2000FUN論壇

標題: 哇..我的暗瘡...消失了...全靠....? [打印本頁]

作者: 鋒．嵐＊ 時間: 10-7-31 09:46 AM 標題: 哇..我的暗瘡...消失了...全靠....?

有Jacqueline 無暗瘡我相信好多人係廣告都見到

咁我今日唔係介紹Jacqueline 如果知道我之前既post既呢..

都知我係講「有彩豐行無暗瘡」

咁大致上係分三種:油暗瘡壓力瘡荷爾蒙瘡

油暗瘡咩黎架?者係一般人久唔久生一兩粒個d暗瘡,只有呢個可以透過護膚品去處理!!!咁當然我都係介紹打敗油暗瘡既護膚品

壓力瘡咩黎架?者係你有壓力我有壓力,死啦會考放榜我好怕呀,呢種壓力刺激到你生暗瘡!!唯一既處理辦法~就係relax..
打下機呀~聽下歌呀~唔好咁緊張~同你呀媽呀爸傾下..就ok

荷爾蒙瘡咩黎架?內分泌有d問題,所以就有暗瘡~唯一既處理辦法~醫生醫生~

咁我有咩經驗同大家分享暗瘡呢?我可以好誠實地同大家分享,
我中二至中五3月26日既皮膚係差到無人有..點解咁講?

A:「喂~哇~原來你d暗瘡真係好多下wor!~又多又紅」
B:「喂~你咁有錢不如汁汁D黑頭~你D黑頭睇落去起碼積左十年」
C:「哇~你D毛孔簡直係超越左地球人既極限」

我完全無作大到.佢地真係咁樣同我講.咁我之後就下定決心去搞哂佢.

咁另外我有好多位朋友都有暗瘡既煩惱~我搵哂佢地做白老鼠~

跟住得出呢幾樣係幾有效既~咁所以我都建議大家試下~

當然如果對你無效唔好打我啦~

咁唔離咁多題.即刻介紹
----------------------------
咁我今日推薦既彩豐行法寶係
1.暗瘡調理潔面露
2.緊緻毛孔控油緊膚水
3.活力控油面霜(清爽型)
4.強力暗瘡膏
5.蘆薈暗瘡修護面膜(26蚊1支,係1支)
6.暗瘡去印排毒面膜(10蚊1塊)
7.卓悅隱藏式青春痘棒-尖（沒有圖片）
8.暗瘡去印面膜
9.特效暗瘡激素

以上全部貨品除左第七樣，都係彩豐行買既，自己上網ｓｅａｒｃｈ係邊度有彩豐行啦
另外青春痘棒當然係卓悅買架啦，又係自己上網搵邊度有啦
-----------------------------
咁我講完產品~我想講個小故事先~咁我中二個年~有一個代課老師~入到黎~
咁就教教下書講暗瘡~個老師話打激暗瘡最好既野就係蘆薈~
佢就話邊個想殺擊暗瘡搵我~我有帶d蘆薈番黎比你地試下~

咁我就想講蘆薈因為好多既蛋白質同人體係吻合~所以殺暗瘡殺雀斑等等係有功效~

講真~時至今日~除左中年同老年~好少香港人真係用天然既蘆薈黎殺暗瘡~
一來整得黎都麻煩~二來買蘆薈不如直接買彩豐行既蘆薈面膜~用到咁多次~
當然亦有一d香港人覺得怕太多化學野買蘆薈啦~但係都係好少數

相信大家係度睇緊我個帖都覺得我係應該推薦你買現成化學既護膚品~
唔係叫你去買蘆薈(天然護膚品)黎搞
咁我講咁多野做乜呢?我就係想講
如果你想殺暗瘡~最好揀番d有蘆薈成份既~例如第5支~個名都有蘆薈了~
-----------------------------
咁我分別咁講下個九樣野係乜黎

