2000FUN論壇

標題: [轉貼]澳門12個見鬼地方 [打印本頁]

作者: kristalltang 時間: 10-11-24 10:10 PM 標題: [轉貼]澳門12個見鬼地方

1.路氹公路 " 橋 "

相傳享氹仔公路口 ( 即12生肖像嗰度 ) , 夜晚會有個女鬼招手 , 好多巴士/的士司機都見啦 ~~ 不過自從近十年氹仔旺咗之後就冇聽人講過啦 !!

但現在還有澳門橋口的鬼故傳聞 !! 就是 " 西環大橋 " 回澳的橋口 .... 有車人士常說在半夜四 ~~ 五點回澳門時向南環方向的彎位 , 有一個像人影的影 -- 從橋邊右側飛過左邊直跳下去 ! 是否真實我就不知了 !!! .... " 但這裡真的有車禍發生過呢 !! "

2.台山

大家知唔知邊度 A , B , C , 在外表看係唔係好似三枝香 , 我以前都係住係其中一座 , 成日都有人死 , 旁邊有座灰色大廈 , 大家不防向上望,似唔似一隻蝙蝠 , 以前住係 A , B , C 果D人就會講一隻蝙蝠三枝香 ...

還有 " 台山紅郵筒 " , 聽說 : 如果夜半三時在這裡等車 , 千萬不要和郵筒太接近 , 太近可能會聽到郵筒裡 ~~~ 有一把男聲說 : " 幫我寄卦信好嗎 ? .... "

3.沙梨頭坊眾學校

我諗大家都知道邊到係沙梨頭坊眾學校嫁啦可 ?
聽以前d老師講 ... 話學校之前係墳場 ... 跟住起醫院之後再起學校 ... 我仲聽人講學校入面既沙池底有一個洞 ... 入面有富棺材 ... 學校既男廁係有個女謢士係果到自殺死了 ... 已學校果棵大樹 ... 就有人係果到上吊過 ... 以家果棵樹已經斬了...學校有3間房課以前係停屍間 ... 之前有個校工 ... 因為見到果d野 ... 所以嚇到馬上遲職 ..... 對面有間土地廟 ... 聽人講係因為間學校陰氣太重所以要放d神像啊果d係到陣住佢地wo~~

4.望夏新村

現在的望夏新村是以前的陸軍球場的原址 , 聽說以前很多軍人死在那 , 而後來建了房屋後 , 便不定時的在晚上有成班軍人操兵跑步 , 弄到那兒每年都要起壇作法 , 做了很多年都不成。不知何故直到某一年 , 用了某方法後 , 便沒有了操兵。我朋友以前也住在那 , 都見過那些東西。不知大家有沒有聽過 , 或 ........ 遇過類似事 !!!

還有望夏新村的籃球場 ! ( 有時在農曆七月中 , 有些小孩會在半夜聽到有人打籃球 ! )
不用怕 ~~~ 因為也有人見過只有籃球在空中自行入籃 , 所以小孩聽到有人打籃球 ... 又有什麼出奇呢 !!!

5.黑沙公路

在我讀高中時 , 同學好喜歡去燒烤 , 敢就約了好多人去 , 燒完了都喜歡拿住油燈在沙灘上講下笑 , 但係我地講左好多鬼故。敢講鬼完就走啦 , 有D人可能膽小又開了電單車來 ... 我咪話我開最後 : [ 唔駛怕啦 , 有人係後面 ] 之後都沒咩事發生直到上了黑沙個條斜路之後走了段路 , 開最頭的這個突然急停 , 由于太突然 , 我地有幾部車抄了 , 敢之後我咪走最頭 , 走到過完警察學校係下斜去小型賽車場個了大路時 , 不知怎樣 , 條斜路兩旁D黃色街燈全部係到閃下閃下之後全部熄了 , 我當時整個人都感到好冷而且好黑 , 但又不知發生什麼事 , 後面D同學見況都加快速度 , 走呀走 ~ 走呀走 !  我又變最後果個 , 之係開過了斜路後我望去後面 , 我發覺後面D街燈又開返。過了幾天 , 有一晚我地去飲夜荼時 , 一位同學 ( 原本開最頭的這個 ) 受到我多次的詢問後講返個晚佢看到的東西。當他開車的時候 , 突然看到前面山邊D樹到出現一個女人跑過來捉住佢隻右手 , 佢當場吓到急停 , 之後你地就撞上來了。這個女人當時還站在我身旁發笑 ... 之後這個女人跳了落旁邊個出崖度 ,,,,,,, 去到斜路時 , 我見到你後面個位坐多左個人 , 就係剛才果個女人 ........

