2000FUN論壇

標題: [技術性研討] 工程師的機油炸彈 [打印本頁]

作者: 小小赤 時間: 11-1-17 02:02 PM 標題: [技術性研討] 工程師的機油炸彈

關於工程師的機油炸彈有多威武，相信稍為有些等級的中高手們都很清楚吧！
滑步的「技巧」反正官方也沒有表態，今天我們就不要為了這是不是一個BUG的無聊問題而傷腦筋好了…

所以，先假設：「滑步」是誰都可以使用，沒有抵觸遊戲服務合約的前題下來進行討論吧！

那麼，討論內容當然就是～～
1.「機油炸彈」有沒有過強？
2. 是否需要修改「機油炸彈」達致職業平衡？
3. 應該要如何修改「機油炸彈」？

※ 先旨聲名，我也有練工程師，也用機油炸彈炸得很爽~ 另外這文並不是埋怨，只是想討論一下而已~

- - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -

然後這是我的想法，現在的機油炸彈，的確有點不合理，先不說清怪速度之快，其他職業完全無法相比這種明顯問題…
我們可以從工程師的技能分配上，看出現時我們使用機油炸彈的方法，的確與設計工程師的人的想法相違背。

首先，工程師在變身前，完完全全是一個輸出職業，單體傷害非常可觀，這沒有任何問題…
而變身技能，效果是提高體力上限和減低所受到的攻擊傷害，心水清的人可能也會發現，工程師擁有能增加HP上限及整體防禦力(跟戰士系一樣)的職業知識，另外，如果習慣玩坦的人，應該也會發現，你的怪很容易會被機油炸彈拉走吧?
可見機油炸彈是一個仇恨很高的技能…

綜合這些觀察，不難推斷出，工程師其實是一種覆合職業，也就是既能當輸出手，也可以當坦，而變身的技能正是工程師的坦克型態！

然而，作為坦，現時工程師的攻擊力還真的是高的有點離譜，機油炸彈的在攻擊的同時已經能造成一次傷害，再次使出時能疊加並累積持續傷害…　一般野外的小怪，基本上吃３發機油炸彈就敞了，而且機油炸彈的有效範圍非常大…
相比起來，戰士的共通全體攻擊、或是詩人的重金屬搖滾，在威力上和範圍上都實在相型見拙呢…

我認為，如果要使機油炸彈的效果平衡起來，就應該從
a). 攻擊距離 b). 有效範圍 c). 攻擊力
這3點著手，例如是縮減攻擊距離，使工程師必需更接近怪物才能使出機油炸彈、
或縮減機油炸彈的有效範圍，讓他跟近戰們的技能效果自齊、
最後就是減少基本攻擊力，讓這個技能變成一個真正的仇恨技能。
再來提高燃燒炸彈透過機油炸彈的持續效果所獲得的額外傷害，平衡返兩招技能的威力，使燃燒彈變返一招有實際作用的技能…

咁樣… 起碼工程師就能回歸到比較正常的狀態…
不然其他職業感覺上都是練假的… 升等就直接開工程炸好了…

[ 本帖最後由小小赤於 11-1-17 02:18 PM 編輯 ]

作者: 細峰XD 時間: 11-1-17 02:08 PM

移動機油參考影片
http://www.youtube.com/watch?v=Y ... ure=player_embedded
戰士也可!!!!

作者: 小小赤 時間: 11-1-17 02:12 PM

原帖由 細峰XD 於 11-1-17 02:08 PM 發表
移動機油參考影片
http://www.youtube.com/watch?v=Y ... ure=player_embedded
戰士也可!!!!

