2000FUN論壇

標題: 我係咪應該講分手??? [打印本頁]

作者: 孖7 時間: 10-11-20 10:23 AM 標題: 我係咪應該講分手???

我女朋友係我學校既師妹，同佢開始左1年多，佢呀媽好嚴，電話唔比傾，街唔比出架。每次都係偷偷咁傾電話同埋都要等佢呀媽出去遠少少既地方先可以出得街。我地差不多晚晚都傾電話，一個月出一次街左右。早排佢同我講其實可能佢只係對我有好感，而唔係鍾意我，佢話自己都好矛盾，有時好鍾意我，有時又唔係咁鍾意我，佢話好驚當真正鍾意我既時候，驚我會走左，佢會好傷心。因為大家都可能考公開試，佢話想陪到我A-level完左為止，但我覺得佢咁樣做好似可憐我多d咁，我之前已經試過講分手架啦，不過佢又話想試下會唔會鍾意我搞到我都唔知點。其實我好鍾意佢，不過真係唔想拍拖拍得咁唔開心同辛苦。仲有個問題係我成日都覺得佢講大話，係咪姐係完??我地都會成日為左滿足大家而喊，咁多位專家可唔可以幫幫手，我應該唔應該同佢講多次分手試下佢仲想唔想一齊定係點下，大家比d意見細佬我吧!!

[ 本帖最後由孖7 於 10-11-20 10:26 AM 編輯 ]

作者: 君侯 時間: 10-11-20 11:59 AM

你個人感覺佢係玩你定係真心喜歡你?!
係學校佢有冇搵你?
有冇成日同你sms?
你地2個傾電話係佢打俾你多定係你打俾佢多?

佢講既陪到你A-level完左為止? 係講緊A-level完左就散定係咩?
如果係A-level完左即刻散咁你都冇必要為佢傷心
佢跟本就係玩緊你`
將愛情當作玩具一樣`

作者: yinghon1993 時間: 10-11-20 12:19 PM

如果你還愛她那繼續愛吧
我所說的愛是能愛她的一切優點缺點
即使她不愛你騙你離開你你也不會為愛她而苦

如果你不愛她接受不了她的缺點
請坦白承認去告訴她
好讓能愛她的人可以跟她在一起
同時也讓自己自由
要是像守財奴抓著金枷鎖一樣
痛苦和失去自由的人將是自己

作者: 孖7 時間: 10-11-20 12:28 PM 標題: 回復 2# 君侯的帖子

我個人感覺係佢真係喜歡我，但係唔敢。
我地係學校要扮唔識，招呼都唔打得，佢話佢驚d同學知道左會傳到miss到,之後驚miss同佢呀媽講，驚佢呀媽小....
傾電話方面大家打比大家既次數都差唔多
佢意思應該係A-level完左就散

作者: 君侯 時間: 10-11-20 12:31 PM

你果間學校好嚴?
如果一般既話 d老師知道後都就係講句只要唔影響成績就得`
當佢既意思係A-level完左就散既話
你仲點解要持續呢段跟本冇可能既關係呢?!

作者: 孖7 時間: 10-11-20 12:39 PM 標題: 回復 5# 君侯的帖子

我應該都知點做架啦!

作者: 吞食貝貝 時間: 10-11-20 12:43 PM

有時又唔係咁鍾意我
↑咩時候?

作者: 豪~* 時間: 10-11-20 04:15 PM

咁咪分囉考試前搞咁多野

作者: grando28978 時間: 10-11-20 06:14 PM

緊係唔好講啦=3= 你做咩咁想講分手兩隻字?

你提出分手係米為左自己既自尊唔想比人飛呢?

當無事發生繼續生活米得...唔洗念咁多啦..命中注定你地再繼續既話
感情會經歷好多風波...第1步要她超越驚屋企人既難關...e步如果由你自己做
.係無咁成效既.可能會傷害到你地既關係!!!!!!!!

想試佢唔洗講分手...唔理唔彩咁都得既...佢搵你...你就話:哦! , 係咩? , 原來係咁! , ? ,
用簡短既字同佢對話就得..如果佢嬲就=佢在意! 如果你簡短完之後1日內佢都無再料你傾計.就即係己經可以.....................忘記佢了

作者: 孖7 時間: 10-11-21 12:47 PM 標題: 回復 9# grando28978 的帖子

你講既野我試過了，我因為覺得好辛苦先想講分手ja, thx a lot

作者: 孖7 時間: 10-11-21 12:49 PM 標題: 回復 7# 吞食貝貝的帖子

有時出到黎大家都唔講野,勁怪...........

作者: 吞食貝貝 時間: 10-11-21 12:56 PM

原帖由孖7 於 10-11-21 12:49 PM 發表
有時出到黎大家都唔講野,勁怪...........

你地應該係,一日不見如隔三秋果D情侶?.?
我覺得,若即若離既關係,先可以保持新鮮
ANYWAY,考試緊要呀,分吾分手,你揀影響最細果樣啦~

作者: hilhil520 時間: 10-11-22 03:41 PM

我覺得個女仔可能覺得你未必係佢心目中既類型
但又想試下發展下~但過程中~你無意間做過d佢心目中想你做既野~
但又有時做左d佢唔想你做既野~所以就一時好鍾意,一時好唔鍾意~

不過我欣賞佢咁老實~因為唔係個個女仔都敢講出口~
證明佢對愛情唔係玩~佢有心試下既~不過可能你真係唔真佢心目中既白馬王子啦~
講真~響學校拍拖唔多唔少都會影響學業- -想當年我都試過~我算係學校既滋事份子~但同個成績排全級頭幾名既人拍拖~結果傳到老師到~老師同佢分母講..話我影響晒佢d成績...結果佢阿媽要佢同我分手/..\ 起初大家想選擇偷情~但佢阿媽每日都黎接佢放學~有一次走唔甩~俾佢阿媽追到~結果佢阿媽同佢講~如果唔同我分手~就同佢斷絕母子關係~最後..佢選擇左佢父母~我讀完果年之後~都轉左校~
所以我諗佢都係唔想影響你~係真係有放個心響你到既~~

你仲後生~第日出黎仲有好多機會識到好多女仔~
既然唔係雙方深愛大家~點解唔俾個機會大家去遇到更好的~

作者: yanyen626 時間: 10-11-23 12:19 AM

仲鐘意,仲愛佢
你依家都已經諗想分手,因為辛苦
其實你都有左答案
只係唔捨得

作者: o0小流0o 時間: 10-11-23 10:02 AM

因為大家都可能考公開試，佢話想陪到我A-level完左為止，但我覺得佢咁樣做好似可憐我多d咁
這個並不是可憐,她是擔心這樣會累你的成績,她擔心你始終好過對你冷漠,對你的事不理會,不關懷。

若果你還愛她,就等她開口說中止吧。
若果無感覺就不要一拖再拖。
一切說緣份,繼續的可能中途會遇上情節,由現在的"亂糟糟感覺"進升為真真正正的"愛情"。
不過建議樓主盡力用心地去考A-Level,兒女私情隨緣吧。
不要過度介懷。

歡迎光臨 2000FUN論壇 (https://www.2000fun.com/)