2000FUN論壇

標題: 【好文章】我‧對彩虹汽泡的看法 [打印本頁]

作者: Mr.豪 時間: 10-8-28 03:21 AM 標題: 【好文章】我‧對彩虹汽泡的看法

由彩虹汽泡的台版專爵封測開始 , 經歷不同地區的刪檔 , 直到家下9月份 , 大大話話都已經玩左彩虹汽泡近半年
要說我認為最好玩的時期 , 莫過於專爵封測的時期 , 一黎新鮮感重 , 二黎等級極易升 , 完全符合了我開心遊樂的原則
「遊樂園」家族的本意亦係如此 , 但新鮮感始終係會過去 , 如何保持玩家的興致正正就係彩虹汽泡既一個大難題
而我之後要講既亦係我對遊戲內部分機制的一些看法。

一. 戰鬥與裝備系統

彩虹汽泡採用的系統隨機分配先手與先按先攻擊的戰鬥形式無疑地的帶黎左兩個好既改變 , 一是活化其他能力點的功能 , 使大家唔會只則重於點擊敏捷、速度等等；
二是提升戰鬥的速度 , 減低等待時間的沉悶感 , 就以上呢兩點而言絕對係成功的；但正所謂有得必有失，當怪物戰鬥系統獲同完善的同時 , PVP戰鬥系統就帶來大大的不足 ,
呢個就係人所共知的先手先勝 , 後手易敗的先後手優勢問題 , 唔係我賣花讚花香 , 雖然2KF鬥法盃中的先後手規則未必極盡完善 , 但無疑地的確係大大減低了PVP時係睇運多於睇實力既問題
絕對係值得官方作出參考。
如同我標題所示把裝備與戰鬥系統連埋一齊講 , 正正就係因為裝備的用途正正係要加強戰鬥中的實力 , 而遊戲中對PVE對裝備的要求並不大 , 換而知要使裝備系統受歡迎的最大根本問題就係PVP，
如同我經常講 , 根本問題唔解決 , 出更多的都是不切實際。

二. 等級與升級地點

我懷念專爵測試的其中一個原因係等級易升 , 呢個問題或者大家係1-60LV之前都唔會覺得有咩影響 , 包括我；但當去到60LV打後的升級EXP坦白講真係異常地多
所以亦出現大批玩家其實係留停係60-70LV之間 , 不過眾所周知 , 香港人同台灣人實在係幾麻煩哈哈 , 難升時會怨難升 , 封頂後又怨無野做 , 所以其實我都唔望會有咩改變
只係希望可以增加一D較為輕鬆的豐厚經驗值獲得機制 , 例如台版新出的競技場任務就係一個唔錯的方法 , 否則以我呢D休休閒閒的玩家 , 真係差唔多成個月先一級 ,
要升到100LV真係慢過龜兔賽跑隻龜

而係升級地點方面 , 目前的確地木猴區係可以打到永遠的 , 雖然打木猴區在速度同效益上好高 , 但就會只係令到大家入木猴區開AI後一小時回來重覆動作 , 所以我希望官方可以的話請打散木猴區
曾幾何時 , 大家每日接重任交重任 , 傾住計升級的日子不是最開心的嗎?

三. 日挑任務

我相信日挑任務的最初設計係希望大家可以用較少的時間獲得較多的經驗值 , 使一些遊玩時間較短的玩家亦不致被大幅拋離
但目前的日挑任務設計只能用四個字形容「極不人道」 , 要在一日內達成任務近乎地係無可能的事 , 完全係違背左當初的目的
那試問難道是不是該作調整，例如任務道具係唔係應該改為每場必定跌落呢?需要的數量係咪應該由目前的2-300個改為50-100個呢?

四. 物流與工作系統

基本上我對推出物流系統係持贊成的態度的 , 畢竟一個心臟係需要眾多的血管去襯托才顯得心臟的重要性
但若果新增一個系統係會催毀另一個系統的話 , 這是絕對唔合理
係我心目中一個好既物流系統必須包含某幾項

1. 最低賣出價必須高於生產成本
2. 最低買入價必須高過最低賣出價

一黎生產者可以借助物流系統獲利、二黎購買者可以借助物流系統輕鬆獲得材料 , 而基於自行生產的成本係比過物流的賣出價 , 又可以使物流不會因為無人賣貨而產生貨物短缺

五. 寵物系統

寵物係呢類型遊戲系列的一項大賣點 , 但係彩虹汽泡內的寵物系統反而倒退
係一個戰鬥角度黎講 , 寵物的實用性我亦唔多談；但係一個休閒玩家的角度黎講 , 我捕捉左不同的可愛幻獸最大的目的就係要同人分享 , 而係彩虹汽泡內無疑係比童話倒退
所以我希望「寵物散步」可以重現人間 , 當然2D同3D的限制係唔同 , 所以我亦唔提議官方一次過就開放可以擺放全身寵物散步 , 但以試驗性質慢慢開放可擺放的寵物散步數量的確值得一試
但當然一個系統新增無可能只係用黎作花瓶 , 所以若寵物散步時主人在旁可以慢慢回覆「活力值」亦係為一個唔錯的選擇。

六. 副稱號系統

遊戲內設計的稱號可謂多姿多彩 , 但亦只係得個樣 , 相比起戰稱的含附加能力值 , 普通稱號的使用性可謂低乎其低
所以若新增副稱號系統 , 一黎可使普通稱號的功能不致浪費 , 亦可以唔影響戰稱的重要性

