2000FUN論壇

標題: 有咩方法令尼種男人改變............ [打印本頁]

作者: mandysuk 時間: 10-11-4 03:36 PM 標題: 有咩方法令尼種男人改變............

我男朋友成日hea係屋企，叫佢搵野做，又話搵緊ga la，
，每次出街食野，買衫都係我俾錢，連買支水都係我俾，我成副身家都俾晒佢，
但係佢成日都同我講唔夠錢用，可唔可以俾多d黎!!!
我唔係唔想俾，不過，我開始覺得自己...唔可以再係咁繼續落去
有咩方法令佢改變??

作者: 古龍之俠 時間: 10-11-4 03:57 PM

佢幾歲仔?
佢冇野做左幾耐?
其實我覺得...一個人失業耐左加上而家社會搵工難就會開始冇乜心機再搵工~_~
加上你又乜都比晒佢, 佢覺得有人養又唔洗做, 仲點會想出去做野咁辛苦...

作者: betty939 時間: 10-11-4 05:04 PM

你男朋友咩人黎嫁? 咁樣同食軟飯冇分別囉.....

作者: mandysuk 時間: 10-11-4 05:54 PM 標題: 回復 2# 古龍之俠的帖子

我成日都係到諗，我係咪前世欠左佢呢??我想佢好，我諗住供佢讀書，唔知尼個方法得唔得呢??

作者: kiu78956 時間: 10-11-4 06:30 PM

咩人黎嫁...............
我18歲已經自己做緊野再進修緊啦.....
想佢好就要佢自己半工讀啦...佢自己會佢自己會識諗D成熟好多<除非佢死蛇懶鱔咁樣>
你咁幫佢.佢會覺得自己好重好無左佢得..到時就變真正既軟飯王

作者: 古龍之俠 時間: 10-11-4 07:03 PM

原帖由 mandysuk 於 10-11-4 05:54 PM 發表
我成日都係到諗，我係咪前世欠左佢呢??我想佢好，我諗住供佢讀書，唔知尼個方法得唔得呢??

我唔支持你供佢讀書.

首先我唔知樓主同你bf既年齡啦.

我當佢去讀ive 4年制d course (費用全部你比), 學用貴已經係一個問題, 咁佢平時返學d車$, 飯$係咪都你供晒? 當你真係死慳咁供得晒...當佢讀完書出黎搵到野做啦, 你確定佢會養返你一世嗎? 如果日後有問題而分開, 到時你只會一無所有.

如果你真係想佢成材去讀書, 叫佢自己問政府借錢, 遲d出黎社會做野自己負責還.

但以你所講, 佢都冇咩上進心既...讀書都可能冇咩用...衰d都講一句: 養得一時唔養得一世, 樓主有時d野都係留個錢防下身好d.

作者: 御狩犽ζ楓閣 時間: 10-11-4 08:05 PM

咁既男朋友,就算同佢結左婚都冇好未來,何必自己羅苦黎生?

作者: matthew124 時間: 10-11-4 08:16 PM

好羨慕d咁既男人
咁既男人都有人肯搵佢負出
都唔知點解好男人好似難搵女朋友d咁-.-

但係,樓主真係好愛佢咁
但係你既愛,對你男朋友黎講
只係得錢
我覺得咁既男人
唔死都冇用[唔好意思,要咁話你條仔]

你唔係佢呀媽
唔係佢問你比錢佢就一定要比
定係你你想做佢呀媽?

咁既男人一d都唔識獨立,簡直就影衰男人

作者: 御狩犽ζ楓閣 時間: 10-11-4 08:46 PM

原帖由 matthew124 於 10-11-4 08:16 PM 發表
好羨慕d咁既男人
咁既男人都有人肯搵佢負出
都唔知點解好男人好似難搵女朋友d咁-.-

但係,樓主真係好愛佢咁
但係你既愛,對你男朋友黎講
只係得錢
我覺得咁既男人
唔死都冇用[唔好意思,要咁話你條仔]

你唔 ...

