2000FUN論壇

標題: [已向Gameone提交] 唔想K1沒落? 不如入黎俾好提議吧! [打印本頁]

作者: marcoltw 時間: 10-8-10 02:35 AM 標題: [已向Gameone提交] 唔想K1沒落? 不如入黎俾好提議吧!

24/8:是日小牛已將此連結向Gameone提交, 大家可繼續俾意見及多些向Gameone發出聲音~!

近期小牛同公會朋友傾開計, 說呢隻game點樣唔掂, d舊人又走又轉game之類, 還有一大堆騙案問題, gameone管理問題,
既然大家有咁多精力, 都係想隻game好d, 襟玩d o者, 小牛試試在此整理一下部份朋友以及自己既建議, 大家有更多新idea, 不妨一齊同gameone反映吧!
(我呢篇post如果過左3日無新o野, 我就會向gameone寫信反映了, 得唔得/ 有無效? 試o下先算囉~!! 呢d野都係盡人事, 聽天命o者...哈哈哈哈)

建議如下:
1. 定時更新同開發故事關卡
最好兩星期加1~2話, 最慢都1個月內更新o下d主線故事同埋個人故事幾話啦~!一來可以俾玩既人認識多d各套漫畫既故事, 二來又可以知多d每個故事人物既性格同背景, 玩起上黎有投入感d啦~

2. 增加副本數量及特色副本
除了關卡, 好多人都熱愛到副本打寶, 不過現時副本得15lv同25lv兩個而已, 實在太少, 而且高lv人士甚至自己一個或2個已經可以打晒, 建議gameone請玉郎或牛佬, 設計一些特殊副本, 或者將一些漫畫經典大火併場面放落隻game裡面, 龍虎門無睇開我唔知... 但係古惑仔既火石洲之戰, 福田8壯士千人大戰都可以設計成副本架~! 而且唔一定要淨係殺殺殺, 保護o下重要角色npc, 或者好25lv副本咁有d石化既特殊難度既元素都好好. (例如以前有d game, 要禁到d指定位置同引爆炸彈先可以傷到boss)

同時, 多些不同副本亦可以增加獲取高等裝備的途徑, 拉近d新手/老手, 有錢人/無錢人之間裝備/沖裝上既'貧富懸殊'問題

3. 增加更多遊戲模式
請gameone繼續諗多少少如毒掌, 搶旗既遊戲, 我唔介意gameone抄下其他game出名既模式來用, 最緊要抄得好或者過癮就ok. 例如整一版'跑online'既障礙賽(不扣體力,但有不同的地上/飛過來的隨機障礙物) , 又或者團隊合作的模式玩d考智慧既'動作小遊戲' (涉獵較多不同online game既朋友仔,不妨一齊諗)

4. 擴闊故事創作
引進多些漫畫人物及其他有聯繫/合作公司的主筆故事, 現時九龍城寨係其中一個例子, 另外有些k1朋友說現時遊戲主要是現代為主, 小牛認為, 既然隻game既故事背景都已經說成什麼預言漫畫既神奇力量(本身古惑仔溝龍虎門已經係不可思議兼奇幻啦!), 玩o下穿越時空, crossover埋中華英雄,如來神掌/神掌龍劍飛之類古今漫畫都可以呀, 就算唔加落主軸故事, 當作外傳 / 特別篇來創作都ok o卦~! (例如時空裂縫呀, 返回古代/未來追查漫畫神奇力量既根源呀...之類)

現時城寨有個未開放既傳送叫'日本 - 中華街', 似乎有意跳出香港玩, 創作空間應該擴闊多d, 唔好再叫地班玩家o係小小既城寨同油尖旺鬱悶終老吧...

5. 增加裝備及調整平衡度
裝備方面, 人人都知道沖裝愈高愈好, 就更容易打關卡或對戰愈有優勢, 所以如果要拉近d新手/老手, 有錢人/無錢人之間裝備/沖裝上既'貧富懸殊'問題, 搞到有錢d既人繼續留但玩到悶而離走, 新手入黎玩左陣唔對路又轉game, 留住舊人同埋新人對隻game都係同等重要! 所以開發多d新裝備之餘, 更要著重裝備既性能 / 特殊作用, 最好這些特殊作用不可以靠沖裝得到, 而係人人平等, 例如使別人減速, 封印技能, 令人中毒, 封鎖跳躍/防禦之類, 而現時一些已有的特殊性能, 例如雙重打擊, 發噬效果等, 有需要加強或調整, 令到隻game既平衡度再加強先得. 此外, lv5至到lv50的裝備, 在數值上的分野似乎唔夠明顯, o係呢方面其實推倒重來會好d, 另外亦可以透過一些定期活動, 俾玩家去嬴一d特別版/稀有裝備, 我諗呢d只係整張新既圖,同埋key in能力值數字既事, 開發部隨手都可以做到吧?