七. 家族系統

係目前而言 , 家族系統除左聊天係無用的 , 而且貢獻心心予家族亦無任何好處 , 以至叫人做家任、捐獻等等基本上係無咩人理 , 家族等級基本上亦係唔需要提升的
所以 , 對高等級家族與家族貢獻者的賞賜就係一個帶來動力的方法 , 我提議新增家族商人 , 為不同等級的家族提供出售不同的商品 , 而購買時亦需同時使用可因與心心
一黎可以帶動族員為家族作出貢獻 , 二黎增加提升家族等級的誘因 , 相輔相成。

八. 收集與成就系統

都係果句 , 目前而言係無用的；但其實呢兩個系統係眾多的遊戲係為玩家帶來不同的吸引力 , 只係可惜我地對達成呢兩項系統的獎勵係零 , 所以基本上係無人重視
我既提議係 , 為達成的玩家帶來不同的效果。

1. 三項與幻獸相關的收集系統

我提議可以新增幻獸玩具 , 一套三款(即卡片,娃娃,鵰像收集系統) , 只適合相同種族的幻獸使用 , 每件玩具可為寵物帶來能力加成
獲得條件為收集好同一種族的產物 , 舉例 : 小可共分為金木水火土五系 , 在收集系統內目前分為卡片收集,娃娃收集,雕像收集 , 若玩家集齊金木水火土五系的小可卡片 , 即可獲得一件玩具
若把娃娃與雕像的金木水火土五系小可道具亦收集好 , 便可獲得餘下的兩件玩具

2. 戰裝收集系統

我提議可以戰裝收集系統跟隨角色性別作出區分 , 為達成目標的玩家若裝備已收集裝備時可獲得裝備能力加成效果
一黎推動自製裝備市集 , 二黎為收集系統帶來功能

3.成就系統

我提議可以為達成條件的玩家帶來短時間特別加成效果 , 並把成就總積分更改為本週成就積分 , 每重覆達成一項成就便可獲得本週成就積分 , 逢星期一重新計算 , 並設立成就兌換員
只要玩家達成某系列成就 , 並擁有足夠的本週成就積分 , 便可到成就獎勵員以成就積分兌換獲得對應的特別加成功能 , 每項功能每週只可兌換一次
舉例若玩家達成所有發財與幸運星系列的成就 , 使可以200成就分兌換幸運效果 (戰鬥後跌落物加倍)

九. VIP會員功能
坦白講VIP的功能的確不足吸引人購買 , 我既提議為以下數點

1. VIP商店內的收益道具應比黑心商人的收益道具價格便宜 , 而非只係綁定與非綁定的分別
2. VIP買入與賣出貨物時可獲5%的優勢 , 如賣出貨物予NPC時獲得比非VIP會員高5%利潤 , 在NPC買入貨物時比非VIP會員便宜5%
3. 市集搜索功能 , VIP會員可在市集利用搜索功能 , 直接尋找指定類型的貨物 , 例如我希望購買67級藍劍 , 搜索後介面會自動列示目前在市集擺檔的所有67級藍劍 , 省卻每個檔攤點擊觀看的時間
4. VIP卡鍾 , 經驗值加倍活動期間帶來的人流相信大家係有目共睹 , 希望VIP可以增加卡鍾時間 , 每週獲得一定時間的加倍經驗值 , 加倍的乘數依照人數越多倍數越多為準則。
5. VIP會員的彩虹城日任獲得的可因兌換卷可跟隨彩虹城聲望而作出調整 , 例如1000=160 , 2000=240 , 4000=320 , 8000 = 400 , 16000 = 480 , 30000 = 560
6. 交通工具中為VIP會員增設特別班次 , 當VIP購買車票時 , 會獲得兩個號碼 , A:VIP特別班次 B:正常班次 , 兩者以最早時間的一項為優先次序 , 加快VIP乘搭的速度
7. VIP座騎可以擺脫種族的限制與座騎速度提升

十. 彩虹城系列聲望
敬請考盧作出一定程度的調整 , 以目前的聲望獲得速度 , 以我呢個由公測第一日至現在無間斷日任的人來說 , 我開始做到心灰意冷
要達到我想買既道具聲望 , 付出的時間竟然係年半至兩年或以上 , 實在有D不敢恭違= =
說實在一句 , 會唔會真係金銀城果邊既聲望獲得速度先叫比較合理呢 , 即使無金銀城果邊既速度 , 但都唔係慢到每日得40掛 , 用計數機計一計每日得40要去到30000聲望足足係需要........... 。

十一. PK大賽
PK大賽的概念係唔錯 , 有PK大賽先可以令我地知道到底升LV、沖裝造裝、玩寵到底係為乜？但的確係玩法上可以作出好多的修改

1. 戰鬥系統引致的先後手優勢問題必須改善 , 呢個改善方法可請參考第一點；若能再依照埋每隊對戰兩次能各獲一次先手機會會使公平性更好
2. 玩家比賽時等級差異過大 , 間接令貧者越貧 , 富者越富 , 我提議的係除左目前設有的自行組隊PK賽外 , 可在星期六增加隨機亂組PK賽 , 讓等級較低的玩家都有機會共同參與PK大賽
3. 時間問題 , 港版因為使一些上班族人士都可以參與PK大賽 , 所以將PK大賽設定為9:05分PM , 但時間點就剛剛與水果大對抗相撞 , 可以的話提早小小改為8:25分PM可能會比較好
4. PK時人數已經只能組3名隊員 , 若有隊員戰鬥時死亡但隊伍仍戰勝時 , 隊員亦會比送出場外 , 這間接係另該隊在下一場PK時增加戰敗機率 , 若能改為只有戰敗隊伍全體隊員會被送出場外會更好

