2000FUN論壇

標題: 唔該唔好再叫新手用太刀之真相公開 [打印本頁]

作者: qzyb234 時間: 10-12-14 01:13 AM 標題: 唔該唔好再叫新手用太刀之真相公開

有人建議我係最上面寫返d資料比人睇

我篇文既重點不在武器,在於心態,拎太刀上枱既原因就係因為..................吸引人流.同埋太刀係最多人用=]

e排上xl.出去同人地打mh3 ,見到既人9成係太刀,而且個個都係燕南天(超級高手,高到要不停用藥吊命)真係火到黎埋,補完血仲可以係正我後面一野斬落黎,高手到呀,而且e家打mh3仲講帶齊陷阱閃光亂舞佢, *1
我真係妖鬼佢,咁你不如唔好玩,買舊豬肉返屋企狂斬就係啦,實唔會亂郁,e家一條雄火中個3次閃光,有效時間都唔知有無兩秒,練好你d技術啦

唔該咁多位,下次見到新仔個陣唔好一開口就叫人用太刀,我唔否認太刀係可以片得好爽,但係貓車既次數仲爽
你地有無諗過自己用左幾多時間,先將自己既瘋狂亂舞練成有技術狩獵,
e隻係講技術既game黎,你要佢一開波就爽(村長d怪幾爽唔洗講啦)到乜咁,之後去到上位集會同人連線,先知道自己其實係一個無技術既垃圾,比著係你,你仲會唔會爽!

講到e到,我要重申,我無講太刀係垃圾,只係唔岩新手用咁解姐,我個人認為3入面最岩新手用既係銃同長槍*2

重點原因︰有盾,今時今日既盾,唔上技既話,除左死光類攻擊外,其他攻擊都可以擋住,最多都係扣血同彈後,上埋防1.2既話緊加係無視所有死光外的攻擊
尾錘想壓我?,我擋,迅龍用尾擊?我盾擊再3刺斷你尾,所以新手拎住佢安全指數直線上升,集會團戰個陣,就算唔係點幫到手打,都唔會貓車先!

原因2︰基本攻擊方式無霸體,實有人想講,咁都叫好處!?無錯,就係因為易趺低,所以先會記得,攻擊緊個陣唔係無敵,要保持清醒,隨時閃開.擋另一方面,唔會出現係自己隊友後面一野整過黎既情況(黑心,玩野唔計) 咁你仲話唔係好處?

所以新手係e兩把野簡一個黎練,單拖爆村長任爆到峯山為止就係出師,最好就係貓到唔帶,完全係練技術為主,
同時可以解決行得慢既問題,因為隻怪既目標只有你,實會追住你黎打,唔洗去追佢--..............所以快慢無分別
而迴避分為離開攻擊範圍同無敵時間閃開判斷,離開攻擊範圍小朋友都明,唔多講,
無敵時間閃開判斷可以用盾黎練,用盾擋個陣睇下係幾時,隻怪動作做到邊到,先會噹一聲擋左,只要係個一聲前一0.001秒按x去迴避就ok

所以長槍同銃槍先係mh3入面,最岩新手用既武器!

只要新手可以爆左村峯山,咁佢就算係入面,可以簡自己中意既武器去集會玩啦
因為唔理咩武器,乜咩攻擊方式,攻擊同迴避既時機唔會因為武器唔同左而改變
可以慢慢享受隻game十二種(無記錯既話)武器既樂趣

注︰
*1 當然我唔係講咩道具都唔用,陷阱.炸彈ed野,用黎破部位我都會咁做,有陣時玩野拎黎笑都唔錯
*2 狗龍一家可以講係剋星,可以用輕弩射散彈黎過任,之後再慢慢搵佢練技術
*3 上面d字有錯請提出

最後,睇d唔睇d就想回文插我既人,請你睇完睇清再回,睇完都覺得我係錯既,歡迎你指出

睇完d人留言,我發現我應該加返句
新手玩e隻game第一件事唔係練武器,而係練好自己狩獵的心態!!!!!

12種武器,樣樣都可能練到好心態,
我舉長槍銃槍係因為佢地最符合e個要求,而太刀就係包尾個堆,
只要有好心態,樣樣都係神器

[ 本帖最後由 qzyb234 於 10-12-14 02:50 PM 編輯 ]

作者: doggoddoggod 時間: 10-12-14 01:20 AM

haha 太刀已過峯山龍全屬性太刀齊

作者: 飛吧飛吧 時間: 10-12-14 01:24 AM

我玩到依家,都只係用過太刀2次
今集太刀明顯弱左
但係佢既迴轉的確幾型
你比人打down,只係你隊友既問題
我同fd玩,就算係老手一樣出現同樣問題
只係佢地經常同你搶同1個位打
除左你玩槌,如果唔係,基本無必要同佢地搶同1個位打
1條龍咁大,你係唔係真係要死打個個位?