女人鍾愛壞男人

作者: zxbvh 時間: 10-11-4 08:49 PM

令我想起鄭中基的一首歌無賴

我的建議很偏激分手吧這種男人愛的是你的錢不是你

一個男人如果真的喜歡你即使沒錢了也不會問你拿的

因為一個愛你的男人永遠不會希望自己要依賴女朋友而是想盡辦法令女朋友依賴自己

作者: 豪~* 時間: 10-11-5 05:09 AM

睇個款同你講飛左佢你都係做唔出果隻
唔緊要既 keep住落去到有一日你識諗咁落去想係唔掂唔想比佢累落去
都係果句夠想叫就走到架喇好明顯你未夠想

作者: 呀雪s 時間: 10-11-5 05:19 AM

分明軟飯廢男- -"申手牌,呢d人你要黎都係令自己不幸,改變呢樣野你好難去做,係要佢自己個腦識大先得,冇腦既人你咪飛左佢等佢繼續冇腦多幾年黎做傻仔囉:em012:

作者: keunggg 時間: 10-11-5 08:27 AM

佢都真係幾廢下- -""
要令佢變我覺得都幾難..
最直接既方法就係你養佢一世／同佢講８８

作者: funfunguy 時間: 10-11-5 01:18 PM 標題: 回復 4# mandysuk 的帖子

如果你真係供佢讀書，我建議你俾佢之前可以，不如俾佢試下讀尼個先 http://svt.hkct.edu.hk/details.php?id=405
既然個課程係免費嘅，俾佢試完，睇下咩反應，之後再諗。
如果唔係，你會蝕抵晒架!!

作者: betty939 時間: 10-11-5 04:08 PM

供佢讀書? 梗係唔得啦... 傻左咩!!

作者: 紫靈姬 時間: 10-11-5 05:00 PM

我好明白你既心情
因為我之前男朋友都係咁
我最後既選擇分手黎逼佢去面對自己既問題
我依然都仲愛佢但有種人係唔逼到佢絕路佢唔會識醒覺
所以希望你要諗清楚你講得出黎實會比人話你傻話你蠢
雖則愛情係盲目只不過真係有冇咁既能力負擔到兩個人既生活費
我之前一個月搵9千5- -都儲唔到錢..而且一齊左兩年半..所以真係諗清楚..
真係可以養到佢幾時-.-

[ 本帖最後由紫靈姬於 10-11-5 05:02 PM 編輯 ]

作者: mandysuk 時間: 10-11-5 05:18 PM 標題: 回復 9# 御狩犽ζ楓閣的帖子

其實佢本質都唔壞，不過，係賴左少少啫，我鍾意佢夠老實麻!!

作者: 常山趙子龍 時間: 10-11-5 05:42 PM

樓主
我建議你都係散左佢啦
咁樣落去,真係只可以講句長貧難顧
樓主自己有幾多錢,你自己清楚
你叫佢唔聽,仲會唔會有人叫得佢聽呢?

咁樣落去係樓主繼續蝕底落去咋

作者: 紫靈姬 時間: 10-11-5 06:34 PM 標題: 回復 17# mandysuk 的帖子

哈哈
我都會咁樣安慰自己
但你身邊啲朋友知道一定會話你好蠢好傻
擺明個男仔都係玩你似住有免費
自己愛對方無辦法就會找藉口黎安慰自己
但細想一下愛情係咪真係可以單靠單方面付出
你同得佢一齊咁你應該都會有諗過將來
咁好了就算比你捱到適婚年齡
邊度黎筆錢結婚唔通要靠你死慳死抵
問屋企人還是借財仔
有好多野都需要諗清楚
我自問都仲會愛前男友但有冇將來真係期待佢既努力

作者: scg2002063 時間: 10-11-5 11:59 PM

原帖由 mandysuk 於 10-11-5 05:18 PM 發表
其實佢本質都唔壞，不過，係賴左少少啫，我鍾意佢夠老實麻!!

本質唔壞？夠老實？
即係個腦壞q左啦~老老實實靠自己啦~
做人呢家野~好易？係咁辛苦去養一個連自己都唔知點算好既人~為乜？

宜家香港地物價又高乜都貴~
我連搭車都怕左佢啦~
不如你養我啦=.=
放心我自己有工返同養緊屋企人~我都好老實嫁~~22歲~思想50歲€~唔係太老姐~

作者: scg2002063 時間: 10-11-6 12:01 AM

原帖由 常山趙子龍 於 10-11-5 05:42 PM 發表
樓主
我建議你都係散左佢啦
咁樣落去,真係只可以講句長貧難顧
樓主自己有幾多錢,你自己清楚
你叫佢唔聽,仲會唔會有人叫得佢聽呢?

