2000FUN論壇

標題: 宜家d女仔點諗嫁...我真的摸不著頭腦 [打印本頁]

作者: 泥魚 時間: 10-10-16 12:01 PM 標題: 宜家d女仔點諗嫁...我真的摸不著頭腦

我先講下我既背景先啦
我今年二十歲，讀緊year2

故事可能會長少少...請見諒...勿插....

事件係發生係今年既暑假
我今年暑假去左一間公司度做文員....
不過到最後都係要咩都做...因為做暑期工係畀人用到盡
正正因為畀人用到盡,所以先有機會識到呢個女仔

話說我係一間賣名牌童裝既公司度做...
又由於我畀人用到盡既關係...
所以我星期六都要番全日，而星期六既下午就要落舖頭幫手
開頭見到個女仔都無咩野...我以為佢係做長工...原來佢都係做暑期工...
我一開頭我只會同d長工(sales)傾計...全部都係女仔...
點解我唔同佢講野呢...首先果度有人會講是非,費是畀人話番工吹水
二黎佢可能驚我走左就畀其他人話佢做野吹水....
總之各種既原因令我同佢好少交流

有一次佢無啦啦企左我隔離做野...見周圍無咩人咪同佢講下野囉...
開頭諗住flirt下佢...點知自己"拿"野(都幾活該)
就係果時無啦啦畀人觸動到...
我地講野都無三分鐘...

之後我開始就好少落舖頭幫手...
因為公司既工作開始多...我亦畀老闆睇中...成日要幫佢做野...
所以都再無機會落舖幫手...
唯有落去就係推新貨落舖頭....
我每次見到佢都唔會同佢講野...
因為無時間...
只會有一點既眼神交流

就係上一次同佢講完野之後...
畀佢觸動到之後....
我就開始想識佢...
於是有一次膽粗粗咁寫左我個msn係張紙仔度...
係推貨落去果時就行去隔離畀左佢...果時同佢講左一句：我有野畀你...
佢果時都愕然...但係都拎左張紙仔...
我都覺得自己好大膽....(我中一至中七都係讀男校...我唔係過份饑渴)
同埋我唔知咁既做法對一個女仔係唔係OVER 左或者太突然?

畀完張紙佢之後佢真係有ADD到我...
但係我無一次係MSN見到佢ONLINE...
因為我每晚都OT到12點...番屋企都一點...無力再ONLINE...
之後我係舖頭見到佢一次...
我知佢讀中五...問佢會點...佢話會去加拿大讀書....
我都LAG左一下機...
係果日之後我就再無見過佢啦...
原來佢Quit左...
心諗好彩都畀左個msn佢....
我係msn留左一個offline message畀佢...內容係問佢拎電話同facebook...

但係佢無理過我....
直至佢有一日上黎office 拎cheque,仲要係我開門畀佢,仲見到佢媽媽....
但係我一句都無同佢講過...
但係我係咁望著佢...
佢又係咁望著我....
直至佢離開....

如事者...到左佢走左之後第二日...唔知係唔係時差造就我....終於見到佢online...
我同佢講野...佢有答我...
但係我既感覺係我問一句佢答一句....
我都知咩事...
講真果一刻我都唔係有咩奢望想你點...
最hurt既係...我話keep contact..
佢回我一句話"做咩要keep contact呀?"
我話係唔係做個朋友都唔得呀?
佢又話得....
姐係想點呀...
到左宜家我已再無同佢有任何既聯絡...

可能我一開始就錯左...
好多人都會認為佢add我都係禮貌上姐...
我都知佢會去外國讀書...我都唔會阻住你...
都係想做個朋友姐...

但係我唔知佢係諗緊咩...
如果你地係女仔...其實你地係諗緊咩...

故事係長左d,不喜勿插....

作者: ＭＡＮＤＹ 時間: 10-10-16 02:47 PM

可能個女仔想專心讀書先,拍拖戀愛果方面放埋一邊無諗,

你有無問個女仔佢有冇男朋友先??

作者: 泥魚 時間: 10-10-16 05:00 PM

有無男朋友都唔係一個問題...
問題係連結識朋友都成一個問題...

