2000FUN論壇

標題: 吊啊,原來校工咁好做... [打印本頁]

作者: |民| 時間: 10-11-11 02:45 PM 標題: 吊啊,原來校工咁好做...

路過一個BLOG,見到精品文章

唉，今日返工遲左半粒鐘添，不過無所謂啦，我地呢o的做校工既，邊有人理丫，而且又唔駛打咭，求其簽到既時候寫番早少少咪得o羅。

一返到去，o的學生就係咁走過o黎搵我地，又話有同學嘔呀、又話盞燈壞左呀，係咁要我地幫手，呢o的野邊使我地做o架﹗係o的外判校工做o架o麻﹗我咪叫佢地自己去搵o個o的著住制服既校工o羅，唉，家陣o的o靚仔，教極都唔識，左住我食早餐。（咁佢其實係做咩囧...）

好o勒，終於可以坐低，我地幾個校工o係校務處圍埋一齊食o下野、吹o下水，望住o的老師匆匆忙忙咁入o黎影印，又或o係度埋頭苦幹咁打字，睇見佢地真係辛苦。食完早餐，伸個懶腰，打個呵欠，有o的眼訓添，瞌埋眼休息o下先。（好嘆,佢真係返緊工?囧）「恰」左無耐，阿副校長走過o黎話要油印喎，妖，真係唔識趣（佢真係返緊工?囧），不過都好，可以乘機去油印房抖下。去到油印房，鎖好門就係我既世界喇，而且呢度係學校既後巷，都唔會有人入o黎。我開著部油印機，放o的紙入去，我就可以攤抖o下喇。（又攤抖勒,佢到底做過D咩囧）望o下個鐘，咦？原來已經11點喇？係時候整晏畫飯喇，今日天氣涼涼地，就整臘味飯啦，我o係我個私家櫃度「羅」個電飯煲出o黎，洗米、「禁」制，話咁快就有得食。（臘味呢?點解臘味飯會冇臘味?囧”）我推門出去「羅」筷子，點知咁o岩有人行過見到我，頂，俾佢見到我煲飯添﹗(囧")睇真o的原來係o個個TA仔堅尼，佢仲對住我微笑點頭，我就緊係怒睥佢啦(囧""")，呢度我地頭o黎o架o麻，o係度阻住晒都有既﹗

食完飯「恰」一陣又到下晝喇，係時候上番office蒲頭，點知有個miss走過o黎同我講話我上次幫佢影印完之後冇幫佢釘裝，唉，唔係考試測驗我地唔釘o架﹗我地幫你影印，又要開機、又要對齊，又要睇實佢，已經好多野做o架啦（開機對齊同埋睇實佢都叫好多野做...囧），仲要我地釘裝，自己做啦﹗仲有呀，o的釘好貴o架﹗係又釘唔係又釘咩﹗

無耐，個書記同我講油印房隔離o個個荒廢左既廁格有好多雜物，叫我去睇o下係乜o黎喎﹗嘩，o個度丟空左好耐o架喇喎，又黑又污糟，我唔去呀﹗（校工?囧）我打俾o個個中文科TA堅尼，同佢講話o個度有o的雜物好似係中文科既（好仆街...），叫佢去睇o下係乜，真係，話咁快佢就番o黎匯報，原來係o的學校周年紀念品。哈，佢真係好使好用。

嘩，又到三點三，係時候食下午茶喇，好，等我打個電話叫外賣先。入到common room，見到人頭湧湧，o的老師o係度影印打字，忙個不停，我就唔埋喇，你地忙你地既事，唔好阻住我地食tea，我推開檯面o的文件，執好個位，圍埋一齊邊吃邊談。睇見你也班後生仔女，營營役役，哈，好彩我早入職做左公務員o者，你地慢慢捱啦。
噢，眨o下眼就到四點半，夠鐘放工lu，咩話？電話響？我放左工o喇喎，唔關我事。

睇完心郁郁想做校工

作者: hoho9510859 時間: 10-11-11 02:52 PM

有沒原網

,,,

作者: h36818 時間: 10-11-11 03:00 PM

甘正介紹下

作者: Namsend 時間: 10-11-11 03:03 PM

D個？

ｔttp://tas2006.mysinablog.com/index.php?op=ViewArticle&articleId=423886

作者: Mr.LAU 時間: 10-11-11 03:04 PM

篇野好有趣

作者: 赤城千葉 時間: 10-11-11 03:09 PM

hea到佢比我都唔會做

作者: xo小馬ox 時間: 10-11-11 03:44 PM

校工係公務員?

