原帖由 風花_雪月 於 10-8-9 12:06 發表
男朋友幫女朋友揹手袋..係女士們眼中可能係一件好平凡..但係身係一個男人..點解會幫女仔揹手袋?
真係純粹係唔想女朋友咁辛苦..所以幫佢地揹.定係呢D係男朋友責任?
各位男士想想..如果個女朋友無左你.佢地會唔會揹手袋出街?
手袋差唔多係女人Ge命根.點會有可能唔帶出街?
而且佢地行街ge鐘數可能仲多過你地打機.佢地已經習慣左咁長時間揹住個手袋.無言佢地都會覺得累
但係點解佢地出街可以堅持住咁耐都揹住個手袋..真係要問下佢地.身為一個男仔..揹住個女仔手袋(ps:中性手袋都無所謂)
其實同你著住條群出街有咩野分別?唔好因為錫女朋友為籍口.唔通你地真係想一世都幫女友揹手袋?一世著住條群出街?
有人話日本大把男仔著群啦.我又鐘意著.你吹咩。我想講.日本好多毒男.成日屈埋係屋企打機.睇咸片.追一d可除3Ge模型公仔.
唔通你地又想做個D人?毒.腐都唔係問題.現加有邊個青年人無經歷過?但係都應該有個限度.唔係成日沉迷係呢d野到.我唔覺得
有女仔係因為呢d野.而鐘意個男仔.男仔們細心諗下。
你地又唔好同我講係因為有申屎風度..而去幫個女仔揹手袋.你睇下d申屎.有邊個會
幫個女友揹手袋?你幫個女友揹手袋.呢d唔係叫錫.係叫縱佢.咩野事都幫佢做哂就哂佢.
長長久久佢地會覺得個男朋友幫佢做野係天經地義..有咩野唔岩佢心意..就會罵你打你.
試問一個男仔會唔會忍受得到個女仔日日夜夜咁罵同打你?咁樣Ge愛情係唔會長久。
如果你得.我服.我無野講.香港地所謂Ge公主病.係女仔本身有?
定係我地呢一班男士所做成呢?其實我地身為男士都應該要付起一部分責任.唔可以全部怪哂d女仔。
男士們.社會好現實.人只會同你講金唔講心.人地都話貧賤夫妻百事衷.你對佢幾好.感情都係要建築係金錢上面.唔通以為
感情好就會長久?錫女朋友咁佢就唔會走.唔好咁傻.男人係要負責任.努力讀書.事業有成.當你有錢個陣.你就可以保護.愛惜你身邊個個
咁樣先叫係錫佢..唔係要佢樣樣野都要為左你而擔心
如果我地咁樣毒落去.唔通第時真係要靠女人養?香港地..女強人越泥越多..倒不如話係d男士們越泥越唔生性.
各位男士..請細心諗下..唔通真係一世都毒下去嗎?