咁樣落去係樓主繼續蝕底落去咋

係啦~~人生有幾多個10年呢~
又有幾多時間？

作者: 牛奶貓 時間: 10-11-6 04:18 AM

搞到我都想做你男友

平時都係我貼錢比d女

作者: loveyoujj520 時間: 10-11-6 07:15 AM

哈哈我只晒錢係自己身上!  女方邊我先唔會晒係佢身上
我又唔係真係咁愛佢! 同佢都唔方耐  咁晒係佢身上做咩

佢養你又好  你養佢又好
只要真係鐘意大家就唔好計
但我覺得男士有事業好過日日係屋企玩自閉
只要你覺得開心就得

作者: yinghon1993 時間: 10-11-6 01:54 PM

請容許我太懶惰將《愛，錯在哪裡？》的內容直接複製出來

為他好
愛是接受，如果你愛，你不該改造他。
你一直以為你要他改變是因為愛他，這真是很大的誤解。如果你愛，你就不會想改造任何人。
也許你會說：“我這麼做，還不是為了她”、“我要他改變，還不是為他好”。你弄錯了，如果你是為了他好，為什麼他會越來越不好？
愛不是改變對方，而是要成全對方；愛不在抹掉或改造對方的風格，而是成全對方的真實自我。
只有當愛消失了，要求才會出現，要求改變只是用來掩飾沒有愛的事實。愛是接受，如果你真的愛他，你會按照他原來的樣子來接受。

有一得必有一失
愛情最大的矛盾在於，所有優點到最後都變成了缺點。
愛情最矛盾的地方就是，起先你在情人身臨其境看到的優點，到最後常變成為你最受不了的地方。
比如：你喜歡他對你百依百順，言聽計從，後來才發現他唯唯諾諾，沒有主見。
   你欣賞他充滿鬥志，意氣風發，後來才發現他性格暴躁，經常發火。
   他對你噓寒問曖，關懷備至，你覺得自己真是太幸福了。但過了一段時間之後，你發現他經常疑神疑鬼，問東問西，你覺得真是受夠了。
   他溫柔體貼、風度翩翩，使你為之神魂顛倒。但後來你才發現，他原來是個花花公子，情場浪子，到處留情。
   你喜歡他，因為他忠厚老實。後來你感到厭煩，你覺得跟他在一起真是無趣，並開始瞧不起他。
   他口若懸河、幽默風趣，使你大為傾心。但後來，他常口無遮攔地挖苦你、數落你，還把你當成笑柄，讓你憎恨至極。
   凡事都是相對的，有一得必有一失，有一好就沒有兩好。
   絕大多數我女人都希望她的男人，即要有事業心，努力上進，又期望他常抽空陪她；即要有男子氣慨，又要對她百依百順……
   男人則希望他的女人，即獨立又順從，即能幹又溫柔，即細心又不拘小節……

全然的愛
愛一個人怎能只要好的部分，不要壞的。
你欣賞他的優點，所以喜歡他；你討厭他的缺點，所以厭惡他。然而缺點也是他的一部分，你怎麼能只不過好的，不要壞的？
你說：我愛你，但不不喜歡你的身材；我愛你，但我不喜歡你的個性。這意味著什麼？表示你的愛並不全然，你愛的是你自己喜歡的，而不是愛他。你無法接受你不喜歡的部分，那就是情人們一直想改變對方的原因。
愛從不會試著去改變，如果你愛這個人，你會接受他的全部，連他所有的缺點都接受，因為那些缺點也是他的部分。
如果你無法接受他的全部，你怎麼能說你愛他呢？而如果你不是全然地愛他，又如何期待他會全然地愛你？又如何期待他會全然地改變呢？

作者︰何權峰

[ 本帖最後由 yinghon1993 於 10-11-6 04:05 PM 編輯 ]

作者: ☆可兒☆ 時間: 10-11-6 10:29 PM

甘既男人  簡直影衰男人

你甘樣做  唔好唔岩而係對錯目標~!!!!!!!

呢d甘樣既人要食自己  先會反省的~

無任何人可以改變任何人

充其量  係影響而已~!!!!!

我既提議係~~~

到處都有好花草~~ 分手吧~ 呢種男人不值得擁有你的愛~!!

因為佢連自己都唔識愛自己~

更何況係去愛你~!!

