2000FUN論壇

標題: 國服32lv聖騎小感想及分析 [打印本頁]

作者: 淡藍 時間: 10-8-15 04:05 PM 標題: 國服32lv聖騎小感想及分析

pvp部份在p.2
咁今次既感想會分開兩部份,就係pvp同pve
希望大家睇完會對聖騎/賢者有深一層既認識
(不過我都唔算係好資深既賢者,有錯不妨一齊善意討論,任何惡意攻擊都唔希望見到)

講任何野之前  首先有玩聖騎既都應該知道
做聖騎實在係愛與痛的邊緣....無論係揀審判/物理既時候,就算係決定一面既時候都因為非常緊張既點數而成日要放棄一d好想要既技...
你要做pvp王者就揀格檔系啦! 不過你打圖將會比人辛苦好多加上成日比人歧視... 自閉又唔鐘意同人玩既就自己去單刷啦...

你想打圖呀? 就做審判系啦  不過想做pvp王者就難好多  好多pvp霸氣技專用技能都開唔到
首先揀定自己想pve定pvp啦...

*事後一記
走審判係既我  暫時黎講  打戰士以及法師都仍然係稍佔上風
當然, 審判賢者一定唔夠大無畏任你打既格檔聖騎霸氣
但係只要好好運用盾擋以及虔誠其實勝算都仍然幾大

先講pve
定位一下聖騎先係團隊既位置先!
聖騎唔係主要輸出手可以當係清怪手,肉盾以及輔助型(有一招補血既都算..)
睇到呢到  你地都應該明白點解聖騎會被兄弟職業祭司恰..
係一位一職既情況下要輸出會有弓手同法師
要清怪仔以及肉盾可以有跑得快既戰士
要輔助得多既就係…… 祭司..
加防加血技比起聖騎輔助能力夠好多
現時黎講  又未有怪強到戰士頂唔到
聖騎既強大防禦大派唔上用場
等到40lv ,戰士既防禦已經唔能夠再頂既時候,就到我地出場啦!!!(我成日都咁安慰自己…)

由於我有親友團隊,所以我決定走審判系
不過始終  聖騎既輸出真係唔高

你見到自己用盡哂所有既連技,先郁到隻王一條血
你見到隻元素師淫笑幾下飛黎飛去佢都無左2條血

當然  聖騎輸出雖然唔算高但係都未算低既…
呢d輸出就換左做防禦力同厚血量啦..

聖騎主要輸出 =反擊亦即虔誠
其他技能既輸出相比起弓手/法師,就算係戰士系既都會比下去
但係一隊一齊打既話  你點樣可以拉哂d怪打你黎反擊呢..
簡單講句  如果你係團隊入面以反擊,盾技黎做做輸出,你輸出將會=0

但係單刷黎講  由於格檔系聖騎有剩點數去點一堆自身技
加防加hp,而且單刷怪物一定集中打,反擊輸出好高
所以單刷上應該係格檔系比起審判系好

睇日/韓服既人話聖騎無人組  我24lv都唔覺
現時32lv刷深淵  我終於感覺到被遺棄既感覺

(呢part係黎發洩我對祭司既不滿, 可睇可不睇雖然我覺得好多聖騎都面對住呢個問題)
x你班仆x祭司,搶野做都唔x係咁搶呀, 人地隊名寫x到名一職一位,你都見到有隻聖騎係入面,點解仲要夾硬塞入黎?
塞x到入黎,就等d x樣隊長踢x左個聖騎黎組你, 真係x街到呢
無錯. 聖騎係成日比祭司班狠樣搶位
試過幾次明明入左隊,只差一隻弓/法
無啦啦有隻祭師攝入左黎聖騎就可以byebye

好彩識左幾個固定刷團隊佢地覺得聖騎ok

不過入到去都要好恭恭敬敬
"帥哥! 要補血嗎?來了!","美女呀,你要這個雞肉嗎?你先吃吧!"
聖騎又腳短見到d人係你格黎飛過你仲係到慢慢行緊
打王能力又唔夠人高

咁咪做下跑腿..執下怪頭怪尾...掃下地...聽下話囉...(悲劇)
同埋出神聖波波定控下場...

