2000FUN論壇

標題: (轉貼) 而家做女人真係幾悲 [打印本頁]

作者: 樹熊佬佬 時間: 10-9-26 10:23 PM 標題: (轉貼) 而家做女人真係幾悲

同30歲未婚女友人傾開，而家真係幾悲。

我因為工作關係，認識高中底層好多朋友（肯定比一般職業多好多）。女友人舊年同拍左拖6年男朋友分開，叫我介紹ｄ男人比佢。佢搵萬零蚊，普通過普通ＯＬ，無樓同屋企人住，樣貌稍年長，佢自己知自己事，要求條件真係好基本，絕對唔港女︰

年紀35-40（細過自己唔考慮）
未離過婚或者離左無仔女（廢時做人後底乸）
無固定女朋友（唔做第三者）
鍾意細路仔（友人好喜歡小朋友）
唔煙唔酒唔賭錢（基本野）
無偶然上大陸叫雞習慣（基本野）
月入 20+k（貧賤夫妻百事哀，維持一個家庭２人加埋３０Ｋ其實都算勉強ＯＫ）
有一二十萬流動資產ｏｒ已買樓有自己房間唔係上下格床（首期可以一人一半）
非低技術藍領（體味談吐接受唔到）
身高5尺5寸以上（佢自己都５尺５）
唔洗著加大碼衫 or 36＋寸以上褲頭（友人好瘦得９０幾磅）
基本整潔（手指甲唔捆黑邊就得）

尋晚得閒幫佢禁下電話掃下我ｄ男人contacts ，我手機器set 左 search criteria，即是年紀，婚姻，職業，等等，禁左二百幾個男人客，居然無一個唔中上面是但一飯﹗

我再細心回想一下友人的擇偶條件，真係好普通，佢唔洗人養，亦都願意自己人工幫將來的家庭負擔，亦都無ｄ好難量化既要求比如有幽默感，正直善良温柔等......

不過無話到一定要香港人......

而家都唔知點同佢講，無理由叫佢返大陸識（佢份工完全唔洗上大陸）。

我有兩個大陸客見過幅相之後都對佢有點興趣。第一友人雖然無讀大學，不過西環名校出身，英文辣辣聲，大陸客話第時仔女學英文不假外求

第二大陸客想投資香港開公司，將來有個自己人睇住放心。

友人就反應冷漠，講真我呢兩個大陸客Quali 高，人品正派，不過我都明白親戚朋友果關好難過，尤其是呢兩個大陸客廣東話都唔正。

作者: 079049 時間: 10-9-26 10:25 PM

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
"你揾幾錢個月呀???"
"8000左右啦.."
"8000??咁你有冇諗過同我個女結婚呀??"
"暫時未有計劃,因為我覺得我地拍左唔係好耐,仲未了解得夠.."
"冇計劃???咁你同佢拍黎仲咩??"
呢個時候我已經覺得好唔妥架啦....咪話:
"咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
"OK,咁你話同父母住公屋,係咪??"
"係呀."
"係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
可以養到我地呀???我唔該你,食完呢餐飯好走啦,唔好再揾我個女,知道未呀??"
嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
塊野鑲金架???你地都痴膠花GE...你食x啦..仲有,呢兩合野我當俾乞兒啦....x@@杏加橙.."
果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
尋晚成晚就係咁自己一個係咁隊到啤啤夫..真係.........天啊..點解呀??????
就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

作者: 冰心冷刃 時間: 10-9-26 10:27 PM

無錢先悲哀.....

作者: 李媽咪 時間: 10-9-26 10:28 PM

進化港女

作者: sai888 時間: 10-9-26 10:43 PM

講就講話對男性無咩要求
實際上
你介紹個搵幾千$,佢又唔要
比佢細幾歲佢又唔要,又話人太細
介紹個中年男人比佢,佢又唔要,又話人地個樣唔好

唔煙唔酒唔賭錢  基本上無可能
無偶然上大陸叫雞習慣  香港叫雞就得???定係經常性就得???
月入 20+k 一個中年男人2萬係正常,但佢咩條件先30歲啊
非低技術藍領 (要求真高)
唔洗著加大碼衫 ,要求極高

首先第一個問題係大陸人月入2萬,就算唔叫雞都包2奶啦
人地兩萬=你香港差唔多10萬+收入每月咁洗
月入兩萬大陸人,會無女???
一係樣差,一係佢自己問題

唔煙唔酒唔賭錢  基本上無可能
係香港人中,就算唔吸煙,都最少飲酒唔飲酒,都最少賭錢(賭波)
非低技術藍領重要要求人地無體味,基本上大部份都唔洗選擇
特別係非低技術e個字眼
重有叫雞我識人唔算白領果d
基本上都叫合佢條件到兩萬收入到 ,10個有5個都叫雞
即使有老婆都照叫

唔洗著加大碼衫
先係笑點,我都著加大碼啦

作者: 封鎖心靈 時間: 10-9-26 10:44 PM

我唔煙唔酒唔賭錢唔叫雞

作者: sai888 時間: 10-9-26 10:46 PM

原帖由 封鎖心靈 於 10-9-26 10:44 PM 發表
我唔煙唔酒唔賭錢唔叫雞

35歲你有無啊

月入兩萬你有無啊

作者: ko121208 時間: 10-9-26 10:46 PM

原帖由 079049 於 10-9-26 10:25 PM 發表
我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
廢話少講,事緣尋晚終於能夠同拍左拖3個月的女友雙親見面 ...

同情

作者: OHOHYA 時間: 10-9-26 11:10 PM

似冇條件其實都有小小

作者: poon2701 時間: 10-9-26 11:20 PM

難道做男人就很好嗎???
不計月入
找一個人品好的 ....在那裡有呢

[ 本帖最後由 poon2701 於 10-9-26 11:21 PM 編輯 ]

作者: lee111 時間: 10-9-26 11:26 PM

幸好本人已經注定孤天地魂

歡迎光臨 2000FUN論壇 (https://www.2000fun.com/)