2000FUN論壇

標題: [火滾]今期FACE本野又講AKB48喇!!! [打印本頁]

作者: 萌高橋 時間: 10-11-25 09:52 PM 標題: [火滾]今期FACE本野又講AKB48喇!!!

[ 本帖最後由萌高橋於 10-11-25 10:39 PM 編輯 ]

作者: 萌高橋 時間: 10-11-25 10:16 PM

AKB48成員由 13歲至 26歲，其中前田敦子曾經係最具人氣隊員，傳聞因為前田唔聽話，早前其所屬經理人公司「 AKS」搞人氣選舉，大島優子竟後來居上，打低前田敦子成票后，當上 AKB48第 1位人氣成員。

「 Morning娘」 out晒，呢期 o靚界至愛必屬由 48個 80、 90後少女組成的 AKB48。

喺日本紅到爆燈，最近 AKB48旋風更席捲港澳，信和、深水埗腦場變成 AKB集中營，上週只得 3個成員於香港官方專門店舉行握手會，一樣引到 200位港男爭崩頭排隊。

上週二更夾埋姊妹組合 SKE48到澳門開騷，雖只派班蛋散成員演出，但唔只港、澳宅男爭住捧場，連大陸粉絲都組團到澳門朝拜。史上最強美少女組合呢個朵，唔係齋吹。王祖藍又有扮嘢對象啦！

左起：
No.7 小嶋陽菜
No.3 篠田麻里子
No.2 前田敦子
No.1 大島優子
No.4 板野友美
No.16 北原里英

[ 本帖最後由萌高橋於 10-11-25 10:26 PM 編輯 ]

作者: 大和=] 時間: 10-11-25 10:20 PM

但張相用ｄ咁既sex好怪-.-

作者: 萌高橋 時間: 10-11-25 10:21 PM

信和專架
由於 AKB48寫真集及做封面嘅雜誌多到爆，於信和專門出售日本偶像書籍嘅「橫濱」書店，更專門開一個書架放 AKB48嘅書籍。

殺入腦場
唔只信和，最近連黃金及高登等腦場嘅店鋪，都播 AKB48嘅片段吸引宅男，同少女時代搶地盤。

中港 fans勁迷

楊先生　學生
來自深圳嘅楊先生話：「最鍾意前田敦子，因為佢可愛又靚，唱歌又好，佢唔嚟澳門好失望。」

阿超　學生
來自廣州嘅阿超表示：「最迷小野惠玲奈，今次見唔到佢冇所謂，仲有其他隊員都好 kawaii。」

Miyo　學生
香港代表 Miyo：「板野友美跳舞好勁，我想飛去日本睇佢演出。」

17/11空降香港專門店

左起：
北原里英
河西智美
峯岸南

上週三， 3位隊員來港舉行握手會， 200 fans唔只排長龍見偶像，仲爭住畀錢買精品，迫爆收銀櫃位。

位於深水埗西九龍中心嘅 AKB48香港專門店，於中心（圖）外貼上一張成 4層樓高嘅大海報，好有氣勢。

佔地 1,800呎嘅香港專門店，唔係齋賣精品，仲有部大電視不斷播 AKB48嘅 DVD，引 fans入場。

店中最暢銷係只售 100件嘅限量 tee，售價成$1,000蚊都賣斷市。該店位於深水埗，負責人 Eric解釋：「因 AKB48由秋葉原出身，因深水埗跟秋葉原都係賣電腦嘅集中地，所以咪揀深水埗為總部。」

作者: 萌高橋 時間: 10-11-25 10:23 PM

16/11澳門晒馬
上週二， AKB48孖住 SKE48踩入澳門開騷，雖最紅成員前田敦子及大島優子等缺席，但勝在有 24位成員人多勢眾，仲玩埋制服誘惑又唱又跳，一樣引到班粉絲 high爆支持。

[ 本帖最後由萌高橋於 10-11-25 10:26 PM 編輯 ]

作者: 萌高橋 時間: 10-11-25 10:33 PM

爆紅 5招

密密水着
要吸引宅男，水着寫真唔少得，難得 kawaii隊員唔介意騷身材， 5年前出道至今，影過超過 20本寫真集。

2勁上電視
齋講今年， AKB48已有 8個定期演出嘅綜合性節目，差唔多間間電視台都見到佢哋，其中日本電視台製作嘅《 AKBingo》最受歡迎。

3夠多花臣
曝光率高外，最緊要係公司不停搞花臣，除每年搞一次人氣投票選舉，最近仲舉行「猜包剪揼大賽」，最後贏家可當上細碟封面中間嘅主角位，雖然無聊，但就造成話題。