不過聖騎最好既地方係驚人既血量同防禦力
無論32前,24前,聖騎打副本差唔多係死得最少個個,你睇我官方送個10條命,我只係用左一條救人,仲剩9條你就知….
不過40lv之後既聖騎會好搶手所以32lv被歧視既你又有耐性等待既你
加油.. 我地一齊等40啦!

pvp部份再打...,

[ 本帖最後由淡藍於 10-8-15 05:11 PM 編輯 ]

作者: F_a 時間: 10-8-15 04:06 PM

頭香
雖然我劍聖
但都支持

作者: cm1992108 時間: 10-8-15 04:18 PM

支持,出PVP吧
可恨的賢者

作者: fisoyu 時間: 10-8-15 04:24 PM

你好~ 我係玩物理系同格檔系既聖騎~
其實好多人話物理系同格檔系既聖騎系PVP神手,
但當你入下韓服同日服, 你就知咩先叫PVP神手──戰神,
佢D技系專針對物理系同格檔系既聖騎黎打, 例如獅吼功、清醒吶喊.. 仲有踐踏同怒吼

反而我覺得物理系同格檔系既聖騎玩單刷先係皇道, 正如你講既"驚人既血量同防禦力"
加上神聖斷言同虔誠作為輸出, 的確唔錯

作者: JaSoN-輝 時間: 10-8-15 04:32 PM

平時係pvp比聖騎虐待,有機會緊係蝦番聖騎

作者: 淡藍 時間: 10-8-15 04:35 PM

原帖由 fisoyu 於 10-8-15 04:24 PM 發表
你好~ 我係玩物理系同格檔系既聖騎~
其實好多人話物理系同格檔系既聖騎系PVP神手,
但當你入下韓服同日服, 你就知咩先叫PVP神手──戰神,
佢D技系專針對物理系同格檔系既聖騎黎打, 例如獅吼功、清醒吶喊.. 仲有踐踏 ...

因為我見識少,無睇過32後既世界... 所以唔好意思
我只可以以32前既野分析.. 不過我會試住去理解

始終聖騎既被動性係有一定既問題
我有理由相信聖騎會被改強...

作者: fisoyu 時間: 10-8-15 04:39 PM

原帖由淡藍於 10-8-15 04:35 PM 發表

因為我見識少,無睇過32後既世界... 所以唔好意思
我只可以以32前既野分析.. 不過我會試住去理解

始終聖騎既被動性係有一定既問題
我有理由相信聖騎會被改強...

唔好咁講~ 大家研究下姐
只不過唔明點解D人係喧話聖騎勁我覺得應該係咁排遊俠>戰神>賢者>元素/時空法

作者: 淡藍 時間: 10-8-15 04:42 PM

原帖由 fisoyu 於 10-8-15 04:39 PM 發表

唔好咁講~ 大家研究下姐
只不過唔明點解D人係喧話聖騎勁我覺得應該係咁排遊俠>戰神>賢者>元素/時空法

係所有人未認識清楚聖騎之前
聖騎的確好強

我覺得..始終都唔應該加排位
無最強既職業只有最強既玩家

作者: fisoyu 時間: 10-8-15 04:44 PM

原帖由淡藍於 10-8-15 04:42 PM 發表

係所有人未認識清楚聖騎之前
聖騎的確好強

我覺得..始終都唔應該加排位
無最強既職業只有最強既玩家

只係個人既見解, 冇必要再討論

反而我有興趣想知玩審判既聖騎多唔多點淨?

作者: 淡藍 時間: 10-8-15 04:46 PM

原帖由 fisoyu 於 10-8-15 04:44 PM 發表

只係個人既見解, 冇必要再討論

反而我有興趣想知玩審判既聖騎多唔多點淨?

唔多
開左32重擊之後
我好似剩返得3點定5點

作者: fisoyu 時間: 10-8-15 04:50 PM

原帖由淡藍於 10-8-15 04:46 PM 發表

唔多
開左32重擊之後
我好似剩返得3點定5點

喔~ 你有點邊幾招反撃聽你上面講點左虔誠

作者: 淡藍 時間: 10-8-15 04:51 PM

虔誠點到4
去到斷言2 未開到復仇

作者: jackyyan051112 時間: 10-8-15 04:55 PM

回樓主本人係審判系聖騎 23lv
因為我1開始就打算等港/台版(e+玩緊國服)
國服對我而言系for熟識d流程only
所以系有冇人組方面完全冇問題(汗...)
不過系輸出方面就............(冇可能5認同)

作者: 淡藍 時間: 10-8-15 04:58 PM

去到32你會開心d既..嘻嘻
enjoy下招低b金鎚啦,好爽xd

作者: jackyyan051112 時間: 10-8-15 05:01 PM

原帖由淡藍於 10-8-15 04:58 PM 發表
去到32你會開心d既..嘻嘻
enjoy下招低b金鎚啦,好爽xd

拎尼普攻5洗點用mp哈哈....哈(我d藍水啊........)

