2000FUN論壇
標題: [回想]如何認識海賊王? 為何讓你著迷? [小型加分活動] [打印本頁]
作者: 壽司－ｖ－ 時間: 10-10-26 09:07 AM
標題: [回想]如何認識海賊王? 為何讓你著迷? [小型加分活動]
小型活動
活動日期: 10月26至12月31日
活動簡介: 各位會員如何認識海賊王(One Piece),為何會讓你繼續看下去?
有什麼吸引,都可以在此說出!
活動獎勵: 10至50分(視符文字數量,整齊,色彩而定)
其他活動注意事項:
1. 每位會員只可以參加一次,違規者則當放棄論
2. 若會員內容過份不當,違反版規,則不作加分,且看程度而扣分
3. 會員可於活動帖子內回覆聊天,進而了解會員
4. 本帖呃post者會作雙倍處罰,切勿以身試法
5. 希望各位會員而真誠,真實的心來回覆
6. 所有活動加分分數由版主全權決定,不得異議
格式如下:
- 如何認識海賊王?
- 我xxxxxxxxxx(略5000字)
- 為何讓我著迷?(若在認識海賊王時已經說出則可不用回答)
- 因為xxxxxxxx
惡搞圖片:
路飛: 壽司－ｖ－,艾斯(已死): 壺一v一
[ 本帖最後由 壺一v一 於 10-10-26 02:24 PM 編輯 ]
作者: 壽司－ｖ－ 時間: 10-10-26 09:20 AM
先由版主自己親自為這個活動回答:)
如何認識海賊王?
我認識海賊王要在3年前講起...
當時我玩緊某隻online game,
壺一v一突然同我講,
睇one piece,而當時又無野做..所以就去左睇
睇睇下覺得幾ok...就睇落去...
一睇就追左3年...
而家每日都好期待下星期既海賊王...
唔知咩原因...無左佢好似無咁d野咁...
為何讓你著迷?
可能係因為one piece夠熱血,
又或者係因為佢劇情唔急,而且唔會拖..
伏筆多,即使主角都唔會有不敗論...
最大可能係因為當時我太寂寞...(引用百度的,嘻嘻)
另外自己加的:
我最希望one piece...
我最希望one piece可以係香港多d人認識...
而且希望one piece可以一直長存落去...
唔會有結束既一日!!!
各位會員未必要跟足我的格式,格式隨自己而定,
顏色,字體,任何各種各樣的可以自行設定,
不是跟足我就代表加分越多啊!
p.s 自己評分( 25分-_-字體不多,文字簡單)
[ 本帖最後由 壽司－ｖ－ 於 10-10-27 09:55 AM 編輯 ]
作者: 白龍．文 時間: 10-10-26 09:35 AM
做緊功課-.- 無聊留下言....
以前海賊王出果陣無咩點留意。。意思係無去追
但係自己知道好鐘意。。果陣去堂哥屋企得閒睇幾集。。
吊下個引。。幾正
點解會去睇海賊王？原因係主角路飛
雖然好似無咩特別。。不過係比佢個性格同埋佢個惡魔果實既能力給引左。。
之後去到英國 忍唔住去追漫畫 用左一個星期追左四百幾話
爽
到而家。。個劇情真係愈黎愈頂引
想知兩年後有咩新野
btw, 真係無聊留下言－－"唔係想加分先留... (不用加分也可以的)
作者: alex2005ex 時間: 10-10-26 10:07 AM
你話我點樣認識海賊王
我諗都幾深遠啦
我記得我第一次接觸海賊王既時侯我仲係六年班既小學雞一名
係我一朋豬朋狗友叫我睇海賊 佢地話
想睇一套有男兒淚既動漫真係難搵呢
佢地好認真咁同我講 所謂既友情可以係海賊中尋覓到
聽完佢地既對話之後 我就對海賊產生興趣 開始我既人生偉大旅程
迷戀
對海賊既迷戀 我相信大家係頭二十集都可以充份咁睇驗到
兄弟情 友誼 伙伴 永恆不變既定義 小小既二十集已經可以令你淚流滿面
個陣我睇到娜美比魚人龍出賣個陣 我真係忍唔住喊左出黎
喬巴既我諗係最深刻 亦都係最感人既一片[個人認為]
呢樣野都係我狂追海賊既第一原因
格鬥
路飛既二三檔 卓洛既三刀流 山治既黑足
相信有睇既都為人熟識 佢地經過時間既洗禮而慢慢進步
另外我好明白佢地戰鬥既原因
佢地唔係為左名利而戰鬥 而係為左同伴而戰
佢地唔係無啦啦開三檔秒左個海軍
而係有目的咁向前進
呢個都係我狂追海賊既第二原因
總結:我希望海賊可以做到我死個日都仲做緊落去
因為呢樣野係我既童真 亦都係我腦海中既友誼定理
作者: cnc20033 時間: 10-10-26 11:29 AM
點樣認識海賊王?
嗯...我認識海賊王的時間有6年了
當時自己無聊上下網睇下有冇咩好睇既動漫時
無意中發現一套漫畫
叫海賊王感覺上好新奇就開始試下睇
點解會著迷?
戲情上真的令我很著迷
主角跟同伴為了實現自己的夢想相相一起出海
有時戲情上主角們的表情十分搞笑
他們的冒險很熱血又緊張
他們可以為了同伴不怕死亡的去跟強大既敵人戰鬥
為了同伴可以跟政府為敵
看了路飛燒梅利號的哪一話時真的十分感人
每一天都奇代下一話會點呢又有咩冒險同有咩新同伴加入
真的十分給引 令我一路追看的一套漫畫
不看真的對不起自己呢
題外話
現實上有人真的什麼都不怕勇往直前的去實現自己的夢想呢??
現在自己都買了不少海賊王的東西同POP
難道我以經走火入魔了嗎
[ 本帖最後由 cnc20033 於 10-10-26 11:31 AM 編輯 ]
作者: 壺一v一 時間: 10-10-26 11:52 AM
~~~~~~~~~~~~~~~~~~~~~~~~~~~~~~~~~~~~~~~~~
中文O_O
~~~~~~~~~~~~~~~~~~~~~~~~~~~~~~~~~~~~~~~~~
4年之前,我還是一個中學生。
我覺得活起來很痛苦因為我對任何東西都無興趣。
我每天只是懂得打開部電腦來玩線上遊戲。
只不過,有時玩得多我都會覺得悶,因此我會打開線上電視(PPS)黎睇電影。
我記得噹時我按下最新更新的字眼之後出現海賊王,於是我就按落去到
我記得果時佢係打緊CP9 十分緊張,因此我對呢套卡通產生好大的興趣。
從噹時到現在,已經4年幾了。係途中我還介紹左比唔同的朋友睇
每個人睇完都話好睇(其中一個仲係我地另一位版主壽司－ｖ－悿)
現在的我不止追看動畫,漫畫都列入我每星期要看的工作入面
我真的很希望推介海賊王比每人位朋友認知,因此海賊王區會係2000FUN成立
~~~~~~~~~~~~~~~~~~~~~~~~~~~~~~~~~~~~~~~~~~
英文O_O
~~~~~~~~~~~~~~~~~~~~~~~~~~~~~~~~~~~~~~~~~~
Four years ago, when i was a high school student.
I was not interested with everything, i could not give life meaning.
The only thing i did is playing computer games. However, I will feel bored in sometimes, and therefore, I will turn on the PPStream and watch the movie.
I remembered I clacked on to the butter called Latest Updates, and it showed a lot of movies and cartoons.
One of the cartoons called One Piece. I was interested with this name so i watched this cartoon.
At that time, the main character got into a fight with CP9. That was really exciting.
Therefore, i have become one of their fans for four years.
On the four years of process, i recommend to the people who around me.
(One of the people who around me was the other moderator called Sushi one v one)
Now, i do not just focus on One Piece Cartoon, i will enjoy the comic book too.
And i already put the One Piece comic book into my daily work.
The One Piece member area can set up in 2KF because i really want to recommend all of the people to know that.
$$$$$$$$$$$$$$$$$$$$$$$$$$$$$$$$$$$$$$$$$$$
題外話
天馬行空 九唔搭八的POST 如果都係關於海賊王的話佢就係一個正式的討論POST
希望大家以和為貴 作出垃圾一般和令人反感的回復倒不如唔好問POST
為左呃一分 不如 貼張圖上黎比我加幾分仲好
作者有作者想法 會員可以就事件天馬行空的發展 大家就一齊去果果方向發展
大家記住 呢套係卡通 如果傾起黎的話 大家就唔好多多幻想 唔好咩都中斷別人說法
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
[HIDE=999999999999]
加埋成6百幾字 你話5千字會唔會打錯呀76
如果可以回人地就SET定個格式
[/HIDE]
[ 本帖最後由 壺一v一 於 10-10-26 02:28 PM 編輯 ]
作者: 桑田 時間: 10-10-26 12:01 PM
如何認識海賊王?
我由2年前開追..果陣睇緊火影..之後見到佢動漫咁離晒戒.
無心再睇落去..之後我見班果d都有睇海賊王.我就問咩黎.
你地愈講我就愈想睇.我開始追果陣系漫畫開始睇.仲要4xx集睇.
跟住我就開始動晝.同漫畫一齊追.
為何讓你著迷?
海賊王令我著迷既地方系.佢好少悶場.個人我鐘意睇激d
有感人部份.佢地既友誼.佢地一齊既趣事.
題外話
我同壽司一樣希望佢可以長存..好似龍珠咁..
過左咁耐都會有人睇..
但希望佢在我有生之年可以出晒..
作者: xx獵. 時間: 10-10-26 12:50 PM
如何認識海賊王?
我係由一個表弟身上知道的..
我未睇海賊王之前..仲係一個只係識火影既小朋友
為何讓你著迷?
係因為佢每次有打鬥場面..都係令我有起雞皮既感覺
因為佢地打鬥的時候..我睇到佢地真係用盡身上既力氣黎保護同伴..
係現實上..真的好難出現呢個情況..
同埋佢每個人都有自己小時候的經歷..
每個看完都能令到我很心酸..
燒船的時候.. 他們每個都會回想起與它經歷過的事情..
令到我都不禁流下了男兒淚..
兩年後..希望佢地以後都唔會再分開..!!
讓每個人都找到他們自己的夢想!
就這樣!!
題外話!
我希望更加多的朋友..
不要只在做井底之蛙..
仲有海賊王都仲未睇..
只係日日睇火影忍者..
未睇過就話唔好睇既..
唔該你地快D睇哂佢..
就這樣!!