十二. 蘿白保衛戰

目前的蘿白戰實在係太搞笑 , 兩分鍾已經打完 , 這真係會係設計者當初希望出現的情況?
我提議既係作出部分的修改

1. 取消玩家分陣營模式 , 改變為全體玩家為共同陣營 , NPC怪物為另一陣營
2. 在活動時限40分鍾內 , 玩家需共同守護中間方的蘿白 , 防止四方八面而來的NPC怪物吃掉
3. NPC怪物的強度會依不同時間點而作出增強
4. 玩家獲得之可因數量將依積分作出比對 , 若我方成功守衛時 , 玩家更能獲得金額的提高獎勵 , 若我方失守 ,則只能獲得安慰式獎勵

十三. 水果大對抗
水果大對抗的遊戲內小數較為成功的機制 , 所以提出的建議亦只有一點

1. 水果大對抗係講求陣營心理戰術的遊戲 , 若能為各陣營增設獨立頻道 , 會更好

十四. 排行榜資料重置
因應我上方的成就系統實裝提議 , 希望某d累積性活動排行榜亦能作出定期的資料重置 , 使新加入的玩家亦有機會獲得該項成就

例如：蘿白保衛戰排行榜 , 水果大對抗排行榜 , 智力測驗排行榜

十五. 綁定解除道具
我同意綁定係有其好處 , 但推出適量的解除綁定道具亦係可以作出考盧環節 , 所以我提意把該道具設定於只能在篤篤樂獲得 , 增加解綁的難度性

十六. 金銀城僵餅人的迷思
我估計金銀城的僵餅人功用應該係同拇指姑娘有相應既功能 , 即係用黎做日任兌換殘章
隨著九階殘頁的開放 , 僵餅人都係時候開放囉 , 為勤力做日任擁有高自救會聲望的VIP會員帶來果實囉

十七. 節日活動
只有一點 , 我希望唔會再有節日活動都係倒模式的打材料換稱號 , 打完粽料打碎片 , 打完碎片就打月餅料

十八. 收益系統的怪異
我相信收益系統的本意係限制玩家升級的速度 , 但無疑地自出收益產物後 , 呢個已經變為搵錢+回收可因既機制 , 但甘樣都唔重要
重要的係 , 點解越高等級時 , 每升一級的經驗值需要會越高 , 但每場需用既收益反而增加?? 甘係咪有小小唔合理
如果把戰鬥時需用的收益數量按照戰鬥的難易度去計算會不會比按等級計算更好

例如: 隊伍人數越多 , 每場所需的收益越少 (提升組隊的吸引力)、野外每場戰鬥所用的收益比副本戰鬥每場所用的收益為少 (提升打野外怪的吸引力 , 減少自閉式副本升級)

十九. 組隊時經驗值的怪異
這項設計真係好搞笑 , 當隊伍增加第4名隊員的同時 , 經驗值反而係減少而非增加
甘姐係叫大家永遠組隊最好只組3名隊員 , 呢個真係實在唔知係邊個設計出黎 , 完完全全係推翻左越多人、越多經的組隊優勢既概念
係咪應該考盧下修改為越多人越多經黎提升組隊吸引力 , 而唔係目前搞笑的越多人越少經= =

二十. 創意活動《今晚打大佬》

遊戲對象
遊戲內的所有玩家

活動玩法
系統每天晚上定時在遊戲中的某怪物區內推出《加大版怪物》給予玩家挑戰，並且系統提供相關位置提示，挑戰成功者必獲《寶箱》，限定一小時

活動流程
1. 系統晚上指定時間於公告內作出提示，說明《加大版怪物》的所在位置
例子 : 廚師仙人掌加大版：我附近的狼好似看起來很弱呢！
2. 玩家尋找到《加大版怪物》所在地後 , 點擊便可即時進入戰鬥，限定必須5人，可於活動時間(約一小時)內無限次挑戰
3. 玩家打倒《加大版怪物》後，每人必定可獲《寶箱》x1(即每場必定跌落5個) , 並在每場戰鬥內只跌落《鎖匙》x1 (每場必定跌落 , 並只跌落1個)
4. 玩家可透過《鎖匙》開啟寶箱《寶箱》，獲得實用獎品

活動配合
1. 於商城內增加售賣《鎖匙》,每條5泡

2. 建議《寶箱》獎品如下(機率請自行調整)：
(1)力量結晶+15 X1
(2)敏捷結晶+15 X1
(3)智慧結晶+15 X1
(4)精神結晶+15 X1
(5)體質結晶+15 X1
(6)物理攻擊力結晶+40 X1
(7)法術攻擊力結晶+40 X1
(8)輔助效果結晶+40 X1
(9)物理攻擊力結晶+30 X1
(10)攻擊力結晶+30 X1
(11)輔助效果結晶+30 X1
(12)物理攻擊力結晶+20 X1
(13)法術攻擊力結晶+20 X1
(14)輔助效果結晶+20 X1
(15)分子穩定劑 x1
(16)經驗值娃娃 x1
(17)寵物降級汽水 X1
(18)幻獸模具 X1
(19)萬能工具 x1
(20)收益手錶 x1
(21)狗仔報報 x1
(22)大聲公 x1
(23)入門拍謝跳舞卷軸 x1
(24)入門彩虹跳舞卷軸 x1
(25) 入門甜密跳舞卷軸 x1
(26)二級封印石 x1
(27)一級封印石 x1
(28)避邪娃娃 X1
(29)寵物愛心棒 x1
(30)寵物鞭打棒 x1
(30)幸運卡 x3
(31)各類寵物軟糖x5
(32)技能殘卷x9
(33)技能殘章x3
(34)技能殘頁X1

