2000FUN論壇

標題: Divina問題所在..!!!!各玩家/管理員/GM/GAME書編輯請內進一看 [打印本頁]

作者: ~阿ken~ 時間: 10-10-21 06:52 PM 標題: Divina問題所在..!!!!各玩家/管理員/GM/GAME書編輯請內進一看

幻月推出都幾個月,本人由公測開始玩到依家,見證由一堆玩家一起玩,到依家漸覺冷清..!!相信無論中/英SER的玩家都有同感!!!
有玩家離開,係好正常的事!!!可能有某D玩家玩另一隻遊戲或其他私人理由。但幾個月,點解可以由最受歡迎的遊戲變成現在冷冷清清呢.!!!!
我相信主要是以下幾個原因...!!!!
其1:式神!
本人並不反對商城系統,始終代理商是想從玩家身上賺錢,本人亦明白,但Divina的商城卻太不合常理了
(式神)!!!!玩家願意花費金錢買點數,希望抽得心儀的式神,這不是問題!但為何要推出R版式神呢!!
代理商在推出時有沒有考慮過現有原版式神的玩家的心情,推出R版新式神。其名字,樣子,都一樣,而基本能力卻更強,效果更佳!!!
在買家的心理上,接近同樣的產品,支付成本接近一樣時,買家往往會選擇更好的產品!!!這是人之常理,,,但這卻造成很大的影響
推出R版式神,舊版的價值便插水式下滑,人人只是獲取能力上更佳的R版,舊版卻無人問津,!!!拎有的玩家則十分無奈!!!何解?
原因十分簡單,當衫花費大量金錢抽得的式神,原本價值不非,現變得一文不值!!!代理商的各位請想想!!!如你/妳買了一個最心愛的手袋
,其價值連城,但買獲一個月後,生產商丫即時推出再新版,外型不變,但袋變得更實用,更多功能!!!而你當初所買的手袋,價值極速下跌,什至無人問津!!!你/妳會有什麼感受?心心不憤??還是對這生產商十分失望???認為這就像一個騙局一樣!!!將心比已,玩家亦是一個消費者!!!佢買的產品和你們是一樣的!!!試問什麼人能接受這被人玩弄的感覺呢!!!!代理人商推出新產品,從而賺錢這方式本人明白,但何不推出得更有建設性或為玩家考慮多一點呢?讓玩家買得開心,代理又賺得高興呢!!!

本人建議----其實R版現已推出了..也不能回頭,現時能做的事只是補救,從而挽回舊玩家再回此GAME玩樂!!現時其實可以推出原版升級新版的功能,當然!!玩家亦需要負出新的代價,例如式神到達lv6時可升級至R版,但會有成功率,當中有一定機率失敗,下跌1LV!!!!這能讓玩家作出選擇性升級,一來令高密靈素可以大賣,從而賺得金錢,玩家須不會因,原版的價錢低而苦惱或失望!!!

[ 本帖最後由 ~阿ken~ 於 10-10-21 07:40 PM 編輯 ]

作者: ~阿ken~ 時間: 10-10-21 06:53 PM

其2:外觀裝備
一套外觀裝備為何要分男玩家,女玩家之別呢???最明顯的例子:女武神和屠龍裝,相信不少男玩家想獲得女武神玩的裝有的能力.或女玩家想獲得屠龍裝的能力..但無奈自己所選的角色是男/女的性別,不能使用!!!或是內衣褲的裝備是有女玩家能使用,男玩家就無福消受!!!這讓人覺得無所適從!!!

本人建議:推出兩種不同種類的裝備時,其實同一套裝備可分為男/女裝,意思是同一樣的能力,分成男女不同的外觀類別抽獲,令每男女玩家亦可享得同樣能力的裝備,達至平行...!!!!

其3:等級上限
一個遊戲發展得越長久,就越多玩家達到等級的上限,但發展商如不停增加等級上限,目的是希望玩家繼續留玩!!!但很可惜,這是惜得其反!!!!造成舊玩家覺得等級永遠也升不完似的,,及以往最高等級的裝備因等級上限再次推出更強的裝備,所升級的裝備全廢武功,舊有裝備變得無用,全因金裝的限制是玩家等級5LV以上,,,種種原因令舊玩家最終放棄遊戲!!!!而新玩家卻看見與原有玩家等級差距很大,從而不選擇此遊戲

個人建議:其實發展商不需急要增設等級上限,何不從另一角度發展,,開設二轉職業,令舊玩家放棄等級由110等級,從而為得到新二轉的能力,降至低等級重新再練,一來舊玩家可以嘗試新的職業而留玩,二來又可以吸引新玩家.!!!!我建議二轉重設等級為40級重練!!!而新玩家亦是由40級就可轉至二轉等級,當中部份要素留待發展商再參考及重詳計議!!!,,,這樣不但能拉近新舊玩家的差距,而且更能大大吸引新玩家來玩而作出準備!!!!!