作者: ＭＡＮＤＹ 時間: 10-10-16 05:31 PM

原帖由泥魚於 10-10-16 05:00 PM 發表
有無男朋友都唔係一個問題...
問題係連結識朋友都成一個問題...

嗯...咁你地始終相處得唔耐,

所以未必做得成朋友都唔出奇,

順其自然吧...

作者: 戰心 時間: 10-10-17 10:44 AM

相處耐d先再講啦
又晒左一個女仔

作者: 泥魚 時間: 10-10-17 12:31 PM

原帖由戰心於 10-10-17 10:44 AM 發表
相處耐d先再講啦
又晒左一個女仔

咩叫左又晒左一女仔呀??

作者: 不知不覺的 時間: 10-10-17 04:05 PM

原帖由泥魚於 10-10-16 12:01 PM 發表
我先講下我既背景先啦
我今年二十歲，讀緊year2

故事可能會長少少...請見諒...勿插....

事件係發生係今年既暑假
我今年暑假去左一間公司度做文員....
不過到最後都係要咩都做...因為做暑期工係畀人用到盡
...

我諗佢認為你....你好煩,你想溝佢...

作者: 波板仔 時間: 10-10-18 01:52 AM

人地唔受, 算吧啦

作者: PCL 時間: 10-10-18 05:06 PM

香蕉成熟時
算吧啦,得閒睇番兩套AV好過啦

作者: 紫靈姬 時間: 10-10-18 06:48 PM

感覺上佢而家ADD你MSN只係純粹禮貌上
你主動留MSN係岩因為你怕無機會再見到佢想同佢做個朋友既心態
然後再睇下有冇機會發展
佢錯愕既原因就係應該可能係呢兩個原因
第一你會撩啲長工女仕傾計
咁有機會一傳十十傳八比佢知道感覺你都真係幾飢渴下都唔出奇
第二你咁耐以黎只同佢傾過一次計
我知你工作好忙亦唔想比公司亂作故仔但當事人會唔會知道呢
你可能做得都有機會比個女仔誤解以為你唔係識朋友個種
因為有某部份女仔太易亂諗野亦都會有某部好理智既
你慢慢識多啲女性就會有唔同既了解
反正你而家YEAR2 仲有大把時間呀有時候無得急
太急只會有點嚇親人

作者: Black_Cast 時間: 10-10-19 12:33 AM

原帖由 紫靈姬 於 10-10-18 18:48 發表
感覺上佢而家ADD你MSN只係純粹禮貌上
你主動留MSN係岩因為你怕無機會再見到佢想同佢做個朋友既心態
然後再睇下有冇機會發展
佢錯愕既原因就係應該可能係呢兩個原因
第一你會撩啲長工女仕傾計
咁有機會一 ...

其實家陣都男女平等架喇
會唔會有點兒過份左

一黎我覺得個女仔話
做咩要KEEP CONTACT
咁睇返個男仔啦
問唔問返係咩意思但係做咩要做KEEP CONTACT
講出黎都算刻意特登

FINALLY
我認為女方好大程度唔想同男方做FRIEND
話就話MSN
打個比方
當住面同佢咁樣講
你講唔講得出口先

[ 本帖最後由 Black_Cast 於 10-10-19 12:39 AM 編輯 ]

作者: 戴維斯;D 時間: 10-10-19 10:00 AM

好大段字, 無心機睇..BUT想講既係..你鍾意就要追隨住佢!!你唔擔保佢有一日會離你而去!!

作者: 紫靈姬 時間: 10-10-20 02:42 AM 標題: 回復 11# Black_Cast 的帖子

如果我無興趣同對方做朋友的話
我面對面一定講得出口
即係可能學生時代或者而家上Facebook上FORUM識朋友咁
有啲人都會留msn比你的
但係傾計會唔會真係同你傾
無錯- -而家呢個好多時都講男女平等但好多時都好難真係平等到
你認為會唔會真係有可能會做到-0-"

純粹個人意見,由於本人已屬老人家xd不喜勿插a_a"

作者: loveyoujj520 時間: 10-10-20 03:44 AM

原帖由 紫靈姬 於 10-10-20 02:42 發表
如果我無興趣同對方做朋友的話
我面對面一定講得出口
即係可能學生時代或者而家上Facebook上FORUM識朋友咁
有啲人都會留msn比你的
但係傾計會唔會真係同你傾
無錯- -而家呢個好多時都講男女平等但好多 ...