6. 開放/開發公會戰
公會戰相信可以吸引到多d老手繼續留低, 而多d新手加入, 甚至學其他game咁樣, 每星期嬴左既公會可以得到優惠(例如九龍城寨npc/拍賣場手續收入既5%), 又或者嬴左可以得到一些道具或裝飾, 升級自己公會房間(我見龍虎門好似有呢個類似入口), 甚至嬴了之後的一星期內該公會會員有能力值的暫時提升(如+10%技攻 / 回血回mp加快之類)

7. 設立點數交易系統
交易欄加入點數系統, 減少騙案, 因為有些新加入朋友滿心歡喜, 用了成個星期零用錢買左d點數, 但玩唔夠兩日就俾人地昆左去, 堅毅力差少少既人, 都會灰爆唔玩game啦~ (如果係因為個交易系統難改既, 簡單d d, 設計一些用一千幾百蚊既npc商店道具, 可以將你想過俾人既點數轉落呢個道具式'器皿', 再用交易就ok, 人地收到呢個'點數器皿' 雙擊就化為點數, 咁樣唔知開發部會唔會易做d呢? 我隨意諗咋, 程式設計高手勿插我~)

8. 逐步開放等級上限
儘快在1個月內開放更高級既等級上限, 至少希望開放到70甚至80級吧, 甚至提升到某些等級, 要做一d較困難既一人考試關卡/對戰npc, 才可以繼續升上去. 另外如果開放等級上限, 請一併增加商店裝備的選擇, 唔好成日都只係賣d lv5~lv20既武防先得架!! 好少見d遊戲, 過左lv20之後npc商店就無乜裝備可以買...

9. 定期舉辦商城特價
商城有一欄叫'特價'的, 但咁耐以來一樣商品都無特價過o既? 諗得出又做唔到, 莫非等d人走左大半先黎做特價嗎? 唔要求gameone日日特價或是好多商品特價, 但日日有一樣特價/指定時段特價得唔得先? 特別係一d無咁熱門/少少熱門既商品, 做乜唔做特價呢?? 此外, 如果開發部能力所及, 可唔可以開發多2~3款人物貼圖, 等條街見到既人多d款睇下吧, 話晒又係一種賺錢野, 如果做到既話, 無理由唔賺我地錢o者gameone, 係咪!?

10. 擴展出位度用途&增加稱號獲取途徑關於出位度, 其實除左鬥排名之外好似無甚作用, 反而我建議可以利用出位度換取/買一d指定稱號, 當然呢d稱號可能係生活化d啦, 同埋比起之前打比賽/活動所得到的無咁浮誇. 這一點我是參考魔物獵人online的做法, 魔物佢係透過玩家做指定數量既任務, 或是打指定數量既boss, 而得到一個有使用限期的稱號的.
我隨意諗諗, 例如打愈強愈強到指定次數, 加上付出一定數量出位度, 就可以換到'遇強愈強'呢個稱號(1個月); 又或者, m1至m25每關都打夠50次以上, 再俾指定的出位度, 就可以換到'過關高手'呢個稱號(1個月)
玩家們除左打打殺殺外, 能夠收集或使用稱號都是另一種快樂, 這些細節工作不應被忽視, 而且老實講一d都唔難整o者...

11. 舉行公會戰比賽
比賽方面, 之前的格鬥王者大賽雖然唔算好多人參加, 但至少都帶動到論壇同game入面有個熱門話題, 建議如果設計/開發到公會戰, 一定要搞一個公會戰大賽! 相信比個人戰更吸引人討論及參加的.

12. 加強擴充格入手方式
我唔知道多唔多人買點用'擴充道具格'呢個功能, 但係可能好多人寧願開多幾個帳號或人物當作倉庫, 那不如降低擴充門濫, 例如用點數之餘也可選擇用game錢, 這樣相信會有多d人使用擴充功能.