作者: 淡藍 時間: 10-8-15 05:03 PM

我到現時都仲夠mp用..
因為我整裝我已經放棄左血量
32lv,現時得7000血,5千幾mp
法力裝呀!

作者: jackyyan051112 時間: 10-8-15 05:04 PM

原帖由淡藍於 10-8-15 05:03 PM 發表
我到現時都仲夠mp用..
因為我整裝我已經放棄左血量
32lv,現時得7000血,5千幾mp
法力裝呀!

法力裝同血裝個名5識分(e+全血+5...)

作者: fisoyu 時間: 10-8-15 05:05 PM

竟然開左斷言冇開復仇~
神聖復仇先正V_V
同戰神招踐踏一樣咁好用~

作者: 淡藍 時間: 10-8-15 05:06 PM

原帖由 fisoyu 於 10-8-15 05:05 PM 發表
竟然開左斷言冇開復仇~
神聖復仇先正V_V
同戰神招踐踏一樣咁好用~

無計..
因為開左破甲
開放40會點返上去

作者: jackyyan051112 時間: 10-8-15 05:06 PM

審判系夠點?=0=

作者: 淡藍 時間: 10-8-15 05:09 PM

原帖由 jackyyan051112 於 10-8-15 05:06 PM 發表
審判系夠點?=0=

無話夠唔夠既..
放棄一招咪開一招囉...

作者: jackyyan051112 時間: 10-8-15 05:09 PM

破甲強好多冇計

作者: 淡藍 時間: 10-8-15 05:13 PM

PVP部份就係到打啦
係咩都唔講之前  首先我一定要講一樣野
32LV 走審判系既我入到PVP場
有一萬九千八百幾血  我想像唔到如果我做左物理系加左hp上限技之後..

由於我係走審判系所以好jealous有盾衝既格檔聖騎
首先介紹下審判賢者32lv應該會有既技能(其實係我有既技能=.=)

盾擊－　ＣＤ短，少量硬直，埋身肉博，接技必會用到

盾擋－　聖騎神技之一，一段時間內擋下一定既攻擊次數，加上神聖斷言/神聖復仇可以打斷敵方技能進行反擊!(好遺憾,我唔夠點點埋神聖復仇)
可惜呢招技係兩頭刀，係盾擋既期間，只要你比人打中，你完本放緊既技能都會被打斷，有多次想放重擊執尾刀既時候因為盾擋被打斷…@#$%^ 所以慎用呢招

落雷－　都仍然係連技必用既技能，將對手打到浮空，繼續連技啦！

連鎖閃電－　埋身肉博都幾少用到…絕非你見到佢訓地而你已經無哂所有可以打飛佢繼續連技既技　打洛地之後仲有電向４個方向走　如果有心機可以打洛地等佢中電然後偷襲…

神聖沖擊波－　定身，非常慢既一個波波　都幾常用到…　個波打出去，正中個波既會有２hit傷害，一hit之後會爆開，定埋中左既人身邊
呢招可塑性都幾高，有時見人沖埋黎，打向自身地面爆開定人／人地訓低左，揀岩時間放呢招可以佢一起身就再定　善用呢招有唔錯既牽制效果

治癒－　回血囉，不過自身硬直都算長  所以確保你同對手有d距離先回啦

神聖十字－　輸出能力唔算高，呢招大多數都係向人群中出／穿牆出（打遺失神殿成日有ｄ法師守門口唔出黎，呢招好好玩，你又打唔到我，我又打你唔死，你又要比我打飛:D）

神聖之錘－　我多數開左盾擋跟住開呢招滑步埋去，跟住無腦普攻….你見到一堆數字不停咁係佢身上飛出黎　爽度十足!!! 不過其實輸出唔算多  只不過係暈眩x2.. 如果善用到都幾好

雷電沖擊－　唔好意思..呢招我唔係太清楚..我都係突入人群先會放呢招..等佢地電餐飽..(希望有高手指導)

重擊－　由於佢計哂物攻魔攻，連破甲之後用效果算係唔錯。（我個人多數囉黎執尾刀用）

滑步懸落－　聖騎神技之一，你可以當係２連滑步，因為衝過去個下係無敵加上打浮空，作為起手技實在一流。而且係滑步與攻擊之間可以轉向，我覺得真係好好用。

破甲－　唔係每個審判聖騎都會開，不過我決定左開。因為見到後面個大技其實都係計魔＋物攻，所以開左佢先。Pvp埋身肉博好好用，對方硬直超大，連技去!