3.所有《寶箱》及《鎖匙》均為非綁定
4.入戰必須限定為5人，少於將不能入戰，因為《大佬們》有風度不會攻擊弱少

二十一. 創意活動《奇趣六合彩，中獎由你定》

活動對像
全體《彩虹汽泡》玩家

活動玩法
於遊戲內彩虹城與金銀城增設「六合彩投注員」、「六合彩領獎員」、「六合彩攪珠機」，玩家逢星期一至星期六能到「六合彩投注員」進行投注，逢星期日中彩者者可到「六合彩領獎員」獲獎金，並能透過活動機制增加中獎機率(詳下文)。

活動流程
1. 玩家於每星期一至星期六能到「六合彩投注員」進行投注，於18組數字任意挑選6組數字。
2. 由於布魯爪勢力入侵，「六合彩攪珠機」的攪珠數字球竟被全偷走了，為了能完成攪珠，正急急召喚玩家把他的攪球數字球尋回來。
3. 玩家能在任何野外地圖入戰期間 , 一定機率於普通怪物身上獲得18組攪珠數字球的其中一組(隨機) ；
亦有機會在任何野外地圖入戰期間 , 一定機率遇上《攬珠數字球怪》，打敗後必定獲得攪珠數字球盒，內含一套共18組數字。
4. 獲得數字球的玩家 , 能按自己所投注的號碼 , 把相應的數字球交給「六合彩攪珠機」以提高中獎機率
5. 中彩玩家能在星期日到「六合彩領獎員」獲得彩金 , 彩金為所有玩家投注額的80%, 剩餘的20%則為稅項 , 若中獎者超過一位 , 則會平分獎金。

活動規則
1. VIP中獎者能獲系統派彩加成
2. 遊戲每次投注額為100可因(6數字) , 如若購買更多的數字 , 每增加一個數字 , 金額為上一階段投注金額的自身X10 ,
即第個7數字為100*10 = 1000可因 , 第8個數字為1000*10 = 10000可因 , 如此類推
3. 每次下注 , 均會收取一定量的星星作為手續費，投注金額越高，手續費越多
4. 剩餘的數字球不會作出回收 , 可留待下星期下一期開始時使用

暫時諗到係甘多 , 再諗到再新增
雖然未必句句岩聽 , 但的確地係我玩左近半年來的對某D系統大致的看法
當然地 , 只修改我上述既係不足夠 , 遊戲內仍有好多玩法與活動係需要官方去求變同新增 , 先可以令遊戲充滿歡樂 , 保持人流
畢竟彩虹汽泡都陪伴左我近半年 , 我亦唔希望佢甘快沉下去
官方加油吧

[ 本帖最後由 Mr.豪於 10-9-5 09:14 PM 編輯 ]

作者: ~Panda~ 時間: 10-8-28 03:52 AM

支持你~加油

作者: 奧羽乂殺破狼 時間: 10-8-28 09:10 AM

我還是建議...日常用品請放進vip!!!...必須用途...請放進vip!!!!
最簡單..萬用工具,分子,封石!!!
vip唔係平...同包月費無咩分別...但用途唔大...比左錢...得戈少少用..so e家好多人都唔包vip..
新增練功副本...唔新增..都將野外練功改到好似戈陣經加倍咁....官方有留意應該都知...戈陣幾多人一齊練...戈陣感覺//
先叫online game!!!!
問心戈句....隻game家下個氣氛真係唔多好....10個人灰...9個人跳!!
唔好再唸點出商城物品...唸下改版大更新...搞搞個系統啦!!!

打住童話做旗號////但連童話都不如!!!!

悲哀阿!!!

作者: Mr.豪 時間: 10-8-28 10:31 AM

原帖由 奧羽乂殺破狼 於 10-8-28 09:10 AM 發表
我還是建議...日常用品請放進vip!!!...必須用途...請放進vip!!!!
最簡單..萬用工具,分子,封石!!!
vip唔係平...同包月費無咩分別...但用途唔大...比左錢...得戈少少用..so e家好多人都唔包vip..
新增練功副本...唔 ...

分子封石都放埋入VIP商人又未免太過份了 , 畢竟呢兩樣都算係重要收入來源
但VIP係功能同便利性上都真係有需要進一步加強吸引力

作者: 口牙文 時間: 10-8-28 12:38 PM

支持..大部份建議都好具體同實際

毫b

作者: seanka 時間: 10-8-28 01:34 PM

佢唔係毫b=_=

口牙文想死@@?

作者: S!u粉 時間: 10-8-28 02:35 PM

原帖由 seanka 於 10-8-28 01:34 PM 發表
佢唔係毫b=_= 口牙文想死@@?

可愛既文仔唔會咁易死

a_a粉粉保護你

作者: ko243667941 時間: 10-8-28 03:15 PM

我想問呢...............用友好加可因黎換個D禮物,係唔係要晒友好?

作者: 香蕉人 時間: 10-8-28 03:45 PM

我覺得最不足係每級既配點

Lv.60 都係得個 4 點.少到嘔

作者: 櫻姬v 時間: 10-8-28 04:39 PM

原帖由 Mr.豪 於 10-8-28 10:31 AM 發表

分子封石都放埋入VIP商人又未免太過份了 , 畢竟呢兩樣都算係重要收入來源
但VIP係功能同便利性上都真係有需要進一步加強吸引力

其實分子,封石放埋入vip唔算過分...比左vip仲係要係商城先可以買道具沖裝/封寵感覺上有d呃錢
當然,如果話收入來源呢一個問題其實有辦法解決的
只要係設定上設定一個星期/月有限定既購買數量就可以了
(例如:1個星期/1個月每個vip只可於vip商人購買一定數量既分子/封石就可以了)