所以說了，討論的重點不在滑步哦= =

作者: 細峰XD 時間: 11-1-17 02:14 PM

原帖由 小小赤 於 11-1-17 02:12 PM 發表

所以說了，討論的重點不在滑步哦= =

順手教人滑步好多工程唔識用企住係到等怪仲煩
好似滑步所有game 都ok 係畫面設計方面問題

作者: 丫邪 時間: 11-1-17 02:21 PM

我係法師
我拉左一堆怪一野比人引晒
岩先睇完原來工程,戰仲可以滑步=.=
對法師好唔公平咁-.-

作者: 小小赤 時間: 11-1-17 02:26 PM

原帖由丫邪於 11-1-17 02:21 PM 發表
我係法師
我拉左一堆怪一野比人引晒
岩先睇完原來工程,戰仲可以滑步=.=
對法師好唔公平咁-.-

法師同工程有D唔同，工程是用選定的怪物為中心點計攻擊範圍，所以比較唔穩定，
法師可以先預計怪物的移動進行預唱，這是一個優勢，另外，法師的電網也能套用在滑步技巧上的。

作者: 細峰XD 時間: 11-1-17 02:58 PM

原帖由 小小赤 於 11-1-17 02:26 PM 發表

法師同工程有D唔同，工程是用選定的怪物為中心點計攻擊範圍，所以比較唔穩定，
法師可以先預計怪物的移動進行預唱，這是一個優勢，另外，法師的電網也能套用在滑步技巧上的。

電網cd長審斷不良

作者: 小小赤 時間: 11-1-17 03:05 PM

原帖由 細峰XD 於 11-1-17 02:58 PM 發表

電網cd長審斷不良

理念上應該可以吧…
電網和閃電箭交替用的話，效果或許還不太差?

作者: ╭逍遙＊俊╯ 時間: 11-1-17 03:14 PM

工程師..後期職業已經冇再需要...

我覺得工程師已經係後期職業..

攻擊力正常

作者: 丫邪 時間: 11-1-17 03:39 PM

滑得1野-.- 有鬼用咩招招都差唔多要CD 出技又要等時間
得兩果招點算一個滑步完整動作呢!
用兩招電當中有時間空左

[ 本帖最後由丫邪於 11-1-17 03:43 PM 編輯 ]

作者: bananaken 時間: 11-1-17 04:43 PM

滑步是係點出一招加一吓方向制?

作者: Jefftang1995 時間: 11-1-17 05:46 PM

咩機油真係好高攻咩-_-
唔多覺
只係持續個傷高-_-

基本上  有坦既話工程用機油都搶唔到 (除非個坦無出D仇恨技
我做坦個時  都唔會比工程搶到-___-

但係其實  工程變左機甲都唔可以話係坦因為其實真係好薄

(PS 我玩騎工程神官)

作者: 笨、小康 時間: 11-1-17 05:59 PM 標題: 回復 1# 小小赤的帖子

唔唔可以話我知咩系滑步-.-

作者: 月魂滅 時間: 11-1-17 06:00 PM

同意的
5可以話係坦
不過對於一個咁強範圍的工程
我地單體的真係無野講
仲有
我打35副見到的情況係
無坦得大量ec同工程
明顯工程的出現令好多坦5玩
點解?.?
坦[戰士又5夠仇恨]
騎士打怪無突擊得招挑釁
打打下就比人搶...
係人都5玩la....

作者: 小小赤 時間: 11-1-17 06:03 PM

原帖由 笨、小康 於 11-1-17 05:59 PM 發表
唔唔可以話我知咩系滑步-.-

滑步嘛… 你當係類似格鬥GAME入面既 super cancel 會唔會比較好理解= ="?
總之就係可以取消出技能時的硬直動作…

作者: 細峰XD 時間: 11-1-17 06:06 PM

原帖由 笨、小康 於 11-1-17 05:59 PM 發表
唔唔可以話我知咩系滑步-.-

睇我post既影片我諗你會明招技可以應用所有即出技到

作者: 小小赤 時間: 11-1-17 06:10 PM

原帖由 Jefftang1995 於 11-1-17 05:46 PM 發表
咩機油真係好高攻咩-_-
唔多覺
只係持續個傷高-_-

基本上  有坦既話工程用機油都搶唔到 (除非個坦無出D仇恨技
我做坦個時  都唔會比工程搶到-___-

但係其實  工程變左機甲都唔可以話係坦因為其 ...