虔誠－　聖騎招牌，唔多作介紹。對住弓手同戰士就隨便啦，由d戰士打飽佢!成日會有戰士傻更更黎食自己反擊，幾次都咁樣殺左… 睇準機會，配合神聖斷言及復仇反擊!

神聖斷言－　任何機會格檔後反擊技能，有打飛效果。不過人群中唔建議用，因為你攻擊既時候代表你唔係虔誠狀態。
(其他技能我都未開到.唔好意思.. 好期待快d開40,我會加埋神聖復仇佢)
技能分析完啦，正式開始講我自己既pvp經驗。
小弟pvp 經驗唔多，所以　以下內容係分享經驗大家討論，而唔係分析。
呢個一d都唔客觀，絕對係主觀，一定唔係全部人都會認同，什至無人認同，所以呢part只係個人感想及經驗分享，有唔岩既地方不妨善意提出
真正有單挑過既就只有戰神，祭司，元素，遊俠
所以先講呢４個啦

對戰神：　令聖騎非常頭痛既一個職業。埋身肉博博技你一定唔夠博，你絕對會比佢打洛地然後再屈。由於係審判系聖騎，基本上起手技就只有滑步。但係你要記住，如果佢有浮空，你就會變得好危險。所以唔建議一開始就埋身肉博，起碼等到盾擋cd完先埋身。同戰神打左咁多場，贏輸都係50%...我地可以做既就係等待戰神衝埋黎，等住反擊，有時２招盾技都ｃｄ緊就期待你個10%既格檔可以救到你…. 但只要一成功反擊，你係絕對有贏既機會。我打戰神好多時候都要食哂佢套連技…(由1m9血去到少過1m) 然後睇準機會反擊…(因為每次對住戰神我都非常緊張，到我記得自己點樣連技既時候再講返)

對祭司：　係pve上面吞左d氣，點都要係pvp上面報返既..嘻嘻
其實..無乜戰略可言…就靠無腦普攻連技都夠打嫁啦，悶既時候就開招小金錘先衝埋去啦，爽爆….不過記住唔好立亂用虔誠，神聖波波一定左你你就要食佢d招… 不過其實都好痕…(奸笑)  (no offense, 講笑)

對元素：　千奇唔好立亂開虔誠只要一被冰，你就準備食招啦^_^ 我個人經驗話知，元素對於我地既滑步有非常既恐懼(我想聽下元素既講法)，佢地只要見到我地想衝埋去就一定會放冰。昆下佢啦! 衝埋去轉向，等佢放左冰，你就可以去連技啦….對住元素，一定要善用盾擋。元素打人係好痛，無錯，不過每招出技都要出好耐，地獄火更加係當中既佼佼者，經驗唔夠既元素好容易就會開呢招，盾擋只要擋到1-2下就可以去反擊，慢慢連技啦…. 如果咁岩盾技都cd，滑步都衝到埋去。絕對要善用盾技，係佢放技中間去打斷佢。

對遊俠：　對住遊俠，多數都佔下風，以滑步作起手技經常引黎反效果。總之你對住遊俠一定要抱住血換血既精神，唔好諗住可以全身而退.....期待有更強既審判聖騎分享下經驗..

