2000FUN論壇

標題: 問下大家意見 [打印本頁]

作者: 蘋果批 時間: 10-9-25 09:06 AM 標題: 問下大家意見

我識左一個朋友四年佢住HK 我住外國平時我上MSN都好少理佢但係佢都會同我打招呼關係一直都好平凡 (直到兩年前佢同girlfrd 分左)

近E兩年我番HK渡假之前佢一定會叫我番到去打比佢不過我次次聽左就算無搵佢要佢係MSN搵我叫我搵佢我先打
有時佢放左工就會打黎我地都算幾好傾咩都可以講我係佢面前可以完全做番自己大家係電話入面有講有笑

佢一直都想同我去街但係我話唔係好想之後佢直情話如果我唔方便同D同事調日子番工黎就我
我番到外國之後佢一知道我E邊有咩事地震之類都會放工之後上MSN 留言問我有無事次次上網上到好夜又會叫我去訓教
平時我好少上MSN 佢都會留offline message比我問我點解咁耐無上之類

最近佢仲SD左佢兩幅近照比我 (我係從來都無問過佢要任何相) 又問我個樣見唔見得人我話幾好
...之後我個frd同我講話男仔好少會比相一個女仔睇隨非佢想討好或者想睇下果個女仔既反應先會主動比

我今日無意中發現到佢個電話竟然同我果部一模一樣因為之前我番HK果陣大家有傾到買電話我有同佢講過話買左某一個型號既電話佢有上網睇過
不過佢係係我買左三個月之後先至買佢E家果部 (<<<可能我多心掛)

佢係一個好男仔好好人又好友善但係我唔清楚係友誼定係其他?

作者: ~傳說中的傻仔︻ 時間: 10-9-25 06:23 PM

其實我覺得你只係當佢係好朋友姐同埋你對佢既感情係出於關心朋友??

人係有種雙向性係度當佢成日對你好你都不期然對番佢好

但係你要攪清楚對人好=/=鍾意

就好似你自己都懷疑自己係唔係鍾意佢就係因為有『懷疑』就足以證明你唔係鍾意佢

就算係有好感但呢D好感係因為佢關心你而唔係你鍾意佢而演變出黎

我明白點解你會confuse 係因為你分唔清楚而家既『感覺』係屬於咩AREA

但就我旁觀者黎睇你呢種感覺只係出於友情唔好諗咁多了

希望幫到你啦~

作者: 蘋果批 時間: 10-9-26 02:18 PM

原帖由 ~傳說中的傻仔︻ 於 10-9-25 06:23 PM 發表
其實我覺得你只係當佢係好朋友姐同埋你對佢既感情係出於關心朋友??

人係有種雙向性係度當佢成日對你好你都不期然對番佢好

但係你要攪清楚對人好=/=鍾意

就好似你自己都懷疑自己係唔係鍾意佢 ...

咁如果我唔問我自己衣家係咩處境靜係想知道佢個想法係咩既話你覺得會係點?

作者: ~傳說中的傻仔︻ 時間: 10-9-26 02:42 PM

咁樣我覺得只係純粹一種好奇心好奇就人皆有之

加上你係知道佢鍾意你但係你『明知』之下都會想更加進一步去知佢諗咩

呢個係正常反應黎唔知解唔解答到你

作者: 蘋果批 時間: 10-9-26 05:38 PM

其實我唔肯定佢係咪鐘意我不過我驚如果再進一步行動既話會搞到段友誼好奇怪

作者: ~傳說中的傻仔︻ 時間: 10-9-26 06:22 PM

原帖由 蘋果批 於 10-9-26 05:38 PM 發表
其實我唔肯定佢係咪鐘意我不過我驚如果再進一步行動既話會搞到段友誼好奇怪

咁其實你潛意識已經話比你自己聽你唔鍾意佢

你都話再進一步係好奇怪即係你已經安定於現階段=友情

既然係咁何必再想太多?

作者: ★呀豪☆﹏。 時間: 10-9-26 11:49 PM

我覺得佢攤曬牌...等緊機會

你想唔想同佢有進一步發展先?

作者: kou.hong 時間: 10-9-28 05:48 PM

既然係咁何必再想太多?

歡迎光臨 2000FUN論壇 (https://www.2000fun.com/)