第1樣係洗面既~
第2樣係緊膚水
第3樣係cream
第4樣係暗瘡藥膏
第5,6,8樣係面膜
第7樣係暗瘡針 (一陣先聽我講點解要買)
第9樣係精華液
-------------------------------
日頭做法: 洗面->(面膜)->緊膚->暗瘡膏->cream
夜晚做法: 洗面->(面膜)->緊膚->精華液->暗瘡膏->cream
括號代表可忽略

特別要注意既係面膜個度~因為暗瘡去印面膜 10蚊1塊~1星期要用2-3次~
但可能會肉痛~咁所以就用蘆薈暗瘡修護面膜啦~26蚊1大支~1星期用1次10蚊1塊用1-2次蘆薈暗瘡修護面膜都ok架啦

＊當然你可以日日用支蘆薈暗瘡修護面膜,但係日唔日日用就睇你自己啦~佢建議就1星期用2~3次~我自己就日日用

下面再詳講點樣做~因為太多野~比我慢慢講落去
--------------------------------
暗瘡針點用呢?咁洗面之前用暗瘡針就ok

咁其實講真~我相信所有有經驗既護膚人士都唔會建議大家用暗瘡針~

但事實呢?有人買就有人賣~市面上一堆乜鬼野暗瘡針黑頭針乜都有~

咁暗瘡針如果大家要買就買呢隻啦~貴就貴d~13蚊~但真係好好用~

咁我絕對唔建議你無啦啦吉暗瘡~我只係建議你吉含膿既暗瘡!!

暗瘡針首先有尖既野同埋一個圓圈~咁用之前用消毒紙巾搽搽~

慢慢吉落你白色含膿既暗瘡(吉落去白色個d位)~吉穿佢小小就得~唔洗超級入

跟住吉完拔番出黎~囉個圓圈對住個個白色位一壓~成粒白色野飛左出黎~搞掂
--------------------------------
講下產品用法先:

1.潔面露, 支一個5蚊銀咁大~跟住摔下塊面摔1分鐘~尤其摔多d暗瘡位置~再用清水洗面洗乾淨~
2.緊膚水都係啦我講我自己用法~我就倒落隻手倒1.5個5蚊銀再搽落塊面再拍2分鐘~
3.cream 我自己用手指尾new 一d 跟住係手摔均勻再搽落面度,其實呢支野主要控油的~控油真係控得好勁~
咁如果唔鍾意既可以自己用其他cream~但控油原由主要都係減少出暗瘡～
4.暗瘡膏基本上用哂所有野見邊度有暗瘡搽落去就ok.
5,8.均勻搽面膜落塊面,大約都係1.5個5蚊銀~等12分鐘再洗面就ok
6.呢塊面膜成塊貼落塊面度,等17分鐘再撕落黎~跟住再用手輕輕拍下d暗瘡位1分鐘,再洗面
7.暗瘡針前面講左點用,我建議就係洗面前用啦
9.特效暗瘡激素者係精華素~搽cream前滴2下落隻手度~跟住用手指點落d精華素度.再搽落暗瘡多既位.就ok~

關於相片部分真係好抱歉～因為我無時間影相～同埋我本身唔係好多暗瘡～有ｄ產品用完就丟左～
所以多數都係上網搵圖～（支暗瘡針無圖）

暗瘡調理潔面露(藍色),緊緻毛孔控油緊膚水(米色)

特效暗瘡激素

暗瘡去印排毒面膜

蘆薈暗瘡修護面膜

強力暗瘡膏

活力控油面霜(清爽型)

暗瘡去印面膜

卓悅隱藏式青春痘棒-尖無圖,自己去卓悅買啦xd!!