我唔係引起筆戰,如果你話依家太刀廚多
不如話,雙刀廚仲離譜,個個鬼人9砍
一係純發砲既統廚都係
世上一定有班無技術既人
但人地用道具玩唔等於你可以鬧佢
每個人都有佢玩mh既目的/方式
你無可能強迫人地接受你個套

講得老套d就係,你大不了可以選擇走場唔打

其次,如果你話長槍岩新手玩既,我唔認為
長槍唔似大劍,太刀,斬擊斧,統槍可以輕易斷尾
只要你用過槍打飛龍種,你就完全明白長槍上刺既無奈感
如果要斷尾既,我依舊支持大劍太刀

作者: doggoddoggod 時間: 10-12-14 01:26 AM

原帖由 飛吧飛吧 於 10-12-14 01:24 AM 發表
我玩到依家,都只係用過太刀2次
今集太刀明顯弱左
但係佢既迴轉的確幾型
你比人打down,只係你隊友既問題
我同fd玩,就算係老手一樣出現同樣問題
只係佢地經常同你搶同1個位打
除左你玩槌,如果唔係,基本無必要同佢 ...

太刀的確係把好刀:$

作者: qzyb234 時間: 10-12-14 01:46 AM

原帖由 飛吧飛吧 於 10-12-14 01:24 AM 發表
我玩到依家,都只係用過太刀2次
今集太刀明顯弱左
但係佢既迴轉的確幾型
你比人打down,只係你隊友既問題
我同fd玩,就算係老手一樣出現同樣問題
只係佢地經常同你搶同1個位打
除左你玩槌,如果唔係,基本無必要同佢 ...

我只可以講,你想得太多,完全會錯哂意囉0.0

不過斷尾多左防反,易斷左啦0.0 推倒斷又得火龍一家浮空,條尾下垂用平刺就得

目前單打雄火雌火角龍實斷到尾,

[ 本帖最後由 qzyb234 於 10-12-14 02:12 AM 編輯 ]

作者: ballball池 時間: 10-12-14 09:16 AM

新手通常鍾意9斬
加上攻擊輸出夠大
所以大部份都用太刀

不過如果一尾9斬既話
好快練壞手勢
我由MHP2中後期開始已經唔玩太刀
曾經上XLINK打祖龍
有條友拎把鬼斬衝埋去9斬
心諗_ _ _
所以我依家都唔係好鐘意人用太刀

不過你話個人認為3入面最岩新手用既係銃同長槍*2
我又唔多認同
雖然MHP3既銃同長槍係勁左同夠易上手
不過機動力問題對於新手黎講都係難關
即使有盾都未必開得岩位同岩時間

所以我覺得新手應該由片手起步
有機動力同有盾
仲可以唔收武飲水

片手對於練走位同開盾時機都有好大幫助

作者: 小川一真 時間: 10-12-14 10:34 AM

其實用咩武個人仲意既姐
我覺得大劍新手仲攞膽....下下送你座飛機

ps:雖然我都用太刀,但係我主張有迴2+迴距先好用太刀

作者: KaRL-BoYS 時間: 10-12-14 12:26 PM

太刀好睇人
太刀貪刀 = 再高再老手都仆街

但我反而覺得太刀今集強化左, 1.4/1.6 倍攻激快斬死

作者: 薩非羅斯 時間: 10-12-14 01:22 PM

d人通常都話片手劍係新手先用,我就覺得片手劍攻守兼備
有暈同斬兩種攻擊,又可以緊急擋,有穩定傷害輸出
又可以一路用武器一路用道具,所以就算係老手或者新手我都建議用片手劍

如果打d大形d既怪或者靈活式冇咁高既怪,我就建議用鎚
就咁玩連禁三角全壘打,蓄氣蓄一級就夠,二級自轉轉過龍會好大鍋

作者: J-Van 時間: 10-12-14 01:40 PM

我覺得銃槍先唔多岩新手...
一個人打可能好D..
你去到集會所同人打要兼顧好多野..
一來要睇位~唔係下下都9射..
你遇著D9射銃槍..下下CUT晒隊友D技..你到時肯定慘過被太刀片..依家仲有全彈發射-.-
二來要識走位..
要隨時加入斷尾或者爆頭組...邊一邊唔夠力就要幫手.