群p黎講，其實我個人認為審判聖騎比起物理聖騎好…因為好多時候物理聖騎係群p既時候都會變肉盾，最後人頭又唔係佢，盾技又會被冰技，光波等等技能搞到無用…見到佢地都幾無癮(不過係我片面之詞，希望有物理系聖騎自白下．．)
我地審判聖騎群做咩好呢? 人群中放下十字，光波，以滑步加盾技衝入人群干擾下，見到有就死既人就放招重擊執尾刀啦!一場點都執到1,2件；睇清楚無元素，牧師既情況就開虔誠，總會有一兩個傻更更既戰士不停連你連到自己死左都未知發生咩事。　續

[ 本帖最後由淡藍於 10-8-15 09:01 PM 編輯 ]

作者: ◇小嵐◇ 時間: 10-8-15 05:13 PM

原帖由淡藍於 10-8-15 04:05 PM 發表
一齊善意討論,任何惡意攻擊都唔希望見到

x你班仆x祭司,搶野做都唔x係咁搶呀, 人地隊名寫x到名一職一位,你都見到有隻聖騎係入面,點解仲要夾硬塞入黎?
塞x到入黎,就等d x樣隊長踢x左個聖騎黎組你, 真係x街到呢
做 ...

你份人都幾雙重標準下。。。。

做得賢者就預左要比祭司搶位。。。而且祭司除左輔助之外。。。肉盾同輸出都唔弱。。

輔助奶爸大部份都會點電棒同十字。。。電棒正好就係肉盾。。仲要拉成一堆。。。國服將電棒的吸仇恨改高左好多。。。韓服唔係好吸到。。

十字輸出、推怪就唔使講。。。勁到不得了。。。

當然我不會少看賢者。。。因為一人一職好快就會消失。。。開左狗本之後將來的更新、會使到一人一職變成""禁止戰士"" 而且賢者的需求會大好多。。

因為狗本一出。。我相信唔少新手打狗團。。都會搶住爭賢者。。。好大機會成隊死晒。。得番個賢者solo。。。當然老手隊就唔使依賴賢者啦。。

作者: 淡藍 時間: 10-8-15 05:17 PM

原帖由 ◇小嵐◇ 於 10-8-15 05:13 PM 發表

你份人都幾雙重標準下。。。。

做得賢者就預左要比祭司搶位。。。而且祭司除左輔助之外。。。肉盾同輸出都唔弱。。

輔助奶爸大部份都會點電棒同十字。。。電棒正好就係肉盾。。仲要拉成一堆。。。國服將電棒 ...

你要明白,我絕對明白祭司比聖騎輔助強
但係我依家講既係人格既問題
如果隊伍名講明要祭司唔要聖騎
ok,我認命我揀既
問題係依家d祭司明明見到隊伍入面已經有聖騎都仲塞入去
大前提係隊伍名係要牧師
佢既心態就明顯地話你聽我係到你就要走

作者: jackyyan051112 時間: 10-8-15 05:18 PM

原帖由 ◇小嵐◇ 於 10-8-15 05:13 PM 發表

你份人都幾雙重標準下。。。。

做得賢者就預左要比祭司搶位。。。而且祭司除左輔助之外。。。肉盾同輸出都唔弱。。

輔助奶爸大部份都會點電棒同十字。。。電棒正好就係肉盾。。仲要拉成一堆。。。國服將電棒 ...

而且賢者的需求會大好多<=升lv既動力xd

作者: 淡藍 時間: 10-8-15 05:20 PM

原帖由 jackyyan051112 於 10-8-15 05:18 PM 發表

而且賢者的需求會大好多

狗本大 40既黑獅仲大
所以正如我一開始話
有耐性等人搶你既就加油啦!

作者: ◇小嵐◇ 時間: 10-8-15 05:20 PM

原帖由淡藍於 10-8-15 05:17 PM 發表

你要明白,我絕對明白祭司比聖騎輔助強
但係我依家講既係人格既問題
如果隊伍名講明要祭司唔要聖騎
ok,我認命我揀既
問題係依家d祭司明明見到隊伍入面已經有聖騎都仲塞入去
大前提係隊伍名係要牧師
...

咁人地話一人一職。。又無話先到先得既。。。

而且隊長會咁、你唔怪得人。。。你自己多防禦技唔怕死。。

其他人咁脆皮。。死鬼左係咪你幫人復活先。。。

人地都係想有個祭司保下命仔姐。。

作者: 淡藍 時間: 10-8-15 05:25 PM

原帖由 ◇小嵐◇ 於 10-8-15 05:20 PM 發表
咁人地話一人一職。。又無話先到先得既。。。
而且隊長會咁、你唔怪得人。。。你自己多防禦技唔怕死。。
其他人咁脆皮。。死鬼左係咪你幫人復活先。。。
人地都係想有個祭司保下命仔姐。。

針唔到吉到肉好難令你明白個種谷氣
我都認左命啦..不過想發洩下比人擺明禁住黎搶姐
你密語個隊長等佢踢左我你再組我ok
隊長講到明要祭師唔要聖騎我ok
你擺到明入隊等佢踢我 ......我接到唔到囉
發洩完畢唔想再多討論呢個問題...

