始終你都應該負番你既責任
但係你要記住
日子都係一樣照過.如其花時間諗咁多.
不如面對未來既挑戰
將唔開心化作動力,咁樣會對你,她都更好

作者: ☆可兒☆ 時間: 10-7-29 11:43 AM

很好~~!!!
越自責就越好~!! 自責=反省~!!
反省過後... 好好甘重整自己既生活
由有偏重既生活.. 交了學費... 就好好甘盡量調教去學習 [平衡]生活~!!
由有偏側的心態/思想..... 交了學費就好好的去學習[中庸] !

中庸既空間很大
偏側的空間很小...

這次..你所交的學費不菲.... 好好的去反省一下~
別只是想... 要付譇行動唷~

加油~!!

作者: bennypk123 時間: 10-7-29 12:48 PM

原帖由 mathew802 於 10-7-29 10:49 AM 發表
事情都到左呢個地步
仲可以點呢...
能夠挽救既時間已經錯失左
而家你就算點內疚都冇用
用番作為朋友既身份關心下佢啦
可能仲有機會.(期望不要太高)
始終你都應該負番你既責任
但係你要記住
日子都係一樣照過 ...

我宜家只會諗點樣做番成績比佢睇....過去做唔到...經過今次...真係好多野都好有決心去做...唔想再傷佢個心...

作者: bennypk123 時間: 10-7-29 12:49 PM

原帖由 ☆可兒☆ 於 10-7-29 11:43 AM 發表
很好~~!!!
越自責就越好~!! 自責=反省~!!
反省過後... 好好甘重整自己既生活
由有偏重既生活.. 交了學費... 就好好甘盡量調教去學習 [平衡]生活~!!
由有偏側的心態/思想..... 交了學費就好好的去學習[ ...

過份沉重令思緒不安....拖著沉重身軀生活不是易事...但想到她的狀況...自己真的愈來愈苦...這經驗...實實在在那寶貴.....太沉重

作者: ☆可兒☆ 時間: 10-7-29 02:28 PM

原帖由 bennypk123 於 10-7-29 12:49 發表

過份沉重令思緒不安....拖著沉重身軀生活不是易事...但想到她的狀況...自己真的愈來愈苦...這經驗...實實在在那寶貴.....太沉重

^^  這就是人生的嘲諷

平常不是發生在自己身上的所謂因果
或是平常..一些不太痛癢的教訓.. 家人朋友的苦口婆心 ..  等等

有多少人會留意.... 有多少人會放在心上....然後視之為鑑呢~???

這堂課對你來說  雖然沉重....
這種沉重非一定是壞事~~

再說...

有那一個 [人] ..... 生活是輕易?? 不沉重??

^^ 除非那個[人]  又再學懂了真正的 [ 活在當下 ]

慢慢來吧~~~~

人生的旅途上得失錯對矛盾太多...
要學的  說多可以是多  說少也是可以是少

急不來的....

作者: bennypk123 時間: 10-7-29 02:48 PM

原帖由 ☆可兒☆ 於 10-7-29 02:28 PM 發表

^^ 這就是人生的嘲諷

平常不是發生在自己身上的所謂因果
或是平常..一些不太痛癢的教訓.. 家人朋友的苦口婆心 .. 等等

有多少人會留意.... 有多少人會放在心上....然後視之為鑑呢~???

這堂課 ...

這堂課可以說影響我一生.......不到失去不知珍惜.......為時而晚

作者: ☆可兒☆ 時間: 10-7-29 03:13 PM

原帖由 bennypk123 於 10-7-29 14:48 發表

這堂課可以說影響我一生.......不到失去不知珍惜.......為時而晚

^^ 除了珍惜.... 你還學懂什麼???
表達不出... 不緊要~!!
好好的去想想.......
想好後就好好的做.( 調較)... 包括生活上人生態度上思想上...

祝福~~~!!!

作者: benny 時間: 10-7-29 06:01 PM

經一事再一智

作者: 咖啡♂噗≧▼≦ 時間: 10-7-29 07:34 PM

我唔明點解d人會沉迷打機=.=
我反而就愈打愈悶既,,,
你呢個教訓真係幾大下希望真係可以去好好反省啦
唔好再3分鐘熱度搵返分正職重頭黎過

作者: OwenO_o 時間: 10-7-29 07:57 PM

AR..就係因為你...個女仔無得生bb!!