作者: 黃米奇 時間: 10-10-26 12:51 PM
如何認識海賊王?
我開始認識海賊王係由ATV播
果陣每個星期都追海賊王
最記得係由第一集播到佢完
果陣已經起碼係8年前
所以我追左海賊王已經有8年或以上
果陣仲未係電腦發達既年代
果陣買電腦等同買一部電視@@
最記得買左電腦 上到網
立即去DL海賊王
DL完成套 已經3XGB
以前日掛夜掛 就係掛海賊王粒種子
真係掛左幾日幾夜先DL完
之後就從第一集開始睇
開始每個星期DL落黎睇
為何讓你著迷?
可能係因為one piece夠熱血掛
加上佢D劇情真係好正
例如d伏筆
好似隻鯨魚 等緊佢既主人
真係估唔到 原來係等緊 布魯克
追動畫果陣 真係正到
之後睇返鯨魚果到 真係
唔好唔記得 鯨魚同布魯克 漫畫時間 最少相差6年以上
所以尾日d伏筆 可以正到咁
而且海賊王d人物個個性格唔同
有時佢地做埋d傻野 真係從心底笑出黎
睇海賊王 真係唔係只係得打鬥畫面
佢真係有 所謂既熱血
燒船果一場 真係眼仔都喊出d淚
真係好正 海賊王！！！永遠支持你
另外自己加的:
我最希望海賊王 可以比好多人認識 因為佢真係一套好正既動漫黎
現今或以後 最睇看的動漫之一
[ 本帖最後由 黃米奇 於 10-10-26 06:23 PM 編輯 ]
作者: 132131231231 時間: 10-10-26 12:53 PM
如何認識海賊王?
我xxxxxxxxxx(略5000字)
為何讓我著迷?(若在認識海賊王時已經說出則可不用回答)
因為xxxxxxxx
又話5000字. 個個得個幾十隻字
作者: 琉璃`光 時間: 10-10-26 01:06 PM
如何認識海賊王?
我仲記得幾年前,我只係識火影-.- 所以係咁追火影 之後D FD話 仲睇火影 D人死完又番生(果陣係話緊我愛羅番生果到-.-
睇OP啦. 果陣時 我連OP係乜都5知-.- 之後就第一集開始睇起. 一開始路飛就自己一個坐船去搵同伴果下`我覺得佢好傻-.-之後去到搵到索隆同埋打埋個斧手之後`我覺得.E 又幾熱血wo 到到去海上餐廳搵到山治.同埋索隆同鷹眼第一次決鬥.
我一定記得係24集-,-+ 因為成日都睇囧,打埋克利克之後`(之前仲打埋貓人-,-我記得路飛佢地就去追番娜美.然後打敗魚人呀龍`之後5個人之後就入偉大航道了.睇到E到既時候 我已經好有衝勁慢慢追落去X_X
火影係有好感動既位.但係都冇令我喊到.但係312燒船果次..我仲記得第一次睇果時 聽埋首dear friend 我真係喊左
梅利號係偉大航道之前.就已經載住路飛佢地一直冒險,入偉大航道.去沙城.去空島.水城.最後仲係司法之島救埋路飛, 差5多300幾集既回憶...就係路飛燒船果下出哂黎-_- ..唉..
然後,雖然火影死神同海賊王同樣熱血,但係大家都有好睇之處~_~ 冇話邊個比邊個好.
我追左咁耐..望住佢地個個變得更強.都係為了同伴..都5想失去大家.所以要變得更強去保護佢地: ) 我仲記得路飛係司法之島講過e句...最後都救出了羅賓
其實好羨慕佢地.可以咁自由係海上航行`咩壓力都冇: ) 我諗我睇海賊王都因為鐘意佢地既自由`同埋熱血.最緊要,對佢地已經好有感情了.雖然只係虛構既人物.但係已經陪左我3年了.偶爾有幻想也是不錯xd
(已經開始詞窮-_-
最後,其實佢地每一個人.都有一個夢想.雖然有d夢想係好無聊.但係佢地都為左佢地既夢想`而不斷前進
真係俾到我好大勇氣..然後又令我諗起句野.人冇夢想同咸魚有咩分別 !
好了,感想就咁多-3- 繼續等602情報...
[ 本帖最後由 琉璃`光 於 10-10-26 01:07 PM 編輯 ]
作者: angus1002002 時間: 10-10-26 02:15 PM
已解決~補字~補字~
[ 本帖最後由 angus1002002 於 10-10-26 05:30 PM 編輯 ]
作者: kalklpp 時間: 10-10-26 03:07 PM
如何認識海賊王?
細個7-9歲個時見過1面本港台個時d畫面好差只識睇超人e+想起刀好on7+2
到左14-15歲無野岩睇走去睇OP 用左幾日先睇完而中左毒了就1直追洛去
為何讓你著迷?
個人中意d熱血 打鬥 冒險 的動漫
另外自己加的:
想比多d朋友識多d OP
作者 作得更好
OP
萬歲!!!
[ 本帖最後由 kalklpp 於 10-10-26 03:24 PM 編輯 ]
作者: 壽司－ｖ－ 時間: 10-10-26 04:49 PM
原帖由 angus1002002 於 10-10-26 02:15 PM 發表 
3. 會員可於活動帖子內回覆聊天,進而了解會員
5. 請勿回覆其他活動參加者的留言
姐係可以定唔可以?.?
已了解
作者: ∮﹏孽緣×〞 時間: 10-10-26 05:28 PM
如何認識海賊王?
係朋友既介紹下而去接觸海賊王的 起初覺得無乜特別 但睇耐左又覺得幾好睇 一追就追左兩年幾
為何讓我著迷?
令我著迷的原因是路飛的保護同伴的精神使我很感動而著迷的同有d好感動既場面
作者: popoma 時間: 10-10-26 05:55 PM
如何認識海賊王?
我睇jump 只係睇火影,家教,死神,直到銀魂係咁扮one piece加上我比娜美吸引左orz同有fd 追one piece 中咪追埋一份
為何讓你著迷?
開頭收人都幾悶直到去water seven開始先至好睇
經過一個暑假先追哂 
當然one piece 有不少笑點
熱血點:有燒支旗,路飛抽cp9 ge 大佬.........
加上尾田會經常用副角唔會冷落佢地
講到淚不得要講艾c死,睇到艾c 幫路飛擋個拳同張生命紙燒左 眼濕左好耐
題外話
one piece 係 jump 來講係一哥
作者: toto2005 時間: 10-10-26 06:14 PM
標題: 如何認識海賊王?
我記得我以前細個既時候重住係黃大仙慈雲山. 果時同爸爸 媽媽 奶奶 同埋同父異母既大哥. 大哥(佢依家已經差吾多30歲)好錫我 平時會同我玩 好似係我親生兄弟咁！
有一晚. 我同哥哥坐左係"槍"邊. 拎住張a4係到數有咩巴士經過 數下數下 真係悶. 就開電視睇 見到有做op 但係咩集數吾記得 但好記得有山冶用果招好舊識既轉腳.(姐係雙手按住地 隻腳係上面轉果招) 睇左吾夠一陣 就比爸爸叫去訓. 果時開始我已經對op有興趣. 但因為我重細 吾比睇電視睇太夜 直至我升小六. 我爸爸同媽媽離左婚. 我地搬左去天水圍住之後. 就變曬. 奶奶依家過左身. 爸爸分左居 大哥又已經有好多年沒見 就算依家我一直有追開op 但已經搵吾番以前果種感覺. 時話時op已經陪足我十年. 因為op 我同朋友有話題. 因為op 我明白到op吾係一套漫晝咁簡單.
作者: soniiison 時間: 10-10-26 06:30 PM
如何認識海賊王?
係經我一個朋友介紹開始有睇._.但係一開波只係睇下最新果幾集....但係因為5知之前架劇情發展所以都無咩認真咁去睇._. 但係我上年返大陸果陣咁岩播緊cp9果到, 果到咁岩畫風改左令到我完全中意左海賊王A___A
為何讓我著迷?
因為海賊係而家我認為最好睇架漫畫A___A而且劇情鋪排良好,情節又感人加熱血!!!!總之越追越有引A____A
作者: rockytea24 時間: 10-10-26 06:46 PM
如何認識海賊王?
這個主題真的令我回想起當初.
去到一個朋友家中.
發現佢部電腦正在放影片.
當時覺得這套動漫好特別.
每個人都追逐自己既夢想而出海.
於是由第一集開始睇.
為何讓我著迷
因為第一次而海賊為主角既形式.
令我深深地留下印象.
而船長不顧自己生命去救自己既同伴.
又三番四次有出乎意料之外既劇情.
有時還看不到也會發火.
有好多好多既劇情令我流淚
由於親人的死令主角發掘進一層既力量.
這也是唯一既一部漫畫係我認同.
我希望one piece有更多更多既人認同..
一齊支持one piece
作者: aesopr23 時間: 10-10-26 07:21 PM
如何認識海賊王?
講真的..我以前認為海賊王係好悶好悶的動畫.
因為好長好長(成4百幾集)冇心情去追.
有一日我家姐帶左一合cd番來.
一睇大家都咕到係咩(海賊王)1~400的
果時我如果唔係家姐影響可能今天都會認為海賊王係好悶的動畫
果時我睇第1集都係(認為一般姐.唔係好好睇)<-係同我家姐講.
之後我家姐叫我睇多幾集先再講野
再睇到3~6集開始慢慢想..(嘩..手會變長.又幾正)
再後少少(用3把刀都幾型)
到左救娜美果到(為左救娜美出來..路飛大叫果到我真係眼都紅左)
就係咁到左娜美果到..又同我家姐講..(家姐唔係你我都唔會睇海賊王.真係好正的尼.)
冇想到海賊王真係有笑位有感人有人情有合作等等...
作者: [HK]賢先生 時間: 10-10-26 07:30 PM
如何認識海賊王?
XD不錯的問題
小五上小六的暑假吧(現在中一了)
該時不是好了解日本漫畫的(現在一樣不是好了解的說 囧)
準備借FA漫畫的時候 特然見到一本叫''海賊王''漫畫
便8掛一下了;)
為何讓我著迷?
嗯..情吧 有N集中我流了小小淚的說;)
作者: tomy11 時間: 10-10-26 08:42 PM
如何認識海賊王?
係我F.1果陣時 我仲係睇緊火影,FT,家教等等的動漫的中學生
有個fd不斷同我講ONE PIECE ONE PIECE....
ONE PIECE有幾好睇,點點點等等 我就係好奇驅使下
就開pps黎睇 點知呢套野係我細細個果陣好似係唔知邊到
睇過咁 熟口熟面咁 就繼續睇落去
就係咁追左幾年
為何讓我著迷?