作者: jackyyan051112 時間: 10-8-15 05:27 PM

pvp強大既代價冇計xd

作者: ◇小嵐◇ 時間: 10-8-15 05:28 PM

原帖由淡藍於 10-8-15 05:25 PM 發表

針唔到吉到肉好難令你明白個種谷氣
我都認左命啦..不過想發洩下比人擺明禁住黎搶姐
你密語個隊長等佢踢左我你再組我ok
隊長講到明要祭師唔要聖騎我ok
你擺到明入隊等佢踢我 ......我接到唔到囉
發洩完畢唔 ...

祭司PVP 咪一樣。。

作者: 淡藍 時間: 10-8-15 05:32 PM

原帖由 ◇小嵐◇ 於 10-8-15 05:28 PM 發表

祭司PVP 咪一樣。。

pvp場無得爭位，我玩咁耐亦都未聽過祭司被歧視，被踢走(可能我見識少啦..不過我真係無聽過)
返正係pvp場上,祭司既干擾能力其實唔可以睇少
聖騎怕既就係定身技
有法師既時候聖騎唔會夠膽係人群中開反擊
同樣有祭司既神聖波波我一樣淆底
我從來都唔會睇少祭司係群p入面既干擾能力

作者: jyes18com 時間: 10-8-15 05:40 PM

先說際師搶位應該只會係大陸服出現
再說就是 40後副本難度更高 40的際師輔助技補血技就更多了聖騎被排斥就更明顯還有這是動作遊戲不是靠肉盾頂怪主要靠迴避像魔物獵人咁
最後如果聖賢 PVP咁屈仲要 PVE咁受歡迎可以講隻GAME唔洗玩其他職唔會有人玩

作者: jackyyan051112 時間: 10-8-15 05:46 PM

原帖由 jyes18com 於 10-8-15 05:40 PM 發表
先說際師搶位應該只會係大陸服出現
再說就是 40後副本難度更高 40的際師輔助技補血技就更多了聖騎被排斥就更明顯還有這是動作遊戲不是靠肉盾頂怪主要靠迴避像魔物獵人咁
最後如果聖賢 PVP咁屈仲要 P ...

你神回避??= =
幾好技術都好1定有失手既時候 40後副本d boss又強到乜咁..

作者: fisoyu 時間: 10-8-15 06:08 PM

原帖由淡藍於 10-8-15 05:06 PM 發表

無計..
因為開左破甲
開放40會點返上去

唔知點解我覺得你2頭唔到岸咁~ 好似咩都點少少咁,
所以我寧願乖乖做返反撃系同格檔系

作者: ShaDoW雨 時間: 10-8-15 06:17 PM

40lv一D都唔搶手..

身為祭司既我,唔想同多一個人分裝.

大家都係熟手,仲洗咪用聖騎去開荒

拉仇,頂怪,祭司都唔差的

[ 本帖最後由 ShaDoW雨於 10-8-15 06:20 PM 編輯 ]

作者: fisoyu 時間: 10-8-15 06:26 PM

原帖由 ShaDoW雨 於 10-8-15 06:17 PM 發表
40lv一D都唔搶手..

身為祭司既我,唔想同多一個人分裝.

大家都係熟手,仲洗咪用聖騎去開荒

拉仇,頂怪,祭司都唔差的

照你咁講~
我地D聖騎都係返去玩自閉算啦XDD

作者: narutohk 時間: 10-8-15 06:36 PM

原帖由 jyes18com 於 10-8-15 05:40 PM 發表
先說際師搶位應該只會係大陸服出現
再說就是 40後副本難度更高 40的際師輔助技補血技就更多了聖騎被排斥就更明顯還有這是動作遊戲不是靠肉盾頂怪主要靠迴避像魔物獵人咁
最後如果聖賢 PVP咁屈仲要 P ...

的確如此，但後期的聖騎需求還是很大的。

1. 裝備封印問題，很多隊伍不再要求一職一位。
2.怪越來越多，攻擊力越高，沒人拉開會很難打

聖騎越後期基本越受歡迎，有聖有祭基本什麼副本都能過了。
祭司的地位永不動搖，動搖的只是戰士的地位...................