老人家-.-
我唔想同人做朋友既話我講野會好絕好無情 ^^
拖拖拉拉會好煩!

作者: 雲吞餃 時間: 10-10-21 10:05 AM

原帖由泥魚於 10-10-16 12:01 PM 發表
我先講下我既背景先啦
我今年二十歲，讀緊year2

故事可能會長少少...請見諒...勿插....

事件係發生係今年既暑假
我今年暑假去左一間公司度做文員....
不過到最後都係要咩都做...因為做暑期工係畀人用到盡
...

於是有一次膽粗粗咁寫左我個msn係張紙仔度...
係推貨落去果時就行去隔離畀左佢...果時同佢講左一句：我有野畀你...
呢d先係男人...呵呵..我好所賞你...
不過替你有d可惜...若果成功既話真係可喜可賀..
奈何唔岩時候..

作者: Black_Cast 時間: 10-10-21 02:15 PM

原帖由 紫靈姬 於 10-10-20 02:42 發表
如果我無興趣同對方做朋友的話
我面對面一定講得出口
即係可能學生時代或者而家上Facebook上FORUM識朋友咁
有啲人都會留msn比你的
但係傾計會唔會真係同你傾
無錯- -而家呢個好多時都講男女平等但好多 ...

嗯,辛苦了
不是經常來能夠有人回複
卻是一件好事

你都岩

[ 本帖最後由 Black_Cast 於 10-10-21 02:21 PM 編輯 ]

作者: 紫靈姬 時間: 10-10-23 01:16 AM 標題: 回復 14# loveyoujj520 的帖子

無錯呀
無謂放太多感情受傷既自己係自己
雖說手法自私但有誰唔會為自己著想為先

作者: 紫靈姬 時間: 10-10-23 01:18 AM 標題: 回復 16# Black_Cast 的帖子

哈哈無話岩唔岩既
只不過係提供一下意見參詳一下
岩睇就睇唔岩睇大可以忽略a_a"

作者: 全完仔仔 時間: 10-10-23 04:55 PM

成件事睇完就係人地根本唔想同你做朋友...
係你自己想夾硬衝入去佢個世界度~~~
由其係你諗果句"係咪做個朋友都唔得丫?"
係...人地有權拒絕你同你做朋友....
每個人都有自己世界同權利，唔好諗得咁霸道。

想要同人做朋友係無問題，問題在於平時無交流，突然間又要人接受你自己認為的那一套，
會另某些人反感，想to be friends 當然係平時見面傾多d 溝通多d啦
即使工作上不方便，但人不是草木，做sales間鋪亦不會24小時人潮湧湧，
但有空檔傾兩句的機會，是非八掛出來工作去到邊都有，只是多與少的問題。睇自己點去處理同衡量。

平時又無野講，突然間又要人同你做朋友熟絡，好多女仔都應該唔會show你咁既行為。
除非個女仔第一睇見到你，而你又俾到佢唔錯的印象，
咁先會驅駛對方不抗拒去認識你。

作者: WilsonC 時間: 10-10-23 05:11 PM

係你諗太多...先搞到咁..直接D好..

作者: 恆★★星 時間: 10-10-23 07:13 PM

朋友姐...
洗唔洗咁

作者: ˇHaNg 時間: 10-10-23 11:55 PM

樓主清唔清楚人地既背景架..