4大師 MV
早前 AKB48，仲搵埋名攝影師蜷川實花執導單曲〈 Heavy Rotation〉 MV，當中板野友美更與前田敦子互咀搞 les，咪話唔激。

5日日開騷
由 05年開始， AKB48每日都有隊員於秋葉原 AKB專門劇場交替演出，完騷後 fans更可同偶像握手，夠晒親民。

作者: 萌高橋 時間: 10-11-25 10:34 PM

大陸粉絲組團

上月 27日推出新碟《 Beginner》，至今大賣超過 100萬張；最近更獲雜誌《 Dime》主辦嘅「潮流大獎」選為最具話題人物。

於自己地頭紅到拆天，上年開始已衝出日本進軍美國紐約，最近更搶攻港、澳市場。上週二代表秋葉原的 AKB48夾埋代表名古屋的 SKE48先到澳門金沙酒店開騷，雖然 AKB48王牌前田敦子、大島優子及板野友美冇到，但 660張門票一早賣清光，當日更有一班來自廣州、深圳及上海宅男到場霸靚位支持偶像。

而 AKB48澳門演唱會門券，早於上月 20日於香港 AKB48專門店發售，雖香港只獲派 200張門券發售，但負責人 Eric透露：「喺門券發售前一晚，已有 fans通宵排隊，賣飛當日，唔使兩個鐘， 200張飛已經賣晒，都幾誇張。」港澳有市場，難怪 AKB48幕後主腦秋元康都對記者表明：「話唔定有日可以組成 Hong Kong48或 Macau48，又或者搵港、澳女仔加入 AKB。」

來港吸金

成功搶攻澳門後，食住上再攻香港。上週三便派出三名成員河西智美、峯岸南及北原里英踩入 AKB48香港專門店舉行握手會，唔只吸引約 200名港男排隊見偶像，更有 fans準備定禮物同分別於 15、 16日生日的峯岸南及河西智美補祝生日，氹到 2人鬼咁開心。最重要係班 fans肯扲荷包掃店內精品，據稱，峯岸及河西 2人價值 80元的肖像旗幟於握手會後已被 fans掃清光。 AKB48唔只係「 o靚界最強美少女組合」，仲係「史上最強吸金寶寶」喎。

音樂人唔 buy

DJ Tommy：冇乜驚喜

AKB48嘅 MV喺 YouTube每條都過百萬人睇，其中以互咀為賣點嘅〈 Heavy Rotation〉仲破 500萬點擊率， DJ Tommy：「 AKB48啲女仔質素好平均，但唱功唔算突出，但勝在夠青春，日本不嬲都好受呢種女子組合，換轉係香港就未必紅到喇！佢哋啲 MV就好平淡冇乜驚喜，但唱功比 Morning娘好啲。」

陳奐仁：意識不良

「 AKB48個形象好鮮明，又夠青春，佢哋嘅 MV雖然旋律簡單，但個編曲包含咗好多元素，製作亦相當揼本。加上佢哋人多勢眾，又可以同時間喺唔同地方出 show，增加曝光率，咁紅亦不無道理。不過可能係我保守，啲 MV嘅概念有啲意識不良，例如俾人偷睇或獻身畀男仔，睇完有少少唔舒服。」

DJ T

作者: 萌高橋 時間: 10-11-25 10:35 PM

AKB48嘅 MV喺 YouTube每條都過百萬人睇，其中以互咀為賣點嘅〈 Heavy Rotation〉仲破 500萬點擊率， DJ Tommy：「 AKB48啲女仔質素好平均，但唱功唔算突出，但勝在夠青春，日本不嬲都好受呢種女子組合，換轉係香港就未必紅到喇！佢哋啲 MV就好平淡冇乜驚喜，但唱功比 Morning娘好啲。」

陳奐仁：意識不良

「 AKB48個形象好鮮明，又夠青春，佢哋嘅 MV雖然旋律簡單，但個編曲包含咗好多元素，製作亦相當揼本。加上佢哋人多勢眾，又可以同時間喺唔同地方出 show，增加曝光率，咁紅亦不無道理。不過可能係我保守，啲 MV嘅概念有啲意識不良，例如俾人偷睇或獻身畀男仔，睇完有少少唔舒服。」