Maybe One Piece的作者尾田大神的畫漫畫手法?!
呢套漫畫我覺得唔會同其他類型的漫畫
比較血腥 重要的係佢畫呢套漫畫差唔多
各個人物都唔會死 我覺得呢個係佢既特色
呢套漫畫有血有淚 比人一種感覺係有情感,好熱血
佢係按照主角的經歷黎畫落去 再續各種興奮的冒險故事!
唔會太過天馬行空的
仲有草帽海賊團的成員次次都有笑料
令到套漫畫唔會太生硬 我真係笑左出黎
自己加落去的:
我希望ONE PIECE係香港可以得到青少年的認同
個個80,90後都知ONE PIECE呢套漫畫的存在
另外,希望尾田大神生體健康
ONE PIECE長做長有!
2000FUN ONE PIECE討論區 會更多人熟悉
更多OP迷入黎討論
That all.Thanks!
作者: 洛LoK~ 時間: 10-10-26 08:54 PM
如何認識海賊王?
其實我本身由細到大..
我都係睇開火影..
之後漸漸對漫畫既認識深左lu 知道原來仲有好多hit既漫畫
死神.家教.海賊 等等等..
以上既睇曬之後..咁岩星期6無無聊聊
就想追海賊王解悶... 開pps睇 睇左第一集 發覺都ok...
幾感動... 好似真人真事咁..
為何讓我著迷?
因為海賊王既背景寫得好..
每個人每個人既身世都有講...對佢地既理解好深..
每個人都為自己既理想奮鬥..尊嚴/友情/朋友..等
令到我都有d俾佢影響..
而家我追到3百幾集..
講到梅利號[utube]1WxExwrCQWg&feature=player_embedded#![/utube]..每一位每一位船員珍惜既物件..連船隻都俾佢感動..(講到個到..喊左
:cry: :cry: )
當然我睇緊都感動到眼濕濕..
[ 本帖最後由 洛LoK~ 於 10-10-26 11:50 PM 編輯 ]
作者: 愛情小雪 時間: 10-10-26 08:58 PM
如何認識海賊王?
我第一套睇既動畫係火影!2年前到開始接觸第一套動畫!果陣覺得好正尼套野!
到有個fd話:睇火影咁你不如睇埋one piece啦!人氣NO.1火影完全無得比嫁!
個陣我唔多信= =..不過太悶!結果開始睇埋ONE PIECE!
頭50集到都好似一般一般咁
為何讓你著迷?
頭50集到都好似一般一般咁
到佢去到沙國開始打..開始好睇!
2套都睇完幾百集咁計!
睇完ONE PIECE之後我難聽D講!
同OP比火影好似垃圾咁= =版中有火影迷請見諒
火影係為拖而拖..(而家好明顯)!
ONE PIECE動畫就開始衰左少少(但係都唔拖太多)漫畫就無拖!
回億係必要既資料!唔睇唔明!
同埋點解中意佢呢!?佢背景音樂(BGM)配入去好正!
主角不如其他動畫使用『不法程式』!
草帽團D人好笑 有團結!
312集動畫更加係感動TIM...好屈...有少淚水 (勁到集數都記得呀!幾深刻)
伏筆多 真係伏得好勁...好服尾田
尼套動漫綜合好多元素,又適合多人睇!
有人話畫工好似唔多好!但我想講睇內容著重畫工啦!
而且都唔係差囉ONE PIECE!
另外自己加的:
我希望ONE PIECE做極都有...(直到我死為止岩岩好完結 )
我希望D人唔好以為本身ONE PIECE人氣高就話跟風跟大隊話好睇!認真用心去欣賞
我希望...尾田係我個好朋友..成日透露D情報吊我引
作者: asd659 時間: 10-10-26 09:07 PM
如何認識海賊王?為何讓你著迷?
最初，其實只係無聊冇野做，咁岩見到onepiece排日本漫畫第一位，就好奇睇下有咩咁巴閉，可以排第一。
跟住咪開pps 睇第一集囉，睇下睇下又真係幾得意，個主角咁屈機，一招秒左一堆人，仲有惡魔果實，咪想追睇下仲有d咩果實。
一路追睇落去，就睇到唔同船員過去ge故事。而故事都係d令人感動ge事(最令我感動ge係燒船果part，到而家睇番都仲係好感動)，而且可以同主線的情節有關連，唔會比人一種多餘ge感覺。
[utube]1WxExwrCQWg&feature=related[/utube]
[utube]VwhTuoxEpZk&feature=related[/utube]
劇情能夠凝造到唔同ge氣氛，有輕鬆的、有惹笑的、有驚險的、有緊張的，吸引我睇落去︿而且唔會越畫越離譜(睇下死神d人屈機屈到....) 係主角身上可以睇到佢地之間的友誼，不容易分割，為同伴可以犧牲....好多正面ge野
佢地個個都有自己ge夢想，為左夢想而不斷努力，令我明白人有目標就可以......(唔識點講)
人類的夢想是永遠不會結束的！
只管把目標訂在高峰，人家要笑就讓他笑吧！罵人可以不帶髒字，打架也不見的非得要拳頭
[ 本帖最後由 asd659 於 10-10-26 09:17 PM 編輯 ]
作者: 破陣子 時間: 10-10-26 09:16 PM
如何認識海賊王?
一位朋友介紹的
在朋友介紹之前也看過這動畫的主角
就覺得主角是如此的營養不良也不怎麼帥
後來一直看下去之後
慢慢就覺得是如此的強壯
和相當的帥氣
為何讓你著迷?
因為有站在世界頂峰的海賊王
最強的劍士
持有世界地圖的航海士
勇敢的海上戰士
能醫百病的萬能藥
和舊伙伴重逢已經死去的人
看到自己的船走的世界盡頭的工匠
找到歷史正文的學者
找到ALL BLUE的廚子
他們走過的路能不令人著迷嗎
作者: popoma 時間: 10-10-26 09:46 PM
原帖由 asd659 於 10-10-26 09:07 PM 發表 
如何認識海賊王?為何讓你著迷?
最初，其實只係無聊冇野做，咁岩見到onepiece排日本漫畫第一位，就好奇睇下有咩咁巴閉，可以排第一。
跟住咪開pps 睇第一集囉，睇下睇下又真係幾得意，個主角咁屈機，一招秒 ...
滑滑果實條友家下去左邊
作者: asd659 時間: 10-10-26 09:48 PM
原帖由 popoma 於 10-10-26 09:46 PM 發表
滑滑果實條友家下去左邊
咪同巴基一齊
作者: popoma 時間: 10-10-26 09:50 PM
原帖由 asd659 於 10-10-26 09:48 PM 發表
咪同巴基一齊
巴雞條女
認定orz
作者: 上班族殺手 時間: 10-10-26 10:34 PM
如何認識海賊王? 為何讓你著迷?
細個果陣 放學 開亞視有得睇咪睇囉..睇睇下就上引
果陣好似係小3
之後中6~中2都冇再睇 唔得閒
到中3得閒啦 又追返 睇到依家
期待出最新
作者: 乂火星人乂 時間: 10-10-26 11:12 PM
劇情唔急,而且唔會拖.?
唔係掛....
作者: wengu 時間: 10-10-26 11:30 PM
如何認識海賊王?
之前唔記得左幾耐 , 見到屋企附近新開左間漫畫店 , 想整張會員証睇下漫畫 , 果時剩係知道棋靈王好睇 , 因為係tvb睇過幾集 , 睇完全套棋靈王之後 , 諗住搵下仲有冇其他好睇ge漫畫 , 我搵左好耐 , 又企左係漫畫鋪好耐 , 都好似冇咩漫畫個封面可以吸引到我 , 諗住走果時個老闆娘講左句"冇漫畫中意睇咩" , 不如睇下lee本 , 佢攞左海賊王出黎 , 講話不如睇下lee本 , 好多人都睇緊 , 我其實都唔係咁願意 , 因為封面真係冇咩特別 , 我翻左幾頁 , 睇左一陣 , 見到佢同克比講ge說話 , 感覺好正 , 於是就開始左睇lu , 幾時開始睇我就唔記得啦 , 我剩係記得果時海賊王出到33本單行本 , 大概係water seven , 之後一直追到依家~~
為何讓我著迷?
原因好簡單 , 佢將我嚮往以久ge情感表現左出來 , 因為現在ge社會過於複雜 , 而lee套漫畫ge主題又咁自由自在 , 純粹為了自己ge夢想 , 為了實現人ge好奇心而去探索未知ge地方同環境 , 為了伙伴而不惜犧牲自己的性命 , 這點亦同我渴望想得到真正交心GE朋友不謀而合 , 主角們的每一個故事都另我感受很深 , 特別係卓洛 , 好中意佢果句"我要讓我的名字響徹天堂" , 我是一個運動員 , 所以特別感動 , 因為我都想自己ge名字響徹世界 , 仲有一幕係路飛背住娜美同山治去搵醫生 , 佢爬上去果座塔果時 , 因為有一段抓唔緊 , 向下滑時雙手同雙腳不停磨擦 , 搞到流左好多血 , 果一刻真係好感動同好佩服 , 我體會到咩叫堅持自己ge信念就一定會成功 , 可能你地覺得我冇必要睇得咁認真 , 但海賊王真係鼓勵左我好多 , 佢另我知道咩叫永不放棄 , 這亦係我為佢著迷ge原因~
展望未來
我希望這套漫畫能夠傳至我ge後人 , 我想將佢介紹給我所認識的朋友 , 亦希望one peice精神會永遠長傳 , 真心祝福作者壽比南山 , 創作出更多像海賊王一樣好的漫畫。
作者: eDmoND﹏。 時間: 10-10-26 11:34 PM
如何認識海賊王?
就是在我上年暑假無聊一次性看完一整套阿wwww
這樣的大作應該連小孩也會知道吧
為何讓我著迷?(若在認識海賊王時已經說出則可不用回答)
在jump三巨頭它算是劇情最好的漫畫
悲傷的能做得很傷感 (我第一次看王道動畫看到會想哭 燒船和空島那幾part
歡樂能很歡樂 ( 不用我說有看的人也知道op很多笑點吧
打鬥也很燃 (cp9簡直是神作
人設也相當好 幾乎全部人的過去都有一段辛酸痛苦的回憶 而且還做得很好
火影死神就真的做不了這樣啦......
在我心目中王道動畫中它也數一數二
[ 本帖最後由 eDmoND﹏。 於 10-10-26 11:41 PM 編輯 ]
作者: Σ破月Ψ 時間: 10-10-26 11:53 PM
如何認識海賊王?