[ 本帖最後由鋒．嵐＊於 10-8-26 08:16 PM 編輯 ]

作者: 小sion子 時間: 10-8-1 02:17 AM

*鼓掌* 堅係好心機~
不過有d長~適當地方加個標題的話會再睇得舒服d~

原帖由 鋒．嵐＊ 於 10-7-31 09:46 AM 發表
日頭做法: 洗面->面膜->緊膚->cream->暗瘡膏
夜晚做法: 洗面->(面膜)->緊膚->精華液->cream->暗瘡膏

淨係呢個有少少野講~
一來就係可以諗下其實mask唔一定需要敷咁密~補濕mask就好d~但暗瘡mask黎講其實無咩必要日日敷~
可以跟返彩豐行本身個建議每星期兩至三次已經好夠~
你咁後生唔好提早令皮膚對護膚品產生過多依賴呢~

二來就係暗瘡膏~
首先係暗瘡膏應該係洗面之後既step~toner之前~
至於係mask前定mask後呢~我自己就認為如果你敷要過水既mask, 就過水後先搽~
敷paper mask的話就mask前搽好d~
放到去cream之後搽其實暗瘡膏應該唔係好滲透到~cream本身份子比較大~唔係屬於完全滲透落皮膚既護膚品, 佢本身預左會留係皮膚表面, 一般鎖水就係靠佢係皮膚表面既功勞~
所以cream之後搽既野係可以預計唔會滲落皮膚~

作者: wai.. 時間: 10-8-1 05:05 AM

多謝你..想問隻排毒暗倉mask功效大唔大..

作者: 鋒．嵐＊ 時間: 10-8-1 10:37 AM 標題: 回復 2# 小sion子的帖子

mask方面我都係1日1次 xd 事關我個fd建議我1日1次 = =

一時用暗瘡一時用收毛孔= =咁如果1星期用2-3次既話其實係唔係1星期only2-3次面膜

定係個隻面膜用2-3次呢?

另外toner之後搽既話..cream再搽落去會搞暈佢..所以其實我都猶疑左係toner前用or toner後用定係cream後用= =

PS:死啦如果係咁既話我都有效果= = 係唔係我隻cream廢呢xd
---------------------------------
回復 3# wai.. 的帖子

我估你係問暗瘡去印排毒面膜?

我用左3次就即刻有改善.咁當然如果暗瘡比較旺盛既人用1-2次就即有效

其實用1次應該都見到有小小效

順便講下: 彩豐行既mask(指10蚊1塊個d) 精華液好多架.

作者: wai.. 時間: 10-8-2 02:45 AM

原帖由 鋒．嵐＊ 於 10-8-1 10:37 AM 發表
mask方面我都係1日1次 xd 事關我個fd建議我1日1次 = =

一時用暗瘡一時用收毛孔= =咁如果1星期用2-3次既話其實係唔係1星期only2-3次面膜

定係個隻面膜用2-3次呢?

另外toner之後搽既話..cream再搽落去會搞 ...

真係多謝你..
你講隻mask..得一隻ja..我去直接買就得?

作者: 鋒．嵐＊ 時間: 10-8-2 08:16 AM

原帖由 wai.. 於 10-8-2 02:45 AM 發表

真係多謝你..
你講隻mask..得一隻ja..我去直接買就得?

如果個樣差唔多既我印象中好似仲有一隻

但係到時好大個字寫住架啦.咁你放心都得..其實講真都係10蚊一塊者...試下都無妨

不過我個FD同我都有效呢隻野.尤其我個FD.之前個個火山仔.睇醫生個件.咁就一次就即見效啦

當然其實暗瘡仲有好多好用既野.但係我全部都係試用緊所以好用再PO比大家啦

尤其係隻乜鬼抗化素..我宜家都未知點用XD

同埋另一隻暗瘡精華素之類既野

仲係嘗試中

[ 本帖最後由鋒．嵐＊於 10-8-2 08:23 AM 編輯 ]

作者: 「焚火‥ 時間: 10-8-2 11:26 AM

total 幾錢

作者: 鋒．嵐＊ 時間: 10-8-2 11:31 AM

(下面以港幣計算)
1.23
2.24
3.46(我琴日買個時仲係46,宜家好似話37 = =)
4.35
5.26
6.10(1塊)
7.13
8.100ml 28/480ml 75
9.58

我計你6號買3塊,8號買480ml
計盡你
=23+24+46+35+26+10x3+13+75+58
=330蚊~~~
好抵!!