13. 其他現時的小問題/bug都希望盡快處理啦,例如:
- 人物發呆一會兒就斷線, 我打呢篇野既時間已經斷左十幾次!! (買左休息卡的朋友都唔知點算)
- 有時會變成打了字,顯示不了
- 技能欄的技能, 每次上線都變成空白格
- 排行榜排序問題
- 被人邀請進入pvp超霸時, 如果設有賭注, 麻煩都出一下警告提示視窗吧~(防止昆9)
- 遊戲音效/音樂每次入game都要重新設定先得....

打住咁多先~ 有新idea再更新, 或者靠大家k1朋友齊諗計吧!!!

[ 本帖最後由 marcoltw 於 10-8-24 02:51 PM 編輯 ]

作者: o0小流0o 時間: 10-8-10 07:54 AM

第一個支持你
我想GM開團套衫因為我想影幫會照

仲有跑online模式

作者: matthew1977 時間: 10-8-10 09:28 AM

其實隻GAME可以更上一層樓,GM可以考慮以下建議
(1)我地D角色有自己公會外可以額外自願加入電腦幫會例如羅殺教白連教毒蛇幫洪興洪興分部東興通天教白骨門原始門 OR 警方等, 跟住做幫會任升級 ,去到某幫級時 ,電腦會比你選帶跟班 ,你在幫會級數越高跟班LEVEL會高,選擇越多, 之後數量越多,可能最多為四名跟班不等
(2)去到某幫會等級 ,我地可以選學會該幫會的一種新戰鬥技能
(3)加入新的對戰場地 ,例如太平山等 ,當我地班玩家去到該處會自動變為殺戮戰場 ,大家可以互殺 ,被殺的會自動扣錢, 仲之大家一入個度立即互殺E D先正

作者: joelick865 時間: 10-8-10 10:22 AM

你好多提議wo
你估下gameone會唔會入黎睇丫拿
就算睇左都唔會做野
老實講gameone代理咁多game佢會唔會為左一個game賺果小小錢搞咁多野呢??

作者: marcoltw 時間: 10-8-10 10:43 AM

盡人事, 聽天命o者...哈哈哈哈

何況我諗既野, 大部份都唔駛點樣改動原有既程式

作者: 佐ζ藤原 時間: 10-8-10 10:47 AM

原帖由 marcoltw 於 10-8-10 02:35 AM 發表
近期小牛同公會朋友傾開計, 說呢隻game點樣唔掂, d舊人又走又轉game之類, 還有一大堆騙案問題, gameone管理問題,
既然大家有咁多精力, 都係想隻game好d, 襟玩d o者, 小牛試試在此整理一下部份朋友以及自己既建議, ...

1. 定時更新同開發故事關卡

(呢樣係可以做到如果每星期係追加多一話黎講, 但係要多兩話或以上就比較困難, 因為K1 online係Csoft開發, 佢地都要每星期搞返屬於佢地旗下既online game, 整一關出黎唔係易, 我點解咁講相信你都會明。想我再詳細講一關點樣出黎你話聲我可以講返。當然支持定時定候新增關卡。)

2. 增加副本數量及特色副本

(新增副本方面我諗同關卡一樣既反映, 另外現時高等級裝備請緊係45-50級武器同防具係先前M7 同 M21因為未修正好已boss掉落 , 呢點要怪就真係怪隻game 未setting好。)

5. 增加裝備及調整平衡度

(如果要新增更多特殊裝備效果, 豈不是要加多好多寶石? 如果一件裝備打出黎/獎品係一開始就有附加能力 , 那對已經入寶石的玩家帶來不公平, 如果出新裝備就一定會有新既高等級裝備, 因為無理由出低唔出高。有經驗既玩家都會因應現時所用既已衝裝備是否值得再投資落新既高等裝備, 如果值得可能衝出黎又同新既低等級裝備能力差天共地。裝備能力係無得調教, 一黎game裡邊當然越高級就可以用高級既裝備, 咁當然能力都唔會差得去邊, 有錢就緊係可以衝裝 ,如果唔係就會令game裡邊既HKD戰士難以生存同埋怒髮衝冠而走。)