咁係工程有用-仇恨證，+你拉得好吧…
用騎士都仲好D，用戰士好難唔比工程拉走D怪，戰士群坦本來就比較無力了。

但係如果有人OT，第一個幾乎一定係工程，如果工程用返+血+被治療裝，職業智識點防同HP，其實唔會真係太軟，可以用埋騎士個證，拎雙手武+招架機率。

其實問題係，大家唔覺得工程個定位好曖昧嗎? 變左身之後，變左近戰，而且+血+減傷…
如果佢變身加攻速爆擊，我會覺得冇問題，但事實上唔係…

所以我先會 [推測] 工程當初個設計，係用黎當坦用，或副坦…

[ 本帖最後由小小赤於 11-1-17 06:11 PM 編輯 ]

作者: chtchy 時間: 11-1-18 11:13 AM

我又沒有發現問題啊
都不是很多人練工程師

作者: TingGgg_Bb 時間: 11-1-18 11:48 AM

你講到佢好似一招機油無敵咁=_=..
工程跟本上就係1個乜都得但乜都唔精架職業=_=
坦..只能滑著..!
機油攻擊力..我50lv暴只有1400..+500持傷..!
托怪練又吃極多mp=_=
如果工程連機油都改的話
那工程就真的變了一個沒用的職業

作者: qqboyvvw 時間: 11-1-18 11:49 AM

你應該睇一睇~工程係一個咩職先~佢係遠攻型~如果你把佢個攻擊距離減少,咁叫咩遠攻職業??
其實只係把招機油加返2~3秒cd就差好遠啦!不過我自己都有玩工程,當然唔想佢加

但係你話工程變身後就可以做坦就一定無可能,當去到39副本後你就可以發現騎士同工程防禦差好遠,血量上都差最少1000

作者: kelvin108 時間: 11-1-18 12:00 PM

1.
機油其實傷好低
只係扣怪BUFF
2.
工程變左身有冇技加防
同坦好大分別
3.
如果機油變近攻
咁神官仲勁過工程

作者: 觀音王子 時間: 11-1-18 12:10 PM

後期坦王一定無可能
血量上同戰士系差太多重裝同輕裝都差一定防食王魔法一次就訓得
而且佢無高仇恨技同埸有高攻法師就OT硬
騎士有閃技戰士有防技最重要個盾牌都差成千防
格擋都可以救到自己幾次

作者: 終極恨天 時間: 11-1-18 12:24 PM

我係詩人,平時用重金引怪燒燒燒,再生命樂章
睇來滑步可以應用係我身上

作者: 小小赤 時間: 11-1-18 12:28 PM

原帖由 TingGgg_Bb 於 11-1-18 11:48 AM 發表
你講到佢好似一招機油無敵咁=_=..
工程跟本上就係1個乜都得但乜都唔精架職業=_=
坦..只能滑著..!
機油攻擊力..我50lv暴只有1400..+500持傷..!
托怪練又吃極多mp=_=
如果工程連機油都改的話
那工程就真的變了一 ...

絕對唔係話佢一招機油無敵，我自己都有練工程，雖然未到50，但都知道佢有佢既缺點，只係比起其他職業，你唔覺得工程招機油未免太方便了嗎?

原帖由 qqboyvvw 於 11-1-18 11:49 AM 發表
你應該睇一睇~工程係一個咩職先~佢係遠攻型~如果你把佢個攻擊距離減少,咁叫咩遠攻職業??
其實只係把招機油加返2~3秒cd就差好遠啦!不過我自己都有玩工程,當然唔想佢加
但係你話工程變身後就可以做坦就一定無 ...