[ 本帖最後由 ~阿ken~ 於 10-10-21 07:34 PM 編輯 ]

作者: ~阿ken~ 時間: 10-10-21 06:53 PM

其4:GAME BUG問題
相信很多玩家都由BUG問題而苦惱,最受影響當然是小戰BUG技!!!以及個人領地,倉庫升至10級時不能生產資源這類的問題,當然還有很多很多問題!!!但本人希望,,,DIVINA的管理員請盡快及重祝各玩家對BUG的問題,及盡快解決,這是重緊要的

最後:本人並不是為找問題而提出此貼,我希望能為玩家及發展商解決問題!!!眼見玩家們,走的走,放棄的放棄,那種心情其實不不好受!!!!玩家們當然想GAME內熱熱鬧鬧!!!發展商須是GAME越多人玩越好!!但如何能做到呢,就是靠發展商對遊戲的誠意..!!!對玩家負責!!!!因為玩家就是你們的資本,不重視玩家的意見就像把手上的應得的錢..都一同放棄了..!!!

本人於中文SER玩的
ID:Oo拉斐爾oO
如果有認識本人的玩家或認同本貼的玩家們..請盡量留名推貼/讚成...亦可引至幻月FACEBOOK上..!!!因為越多人重視才會令發展商留意..!!!
如有game專題的編輯留意到...也可分享於書中...因為這是大部分玩家的心底話...萬分萬謝!!!!!!

[ 本帖最後由 ~阿ken~ 於 10-10-21 07:28 PM 編輯 ]

作者: abnanaya 時間: 10-10-21 07:05 PM

他出個R版
比設計新式神
花費成本更低
還是會有人抽
這是黑橘一直以來的作風

作者: ~阿ken~ 時間: 10-10-21 07:36 PM

其實作風...不代表永遠..只要代理商重視玩家的問題,作風也是可以改變的..
如若繼續如此..本人亦會很快放棄此遊戲了...!!

作者: dero兄 時間: 10-10-21 07:47 PM

push^3^~~~

作者: damek 時間: 10-10-21 07:49 PM

我也只是一個玩家，亦有花過錢，你的感受，我可以理解。不過我有一點不太同意你

其一：R版式神
其實出了 R版是沒差，既然知道黑橙的作風，就要瞄準時機出手。就譬如你買了一個當時樓格好高的正單位，但因為金融風暴、謠言，令你的單位價格大跌。當你入伙後，更發現問題重重，你可以投訴嗎？絕對沒有人能幫到你。因為這就是現實，你買的東西，是你自己決定，隨時間變動，有所變化是在所難免。所以，就要在最關鍵時機放出去給另外一些玩家。
（不過你建議用高密升 R 的意見不錯，但給黑橙聽到，成功升級的機會應該低得可怕）

其二：外觀裝備
絕對同意

其三：等級上限
因為幻月之歌就是一隻沖等、打副本的遊戲
若推出轉職，我寧願重練一隻新人物
加上幻月之歌的職業的不平衡，先用機工頂 LV，然後轉職做 EC，再升少少，這對 EC 由 1 升上 110 的公平嗎？

其四：BUG
其實我玩過幾隻 ONLINE GAME，全部都到處是 BUG。我個人覺得幻月之歌的 BUG，有部份還可接受（除領地、小戰 BUG）

我都希望幻月之歌可以挽回熱鬧場面

作者: ;槐; 時間: 10-10-21 08:36 PM

這幾點我基本上都非常同意...
轉職那個我挺讚成的啦.