7. 設立點數交易系統

(呢樣真係要等, 因為人地話哂已經有個所謂點數交易系統係度[兌換動作已等於交易], 同埋online game係唔主張玩家用HKD去同其他玩家交易, 當然商城物品絕對歡迎你, 其實好難俾人呃到我就如果真係衰到要同人只換點數既話就一定係人地俾我先。但係安全方法係有既, 買點品同你換, 或者真係叫佢用點數先去兌game錢再用game錢同你買野, 咁你都可以再用game錢兌返點數。係複雜既, 如果唔想俾人呃就唯有呢幾個方法, 再唔係就搵返真係高級有誠信既人買野。)

8. 逐步開放等級上限

(支持開放等級上限 , 但係你講既要升特定等級就要通過測試呢點都難既, 因為呢隻game係走EXP Bar, 萬一真係set到某經驗數值時係需要透過測試至可以再加經驗既話, 俾我就會利用連鎖任務去避過[如果測試真係太難至不可能的任務水平的話] 另外你話npc新增更多裝備供玩家購買, 呢點我諗好多人都想, 只不過一出就會令遇強越強趺既裝備無用途從而減少玩家去利用點數挑戰遇強越強npc, 再高過現時20級npc裝既能力值應該已達到副本30-35裝既能力, 如果係低過咁出黎都無意思, 萬一係高過我諗你都清楚後果更加不堪設想。)

9. 定期舉辦商城特價

(有特價商品, 黃鎖匙10條雙經卡10張紅鎖匙10條... 等等都係屬於特價商品, 實用性是否存在就等玩家自行定論。熱門野特價我諗佢係醒水既就應該早早就特價, 等依家冷淡哂都未減過一點。)

10. 擴展出位度用途&增加稱號獲取途徑

(出位度現時可以與龍虎門npc及九龍城寨寶石npc 兌換物品, [初級技能書與寶石碎片]當然支持可以換更加多方面既野。另外你話追加多幾款稱號, 我就話應該稱號係有能力加既較為實用。)

11. 舉行公會戰比賽

(等完又等...等完又等...)

支持樓主=]

[ 本帖最後由佐ζ藤原於 10-8-10 10:49 AM 編輯 ]

作者: 姓名 時間: 10-8-10 06:32 PM

唔駛gm要求大家都比咁多意見~其實隻game仲有潛力~因為大家都想玩落去~
不過大家如果有留意~最近gm on既次數係十分之少~大家想同gm反映下都唔得

本人一個少少估計~gameone d人去左宣傳新game~天子傳奇 = =我估喳~

作者: matthew1977 時間: 10-8-10 07:17 PM

原帖由姓名於 10-8-10 06:32 PM 發表
唔駛gm要求大家都比咁多意見~其實隻game仲有潛力~因為大家都想玩落去~
不過大家如果有留意~最近gm on既次數係十分之少~大家想同gm反映下都唔得

本人一個少少估計~gameone d人去左宣傳新game~天子傳奇 ...

天子傳奇代理商好似唔係 Gameone 係中華之傲 Chinesego.com.my, 佢地用MyCard 唔係Go Card

唔通GM 走左去隔離玩

作者: o0小流0o 時間: 10-8-10 07:25 PM

原帖由 matthew1977 於 10-8-10 07:17 PM 發表

天子傳奇代理商好似唔係 Gameone 係中華之傲 Chinesego.com.my, 佢地用MyCard 唔係Go Card

唔通GM 走左去隔離玩

笑了

GM過底..

作者: marcoltw 時間: 10-8-10 07:40 PM

原帖由 o0小流0o 於 10-8-10 07:25 PM 發表

笑了
GM過底..

我有一個更加衰既諗法, 兩三間兄弟/有關係既公司, 同時外判形式請同一批人做gm.......結果幾隻game都係o個幾個gm..........

作者: o0小流0o 時間: 10-8-10 07:44 PM

原帖由 marcoltw 於 10-8-10 07:40 PM 發表

我有一個更加衰既諗法, 兩三間兄弟/有關係既公司, 同時外判形式請同一批人做gm.......結果幾隻game都係o個幾個gm..........

....我有一個再衰D既諗法,
隻GAME果12個GM實質得4個人, 因為3間公司請同一批人
跟住, 4個人之中又有3個人過左底去天子

得番1個GM,所以近排每次上線都係得一個GM

作者: 柊乂 時間: 10-8-10 07:48 PM

我幻想個一個副本,(一定要4人以上),一入去,有四個傳送點,一人一個.入到去就係分別,龍虎門弟子,白蓮教弟子,洪興打手,羅剎教(六人,五人多洪興分部和大飛隊)之後每邊一定要殺夠300名小卒先可以進入boss 房.之後boss係
老祖宗同埋蚩由.