作者: qq422535409 時間: 10-11-7 02:37 AM

距好靚仔咩？
我16歲就出來做兼職半工讀自己搵到錢先敢拍拖。
距連自己都搞唔點點做人男朋友阿。

作者: mandysuk 時間: 10-11-8 05:37 PM 標題: 回復 26# qq422535409 的帖子

我都明白你講緊咩, 但我又唔捨得同佢分手! 我又唔知點做..
我都想佢上進d, 但係..........

作者: ☆可兒☆ 時間: 10-11-8 06:14 PM

原帖由 mandysuk 於 10-11-8 17:37 發表
我都明白你講緊咩, 但我又唔捨得同佢分手! 我又唔知點做..
我都想佢上進d, 但係..........

MANDY~~~~

你明唔明~~~ 當人一直都任何事不用自己費神飯來張口  的

佢本身潛意識已經係果種  [得來容易既思想] 且中毒也深~!!!

既然乜野都係得來容易~~~  佢又何來會上進... 只會越來越不思進取

你甘樣對佢       你認為  你又會覺得係偉大    認為自己懂愛~~

你對佢既愛    某程度    都係叫害佢~~~

有人養仲洗乜上進    係唔係呢~!!!!!???!?!?!??!

作者: yinghon1993 時間: 10-11-8 08:14 PM

樓主請問你
你愛你的男友嗎

作者: Shaorin 時間: 10-11-8 09:17 PM

改變了就不是原本妳喜歡的他了.

作者: 紫靈姬 時間: 10-11-9 12:07 PM 標題: 回復 26# qq422535409 的帖子

真心愛一個人根本就唔關外表事
唔好將外表同愛一個人黎作評論膚淺到爆= =

作者: 紫靈姬 時間: 10-11-9 12:08 PM 標題: 回復 29# yinghon1993 的帖子

@.@我相信如果樓主唔愛佢男朋友
都唔無完全毫無條件地付出
但只係方法用錯了

作者: 紫靈姬 時間: 10-11-9 12:10 PM 標題: 回復 27# mandysuk 的帖子

好老實無得唔到你去行呢一步
你唔出招逼佢去諗
佢一路都會繼續咁樣落去
你究竟可以賺到幾多錢黎養佢
我唔希望你會到最後無錢去做違背自己既事
兩個人一齊最好好好溝通連溝通既共識到無
只會換來你自己痛苦咁又何必

作者: kendytze 時間: 10-11-9 01:10 PM

原帖由 funfunguy 於 10-11-5 01:18 PM 發表
如果你真係供佢讀書，我建議你俾佢之前可以，不如俾佢試下讀尼個先 http://svt.hkct.edu.hk/details.php?id=405
既然個課程係免費嘅，俾佢試完，睇下咩反應，之後再諗。
如果唔係，你會蝕抵晒架!!

叫佢讀書? 得唔得呀? 佢已經懶成咁....

作者: loveyoujj520 時間: 10-11-9 02:29 PM

原帖由 紫靈姬 於 10-11-9 12:07 發表
真心愛一個人根本就唔關外表事
唔好將外表同愛一個人黎作評論膚淺到爆= =

話說現在有幾多人唔係睇樣架
睇樣搵情侶睇樣分好/壞
有幾多人真係可以做到唔睇樣講心架

作者: yinghon1993 時間: 10-11-9 09:08 PM

原帖由 紫靈姬 於 10-11-9 12:08 PM 發表
@.@我相信如果樓主唔愛佢男朋友
都唔無完全毫無條件地付出
但只係方法用錯了

既然是無條件付出
又為什麼要對方改變

作者: 30624720 時間: 10-11-10 05:26 AM

或者你放手吧,你不覺得會愛得太辛苦嗎

作者: mandysuk 時間: 10-11-10 11:07 AM

原帖由 yinghon1993 於 10-11-9 09:08 PM 發表

既然是無條件付出
又為什麼要對方改變

唔通依個情況可以維持落去咩?? 我唔想佢再做廢人啦...
就算佢唔做野我都想佢讀書, 總之要搵d野做下!!
如果唔係, 我真係唔知自己可唔可以撐落去!!

作者: betty939 時間: 10-11-10 04:37 PM 標題: 回復 27# mandysuk 的帖子

其實我都唔知樓主想點??明眼人一睇就知要點做!

作者: yinghon1993 時間: 10-11-10 05:57 PM

原帖由 mandysuk 於 10-11-10 11:07 AM 發表

唔通依個情況可以維持落去咩?? 我唔想佢再做廢人啦...
就算佢唔做野我都想佢讀書, 總之要搵d野做下!!
如果唔係, 我真係唔知自己可唔可以撐落去!!