「海賊王、死神、火影」都算是頭三位
我都看了死神、火影..倒不如也看埋海賊王 (拖走
為何讓我著迷?(若在認識海賊王時已經說出則可不用回答)
海賊王的年資都比其他同期通通都要多的是..
基本上在什麼什麼的論壇也看見One Piece的版子..
這套ANIME感人、劇情、打鬥都可以做得好平均..又唔會過份集中於一角
每一話看完之後..心裹的"熱血之魂"會燃燒起來 (熱血之魂大誤WW?
這個海賊王為何讓我著迷？以上的萬字文不就說了嗎? (群嘔 (萬字文正解
作者: Σ破月Ψ 時間: 10-10-26 11:54 PM
原帖由 eDmoND﹏。 於 2010/10/26 23:34 發表 
如何認識海賊王?
就是在我上年暑假無聊一次性看完一整套阿wwww
這樣的大作應該連小孩也會知道吧
為何讓我著迷?(若在認識海賊王時已經說出則可不用回答)
在jump三巨頭它算是劇情最好的漫畫
悲傷的能做得很傷感 ...
為左加分先黎既ED= =!
作者: eDmoND﹏。 時間: 10-10-27 12:09 AM
標題: 回復 35# Σ破月Ψ 的帖子
別說得那麼差吧
op真是我最喜愛的王道動畫喔 (茶
作者: 天劍(藍月) 時間: 10-10-27 12:09 AM
如何認識海賊王?
我記得我開始睇海賊王果陣呢,係動畫做到去司法島果段時間
我就唔係好記得幾耐之前=-=果排岩岩無工開,咪上網搵d動畫睇
老實講,我睇完頭幾集動畫,真係覺得呢套野唔係好掂,不過無野睇就繼續睇
之後,睇到山治出場,就開始覺得好睇,可能山治既戰鬥方法對於我黎講比較正常(對比路飛同索隆),又靚仔最重要既係佢係一個廚師(因為我都係),所以就開始吸引到我.之後一路睇一路睇,睇到司法島梅利號黎救大家走同埋火燒梅利既時侯,我也留下男兒淚.之後追上動畫既進度後,又好想知到之後既劇情,於是就開始追漫畫,就追到而家.
為何讓我著迷
我覺得佢係一套集搞笑,執血,打鬥既漫畫.但係呢d野,係其他漫畫都可以搵到
唯一一樣我覺得係其他漫畫無既.就係感動
令我睇到喊既漫畫,暫時只係得呢本-----海賊王!!!
所以我覺得佢同其他漫畫唔同
另外自己加的:
可能我咁講,會有好多人唔鍾意我
但係我都係要講
我希望海賊王唔好寫咁耐
因為有好多漫畫都係開頭好好,最後爛尾
寫得越耐,就好易技窮,技窮就會爛尾
我真係唔希望一套咁好既漫畫爛尾
希望尾田大人可以令海賊王成為一套即使做完
但係都會好多人識好多人討論既漫畫!!!
作者: xyq135365 時間: 10-10-27 12:14 AM
如何認識海賊王?
我好少在這地方發言! 不過海賊王俾左好多回憶我!
我接觸佢應該係在亞視做海賊王的時間!各時我放學唔定時..加埋又好細個!!
只係睇左几隻! 不過印象就好深刻!只記我有個人只手係咁伸長!
之後就有好几年冇去接觸!係到左前兩年!我ge好友極力要求我要睇海賊王!當時我總係火影迷!
我只好睇几集!不過一開始睇真係好悶!好多時都係跳住咁睇!
不過睇下睇下不知不覺間就愛上左佢..!總變左海賊王迷!
為何讓我著迷
其一,海賊王帶泥好多歡樂!不似一d長的動漫咁悶!係一d時候有d真係好笑的方面!
其二,一方面可以俾人好輕鬆的feel,另一面又俾到人緊張的feel,興奮的feel!
其三,雖然天馬行空,但就冇離開過作者的漫畫中的現實!唔似某d動漫太....唔知點講.
其四,喬巴係我最鍾意的角色xd
其五,總有好多方面...不過唔知點打出泥
總之綜合泥講!海賊王應該係現在呢個世界中..一部最好的動漫
! 不囍勿罵/33\
保沖一點..=]! 尾田老師真係一個絕頂沖明的人!!我成日要人提下先知各個原來係伏筆! 最先發現就係路飛唔知係好前第几集講要收番個音樂家..點知真係有@@!何認識海賊王?[/
[ 本帖最後由 xyq135365 於 10-10-27 12:36 AM 編輯 ]
作者: 不滅的靈魂 時間: 10-10-27 12:34 AM
如果認識海賊王?果陣成日聽我個fd既網友fd講話海賊王好好睇又好笑
但係我同我個fd都冇咩點理
直到有一次 我好悶冇game玩又冇戲睇
然後我就諗起海賊王 然後就開始試下睇
講真一開始睇畫風唔太接受到 因為之前係睇開火影 死神果d
然後果次睇完之後 我就一直迷戀左海賊王
當我睇到4x集果陣 我叫埋我果個fd一齊睇
然後佢都同我一樣勁鍾以海賊王
為何讓我著迷
從我開始睇海賊王起到直到紅髮果到
就係果到開始令我著迷...一個咁既男人為左救一個
叫做無知既細路而冇左隻手 仲要話冇左隻手小事啦
就單單e到令我開始迷 然後再到娜美 山治果到
娜美用一個好驚人既狂自插都唔想認係魚人果個團
果到真係太好睇 未試過有一個漫/動係咁
山治講88果到真係正到.... 然後當然唔小得zoro細過果到啦
古依娜死左真係好傷心 然後佢地每個人為左佢地既夢想 向未知既世界出發
每個人友誼都好深可以話大家都離唔開大家咁
加上佢既打鬥實在太熱血了....
燒船果到真係睇到我好有感觸
試問有邊套可以做好似海賊王咁 連船都可以做到咁
再加上伏筆又做到咁好 真係冇一套可以比得上
然後之後果d每一次都令我更著迷更鍾以海賊王
可以話無論海賊王邊一點都係令到我對海賊王著迷既原因
另外:聽講亞視播返海賊王
希望借住今次可以令到鍾以海賊王既人更加上升
勁唔想d人因為畫風而唔去睇囉
[ 本帖最後由 不滅的靈魂 於 10-10-27 12:36 AM 編輯 ]
作者: rickcir 時間: 10-10-27 12:35 AM
~點樣認識海賊王?
我係個冇咁易接受新事物既人
又係3年前,周圍既朋友個個都睇緊one piece,
有一日去個朋友宿舍打機期間,其中一個朋友睇緊one piece既動畫
起初覺得D畫咁"核突"既..冇畫工可言,但係見我個朋友睇到笑到收唔到聲
我就開始嘗試睇one piece既動畫,直至有一集令我愛上one piece.....
~為何讓你著迷?
o個一集就係令我第一次睇動畫笑到喊既一集..同時令我覺得作者既功力超勁!!!
就係路飛打艾尼路,因為路飛係橡膠人所以唔怕電...任電唔嬲,睇完喱集我就覺得one piece係要追捧的...
另外我真係睇到放棄黃金梅利號o個到睇到喊架><! 咁攪笑既動畫都令人咁感動真係好利害
點諗都諗唔到黃金梅利號係有靈性有生命架!!!
~我最希望one piece...
我都希望one piece唔好完,但又好想快D知結局
但係其實我最希望既係我女朋友都接受one piece同埋同我一齊睇one piece就好了
宜家成功左少少啦!! 因為chopper既product已經令佢開始有好感了
我會繼續努力令佢成為one piece既粉絲!!!
作者: keung168168 時間: 10-10-27 01:19 AM
如何認識海賊王?
好細個已經係(atv)睇過..之後冇播已經停左睇
數格左n年(青年期..)發現左同學仔睇緊海賊王喔...
之後又開始返睇漫畫生涯...直到依家動.漫都係咁睇...
為何讓你著迷?
由細睇到大...漸漸變左習慣
漸漸變成喜好...
因為佢一日未完一日都要追落去
到果時我諗已經去到我人生既中年期xd
作者: 詠ＫI 時間: 10-10-27 04:06 AM
要10個字才給我回覆.. 明明內容都在quote裡面咩..
★如何認識海賊王? 略5000字..(嚇
我係因為我ex而認識海賊王既動畫.
亦係我第一部睇既熱血動漫.
一開始見畫質差劣其實我有諗過唔睇.
但因為雙失(無聊得很. 同時想搵跟ex既共同話題.
所以強行繼續睇落去的
但慢慢發覺. OP有著遠大的理想.
緊湊既內容. 感人但同時不乏笑點.
這時我一直追落去既原因.
經過將近一至兩個月既睡眠不足(我係唔睇完唔安樂既人
我好成功咁煲哂大約43x集既OP.
睇哂個刻. 開心之餘帶點失望
因為我一直以為四百幾集點都做完啦掛? 點知仲要等!
個段時間我再一次放棄OP.
直到新年. 唔記得左今年定上年了..
因為對2kf積分既執著. 我下海參加多項加分活動
當時正好OP版攪緊一個加分活動. 有關OP最近漫畫既情節.
所以我再一次睇返OP. 唔同既係今次第一次接觸漫畫版.
個時先知漫畫版真係畫得令過動畫好多囧..
我都唔記得左用左幾多日去追返動畫>漫畫既空隙.
anyway因為個次既活動. 同時令我再次迷上OP直到宜家.
而且都拎到活動既滿分. 更多分比我炒股啦
某程度真係要多謝2kf既OP版的. 無令我錯過咁好既動漫=D!
★為何讓我著迷?
著迷. 其實係認識個part都有講左少少.
好難得有漫畫內容連貫緊湊. 而且令我大哭大笑左咁多次.
見到luffy既成長. 佢既努力. 佢對同伴既心.
為邀請同伴而執著. 為nami救出火海. 為sanji同nami上雪山醫病.
為vivi同佢既國家同猶巴之水而打倒第一個boss. 為robin跟政府對上幹.
踢franky上船(其實這邊我是笑壞了XD. 為小八同甘美出手打天龍人.
拍飛後自責既心情. 為ace不借下地獄劫法場. 以上等等.....
