2000FUN論壇

標題: [9月2]《這個殺手好怕醜》Wild Target [打印本頁]

作者: keroropao 時間: 10-8-26 10:41 PM 標題: [9月2]《這個殺手好怕醜》Wild Target

2010年最過癮之英式喜劇

50後的獨行殺手、70後的美女神偷、90後的流浪野仔，三個不同功能界別的人被迫攬住「著草」，上演一幕「愛到不分男女老幼」的英式愛情喜劇──《這個殺手好怕醜》（Wild Target）﹗
雲集英國影壇三代演技派紅星：《真的戀愛了》（Love Actually）《魔盜王》系列（Pirates of the Caribbean）英國視帝標尼菲（Bill Nighy）、《穿Prada的惡魔》（The Devil Wears PRADA）《宮廷眷戀》（The Young Victoria）金球女星艾美莉賓特（Emily Blunt）及《哈利波特》系列（Harry Porter）主角「榮恩」路拔格連（Rupert Grint）扭盡錯摸橋段，玩出與別不同的新鮮驚喜；加上《這個殺手不眨眼》（The Whole Nine Yards）導演莊尼頓連（Jonathan Lynn）再次發功，以一次最瘋狂趣怪的大逃亡，笑盡英國人的荒誕文化﹗

殺手界一哥域陀（標尼菲　飾）做嘢一向永冇失手，直到遇上今次嘅目標──索爆神偷玫瑰（艾美莉賓特　飾），就唔知點解落唔到手，仲搞到俾人落「柯打」一併追殺﹗好在流浪少年東尼仔（路拔格連　飾）出手相救，三個人自此焗住一齊逃走…做咗大半世獨行殺手嘅域陀，今次被兩個麻煩友反轉哂以往嘅宅男生活，卒之阿叔初開情竇，但就分唔清自己鍾意左手定右手？﹗
[utube]C0YJ_vT4X6Q&feature=player_embedded[/utube]

英國電影協會宣布執笠？﹗香港人繼續支持　9月熱愛英式幽默﹗

歐洲經濟狀況持續令人擔憂，各國紛紛推出緊縮經濟政策節省開支，而英國在2010年7月發表了一項令影迷傷心的最新政策，就是廢除英國電影協會（UK Film Council），亦意味著英國電影正式進入黑暗時期。
英國電影一直是香港影迷的心頭好，它沒有荷里活電影那種人造口感，卻又比其他歐洲國家電影容易入口，彷彿是兒時跟鄰居小孩爭吃的糖果一樣…可能都是因為那份埋藏在回憶深處的親切感作怪。所以即使英國政府冷淡地對待，也不會減低香港人對英國電影根深柢固的熱愛﹗今年九月，就讓我們再一次好好享受這份美味的英式幽默﹗

「鯊魚頭」都係老襯底？為你揭開「殺手之王」真面目﹗

域陀　（標尼菲　飾）
表面：殺手界收費最貴的一哥，出身殺手名門，辦事永冇甩拖，而且不留痕跡，技術完美得可稱之為藝術，是絕對的信心保證。
現實：因工作需要時刻保持低調…直情低調到冇朋友，傾計嘅對象只有同住嘅阿媽及「零格瘋」自學法文機，是非典型的隱閉中年。

玫瑰　（艾美莉賓特　飾）
表面：可以喺街上見乜攞乜唔駛俾錢嘅神偷，擁有索到震的外型，只要加點嘴頭，人人都會應承佢嘅要求。
現實：自我中心到爆的麻煩女子，怕死但又完全唔識守規矩，走佬時仍然要搶Foc…其實都係因為佢對人生毫無安全感。

東尼仔　（路拔格連　飾）
表面：流浪街頭的青年露宿者，被域陀的身手吸引，主動要成為他的助手，態度十分積極。
現實：態度十分積極，但性格卻更加懶散，最愛匿埋Chur煙…不過年紀輕輕就夠薑向敵人開火，難怪被域陀看得起，要收做「入室」弟子…

不分男女老幼，發射愛的子彈

少男美女不經意引誘…搞到金牌殺手都怕醜？

殺手界一哥域陀（標尼菲　飾）做嘢一向永冇失手，直到遇上今次嘅目標──索爆神偷玫瑰（艾美莉賓特　飾），就唔知點解落唔到手，仲搞到俾人落「柯打」一併追殺﹗好在流浪少年東尼仔（路拔格連　飾）出手相救，三個人自此焗住一齊逃走…做咗大半世獨行殺手嘅域陀，今次被兩個麻煩友反轉哂以往嘅宅男生活，卒之阿叔初開情竇，但就分唔清自己鍾意左手定右手？﹗

電影資料

香港上映日期：2010年9月2日
導演：莊尼頓連(Jonathan Lynn)
香港發行：洲立影片發行(香港)有限公司

[ 本帖最後由 keroropao 於 10-8-26 10:44 PM 編輯 ]

作者: 不敵...+＋ 時間: 10-8-27 03:07 PM 標題: 回復 1# keroropao 的帖子

榮恩新戲

遲下睇市場反應如何先!

作者: popoma 時間: 10-8-27 09:29 PM

榮恩型左好多

作者: 不敵...+＋ 時間: 10-8-28 01:41 PM

今日係戲院有播佢既預告
套野睇落都好似幾好笑咁!
不過就未有想入戲院去睇既衝動

作者: keroropao 時間: 10-8-28 02:38 PM

英式喜劇會吾會有咩吾同呢

歡迎光臨 2000FUN論壇 (https://www.2000fun.com/)