你可以給他建議讓他有多個選擇
但你不能強逼他因為每個人也只為自己活著他有他的自由
你認為好的事他卻未必認同
如果你因改變不了他而接受不了面對不了愛不了他的話
那我勸你早日坦白分手告別

當愛不在
不要因為過去什麼"我會愛你一生一世"的誓言而硬撐在一起
不要因為責任而假裝愛
因為當愛不在時這種責任是最虛假最醜陋最沒意思的
你只會覺得越來越辛苦、不享受
這樣只會浪費大家時間
如果你真的不愛那你要做的事就是將事實告訴對方
不要再浪費大家的時間
讓愛自己/對方的人能在一起
祝福對方可找到自己能夠相愛的人
這才是對自己同對方最好的行為

[ 本帖最後由 yinghon1993 於 10-11-10 06:15 PM 編輯 ]

作者: [V]KC 時間: 10-11-11 12:09 AM

原帖由 mandysuk 於 2010-11-10 11:07 發表

唔通依個情況可以維持落去咩?? 我唔想佢再做廢人啦...
就算佢唔做野我都想佢讀書, 總之要搵d野做下!!
如果唔係, 我真係唔知自己可唔可以撐落去!!

這個情況真的不能維持下去.....

我說的是樓主你不應再寵愛他了其實令他做廢人的主因是不是樓主把他寵壞了呢

本人就認為想你另一半發奮應該與他分手他可能因此發奮當然你也要講出原因最重要就是決絕

其實你當然可以繼續養他因為你很愛他

作者: yinghon1993 時間: 10-11-11 12:50 AM 標題: 請容許我再度的懶惰

為何失望
把期望投射在別人的身上，這是一再失去愛的原因。
你希望他能成為某個樣子，而他卻沒有，所以你說他讓你很失望。
你的失望是因為他還是老樣子，他依舊沒變，對嗎？然而，既然他還是跟以前一樣，那你的失望又是怎麼產生？
是不是因為他沒有達到你的期望，所以你覺得失望，對嗎？你的失望表示你遭到挫折，是因為他沒能滿意，對嗎？
好，現在讓我們一起來想想，這個滿意是由誰來認定的？這個期望是由誰決定的？這個失望的人又是誰？
如果你曾靜下來想過，你就會明白怎麼回事——原來這都是你自己創造的，你一直把期望投射到別人身上，這就是你一再失望的原因。
作者：何權峰

作者: 吞食貝貝 時間: 10-11-11 02:55 AM

講真,男女係平等既...呢D情況你情我願,你肯比,佢需要...各有所需無問題
但係到左呢個地步,你吾想再比...係咪應該放手呢??
1.為左你荷包,你重繼續養懶男友??
2.佢有手有腳有家人,無值得比錢佢既理由吧??
3.你改變吾到佢,你反而寵壞佢,想佢變,必須要做既係,停止供錢
你一直供佢,總會有抱著某D期望,當期望遲遲未有,你愛既無私付出,會變成失望傷心係正常...
就算件事男同女調轉,我既意見都一樣

作者: mandysuk 時間: 10-11-11 12:07 PM

我明樓上各位講咩嫁!!
暫時佢係搵唔到野做, 佢屋企就叫佢去讀書...
不過唔知佢點諗, 成日都話讀書貴! 好煩...

作者: bendeath86 時間: 10-11-11 12:22 PM

哇!!!你係佢阿媽定係佢女友
你自己問心以上問題,好快你會有答案

作者: [V]KC 時間: 10-11-11 01:05 PM

原帖由 mandysuk 於 2010-11-11 12:07 發表
我明樓上各位講咩嫁!!
暫時佢係搵唔到野做, 佢屋企就叫佢去讀書...
不過唔知佢點諗, 成日都話讀書貴! 好煩...

如果你覺得煩就請樓主和他分手煩又不分手是否很矛盾

如果你說你很愛他就請你不要說煩愛應該能包容他的一切

作者: 吞食貝貝 時間: 10-11-11 03:08 PM

原帖由 mandysuk 於 10-11-11 12:07 PM 發表
我明樓上各位講咩嫁!!
暫時佢係搵唔到野做, 佢屋企就叫佢去讀書...
不過唔知佢點諗, 成日都話讀書貴! 好煩...

