2000FUN論壇

標題: 第一次玩魔物獵人....我想知道雙劍點玩?? [打印本頁]

作者: 火狼cool 時間: 10-10-8 09:45 PM 標題: 第一次玩魔物獵人....我想知道雙劍點玩??

第一次玩...上網搵過d裝備..見到好好好好多
一開始應該合邊d裝備???
定係隨便搵d裝備黎合就得??
我玩mhp2g

我依家岩岩開始做一星任/_\
打怪成日比d 怪撞...仲有一開始遇到龍係咪要即刻走佬?
因為岩岩遇左一條龍..比佢一下就撞死左

作者: ~闇靈~ 時間: 10-10-9 12:08 AM

雙刀好難起家....因為要食強走藥先發揮到極致
新手一開始比怪撞係好正常...因為未熟識怪既行動方式..但玩耐左熟左就知d怪既行動方式
見到大龍唔洗走佬既...你可以係遠處留意下佢地既行動方式,睇熟左就試下行埋去打...
初初新手裝好低防...比大龍打一下都冇半血架喇...渣頸就命,騎牛搵馬,合住d怪鳥裝用下先啦XD

作者: 火狼cool 時間: 10-10-9 01:53 AM

原帖由 ~闇靈~ 於 10-10-9 12:08 AM 發表
雙刀好難起家....因為要食強走藥先發揮到極致
新手一開始比怪撞係好正常...因為未熟識怪既行動方式..但玩耐左熟左就知d怪既行動方式
見到大龍唔洗走佬既...你可以係遠處留意下佢地既行動方式,睇熟左就試下行埋去打 ...

太刀係咪好d ?

定係用槍?

作者: Mz.Lai 時間: 10-10-10 06:22 PM

原帖由 火狼cool 於 10-10-9 01:53 AM 發表

太刀係咪好d ?

定係用槍?

冇話邊種好d..種種武器都有佢既優點
新手用太刀只可以話唔好貪刀..到G位果時就慢慢練下數刀數同埋斬弱點..''

作者: 火狼cool 時間: 10-10-10 10:20 PM

我玩弓個時玩到想死.....打一隻怪都要射成年...

作者: KaRL-BoYS 時間: 10-10-15 03:28 PM

太刀係心魔, 一貪刀就仆街..

既然係初學, 一係唔用, 一用就最好果把 - 大劍
大劍適用於絕大部份怪&龍
用得好跟本就係sm級

作者: Mz.Lai 時間: 10-10-15 11:29 PM

我玩2G咁耐..都冇用過大劍打過G位怪..''(訓練所除外..)
感覺大劍好難用..

作者: bbqq33 時間: 10-10-16 12:33 AM

新手岩用既武器有3種2近1遠
單手劍,大劍,輕弩
單手劍靈活性高,可以擋,跳斬(拔武攻擊或三角加圓)係神技,平時係隻怪既身邊繞圈,等隻怪攻擊而又唔會打中你既時間就用跳斬攻入去隻怪既腳到,之後一下三角加一下圓黎打腳.
之後再按x滾走(唔同既怪滾走既方向都唔同,e樣要自己熟手)幾次之後隻怪就會但唔穩訓底,之後可以斬片啦@_@記得佢起身個陣要走開,然後再重複就得,80%既怪可以咁樣殺死,當然熟手左想片多野係無問題,只要唔好比怪打中@_@
最後講單手劍弱點,就係單手劍既攻擊力唔高!!!!!!!!!所以初期無問題,中後期就唔掂,所以中後期既選擇單手劍唔係睇攻擊力,係睇屬性值,愈高愈好(但相對要隻隻屬性都有,變得好煩囧),最後大佬崩龍單手劍係最易殺=]

大劍第一件事就係,唔係攻擊既時候一定要按正方收武器,唔係行路速度會快到你想死,
同單手劍既攻擊時機一樣,但係唔好學單手劍咁去打腳,而係去打弱點(隻隻怪弱點唔同,要自己查),用拔武斬打一野之後就馬上按x滾走,收武,重複,大劍就係咁樣玩(基本玩法)熟左知道d怪會有幾耐時間更直\打唔到你就可以按實三角去蓄力,蓄滿左既大劍係所有武器攻擊力最高(以一野黎計)後期有拔刀術技能,所有攻擊都加25%(無記錯既話會心係25%.........)選擇時唔洗睇其他,睇攻擊同個條顏色表(斬味),愈滿愈好(黃綠藍白紫,紫最好)@_@角龍大劍升到頂係最完美大劍(崩劍某方面黎講都好爽@_@)

兩樣武器共通,拎住武器個陣按r係防,收武時就要r+三角+圓先係防,好多無得迴避,局住要硬食既招就擋左佢啦(鎧龍,水龍,金獅,霸龍e類怪既大絕無得擋)

輕弩一開波把輕弩掉左佢,廢的@_@,用其他武打黃跳跳(速龍咁既樣)整有個碧字既弩(個日文好似係散彈弩........,),用佢射散彈打大怪鳥,毒怪鳥,桃毛獸好爽,打個陣記得係肯定自己安全先好開槍,唔係就玩完(射手裝好少防)平時一樣係周圍走搵機會,同埋因為係散彈.所以唔洗按r瞄,就咁控制人物面對隻怪就ok,e樣野要練熟,影響一生(認真)之後整桃毛獸既弩,之後d電龍xx火龍用佢就夠殺,轟龍建議換武打,因為雪山地型用遠程打軒要好識走位先得,唔係入死角位既機率係99.99%.............當然你可以準備電龍輕弩加15粒閃光彈,就用電擊彈打啦,你會發現轟龍可以變得好弱XD最後整把蒼櫻的對弩就夠殺所有下位怪和上位初期所有怪(主要係桃毛=])然後桃毛>缭亂的對弩(神兵)和黑鎧弩(散彈打麒麟火彈打迅龍)
g位...........g3前得熔岩魚弩(配自填)蒼櫻弩叫做可以用一用..........建議用缭亂殺上g3算,到左g3勁弩好多,當中最勁既係祖龍弩@_@
缺點,要大量$$$$$$$$

[ 本帖最後由 bbqq33 於 10-10-16 12:36 AM 編輯 ]

作者: 鳥羽　涉 時間: 10-10-16 02:49 AM

我覺得你選擇自己用得好的武器比較好,,,

作者: yuchi99hk 時間: 10-10-21 08:31 PM

原帖由 Mz.Lai 於 10-10-15 11:29 PM 發表
我玩2G咁耐..都冇用過大劍打過G位怪..''(訓練所除外..)
感覺大劍好難用..

識用的話大劍係好勁
用大劍打速度快o既龍好快就可以打死佢

歡迎光臨 2000FUN論壇 (https://www.2000fun.com/)