作者: 糗豪 時間: 10-7-29 08:05 PM

送首歌比你

愛得太遲
歌手：古巨基作曲：楊鎮邦＠宇宙大爆炸填詞：林夕編曲：雷頌德

我過去　那死黨　早晚共對　各也紮職以後沒法暢聚
而終於　相約到　但無言共對　疏淡如水
日夜做　見爸爸　剛好想呻　卻霎眼看出他多了皺紋
而他的蒼老感　是從來未覺　太內疚擔心

最心痛是　愛得太遲　有些心意　不可等某個日子
盲目地發奮　忙忙忙其實自私
夢中也習慣　有壓力要我得志

最可怕是　愛需要及時　只差一秒　心聲都已變歷史
忙極亦放肆　見我愛見的相知
要抱要吻要怎麼也好　偏要推說等下一次

我也覺　我體質　彷似下降　看了症得到是別要太忙
而影碟　都掃光　但從來未看　因有事趕
日夜做　儲的錢　都應該夠　到聖誕正好講跟我白頭
誰知她開了口　未能挨下去　已恨我很久

錯失太易　愛得太遲　我怎想到　她忍不到那日子
盲目地發奮　忙忙忙從來未知
幸福會掠過　再也沒法說鍾意

愛一個字　也需要及時　只差一秒　心聲都已變歷史
為何未放肆　見我愛見的相知
要抱要吻要怎麼也好　不要相信一切有下次

相擁我所愛又花幾多秒
這幾秒　能夠做到又有多少
未算少　足夠遺憾忘掉

多少抱憾　多少過路人　太懂估計　卻不懂愛錫自身
人人在發奮　想起他朝都興奮
但今晚未過　你要過也很吸引

縱不信運　你不過是人　理想很遠　愛於咫尺卻在等
來日別操心　趁你有能力開心
世界有太多東西發生　不要等到天上俯瞰

作者: 紫靈姬 時間: 10-7-30 04:46 AM

你真係做左好過份既事
亦唔知道因為發生咩事而令到你女朋友有機會不育
但知錯能夠改都仲有得救最怕你明知錯都唔想改
唉你既網遊經歷真係好似我兩年既男朋友(只係題外話再諗又會想潛水)
你對你女朋友既傷害已經造成
而家想改變仲黎得切
好多時後悔係於事無補
千祈唔好得個講字行動最重要
只要你真心咁改過變成一個有上進心既人
唔再沉迷於線上遊戲
女方應該會被你誠意打動做得返朋友都已經好好

作者: unico 時間: 10-7-30 10:48 AM

都已經挽救左..
唔好再打機啦!!

作者: benny 時間: 10-7-30 11:52 AM

好多人都安慰樓主既經歷~~希望可以好好改變自己活下去

[ 本帖最後由 benny 於 10-7-30 11:53 AM 編輯 ]

作者: 雲吞餃 時間: 10-7-30 01:08 PM

又一白痴..
打機唔係你最大問題..
最大問題係點解唔做捉安全措施?
貪爽?

作者: 雲吞餃 時間: 10-7-30 01:12 PM

樓主你打呢篇野完完全全誤導哂上面所有人....
乜你沉迷打機會令到你女友有bb?
如果係咁....全世界既女人包括我女友都有左bb十世啦....
你意思係因為你沉溺網遊...引致你女友墮胎...
若果你唔沉溺呢?...會叫你女友生落黎?..不過我唔擔保你會咁做...

你呢篇誤導性質既文章........完完全全蒙蔽哂樓上所以人既思路...
重點係........你點解唔做足安全措施?
你唔係因為網遊而搞到你女友大肚下?

你個經驗主要唔係教人唔好網遊...
而係要話比所有人聽....
情侶間情到濃時係理所當然...但係...要諗後果

[ 本帖最後由雲吞餃於 10-7-30 01:19 PM 編輯 ]

作者: bennypk123 時間: 10-7-30 01:40 PM

如果我唔打網遊......佢就會覺得我有資格做個好爸爸...我個晚喊住求佢生落黎...佢話我無資格做人爸爸..而且呢個責任太大我咩唔起...就算生左出黎都只會害左個bb...我因打機而忽略佢.....如果唔係打機既話....儲到錢做番似個男人既話...今日既結果可能唔係咁..