雖然話作為祭司的你不喜歡組聖騎，可是脆皮的法師及弓手又會不會反對組聖騎？
反正爭裝又不是他們的事，空出來的職業裝佢地又有份抽，何樂而不為？
再加上多個人補血，拉怪，通關易又快，聖騎火力又不差戰士(打王)，我覺得後期一般都會組聖騎多於戰士。

(親友團另計)

[ 本帖最後由 narutohk 於 10-8-15 07:31 PM 編輯 ]

作者: cm1992108 時間: 10-8-15 06:39 PM

各位大大,狗狗FB....遊俠會唔會比人排斥?

作者: 淡藍 時間: 10-8-15 07:46 PM

原帖由 fisoyu 於 10-8-15 06:08 PM 發表

唔知點解我覺得你2頭唔到岸咁~ 好似咩都點少少咁,
所以我寧願乖乖做返反撃系同格檔系

破甲我開左就算
到時既神聖復仇我都係一就算

作者: jyes18com 時間: 10-8-15 09:09 PM

咁其他職刪得啦 PVP已經係最屈戈隻 PVE仲要咁受歡迎

作者: fisoyu 時間: 10-8-15 09:11 PM

原帖由淡藍於 10-8-15 07:46 PM 發表

破甲我開左就算
到時既神聖復仇我都係一就算

其實都系1就夠, 我都系點1
反而我唔夠點配, 欠5點~ 慘

作者: 淡藍 時間: 10-8-15 09:12 PM

原帖由 fisoyu 於 10-8-15 09:11 PM 發表

其實都系1就夠, 我都系點1
反而我唔夠點配, 欠5點~ 慘

你開左好多自身技?

作者: 淡藍 時間: 10-8-15 09:13 PM

原帖由 jyes18com 於 10-8-15 09:09 PM 發表
咁其他職刪得啦 PVP已經係最屈戈隻 PVE仲要咁受歡迎

其實聖騎pvp係咪真係最屈呢個絕對有待大家去發掘
我係聖騎我無理由自爆弱點嫁......

不過我只可以講聖騎其實係防守式既pvp
玩到去後期到大家都熟左自己個職業
又明白到聖騎既被動性之後
其實聖騎好難發圍

作者: fisoyu 時間: 10-8-15 09:54 PM

原帖由淡藍於 10-8-15 09:12 PM 發表

你開左好多自身技?

我拎埋出黎畀你睇都冇咩所謂
牧師

賢者

作者: jackyyan051112 時間: 10-8-15 10:10 PM

你.............你...........虔誠得lv2?=0=

作者: jyes18com 時間: 10-8-15 11:03 PM

原帖由淡藍於 10-8-15 09:13 PM 發表

其實聖騎pvp係咪真係最屈呢個絕對有待大家去發掘
我係聖騎我無理由自爆弱點嫁......

不過我只可以講聖騎其實係防守式既pvp
玩到去後期到大家都熟左自己個職業
又明白到聖騎既被動性之後
其實聖騎好難發圍 ...

32之後 4招盾技輪留CD 跟本唔洗打格擋反傷降傷仲有招一直擋15秒打佢自己扣拖其他招CD

作者: ang1993 時間: 10-8-22 01:00 PM

原帖由淡藍於 10-8-15 04:05 PM 發表
pvp部份在p.2
咁今次既感想會分開兩部份,就係pvp同pve
希望大家睇完會對聖騎/賢者有深一層既認識
(不過我都唔算係好資深既賢者,有錯不妨一齊善意討論,任何惡意攻擊都唔希望見到)

講任何野之前首先有玩聖騎既 ...

我地4FD 打BUG 2王副 0死完埸聖騎識玩好唔同　我地玩到打王之前仲有80%HP
本人1LV開始同fd組團升到32 ga聖騎　

我睇你唔係好明白pve聖騎玩法
一開始要沖=.= 沖到差唔多後開始自己打怪唔理自己人　聖騎檔格團pve廢? nonono 自己檔格左之後比自己人汁手尾
聖騎招引怪技明顯要+爆聖騎引怪人地輕鬆打王賢者有補血技wow 有血補你個x PS:我係主動性聖騎係pvp同pve好主動

同埋我虔誠得1lv =]

[ 本帖最後由 ang1993 於 10-8-22 01:02 PM 編輯 ]

作者: atyl123e 時間: 10-8-22 06:57 PM

賢者~杯具的職業

PVP先系王道

我系選左祭祀...(副本向玩家

刷副本其實好似樓主果情況都試過搶左唔小賢者個位~

作者: rexysyung 時間: 10-8-22 08:20 PM

原帖由 jyes18com 於 10-8-15 11:03 PM 發表

32之後 4招盾技輪留CD 跟本唔洗打格擋反傷降傷仲有招一直擋15秒打佢自己扣拖其他招CD

的確
但PVP唔死=贏?