新手應該用笛

依家比埋表你睇..唔使記..
下下係場邊吹..隻怪望實你就拿拿聲過區..
包幫到手之餘仲唔使咁易貓~~

作者: 飛吧飛吧 時間: 10-12-14 02:36 PM 標題: 回復 5# qzyb234 的帖子

我唔否認我無睇哂你內容

上位飛龍系都仲好d,如果村長,好多時會因為攻擊過強而斷唔到尾(在下就係其中1個)
最易斷龍算係太刀,大劍系
基本上5分鐘左右已經斷到尾
如果換轉係槍既,用既時間會比較慢(不解釋)
(以上不使用道具)

btw,如果比我揀新手武器既,我諗最好係片手,如果自問上手快既,太刀,大劍都唔差
槌黎講..雖然靈活性強,但係好容易因為無得擋閃唔走而貓車
笛..只可以講句..在下無能,上集笛比呢集好用
長槍因為靈活不足,好容易擋到無氣,然後一中崩擊就好容重傷(25耐以下硬檔招式)
統槍其實同上,但因為有砲,容易控制(?)
但係你亦要知道,一開砲就算係大劍,槌呢類高硬直既武器都會立即爆飛
咁樣好容易錯失某d攻擊機會

嘛,大家都係愛呢隻game,如果佢地用得唔好既,你可以選擇教佢地
或者一笑帶過,下次唔同佢地連都ok,我就無咩機會同街人連mh

[ 本帖最後由飛吧飛吧於 10-12-14 02:38 PM 編輯 ]

作者: qzyb234 時間: 10-12-14 02:51 PM

3個論壇加埋過5千點擊,150個貼,我.嬴了

呃左大家咁耐唔好意思,其實件事係咁既

有條友唔信我可以係mh3版到發篇文,可以過5千點擊同150貼(加埋)

如果我得左就請請返餐,咁岩我理解到,只要整個位出黎比人插,就實有人黎插

所以我就作下面個篇野,事實證明.我是對的,我,嬴了,我可以食返餐免費餐

多謝大家,多謝大家咁合作,為左報答大家,我會食窮個條友,大家放心

作者: 迷迷 時間: 10-12-14 04:47 PM

原帖由 qzyb234 於 10-12-14 02:51 PM 發表
3個論壇加埋過5千點擊,150個貼,我.嬴了

呃左大家咁耐唔好意思,其實件事係咁既

有條友唔信我可以係mh3版到發篇文,可以過5千點擊同150貼(加埋)

如果我得左就請請返餐,咁岩我理解到,只要整個位出黎比人插 ...

你咁講.........咁唔爭在你同人賭埋你講左個真相出黎之後會比人插到過300貼同過萬點擊~可能事實証明你都係可以成功比人插過萬點擊~過300貼~

[ 本帖最後由迷迷於 10-12-14 04:49 PM 編輯 ]

作者: 鳥羽　涉 時間: 10-12-14 04:59 PM

我也撞好好多呢d人...

特別是我用片手.... 被太刀一斬可以立刻訓低..

我唔係話太刀唔好... 有d人我見佢真係用得好既起馬唔好係後面斬自己人阿!

隻怪走左仲係到爆劍盒都唔知想點...

作者: 零度之刃 時間: 10-12-14 05:08 PM

唔認同新手出銃槍

作者: 飛吧飛吧 時間: 10-12-14 05:38 PM 標題: 回復 12# qzyb234 的帖子

我係好認真同緊你討論新手所選擇既武器

作者: 95137 時間: 10-12-14 05:38 PM

我覺得新手比較適合片手
MAIN REASON
統槍同長槍:太遲鈍
片手:靈活

雖然係咁,但呢排鐘意左統槍

而家同FD連機都係用統槍,統槍好玩丫

作者: 等待的時間 時間: 10-12-14 06:39 PM

我比較中意用雙劍... 斬幾下避斬幾下又避果種感覺 ...
玩太刀既人係無辦法理解...

作者: 翼次 時間: 10-12-14 06:50 PM

長槍跟銃槍更難用啦……

新手就用片手啦……

作者: 呀雪s 時間: 10-12-15 02:18 AM

大刀打火龍可以屈到水都唔食就爆曬佢頭翼尾

作者: 千堂瑛里華 時間: 10-12-15 09:09 AM

什麼武器都會用才是真正的獵人~~

不過其實沒什麼叫適唔適合.......