作者: kson2535 時間: 10-10-21 09:39 PM

其實橘子對幻月已經係半放棄狀態,只係想係關SER之前再賺多D錢,
係傷心小戰,領地問題上面佢地根本毫無誠意,亦都冇理會玩家既渴求.對佢地黎講咩都唔重要,最重要既係KEEP住每星期出新扭蛋.
唔係想潑樓主冷水,你既建議橘子係唔會接受,因為佢地既態度永遠都係視而不見,有錢賺到盡

作者: yutaka99 時間: 10-10-21 09:41 PM

式神就冇咩所謂既~不過通常都得個樣=.=招技難出到死~抽左先知錯~xd
裝備我一直都覺得女裝不但只套套靚~而家附加技能都好過男裝多多聲~實用又夠勁~又識暈人(龍官)~又有+爆擊傷%(女武神)~而男裝呢?
平心而論~不如要套執事重好啦~抽乜鬼屠龍丫~叫做最有用個件~招技扣2100防~=.= 打怪同pk都係垃圾...唉
等級上限開得快唔快都唔係最大問題~而係d專精技可以將職業之間既差距變得平衡~所以應該比多d心機設計下~

作者: yutaka99 時間: 10-10-21 09:45 PM

放棄又未咁早既~不過香港可能係日本~台灣版本既測試地區~睇下有咩bug咁~
我玩咁多隻game 最like幻月個畫面~由game書係封測前半年話出就一直期待緊~
老實講佢一日唔關ser我都會玩落去~=3=
同埋如果真係人太少可以合ser~或者同台灣人一齊玩我都ok架~

作者: superman1 時間: 10-10-21 10:06 PM

轉職=/=重選職業

作者: 牙文文 時間: 10-10-21 10:27 PM

關於式神
其實出更強的(R)也無可厚非, 他們也無非是為了賺錢=3=
就如手機一樣, 初初人人都會買一部系果陣好多功能,質素較好的手機.
但手機會出新版的呢, 出新版後同樣,都系會追求一部更多功能,質素好的手機.
而舊手機,相比新出的手機自自然然功能較少,質素較差。
所以, 出式神R 沒有他的問題。

作者: ~阿ken~ 時間: 10-10-21 11:40 PM

我想有部分玩家誤會左少少我的意思...!!
二轉個方面...不是指由原本職業轉作其他職業
而是開發新一個新職業的階段
就好像以前超熱門遊戲RO ONLINE一樣
新階段職業,劍士升另一種專有職業.只限劍士可以二轉,如""劍士""可二轉作""騎士""等等
而其他職業則不能二轉作騎士..!!!

作者: ~阿ken~ 時間: 10-10-21 11:48 PM

本人其沒有使用R版式神的習慣..只用小狐仙..把佢升至8LV!!!
但離開的玩家當中,因R版式神的玩家為數不少..!!!
佢地反映出來是:出了R版式神,我舊的便沒有人要.一來不值錢二來就是能力上不夠強!!!
其實佢地最大的感受係...遊戲商出式神不緊要..但不要換湯不換藥,同一造型.名字相同,基本能力是同一類別,但能力則更強
那種感受...真係好似被騙了一樣...被推進了騙局.買了一件完全不值錢的東西!!!加上出R版的時間間隔實在太快...更令玩家失望..!!!推新神式神是可行..
但不要同外型同名字,同能力...但被強化了..!!!..除非官方接納本人意見,升級R版~_~
俗語有云:早買早享受,遲買享折扣!!!!
但現在則是:早買無回頭,遲買新換舊!!!(本人突發其想...認為十分貼切)

[ 本帖最後由 ~阿ken~ 於 10-10-21 11:53 PM 編輯 ]

作者: 筆下的思念 時間: 10-10-22 12:10 AM

雖然對荊血流既人無咩好感但你可能系例外了@@ 全部講出我既心聲.....
我等龍之谷公測之後轉GAME了級數升唔完職業過份唔平均 BUG無人理(傷心小戰.領地資源)
等級110我都接受到 110打後......哇無止境的等級無止境的裝......雖說功能多左我非常鍾意但等級博命開放會令到新玩家系唔會玩的相差太遠了.....E+重明顯會突破110等級啦.........睇下圖鑒.....又多左幾個即系又會開放! = =!
無止境的式神等級(R RR RRR之類都有可能出- -)

作者: scottowen 時間: 10-10-22 12:27 AM

中文ser朋友揮手~
同意你既講法, 最低能真係R版式神...
咁我辛辛苦苦換尼做乜l0l？
同埋, 分男女裝本身冇咩問題, 但唔好件件裝都分
一兩件男/女獨有既裝冇咩問題...
even你要分男女裝, 可唔可以男女裝既能力同技都一樣呢？
咁即係男角永遠唔可以回魔（eg. 惡女)
女男永遠唔可以扣人屬性？(eg. 層龍)

題外話一笑：
→內衣褲
建議男角可以當頭飾用

作者: yako123xd 時間: 10-10-22 01:32 AM

原帖由 筆下的思念 於 10-10-22 12:10 AM 發表
雖然對荊血流既人無咩好感但你可能系例外了@@ 全部講出我既心聲.....
我等龍之谷公測之後轉GAME了級數升唔完職業過份唔平均 BUG無人理(傷心小戰.領地資源)
等級110我都接受到 110打後......哇無止境的等級無止 ...

