2000FUN論壇

標題: 舊愛醉駕停牌中巴訓示崔建邦唔好再犯 [打印本頁]

作者: 紋少 時間: 10-12-17 10:45 AM 標題: 舊愛醉駕停牌中巴訓示崔建邦唔好再犯

周秀娜（右）同劉心悠喺低溫下仍着低胸裙露肉，女人果然要靚唔要命。
崔建邦近年是非纏身，牽涉打前女友鄺慧敏（中巴），跟住又嚟多單醉駕，搞到要停牌 9個月同罰款 6000蚊。雖然形象插水但佢都唔使愁，事關話佢已經冧掂志雲會返無綫復工，佢連外快都 keep住有得搵。噚日佢幫「 She Critiques美容大賞 2010」頒獎典禮做司儀，不過佢做完嘢就即刻離場避訪問。
周秀娜威脅男友
同場仲有着透視裙露腿嘅周秀娜，兼低胸露事業線嘅劉心悠，雖然噚日得幾度，但佢哋着到好似夏天咁消暑，咁性感少不免被人比較，心悠風騷咁話：「人生總有贏有輸。」明顯覺得冇輸到畀娜姐。至於娜姐之前同男友感情亮紅燈，佢話已經轉番綠燈，不過佢聖誕要去台灣拍戲，如果到時男友唔嚟探班，就會即刻轉番紅燈喎！

中巴話自己已經拍拖，仲話對唔開心嘅事個心已經冇嘢。

崔建邦喺無綫大翻身外，連賺外快嘅機會都唔少。

中巴（右）噚日出席活動時做剪綵嘉賓，之後就猛講自己拍拖嘅開心事。
另外，鄺慧敏噚日就喺紅磡出席 BANDAI活動，講到崔建邦醉駕停牌，中巴話判嗰日已經知道，仲話：「希望佢以後小心啲，唔好再發生呢啲事，點都要為其他人着想！」至於崔建邦仍然封嘴唔提佢，中巴就話每個人嘅處理方式唔同：「我希望佢開心幸福啦，過咗咁耐，自己已經冇嘢，同埋我都有新戀情，男朋友叫 Evan，佢係生意人。」

歡迎光臨 2000FUN論壇 (https://www.2000fun.com/)