所以我文中都有提到，工程變左身之後，點解會變成左近攻?
職業定係會唔會好奇怪？

原帖由 kelvin108 於 11-1-18 12:00 PM 發表
1.
機油其實傷好低
只係扣怪BUFF
2.
工程變左身有冇技加防
同坦好大分別
3.
如果機油變近攻
咁神官仲勁過工程

工程變身後雖然冇防技，但變身本身就係一招防技了，佢有直接減傷，呢個技能效果等同於戰士的泰坦之牆，但工程的效果是常註的，泰坦之牆卻只有12秒效果，還CD 120秒… 所以變身這個技能本身，其實已經非常強。

原帖由 觀音王子 於 11-1-18 12:10 PM 發表
後期坦王一定無可能
血量上同戰士系差太多重裝同輕裝都差一定防食王魔法一次就訓得
而且佢無高仇恨技同埸有高攻法師就OT硬
騎士有閃技戰士有防技最重要個盾牌都差成千防
格擋都可以救到自己幾次

坦王雖然真係未必得，但機油炸彈非常適合用黎拖小怪，特別係中後期小怪攻高，工程絕對夠資格當副坦為主坦分擔壓力
而且雖然工程冇仇恨技，但佢招技持續傷害比好多其他職業都優秀，而且出招頻率夠高，只要能配上+仇恨的證照，並唔係真係咁易比人OT，另外，血量問題，現時見到的工程血小係因為無人向呢個方向發展，即係冇用點血量(職業智識)，否則其實中期黎計 (36~4X lv)，工程師血量絕對拍得住戰士同騎士。

作者: yukin727 時間: 11-1-18 05:04 PM 標題: 回復 24# 小小赤的帖子

我唔明點解叫研討.
樓主你最重要都係帶出工程師有必要減弱.
似評擊多於研討.

首先.我係主攻機甲型既工程.由第1日可轉職工程就玩機甲玩到依家.
絕對係研究玩工程既人.知識係點hp,防,爆擊率.

1.變左機甲之後係用唔到共通技同職業技.而且機甲既技只有機油炸彈及機甲修復兩招實用.如果照你所講要修改埋機油呢一招的話,走機甲路線就變得絕對不堪入目.
2.我諗樓主冇清楚了解機甲呢條路線,機甲本身設定就係群爆,點解佢要有加血同減傷,只係為佢係野外升等時多一層保障,副本黎講,佢依然係不折不扣既打手.你要佢擋小怪?得,你去後期副本試下.睇下佢招減傷係咪真係咁有用.招機甲係咪真係咁好頂.機甲做副坦係咪真係咁當之無愧.

其實最初機油炸彈本身係被設定為施展2秒,而且係魔攻,唔止機油,其他機甲技同原本都有出入,點解佢要選擇改?自己諗.
後期用機甲升等莫講一群,兩至三隻都好吃力.我有用滑步都係咁講.一黎怪打落黎依然痛.二黎招機油耗魔高.
你真係認為機甲過份強大的,我建議你花多少時間落去,再作結論

[ 本帖最後由 yukin727 於 11-1-18 05:08 PM 編輯 ]

作者: kelvin108 時間: 11-1-18 05:15 PM

原帖由 小小赤 於 11-1-18 12:28 PM 發表

絕對唔係話佢一招機油無敵，我自己都有練工程，雖然未到50，但都知道佢有佢既缺點，只係比起其他職業，你唔覺得工程招機油未免太方便了嗎?

所以我文中都有提到，工程變左身之後，點解會變成左近攻?
職業 ...

變左機甲你扣怪傷加+血都坦唔到
冇加防技冇盾
要改就改埋神官招龍捲風
神官多buff又有得補血
變左機甲又用唔到本來既工程技
改低埋機油咁工程唔洗玩

作者: 小小赤 時間: 11-1-18 07:13 PM

原帖由 yukin727 於 11-1-18 05:04 PM 發表
我唔明點解叫研討.
樓主你最重要都係帶出工程師有必要減弱.
似評擊多於研討.

首先.我係主攻機甲型既工程.由第1日可轉職工程就玩機甲玩到依家.
絕對係研究玩工程既人.知識係點hp,防,爆擊率.

1.變左機甲之後係 ...