個人喜好不同都會有不同影響,所以都是喜歡玩就玩可以了~~

初頭我都覺得太刀是好適合新手用,因為那時新手覺得斬得快,控制又簡單...

到最後因為玩法沒什麼特別才少玩了. (永遠都是斬斬斬,夠氣就等怪硬直就爆氣斬)

現在統槍真的強得有點過份,變化很多,龍擊又儲得快了,勁爽~~

作者: qzyb234 時間: 10-12-15 09:44 AM

原帖由 飛吧飛吧 於 10-12-14 05:38 PM 發表
我係好認真同緊你討論新手所選擇既武器

咁我都認真0.0

我認為新手唔應該玩近戰,大家都知你要熟隻野點攻擊,先識點去閃佢d招

好似狗熊ed細細隻都無乜野,尾錘ed埋左身,根本就睇唔清佢想點,最小你見到頭就見唔到尾=-=

所以我覺得用輕弩係遠處,一面射一面睇熟d動作係最好

單人打既用散彈,因為唔洗講準確,見要個人對正就得,而且商店裝有散強(好似0.0....)

團戰個陣,佢既攻擊時機會大左,e個時候叫佢射毒麻彈,由射中隻怪開始練起,再練用通彈射弱點

最後一個原因係佢真係卡左關個陣,仲有xx的擴散彈大法囧

咁佢爆左村,d怪既動作唔多唔少都會明解,再用近戰去閃d招都易d

*其實可以同佢講e隻其實係槍game黎

**弩既閃避方式有後跳橫移同滾動,學好e把野,你轉斬斧銃槍長槍,定係大劍太刀片手都識閃

作者: 赤翼﹏告死天使 時間: 10-12-15 11:28 AM

我覺得女火龍比雄火龍仲難打...(笑
e家雷狼裝+迅刀/雷狼刀...睇打咩怪...
太刀唔貪刀...基本上無問題...同埋要閃得準...
想練閃得準...不停打雷狼...閃佢甩尾...e家我5下閃到4下...(笑
========================================
迅龍幾煩...走得好快...基本上我已經唔追...
等佢衝過來比我斬仲好...

PS 用太刀斬多D隻野隻腳...當佢一跌倒就係輸出好時機wow

[ 本帖最後由赤翼﹏告死天使於 10-12-15 11:31 AM 編輯 ]

作者: 乂冇野好講乂 時間: 10-12-15 01:04 PM

我由2開始玩起
那時是太刀的
當然就係因為型,片得爽
其實新手用太刀無咩問題
只要唔好貪刀適當時候先劈
但我自己上到2g已經唔係好鐘意太刀
因為太熱門= = 我自己比較喜歡冷門的
所以我3都是用雙劍,大劍和輕gun

作者: 「焚火‥ 時間: 10-12-16 04:02 PM

我覺得斬斧仲勁,,,,識用就好鬼勁但係打一D動作好快既龍有少少困難
EG."信"龍

作者: 001104 時間: 10-12-16 07:31 PM

我只鍾情於弓,除左弓我吾會用第2把

作者: fiy 時間: 10-12-16 08:30 PM

其實好簡單

玩mhp3 玩在開心在架姐

唔開心大不了走場囉,,無謂哂9自己氣啦

學飛吧飛吧話,,,,個個人都有自己玩mhp3既方式,,難道要學你玩法先叫唔係新手或者有技術咩
咁執著做咩呢

作者: king04l40 時間: 10-12-16 11:17 PM

我有一點唔認同.長槍,唔係新人專武

我玩咁耐.都係最中意玩長槍!

作者: +KIN+ 時間: 10-12-17 02:29 AM

我以前剛剛玩mhp2都係好喜歡玩太刀
不過後來2g就玩大劍多
而家到左mhp3就比較喜歡用斬擊斧(可能貪新鮮,又可以玩武器變形)
其實最緊要自己喜歡
不過如果比個冇技術亂黎既人玩
玩乜武器都死~基本上係唔關武器事係關人既問題

作者: 傻SIU軒 時間: 10-12-18 02:05 PM

茶實用咩有咩所謂...
覺得好用咪得囉
用feeling去打機
唔好太注重人地叫你用咩就用咩

作者: superboy2009 時間: 10-12-18 05:59 PM

好~我唔會再叫新手用太刀嫁啦~

作者: 呀雪s 時間: 10-12-18 06:27 PM

原帖由 乂冇野好講乂 於 10-12-15 01:04 PM 發表
我由2開始玩起
那時是太刀的
當然就係因為型,片得爽
其實新手用太刀無咩問題
只要唔好貪刀適當時候先劈
但我自己上到2g已經唔係好鐘意太刀
因為太熱門= = 我自己比較喜歡冷門的
所以我3都是用雙劍,大劍和輕g ...