其實有可能是黑橘有心整到隻game咁等玩家5玩呢隻game

而讓多d人轉去龍之谷重新買大量背包擴充等基本點品

一隻game往往是剛開始最賺錢的-3-

作者: damek 時間: 10-10-22 02:02 PM

原帖由 ~阿ken~ 於 10-10-21 11:40 PM 發表
我想有部分玩家誤會左少少我的意思...!!
二轉個方面...不是指由原本職業轉作其他職業
而是開發新一個新職業的階段
就好像以前超熱門遊戲RO ONLINE一樣
新階段職業,劍士升另一種專有職業.只限劍士可以二轉,如""劍 ...

這個我還不太明白你的意思
甚麼一二轉職？

以及出了騎士、劍士
這又與原本的戰士有甚麼分別？

作者: damek 時間: 10-10-22 02:03 PM

原帖由 yako123xd 於 10-10-22 01:32 AM 發表

其實有可能是黑橘有心整到隻game咁等玩家5玩呢隻game

而讓多d人轉去龍之谷重新買大量背包擴充等基本點品

一隻game往往是剛開始最賺錢的-3-

無錯
一隻遊戲的確是最開始最賺錢
但這筆錢只是補回開發遊戲的成本

真正的賺錢是後面的商品、更新
這些才是利潤

作者: scottowen 時間: 10-10-22 03:33 PM

原帖由 damek 於 10-10-22 02:02 PM 發表

這個我還不太明白你的意思
甚麼一二轉職？

以及出了騎士、劍士
這又與原本的戰士有甚麼分別？

我有玩RO, RO既二轉職系統...
騎士既能力遠遠高於戰士, 用既技能多左, 變化都多左~

好似我以前玩RO, 我係刺客, 我玩爆擊率, 但可用技就少 (因為左RO而言, 爆擊是必中
但二轉職去到十字刺客, 有遠攻技, 有毒技,(有玩RO既朋友應該知我講乜
十字刺客係RO世界而言, 係攻城必備既~

同埋, 我建議幻月係加入攻城系統
一來增加競爭, 二來唔洗D白名成日嘈畀紅名殺
紅名又唔洗嘈話封左頂唔劏人冇野玩, 增加刺激性~
同埋, 新增攻城戰又可能會有一堆週邊可以賣, 一舉兩得~
黑橙好應該加攻城戰畀大家玩下Happy下啦==

作者: hktony1997 時間: 10-10-22 05:45 PM

式神唔多講
因為再點出都唔會太多人買
一陣又出r版就....
除非官方講唔會再出,或者有d另人心動的補償

外觀裝備大家意見相同就睇官方做唔做野啦

2轉就相當同意
但就應該係有好多問題要解決
職業平行/會唔會有2個轉職方向(好似專精禁)
lv 重新計算定再升上去120,130....

不過對我黎講最大問題都係升技問題
因為要$$$
辛辛苦苦賺返黎分分鐘唔夠 /_\
唔好講掛賣,一日上線2-3hr
唔掛網賣野,因為有時間都去左掛卡
*電腦冇足夠資源多開*

作者: damek 時間: 10-10-22 07:14 PM

原帖由 scottowen 於 10-10-22 03:33 PM 發表

我有玩RO, RO既二轉職系統...
騎士既能力遠遠高於戰士, 用既技能多左, 變化都多左~

好似我以前玩RO, 我係刺客, 我玩爆擊率, 但可用技就少 (因為左RO而言, 爆擊是必中
但二轉職去到十字刺客, 有遠攻技, 有毒技 ...