一次一次咁證明比讀者睇. 真係好有震撼力
當然其他同伴亦好吸引到我.
zoro既男兒氣慨. 傻得可愛既路痴. 為同伴捨身 (係鬼船幫luffy頂 真係
nami管理一眾頑童既能力. 雖然貪錢但重情重義 (為了vivi! 雖然有D為錢既成份..
usopp既口不對心. 縮骨攪笑. 對某事執著 (好彩最後都有勇氣講了 重返上船.
sanji廚師精神! 為女死為女亡. 時而帥氣時而咸濕 (zoro無左你就無咁好笑啦.
chopper櫻花樹既約定. 咩都放上面既性格. 為同伴不惜狂暴既你 (不斷努力上進既你. 為左醫生要加油.
robin一開始既冷酷鬼魅. 對人有戒心. 直到宜家信任同伴. (恭喜你搵到可以信任既人. 走出小時既陰影.
franky攪笑既變態佬. 了解同伴既需要(好多謝你整左小梅利號. 梅利精神不死!
brook欣賞女性內褲既怪癖. 重視同伴既約定(為左同拉布既小小約定. 連50年都等
9個同伴. 9種唔同既性格. 因為理想而聚集一齊.
重情重義既動漫. 對我黎講真係好鬼吸引.
好想睇到佢地既夢想都達到既一天. (好似睇住個細路大咁
尾田大大要加油! 一定要作完呢個神作阿
掛住打呢篇野都唔記得左訓-_-
有機會再補返圖啦XD
[ 本帖最後由 詠ＫI 於 10-10-27 08:00 PM 編輯 ]
作者: 黑翼ex 時間: 10-10-27 05:24 AM
=]阿啊,我同海賊王的相遇可以說是偶然吧XDDD(以下回答:"如何認識海賊王?")
那是我還是在家中不能出街玩而"扯"(打吳到取同音...)朋友很少的小學雞時期=](簡稱小學時期)...我唯一的娛樂就是看電視,阿啊...某日,見亞視有一套新的動話在播,看見主角們的表現都很搞笑是我喜歡的類型XDDD所以就追下去.之後故事慢慢進入娜美,卓洛等的背負,和內心否白的時候,我年少的心深深地被打動了=]...特別系兩個男人之間的約定-->"路飛,我向你發誓,我以後都不會再輸了!..."(好像系甘樣...都成幾年拉...記得吳清)之後經過問朋友借VCD一直追追到依家......而且會再追下去!
那麼為和讓我著迷=]?要說的太多太多了,這簡直就是要數路飛他們一路以來所經歷的風風雨雨一樣XDDD我已經迷的想置身其中了......
海賊王的故事太正拉=],裡面的友情就像寶石一樣閃閃生輝,讓人向往讓人追求...不能自已...
作者: SuperLoveBig 時間: 10-10-27 05:43 AM
如何認識海賊王?
細個放學哥陣去同學屋企玩 哥陣好似本x台有得播
睇左幾集之後無睇lu 之後到大個有朋友分享
跟手返屋企上網睇 睇睇下已經著魔了
不能自拔 就好似 之前停左一個月咁 成日都心掛掛
我對香吉士.索隆.艾斯都比較著迷
不論實力/外貌都令小弟印象深刻
而我自己對艾斯既死真係有D失落
點解一個咁好角色要死
為何讓我著迷?
因為可以同朋友多個話題/大家交流下以後既劇情 睇下邊個估得比較接近
作者: 魔之蠍 時間: 10-10-27 06:54 AM
第一次睇海賊王就係ATV播果陣啦
但係記得果陣睇左1,2集無睇,因為唔鍾意睇動畫節奏太慢了
一直以黎其實我生活都好空虛,過住1d行屍走肉既生活
由於家庭關系身邊無乜朋友,好孤獨
直到有一日我呀哥係同學到借左本海賊王既漫畫返黎
我就開似著魔了
熱血,友情,努力呢三樣野我一直都好缺乏
睇完海賊王之後佢開解左我,我開始想做好每一件事,同埋搵一班朋友
海賊王奪去左我既孤獨,同時又賜予我有別於孤獨既野,所以我好鍾意海賊王
當然海賊王本身夠好睇先吸引到我睇咁耐啦,最後講句
海賊王多謝哂啦,幫我填滿左我生命既空虛
題外話,我係咪好浮誇-.-?
[ 本帖最後由 魔之蠍 於 10-10-27 06:55 AM 編輯 ]
作者: 壽司－ｖ－ 時間: 10-10-27 07:42 AM
各位會員如果有野補充..自己編輯後再同我講,
我會因應返你補充完既野再調整分數
作者: qq422535409 時間: 10-10-27 08:12 AM
如何認識海賊王?
記得第一次睇係2003年睇 來香港辦身份證 本港台 打阿龍事件。果時得12-13歲 感覺好暴力 好血腥。但同時勁感動<---勁有感覺。
可惜只係睇過幾集，就要返内地。只記得d主角樣 連名都唔記得。
直到聼身邊d同學朋友介紹 個個都話好好睇。就試下試。講真17定18已經搵唔到最初的感覺。開頭悶到我死...一直都係勉強追下去。
因爲朋友話越后越好睇。結果真係好正。完全覺得係一部傑作。目前都有努力等它更新。 為何讓你著迷?
劇情吸引。中間過程更帶出人性，道理等。[/color]内容 發揮至淋漓盡致。劇力萬鈞﹐創意更像是無窮盡﹐永不見底﹐幾乎每一期都有驚喜，結果往往意想不到。
海賊想像力天馬行空，電話蟲、海列車、空島、泡泡島等等新奇的事物，更有眾多不一的風土人情呈現在我們面前，海賊世界背景龐大，人物眾多，各大勢力錯綜複雜，四皇、王下七武海、海軍本部、世界ΖF，十一超新星，還有隱藏的強大勢力－革命軍，頗有諸侯爭霸、群雄逐鹿的味道。我們看到的是一個完整而又龐大的世界
另外自己加的:
愛睇漫畫而唔睇《One Piece》﹐就似愛睇小說而無睇過金庸武俠小說般﹐是人生的一種遺憾。因為實在太精彩﹐會成為漫畫中的經典之一。[/color]用五個字形容呢部作品 >十年磨一劍<
[ 本帖最後由 qq422535409 於 10-10-27 08:15 AM 編輯 ]
作者: yeungas2005 時間: 10-10-27 03:44 PM
如何認識海賊王?
當時我仲係11歲度,唔係好鍾意睇動漫嫁咋,
不過有一日同幫fd傾開計,佢地個個都有睇op
咁我當然唔汁輸啦,咪睇埋一份
跟住睇睇下又覺得幾好睇,就一直追到而家
有時仲番睇tim
為何讓你著迷?
因為d打斗場面都好激烈
同埋有好多伏筆,好似"D"係咩意思
令到我好想一路睇落去
仲有路菲同紅髮一種為朋友既精神
真係好值得我地去學習
另外自己加的:
One piece真係好好睇,希望佢唔會停
不過所有野都有完結既一日
所以要好好珍惜呢套野
仲希望路菲佢可以實現到佢既夢想啦
就係
成為海賊王!!!!
[ 本帖最後由 yeungas2005 於 10-10-27 03:45 PM 編輯 ]
作者: ╭飛╮ 時間: 10-10-27 05:50 PM
如何認識海賊王?
當時TVB播過幾集 OP
雖然中文配音唔係好好
但係我睇左一集 就係咁op就吸入左我
好似個集係救 索隆 仲幾野做低左佢
諗起個仲既風格真係仲有一番回味
為何讓我著迷?
好多套動畫最緊張都係放係最尾
op都唔例外
當路飛處於下風時
都有d轉接位令路飛可以一個打十個
路飛所既野係可以令各同伴放心
唔理自己點都好都會為左船員先
每一個人既故事都寫得好好
每睇一次 都會有d野打入我既心
比左我追睇op既動力
作者: Michael3114 時間: 10-10-27 05:56 PM
如何認識海賊王？
諗番個陣都已經係二年班啦...
個陣時我老豆成日download動漫黎睇，佢個陣就down左one piece
因為佢之前down naruto，我又覺得好正(細個個陣)
所以我就諗一定勁好睇啦one piece
為何讓你著迷?
個陣我一回家就睇one piece,睇到luffy一下打落魚人阿龍,輸左好多次最後打贏左克落克,一下ko左彈跳果實個個低能仔
真係好鬼正，個陣我睇到空島就無睇，後來見到luffy爆二檔,型到唔識得形容,就即時重睇，
追到依家啦
另外自己加的:
唔好以為你岩岩睇one piece，會覺得600集好辛苦，只要你睇漫畫你就會好快比佢吸引到，動畫成日係度拖呀拖，建議睇漫畫
當你地睇到沙國，阿龍，cp9，就會唔會放棄one piece
[ 本帖最後由 Michael3114 於 10-10-27 06:06 PM 編輯 ]
作者: 月夜星辰 時間: 10-10-27 06:14 PM
如何認識海賊王?
10年前細個果陣放學返到屋企開電視見到AtV播ONE PIECE
佢地播到去阿龍果到就冇播落去定唔知係咪我冇再睇...
後來10年後坐我隔離果個同學係咁叫我返屋企睇...但係我返到屋企都冇睇到
終於有一日太無聊..諗起佢叫我睇ONE PIECE於是就開始睇返
為何讓我著迷?
因為我鐘意睇打鬥片+冒險片+感人ge野+好笑...咁岩ONE PIECE 有齊哂我ge要求
而且打鬥果陣好精彩超熱血~d招式又多唔會黎黎去去用死果d招加上都幾型下
劇情勁正~我睇每一集都唔會飛走任何一秒~最勁ge地方就係我睇完一集隻手係會自動禁下一集睇好想知下一集佢地會發生d咩事
作者: 卡路士~坤 時間: 10-10-27 06:49 PM
第一次接觸海賊王應該係3年前 果陣仲追緊火影
之後個FD叫我睇 話好正:
一開始的時候,我是拒絕的,因為不能馬上叫我看就看
因為我已經在追其他的漫畫,OP又這麼多,我說要先讓我試一下
不然我假裝看了,但沒話題跟他們講,朋友一定會罵我
所以我在PPS看了一集,就迷上了,這漫畫很熱血,很令人感動
我看完就追到現在,你們看完也會一樣
OP好多伏筆 而且冒險故事就好似路飛話 唔知有冇OP係終點 先算係冒險
一路睇 一路識同伴 每個人為自己既夢想出海 同同伴一齊打低敵人 一路識新朋友
呢D應該係男人既浪漫黎 自己就好似一齊冒險緊咁 所以咁迷OP
作者: aiyuen=) 時間: 10-10-27 08:39 PM
點樣認識海賊王?