作者: 00899678 時間: 10-10-24 01:42 AM 標題: 回復 9# PCL 的帖子

笑左...睇av ｘｄｄｄ

作者: 泥魚 時間: 10-10-24 12:56 PM

其實做個友姐，使唔使查埋人地家宅呀？同埋我唔明點解話我要人地要接受我?一套…邊個交朋友一開頭就可以一輪咀係咁傾嫁？一次係慢慢黎嫁啦，咁我平時做唔得閒傾，係Msn傾都係一樣姐。我同班長工姐姐傾計都講一兩句，又唔係係咁傾...只係唔同佢地講。同埋是非多，我費是搞到佢畀經理話，我一星期落得去半日，就係果半日同人講野搞到人畀經理鬧，會唔會唔係幾好呢，呢間又鐘意炒人…我畀人話無所謂呀…

作者: climbd3157 時間: 10-10-26 10:27 PM

自作多情...
妳摸不著系正常無人摸得到禾

等緣份.吧...!!!

作者: ☆可兒☆ 時間: 10-10-28 10:57 AM

你呢件事令我想起曾經~~~

曾經有一個  外型算ok唔錯既所謂[有錢仔] 追過我~~

而我係好睇唔起呢個人.... 扮野自以為有錢好把閉~仲要成日驚死無人知佢有錢甘

問心而論  唔係佢有錢而係佢父母有錢

佢個人又懶又笨沒上進  妄想症  ... 缺點數不清~!!

佢身邊都好多女仔.... 其實大多都係痴飲痴食~

我連見佢都唔想...  我會忍唔住去鬧佢...

而我鬧佢  都唔係一般普通既鬧~  我身邊d朋友有時都頂我唔順話我鬧佢鬧得太過份好傷人~!

但係我又好莫名其妙~~~ 鬧佢鬧到體無完膚甘... 根本都好似冇當過佢係人甘...

正常一般有羞恥之心  或是仲有一dd尊嚴既人都應該唔會再搵我

或者~~ 聰明d既  真係識諗既...

就正正常常好好甘做人唔好成日係我面前做埋d低能野  講埋d白痴說話... 甘樣我都仲有可能會當佢係[人]一個~!!

但係佢~~~ 仲係要出現係我身邊~

包括請我d朋友食野  帶佢地去玩~~ ( 只要我係度佢就一定會係度 )

我試過串佢~~~~
你好多錢請人wor~~  甘又係~ d錢又唔係你辛苦搵既~  你老豆老母大把呀河~!!
你要請我唔會阻你  亦唔會多謝你~!

我未試過因為佢請d乜請d物  而對佢有過一句好聽既說話~!!!

而佢既反應~~~  亦唔係一個正常[人]既反應~!!

有一次~~ 佢同我講:
[  其實我係鐘意d 夠高身材又好好既女仔...  我都唔知點解我會鐘意你]

我即時反應就係:
[  甘我洗唔洗謝主隆恩~~~~~  你自己既問題唔好煩我 ]

又有一次一大班朋友玩完要返屋企
佢毛lala 講左一句  [  KEEP  CONTACT ]

其實呢D說話係冇問題~~~仲係好普通既一般朋友或是男女間既對話~!!!
問題係我根本對呢個人嚴重反感
佢好多時未出聲  咀型開始成O型想講野之際
我既反應~ 目光都係想制止佢講野~
見~~已經唔想見~~  佢係都要係度~ 就唔好比我聽到佢把聲講埋D廢話~!

我都係同你果個女仔一樣甘回應~!!!

咩事要 KEEP CONTACT~!!!!!!!!

你個女仔比我還要好~!! 仲會係甘意顧下你感受~!!
而我仲有後話~!!

[ 咩事要KEEP CONTACT~!!! 而家係你想CONTACT我~  我一D都唔想CONTACT你~!! ]

我唔知  樓主你平時既表現係點樣~~~
好大可能你做左一D 你自己認為無野甚至以為自己好好野~!!
而偏偏係個女仔最唔鐘意最睇唔起既事~!!

唔受溝都唔代表係反感~!!!!

只有反感~~ 先會令女仔連自己女性既溫柔杼持都唔顧
務求將你踢出佢既視線範圍~~!!! 比D難聽既說話你嘆下~!

