2000FUN論壇

標題: 大埔出黑店!拎部PSP去整要小心 (有心想睇既就入黎) [打印本頁]

作者: ＬｕＮｇ 時間: 10-8-29 09:34 PM 標題: 大埔出黑店!拎部PSP去整要小心 (有心想睇既就入黎)

話說係 8月21日, 我叫條女幫我拎部機去整(部機係我家姐的) ...

我家姐話部機成日HAND機, 入iso game又玩唔到 (其實我都唔係太認識psp, 但我玩過,知道入iso game好easy)

咁佢話有個朋友( 但唔係好熟 ), 就比佢拎左部機去佢到整 ...

果間野係大埔廣場１樓 , 叫做" 高歧玩具 "

咁果日我返緊工 ... 所以陪唔到我條女一齊囉去整 , 所以我就叫佢整完記得拎單!

咁之後我收工返到屋企, 一開部機 ...

開機畫面變左喎 ... 而家一睇無game, 咁我即刻囉另一部psp過d game去試下啦~

過完都係唔得 ... 乜野都無 ... 好似無整過 ... 唯一整左既係升左級...

當堂真係把幾火, 因為整左成80$整係升級! 升級連我唔係咁識玩psp都識啦 ...

到第二日 ... 我就拎部機去 " 高岐玩具 " 呢間黑店對質 ...

一入去 ... 嘩...真捨意... 係到掛住打online game都唔知我入黎...

我: 喂,老細,尋日有個女仔黎整過呢部機,但整完都係玩唔到喎!點搞呀?
之後佢囉住我部機 , 左搞右搞 , 唔知係到搞乜春, 仲囉左張卡出黎插落我部機到...
佢: 哥仔 ... 米玩到囉 ... 點會玩唔到?
我: 咁你試下我張卡 , 睇下玩唔玩到?
咁佢又插返我張卡 , 之後...
佢: 咦...哥仔,你張卡唔得喎, 好似壞左喎! 我諗你要換過張卡至得!
我: 喂...大佬!我張卡壞?咁你早響啦 ... 咁做咩收我80$呀? 你收完80$比我唔係幫我整返好喎!
佢: 佢心知不炒... 之後就話叫我條女黎 ...

咁好啦... 我就叫埋我條女黎對質,
我再一次入去佢間鋪 ...

我: 我叫左佢黎啦喎 , 點呀?
佢: 其實究竟係你部機張卡壞定係你部機隻碟壞?
我: 我唔知喎, 部機係我家姐既 ...
佢: 咁你打比佢問下佢先啦!
我: 我家姐都唔係好清楚渣啵, 仲有, 如果我地知就唔洗拎部機比你整啦!
佢: 之後佢話 ... 咁我都唔知嫁 ....
嘩... 呢句你都講得出 ... 無撚野呀 ...你整機嫁喎 ... 開門做生意整又唔識 , 收錢又識?
佢: 我都幫你升左級啦 ...
我: 升級有咩用? 我叫你整, 唔係叫你升級 , 升級80$? 你無野呀? 我都識升啦!
我: 得! 唔好講咁多野啦 ! 我實去消費者委員會, 之後我就走左啦!

經過呢件事 ... 我希望大家千其唔好去呢間鋪買整或者整機

因為根本上個老闆有眼所見, 呢次比佢呃左, 當我當黑!

希望大家將佢轉貼出去 ... 唔好有下一個受害者!

我有單有據嫁 ... 我實會去投訴佢!

間鋪叫高岐玩具

作者: 死神乂徐 時間: 10-8-30 08:41 AM

小心佢話你改機

作者: 「焚火‥ 時間: 10-8-30 02:28 PM

原帖由 ＬｕＮｇ 於 10-8-29 09:34 PM 發表
話說係 8月21日, 我叫條女幫我拎部機去整(部機係我家姐的) ...

我家姐話部機成日HAND機, 入iso game又玩唔到 (其實我都唔係太認識psp, 但我玩過,知道入iso game好easy)

咁佢話有個朋友( 但唔係好熟 ), 就比佢 ...

條柒頭成個毒撚嫁嘛
係卡成對面嘛..我都知邊間..

作者: 銘裕仔 時間: 10-8-30 04:31 PM

屌,呢D正一趴街

作者: Simon! 時間: 10-8-30 05:03 PM

咁你張卡入落部機到load唔load到先你試下 back up d野之後係 psp到格式化張卡在試下

作者: shekshek3304 時間: 10-8-31 01:41 AM

去遊戲之城啦我都係果到整..

作者: 星之雨 時間: 10-8-31 05:06 PM

呃錢呃到-.-

作者: 豬`屎忽 時間: 10-8-31 06:07 PM

幫你去左官方版本 . (我估計)
之後又屈你卡壞
你唔賣卡就屈你再被錢改版

作者: Master_Joe 時間: 10-8-31 08:35 PM

佢唔識整咪扮高手

作者: 極速人魔 時間: 10-9-1 12:18 AM

好神奇=.=!