其實我都係兩年前先開始睇海賊王
我記得有一個好熱血既同學
叫我去睇既~咁我當初都係一路做功課一路睇動晝既
咁當初只係想睇下就算 點知到一睇就上癮
直情係功課都唔做係咁睇
睇完即刻番去同我同學講~~~~講講下做埋好朋友 笑左-v-
依家我就成為左個位好熱血既同學2號 周圍叫人睇OP
點解會著迷?
戲情令我很著迷
主角跟同伴為了實現自己的夢想一齊出海
為左自己既夢想去奮鬥 依家咁現實既世界邊可以做到d咁既野呀
雖然佢地好辛苦先到呢個地步 有時睇落去自己都不自然地緊張埋一份
但係有時佢地表情好搞笑 令到船員們都笑 我自己都笑埋一份
令到我自己都好似成為佢地一份子咁
最記得既就係司法島同埋梅利號燒左個到
羅賓感覺上背叛左地佢 但係佢地寧願同政府為敵都要救羅賓出黎
梅利號又係...雖然佢只係一隻載佢地既船
但係佢地都當梅利號係一家人 所以梅利號係佢生命結束之前都去司法島到救佢地
最後梅利號生命走到盡頭
梅利號被路飛燒個時...梅利有出黎同大家講野
個一幕真係喊左出黎 就算我幾時睇都會覺得好感觸
熱血冒險 溫馨相處 一家人既感覺
題外話
現實上夢想很難去成真!
每個星期四都上堂個時不時check住佢新一集出未
一出左就係班房到話 喂 第600集出左啦 快d睇啦
阿sir都無我地辦法 因為阿sir都係好鐘意睇海賊王
一見到我地講完呢句就會話依家放15mins break
同我地一齊睇 哈哈-v-
作者: SF★超人 時間: 10-10-27 08:43 PM
海賊王是我所睇過所有影視之中最棒的!!!
如何認識海賊王?
3年前本身我都有睇少少動漫,未算迷上;
係3年前既新年假期我如常返大陸,我每次都去我親戚屋企住x1個星期既`
係個次我返去見到我Fd開隻動漫黎睇`
我又無野玩一齊睇`
睇睇下竟然係個個禮拜每日煲半日黎睇海賊王呢套正品=)
我個度有好多翻版影視碟買=.=30蚊包300集`
不過我Fd都有`所以問佢送左比我返香港HK日日追`
p.s.我係由(娜美)既故鄉,姐係打龍個度開始睇`睇到路飛佢地咁型,咁為同伴而迷上`
其後至今(x3年)我亦重追過4-5次全集,所有劇場版睇哂`有時重會幻想自己係入面既海賊,
有自己既海賊冒險會識到路飛`有自己既 唧喱果實= =''
當中亦很真情地代入角色`好多場面令我笑,令我流淚
令我流淚感人既場面:
紅髮救路飛,燒梅利號,索隆第x1次打鷹眼輸左,去救比比國家之後建立起感情要分手,路飛同烏索普吵交打,上空島個刻,
入偉大航道個刻,路飛打CP9最後無哂力走個陣,泡泡島所有同伴消失,路飛打監獄長輸左,部份劇場版,
偷記憶海馬令同伴差D全走
最剌激+爽既打鬥場面:
打阿龍魚人個下,打雷神既最後x1擊,打CP9既努力之戰,ACE同黑胡子之戰,紅髮同白胡子相遇,
泡泡島超新星之戰,泡泡島雷王出現同同伴消失,路飛打監獄長輸左,打沙沙果實既狂想曲之戰
為何讓我著迷?(若在認識海賊王時已經說出則可不用回答)
上題己解
最希望既海賊王:
永遠唔會有終結既時候(第一)
路飛同紅髮相遇既一刻
路飛對其他超新星
路飛對x3大將
4王出哂
作者: ipandrea 時間: 10-10-27 09:03 PM
點樣認識海賊王?
嗯...我認識海賊王的時間有6年了
當時自己無聊上下網睇下有冇咩好睇既動漫時
無意中發現一套漫畫
叫海賊王感覺上好新奇就開始試下睇
點解會著迷?
戲情上真的令我很著迷
主角跟同伴為了實現自己的夢想相相一起出海
有時戲情上主角們的表情十分搞笑
他們的冒險很熱血又緊張
他們可以為了同伴不怕死亡的去跟強大既敵人戰鬥
為了同伴可以跟政府為敵
看了路飛燒梅利號的哪一話時真的十分感人
每一天都奇代下一話會點呢又有咩冒險同有咩新同伴加入
真的十分給引 令我一路追看的一套漫畫
不看真的對不起自己呢
題外話
現實上有人真的什麼都不怕勇往直前的去實現自己的夢想呢??
現在自己都買了不少海賊王的東西同POP
難道我以經走火入魔了嗎
作者: ddav0954520 時間: 10-10-28 01:33 AM
如何認識海賊王?
我都唔太記得...
總知..好耐之前仲係睇緊火影.
而死神同海賊王.都係高人氣..所以就去追
為何讓你著迷?
海賊王是唯一令我傻笑/熱血爆發/同埋喊<(少有的感動
戰鬥精彩緊張...有時一個畫面就會有講唔出的感動
又爆笑..睇幾次都會笑
而且2年後更加令人興奮!!
外話:
希望更多人認識海賊王
因為真係好正啊呀!!
作者: 紅茶o賢∮ 時間: 10-10-28 11:39 PM
我第一次接觸海賊王係去左同學屋企 個陣出左最新一集 係人魚比人捉左個陣(個陣時我完全未睇過套野)個陣覺得套野人物晝既方面太誇張 冇諗過自己會睇 冇幾耐之後 因為1 d c人問題 成日係屋企 宅左
火影死神家庭都睇哂 得番海賊王好似好熱門咁
就由第一集開始睇起 頂 點知一睇就奶野 我中毒了
點解我會著迷?
其實都唔知點講 只可以話 故事特別特別出眾 內容太爽 該感動有感動 該熱血有熱血
有某幾集我真係有眼濕濕起雞皮同打冷震都唔少
[ 本帖最後由 紅茶o賢∮ 於 10-10-28 11:48 PM 編輯 ]
作者: 小啤-v- 時間: 10-10-29 06:22 PM
我睇海賊王就真係好多年...
第1次睇GE時候應該係細細個
仲係小學雞果時
亞視星期日朝早十點左右會播
果時個個星期都睇
(其實係因為冇得出街玩-,-)
果時大概做到入偉大航道就冇左
上中學後就係漫畫店追
依家就星期4準時上網睇 囧..'''
最迷果時應該係打艾神同CP9
真係好刺激同埋好熱血
海賊王同其他漫畫真係完全兩回事
佢係完全正面GE 熱血
令人發自內心GE感動
同埋對自己夢想GE 執著
仲有D 令人會心微笑GE 情節
係其他到真係搵唔到
仲有我1樣野就係
其他動漫多數都係愈後愈少人睇
愈做愈拖長
尾田不得不讚佢係有驚人GE 伏筆
都成十年
我身邊鐘意OP GE人係有增冇減
呢本漫畫令到我同FD 之間都多左個話題 
[ 本帖最後由 小啤-v- 於 10-10-29 06:34 PM 編輯 ]
作者: Mz.Lai 時間: 10-10-30 08:45 AM
如何認識ONE PIECE..''
想起也覺得好笑..''3年之前因火影的關係我經常在2ooofun看動漫專題區..看各專題的回帖次數..ONE PIECE的回帖量日日都係最高..''當時因為覺得火影已經是最好的動畫..一直也沒有心機看ONE PIECE..''
過了一年..火影開始變質..回帖的人數也逐漸減少..相反ONE PIECE專題區的回帖數目日日遞增..促使我抱著試一試的態度在FORY DOWNLOAD頭10話..結果好似著左魔咁樣..日日都用1X個小時去睇ONE PIECE(因為果時已經係去到女帝嫁啦..)..所以番學只會諗番劇情..''之後番到屋企又係FOXY到DL番之前既黎睇..用左1個月左右既時間終於可以追番最新既劇情..''
為何讓我著迷..''
路飛著重友情的性格..''教導我不要離棄任何一位朋友..
山治對女性的紳士行為..''提醒我對女性要有禮貌..''
加上我喜歡ONE PIECE和FAILY TAIL之類的畫風..而且ONE PIECE劇情鋪排..感情位都恰到好處..所以我十分喜歡ONE PIECE這部巨作XD"
作者: 龍蝦︴ 時間: 10-10-30 12:25 PM
如何認識海賊王?
我記等第一次睇海賊王係ATV,果時我仲好細個(小學3-4年班),
你知嫁啦細路仔睇電視只要係晝出黎既都中意嫁啦,
所以我去追,
有睇ATV既都知佢播播下唔播,
咁冇計啦咪唔睇囉,
過左年幾左右,
屋企買左部電腦,之後我啊哥就上網down哂當時所有既海賊王,
我仲記得係做到空島,
咁我咪同佢一齊睇囉,
用左1個星期睇哂幾年既海賊王- -,
睇完哂之後我啊哥就轉睇火影...是但囉電腦又唔係我既..有得睇算好,
之後係我上左中學我識左D新朋友,佢地就追開海賊王既,
為左多D野同佢地講咁我咪再睇返囉,果時好似做到司法島,
果次開始我追到現在!!
為何讓我著迷?
講真我一開始唔係真係點用心去睇,
無野做消磨下時間,
但如果講我點解著左迷,
我諗係因為司法島果幾廿集,
司法島仲係做得好好,
又感人又緊張,
打鬥場面唔洗講啦,
所以搞到我真真正正愛上左海賊王,
有返興趣去知到返前文(因為細個無咩比心機去睇唔記得哂),
所以我再慢慢由第一集睇返,
唔可以話好好,但都OK啦,
其後鬼船、香島、女人島果D我覺得係超好睇囉!!所以我就著迷啦。
總括而言,海賊王我愛你!
題外話,其實我最中意既角色係卓洛!!
[ 本帖最後由 龍蝦︴ 於 10-10-30 12:32 PM 編輯 ]
作者: angus7898 時間: 10-10-30 02:17 PM
如何認識海賊王
這就要從7年前說起，那時我大概只有5歲，三色台好似仲有播海賊台，然後果時細個無聊好中意睇。
但係到一年級之後，三色台無播到啦,然後一直都唔記得左
直到某日,果日我同我呀哥上去foxy下載動漫睇,然後我呀哥去左洗手間,之後我無聊打左123，之後出左n多123既野,最特別既就係海賊王123集,我見好似好得意就下載左。之後一直同阿哥再重頭逅番。
為何這麼吸引我？
細個既時候，ｄ動漫既畫質都唔係咁好，但係只有海賊王，係我睇過最靚畫質既動畫，因為當時睇果ｄ都係天線低低ｂ同多啦ｂ夢－＿－
同埋海賊王真係好感動，就連細個既我都覺得好笑又好睇！就係咁啦～
作者: 〝阿倫#;】 時間: 10-10-30 02:45 PM
如何認識海賊王?