作者: Nicolas4560 時間: 10-8-10 09:11 PM 標題: 回復 1# marcoltw 的帖子

我非常贊成你完美嘅建議,但係代理見到未必會做,就算做都分n年黎做~

作者: 姓名 時間: 10-8-11 10:51 PM 標題: gm真係過左底???

如圖

作者: marcoltw 時間: 10-8-12 01:02 AM

原帖由姓名於 10-8-11 10:51 PM 發表

如圖

好想知道08打最後那句'同事怕了'

到底怕了什麼? 工作量過大? 玩家過多投訴/責罵? 工作O.T.太多?

還是怕了K1的密密斷線/彈game而唔想再上?

作者: o0小流0o 時間: 10-8-12 01:15 AM

原帖由姓名於 10-8-11 10:51 PM 發表

如圖

原來真咖a___a

作者: o0小流0o 時間: 10-8-12 01:17 AM

原帖由 marcoltw 於 10-8-12 01:02 AM 發表

好想知道08打最後那句'同事怕了'

到底怕了什麼? 工作量過大? 玩家過多投訴/責罵? 工作O.T.太多?

還是怕了K1的密密斷線/彈game而唔想再上?

我覺得係玩家投訢同密gm太多.
GM吾回又比人話 .回又回吾晒,
吾更新又比人鬧更新又無時間做.
所以GM過左底

作者: 姓名 時間: 10-8-12 09:36 AM

其實好地地我都唔會罵gm~隻game有問題係開發商問題~代理商問題~gm只係一位員工~雖然我唔知佢地工作情況~但係我見到好多人一有bug呀咩呀個d就罵gm~姐係唔關你親人事你地就成日吊人老x~

作者: o0小流0o 時間: 10-8-12 09:37 AM

原帖由姓名於 10-8-12 09:36 AM 發表
其實好地地我都唔會罵gm~隻game有問題係開發商問題~代理商問題~gm只係一位員工~雖然我唔知佢地工作情況~但係我見到好多人一有bug呀咩呀個d就罵gm~姐係唔關你親人事你地就成日吊人老x~

同意。
所以我都未曾XYZ過GM

作者: marcoltw 時間: 10-8-13 12:24 AM

今天很高興, 看到gameone藉著舉辦一些活動,
令玩家可以獲取一些有趣的稱號

另外, 駁招王比賽亦頗有趣, 不過希望那所謂的點擊數,
不要又淪落成為另一'bug'嬴披風的事件吧~

作者: kevin1704 時間: 10-8-13 12:52 PM

GM一定要將ser lag既問題解決!!!成日都彈機.....大亂鬥整番多幾埸就好lu~仲有故事得25話.個個元家都唔夠睇啦...拿拿聲整多2-30話黎比我第睇.仲有其他角色既英雄列傳~~

作者: catand12 時間: 10-8-13 11:30 PM

講真呀佢e隻game沖人物又要元神一個元神幾張點想點姐食水深到你仲要係"有機率"高級仲有 d道具最不知所謂十字架 ?廚師帽 ? 咩料呀同隻game冇關係原著故事又冇講粗d...食撚屎啦原著冇道具咩不知所謂垃圾
仲有你連本身set好ge人物 eg:天下無敵 ,王風雷都味出晒你出咩九龍城寨
人物升級我就有個咁ge提議由第1周天開始每次升級都要更難獲得ge道具同更多錢仲要完成指定條件 eg:pvp嬴20場 . 限時內過一個故事

作者: conrad001 時間: 10-8-24 12:48 AM 標題: K1

出一出王風雷 xd 本人好想要王風雷

作者: marcoltw 時間: 10-8-24 02:51 PM

24/8:是日小牛已將此連結向Gameone提交, 大家可繼續俾意見及多些向Gameone發出聲音~!