作者: 雲吞餃 時間: 10-7-30 01:46 PM

什麽前7後7,安全期...岩岩黎完經唔中招....體外射精....呢d謬論...
只有心智未成熟既人先會相信....
你都識講女生係會因壓力等等因素遲黎月經...
但係唔代表唔會早黎月經.....
我見過case就係有女生一個月黎左兩次月經...
有女生三個月先黎一次月經...
但係黎完月經之後既一兩日發生關係並唔係代表安全..
排卵時間係下一次月經前14天...

卵子由輸卵宮到達子宮後...可存活一天....
精子好脆弱...一接觸空氣會好快死亡...大約3-5分鐘...但係一旦進入陰道...
存活時間最高可達72小時...即係3日...而一進入子宮頸,因為其鹼性環境關係...精子最高可存活達6日
你要記住一點...精子由子宮頸到達輸卵管只而幾分鐘時間...即係話...精子可以為粒卵子等足6日咁耐
若果以一個月黎兩次既case黎講....整個月都係高受孕期
好大機會黎完月經馬上排卵....根據以上數據得出....成孕機會絕對係高....

即使體外射精也好....男性分泌物都存在小部份精子....都係機會會游上子宮頸....

你個白痴又唔讀好d書....咁基本既知識都唔知道....
最終就因為你既愚昧,一時快感殺左一條人命....你係唔係人?

作者: 雲吞餃 時間: 10-7-30 01:51 PM

原帖由 bennypk123 於 10-7-30 01:40 PM 發表
如果我唔打網遊......佢就會覺得我有資格做個好爸爸...我個晚喊住求佢生落黎...佢話我無資格做人爸爸..而且呢個責任太大我咩唔起...就算生左出黎都只會害左個bb...我因打機而忽略佢.....如果唔係打機既話....儲到錢做 ...

如果唔係打機既話....儲到錢做番似個男人既話...
你係天真定傻..?
我想問你搵幾錢一個月....自己一個人住定同父母住?
我有朋友.當初好似你咁...必左個b出黎...
結果...搵萬1,萬2都唔夠養個b....
唔好意為只係奶粉錢咁簡單...
初生b要不時帶佢去醫院做檢查...
打針...仲要時不時留意丫b既狀況....一有唔妥又要搵醫生....呢個位又要駛一筆...
我都未計你奶粉錢...bb衣服...bb用品....

作者: 雲吞餃 時間: 10-7-30 02:00 PM

我真係好想問你....
你女友有bb既真正原因係咪因為你唔戴套?

作者: loveyoujj520 時間: 10-7-30 02:37 PM

架下d人求真實感~唔用套最好就奶左野
唔帶套都可以食藥既姐唔係連藥都冇錢買丫

作者: bennypk123 時間: 10-7-30 03:41 PM

講得岩~一時愚昧殺左一條人命,一時快感害左人,有知識卻難敵誘惑,知道會做既人有幾多,我就係失敗既一個例子,所以我都唔會原諒自己,但係呢個時候,追究責任已經太遲,一切都太遲,想負責任既機會都無,宜家我講乜都無用,最尾我都有講自己做人既資格都無,所以已經回應左你個句係唔係人,搵幾多錢都好,有人8000蚊一個月一家3口洗,但生活得好苦,月入萬1萬2蚊的話~我朋友都係一個例證,生活無問題,只係睇下識唔識得點樣運用金錢,我就係一個搵萬5都一豪子都儲唔到既人....此時此刻既醒覺太遲...

[ 本帖最後由 bennypk123 於 10-7-30 03:44 PM 編輯 ]