[ 本帖最後由鋒．嵐＊於 10-8-2 11:40 AM 編輯 ]

作者: 鋒．嵐＊ 時間: 10-8-2 12:17 PM

補支暗瘡針既相先.

岩岩影我D 護膚品順便影埋= =!

圖片附件: 23.jpg (10-8-2 12:17 PM, 74.23 KB) / 下載次數 89
https://www.2000fun.com/forum.php?mod=attachment&aid=MzI4MjMxfGRlZjJkMGRmfDE3Nzc3NDczOTB8MA%3D%3D

作者: wai.. 時間: 10-8-3 12:43 AM

原帖由 鋒．嵐＊ 於 10-8-2 08:16 AM 發表

如果個樣差唔多既我印象中好似仲有一隻

但係到時好大個字寫住架啦.咁你放心都得..其實講真都係10蚊一塊者...試下都無妨

不過我個FD同我都有效呢隻野.尤其我個FD.之前個個火山仔.睇醫生個件.咁就一次就即 ...

真係多謝你..我呢排又多左少少暗倉..
我未試過係彩豐行買野..
試完再上來分享

作者: 我愛呀CAT 時間: 10-8-3 04:06 PM

暗瘡去印排毒面膜同係個隻暗瘡去印面膜好用d?_?
雖然本人比較中意paper mask多d,唔洗洗xD
a0a唔該晒你

作者: 鋒．嵐＊ 時間: 10-8-3 06:06 PM 標題: 回復 11# 我愛呀CAT 的帖子

暗瘡去印排毒面膜

始終睇價錢就知邊隻好d.

作者: xo小馬ox 時間: 10-8-5 02:11 AM

你都買左幾多產品-_-
日日咁搞都真係幾晒時間

作者: 鋒．嵐＊ 時間: 10-8-5 07:36 PM 標題: 回復 13# xo小馬ox 的帖子

有個女仔話我d護膚品多過佢兩倍以上了= =

作者: 小sion子 時間: 10-8-6 02:04 AM

原帖由 鋒．嵐＊ 於 10-8-5 07:36 PM 發表
有個女仔話我d護膚品多過佢兩倍以上了= =

唔客氣講句, 係你個女仔朋友忍得手唔買/專心一致用死幾樣/唔理護膚姐~呢個絕對唔係主流~cccc
我諗我家中既瓶瓶罐罐四五十樣都走唔甩=_="
mask都幾十塊~_~"

不過其實量多唔值得自豪, 講真買個下好爽~會有期望對自己皮膚有用~或者覺得抵~
但到最後你都係得一塊面=_="
反而用晒全樽貨size既"成就感"過癮d~kakaka~

作者: 鋒．嵐＊ 時間: 10-8-6 08:36 AM 標題: 回復 15# 小sion子的帖子

講開成就感我就唔開心==
我支CREAM 3月用到宜家仲有..
痴線..勁多..1日搽3次都仲剩勁多係度
宜家過左4個月限期使用啦= =

作者: 小sion子 時間: 10-8-6 01:14 PM

原帖由 鋒．嵐＊ 於 10-8-6 08:36 AM 發表
講開成就感我就唔開心==
我支CREAM 3月用到宜家仲有..
痴線..勁多..1日搽3次都仲剩勁多係度
宜家過左4個月限期使用啦= =

係咪彩豐行d大size product? 通常唔同人share的話好難用得晒~oo~
睇下你存放得好唔好啦~唔好放係浴室~如果本身已經放係陰涼乾爽通風地方既, 用耐少少都ok既~
我自己都唔係跟得好足~始終都係過唔到覺得好浪費個關~
但通常如果只可以擺三四個月呢種短期product我會係買既時候問問ba點樣存放可以襟擺d~例如lush既薄荷mask擺落雪櫃的話有人話可以擺多一個月~

作者: 鋒．嵐＊ 時間: 10-8-6 02:06 PM 標題: 回復 17# 小sion子的帖子

我ｃｒｅａｍ唔係用彩豐行

用隻蘆薈補濕乳霜..好老實係我FD幫我買日本整既

應該都有250ML啦= =

作者: kawal046 時間: 10-8-25 11:50 PM

我想問下5,6,8必樣最好-v-
唔通真係1日用晒3種mask?