DJ Tommy

陳奐仁

作者: 萌高橋 時間: 10-11-25 10:36 PM

棄將拍 AV

曾是 AKB48核心主將的中西里菜，早前因腰傷退隊，之後卻突然改名叫山口里子轉戰 AV界，同原紗央莉爭飯碗。

5呎 2吋、擁有 34F上圍的里菜，曾於寫真集中夾出 6吋長專業線，絕對有料。

出道初期，里菜着住校服嘅形象，仲鬼咁純情。

改名為山口里子的中西里菜，處女 AV已於 8月尾出籠，片中她還 3點盡露，剝到盡。

港女抄到足

由 8位港女學生組成嘅「 shining hearts」起初只屬自娛形式 cosplay，喺各大大學秋祭 cosplay扮 AKB48跳舞吸引唔少龍友同宅男捧場。排練認真又揼本整制服，今年 10月仲被海港城睇中，獲邀喺萬聖節出商場 show添！隊長 Emily Chan喺本月 16日拉大隊去澳門睇 AKB48演唱會，夠晒神心。

真貨

港版
港版 shining hearts成員年紀同 AKB48相若，大部分都係在學學生，制服抄到足，驟眼睇又幾似正貨，當中以成員 Yuki（中）最索亦最似 o架妹。曾多次被邀出演同公開活動，連海港城同 Asia Game Show都有佢哋份。

「 shining hearts」仲擁有自家 blog放活動相跟 fans分享， AKB48粉絲就話：「佢哋好努力，不過同正版 AKB48差好遠囉。」

作者: 神熊 時間: 10-11-25 11:35 PM

真係火都泥........

作者: 麟=) 時間: 10-11-25 11:37 PM

完全唔會買呢D雜誌...

作者: 拉‧魯‧古魯謝 時間: 10-11-26 01:07 AM

cos果班我成日都見到佢地= =
話佢地唔似差好遠?我唔覺囉,旁人明顯係睇得出佢地好努力咁去排舞
佢地唔似正版咁有專業排舞師
佢地都係靠睇MV不斷翻睇黎練,如果咁都練到專業級既洗乜要排舞師?

作者: jkkjkjkjkk25 時間: 10-11-26 07:21 PM

咩叫派左D蛋散黎呀
你冇_野呀低能仔
希望港版5會做左第二代墨西哥AKB(嘔...

作者: 卍金日香卍 時間: 10-11-26 07:45 PM

外行人只知皮毛,不知內裹深奧!
如果[秋哥]只懂用你說成名技術!AKB神早收檔la!!!

花多少少時間去留意AKB,就知AKB絕不簡單!
希望你專業用心報告!!!

作者: 萌高橋 時間: 10-11-26 08:02 PM

原帖由 卍金日香卍 於 10-11-26 07:45 PM 發表
外行人只知皮毛,不知內裹深奧!
如果[秋哥]只懂用你說成名技術!AKB神早收檔la!!!

花多少少時間去留意AKB,就知AKB絕不簡單!
希望你專業用心報告!!!

無錯

D傳媒只係識誇張失實博銷量
實質誤導買家教壞人

好過份

作者: 萌高橋 時間: 10-11-26 08:03 PM

原帖由 jkkjkjkjkk25 於 10-11-26 07:21 PM 發表
咩叫派左D蛋散黎呀
你冇_野呀低能仔
希望港版5會做左第二代墨西哥AKB(嘔...

我都唔希望

作者: 木也 時間: 10-11-26 08:34 PM

寫衰曬akb,,,,

作者: bsexp651341 時間: 10-11-26 09:25 PM

寫得半好半壞

睇完就算

作者: 妖精ν尾巴◆〃 時間: 10-11-26 09:41 PM

係吾抵得AKB咁紅`!請香港D報社小心D寫野`小心得罪AKB飯`

作者: oriona06051 時間: 10-11-27 04:52 AM

睇到標題已經唔想睇內容!!

只可以講人紅自然多人留意多人寫....
先唔理內容係正面定負面...
至少叫做有雜誌寫證明多人留意左....
正面又好負面都好都叫做宣傳!!!

而且大多香港人都知道香港娛樂雜誌永遠信一成都死!!!

歡迎光臨 2000FUN論壇 (https://www.2000fun.com/)