2000FUN論壇

標題: 新手一問~偵察兵 [打印本頁]

作者: 佑龍 時間: 11-1-5 10:58 PM 標題: 新手一問~偵察兵

新手一問~偵察兵請問係點偵察晒人地既位置既呢0.0?

作者: HAYATO～輝 時間: 11-1-6 09:05 AM

原帖由佑龍於 11-1-5 10:58 PM 發表
新手一問~偵察兵請問係點偵察晒人地既位置既呢0.0?

= =你做到隊長果時...你會多左個望遠鏡比你...
你按5制拎出黎咪得= =

作者: 嘿嘿嘿 時間: 11-1-6 12:48 PM

我都想問..
1.係咪一定要偵察兵先得？
2.當囉住個望遠鏡望既時候需唔需要望住D乜先可以睇到D敵人?.?
3.用望遠鏡睇敵人位置係咪都係睇晒所有敵人= =?
THX!

作者: kennetht123 時間: 11-1-6 01:56 PM

隊長=望遠鏡持有者=入場時最高lv既1個
而望遠鏡禁右鍵放鏡,你見到人就左鍵,咁樣地圖上就會顯示你照到既果條友
而偵察既果個技能唔一定要用望遠鏡
你可以射人兩下(近) 唔好殺佢
咁就「有機會」係地圖上見到

作者: goal79 時間: 11-1-6 02:08 PM

等我黎解答一下啦
偵察兵唔系代表你可以系雷達冇啦啦見到紅點

可以系地圖顯示出紅點有以下方法:
1. 你開槍打中敵人(該敵人的紅點會系雷達顯示比你全隊人，大約幾秒到) p.s 如果你比人用未裝有滅聲器既槍既子彈打中...你都可以系你既雷達發現打你既敵人既紅點...但系只系你一個人
2.你比敵人打中(同一道理你既紅點會出現系敵方小隊雷達上)
但系如果你裝在滅聲器既話...當你打中敵人時可免除你既紅點出現系你打中既敵人既雷達之上。

另外偵察兵既雷達技能只系在你唔系用Tab黎睇大地圖時加大你左上既雷達既感知範圍。並非表示你既雷達會出現紅點。

好啦...講番望遠鏡，當一場遊戲開始後(只包括一開始的遊戲，即如果你在爆破的第二回合先入場...即使你系最高等級都不會成為隊長)，各隊中最高等級的一人會比系統受予隊長職權。

隊長有以下特別:
按下5鍵可以拿出望遠鏡，望遠鏡既功用系當你拿出它時，按下你mouse右鍵使用...使用時如果你系畫面見到敵人(可多人)...可以再按下左鍵確正，咁做該敵人就會比你鎖定，鎖定後你全隊都可以系雷達見到該敵人既紅點外還可以系第一身視點見到該敵人被加上一個△之類既形狀(△=偵察兵..其他兵種為其他形狀)，為時10秒。
另外你按 C 鍵快速聊天都會有隊長的特別語句...例如確認第一爆破地區做目標等等。

註....1. 無論任何兵種都可以成為隊長並使用望遠鏡
2. 當你使用望遠鏡時，每一次鎖定敵人後都有10秒等待時間...之後先可以再用望遠鏡鎖定敵人。
3. 可能你玩戰車模式果時會見到咩我軍或敵軍既偵察機開始偵察目標，(跟住你會見到你雷達同視野都可以輕易見到敵人，該情況如同望遠鏡功效.只系人數會少d咁解)，依個時候千奇唔好誤會系關偵察兵既技能事...只系當戰車停超過2分鐘由系統自然使出幫助攻擊方的效果。
4. 隊長職權可以變遷，只要手拿望遠鏡後按下G鍵棄置，那當有人再拾取望遠鏡時會連同隊長職權一起轉移。
最
後以上資訊僅供參考...如有錯漏請提出更正...謝

作者: kennetht123 時間: 11-1-6 02:29 PM 標題: 回復 5# goal79 的帖子

註....1. 無論任何兵種都可以成為隊長並使用望遠鏡

補充:但只有在用偵察兵時才可修練技能!

樓上比我個版本詳細好多

歡迎光臨 2000FUN論壇 (https://www.2000fun.com/)