..........
有冇咩用邊隻先好d
跟番自己既情況?
用完面膜紙之後先用面膜?

[ 本帖最後由 kawal046 於 10-8-26 12:13 AM 編輯 ]

作者: 鋒．嵐＊ 時間: 10-8-26 09:59 AM

1日唔洗用3隻mask
者係久唔久轉下啦
隻隻都唔錯

6係即刻幫你暗瘡由紅變淡囉..暗瘡印要用一段時間

最好都用跟自己情況

唔洗面膜紙之後面膜..用1樣就夠

作者: 橫禍無情 時間: 10-9-2 05:30 PM

係咪真GA~可唔可以影你塊面連埋你會員名既紙貼上黎比大家分享~

作者: 鋒．嵐＊ 時間: 10-9-2 06:37 PM 標題: 回復 21# 橫禍無情的帖子

但我相機都無咁高清可以清款影到我d暗瘡喎..如果係校相我唔介意放上黎!!
校相應該都清楚見到一點點既..
你係唔係真係要睇先?

作者: 橫禍無情 時間: 10-9-2 07:07 PM

原帖由 鋒．嵐＊ 於 10-9-2 06:37 PM 發表
但我相機都無咁高清可以清款影到我d暗瘡喎..如果係校相我唔介意放上黎!!
校相應該都清楚見到一點點既..
你係唔係真係要睇先?

我真係要睇!!真心想睇!!求下你!
唔係校相
係要你topic話消失晒粒粒既相~

作者: 鋒．嵐＊ 時間: 10-9-2 07:25 PM

原帖由 橫禍無情 於 10-9-2 07:07 PM 發表

我真係要睇!!真心想睇!!求下你!
唔係校相
係要你topic話消失晒粒粒既相~

因為影相個間野唔同..所以燈光係唔同..
唔係美白而變色

我得校相..所以比校相你睇啦..
宜家兩張都係右面..而唔好理瘦唔瘦啦..因為我減過肥黎..

首先左面..因為校相好細張架..所以影到暗瘡者係話都幾大粒..你睇到一大堆架啦..
跟住右面..你睇唔到有暗瘡囉..無化過妝的!!

作者: 橫禍無情 時間: 10-9-2 08:58 PM

原帖由 鋒．嵐＊ 於 10-9-2 07:25 PM 發表

因為影相個間野唔同..所以燈光係唔同..
唔係美白而變色

我得校相..所以比校相你睇啦..
宜家兩張都係右面..而唔好理瘦唔瘦啦..因為我減過肥黎..

首先左面..因為校相好細張架..所以影到暗瘡者係話都幾大粒.. ...

OH...ISEE~THANKS A LOT 用左幾耐D野

作者: 鋒．嵐＊ 時間: 10-9-3 05:24 PM 標題: 回復 25# 橫禍無情的帖子

個張相都幾耐前..
我就3月26日開始先開始用護膚品既..XD

作者: 橫禍無情 時間: 10-9-3 06:30 PM

原帖由 鋒．嵐＊ 於 10-9-3 05:24 PM 發表
個張相都幾耐前..
我就3月26日開始先開始用護膚品既..XD

試下先唔得搵你悔氣XD~

作者: ZZZA 時間: 10-9-3 08:48 PM

D價錢好似好平下..之前我買開下下都百幾二百一枝
我想問下如果暗瘡,暗粒,黑眼圈,,印
有邊幾隻岩用咁?

作者: 鋒．嵐＊ 時間: 10-9-3 10:42 PM

原帖由 橫禍無情 於 10-9-3 06:30 PM 發表

試下先唔得搵你悔氣XD~

但係呢D護膚品都係因人而異
我只係分享我既經驗

-------------
如果暗瘡,暗粒,黑眼圈,,印

6,8,9 會比較攻擊你既暗瘡

黑眼圈問題我就唔係太清楚..但係黑眼圈就睡眠充足會有改善.