作者: chumak6 時間: 10-8-28 07:12 PM

其實升lv打怪方面都無咩大問題既
但我自己意見想係

1.技能
技能係每隻online game既根本..而目前想升9階技
1黎80技點要用好多時間升(我已經8x技點..但對住好多玩左1段時間黎講,唔去打木猴或姐單掃35副,,要升到80技所需時間根本太太多..由其是係技能樹唔係太多選擇既情況下)
2黎係太貴/太難得到(成100個章先可以合到頁真係太貴/或姐官方可以搞1d唔洗睇lv既活動可以俾得獎者拎頁)

2.物流方面
可能係好主觀..但係我覺得出物流係一個超超超錯既決定
以前睇下d工作地方..周圍都係人..自己玩果時見到咁多人玩都開心d喇
而家呢?有時直情1丁人都冇...咁特別既工作系統..就係因為出物流而變廢左..
onlinegame最講求係交流..而家變左可以自給自足(撇除挖礦)

3.坐騎系統
坐騎系統..其實已經唔算係一個特色..
我4,5年前玩既1隻game..r.o.s.e 果時既坐騎已經可以有好大變化俾玩家玩(如可以自己揀各部份既外觀/零件)
而家個個都1樣..只係顏色唔同..實在太少變化

4.希望快d出結婚系統等等既休閒野
講真升得多都悶..由其是升到高lv..好似除左打怪之外就已經冇野做
如果可以推出d唔係打怪/打王既日任都諗得過
同埋既然有時裝戰裝顯示既功能..點解唔出多d時裝卡呢? 我諗畫幾件衫推出黎點都易過出個新系統掛
好多人玩尼隻game既原因都係貪佢行可愛風..點解唔係尼方面下多d苦功呢?

希望官方真係可以參考下尼個帖..我都想可以繼續玩落去

作者: tonyxp2 時間: 10-8-28 07:24 PM

呢隻GAME某方面既定位官方根本就未決定好

一開始打怪係地圖隨機行先撞到怪

之後出左黑暗號角不過要點先買到/抽到

再之後地圖竟然有可以一點就入戰既怪,之前既號角咁就變左垃圾

我本身唔反對出點擊怪

不過黑暗號角又可唔可以整過第2D 功能(一定會遇到15隻怪等等既勁能)又或者整個渠道退左佢呢?

作者: maverickc 時間: 10-8-28 09:14 PM

一. 戰鬥與裝備系統 - 9流... 攻擊無遠忽界... 劍士物攻可以打到後排...噤要血防寵又有何用??? 火牆/暗劍攻擊力強得不成正比... 自然系攻擊力弱/cd時間過長得不成正比... 幻師麻吉攻擊力唔知想點...
先手/後手分別太過份... 一隻game最重要的pvp系統差勁得可怕...
最令人不解的... 係打怪一種戰鬥系統, 打pvp又係另一種戰鬥系統... 點解升到Lv70有千幾血, 怪物有幾千血... 不過, 千幾血既人有打到怪幾千血既能力... 暗劍打到怪萬幾... 練o個個人係咪應該走火入魔左呢...
其實, 人物既hp同mp, 應該加返個0, 變成萬幾血, 怪既攻擊力提升返d... 而係pvp既時候...就唔洗用第二個系統啦... 真係古怪+古怪...

二. 等級與升級地點 - 的確... 個個都o係木猴升.... Lv65升到Lv85 (example: 白板/星野)... 見到木猴都想嘔...一係就黑森環任... 佢個拎exp既系統又係好大問題... 除左日任同重任之外...升Lv唔會有一隊多過3個人... 古怪到爆!

三. 日挑任務 - 我接左一次之後, 去打怪, 見到o個個情況... 應該叫做"周挑任務"會好少少...

四. 物流與工作系統 - D人噤辛苦去掘哩樣掘o個樣... 去物流度為左要蝕本?? 唔會掛... 為左掘到稀有物品?? 除左礦之外, 其他D稀有物品係垃圾... 一點用途都冇... 點解合成藍色裝備只係需要水晶?? 唔可以劍/杖要用動物的骨?? 書唔可以要用獸皮/布料?? 衣服類可以用魚/采集既稀有品... 噤先公道... 成隻game個個都去晒掘礦就係問題啦... 十幾年前出既"魔力"都仲好過佢...做得更全面...更細心...更人性化... 劍需要石多木少etc... 杖主要用木, 少量石etc... 諗起彩虹個工作系統真係嘔心白痴加低能... 仲要人地用泡泡先買到D工具去掘垃圾... 不知所謂!!

五. 寵物系統 - 六化係唯一有DD可取的地方... 不過... 活力值到底搞什麼!! 寵物能力同隻Game一樣噤廢... 攻擊力還可以(要合岩晒種族+屬性+天賦+技能之後)... 防禦力低得可笑... 有白痴話..."隻寵升Lv+血+防咪得囉" 請問噤隻寵要泥做咩呢??

六. 副稱號系統 - 佢地真係認為... 人地會唔要正職稱號的加成... 去用個"2010年中秋節快樂"既冇任何加成的去打怪/pvp??

七. 家族系統 - 冇意義的家族... 冇家戰... 升家族lv唔知為咩...

八. 收集與成就系統 - 垃圾... 可能D人玩左幾個月, 掂都未掂過...

九. VIP會員功能 - 呃錢呃到過晒份... VIP除左拎多D收益, 拎o個少少exp, 多3頁bank用, 換章之外, 好似冇用... 噤就叫vip喇??

十. 彩虹城系列聲望 - 佢真係以為哩隻噤既垃圾Game可以運作到幾年... 仲要有人日日去做o個D日任, 之後有30000友好度下嘛... 每日先拎到40友好度... 根本冇考慮過實際情況...