其實海賊王這個名字對我來說一點兒也不陌生
因為早在中學一、二年級，同學嘴邊都會不時
出現海賊王的字眼，還記得那時玩過一隻海賊
王的遊戲，是一款ps2的遊戲，因為對角色的
不熟悉，所以沒玩多久就不再為此沉迷，過了
這麼多年，現在已經中五畢業完兩年多了，就
在八月尾的一天晚上，我和兩位友人外出跑步
，在回家途中他們如常地談論著海賊王的話題
，由於搭不上話‧‧‧只好一個人默默地走著
，心裡不禁有一個念頭，看過了就不會搭不上
話了。於是，一向只追火影的我終於踏上了這
條不歸路。
為何令你著迷?
續上篇，看海賊王的原因原本只是為了搭上話
題，但當看到大伙兒乘著海流越過紅土大陸，
正式進入偉大航道時，這時我看海賊王已經不
再是為了搭上話題，而是被海賊王的每一位角
色深深吸引著，每個都有著自己的感人故事，
亦有著各自的目標、野心，但大家都意外地融
洽，亦很合拍，很快地大家已視同伴為兄弟，
就算犧牲自己也要為同伴保護到底，這份情打
動了我，這個溫馨的家庭令我捨不得離開。在
這幾個月裡，我每天都努力地追著，一集一集
地，猶豫自己也在尋找寶藏一樣。
這套作品的感人位也實在太多了，例如路
飛把沙鱷魚打上天的一刻，那是我看了火影忍
者這麼久以來也不曾有的感覺，路飛為的不是
自己的野心，而是為了大家而做。另外，路飛
一伙攻破司法島後乘坐梅利號逃走，至到燒船
的一幕，至今仍然歷歷在目，這是我看動畫以
來最感動的一次，第一次看到淚盈滿眶的。
我真的很喜歡海賊王
[ 本帖最後由 〝阿倫#;】 於 10-10-30 11:01 PM 編輯 ]
作者: 秋之曲 時間: 10-10-30 04:29 PM
如何認識海賊王?
我認識海賊王,係因為上年有同學叫我睇,冇game玩冇野做之下就開始睇第一集。
為何讓我著迷?
我開始睇既時候1日睇1集,後來d劇情愈黎愈吸引我追落去,最多1日睇30幾40集動畫-口-!
每個角色都有一種獨特性格,而每場戰鬥都打得好緊張。
慢慢海賊王就成為我生活其中一樣必需品。
作者: liyuksan 時間: 10-10-30 06:30 PM
如何認識海賊王?
當時我去其他論討搵緊資料啦,之後有一位朋友打來問我有沒睇海賊王 然後我都唔知咩野,突然之間去左一個專睇排行行榜動晝 見到第一名是海賊王按左入去.
之後去睇內容的人物名好有興趣 不知不覺成日星期日同埋星期四都一直追,追左差唔多5年~~~~~~~~~~~€
為何讓你著迷?
見到海賊王每一個劇情都是好有一種自己去搵寶藏
尢其是本身自己好喜歡的又高大又偉猛人物同埋拿刀獵人
另外自己加的:
我最希望海賊王一直係咁衝上頂鋒
唔好停,
希望海賊王比到全世界知道有咁好看慢畫
作者: st0332076 時間: 10-10-31 01:07 PM
如何認識海賊王?
想當年..重係小學雞個時...每個星期我同我牙哥都係atv追睇one piece..點知做到羅格鎮個到就停左啦...而我牙哥就每個星期上網追睇..但我個時咩都唔識...只可以等atv會連載番..一等就等左幾年...升左中學之後就學識左上網睇..斷斷續續一睇就睇左4年...加加埋埋..我係8年前開始睇
為何讓你著迷?
因為期待每個船員既新招式,每一個精彩既劇情,每一個感動既場景,每一位新同伴,每一個對手1..都令到我熱血沸騰
最後one piece全球化啦..永遠支持!!
作者: 卡路士~坤 時間: 10-10-31 04:22 PM
留錯
請del
[ 本帖最後由 卡路士~坤 於 10-10-31 06:35 PM 編輯 ]
作者: digimon14 時間: 10-10-31 06:42 PM
我好簡單的
如何認識海賊王?
由亞視播第一集開始睇到佢cut左
為何讓你著迷?
5,6年之後開始係網上追動畫
追到火影最新,之後開始追返海賊王,從頭睇
跟住就一直追落去,火影死神動畫已經無睇
最瘋狂個陣應該係去到water seven~暑假個陣一日睇23集op動畫
d歌同d劇情夠熱血,伏線夠多,至少個作者十年後都仲記得講返d伏線
作者: BB1167168 時間: 10-10-31 08:36 PM
如何認識海賊王?
我係細細個番大6係d老翻店度買番黎XDD
睇下睇下就上左隱
為何讓我著迷?
因為個個都有自己既故事!
熱血得黎又有感人既地方~
好鬼吸引-_-
題外話
好想多D同學睇海賊王
朝朝早番到學校吹水
一招橡膠橡膠打埋黎HAHA
作者: 《細乂軒║ 時間: 10-10-31 09:57 PM
如何認識海賊王?
小學..返下就,朝早冇野做~~
動畫無線就播超人..睇到冇引
就轉去ATV睇就見到海賊王!!.
之後睇落去覺得好睇..就追落去..
為何讓你著迷?
因為我鍾意D熱血既動畫..
龍珠同男兒當入樽後..海賊王
我覺得係最熱血嫁拉...
因為第1次見主角係橡筋人...
覺得好好笑,好正..就1路睇..
直至去到娜美家鄉打丫龍個陣..
個陣係令我開始覺得熱血到爆!!!
路飛既拳打腳踢..索羅既三刀流..山治既踢功..等等..
無可能睇左之後唔會著迷LO
另外自己加的:
希望唔會完拉...D配音員搵次黎哂香港玩搞個SHOW同我地玩@@..
同埋想1同身邊既人講你有冇睇海賊王...佢地會答有LO
作者: 我愛你丫傻仔 時間: 10-10-31 10:24 PM
如何認識海賊王?
我20歲 我第一次接觸海賊王 係亞視擋緊既時候
我果陣好似仲係小學生 我諗都有十年既事了
之後慢慢大過 一路買佢既漫畫黎睇
有左自己電腦後 都開始上網追連載
為何讓你著迷?
因為一部作品入面能夠有 搞笑 熱血 感動 悲傷 重要係強烈帶出以D感覺
真係冇見過除左海賊王
佢帶出好多背後既意義(以樣係我細個留意到)
到大過開始睇到尾田D 伏筆真係大強大了
另外自己加的:
每一部作品都有完結既時候
我希望順利完成以本作品
同埋結局希望會係用最完美既手法終結
希望尾田先生小心身體唔好出咩意外啦....唔係的好多讀者都唔能夠睇到真正既結局
話晒以部作品真係叫陪住我成長
作者: joan12 時間: 10-11-1 12:44 PM
如何認識海賊王?
以前細個小學個陣成日聽到家姐話atv有套漫畫好得意架,
入面隻男主角隻手識伸長.但個陣既我冇乜興趣(興趣落左係tvb d少女卡通xD)
後尾;
到我大個左少少.升左上f.1既暑假,
成日去個女仔同學屋企玩,又靜靜雞走入佢阿哥間房到搞搞震,
見到有1大堆碟: op,火影,浪客劍心,Keroro etc.之後同我個fd求其拎隻出來播,
睇睇下點解好似咁熟既?!咁似以前細個家姐成日講個套野??
如是者.
就同我個fd1齊愛上左啦-3- (追埋火影-_-),
就問佢阿哥借d返屋企同我家姐1齊睇.
我fd睇得快過我,佢睇到講到有隻鹿仔好得意,識講野.
就自己去左漫畫鋪租漫畫來睇(e+間漫畫鋪刀汁左lu)
愈泥愈想追落去.
結果.1追就追左快有10年了..
其間.
曾經冇睇過1排,因為開始冇讀書啦.出左來做野,
個fd刀己經開始少搵..漸漸慢慢遺忘左,
到我發生左好多事.冇返工既1排.
係屋企好悶就又上2kf睇.
又慢慢開始追返前面個d.睇返個陣好激架,講到cp9.
為何讓你著迷?
現在的我主要原因我想是自己想搵返以前同fd個種天真,友誼.共同話題.
想搵返以前個1種感覺.
但e+其實所有野刀好似變哂質咁,
就係除左op;
以前初初睇個陣因為呢套漫畫實在太熱血啦,
又搞笑又有得意既場面(喬巴:D) ,睇喬巴,娜美,山治個幾part我刀有喊-0-
總結
好希望op 1直長存下去.
只有op才會比返以前個種感覺比我.
[ 本帖最後由 joan12 於 10-11-1 02:26 PM 編輯 ]
作者: 緋村心太 時間: 10-11-1 02:20 PM
如何認識?
係我中學果陣就開始成人聽到海賊王呢個名,果陣我都好好奇?海賊王係一本點樣既漫畫?
當我真正接觸果陣係 我家姐去漫畫店借番黎. 果陣我就開始鍾意睇海賊王,在由借變成買(因為太鍾意
為何讓我著迷?
因為佢地既熱血,對同伴既真情和友情 佢地位位船員都張心比心,為同伴出生入死 .真係深深敢打動左我(
佢地個個船員既出生同經歷都各有不同 個個都好感人 個個船員對於我黎講 都係搵得好有價值
佢地燒船同艾斯死左果一幕 情感好深 令我留下男兒淚(仲有CP9 真係感受到 佢地完全為左1個同伴以戰 果種唔放棄既精神 拎條命黎戰鬥果下真係... 熱血沸騰!!!
總結
海賊王真係太好睇 我希望佢可以保持洛去 同理比全世界都接觸到海賊王!
作者: 123456789jjj 時間: 10-11-1 06:37 PM
如何認識海賊王?
我係中一先開始睇,之前係追開火影
後黎知道左一個我仲意ga女仔有睇海賊王就開始睇下.
為何令你著迷?
開頭唔知點解覺得海賊王好kai,好大炮.