作者: 橫禍無情 時間: 10-9-6 04:50 PM

原帖由 鋒．嵐＊ 於 10-9-3 10:42 PM 發表

但係呢D護膚品都係因人而異
我只係分享我既經驗

-------------
如果暗瘡,暗粒,黑眼圈,,印

6,8,9 會比較攻擊你既暗瘡

黑眼圈問題我就唔係太清楚..但係黑眼圈就睡眠充足會有改善.

咁除左用藥物仲有咩日常生活既細節要調教下!

作者: miracle_land 時間: 10-9-6 05:33 PM

睇落都唔錯~~~
旦系呢d護膚品點解平咁多既@O@~~
買黎試下都好!!!~~
同埋我想問~~~要補濕~~係咪ONLY用MASK???
其他既護膚品有冇補濕成份??補濕MASK應該邊隻好!!!

作者: 鋒．嵐＊ 時間: 10-9-7 06:55 AM

原帖由 橫禍無情 於 10-9-6 04:50 PM 發表

咁除左用藥物仲有咩日常生活既細節要調教下!

其實日常生活既細節會影響到你既皮膚

假設三個人性格、年齡、性別、體重等等所有野都一樣．．．（當係複製人啦）

咁A就用好便宜既護膚品，但係做足日常生活習慣

B用最貴最令最名牌最有權威既護膚品，但係日日都夜訓又飲酒等等，做哂所有不良嗜好

C都係用最貴最令最名牌最有權威既護膚品，都有做不良嗜好但無B咁多

跟住研究結果係A既皮膚等於或好過 C既皮膚，而B既皮膚反而無A咁好

結論就係
1.不良嗜好直接影響你的皮膚狀況
2.護膚品會改善你既皮膚狀況

所以日常生活習慣係好重要

1.多菜少肉你又做唔做到呢?

2.早睡早起；作息定時

3.保持心境開朗

4.每日6-8杯水（起身時空肚飲1杯暖水！）

5.定時進食

6.不煙不酒不吸毒

7.不要過份護膚，適可而止（例如塊面係咁出油，所以1日洗5次面之類）

8.不要有淨癖（例如係咁沖涼係咁洗面），最終會令你暗瘡出哂黎

9.定時用護膚品

10.每天吃至少兩個水果

（如果你依以上咁做，包你1個月既皮膚一定有改善，我唔敢話改善得好令，但係一定有改善）

其實黑眼圈黎講仲有好多產品，例如精華素等等

如果你需要我先再推薦比你，但係前題係我推薦個d都係未用過，你要做白老鼠

但係講真，任何護膚品，有人話有用有人話無用，所以個個都應該做白老鼠去睇下自己皮膚受唔受到

而唔係睇人地個報告話邊個好用邊個唔好用．．

最後黑眼圈問題真係同你既生活習慣有關，呢個係一個警號黎架．．話緊你睡眠不足呀

者係例如某君就黎病．．就黎病個時都會有ｄ異常情況出現啦．．例如有小小頭暈咁．．

原帖由 miracle_land 於 10-9-6 05:33 PM 發表
睇落都唔錯~~~
旦系呢d護膚品點解平咁多既@O@~~
買黎試下都好!!!~~
同埋我想問~~~要補濕~~係咪ONLY用MASK???
其他既護膚品有冇補濕成份??補濕MASK應該邊隻好!!!

http://www.choi-fung.com/chinese/online/goods.php?pid=A70
http://www.choi-fung.com/chinese/online/goods.php?pid=A1870

呢兩隻都係補濕面膜..前者較平..後者較有用..都係好值得推薦既補濕MASK

其實你補左濕之後無用架..你都要鎖住D濕.者係用CREAM

如果唔用CREAM..你補完一陣又蒸發哂咁濟..

仲有多D飲水啦..

仲有如果你真係好好好缺水..可以用埋補濕既精華素既..