我自己都有玩工程，都有變機甲滑步升等…
是否評擊，真係見仁見智，最起碼我既出發點不包含評擊的想法。

此外，我所提到既改，並非只針對機油炸彈一招，正如你提到，變身後只有修復同機油兩招有用，咁另外兩招技能到底係為左乜野而存在你又有冇考慮過?
與其話"唔實用"，我會認為果兩招，特別係燃燒彈，近乎係「完全冇用」，所以我係原文入面都應該有提到，要"改良"既並非機油炸彈一招。
既然燃燒彈效果係對受機油效果影響既目標造成額外傷害，點解依然冇人用呢招?
我相信而家工程既情況絕對違背左當初設計工程師技能時的想法，所以才提出一齊討論下。

大家過份把注意力集中係一招機油炸彈上了，就像魔術師會先用冰腳定怪，然後火燒扣血，最後近距離放電網作終結一樣，
工程師既技能不應該只有機油機油和機油，難道就不能使這個職業更好玩嗎?

例：
先把機甲的效果由減傷變成+跑速/法速和爆傷
再來機甲招黏液彈改為並非受傷解除，而是中招後先定身1秒，然後每秒恢復20%移動速度，即是中招後的第6秒就會重新獲得100%的移動力…
機油炸彈可以改為施法1秒，基本效果只有單體，但如果對象受到黏液彈效果影響，就會變成範圍性攻擊 (就是跟現時的效果一樣)
最後，把燃燒彈改為瞬發技能，CD 3秒，基本傷害低而且只計魔攻，但如果對象受到機油效果影響，就可以引發爆炸造成額外物理傷害，而且必定爆擊，傷害 = 機油每秒傷害 x 機油疊加次數 x 2

像上面這個例子，不覺得工程師整個會變得更有趣嗎?
不用再像現在這麼單純又悶，除了拖怪就沒有什麼別的作用。

[ 本帖最後由小小赤於 11-1-18 07:16 PM 編輯 ]

作者: kelvin108 時間: 11-1-19 03:11 PM

原帖由 小小赤 於 11-1-18 07:13 PM 發表

例：
先把機甲的效果由減傷變成+跑速/法速和爆傷咁變黎機甲仲有意思?
再來機甲招黏液彈改為並非受傷解除，而是中招後先定身1秒，然後每秒恢復20%移動速度，即是中招後的第6秒就會重新獲得100%的移動力…
機油炸彈可以改為施法1秒，基本效果只有單體，但如果對象受到黏液彈效果影響，就會變成範圍性攻擊 (就是跟現時的效果一樣)變單體真係冇可能工程師仲洗升?
最後，把燃燒彈改為瞬發技能，CD 3秒，基本傷害低而且只計魔攻，但如果對象受到機油效果影響，就可以引發爆炸造成額外物理傷害，而且必定爆擊，傷害 = 機油每秒傷害 x 機油疊加次數 x 2

未改引5隻怪
機油引5隻 3秒
3次機油 3秒(滑步
6秒
改左引5隻怪
機油引5隻 10秒最少
黏彈 2秒
3次機油 5秒
17秒

神官引5隻15秒都打死哂
改左之後工程變垃圾

可以轉職了

作者: 小小赤 時間: 11-1-19 03:38 PM

原帖由 kelvin108 於 11-1-19 03:11 PM 發表

例：
先把機甲的效果由減傷變成+跑速/法速和爆傷咁變黎機甲仲有意思?
再來機甲招黏液彈改為並非受傷解除，而是中招後先定身1秒，然後每秒恢復20%移動速度，即是中招後的第6秒就會重新獲得100%的移動力…
機油 ...

那完全是誤會吧= ="
機油在有黏彈效果的對象上還是保留原有的範圍效果哦…
只是把現在起手機油改為起手黏彈而已~
所以: 黏彈2秒+機油1秒 x3 這部份都沒錯，燃燒彈瞬法算他1秒好了，那加起來也就6秒而已…
怎麼計到17秒啦= ="?

作者: fung366 時間: 11-1-19 06:36 PM

................

作者: kelvin108 時間: 11-1-19 06:47 PM

原帖由 小小赤 於 11-1-19 03:38 PM 發表

那完全是誤會吧= ="
機油在有黏彈效果的對象上還是保留原有的範圍效果哦…
只是把現在起手機油改為起手黏彈而已~
所以: 黏彈2秒+機油1秒 x3 這部份都沒錯，燃燒彈瞬法算他1秒好了，那加起來也就6秒而已…
...