原來係咁……

要改既方法係有
就係係原本每個職既技
抽返 D 出嚟做二轉技
咁米 OK 晒囉

（以黑橙既作風去諗）

作者: damek 時間: 10-10-22 07:18 PM

原帖由 hktony1997 於 10-10-22 05:45 PM 發表
不過對我黎講最大問題都係升技問題
因為要$$$
辛辛苦苦賺返黎分分鐘唔夠 /_\
唔好講掛賣,一日上線2-3hr
唔掛網賣野,因為有時間都去左掛卡
*電腦冇足夠資源多開*

呢個好同意

見到 D 機工、法師打怪極爽
封頂得就係咁打寶賣錢

但係我呢 D EC
仲命中注定自己一個打日任升既 EC
真係無乜可能搵錢……

依家我搵錢既方法係叫神子挖寶
之後去賣錢
一日有多 20M 左右收入（挖領地、山脊，仲要係用 4 隻神子去挖……）

作者: orzxd 時間: 10-10-22 07:36 PM

對於二轉呢樣野我都有諗過
而家玩黎玩去d技都係甘唔悶至奇

用cso作例子
用大約80-100hkd 已經可以買到一把永久槍
點解幻月唔諗下唔抽蛋轉出只係用100-300既錢俾我地買到一d屠龍/暴風/白蛇既裝呢?

作者: badylok009 時間: 10-10-22 07:59 PM

佢直頭係用錯方法賺錢
大賺一筆之後冇得再賺,冇生意頭腦

殺雞取卵,正一死蠢

作者: damek 時間: 10-10-22 10:06 PM

原帖由 orzxd 於 10-10-22 07:36 PM 發表
對於二轉呢樣野我都有諗過
而家玩黎玩去d技都係甘唔悶至奇
用cso作例子
用大約80-100hkd 已經可以買到一把永久槍
點解幻月唔諗下唔抽蛋轉出只係用100-300既錢俾我地買到一d屠龍/暴風/白蛇既裝呢 ...

其實如果你要抽齊一套屠龍、暴風或白蛇
我諗至少都要 500

一般要抽成 1000 蚊左右先齊到一套

作者: 札卡維 時間: 10-10-22 10:47 PM

樓主真係好細心數出幻月之歌有d乜問題,
奈何樓主漏了人既問題冇講到出黎?

作者: 魔楓 時間: 10-10-23 01:43 AM

我覺得出R版沒問題, 相反是抽蛋抽中寶機率太低、太多垃圾!!
有時唔係玩家唔想比錢玩game, 但抽件寶買成2~3張$128點都抽唔中, 仲要抽堆爛鬼垃圾出黎唔值錢又冇用, 會唔會太過份??
其他game好似SD_達咁, 淨係買1張$120既點卡, 抽唔到想要既野, 都起碼有game錢、有其他實用野,
幻月就抽埋堆垃圾出黎, 賣比NPC得果1蚊,即刻想del隻game唔玩喇

但其實個人都係唔鐘意商城出抽蛋, 寧願比點直接買, 永久貴d都唔緊要, 唔洗好似抽蛋咁「無底深淵」

作者: 魔楓 時間: 10-10-23 02:35 AM

二轉同埋爛鬼商城問題真係要認真考慮

另外個人建議

修改低Lv打高等怪吸EXP既設定
基本上舊玩家練副職或開新人練, 只要搵個高Lv既fd或者自己雙開帶打高等怪就可以勁吸EXP,
導致低Lv地圖長期冇人氣, 新手又點會有心機玩呢??

強化尋隊功能
當有玩家用尋隊功能登記果陣, 畫面上彈出一個框出黎提示, 好似依家擰到寶&達Lv100/110咁彈個黃色框出黎提示,
跟住按個提示直接可以密人/自動開個尋隊界面出黎, 從而有效推廣使用尋隊功能

新增各城「免費」傳送點
雖然依家聖泉有NPC比錢傳送去風里&灰岩, 但始終要比錢就唔會成日用,
建議開設各城免費互傳, 等玩家可以自由穿梭各城開檔擺攤 & shopping行街, 亦都可以增加返聖泉&風里既人氣

增強競技場pk對戰
升到高Lv冇野做, 就要推廣玩下pk, 當然唔係開紅濫殺新手...
建議裝修粉飾下風里個競技場, 新增對戰勝率擰稱號、對戰分數換寶物等等功能, 考慮設計小隊對戰、NPC管理對戰等候名單等...
除左風里, 其他城都要開個NPC傳送到競技場, 全力推廣非開紅pk對戰, 留住無鎖事事既玩家

另外唔該唔好再開一d殺人既稱號, 攪到d高手有藉口起度濫殺中&新手, 導致中&新手無心機玩隻game

以上幾點...