同埋點解篇文咁整齊

嘩，又到三點三，係時候食下午茶喇，好，等我打個電話叫外賣先。入到common room，見到人頭湧湧，o的老師o係度影印打字，忙個不停，我就唔埋喇，你地忙你地既事，唔好阻住我地食tea，我推開檯面o的文件，執好個位，圍埋一齊邊吃邊談。睇見你也班後生仔女，營營役役，哈，好彩我早入職做左公務員o者，你地慢慢捱啦。
噢，眨o下眼就到四點半，夠鐘放工lu，咩話？電話響？我放左工o喇喎，唔關我事。

作者: 瘋kiN 時間: 10-11-11 04:02 PM

咁事實做校工真係幾閒
換下燈掃下地執下野影下印
其實影印都係D老師自已影
廁所又唔洗理有清潔工

作者: 『想』 時間: 10-11-11 04:13 PM

HEA工大把啦...校工人工甘低
我識人反工廠反9個鐘...坐系度打9個鐘PSP..2包煙放系度..9千1個月..你吹?

作者: 艾倫-風 時間: 10-11-11 04:18 PM

好難相信-.-但校工唔多會請後生

作者: °ζ影×子 時間: 10-11-11 04:43 PM

做緊工架-.-,爽到

作者: intermethk 時間: 10-11-11 04:44 PM

原帖由 『想』 於 10-11-11 04:13 PM 發表
HEA工大把啦...校工人工甘低
我識人反工廠反9個鐘...坐系度打9個鐘PSP..2包煙放系度..9千1個月..你吹?

做生產線.....?

作者: |民| 時間: 10-11-11 04:50 PM

原帖由 intermethk 於 10-11-11 04:44 PM 發表

做生產線.....?

你認為有可能咩...

作者: roy1b111 時間: 10-11-11 04:50 PM

真係好hea下....

作者: hot-boy 時間: 10-11-11 05:21 PM

?????????你信???:smilie_:):

作者: OHOHYA 時間: 10-11-11 05:21 PM

姐係佢係一間官校GE校工

作者: ~沖v靈~ 時間: 10-11-11 06:04 PM

咁樣過日子好似悶左d咁喎!?
唔想進步要多d人工架咩?

作者: 〞君。影 時間: 10-11-11 06:23 PM

就比人炒

作者: °ζ波波×池 時間: 10-11-11 06:30 PM

學校=他的第2家

作者: 椎葉 時間: 10-11-11 06:37 PM

做校工做到佢咁休閒

作者: 從未認．真 時間: 10-11-11 06:44 PM

低人工冇晉升 ...

hea工係大把但都要用時間去做...

作者: 老亨 時間: 10-11-11 07:11 PM

似小說多d喎..樓主..係咪睇錯左呀你@@"

作者: 下雨天` 時間: 10-11-11 07:14 PM

咁多o

作者: bee~come 時間: 10-11-11 07:22 PM

各份工都有各份好=]
人睇你好
你睇人好

作者: ★呀豪☆﹏。 時間: 10-11-11 07:40 PM

假假地=-=..........

作者: o0小流0o 時間: 10-11-11 07:42 PM

這篇文章美化了[校工]一職,
不過這篇文章是24th Jan 2007, 10:44
校工群俠傳三篇文章中的其中一篇。
而樓主只說:路過一個BLOG 見到精品文章。
不要誤錯意思

作者: 乂聖鬥士乂 時間: 10-11-11 07:56 PM

校工識打中文?

歡迎光臨 2000FUN論壇 (https://www.2000fun.com/)