買衫買水吾係必需開支!!!
讀書既開支,叫佢自己屋企人比,有心讀自己賺學費,無心讀就早D投身社會
搵吾到野做,去做M記或者其他快餐店囉,吾信吾請你
返工彈性大,人工夠行街食飯開支(當然吾係貴野),最多買少件衫
解決小額金錢問題既方法有好多,佢有冇實行過??
覺得煩又吾放手,呢個時候你吾保護自己,重有邊個幫到你??
你既世界,吾係應該只係得你愛人一個,將來你未必會後悔,但係十分浪費金錢時間青春

[ 本帖最後由吞食貝貝於 10-11-11 03:10 PM 編輯 ]

作者: yinghon1993 時間: 10-11-11 07:56 PM

原帖由 mandysuk 於 10-11-11 12:07 PM 發表
我明樓上各位講咩嫁!!
暫時佢係搵唔到野做, 佢屋企就叫佢去讀書...
不過唔知佢點諗, 成日都話讀書貴! 好煩...

除非他改變
改變一個人是困難的，因為他不是一樣東西。
如果你瞭解人性，你就會發現，要想改變一個人是一件很困難的事。因為一個人並不是一樣東西，他有自己的思想、觀念、認知，有著自己獨特的經驗和過去，有著與你不同的內心世界，你怎麼能夠去改變他呢？去看看那個你一直想改變的人，現在呢？他變成你希望的樣子了嗎？我想這是很難的。
你可以牽著一頭牛到河邊，但你無法強迫它喝水。事情就是這樣，除非他自己想改變，否則是沒有任何人能改變的，你的努力往往只會使情況變得更糟。
所以，在你想跟某人進一步交往之前，你可以先問自己：我喜歡這個人是否附帶條件？我是否企圖改變這個人？
如果你的回答是“對”的話，那你最好離開這個人。因為他沒有你會過得更好。如果你們已經結婚呢，怎麼辦？為了彼此好，那就別再去改變對方了！

作者︰何權峰

人總是喜歡做令自己痛苦的事
既然你已有決定了，那我只好祝福你能夠安心和堅持去做

作者: 君侯 時間: 10-11-17 07:02 PM

你係呢度問十個有九個叫你飛左佢
我都唔輸蝕..
你都係飛左佢吧啦.
呢條友有冇建設我就唔知
不過我敢肯定條友係個廢柴.
我想問你覺唔覺得自己似佢老母多過女朋友.~

作者: aammooss1122 時間: 10-11-19 08:08 PM

盡量少跟他見面(談話等....) 令他知道你對他的生命有多重要(不過可能造成反效果,慎重考慮)

作者: aammooss1122 時間: 10-11-19 08:10 PM

[quote]原帖由 yinghon1993 於 10-11-11 07:56 PM 發表

除非他改變
改變一個人是困難的，因為他不是一樣東西。
如果你瞭解人性，你就會發現，要想改變一個人是一件很困難的事。因為一個人並不是一樣東西，他有自己的思想、觀念、認知，有著自己獨特的經驗和過 ... [/quote]
江山易改,本性難移

作者: 泛星 時間: 10-11-22 03:46 AM

我有這樣一半的女友就好了
有時dd野冇得逼逼得多效果更反轉
不如叫佢搵d pt做下又好介紹d工作比佢又好
唔係個人放得多就更懶

作者: ericwong831 時間: 10-12-28 07:49 PM

哇..又多一條懶虫=.=!早d飛左佢啦!
佢依賴你得好梗要喎
第時你想養埋佢咩 ==?

作者: 冷冷B 時間: 10-12-28 10:06 PM 標題: 哇，軟飯王？

你一定系寵慣巨喇，你最後同巨分開下，等巨知道冇你系唔得
講真（其實巨改變左又點？嫁比巨一定會後悔）

作者: heeheehee 時間: 10-12-28 10:49 PM

雖然你係好無私咁撐夜緊, 但咁縱容佢都唔係辦法
直接D同佢講清楚啦

作者: 依綾S 時間: 10-12-29 09:22 AM

好明顯佢為左錢先同你1齊.竟然有錢洗又洗乜做野甘辛苦........
話搵野做..梗住話搵緊架啦<-- 呢個係借口

樓主同佢傾下啦.再甘落去唔係辨法!!:
就算唔做野都去進修呀..!!