物整機唔係唔洗比卡同電既咩=.=?

我整親機都一定會拿返張卡同電先

你下次拿去整一定要記得拿返先

作者: kam1991ho 時間: 10-9-1 04:05 PM

咁奸架我寧願去d好多人幫親既鋪整好過

作者: 「焚火‥ 時間: 10-9-2 01:28 PM

講真果句
電子既野自己唔熟
寧願比多少少錢可以搵間信譽好既鋪頭整好過

如果唔縑貴去電信盈科果到整係最好
服務態度極好大部份問題係即場整當住你面整嫁
你唔洗驚比佢整壞野

[ 本帖最後由「焚火‥ 於 10-9-2 01:29 PM 編輯 ]

作者: Mz.Lai 時間: 10-9-2 11:04 PM

上次我都係觀塘都同樓主一樣情況奶野啦
不過當時運低唔吵鳩佢地一獲

作者: wl0250619702 時間: 10-9-15 08:58 PM

小心佢話你改機

作者: mgletg1314 時間: 10-9-15 09:35 PM

唉...我之前攞個去果到整- -我依家同你一樣

作者: mgletg1314 時間: 10-9-15 09:39 PM

咁我依家D GAME冇佐,但係D MB 都扣姐係話D GAME仲係到,但係做咩會冇佐,有冇人可以答我

作者: qq3000mb 時間: 10-9-16 11:33 AM

原帖由 mgletg1314 於 10-9-15 09:39 PM 發表
咁我依家D GAME冇佐,但係D MB 都扣姐係話D GAME仲係到,但係做咩會冇佐,有冇人可以答我

我之前都試過我格式化左就冇事

作者: Kris﹏ 時間: 10-9-17 07:27 PM

依佢開得鋪..都係專業架啦..不過我諗佢見人無知先呃= =好多人都係咁

樓主...當吸收經驗吧= ="

作者: 楓葉無情 時間: 10-10-4 08:27 PM

我部機d制壞壞地.....唔知佢會唔會將我成部機殼換左佢呢~哈哈哈

作者: Simon! 時間: 10-10-6 11:56 AM

原帖由 楓葉無情 於 10-10-4 08:27 PM 發表
我部機d制壞壞地.....唔知佢會唔會將我成部機殼換左佢呢~哈哈哈

當面即整既就當然冇問題通常換制底膠呢d野我都數都會自己換

作者: yau19911020 時間: 10-11-1 12:49 AM

荃豐都有間黑店la,我個fd之前去換機殼,個老闆話忙叫佢周圍行下半個鐘到有得羅,過左一陣返左去羅機,之後試按下d制點知d制硬到死,跟住同個老闆講la,個陣之8點幾,個老闆話可以整,不過而家要收鋪,聽日先羅得,點之過左一日返去羅機,一開部psp我個fd用果個主題圖片無左,個老闆都on嘟嘟既,話唔小心洗左部psp d野,正常換機穀點會搞到psp內部既野,佢又死口話係洗左d野,耐佢唔荷....
而家d黑店開到通街都係,除非幫你整機果個人係識得,唔係真係要自己望實部機

作者: bbhero 時間: 10-11-3 02:37 PM

樓主你咁就搞到無了$80
其實有方法連$80都唔比的

你將你張ms卡在電腦format一次再用psp format多一次(此次format是為了把ms卡有回運行於psp的一些必要檔)
如果都係唔得的你試下把你的ms卡拔出來再插入吧(插的時侯要按實10秒-15秒看看有沒有檔案之後放手再試下行唔行到d檔)
行到的=你張卡無事
行唔到的=你psp個card reader卡住張card的零件出問題

作者: bbhero 時間: 10-11-3 02:42 PM 標題: 回復 21# yau19911020 的帖子

psp的theme唔見之外仲有無唔見d iso先@@

作者: 木也 時間: 10-11-4 05:02 PM

比我我會狂屌佢..

作者: ＫingＡrthur 時間: 10-11-4 11:03 PM

下次小心d...

作者: 南翼 時間: 10-11-5 12:05 AM

咁仆街既~

搵人咩咩佢

作者: HsRs 時間: 10-11-16 03:18 AM

問下間野why黑店

作者: ～天仔～ 時間: 10-11-24 12:29 AM

我唔覺間野係黑店-.-
第一係你叫人整機...
人地幫你升級...之後玩到iso既game...
第二係你張卡有問題...
咁ja係唔係人地整機有問題啦...唔通你張卡壞左人地就送張卡比你咩...
加上人地拎佢自己張卡試你部機比你睇...玩iso係無問題
你自己連壞機定壞卡都未知就話人係黑店?

[ 本帖最後由～天仔～於 10-11-24 12:33 AM 編輯 ]

歡迎光臨 2000FUN論壇 (https://www.2000fun.com/)