總括而言... 隻Game根本整都未整好就放出泥呃人錢...
VIP系統唔得, 戰鬥系統唔得, 寵物系統唔得, 成就系統唔得, 聲望系統唔得, 任務系統唔得, 家族系統唔得, 工作系統唔得, 升級系統唔得, 組隊系統唔得... 十樣都唔得!

作者: S!u粉 時間: 10-8-28 10:53 PM

原帖由 maverickc 於 10-8-28 09:14 PM 發表
一. 戰鬥與裝備系統 - 9流... 攻擊無遠忽界... 劍士物攻可以打到後排...噤要血防寵又有何用??? 火牆/暗劍攻擊力強得不成正比... 自然系攻擊力弱/cd時間過長得不成正比... 幻師麻吉攻擊力唔知想點...
先手/後手 ...

對於我來說
那些已經不是叫"周挑任務",而是"月挑任務" orz

作者: Mr.豪 時間: 10-8-28 11:04 PM

原帖由 ko243667941 於 10-8-28 03:15 PM 發表
我想問呢...............用友好加可因黎換個D禮物,係唔係要晒友好?

達到該陣營的指定友好度 , 使可以購買該陣營的該友好度的商品
係該陣營的陣營商人度有得睇

原帖由 櫻姬v 於 10-8-28 04:39 PM 發表

其實分子,封石放埋入vip唔算過分...比左vip仲係要係商城先可以買道具沖裝/封寵感覺上有d呃錢
當然,如果話收入來源呢一個問題其實有辦法解決的
只要係設定上設定一個星期/月有限定既購買數量就可以了
(例如:1個星 ...

如果呢D野VIP係可以係VIP商人買的話 , 會為VIP帶來過大的優勢
係我心目中的 , 一個好既VIP應該係可以為VIP玩家帶來充足的便利性 , 而唔係一味只擁有強大的優勢

原帖由 maverickc 於 10-8-28 09:14 PM 發表
一. 戰鬥與裝備系統 - 9流... 攻擊無遠忽界... 劍士物攻可以打到後排...噤要血防寵又有何用??? 火牆/暗劍攻擊力強得不成正比... 自然系攻擊力弱/cd時間過長得不成正比... 幻師麻吉攻擊力唔知想點...
先手/後手 ...

批評係重要 , 但若能同時提出相應改善方法予官方參考會更好

[ 本帖最後由 Mr.豪於 10-8-28 11:51 PM 編輯 ]

作者: Mr.豪 時間: 10-8-28 11:47 PM

已新增第十一至第十七項遊戲機制看法

作者: MLY1314 時間: 10-8-29 01:15 AM

我認為仲有時裝&造型試用功能可以改善下..

好似係商城試衫果時可唔可以將現有顯示裝備加落個公仔度= =
         有d裝連商城都冇(包括有d人中意戰裝..逃)
            對於我呢d中意既襯衫既人黎講得件底衫好難襯= =

仲有造型果度又係想睇下個髮型&顏色同set衫襯唔襯都唔得-x-
      得底衫真係sosad

[ 本帖最後由 MLY1314 於 10-8-29 01:16 AM 編輯 ]

作者: 奧羽乂殺破狼 時間: 10-8-29 07:34 AM

其實....點解隻game咁少人...又無乜人願意去升級...答案好好好簡單..
每一隻game...打怪練功...越高級怪...經驗正常越高...怪身上多多少少都有寶!!
反觀彩虹!!
50級前...大大小小的...主線...支線...特訓!!大家升級多輕鬆!!
60級左右...有能力...65副..裝備無咁好可以55副....再唔係45..打卷賺技經..35!!!
慢慢...70後...@@神奇ge練功地方出現了...65猴區....
75後....還是猴區...80後...還是猴區!!!!!!!!
收益系統!!!只會隨等級越扣越多!!..經驗值還是一樣!!可笑嗎?

我相信...不少人都想沖下級..換下裝!!...但...一唸起升級...就係猴區!!..可惜!!
野外怪...是有不錯的重任!!
可惜.....聰明的設計師將組隊e個系統設計得十分成功!!..十分神奇!!
主張...少人d練功好!!...同埋...你地打高級怪..都有好寶架!!仲係商城先有tim!!!!
嘩..."華麗的魔法針"...威呢!!!

我數下手指...計下人頭....
我敢講....e隻game...用心玩....用力玩ge玩家...不出50人!!
@@可笑...定可憐!!!?

85副裝...唔好講笑啦...打左都無人買...買ge來來去去都係戈幾個人....仲要係...
將要唔玩都係戈班人..!!!
點解.... 都唔知仲有咩好玩囉!!!
今日我餵隻2星寵....大大話話費用差不多1000支!!.嘩...7倍體阿..好似好威..除返物防加成!!
原來比1星勁戈少少!!...嘩...好多阿!!!威晒啦!!!!
要賺錢??...
去打副本?...去刷章?....定係去沖裝賣比人!!!
錯啦...
去坐車車...去搭船啦!!!
原來...坐下車..又搭下船.....仲好賺過打副本!!
咁我要裝黎做乜....
之後...有錢唔知有咩用...去晒..去餵隻勁少少ge寵!!
之後發覺原來晒錢
...惡性不停不停循環!!!...

同埋..唔好同我講隻game係走咩休閒風...!!!
咩叫休閒!!!...
出個副本....叫你自殺玩先見到隻王..!!..
練功...無限可愛找猴子!!
野外練功只限3人....你又想打..唉..咁我山收益啦!!!一齊打重任!!
裝備...!!...唉..藍裝..被打好痛阿...想沖裝..唉..又要用零用錢買點!!
捉寵...@@無技...商城再來一粒!!..再無...商城再來一粒...終於有啦..仲係3技...點知要黎合寵...商城再來一粒!!
要玩...咩都要錢?...升級又要錢...合技又要錢....工作又要錢....連想學9技..你無vip...死開啦..理佢99級..單p殺人無數,副本無敵!!