[ 本帖最後由 ☆可兒☆ 於 10-10-28 12:24 PM 編輯 ]

作者: loveyoujj520 時間: 10-10-28 12:01 PM

原帖由 ☆可兒☆ 於 10-10-28 10:57 發表
你呢件事令我想起曾經~~~

曾經有一個外型算ok唔錯既所謂[有錢仔] 追過我~~

而我係好睇唔起呢個人.... 扮野自以為有錢好把閉~仲要成日驚死無人知佢有錢甘

問心而論唔係佢有錢而係佢父母有錢

佢個 ...

哈哈~可兒真係搶手貨

作者: ☆可兒☆ 時間: 10-10-28 12:42 PM 標題: 回復 27# loveyoujj520 的帖子

搶你個頭~

^^ 係佢有病之MA~~ 唔關我事~!

作者: 泥魚 時間: 10-10-28 02:26 PM 標題: 回復 26# 的帖子

好多謝你講左一個故事....
而我既情況絕唔係你所講既故事入面個男主角咁(唔會好似佢咁扮野,我無佢咁有錢,我知個女仔仲有錢過我)
我係大學都有好多異性朋友
雖然我真正同異相處左既時間只係得一年幾
但係同每個異性朋友相處都無咩問題,有D仲會好主動咁搵我解決一D佢地情感感情上既問題
我又倒唔覺得我同異性相處有咩問題(可能我高估左自己)
如果你話做野果度出問題(我同佢見到面面既時間好少,一個星期得半日,同埋我真係落舖頭幫手都係落左三次),最多都係幫D姐姐做野同幫舖頭經理做野...
我又唔係擦鞋果批
公司都好多人都知我連老闆亂嘈人都會駁斥既人...
如果你話會唔會做D左個女仔好反感既事我真係無從稽考(我同佢既接觸真係好少)
我宜家重點都已經唔係放係個女仔度啦
而係放係件事度
成件事對我最大既影響係我對認識女仔產生左一個恐懼...

[ 本帖最後由泥魚於 10-10-28 02:29 PM 編輯 ]

作者: 紫靈姬 時間: 10-10-28 11:02 PM 標題: 回復 29# 泥魚的帖子

其實你識朋友既手法唔係錯誤
起碼你都可以鼓起勇氣踏出第一步先
好多人都愛面子問題或怕失敗而白白放棄左機會
千祈唔好因為一次失敗而放棄係個女仔問題並唔係你錯

作者: 紫靈姬 時間: 10-10-28 11:06 PM

原帖由 ☆可兒☆ 於 10-10-28 10:57 發表
你呢件事令我想起曾經~~~

曾經有一個外型算ok唔錯既所謂[有錢仔] 追過我~~

而我係好睇唔起呢個人.... 扮野自以為有錢好把閉~仲要成日驚死無人知佢有錢甘

問心而論唔係佢有錢而係佢父母有錢

佢個 ...

哈哈呢個世界上咩野人都有
有錢既愛出風頭冇料既又要充大頭
虛榮心作祟呢啲人真係唔理好過理為妙
真係當見識多啲唔同既人 XD

作者: ☆可兒☆ 時間: 10-10-29 12:10 PM

原帖由泥魚於 10-10-28 14:26 發表
好多謝你講左一個故事....
而我既情況絕唔係你所講既故事入面個男主角咁(唔會好似佢咁扮野,我無佢咁有錢,我知個女仔仲有錢過我)
我係大學都有好多異性朋友
雖然我真正同異相處左既時間只係得一年幾
但係同每個異 ...

  唔係甘脆弱丫化~!!!!!

甘就話恐懼~~~~

甘呢個世界大把野會嚇死你~!!!

呢d事係好輕度而已~~~

好似你買鞋甘~~ 你鐘意個款~  但係無你既size
甘咪揀過另一個款lor~

唔洗因為你除過鞋比人見到自己d腳指而害怕....

你揀人  人揀你就係甘簡單~!!!

作者: [V]KC 時間: 10-10-29 04:22 PM

其實沒什麼大不了

就像中小學的同學一樣合得來就做朋友合不來就只是同學關係

何必勉強做朋友呢

順帶一提朋友不一定要多交心就足夠

歡迎光臨 2000FUN論壇 (https://www.2000fun.com/)