原帖由 鋒．嵐＊ 於 10-8-16 11:20 PM 發表
1.做完深層用完暗瘡針清黑頭~跟住用補濕面膜好定收毛孔面膜好?
係隔離答左, 所以我直接copy啦~oo~
其實兩種都得~一般就敷補濕~但你覺得當時狀態好好既敷收毛孔都得~
主要又係睇返你隻收毛孔mask咩效果~因為一般收毛孔mask都係收歛作用, 甚至控油, 即係又係偏乾~
如果你隻深層清潔mask唔乾, 隻收毛孔mask又唔乾既就ok~否則都係配補濕mask穩陣~
2.我想問Cream既保濕係指保住爽膚水表面個D水份 定係 爽膚水滲入肌膚後 既水份?
意思即係如果用完爽膚水之後 塊面乾左...咁洗唔洗再加爽膚水再搽cream ?
視乎你用完toner之後塊面晾左幾耐啦......例如說三兩分鐘既~咁其實都只係剛剛吸收~又唔至於會流失晒既~咁就直接搽cream啦~
其實唔係分保住"外面"定"裏面", 而係你可以當時多左層膜"限制"水分出去~
咁所以需唔需要補塗toner就視乎當時你既皮膚(表面+裏面)有幾多水分~同埋cream本身都唔止淨係鎖水既~佢都有大量水分既~所以就睇你覺得夠唔夠水分~再決定補唔補~
不過其實補都無咩損失~反正其實有少少toner係面上搽cream會好推d~同埋會無咁lup~夏天用其實係一個幾好既技巧~
3.如果等抗化素乾左之後,D cream就好難搽落塊面度了~咁要點做? 加小小爽膚水再搽?
其實我一直都唔明點解會有"d cream好難搽落塊面"既問題, 係咪你用得少?
針對你條問題我會答係乾透之前就搽cream~當然你用返搽toner既化妝棉再全面輕拍一次先搽cream都得~
但問題係個cream本身點解會難推=__=" 標準既面霜用量大概係兩粒花生左右~
當然都視乎你既steps同隻野既質地~例如你已經有用緊lotion, 搽cream只為局部加強的話, 可以每邊面頰用一粒米左右既分量已經ok~
4.用完cream之後乾左 跟住等兩粒鐘 之後就好油~咁點算?係唔係用吸油紙?定係事旦囉件衫輕輕抹下佢?
如果係夜晚的話, 咩都唔需要做, 訓覺~_~
如果係朝早的話~兩個鐘又短左少少~其實可能係用緊既products水分不足, 或者需要加少少野控一控油(在充分補濕的前提下)
可以用吸油紙, 之後用一用補濕噴霧~用tissue都得~衫就.....怕唔乾淨, 避免~
如果係四五粒鐘的話就其實係大概到左需要用面油紙既程度~但如果只係兩粒鐘的話~修改skincare steps既必要大d~
5.抗化素係爽膚水之後用嗎?者係爽膚水->抗化素->Cream...其實最大疑問都係因為抗化素要等佢完全吸收
所以搞到乾哂..跟住搽cream就會好難搽..
http://www.choi-fung.com/chinese/online/goods.php?pid=A697
潔面後，塗薄層於患處，按摩至完全吸收。
好似係用左佢之後先用toner@_@~?
咁係咪就解決晒所有次序問題了?.?
我既問題就係咁多~
唔該哂~~
因為我真係搞唔明要點做..
最近我做左問題少年@@~