唔好比我睇死佢...中秋活動...打他奶奶的月餅餅粹...放心...集齊20個...去抽樂特!!
>3<///好新鮮的活動喔!!!
半年game已經搞成....10人灰...9人走ge局面!!
alta真陰公...以為代理到好野...點知@@!!!!

作者: 口牙文 時間: 10-8-29 07:49 AM

其實樓上大部份既建議(包括豪哥,唔係毫bXD) ,,我都覺得係改善現時彩虹既良藥..

坦白講玩左咁耐唔滿意既地方的確好多..但令我鍾意、繼續玩落去既地方都唔少

真心希望豪哥可以將大家既心聲都傳遞到去官方果一度

我地完全唔介意比錢官方賺...但希望得物至少係遊戲裡面係有所用既

大家都唔希望一隻咁好既game既壽命咁快就完...

最後..只要整得好、多人玩既話..我地係唔介意比錢玩...希望官方在搵錢之餘..不妨先考慮點樣搵多d客..咁先係治本良方

作者: 79161320 時間: 10-8-29 07:59 AM

我黎踩場支持你100泡都拎唔到.

作者: lst0998 時間: 10-8-29 10:06 AM

講哂我地D小玩家的心聲

alta向lager反映下啦

作者: 奧羽乂殺破狼 時間: 10-8-29 10:46 AM

100年後的童話........

沒有職業!!...沒人用大刀.....種族不分特性!!!...屬性不再互克!!...光,暗寵消失!!!元素工能不見....工作要泡泡!!!!

這100年....是進化了...還是退化!!!!

作者: Mr.豪 時間: 10-8-29 12:34 PM

原帖由 奧羽乂殺破狼 於 10-8-29 07:34 AM 發表
其實....點解隻game咁少人...又無乜人願意去升級...答案好好好簡單..
每一隻game...打怪練功...越高級怪...經驗正常越高...怪身上多多少少都有寶!!
反觀彩虹!!
50級前...大大小小的...主線...支線...特訓!!大家升 ...

你激起我增加左第十八同十九項遊戲機制的看法

作者: 奧羽乂殺破狼 時間: 10-8-30 09:40 AM

今日開左個挖礦....見到自己挖礦87級...@@心唸有個工作稱號!!!..去拎下

HAHA......挖礦新手!!!陰公....
87級啦....正常人地10級一個稱....佢係計產物??...稱號又無加成....點解要搞到個門檻咁高!!...托阿??
唉....,,,
請......給我留下的理由.....給大家繼續的動力吧....官方大人!!!

作者: LUB 時間: 10-8-30 11:25 AM

原帖由 奧羽乂殺破狼 於 10-8-30 09:40 AM 發表
今日開左個挖礦....見到自己挖礦87級...@@心唸有個工作稱號!!!..去拎下

HAHA......挖礦新手!!!陰公....
87級啦....正常人地10級一個稱....佢係計產物??...稱號又無加成....點解要搞到個門檻咁高!!...托阿??
唉. ...

唔係啊嘛....87礦先拎新手稱................

作者: HopeNeverEnd 時間: 10-8-30 11:55 AM

原帖由 奧羽乂殺破狼 於 10-8-30 09:40 AM 發表
今日開左個挖礦....見到自己挖礦87級...@@心唸有個工作稱號!!!..去拎下

HAHA......挖礦新手!!!陰公....
87級啦....正常人地10級一個稱....佢係計產物??...稱號又無加成....點解要搞到個門檻咁高!!...托阿??
唉. ...

無記錯佢真係睇你學左幾個挖礦產物~o~

作者: kuen9090 時間: 10-8-30 12:40 PM

thx thx thx~

作者: 賣男孩的女孩 時間: 10-8-30 06:09 PM

有時真係覺得副稱號真係無用的
唔知辛辛苦苦打返黎有咩用...

作者: adam920101 時間: 10-8-30 06:28 PM

原帖由 奧羽乂殺破狼 於 10-8-28 09:10 AM 發表
我還是建議...日常用品請放進vip!!!...必須用途...請放進vip!!!!
最簡單..萬用工具,分子,封石!!!
vip唔係平...同包月費無咩分別...但用途唔大...比左錢...得戈少少用..so e家好多人都唔包vip..
新增練功副本...唔 ...

咁又唔可以話連童話都不如既
始終呢隻係新game
童話係經過多年修改修正得出黎既成果

作者: 奧羽乂殺破狼 時間: 10-8-30 08:14 PM

= =新game唔係應該有前人經驗!!!做隻更好咩!!??.... \
100年後的童話....變成咁??連之前ge系統都不如!!??,,又要比幾年時間佢??
之後再出隻1000年後ge童話!!?

作者: CDXY 時間: 10-8-31 03:38 AM

講真.. 咩月挑,日挑已經搞到好似做功課咁。
唔係得閒行過可以去做下,或者就職學技必做任務。
任務太多有種做極都做唔完既感覺。超討厭!!

我覺得彩虹汽泡好多野都好創新。
但我望到佢個寵物系統實在太失敗。已經無心機玩落去。
只可以講玩寵物既ONLINE 設計到咁樣樣。
完全不符合經濟效益之餘都遺背左我原本只想輕鬆玩的原則!!