6.大三巴

這個鬼故事可能好多澳門人都知 ... 唔知你又聽過未呢?
澳門大三巴牌坊，我諗好多未來過澳門的朋友都聽過，今次講的就係關於佢的故事。
話說 : 以前中國人好多都唔係好鐘意西方的文化，一向視天主教，基督教為異教，佢地有時都會聯群結隊去教堂搗亂，甚至殺死傳教士 ...  大三巴就係當時一個經常被搗亂的教堂之一， D傳教士為求自保，就掘左好多防空洞，秘道咁 ... 好耐之前已經有個傳聞，有條秘道因方向錯誤的關係，可以通到去一間大三巴後面的屋內的。
果間屋係太平之後就有一家人買左，佢地一家四口，開頭住落都冇乜野，後來祖母經常聽到孫仔係度唔知同邊個講野，佢就走左去問個孫仔，點知 ... 孫仔就帶左呀祖母入房，爬左入床下面，之後走出黎話 : " 伯伯返左入去了 ! "
祖母攪到莫明其妙，以為孫仔因為得自己一個小朋友係屋企太悶，所以自己同自己玩，就開始叫佢的外孫女回來陪孫仔玩。
點知 ! 都係發覺佢兩個細路好鐘意係房唔出廳，佢就走入房睇下，兩個細路見到祖母就立即上前，叫 :  " 祖母 " " 婆婆 " 。
祖母就問 : 點解你地只係房玩，唔出廳玩呀 ! 孫仔答話 : 伯伯講的故仔好得意呀。
外孫女立即答話 : "係" 仲想轉身要求 "伯伯" 繼續講，點知已經唔見左 "伯伯" ，孫仔就話 : 伯伯又返左入去了。
祖母覺得好奇怪 ? 等到個仔同個新抱返到屋企，把佢地件事講出黎 ~~ 俾孫仔聽到了，孫仔立即拖著爸爸話 : 去見 " 伯伯 " 。
孫仔一入到房，就爬入床低，爸爸見況，立即推開床，見到孫仔在地上開了一個四方的小通道，而且孫仔已經爬了進去，父親見立即上前，聽到孫兒不停叫：  " 伯伯 "" 伯伯 "我帶了爸爸來見你呢 !
孫仔越走越遠，父親立即上前抱起兒子，但已經走了太遠，忘了回去的路，他父子倆在秘道內走呀 ~ 走，突然孫仔跳下。。。 " 我見到伯伯，伯伯啊 ! "
父親追上前，見到一個身穿教士服裝，面上帶著微笑的外籍老人，但他不是站著，好像是浮在地面上的擺，父親再追上前抱起兒子，老人已經不見了 ? 但在他身旁發現了一副白骨 ! 父親怕了，拼命地走，結果不知怎的，在大三巴腳一梯間轉了出來。之後他們一家搬走了，警方再到調查 --- 搬走白骨，同父親講，白骨可能係以前躲入防空洞的神父，因為年紀太老了，又有食物食水，結果在防空洞內死了 !  但係後來有人 ( 包括我 ) ，專程去找防空洞也找不到 ... 個故仔我都係聽返黎的，信不信由你。

其實大三巴最神秘的傳聞 :  ( 就是它的梯級 -- 只要你在零時零分從大三巴的梯級由上至下 ... 一面行就一面記有多少級 ! 之後就相反行多次 ... 也是一面行就一面記有多少級 ! ) 這時你會發現 ~~ < 多了一級或少了兩級呢 ! > 唔信 !!! 你行吓就知道 !!!

7.黑沙每年都有人死

據說由八仙飯店後開始 , 因為當時在黑沙沙灘陸續發現人體殘肢 , 經檢驗後證實為八仙飯店的死者。之後由這時開始每逢泳季來臨就有一個人死 ... 做替身。

大家現在有行黑沙嗎 ?  你們會否在半夜三更行海灘呢 ! 如果有 ~~~ 你又有冇見過救生員站立的地方 ... 通常都是有水跡 ( 唔知點解 ?)
但這不是重點 , 而重點是我有一次上了這個站崗位向下一望 , 我見到一行腳印行向海的方向 ... 一個一個慢慢現出來 ! 這時我朋友突然叫我 ... " 這些腳印不見了 "  。我問朋友有否看見 ? 他說 : [ 我就是見你好像想跳下來 ... 我先大叫你 , 你現在又話咩腳印 ?? 唔好玩啦 ! 都就快天光啦 ... 見鬼呀 ] ???