作者: 笨螢螢 時間: 10-10-23 12:16 PM

我對2轉要由40級開始重練不同意,
這對早開始玩的玩家不公平,
重練雖然厲害點有2轉,
但由40級開始太漫長,
可以由80,100,120 是但選幾時轉,每1轉就-20 lv ,
即80變60重練,100變80重練,如此類推,越遲轉就會有越強
而且有得2轉,幻月又可能變3轉,4轉,5轉,6轉
轉到唔知玩咩或者1轉都只是加多少少厲害,=3=
bug方面領地bug已經修正,
強烈要求修正105副的時空女神王bug及天狗丸bug,
會令人彈game,咁打法點打??
打到5%個時,全部人彈晒,又要重打過,很過份....
而且小天使才12s,要求延長時間,還要周圍跑一次才5%圖鑑,很屈機

[ 本帖最後由笨螢螢於 10-10-23 12:21 PM 編輯 ]

作者: badylok009 時間: 10-10-23 08:07 PM

相信出二轉要考慮好多技及其平衡性
結論:橙仔邊有咁好人出二轉呀,冇可能

作者: ~阿ken~ 時間: 10-10-24 01:23 AM 標題: 回復 28# 札卡維的帖子

SORRY!!!因為我工作性質比較忙..所以唔係太能夠對每個玩家的問題作討論
本人原意其實係想開發商盡量迎合各玩家的需要.因為提出各種解決方法,以作遊戲商參考!!
另外亦是希望大家可以係倒討論,因為熱烈的討論先會引到遊戲商的留意..!!!
因為玩家的怨氣以各種粗口或不雅的言行來發表...往往不會得到什麼回應!!
所以希望大家作理性討論..就唔好有D(助語詞)同埋(攻擊性)的詞句係呢倒出現...THX!!!!^^
本人會盡量係倒同大家傾下計..討論下各問題!!!!希望大家積極愛言啦..XD^^

作者: ~阿ken~ 時間: 10-10-24 01:28 AM

當然二轉需要考慮好多方面的要素..但如果各位能幫提出意見...協助遊戲商開發!!!
咁大家就會快D多野玩啦..
另外..有玩家提到攻城系統...本人極之讚成...亦十分喜歡這攻城戰略!!!這集是合作性..個人技術及策略於一身的活動..
但希望取得攻城地的工會能獲得豐厚的攻品...並不是那些有限日子的清費品就比較好...因為這會大大減低玩家玩樂的興趣!!
另外亦希望增加組隊的人數..方便大家升級及參與副本活動..!!!(始終多人玩會比較高興XD^^)

作者: SiU~軒 時間: 10-10-24 11:02 AM

好同意樓主講既野
式神問題,裝備問題同bug問題
橘子第一次出R版式神時個個都呆了(包括我)
我退出都係因為成日出R版野

作者: 小紜＊ 時間: 10-10-24 04:52 PM

小紜來十卜牛牛先 >v< 推推post a__a

作者: ~阿ken~ 時間: 10-10-24 05:16 PM 標題: 回復 36# 小紜＊的帖子

哈哈!!多謝紜紜XD
專心D返工!!!!唔好側偷上網丫/﹏\"

作者: 小紜＊ 時間: 10-10-24 05:35 PM

原帖由 ~阿ken~ 於 10-10-24 05:16 PM 發表
哈哈!!多謝紜紜XD
專心D返工!!!!唔好側偷上網丫/﹏\"

比牛牛發現左tim =3=
我好悶啊 /口\今晚記得陪我打副喔

作者: damek 時間: 10-10-24 10:14 PM

原帖由魔楓於 10-10-23 02:35 AM 發表
修改低Lv打高等怪吸EXP既設定
基本上舊玩家練副職或開新人練, 只要搵個高Lv既fd或者自己雙開帶打高等怪就可以勁吸EXP,
導致低Lv地圖長期冇人氣, 新手又點會有心機玩呢??

這是很多遊戲都出現既問題
但幻月之歌有一個更大既問題
就係開始地點係未來聖泉
所有老手都去唔返果度

而老手有大部份都係灰城擺攤
新手起碼要升到去風里先見到少少人

強化尋隊功能
當有玩家用尋隊功能登記果陣, 畫面上彈出一個框出黎提示, 好似依家擰到寶&達Lv100/110咁彈個黃色框出黎提示,
跟住按個提示直接可以密人/自動開個尋隊界面出黎, 從而有效推廣使用尋隊功能

幻月既尋隊的確 OK 雞 ﹣。﹣

新增各城「免費」傳送點
雖然依家聖泉有NPC比錢傳送去風里&灰岩, 但始終要比錢就唔會成日用,
建議開設各城免費互傳, 等玩家可以自由穿梭各城開檔擺攤 & shopping行街, 亦都可以增加返聖泉&風里既人氣