作者: 橫禍無情 時間: 10-9-7 12:01 PM

原帖由 鋒．嵐＊ 於 10-9-7 06:55 AM 發表

其實日常生活既細節會影響到你既皮膚

假設三個人性格、年齡、性別、體重等等所有野都一樣．．．（當係複製人啦）

咁A就用好便宜既護膚品，但係做足日常生活習慣

B用最貴最令最名牌最有權威既護膚品，但 ...

十分詳細謝謝
但係食煙影響大嗎?!好多人食煙都無事!

作者: 鋒．嵐＊ 時間: 10-9-7 07:31 PM 標題: 回復 33# 橫禍無情的帖子

食煙當然對你既皮膚有影響架啦

者係講個例子你就知 .. 你有幾可見食煙既女人或者男人皮膚好（我指素顏）

唔講到咁深入黎講.你吸煙既話

d黑煙都會搞到成間房都係..（我指你係屋企食..）

跟住D黑煙會直接阻塞你D毛孔..

令到皮膚差..當然你只係黑眼圈..

仲有好多野架..會加速衰老..（有研究指出同埋有解釋但係我怕你唔明我講乜所以唔打了）

你睇下食煙個D皺紋都出哂黎

仲有好多壞處架

當然我又再講一次黑眼圈真係唔關事

但係其實唔食煙都係一種「護膚」黎..

作者: 橫禍無情 時間: 10-9-7 08:35 PM

原帖由 鋒．嵐＊ 於 10-9-7 07:31 PM 發表
食煙當然對你既皮膚有影響架啦

者係講個例子你就知 .. 你有幾可見食煙既女人或者男人皮膚好（我指素顏）

唔講到咁深入黎講.你吸煙既話

d黑煙都會搞到成間房都係..（我指你係屋企食..）

跟住D黑煙會直接 ...

食開無辦法
我係屋企都唔會係房食
但係作息定時既意思係幾點要訓?

作者: 小sion子 時間: 10-9-8 01:39 AM

原帖由 橫禍無情 於 10-9-7 12:01 PM 發表

十分詳細謝謝
但係食煙影響大嗎?!好多人食煙都無事!

睇下你咩叫"無事"啦~
如果係你心目中爆瘡先叫有事, 咁食煙又唔會既~
(有人話食煙"熱氣", 但食煙似乎唔會因此谷瘡~中醫既野我唔識~)

最直接同已經確立左既影響係加速衰老~
即係比其他人快d鬆弛、失去彈性、現皺紋, 快d變乾性皮膚之類~
通常食煙既惡果都係之後先浮現出黎~大家十幾廿歲青春無敵實"無事"的~時辰未到而已~

作者: 鋒．嵐＊ 時間: 10-9-8 06:28 AM

原帖由 橫禍無情 於 10-9-7 08:35 PM 發表

食開無辦法
我係屋企都唔會係房食
但係作息定時既意思係幾點要訓?

食少一支已經對你既皮膚有幫助
起碼紓緩下啦..

作息時間我自己就係9點或者 10點訓
可能有人話11點但係講真個句.有D人係張床度都訓唔著既
所以我覺得10點訓..跟住係床度一陣..就岩岩好訓得著

其實作息時間好睇個人而定其實有D人時間顛倒哂既..咁就自己訂啦
不過第一步就先要確定幾點訓幾點起身
比個身體知道你既生理時鐘
咁你一到個個訓既時間..自然就有小小睡意..

作者: ZZZA 時間: 10-9-14 06:12 PM

我依幾日跟左樓主既方法
就係:1洗面->2(面膜)->3緊膚->4精華液->5暗瘡膏->6cream
D產品同樓主5成一樣(唔同既都係同類),但係好似冇咩見效
想問下每個細節用完一個產品要等到幾時先下一種..
因為我係一用完等約一分鐘到又下一個,感覺上好似溝埋晒咁(用完4,5到6時)
同埋用精華液(我係10%乳酸換膚更生啫喱)時好乸(剌激),係唔係唔岩?