作者: marcoltw 時間: 10-8-24 05:19 PM

GM 回覆
信件狀態: 已回覆
負責 GM: gm21
信件提交時間: 2010-08-24 14:49:17
GM 處理時間: 2010-08-24 15:01:11
GM 回覆內容: 親愛的玩家，您好

謝謝你的來信，感謝閣下對我們遊戲的支持，閣下反映的寶貴意見我們會轉交相關工作人員討論，是否會被採納暫無法答覆，對此帶來的不便之處敬請原諒。

感謝您使用GO平台客服系統。

作者: 火爆哥哥 時間: 10-8-24 07:10 PM

大家好 hi 推一推

作者: Blood_8198 時間: 10-8-24 07:44 PM

＃以下純粹個人意見及想法，請別誤會。

１．增加新關卡
　這點要看開發商的時間以定，現時正在製作新系統，盟時系統、武功鑽研、成就系統、新活動「拯救難民」、新角色....，所以短時間唔會增加新的主線劇情。

２．增加副本
　相信大家也知道將會推出《九龍城寨》漫畫的角色，當然不小得新的主題副本，新裝備啦！詳情請留意9月的公告。

３．增加更多的遊戲模式
　現時正在製作新的遊戲模式「拯救難民」活動，如沒有意外，9月會正式登場。
　至其他的玩法還在商談中。個人比較想加個「鐳射鬥室」，設計參考為舊著龍虎門王小龍勇闖敵陣，為救南宮戒被密室的鐳射光殺死的一段。

　名稱：鐳射鬥室　(申請中)
　玩法：
　地圖分為左右兩半，每隔一段時間，其中一邊便會有鐳射攻擊。在攻擊前會有倒數，一但被鐳射光打中，便會立即死亡。
　(在此活動中，除非被鐳射光打死，否則可以無限次復活。)
　如何取勝？把對手推出去吧。

　名稱：秘笈競奪戰　(申請中)
　玩法：
　在四周的木箱中藏有數本「武功秘笈」，在限時內奪取最多「武功秘笈」者為勝。
　(在活動期間一但被打死，便會把累積的「武功秘笈」全數掉出來，如技術做不到。便改為重新計算。)

　名稱：未路狂奔　(申請中)
　玩法：
　各位參加者你好，歡迎來到青馬大橋，只要你能搶先走到對岸，便先勝出比賽。
　咦？大家已經出發了！希望他們會小心車輪吧。
　(在青馬大橋上，有一些奇怪的東西，吃了後可能增加移動速度，也有可能回復氣力，可能....。)

　名稱：怒爆你的牆　(申請中)
　玩法：
　玩家分為兩隊進行遊戲，各隊的陣地中也有一道「護牆」，「護牆」最先被打爆的一方便是輸家。
　(可說是搶旗活動的改版，搶旗改為鬥快打爆對方的護牆。為免攻擊力高的一方有優勢，會提議改為受到一定擊數才會被打爆。)

　名稱：拆車專家
　玩法：
　在廢車場內有多部不同的汽車，打爆不同的汽車會取得不同，在限時內取得最高分者為勝。
　(部份汽車被攻擊時會發生爆炸，請多加留意車汽的顏色。)

暫時只分享部份想法吧。雖然想了很多想法，但每一個也需要時間製作，只好耐心等待開發商製作。

４．擴闊故事
　這一點牽涉多本漫畫的授權，及製作時間的問題，暫時未有結論。

５．增加裝備及調整平衡度
　裝備一定會隨著遊戲製作，這一點不用擔心。
　至於你說的「強弱」問題，反過來想，難道花時間練技術，花時間升裝，也跟新手什麼也不付出的人一樣才算平衡？
　看看現時的比賽，低級也可以勝高級，究竟是否平衡，就要大家一起探討了。
　至於「特殊能力」的提議，把你的寶貴意見交給開發商時，他們表示已在研究你的意見了，正準備採用，請耐心等待。
　忘轉句一聲，十分謝謝你的意見

６．開放盟戰
　此系統正在內部測試中，相信很方便可以推出公開測試。上兩星期已開了「盟會設施」，這便是盟戰的準備工作了。

７．設立點數交易系統
　這一點個人不會建議增加。現時玩家的防騙意識太低了，增加了此功能，只是使騙徒更為方便。
　再者，沒有遊戲公司鼓勵玩家私下真錢交易。那不如搞一些官方拍賣活動，對大家更有保障。

８．開放等級上限
　這一點要看開發商的安排。對於這一個提議，引延別一個疑問，究竟大家玩遊戲是為了升級，還是互相競賽呢？
　天天上線升級，也是為了與好友一較高下。如果遊戲設定為無限等級，你想想你會升得多辛苦，新來的朋友又如何追上來陪你一同遊玩？