黏彈你可以一下拉5隻

機油要CD一秒咁最小都要5秒
冇計到技能動作延遲?

黏彈計盡你2下可以拉5隻
2秒X2+1秒動作
燃燒彈1秒
機油3下 6秒
仲要等佢燒一秒

未計黏彈定一秒+佢扣跑速
5+1+6+1
最少13秒
6秒點計出黎

[ 本帖最後由 kelvin108 於 11-1-19 06:51 PM 編輯 ]

作者: tszhim 時間: 11-1-20 03:39 AM

原帖由 小小赤 於 11-1-17 06:10 PM 發表

咁係工程有用-仇恨證，+你拉得好吧…
用騎士都仲好D，用戰士好難唔比工程拉走D怪，戰士群坦本來就比較無力了。

但係如果有人OT，第一個幾乎一定係工程，如果工程用返+血+被治療裝，職業智識點防同HP，其實唔 ...

工程跟武鬥都可說是走向副坦的路線

作者: 小小赤 時間: 11-1-20 11:00 AM

原帖由 kelvin108 於 11-1-19 06:47 PM 發表

黏彈你可以一下拉5隻:face_l_17:
機油要CD一秒咁最小都要5秒
冇計到技能動作延遲?:cheers:

黏彈計盡你2下可以拉5隻
2秒X2+1秒動作
燃燒彈1秒
機油3下 6秒
仲要等佢燒一秒

未計黏彈定一秒+佢扣跑速
...

要唸咒的施法技能一向不會卡到GCD的吧…
什麼技能動作…

定一秒+扣跑速只是對怪的特效…
跟你出招需要的時間有多久完全沒有關係哦…

就像你魔術師放火球，會不會每個火球放完還要卡1秒動作才能開始唸咒放第2個= ="? 不會吧?
你所說的技能動作，其實是類似GCD的東西啦 (GENERAL COOL DOWN)，是只有瞬發技能才有的東西…
所以其實1秒施放和瞬法分別不會太大… 而且施法還可以加速，但GCD不能= ="

所以1秒施法連放，就是5秒
黏彈 2秒施法，機油 1秒x3…
而燃燒彈是瞬發，按下去的時候就計算傷了，GCD是技能放完後才卡的，如果沒有別的東西接在後面，出個瞬法可能也就消費你0.5秒而已。

※ 還是說你家的法師放個1.5秒施法的火球兩個，就要花 5秒? (照你的計法每個"技能動作"卡你1秒)

[ 本帖最後由小小赤於 11-1-20 11:05 AM 編輯 ]

作者: Yuen519 時間: 11-1-20 12:12 PM

點樣坦=.=
食王兩三野都頂唔順=.=
你唔係當個個工程都加防下化-__-

而且工程打王時都多數用單體-.-
邊有人會特登轉機甲做副坦-__-..."

作者: wai1993123 時間: 11-1-21 09:54 AM

坦吾到x_x"

作者: 黑粒粒(= 時間: 11-1-28 06:36 PM

工程師的機油炸彈
IS GOOD

作者: 黑粒粒(= 時間: 11-1-28 06:37 PM

工程師的機油炸彈

作者: 黑粒粒(= 時間: 11-1-28 06:38 PM

工程師的機油炸彈

作者: 黑粒粒(= 時間: 11-1-28 06:43 PM

工程師的機油炸彈
工程師的機油炸彈

作者: 一夢一 時間: 11-1-28 07:23 PM

講咁多野咪又系用機油炸怪-.-另外又話工程做埋坦<<吾系幾同意-.- 騎士始終系坦高血高防工程未必
其實你咁正義你可以空裝渣槍
咁咪吾會咁高防囉
正義橪

[ 本帖最後由一夢一於 11-1-28 07:25 PM 編輯 ]