慢慢慢慢之後,睇到打啊龍,真係好興奮,睇住d成日串人ga人比被串人打到飛起,真係好開心(現實得就好啦)
記得最勁一次係1xx集(冇記錯?)打沙佬,放復活節假,係其間睇左200集
就咁就中左毒.
最仲意係成團人燒政府旗+路飛打飛天龍人
我好喜歡海賊王架
係我有生之年唔好完呀
作者: lilun0903 時間: 10-11-2 09:13 AM
如何認識海賊王??
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
想起點解認識one piece就要多謝返本港台半當年播放既幾十集啦!!!
果陣我仲係小學....最記得就係睇既時候覺得點解呢套動畫同其他既動畫差咁遠既...
畫功好簡單...唔靚!!!!d配音右唔掂......
但係因為每個禮拜先一集..所以都會睇下!!!話晒細時睇動畫點都好過睇其他!!咁咪睇囉...
點知睇睇下就鍾意左..仲要係本港台既配音!!!但播播下無啦啦無左= =咁咪算囉!!!而家睇返就覺得好唔掂^_^"
我再次接觸既時候都過左4.5年了....果陣上網睇動畫經已好普遍!!!所以有幸睇得返...(日語配音)
一睇就無得停了.....3個星期睇晒300幾集!!睇完再睇...再上網討論!!!直到而家.........
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
為何讓我著迷??
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
第一:佢既劇情有一種唔會比我地睇既人停下來既感覺...點解??
因為每套講團隊性既動話都好想知道佢地有咩新同伴....仲會好期待!!而one piece就有呢種感覺直到而家既第十人
例:恐龍戰隊都會有第6人(白色戰士)
第二:每一編故事都會有好多好多感人既場面!!!!我都味試過睇一套動畫可以哭咁多次既...
作者作既感人位都係好直接...唔會轉灣換角!!!+上所有到位既配樂...真係正!!!!
第三:一句講晒....熱血!!!路飛肯定既決定更加令這熱血既心情推上頂點啊......
第四:每次打鬥過程都好型!!!每個角色打鬥既戲份都很足夠...同埋角色對付既人物都會令角色能力提升..戰鬥配樂更加係最重要既一環!!
每次三刀流帶頭巾..認真打既時候!!果首戰鬥配樂就會出黎...正啊!!!!
第五:友情/親情....我覺得作者係要想比大家知道一個人生最重要既事情!!佢選擇係動畫入邊做這種教學...難怪日本既媽媽生都會比兒子看唯一的動畫^^
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
講完啦...我既目的唔係為拿分!!!最重要係一有一個平台分享我的感受...同時亦可以睇睇各位既感受係一件好事!!
當見到大家既觀點同我既有共鳴既時候...one piece真的成功了!!最後.....希望幽靈之女會入團^_^
海賊王長做長有!!!!!
作者: 『想』 時間: 10-11-2 03:31 PM
如何認識海賊王?
真系要去反幾年前..果陣未興上網睇連載..
但本人十分中意睇電視..睇到亞視果陣播..就追左落去..
為何讓你著迷?
本來都為左睇1套動畫既心情去睇..
但比個主題曲同內容吸引到我每星期都要去開電視追..
之後因為未播晒既關系..
我開始上網睇..愈睇愈吸引..搞笑..感情..熱血..
1套做得甘好既漫畫點可以吾睇?
最深刻系索柏既過去..故事..都做得好好..
所以..
我愛海賊王!!!
作者: victor1066 時間: 10-11-2 06:53 PM
如何認識海賊王?
講到第1次睇海賊王我自己都唔知自己係幾時睇
果震時係細細個睇電視睇過
但係乜都唔記得晒啦只係記得主角隻手可以申長
直到中1,我當時就鍾意左睇熱血漫畫,果時睇左火影,死神,總d部分漫畫
之後就見到海賊王就諗個名好似唔係幾好睇咁
所以有幾次都冇去睇
到最後冇野做無無聊聊太過悶
就試睇下幾集海賊王
點知最後就迷上左海賊王
為何讓你著迷?
因為海賊王本身就係熱血漫畫係我鍾意睇的類型
在加上海賊王其實有好多元素起度有熱血,友誼,同伴,攪笑等等
而且總有好多感人的位次次都想喊咁濟(你個個都話喊左出黎,不過應該係我可能自己本身個人冇咁感性掛
)
船上每個人都有自己的夢想,目標
為左夢想同目標而努力,就算冇可能都唔會放棄
並且佢地戰鬥都係為同伴而戰
戰鬥得好博命就算已經郁唔到但都堅持到底(就好似司法島果次對戰咁)
劇情又緊張又刺激+感人
最後令我迷上海賊
作者: 明明豬 時間: 10-11-3 09:29 PM
如何認識海賊王?
本來我就唔知有海賊王衣出動漫 跟住係有一日無意中亂轉台 轉左個大陸台 成日到6點~7點做動畫ga 咁我見到做緊 咪睇下 跟住見到個人隻手識伸長 d內容又幾搞笑 咪睇下lo 點知睇睇下呢 就日日都想睇 果時仲未知有漫畫 睇睇下個台冇做wo 做到100幾集就完左 跟住轉做左個 無聊動漫 超想睇番 跟住有一日表哥黎左我屋企食飯 開左部電腦上網 開海賊王wo 果鎮仲未點識用電腦 跟住問佢點睇啦 跟住講完一大堆野 就知點睇 跟住就追到衣+啦 衣+有時番學 仲會同d同學 討論下面d情節
為何讓你著迷?
係因為 平時唔打架 d生活入面 d情節好搞野 成日都睇完會笑 去到d傷心情節 我都會睇到眼紅紅咁 好難得有一個 動漫 令我有衣d行為 可能有一小部份 俾表哥佢地感染左啦 見佢地成日講 我又想一齊傾 所以咪開始追番d集數 最讓我著迷ga係 d果實能力者 同埋喬巴 因為每有一次新能力者 我都好想去破解佢d弱點 同咩能力ga果實 喬巴部份係因為 好可愛 所以一有佢d情節 我唔睇唔得 一定會好留意佢 同埋d角色 技能ga強化 會去到咩程度
總之 海賊王係我睇過入面最好睇ga 動漫 海賊王萬歲
作者: cha20040448 時間: 10-11-5 09:53 PM
如何認識海賊王?
我係f.1最尾果次考試既時候,
有個fd同我講op好好睇,
之後我就開始去睇,
睇下睇下就上左癮,
就係考試期間係咁睇,
睇到唔溫書=],
之後就係到追落去,
追到e家,
真係好好睇囉
為何讓我著迷?
op所有既野都令我著迷,
最著迷係既所有人既回憶,
睇到我次次都喊,
之後路飛去羅賓既時候我又喊,
個個人離開自己住既地方,
跟住路飛既時候,
又令到我好感動,
而我最希望op永遠都唔會完,
可以有更多睇op,
成為香港最最最最受歡迎既動話同漫畫=]
作者: 乂飛蓬乂 時間: 10-11-5 10:02 PM
如何認識海賊王?
我升中七果個暑假無聊無野做,
本身漫畫只追開死神同火影,
見OP人氣長期高企,就抱住一試既心態睇下咁囉(略5000字)
為何讓我著迷?(若在認識海賊王時已經說出則可不用回答)
因為劇情感人,伏筆用得好
我覺得以上2點已經完全講出自己心聲
就唔再呃分作字數啦
作者: sam_13579 時間: 10-11-6 12:23 AM
如何認識海賊王?
係一個中學朋友介紹既 果時only睇火影-,-
為何讓我著迷
講真海賊王d伏筆多得黎但係好
唔似其他漫畫
同埋路飛海賊團既9個成員都好有意氣
都係為左自己的伙伴連命都唔要
尢其係打月光莫利亞果到
熊出現 但係卓洛用自己條命換大家條命
果到真係好正
並外one piece都有好多感人場面
燒梅利號
路飛同烏索普打 呢兩部份真係喊左出黎
笑點都好多 但係多得黎唔會gay
另外自己加的:
希望真係多d香港人識海賊王
唔好小學雞到識火影only同死神
最希望加入路飛海賊團既係幽靈女
因為男性同女性既比例差太遠啦 依家係7男:2女
多謝觀賞
作者: li_wayne 時間: 10-11-11 06:46 PM
如何認識海賊王?
我點樣認識one piece?
就係我個好同學成日同我講one piece有幾好睇...
又話佢自己翻睇左n次,
又話佢睇路飛打敵人令佢好緊張同埋路飛好搞笑.
但係我成日話有咩好睇,
我終於...我無奈到睇晒`我鍾意既火影,比卡超,家教...
要等佢一集一集咁出我就一集集咁睇...
當然邊個都覺得悶到嘔...(因為冇其他打睇又5想翻睇)
近日,我就試下睇one piece啦~...
點知...我一睇就愛上睇one piece...比任何動漫都更鍾意...
為何讓你著迷?
點解令我著迷?
令我著迷既係路飛佢好搞笑,
同埋會令人有一種驚心動魄既果一種"魂"
另外自己加的:
我一睇就愛上,
每當我一睇到路飛打敵人既時候就好興奮...
興奮到我都好想入去入面同佢一齊冒險...
當然...呢個係白日夢...
我希望我日日訓教都夢到同路飛做海賊
小弟我岩岩先開始睇...有好多野都5知...請大家多多包容
(我睇到佢去完空島番青海咋)
[ 本帖最後由 li_wayne 於 10-11-11 06:48 PM 編輯 ]
作者: karta3276716 時間: 10-11-11 06:58 PM
如何認識海賊王?
我系由朋友用我講o既,
果陣我去佢屋企,佢睇one piece
我悶咪睇下.....果陣佢睇460集(白胡子出果集)
反要屋佢就開pps睇多次460....之後就睇2xx集咁睇....
再由第一集開始睇....
為何讓你著迷?
可能係因為one pieced人型
好似有d野令到我想睇,
可能系我fd送o既主角扭蛋....
作者: a1213220 時間: 10-12-18 04:18 AM
如何認識海賊王?
最初係朋友介紹 但我冇即刻去睇
讀完初中之後先至開始接觸動漫畫
開始睇漫畫個陣
都係睇一d幾卷/岩岩開始連載既漫畫
冇咁辛苦
所以好好奇點解海賊可以連載咁耐
個時都成400幾500集
跟住有一日放假得閒冇野做
一鑊睇哂 就一路著迷到依家
雖然我個人唔太鐘意路飛等主角群
但我鐘意佢個世界觀同其他人設
七武海同三大將吸引到我繼續追落去
| 歡迎光臨 2000FUN論壇 (https://www.2000fun.com/) |
Powered by Discuz! X1.5.1 |