９．定期舉辦商城特價
　有關活動正在申請中，如沒有意外，在10月會有折扣活動。

１０．增加獲得出位度及稱號的途徑
　現時已推出部份新任務，及官方活動供玩家取得不同的新東西。詳情請留意將來推出的「成就系統」。

１１．舉行公會戰比賽
　在10月會舉行「超級霸王」賽，到時等你來參加吧。暫時未決定是否在網吧進行比賽。

新技能還在內部測試階段，暫時未能公開。

作者: patty135 時間: 10-8-24 10:53 PM

gm你出新角玩到d人悶......................有d我冇都睇到佢玩得悶........ 除左果3隻

作者: marcoltw 時間: 10-8-25 12:05 AM

真多謝Blood_8198你的意見, 雖然或者只是個人
但已經令我們知道你們部份的進程和意向
謝謝~

歡迎其他玩家繼續提供意見和討論

作者: azsx77 時間: 10-8-25 02:13 AM

由一開始關卡更新方面速度就十分失敗~
當前更新不斷~
可惜大多數有關商城物品~
居然還會有已有NPC的毎日活動還味推出~
實在令人氣憤~
不過我極讚同一點~
增加出位度的用處...
一堆的出位度~就只能用來買寶石~的確浪費~
總言而之~做到其中的一點已經好好了!!!

作者: man0227 時間: 10-8-26 11:49 AM

你估改GAME 咁易咩冇一頭半個月都未必得仲要(健)做一 D 特定的場景內裏的故事仲要測試個模式是否可行呢隻GAME D GM 可能真係怕左我地有一D 玩家有小小問題就可能會係GMAE 到嘈本人都見證過好多GM 的來去可能 GAMEONE 出左好多新GAME 唔係個個GM 都會日日上線同各位玩家一齊玩因為佢地都係打一份工冇可能佢地想點就點 {另外我提出GM 出一D 活動就係GM 會躲係一個地方邊位玩家最快找到GM 就可以有一份神秘物品(係RFO到有過) }

作者: Blood_8198 時間: 10-8-26 02:27 PM

可以試試玩「捉迷藏活動」。個人經驗所知，此知道很易引起誤會。
部份人任會指責活動是活動是「公開偏幫」，活動不公平，害他找不到。

考慮現今玩家的心理質素，若真的舉行此活動，送出的獎品越好，越易引起誤會。
所以多數會申請稱號或一些3天的虛寶回來使用。

至於活動時間，是更大大的考慮。
想起當年一個活動分早、午、晚、凌晨4場舉行，以為可以滿足不同玩家的需要，
卻還被人投訴連連，就不太想舉行這類只有部份玩家可以獲益的活動。

見霸天近來的玩得很開心，想向公司提出向一個活動方向。
簡單來說，就是官方出資訊及物品，由現在自行舉行活動。

例如有玩家申請一個網吧活動(如網聚)，官方同意其申請後，會提供基本協助，及活動獎品。

作者: marcoltw 時間: 10-8-27 02:16 PM

to: man0227
我也明白改game不容易, 所以我們的建議中, 也不是希望樣樣在極短期內就完成, 有些是希望循序漸進的, 有些認為是可以快些(例如一兩個月或幾個月內)可行的, 我們也有列明. 當然, 我們更明白一切都要看gameone自己的決定和能力, 我們只希望他們儘力(更不是只叫gm做事, 背後決策人和技術部門才是關鍵), 而非強人所難

to: Blood_8198
請玩家/公會自行舉辦活動也不錯, 同時能提供資訊宣傳和獎品也十分好
不過這只是其中一部份吧, 很大程度還有賴公司提高game的完成度和豐富度
老實說, 這遊戲推出時的完成度真的令人有些失望(相比其他類似遊戲),
但我仍是有盼望的, 希望你們努力~

作者: o0小流0o 時間: 10-8-31 11:35 AM

原帖由 Blood_8198 於 10-8-26 02:27 PM 發表
可以試試玩「捉迷藏活動」。個人經驗所知，此知道很易引起誤會。
部份人任會指責活動是活動是「公開偏幫」，活動不公平，害他找不到。

考慮現今玩家的心理質素，若真的舉行此活動，送出的獎品越好，越易引起誤會 ...

加油 ,你的個人意見挺不錯

另外,我覺得08你喜愛古惑仔game 。

[ 本帖最後由 o0小流0o 於 10-8-31 11:36 AM 編輯 ]

歡迎光臨 2000FUN論壇 (https://www.2000fun.com/)