雙劍,大劍絕對不會是冷門。要冷門玩片手

作者: 呀雪s 時間: 10-12-18 06:30 PM

不能完全認同樓主講法,樓主講法太過自我中心,好話唔好聽一句,人地玩咩武器邊關你事,一把武器唔玩過練過點會勁??樓主難道沒有做過新手嗎..?

作者: freetchris 時間: 10-12-19 02:44 AM

to 樓主:
比人太刀打中幾下又開post,咁你會唔會,
統槍比人炸飛又開,
長槍比人截飛又開,
大劍比人後斬打飛又開,
槌仔/笛比人打飛又開,
拎遠距離武器,坐晒你o的貓車又開post架?

有咩適唔適合新手o既武器姐,
唔識打o既, 開晒老金都係唔識打架啦,
咩叫新手? 你唔通期待一個新手會完全打唔中你, 下下打中怪, 打怪唔駛食藥?
呢o的就叫老手唔叫新手啦.

新手技術係唔好, 唔通換過把武器, 新手就會變左有老手o既技術啦咩?
你以為只係得太刀呢把武器比新手用佢地先會成日受傷, 成日打中自己人??

其實樓主你要求咁高,大可以開場話禁新手/新手即踼.

作者: 。ZoM﹏ 時間: 10-12-19 02:49 AM

個人睇法:
入門級新手一開始應該要玩難度比較高既武:
太刀+大劍+劍斧.
一開始唔好掛住汁素材,打大型,做任務
要先練好技術,慢慢練.唔洗急,去訓所慢慢打狗王
將自己個目標定為
一開始:10分鐘內討伐.
之後:8分鐘內討伐....
再黎:6分鐘內討伐......
最終:5分鐘內討伐......
或更低
打1個禮拜左右
只要用熟左之後太刀,大劍,劍斧.
轉用其他武完全不是問題
反正MH係個耐玩性極高既GAME.時間多的是.慢慢練好自己D打怪技術先係最重要

[ 本帖最後由。ZoM﹏於 10-12-19 02:55 AM 編輯 ]

作者: fiy 時間: 10-12-19 07:03 PM

原帖由 freetchris 於 10-12-19 02:44 AM 發表
to 樓主:
比人太刀打中幾下又開post,咁你會唔會,
統槍比人炸飛又開,
長槍比人截飛又開,
大劍比人後斬打飛又開,
槌仔/笛比人打飛又開,
拎遠距離武器,坐晒你o的貓車又開post架?

有咩適唔適合新手o既武器姐,
...

樓主可以企係度等D"新手"打完隻怪,,,先再行過去打=]人地打緊唔好去咪唔會比"新手"打親囉

作者: 路西法 時間: 10-12-19 10:41 PM

老實講我唔係咁認同樓主既講法，我玩1代成7百幾個鍾，2代玩左成1千8百個鍾，用乜玩器都可以單挑上位集會所咁滯。只有長槍我用極都覺得好用...
而且我覺得太刀都好鬼好用，點解叫新手唔好用太刀，新手唔識用咪打多幾次囉，打打下就熟

[ 本帖最後由路西法於 10-12-19 10:43 PM 編輯 ]

作者: 全職藥師 時間: 10-12-19 11:14 PM

正常真係同朋友打都係唔會理對方技術....
我唔知同你玩果班人有幾廢....
比條龍追追追之後就快死~突然再又朋友救你反而搞到自己比條龍屈死再取笑對方
先係我玩mh 既原因........
我身邊好多新手~我都係比佢地自己想用既武器~最多我自己帶多d粉塵~
比龍打死~唔識用閃光成日比尾打到用鎚打肚用朋友當肉盾再用擊龍炮雙刀只懂鬼人 3貓唔帶冷熱飲
呢d係新手必經之路~ 新手用太刀都冇咩問題.....唔夠打味打多次lo
玩遊戲就係最緊要開心
你玩網路版太多...一係就你人性有d歪曲...
千萬唔好比遊戲玩你
請先學好做人的心態

歡迎光臨 2000FUN論壇 (https://www.2000fun.com/)