作者: 足金金猴 時間: 11-1-28 07:30 PM

玩過AIKA, 一隻坦可以滅一隊 (一招結界可完全抵擋11次技能攻撀)
玩過IRIS, 一隻雙手劍可以兩三刀打低任何同等同裝對手 (高攻高防高爆, 有加速及攻速有定身有無視防衛)
講職業不平衡, 工程師拍馬都追唔上以上兩隻game, 清怪太快所以要改? 未免太滑稽, 修正番個bug就話合理者
仲有就係其他game某一個職過強, 玩其他職既會有怨言
但呢隻game若覺得某一個職強, 你可以去玩下果個職, 研究下該職既好壞, 仲可以練定以備不時之需
除非一個職強到離乜晒大譜, 否則最好唔好少少野就話要改

作者: 一夢一 時間: 11-1-28 07:33 PM

原帖由 足金金猴 於 11-1-28 07:30 PM 發表
玩過AIKA, 一隻坦可以滅一隊 (一招結界可完全抵擋11次技能攻撀)
玩過IRIS, 一隻雙手劍可以兩三刀打低任何同等同裝對手 (高攻高防高爆, 有加速及攻速有定身有無視防衛)
講職業不平衡, 工程師拍馬都追唔上以上 ...

同意+1 其實工程睇你點玩同埋感覺上隻game職業上無咩問題只不過彈game e方面真系慘

作者: keunggg 時間: 11-1-29 01:25 AM

唔覺工程有咩問題- -"
96XX攻50LV機油爆埋擊扣15XX左右...真係好勁嗎..."?
拖小怪係快...D水用得重快...
加上拖怪你又唔會企定定比怪打..加HP加減傷...咁又點- -"?
做坦??你真係諗下好啦...唔好試

作者: 8polee 時間: 11-1-29 02:50 AM

不停重覆話自己有玩工程~~
實質係眼紅工程~~~

工程清群怪係快~~~~但用水量都超快~~~
機甲只岩團練~~~除非你錢多啦~~~
唔變身果陣都用獵人啦~~
打怪快幾倍~

有利就有幣~~~睇野宏觀d啦唔該~~~

作者: 幻魔鬼武者 時間: 11-1-29 05:01 AM

原帖由 8polee 於 11-1-29 02:50 AM 發表
不停重覆話自己有玩工程~~
實質係眼紅工程~~~

工程清群怪係快~~~~但用水量都超快~~~
機甲只岩團練~~~除非你錢多啦~~~
唔變身果陣都用獵人啦~~
打怪快幾倍~

有利就有幣~~~睇野宏觀d啦唔該~~~

講真又真係咁~~~
做會任成場都係工程...見到心又煩~眼都盲~出來出去都係個招~~唔好講勁唔勁~~出都出到悶~
清怪係快~~升埋知識又真係同戰士個類差唔多血~
但真係唔會用來坦......如果你話係硬坦下下食會打...用工程...會唔會打到天光都未打完呢=0=?
硬坦真係整返隻戰士~騎士打怪入肉D好過~~如果你話拉打....工程係幾好既~不過滑唔滑就見仁見智啦.~~
不過工程打會任清怪真係幾快既...不過自己有升都唔LIKE玩~升埋防禦力~都仲係覺得佢有D皮薄~~~
拎得支鎗來又拎唔到個盾.....某程度上講左你知~~~工程唔可以代替戰士系既坦角....
要工程坦~難度唔拎鎗走去拎個盾...XD??

作者: 打壞後生 時間: 11-1-29 12:46 PM

工程之後冇職

工程唔勁D=冇人會用?

作者: 我唔係冇試過 時間: 11-1-29 02:46 PM

我50左用工程去單打31副本, 邊炸邊圍圈走(即係bug)邊食水, 都只係因為王少血勉強過到
但再高lv既副本就唔得了, d王兩三下將到我冇棋, 畢竟防唔高, 有ec都唔夠做

作者: 一夢一 時間: 11-1-29 08:57 PM

唉樓主問poz出黎比人插好慘

作者: kelvin108 時間: 11-1-30 04:48 PM

其實樓主一直都係到葡萄緊工程

歡迎光臨 2000FUN論壇 (https://www.2000fun.com/)