2000FUN論壇

標題: 老公偷食 [打印本頁]

作者: ~小琪琪~ 時間: 10-12-13 04:12 AM 標題: 老公偷食

早幾日,我同幾個同事同埋老公一齊飲酒,我飲到有D醉,同佢地講入房休息下,
過左大約一個鐘,老公未返房,就想去搵佢,搵曬成間屋都搵唔到,只係聽到廁所有水聲..
但奇怪我老公,同其中一個女同事唔見左,得一間廁所,我就鄗門,我老公出聲,佢話好醉,
嘔完就返房,叫我上去先,因為我覺得奇怪,我就同佢講等佢出黎,點知佢死都唔出黎,
我就問佢係唔係同個女人係入面,佢都係一直叫我入房,之後好多同事,一直叫我入房,
我死唔返,我話你地唔出黎,我唔返,之後我老公出左黎,即刻關左廁所門,話叫埋佢出黎.
我老公好惡同我講,咁你想點呀,想打佢呀~我說打佢都係應該,之後比佢地捉入房,
依家佢地一直要我原諒佢地,因為我有個仔我一歲,我唔知,亦唔想,因為我同我老公係
奉子成婚,結左先二年,呢段時間其實佢對我一D都唔好,我覺得佢唔愛我,佢完全係因為有
左BB先同我結婚,因為我未有BB前,我地想分手好多次,我應該點做,我應該同佢一齊嗎.......

作者: 銀河戰國 時間: 10-12-13 10:00 AM

同佢D屋企人講再同你d屋企人講
睇下兩邊既人點講法先
我唔係你如果我係你我就會搞大佢

作者: 黑森林仔仔 時間: 10-12-13 02:02 PM

其實你心入面都已經有左答案.
但系正如樓上所講..同你最信任既人傾下先好.
如果你已決既都冇計啦...
但系做單親媽媽系好辛苦的.

作者: gunner123 時間: 10-12-13 04:54 PM

我好明白你既感受,咁佢唔鐘意你,佢又要同你做??

作者: 舊記憶 時間: 10-12-14 02:12 AM

你明知佢唔愛你,你就醒小小啦
種要當面篤爆佢,做女人做到你禁蠢真係

係成班同事面前,你唔顧面,都要顧下自已男人面先得嫁,你明知佢偷食
你都冇理由當住班人面嘈佢嫁?一個聰明既女人,係適當既時候應該做d適當既事
你唔好唔記得你種有個1歲仔呀.要嘈都係返屋企先問罪啦係未呀?

作者: 小艾。 時間: 10-12-14 06:47 AM

原帖由 舊記憶 於 10-12-14 02:12 AM 發表
你明知佢唔愛你,你就醒小小啦
種要當面篤爆佢,做女人做到你禁蠢真係
係成班同事面前,你唔顧面,都要顧下自已男人面先得嫁,你明知佢偷食
你都冇理由當住班人面嘈佢嫁?一個聰明既女人,係適當既時候應該做 ...

事情到左呢個地步,,,,,以下既文章...大家可以諗....

作者: hilhil520 時間: 10-12-14 03:59 PM

你都做人媽媽~凡事都要為個小朋友考慮先~自己既事先放埋一邊~
有需要就要去搵社處分擔下~唔係攪到家暴就唔好啦~

如果你係唔愛佢~只係因為有個小朋友~唔想佢冇左爸爸~你更加應該同屋企人傾下~
睇下屋企人會支持你點做~我都明白呢d事就算係同屋企人傾都難免覺得鑑介~
但係小朋友既成長先最為重要~

1.帶埋個仔同佢離婚
2.唔要個仔同佢離婚
3.繼續忍,但佢一日唔生性你一日都唔會好過
4.坐低慢慢傾,佢肯對你作出承諾冇下次,當原諒佢~俾大家最後一次機會
5.唔離婚但分居(冷靜期) 諗埋個仔跟邊個住~(即原諒左一半,跟住就要睇佢做化,佢真係想同你一生,一定會做d野既)

如果佢唔介意你走~但又要留住個仔~我係你就同佢協意你得閒可以探返個仔,
你仲後生,要生有幾難呢?