基本上
商城已有各城既通行證
你俾錢就有

增強競技場pk對戰
升到高Lv冇野做, 就要推廣玩下pk, 當然唔係開紅濫殺新手...
建議裝修粉飾下風里個競技場, 新增對戰勝率擰稱號、對戰分數換寶物等等功能, 考慮設計小隊對戰、NPC管理對戰等候名單等...
除左風里, 其他城都要開個NPC傳送到競技場, 全力推廣非開紅pk對戰, 留住無鎖事事既玩家
另外唔該唔好再開一d殺人既稱號, 攪到d高手有藉口起度濫殺中&新手, 導致中&新手無心機玩隻game..

已有對戢勝率既稱號
攞完果個稱號
有排你先惡

小隊對戰好多遊戲都有
我覺得反而係可以整個對戰系統，就是邀請對方 PK
接受後就可以白名 PK

作者: damek 時間: 10-10-24 10:17 PM

我尋日又發現一個 BUG
我去聖泉整武器
整一件，彈一次 GAME
咁要大量整武器米一定死梗？

作者: 三隻字 時間: 10-10-24 11:43 PM

2個字,哂氣..

作者: 吉b` 時間: 10-10-25 10:11 AM

真係有心打咁多野出黎-_-...真係好...多謝

作者: 魔楓 時間: 10-10-27 09:37 PM

原帖由 damek 於 10-10-24 10:14 PM 發表
這是很多遊戲都出現既問題
但幻月之歌有一個更大既問題
就係開始地點係未來聖泉
所有老手都去唔返果度

入面還要有一大堆幣商駐腳洗頻

商城已有各城既通行證
你俾錢就有

我都忘記了商城有賣

但如果要錢/game錢，就沒有人會願意用了，最後玩家仍然只會在最後面的城聚集

已有對戢勝率既稱號
完果個稱號
有排你先惡
小隊對戰好多遊戲都有
我覺得反而係可以整個對戰系統，就是邀請對方 PK
接受後就可以白名 PK

其實這點是針對現有的風里PK場，新增PK場內對戰獎勵，讓玩家多聚集、閒時PK作樂而不用變紅名；
而邀請對方PK這點，都是個好建議，可以隨時隨地白名PK對戰

而現有的殺人稱，一來要開紅殺人、二來讓喜歡濫殺的玩家有籍口亂殺新手

[ 本帖最後由魔楓於 10-10-27 09:51 PM 編輯 ]

作者: yutaka99 時間: 10-10-28 12:06 AM

{{其實這點是針對現有的風里PK場，新增PK場內對戰獎勵，讓玩家多聚集、閒時PK作樂而不用變紅名；
而邀請對方PK這點，都是個好建議，可以隨時隨地白名PK對戰 }}
絕對係好提議!!!!!!

作者: damek 時間: 10-10-28 01:30 AM

原帖由魔楓於 10-10-27 09:37 PM 發表
入面還要有一大堆幣商駐腳洗頻

根本絕大部 online game 都時這樣
其實職頻係可以熄
我個人係唔開大頻同職頻

我都忘記了商城有賣
但如果要錢/game錢，就沒有人會願意用了，最後玩家仍然只會在最後面的城聚集

人哋始終係「牟利公司」
有名你叫，黑橙

同埋回城等物品
好多遊戲都係點數品

如果佢出埋自由記點、傳送既點品
你仲驚…… D 紅人就玩傳送玩死你

其實這點是針對現有的風里PK場，新增PK場內對戰獎勵，讓玩家多聚集、閒時PK作樂而不用變紅名；
而邀請對方PK這點，都是個好建議，可以隨時隨地白名PK對戰
而現有的殺人稱，一來要開紅殺人、二來讓喜歡濫殺的玩家有籍口亂殺新手

主因係…… 開紅洗白太煩
同埋我個人完全喜歡 PK

不過白名邀請 PK 係一個好系統
佢唔做我哋都無佢辦法
PS PK 場有獎勵既話，實有班人去果度開按精同你日洗夜洗

作者: scottowen 時間: 10-10-29 03:15 AM

原帖由 ~阿ken~ 於 10-10-24 01:28 AM 發表
當然二轉需要考慮好多方面的要素..但如果各位能幫提出意見...協助遊戲商開發!!!
咁大家就會快D多野玩啦..
另外..有玩家提到攻城系統...本人極之讚成...亦十分喜歡這攻城戰略!!!這集是合作性..個人技術及策略於一身 ...