作者: Puyola 時間: 10-7-30 04:21 PM

我之前都同你咁一路玩online game 後尾玩到連工都唔翻，到最尾條女都唔要我我先放棄佐唔玩。

如果你無聊時玩下web game就算果d冇咩會上癮

作者: Ｃｈｉｒａｓｄ 時間: 10-7-30 05:49 PM

經歷了失去,才知道重要,希望你醒悟後會生性做人

作者: nokiho 時間: 10-7-31 04:01 AM 標題: TO版主

相信你都睇左唔少回應,呢d我都唔多講,有支持有踩,我覺得係你出版之前已經知,好多野過左去,提黎好似無咩用!!
我建議版主先唔好再對住個電腦,坐上床,為自己計劃一下,呢一年有d咩大計,而唔係留係度回應and回應,回應左唔代表你成熟左,反醒左,只係比自己多d借口留係電腦面前,砍草除根應該點?你應該識,月入萬5真係唔少,但我相信你係可以更上一層樓,根據你掛住打機都可以搵萬5,理應可以再多d,絕對成立!
到你gf果一方面,事情都已經去到呢個地步,再做幾多都無用,你gf係想見到一個有計劃有將來既你,我覺得佢係十分清楚and成熟地做呢一個明智既決定,跟一個腦幹及靈魂已死去既男人,不如早d走,你想搵返佢唔係唔得,但我提議你焦點唔好放係佢度先,你比最少3個月時間自己,3個月後你發現自己真係改左,而個女仔有心既一定會知,到時你再去哄佢,一定事半功倍,總比而家去哄佢,佢對你又愛又恨,而且你要明白,佢對你既安全感係0,信任度都係0,你要而家哄佢,或者佢都係拎個軀殼同你一齊,到時你仲難受!!
你唔可能只係為左佢而改變,難道佢唔再比機會你,你又變返原型?我唸你知咩叫珍惜同後悔掛,即使佢唔再愛你都好,都唔好再令下一個gf and 你自己有遺憾,做人應該問心無愧,那怕一日你個ex知道你變左,或者佢已經有另一個,但佢都會因為你變好左,而感到安慰and自豪,成熟or沉迷取決於自己,雖然我好少留言,不過真係充心支持你,加油!!

作者: uncle_wai 時間: 10-7-31 04:17 AM

不要太自責,知錯就得啦,諗番過去都冇意思,當係個教訓囉,做人樂觀d,放眼將來丫ma

作者: neoykc 時間: 10-7-31 10:16 AM

冇經歷過痛苦的教訓一切都黎得冇意義
最緊要係你在今次學到D咩~~~
回望過去對事件一D幫助都冇
你現在搵返個女仔都冇用,以現在的你都冇法改變D咩
因為好老實講一句...........閣下憑咩要佢原諒你先???諗唔到原因就唔再搵人啦~~~
現在的你連負責任的權利都冇呀~~
等你改變到你覺得可以面對到自己&面對到佢的時候
先再去諗辦法修補你過去的錯

作者: 血．天使 時間: 10-7-31 04:33 PM

太自責都冇用..件事唔發生都發左生..
當買個教訓以後唔洗再犯咪得

作者: alex5825 時間: 10-7-31 05:17 PM

我同你一樣末認成女朋友之前我同你一樣日日打成7~8個鐘仲會有時2~3日到可以唔訓
但係成左佢後比佢介哂
不過冇得玩係有DD慘ga
不過為左佢提起心一想左介
點知半個月後又想玩番
不過最後到比我介到
我同你到係一樣有鐖個鐘真係比我地個Dgames痴升lv
點知冇得玩個心定係好鬼痛啦
不過甘又唔可以嬲左佢
就係個一次
真係整個人想通哂了
左一次提起左唔打online
因為個次
冇左玩啦`

作者: 極品 時間: 10-8-1 06:02 PM

傷害到別人,其實受傷的也還是自己。
真正的後悔,是勇敢面對未來,『選擇』去創造美好的將來。
如果你不懂,就不是真的後悔,那條生命和別人的一生對你來說也不過已而。
也許這事真的留給你傷痕。
就讓那傷痛變成你無時無刻的警醒,不是是咒詛,而是祝福。
終有一天,你會把這怨還掉~

作者: kit0317kit 時間: 10-8-2 10:15 AM

唔好諗咁多...反醒要慢慢來.....加油

作者: 神話→問題老妖 時間: 10-8-2 01:37 PM

我都係機痴黎都有你既問題但之後捉埋條女一齊打機就解決左

作者: OwenO_o 時間: 10-8-2 01:59 PM

你要改變下自己既習慣!!!!

作者: Sk- 時間: 10-8-4 08:47 PM

有時候枉枉自己覺得無事果陣已經比左人一種傷害

作者: MKDoel 時間: 10-8-9 02:32 PM

做咩要咁灰呢~

作者: Sdmsg 時間: 10-8-9 02:51 PM

唔好咁灰啦...

歡迎光臨 2000FUN論壇 (https://www.2000fun.com/)