作者: ting1021t 時間: 10-8-23 07:07 PM

原帖由 ◇小嵐◇ 於 10-8-15 05:13 PM 發表

你份人都幾雙重標準下。。。。

做得賢者就預左要比祭司搶位。。。而且祭司除左輔助之外。。。肉盾同輸出都唔弱。。

輔助奶爸大部份都會點電棒同十字。。。電棒正好就係肉盾。。仲要拉成一堆。。。國服將電棒 ...

冇話打狗...
我成隊23lv打深淵獅蠍最後都係得我一個solo=.=

作者: ting1021t 時間: 10-8-23 07:13 PM

原帖由淡藍於 10-8-15 04:05 PM 發表
pvp部份在p.2
咁今次既感想會分開兩部份,就係pvp同pve
希望大家睇完會對聖騎/賢者有深一層既認識
(不過我都唔算係好資深既賢者,有錯不妨一齊善意討論,任何惡意攻擊都唔希望見到)

講任何野之前首先有玩聖騎既 ...

我都試過祭師一入黎我就俾人踢
身同感受
如果冇補血就係冇係理你
d血唔低過1/4汁d雞腿就會俾人^*%!$^&%*

作者: ting1021t 時間: 10-8-23 07:20 PM

原帖由 fisoyu 於 10-8-15 09:54 PM 發表

我拎埋出黎畀你睇都冇咩所謂
牧師

賢者

你係反擊系?
你唔諗住玩40大技既

作者: atyl123e 時間: 10-8-24 02:56 PM

其實你唔可以咁話祭祀架wow

你副本有祭祀入黎踢左你

但你pvp玩晒bo

祭祀呢?

pvp又廢仲成日比人踢tim

系副本勁

作者: 凍檸 時間: 10-8-24 03:00 PM

2000fun是不是沒有練審判的聖騎@@?

作者: ting1021t 時間: 10-8-24 03:33 PM

原帖由 atyl123e 於 10-8-24 02:56 PM 發表
其實你唔可以咁話祭祀架wow

你副本有祭祀入黎踢左你

但你pvp玩晒bo

祭祀呢?

pvp又廢仲成日比人踢tim

系副本勁

不過我係審判系呢....
pvp場係我既禁地

作者: atyl123e 時間: 10-8-24 06:43 PM

原帖由 ting1021t 於 10-8-24 03:33 PM 發表

不過我係審判系呢....
pvp場係我既禁地

咁你問題啦

做得聖騎就應該系玩pvp架啦

副本當然祭祀啦 pvp先系賢者架

賢者仲要副本為主- -

咁你就唔怪得人啦

作者: rexysyung 時間: 10-8-24 08:06 PM

原帖由 atyl123e 於 10-8-24 06:43 PM 發表

咁你問題啦

做得聖騎就應該系玩pvp架啦

副本當然祭祀啦 pvp先系賢者架

賢者仲要副本為主- -

咁你就唔怪得人啦

好明顯個祭/組長唔岩啦

講明4職一定係踢之後入果個咖啦

作者: 頑皮vT 時間: 10-8-24 09:19 PM

聖騎+1
熱愛聖騎 !!!

作者: 希迪路 時間: 10-8-25 05:48 PM

樓上果位配點真係奇怪...玩反擊既pve玩家????

1.如果對住同反擊既...佢開虔誠你用咩打佢??? 等機會?
我會用神聖衝擊波捉佢。但係你冇學。
2.mp最大值上升同恢復你學左??
即係主攻單刷副本???不解。

40lv大技夠唔夠點就唔知...但睇個情況...對玩持久戰既玩家你會有優勢...
但對反擊賢者黎睇...照技能黎睇會冇咁吃香

歡迎光臨 2000FUN論壇 (https://www.2000fun.com/)