一個男人有得第一次,好難保證冇第2次~冇,都可能只係佢收埋得好ja~酒醉3分醒呀~佢知自己做緊咩既~

唔好因為身邊既朋友點講~你就亂決定~記得~最親既人始終係屋企人~

作者: Ealice 時間: 10-12-15 12:34 AM

屋企第一
其實喱個世界喱d咁既事唔止係你一個身上發生
好多人都係為左頭家為左自己仔女先去維持

作者: aiyuen=) 時間: 10-12-15 02:09 PM

要問人點做...你不如問下自己之前點解要同佢結婚好過
諗到你就會堅持落去....
講到尾有因必有果...........呢個咪個果囉

作者: andrewho 時間: 10-12-22 10:19 PM

離婚啦 ,
問佢同佢呀媽要唔要個仔 , 要就讓畀佢(怕你無能力養掂個仔)
唔要ge話就自己養大佢(e個亦都係你ge責任.)

(以後小心d識男人,孤獨終老都好,都唔好隨便跟個衰男人過世.)

作者: 紫靈姬 時間: 10-12-27 03:46 PM

希望樓主唔好介意我回應你一定唔會好聽
你唔信你亦可以嘗試扮下野問下啲已婚有女朋友既男人想法你就會明白
事關我都識唔少有女朋友或有老婆既男人都會仲想出去搞三搞四
你真係需要睇下婚前試愛十個男人九個出去滾剩低一個仲係度諗緊
而且你仲要係奉子成婚根本就已經係一個綁縛黎
除非係互相承諾付托終身然後先至有細路
奉子成婚擺明就係想生個仔出黎綁住個老公個心
但我只可以講句只會造成自己既傷害更深
呢樣係啲已婚男仕講的佢只會係在乎個細路已經唔係在乎段婚姻
所以你用仔黎綁住佢佢唔會同你再發生關係只會係出面夜一夜先返屋企
講真咁既婚姻你綁得幾耐容忍得幾耐個結果一係你就知扮唔知
但人既忍耐力有限最終都只會日日家嘈屋閉你想你細路仔生活係咁既環境下長大
而家只係結婚兩年你老公已經可以係屋企廁所度玩咁再過多兩年會唔會係埋你地張床
我希望你可以成熟少少對於你同你個細路著想而家靠自己唔係一件壞事
係你老公對你不終而唔係你既問題
雖然我都係女人可能我身邊既有太多呢啲野
導致我對婚姻細路呢樣野已經完全無哂信心
自己一個又如何我地女人應該要學識獨立唔應該再靠男人先可以生存囉
至於細路方面可以搵自己家人幫忙加上你自己都搵返份穩定既工啦
雖則我知呢件事係好難頂但你而家唔去面對遲下就會發生為悲劇
如果你想挽留婚姻我勸你隻眼開隻眼閉因為根本你只會綁到佢個人下半身你綁唔綁得實
就算你打無數次電話CHECK住佢都好佢都會一樣照可以玩根本就無辦法管
只可以寄望佢會玩還玩識得返屋企如果你可以容忍度咁高就繼續吧
如果換轉係我現實講句我真係會選擇唔要個細路係好冷血但係用奉子成婚黎逼老公婚姻咁樣換黎既婚姻究竟可以有幾幸福

[ 本帖最後由紫靈姬於 10-12-27 03:56 PM 編輯 ]

作者: 吞食貝貝 時間: 10-12-28 07:29 AM

唉...不負責的大人...可憐的小朋友

作者: 冷冷B 時間: 10-12-28 11:59 AM 標題: 既然

不如你地等你仔大D先離婚都味遲，最重要是個兒子，通常好多夫婦唔離婚都系因為個兒子，請為個仔林下先。你地個仔少左一個都唔得。
奉子成婚,為何當初搞左個甘嘅大頭佛，我覺得你地要溝通下，為左個仔。

作者: ericwong831 時間: 10-12-28 07:24 PM

一次不忠.百次不容呀!

作者: heeheehee 時間: 10-12-28 10:57 PM

你話佢唔愛你, 咁你又愛唔愛佢呢?
如果你係愛嘅, 又願唔願意再博多次?
如果係唔愛就趁早了結, 個仔成日見個阿爸阿媽嘈都唔好啦

作者: 城b 時間: 11-1-1 01:32 AM

飲酒亂性呀,,,,
幫你唔到(令教人打仔莫教人分妻)

歡迎光臨 2000FUN論壇 (https://www.2000fun.com/)