作者: 鋒．嵐＊ 時間: 10-9-14 06:38 PM 標題: 回復 38# ZZZA 的帖子

你用左邊幾隻
50%..咁就要睇你用左乜野溝埋乜野

如果你係覺得好唔舒服既..就唔好再用個隻產品啦..
覺得毑已經係一個警號黎..者係話你皮膚唔係幾鍾意
當然你要講清楚D我先可以解答到你啦

作者: 櫻草伽 時間: 10-9-14 06:47 PM

本人都用左彩豐行d產品年幾
我都覺得樓主推介個
特效暗瘡激素 <<
暗瘡去印排毒面膜 <<
真係好work
同埋個beauty life個一系列都好好用

作者: ZZZA 時間: 10-9-14 09:13 PM

原帖由 鋒．嵐＊ 於 10-9-14 06:38 PM 發表
你用左邊幾隻
50%..咁就要睇你用左乜野溝埋乜野

如果你係覺得好唔舒服既..就唔好再用個隻產品啦..
覺得毑已經係一個警號黎..者係話你皮膚唔係幾鍾意
當然你要講清楚D我先可以解答到你啦

洗面-蘆薈泡沫潔面霜/角鯊烯滋潤補水潔面啫喱
緊膚水-青瓜爽膚水
面霜-12杯水滋潤啫喱 / 漢方控油水凝膠原霜
暗瘡膏-強力暗瘡膏
面膜-暗瘡去印排毒面膜/暗瘡去印面膜
精華-10%乳酸換膚更生啫喱

作者: 鋒．嵐＊ 時間: 10-9-14 09:55 PM

原帖由 ZZZA 於 10-9-14 09:13 PM 發表

洗面-蘆薈泡沫潔面霜/角鯊烯滋潤補水潔面啫喱
緊膚水-青瓜爽膚水
面霜-12杯水滋潤啫喱 / 漢方控油水凝膠原霜
暗瘡膏-強力暗瘡膏
面膜-暗瘡去印排毒面膜/暗瘡去印面膜
精華-10%乳酸換膚更生&# ...

點解你同我推薦既差左咁多既??

你唔應該用呢隻精華...

同埋cream..個隻都係補水多囉..係「為後路」著想,,唔係暗瘡方面

作者: ZZZA 時間: 10-9-14 10:37 PM

原帖由 鋒．嵐＊ 於 10-9-14 09:55 PM 發表

點解你同我推薦既差左咁多既??

你唔應該用呢隻精華...

同埋cream..個隻都係補水多囉..係「為後路」著想,,唔係暗瘡方面

兩隻cream都唔岩?

作者: 鋒．嵐＊ 時間: 10-9-15 05:22 PM 標題: 回復 43# ZZZA 的帖子

我無推薦你用呢兩隻cream呀 - -

因為我都未用過..

作者: 小sion子 時間: 10-9-19 02:57 AM

原帖由 鋒．嵐＊ 於 10-9-14 09:55 PM 發表

點解你同我推薦既差左咁多既??

你唔應該用呢隻精華...

同埋cream..個隻都係補水多囉..係「為後路」著想,,唔係暗瘡方面

唔同意~oo~
我個人認為普鋪後路係應該諗補濕既, 而暗瘡治療應該係短期進行~唔應該諗到"暗瘡為本, 補濕為次", 感覺好似本末倒置左@x@"

作者: 鋒．嵐＊ 時間: 10-9-19 08:30 AM 標題: 回復 45# 小sion子的帖子

都要睇暗瘡既情況而決定邊樣行先既者 @@

同埋我都寫左補水都係為後路著想..

--------------

話說我宜家一堆補水野-.- 仲未放上黎推薦tim xdxd

用多幾日先啦...

有隻減肥野好似幾有用消脂..

作者: 軒仔-鼬 時間: 10-9-26 01:45 AM

我覺得彩豐行d野流流地...可能人既問題啦
對我黎講冇乜用..效果唔顯著..我比較鐘意用body shop d野

歡迎光臨 2000FUN論壇 (https://www.2000fun.com/)