8.氹仔海灣花園

我相信要是住在澳門的朋友都應該會聽聞過 , 最近發生了一件怪事在我亞姨身上 , 大約兩星期前 ... 我亞姨有個朋友(A君)話想放樓 , 得知我亞姨想買樓 , 所以把鎖匙交給我亞姨 , 待我亞姨看過後決定不買才把樓盤放出地產。翌日 -- 我亞姨帶同一位朋友(B君)到達海灣花園樓下 , 準備上樓之際 , 電話突然響起 ! 亞姨便接電話 , 傾了兩句 , B君便急不及待地向亞姨取鎖匙 , 要求獨自上去睇住先 , 叫亞姨隨後跟上 , 在單位內等 ... 誰知 , B君一到達單位開門 , 便見到豪華裝修 , 還有四個人在客廳中打麻雀 , 與此同時 , 四人於其開門之際同時轉頭望向B君 , B君憶述當時以為是業主家人還未遷出 , 所以說了句對不起便關上門乘電梯往樓下 , 到了樓下 ... 見亞姨準備上樓 , B君便說 : [ 又話乜裝修都無 , 又話無人住 , 我上到去見到好靚裝修喎 , 重有人打緊麻雀添 ]  ,  亞姨說 : [ 無理由架喎 , 業主明明話無人住過架間屋 ] , 最終兩人一同再上去看過究竟 , 結果 , 一開門 , 在眼前的只是一間空空如也 , 多年沒人住過的空屋。。。
   以上所指的海灣花園是澳門以前的亂葬崗 , 改為墳場 , 後來再由此地遷往對面 , 才建築成現在的住宅 , 所以海灣花園對面就是琑仔孝思墳場 , 可能別人只會說住在墳場對面一定很猛呢 ! 而海灣的猛鬼傳聞亦傳遍多時 , 但本人是不太相信的 , 直至發生在我亞姨身上 , 我感到不寒而慄。
   其實琑仔傳聞很多 , 不一定樓宇前身是墓地 , 即使豪宅也不外如是 , 本人也聽不少 , 另外一則是關於新樓雍景灣 , 位於創福豪庭對面 , 屬於豪宅 , 有朋友遷入 , 兩夫婦住 , 一天晚上 --- 丈夫駕車載妻回家 , 到達樓下停車場時 , 其妻先上樓 , 夫泊好車後隨後回家 , 妻一開門便見到自己和丈夫在客廳中正在吃晚飯 , 妻大驚下奔往樓下找回丈夫一同上樓 , 兩人開門時亦見到同樣景像 , 真令人心寒。...。

9.松山消香事件

在澳門六七十年代 ----- 松山是沒有任何的街燈 !! 在上去松山的時候 !! 在花心公子那位置就是最後一個街燈 !! 所以 : 松山在那時候一到晚上就會完全黑暗的 !!
就係因為咁既原因 !! 警察局就為此做了一個測試 , 松山多鬼係人都知 !! 新仔警察就要在松山拿一支點燃的香走一個圈 !! 途中是絕對一可以回頭望 !! 否則後果自負!!
有很多警員就很怏走完 !! 都完全沒有向後望 !! 咁就可以通過測試 !! 但直至到一個警員 !! 拿住香走到就來完時 !! 聽到後面傳來很多的腳步聲 !! 在好奇心下不為意的向後望了一眼 !!
呵 !! 大件事了 !! 他望見後面原來有一大班野根住他 , 應該是餓鬼 ! 他急忙將香掉了 , 然後走開!那一班野立刻衝進支香那裏 !

10.麗都浴室事件

在很耐以前 , 麗都浴室是一間賓館 , 一向都冇也怪事 ! 直到有一日 ! 一個住客拿住鎖匙向自己的客房走去 !! 他是住在最後的一間房 !! 在走到途中 , 他看見一個女子在他面前走緊 ! 直到走到最後二間房時 , 那住客想那女子定是住在第二間房 ... 但那女子還是走緊 , 突然 ... 她停了下來 , 個頭掉了下來 , 接住就消室了 ! 那住客接住大叫 ! 之後 , 那間賓館的老闆將賓館改為浴室 , 因為浴室只供男人使用 ! 所以就只會有陽氣 , 用來壓住D陰氣 !