有左攻城, 相信唔少玩家即刻會有番心機

作者: yutaka99 時間: 10-10-29 04:05 AM

攻城10分正~!! 多d野玩唔使下下打怪~夠晒爽

作者: 等你吉菊花 時間: 10-10-29 06:49 PM

唔+gd俾你對唔住自己

作者: 魔法糖 時間: 10-11-2 01:38 AM

完全同意大家所講既野!!
1)不再說式神,真係好唗氣...
2)衫都不再說...
3)等級上限, 大家玩得隻麵玩封頂, 封左頂又開等, 自己又唔想去升了.. 可以開二轉系統應該不錯的說!!
4)BUG既野, 隻隻game都有,冇一隻game係完美的. 但我覺得有少少BUG野唔整反而更好(eg. bug技去打副本, 不是bug小戰技, 小戰技我都覺得係好過份...)
5)小妹曾經玩過日服, 真好唔錯. 買扭蛋, 10隻有8隻中, 唔會中垃圾野. 香港係其他地方試驗點...
6)小妹成日路過d紅人身邊都比人殺, 身上的死卡白白浪係佢身上...t_t hk出pve基本上好少人玩...就如上面講, 整好個pvp場仲好啦=]
7)傳點問題, 佢唔係唔比去邊去邊既,比少少錢仲可以接受既, 只得係聖泉...有去沒回頭.係差d既...(我book左係聖泉,唔想浪d回城卷/回家術,我會做副本彈番去(入左副本,轉ser 就可),再飛去該地)
8)學技能問題, 作為一個小小雙祭, 學技真貴到呢... 小小ec又搵唔到好多錢... 103lv 3蕉技已花去200m, 辛辛苦苦草回的錢, 一下又花去... 學技用d哂錢,又買唔到勁裝...可以的話調整一下會更好!
9)beanfun!用戶有少少問題, 問題我都懶去反映了... 對於我是太大既, 不過都講一講. 自開左新職之後禁esc 米有粒轉ser制, 佢整過之後正常用戶都可以用此功能, 但baenfun!用戶每次禁完之後都係轉唔到ser,仲要hand左係轉ser畫面... (轉ser 只可以關game再開, 很煩的說對於我來說有=無!)
10)雙人坐騎唔知係唔係beanfun用戶先有這個問題. 一轉頁都個彈game...(有車人時,但沒有,不會的) 咁我買黎做咩? 好冇引...

如果爛橙唔係出得隻game 咁多問題, 我都會推介比d fd玩啦=]
順帶一提, 小妹係會看game書的習慣(睇咩game唔講了,費事廣告時間)大部份game書已經沒有divina既影了... 最新既都講岩岩開新職果到..
我地講咁多野, 爛橙都唔知聽到我地既聲音... 次次反映完都有一頭半個月先去整... 一定要事太過嚴重先去整!
如果爛橙唔再正視問題, 玩家一個一個咁走, 爛橙你又搵唔到銀,值得咩? 到最後可能沒有玩定再玩爛橙代理既game咋~

作者: yutaka99 時間: 10-11-2 03:36 PM

重有game書講算好好了=.= ~而家超多game出唔夠2個月影都冇埋~心寒=w=
game書我個個星期買晒3本=3= 好多岩岩出冇耐既已經冇左~8月封測~9月無影xd
老實講幻月真係整得唔錯~起碼唔花hkd或者花少少都已經可以好勁~衝裝整裝個d都可以靠自己~有好多game唔花1萬幾千根本冇可能勁~更可怕有唔少game要花幾萬蚊=.=
的而且確幻月係比日本or其他地方玩既~人地市場閒閒地都有hk 10倍~同埋日本人好少爆肝衝lv~通常都係慢慢升~傾下玩下咁~耐玩到又高好多~賺得一定唔少xd
不過我認同唔應該由hk衰落去~雖然講到賺錢就一定比唔上其他地方~但係我地都有唔少人出過好多錢買點玩~
好彩見到官方都有改下d 大bugs~ 如果可以再平衡下職業之間個平衡就10分好 ~(忍者太屈了~xd)

作者: yutaka99 時間: 10-11-2 03:37 PM

開唔開等級上限唔係最重要~而係應該整理一下各職技能~專精~唔係遲下玩晒忍者都ok了~戰士~拳師~機工~法可以掉埋一邊了/__\

歡迎光臨 2000FUN論壇 (https://www.2000fun.com/)