彩虹汽泡 ~ 重新做過好似 RO2 咁, 外界反應唔好重新做過無人會怪你!!
只要你係用心做, 唔係呃錢, 玩家係會回流返泥Lo /_____\~

作者: 路過的小矮人 時間: 10-8-31 11:49 AM

好長

整到唔係好想睇><

作者: Mr.豪 時間: 10-9-5 09:12 PM

等我再新增2項曾經參加官方活動提案的活動內容啦 !

1. 《今晚打大佬》

遊戲對象
遊戲內的所有玩家

活動玩法
系統每天晚上定時在遊戲中的某怪物區內推出《加大版怪物》給予玩家挑戰，並且系統提供相關位置提示，挑戰成功者必獲《寶箱》，限定一小時

活動流程
1. 系統晚上指定時間於公告內作出提示，說明《加大版怪物》的所在位置
例子 : 廚師仙人掌加大版：我附近的狼好似看起來很弱呢！
2. 玩家尋找到《加大版怪物》所在地後 , 點擊便可即時進入戰鬥，限定必須5人，可於活動時間(約一小時)內無限次挑戰
3. 玩家打倒《加大版怪物》後，每人必定可獲《寶箱》x1(即每場必定跌落5個) , 並在每場戰鬥內只跌落《鎖匙》x1 (每場必定跌落 , 並只跌落1個)
4. 玩家可透過《鎖匙》開啟寶箱《寶箱》，獲得實用獎品

活動配合
1. 於商城內增加售賣《鎖匙》,每條5泡

2. 建議《寶箱》獎品如下(機率請自行調整)：
(1)力量結晶+15 X1
(2)敏捷結晶+15 X1
(3)智慧結晶+15 X1
(4)精神結晶+15 X1
(5)體質結晶+15 X1
(6)物理攻擊力結晶+40 X1
(7)法術攻擊力結晶+40 X1
(8)輔助效果結晶+40 X1
(9)物理攻擊力結晶+30 X1
(10)攻擊力結晶+30 X1
(11)輔助效果結晶+30 X1
(12)物理攻擊力結晶+20 X1
(13)法術攻擊力結晶+20 X1
(14)輔助效果結晶+20 X1
(15)分子穩定劑 x1
(16)經驗值娃娃 x1
(17)寵物降級汽水 X1
(18)幻獸模具 X1
(19)萬能工具 x1
(20)收益手錶 x1
(21)狗仔報報 x1
(22)大聲公 x1
(23)入門拍謝跳舞卷軸 x1
(24)入門彩虹跳舞卷軸 x1
(25) 入門甜密跳舞卷軸 x1
(26)二級封印石 x1
(27)一級封印石 x1
(28)避邪娃娃 X1
(29)寵物愛心棒 x1
(30)寵物鞭打棒 x1
(30)幸運卡 x3
(31)各類寵物軟糖x5
(32)技能殘卷x9
(33)技能殘章x3
(34)技能殘頁X1

3.所有《寶箱》及《鎖匙》均為非綁定
4.入戰必須限定為5人，少於將不能入戰，因為《大佬們》有風度不會攻擊弱少

2. 《奇趣六合彩，中獎由你定》

活動對像
全體《彩虹汽泡》玩家

活動玩法
於遊戲內彩虹城與金銀城增設「六合彩投注員」、「六合彩領獎員」、「六合彩攪珠機」，玩家逢星期一至星期六能到「六合彩投注員」進行投注，逢星期日中彩者者可到「六合彩領獎員」獲獎金，並能透過活動機制增加中獎機率(詳下文)。

活動流程
1. 玩家於每星期一至星期六能到「六合彩投注員」進行投注，於18組數字任意挑選6組數字。
2. 由於布魯爪勢力入侵，「六合彩攪珠機」的攪珠數字球竟被全偷走了，為了能完成攪珠，正急急召喚玩家把他的攪球數字球尋回來。
3. 玩家能在任何野外地圖入戰期間 , 一定機率於普通怪物身上獲得18組攪珠數字球的其中一組(隨機) ；
亦有機會在任何野外地圖入戰期間 , 一定機率遇上《攬珠數字球怪》，打敗後必定獲得攪珠數字球盒，內含一套共18組數字。
4. 獲得數字球的玩家 , 能按自己所投注的號碼 , 把相應的數字球交給「六合彩攪珠機」以提高中獎機率
5. 中彩玩家能在星期日到「六合彩領獎員」獲得彩金 , 彩金為所有玩家投注額的80%, 剩餘的20%則為稅項 , 若中獎者超過一位 , 則會平分獎金。

活動規則
1. VIP中獎者能獲系統派彩加成
2. 遊戲每次投注額為100可因(6數字) , 如若購買更多的數字 , 每增加一個數字 , 金額為上一階段投注金額的自身X10 ,
即第個7數字為100*10 = 1000可因 , 第8個數字為1000*10 = 10000可因 , 如此類推
3. 每次下注 , 均會收取一定量的星星作為手續費，投注金額越高，手續費越多
4. 剩餘的數字球不會作出回收 , 可留待下星期下一期開始時使用

作者: littlehoiyi 時間: 10-9-6 11:16 AM

原帖由 Mr.豪 於 10-9-5 09:12 PM 發表
等我再新增2項曾經參加官方活動提案的活動內容啦 !

正所謂.....
港版有心.....
台版無力......
唉

作者: 月baby 時間: 10-9-6 05:49 PM

十卜十卜~6合彩

作者: ●蕉〞_ 時間: 10-9-6 06:21 PM

支持加油

作者: EvringMan 時間: 10-9-9 02:59 PM

原帖由 littlehoiyi 於 10-9-6 11:16 AM 發表

正所謂.....
港版有心.....
台版無力......
唉

呢個真係冇計..
希望港版可以自己有開發團隊咁就好=,=

歡迎光臨 2000FUN論壇 (https://www.2000fun.com/)