11.塔石球場

在澳門墳地不足的情況下有這麼多人的死亡 , 政府決定將塔石那地方改為亂葬點 ...
( 註 : 塔石球場當時還是一塊沙地 )
大量死屍將放在塔石 ! 直到日本戰敗 , 糧食開始運入 ! 政府就決定重建塔石 ! 原本是想興趣大夏 , 但在施工那時好多工人見鬼的事件 ! 令到那一區人們恐慌 ! 所以計劃最後 FAIL 了 ! 由於陰氣太重 ! 政府就興建了塔石球場 ! 知唔知點解 ? 他們就是因為塔石陰氣太重 , 要長期由太陽照住 , 用來鎖住陰氣而兔它們流走 ! ( 怪不得唔做高場啦 !!! )

12.澳門新福利33號巴士女鬼

新福利澳門新福利的33號巴士，相信是澳門其中一條很熱門的巴士線，自從新世紀酒店的希臘神話賭場開幕後，乘33號的人亦日益增多，但有時不知是否有「順便載埋」這回事，最近十個月在33號出現了一隻穿著校服的女鬼！經過很粗略的查証後，竟發現有數名搭33號的乘客先後見過無腳女鬼，根據他們透露，以下是他們發現女鬼的時間：

2004-12-10  22:30
2005-01-28  21:10
2005-02-13  23:00
2005-02-28  19:45
2005-04-13  20:25
2005-06-10  19:00
2005-09-02  18:50
2005-09-14  18:00

根據其中一人透露， 2005年9月14日當晚6:00 ，在[乙水]仔南新花園上車，但很異常的，車上並沒有太多人，但平時這段時間應該是全車滿座才對；不過他好少理，投了三元三角，並坐了中間的位置；而另一個異常的情況就是這部巴士每停一個站，都不會有太多人上車，但平時應該有很多人迫在車門前，但為何特別這天並沒有人呢？同時他亦都以為自己很幸運，不用與其他人擁在一起；但更糟的事才來了，在孫逸仙博士大馬路的路上，車前的電子版好像失了靈，經常顯示「氹仔電訊綜合大樓」；到真的是CTM 大樓那個站，只有一個穿著校服的女子上來，不久奇怪的事出現了，在後排的乘客好像發了瘋，有些猛按門鈴，有些求神拜佛，當時他仍不知是甚麼事，但後來他看回車前，不為意間發現該名著校服的女子的下半身，只有深藍色的裙子，但沒有雙腿，飄在近上車門口的坐位旁邊，到了新世紀酒店的巴士站，幾乎全部人都下了車，連該名目擊者都下了；雖然仍有人在這裏上了這輛33號，但肯定的車上的人已買少見少。
該名目擊者在這兒轉乘了澳巴的11號車，他表示因為「她」而再虧了三元三角搭11號，並表示「自己驚領野」，真是「多得佢唔少」。
而根據第一位目擊者 ( 2004年12月10日 ) 稱，該名「女鬼」所穿著的校服是灰色冷衫，打紅色領帶，深藍偏黑連身裙。
這位著校服的無腳女鬼是從哪兒來的，就無人知曉 ...... 但肯定的，目睹無腳女鬼的人數亦不止上面列出的這麼少。

作者: 306873053 時間: 10-11-24 10:43 PM

松山戈個真係心都寒了= =

作者: kristalltang 時間: 10-11-24 11:16 PM

原帖由 306873053 於 10-11-24 10:43 PM 發表
松山戈個真係心都寒了= =

唔心寒又點叫鬼故

作者: 雪子秀 時間: 10-11-25 03:06 PM

你住在哪裡？讓我來找找你。

--------------------------------------
之前你所說的No. 33車的女鬼，又好似從"聖類斯院舍"的鬼地方走出來，這院舍是給予一些"重度智障 / 弱智 / 精神病的患者"來無定期居住。

[ 本帖最後由雪子秀於 10-11-25 03:13 PM 編輯 ]

作者: kristalltang 時間: 10-11-25 09:20 PM

咳...我不是住在澳門的

作者: 雪子秀 時間: 10-11-25 10:26 PM

不是吧？

但是，你怎樣知道澳門裡有這麼多的資料？

[ 本帖最後由雪子秀於 10-11-25 10:28 PM 編輯 ]

作者: eggeggg 時間: 10-11-26 05:16 PM

大家知唔知邊度 A , B , C , 在外表看係唔係好似三枝香 , 我以前都係住係其中一座 , 成日都有人死 , 旁邊有座灰色大廈 , 大家不防向上望,似唔似一隻蝙蝠 , 以前住係 A , B , C 果D人就會講一隻蝙蝠三枝香 ...

還有 " 台山紅郵筒 " , 聽說 : 如果夜半三時在這裡等車 , 千萬不要和郵筒太接近 , 太近可能會聽到郵筒裡 ~~~ 有一把男聲說 : " 幫我寄卦信好嗎 ? .... "
雪子姐唔該睇野

作者: 雪子秀 時間: 10-11-27 01:35 PM

Phew...誤會了，不過都是幾年前的事。

作者: tytyalex 時間: 10-11-29 09:04 AM

校服哥個係咩學校?睇完好驚......