作者: hyper化的豆沙包 時間: 11-1-3 10:47 PM

飛左佢啦!對你同佢都好

作者: deathless 時間: 11-1-4 02:22 PM

分手吧
分開下對大家都好
起碼俾佢知道點解你要離開佢
知道你有幾辛苦有幾咁為佢好

如果佢明白自然會搵返你
不知悔改就算吧啦送佢一程
等自己日後無咁苦

作者: climbd3157 時間: 11-1-7 01:07 PM

垃圾廢柴

妳應該放手
簡簡單單既拍拖已經吾可以單方面甘諗野諗既野要理埋對方
一睇佢已經鍾意極愛極妳都有限..

佢同妳講愛妳一世...點點點
真系得個講

支持分手

作者: 【蒸餾水〞 時間: 11-1-8 06:53 PM

你種鍾意佢配服
但係而種男人唔值得要

作者: 姬兒 時間: 11-1-8 07:37 PM

我覺得一個真係愛你既人,佢一定會為你而努力.
因為我相信佢都想同你有好既將來.
但照你咁樣講,你男朋友好似冇心出黎搵野做,
就算好難搵野做,冇錢都絕對唔會問你拎錢用.

作者: ooopouooo 時間: 11-1-11 12:08 AM

樓主
雖然我知道我地呢D局外人對你講嘅野你都唔多唔少會左耳入右耳出嘎啦
不過我真系想同你講一句
你應該試過同佢無數次咁傾下有沒咩解決方法啦
但系你到頭來有沒見到佢真系會醒悟先？
之前我同女朋友散
系因為我對佢太好
佢覺得我好似佢老豆咁
話唔中意呢種感覺喔
而你咧
同我一樣都系傻嘅
其實你仲肯唔肯定佢對你同你對佢一樣都系咁？
如果系嘅話
我覺得佢真系會好好咁珍惜你
但系事實又系唔系咁咧？
作為一個男人
我覺得都會有自己嘅一種男人嘅主義
就系唔可以咩都靠自己中意嘅人
如果佢連份工都話唔想搵要咩都搵你個陣
唔該你好好睇清楚
呢個系咪你當初想付託你呢份愛嘅人
而且我都覺得
佢對你呢種感覺可能已經唔系男女朋友
而系因為利益而存在
佢系因為你可以帶比佢一種唔駛做都有得食嘅生活
如果系咁
我希望你可以冷靜咁捻一下
到底佢仲值唔值得你咁對佢咧？
當然我唔系想拆散你地
只系好多時候
如果真系令到自己咁唔開心嘅話
分開未嘗唔系一種解脫

作者: 紫靈姬 時間: 11-1-13 03:36 AM

正所謂針唔到肉唔知痛
正如我有提及過我都有遇過咁既男人
個結局真係如好多人所料
唔係人地唔睇好你同你男朋友既感情
你自己都察覺到已經有好大既問題
如果唔係你都唔需要係度尋求答案
結果換返黎句句都係難聽既說話
雖然答覆你既人都唔識你
但我亦相信一個正常既人都唔會想睇住你死
同埋你只係一個女朋友
你無可能做埋佢阿媽做埋佢社工
你究竟可以做到幾多野去搞佢
除非你係李生何生既千金咁我相信都無能力去阻止你去捐善款
可惜你無可能係
大家都係女性你都要諗一下將來有打算過結婚
佢究竟會唔會係你終身伴侶
唔好話要佢養你家陣佢連養唔養得掂自己都係一個問題
咁何來可以付托終身我唔相信你真係差到搵唔到第二個掛
你真係非佢不可
唔好意思可能我語氣真係重左
我本身都自己都有遇過咁既糟遇
但令我意識到感情同同情掛唔同勾你愛對方對方代唔代表真心愛你
佢所做既行為有冇一點令你感到佢係愛你還是利用你
做到咁都唔係利用
你真係嘗試下同佢分手
黎要求佢真係搵返份穩定既工作先再同你一齊
佢真心愛你一定會搵返你但係如果你連呢一步都唔肯去試
你就算問乜都係無用答案都係一個比一個難聽你更加唔能夠接受
你最後既決定都係唔忍心分手的話
祝你搵多啲錢去養佢一世吧咁佢應該會乖乖永遠留係你身邊
咁你就會開心的話請你加油

P.S 呢個post已經係11月開已成為舊post 希望除左樓主有新回覆之外其餘人就暫時唔好再回覆
如果唔係就屬推舊post了~

歡迎光臨 2000FUN論壇 (https://www.2000fun.com/)