作者: kristalltang 時間: 10-11-29 01:13 PM

校服未校服囉
唔通頌有咩校服可言嘛？

作者: 雪子秀 時間: 10-11-29 03:32 PM

原帖由 tytyalex 於 29/11/2010 09:04 AM 發表
校服哥個係咩學校?睇完好驚......

Taipa中葡小學

[ 本帖最後由雪子秀於 10-11-30 12:47 AM 編輯 ]

作者: 啤啤熊乂 時間: 10-11-29 07:03 PM

其實大三巴最神秘的傳聞 : ( 就是它的梯級 -- 只要你在零時零分從大三巴的梯級由上至下 ... 一面行就一面記有多少級 ! 之後就相反行多次 ... 也是一面行就一面記有多少級 ! ) 這時你會發現 ~~ < 多了一級或少了兩級呢 ! > 唔信 !!! 你行吓就知道 !!!
留架我是個下啦都唔係既

作者: kristalltang 時間: 10-11-29 08:22 PM

原帖由 雪子秀 於 10-11-29 03:32 PM 發表

0-0原來我睇錯字

作者: 雪子秀 時間: 10-11-30 12:49 AM

剛剛我打了字出來，為什麼會消失了？

(別說這裡有鬼)

作者: nok88706 時間: 10-11-30 09:34 PM

我睇到好淆

作者: 紅蝶 時間: 10-12-6 11:19 AM

唔錯好耐冇咁好心機睇曬

作者: 車天大飛輪 時間: 10-12-29 09:36 PM

我以前都成日去台山　A,B,C 戈到去搵我朋友既屋企玩-.-戈到真係好恐怖 D燈好多蜘蛛絲
同埋有D電梯係壞仲要好舊好舊還好記得好世界酒樓對面那個土地公公D大廈好幾恐怖-.-

作者: 神月‧光 時間: 10-12-30 05:05 AM

點解我住係澳門都唔知既 --

作者: 死_豪 時間: 11-3-16 07:24 PM

靠....我成日搭車好彩無搭過33號姐........

作者: tanettanet 時間: 11-3-20 12:52 PM

THX~~~~~~~~~

作者: hihihi0821 時間: 11-3-23 09:14 PM

我去咁多次澳門都無聽過

作者: hihihi0821 時間: 11-3-23 09:15 PM

有時好夜係澳門周圍行都唔覺陰森

作者: 眼淚笑了 時間: 11-4-6 07:09 PM

因為年紀太老了，又有食物食水，結果在防空洞內死了= =
有野食同有水都死= =

作者: zx19901217 時間: 11-4-10 01:50 PM

2.台山

大家知唔知邊度 A , B , C , 在外表看係唔係好似三枝香 , 我以前都係住係其中一座 , 成日都有人死 , 旁邊有座灰色大廈 , 大家不防向上望,似唔似一隻蝙蝠 , 以前住係 A , B , C 果D人就會講一隻蝙蝠三枝香 ...

還有 " 台山紅郵筒 " , 聽說 : 如果夜半三時在這裡等車 , 千萬不要和郵筒太接近 , 太近可能會聽到郵筒裡 ~~~ 有一把男聲說 : " 幫我寄卦信好嗎 ? .... "
....我有試過下...但系戈個男人系話:"令仔..可唔可以幫我買個套...."

作者: 差佬 時間: 11-4-16 08:28 PM

搞到我好驚

作者: ┌龍也┘ 時間: 11-4-18 01:21 AM

原來澳門都咁多恐怖地方 @@

作者: LittleBiGPlanet 時間: 11-4-26 09:03 PM

唔睇都唔知...thx for sharing

作者: fatbo001 時間: 11-4-26 09:12 PM

無聽過 BUT thx for sharing

作者: 地獄19層 時間: 11-4-26 10:10 PM

一半係有講鬼一半係無聊野...

作者: jamestim 時間: 11-4-27 06:19 PM

感謝大大的分享

作者: eurkan6 時間: 12-1-21 07:25 PM

幸好我不是住那邊

作者: kelvinlaw13 時間: 12-1-23 05:47 PM

好彩我唔係住澳門!
下次樓主整個香港猛鬼地方!

作者: 夏目友人帳 時間: 12-3-22 04:28 AM

提示: 作者被禁止或刪除內容自動屏蔽

作者: 夏目友人帳 時間: 12-3-22 04:29 AM

提示: 作者被禁止或刪除內容自動屏蔽

歡迎光臨 2000FUN論壇 (https://www.2000fun.com/)