2000FUN論壇

標題: 爛橙與玩家兩邊都唔會贏,只會輸 (激長潮文,請慎入) [打印本頁]

作者: 相傳 時間: 11-1-21 11:37 AM 標題: 爛橙與玩家兩邊都唔會贏,只會輸 (激長潮文,請慎入)

　其實,大家嘈黎都無用,國戰商店依類問題永遠都唔會有結果,因為爛橙永遠都係利益為先,好正常,佢地唔係善堂,唔會無條件為玩家著想,亦都唔會依從所有玩家既訴求(無論合理與否).

導致今日玩家與爛橙水火不容既原因好簡單.fez既系統係香港真係好難賺錢.因為佢唔同好多遊戲,無時裝,冇得衝轉衝等,商城裝係永久,又無額外既加成,換言之則係除左靚d之外,同你game錢買件國商係一d分別都冇.依個係fez講求公平既利與弊..

好多人抱怨或者建議,爛橙可以將靚裝當寶石裝賣,就算貴一貴都會有人買,因為佢地想真金百銀換番等價既回報.好易理解,明碼實價,比投機取巧一定更得人心,但爛橙應該唔會無諗過依做法,話晒佢係香港遊戲代理既龍頭,有經驗同財力,對於吸金絕對有心得.

就以藍龍裝為例,應該係佢小試牛刀,500蚊明碼實價,你比得起就一定比一套你,但係效果未如理想,無他,玩家覺得套裝唔夠靚,又覺得標價太貴,唔能夠做到薄利多銷,所以依次吸金,唔駛講都知失敗. 但試問各玩家覺得幾多錢先叫合理呢?個個人既尺都唔同,好難遷就,始終如果玩家唔鐘意,就算120蚊一套都唔會買.

如何先可以定到一個所有目標玩家都會買既價格?簡直難過登天. 所以,爛橙先繼續採用投機既方法,比較有保障,

因為你真係想要,無論如何,抽到乾塘都要抽到,根本難以自拔,爛橙就係睇中玩家依個弱點. 當然有d投機者,用一百幾十就想中裝既大有人在,大家都好似買六合彩咁,抱住”博一博,單車都變摩托”既心情黎抽,萬一撞手神中左! 爛橙將會蝕到入肉. 因為會令到好多金幣戰士氣餒,佢地通常會講:”大佬我抽左二千蚊都冇,你抽幾十蚊就有,我以後都唔玩啦!”
我真係識好多人抽左一次或幾次就中左裝,包括我(不過只係男服務生,我知無人想要..) 就係為左要平衡兩類人.爛橙先至將中裝既機率調到咁低, 盡量做到不公平之中既公平.

好多人會話,爛橙放出輪盤抽仲多人會買,但佢其實唔係未試過,係夜曲,服務生等等既國戰商店前後,爛橙都曾經推出一星期限定輪盤裝,如白露曼,黑白武,但係成績有目共睹,大把人點都唔駛買,用星戒都抽得中,仲好多人係城紅頻話:我1次就中左,d點買黎都冇用. 爛橙見到好多人”不勞而穫”,當然不是味兒.所以黑白武之後,爛橙用另外一個吸金大法,輪盤抽齊指定道具送裝,唔駛講都係比人插到反艇. 但係,係不良吸金大法之前,其實爛橙真係試過唔同方法,可惜效果未如理想,

唯獨,國戰商店激發玩家既奴性,一邊鬧一邊抽.爛橙一定知道左,國戰商店一定係最好搵既先至越玩越放肆,其實未必係爛橙一手做成?

其實好多愛fez既人都提出好多理性既方法,希望做到雙贏局面,但好多都係紙上談兵,
除左以上講過既明碼實價同抽輪盤之外,都係以下幾種:

1) 將裝變成限時裝備
2) 國戰商店抽完幾個月之後放輪盤”早買早享受,遲買慳幾舊”
3) 調高價格,以外觀來決定商品價格

第一點會完全顛覆左日本原裝設定,
第二點,會令到d憤世嫉俗既古董收藏家不滿,佢地通常會話:”喂!你而家出番,咁我個時幾千蚊買番黎係為咩先!咁我以後都唔駛買啦!”
第三點,好難做到,始終審美觀個個唔同,最後只會話:咁樣衰都值依個價! 或者係點解要針對我! 我覺得靚個d就貴d!

所以,爛橙先要出此下策,因為,爛橙知道玩家可以一套頂攻頂防裝玩過世,之後一蚊都唔用,實用性賺唔到錢,只能夠靠玩家既虛榮心黎賺錢,

我覺得玩家今次同反a石既目的同原因係唔同,a石係肯定破壞角色職業平衡,一定要去根治.但國戰啇點既靚裝,攻防都唔會高d,如果你話佢著左夜曲重壓可以打多50,我都會支持依次革命!但係睇黎夜曲除左靚d之外,無其他優勝既地方.

如果今次爛橙滿足大家既願望,玩家一定會得寸進尺,你可以反話我無知,但你自己一定好清楚,人既慾望係永無止境,得一永遠想二.

最後想講,爛橙最錯既地方,就係無考慮香港地方太細,根本好難養活一隻大作.代理費打死我都唔信平得去邊. 結論係,爛橙一開始接手代理就係錯! 玩家太多要求亦都係錯! 既然大家任何一方都無讓步既空間,唔結束營業仲等幾時?

作者: yaukifook08 時間: 11-1-21 11:50 AM

如果有黑橙官方人員睇到樓主講既野就好...

作者: Knight_雲冷 時間: 11-1-21 11:55 AM

我想知道為何樓主道橘子同樣會輸...

作者: fiy 時間: 11-1-21 11:56 AM

快撚D執左佢

唔洗爛橙呃人錢
又唔洗D玩家ON99又要嘈又要買點抽

作者: 謝曬 時間: 11-1-21 11:58 AM

你應該將你呢返話記信去爛橙總部到

作者: Knight_雲冷 時間: 11-1-21 12:04 PM

原帖由謝曬於 11-1-21 11:58 AM 發表
你應該將你呢返話記信去爛橙總部到

公析文 sd黎無用

作者: port123 時間: 11-1-21 12:07 PM

咁又系ar 一面系商人  一面系玩家
2面ge觀點系完全相反正常黎講呢
商人系負責吸水  吸得夠la  老細心情好la  就自然會將隻game改得更好
令到班米飯班主痴住佢地  可以吸到更多水
而玩家要做ge野就系放水
但系hk地方真系太細玩ge人真系誇張d講 10隻手指都數得晒(誇張左d 5好認真)
吸水力不足吸極都吸5夠冇計la
大家又想玩但系隻game營運都要經費ga 5系比你白玩ga
所以唯有濃縮成國戰商店lo
e個世界系好現實 5好咁on 9 以為呢埋系屋企打機就可以脫離現實la
隻game 5系你老豆ar媽開ga
淨系識呃飲呃食仲要話咩從來5出一分錢黎玩我真系想問如果個個都好似e種人咁ge樣仲有人會去研究新野?
今日搞到咁如果真系要賴某程度上我地都要多謝哥班友
寶石商店如果可以比佢地吸得夠水ge話根本就5洗出國戰商店就算你地一人買一套又點先
d裝系永久ga 磨石又5洗你地出錢  隻game仲有幾多人玩你地自己知 5出國戰商店佢地真系食塵la
既然處於兩難雙方都5讓步日日成個版都系討論e d咁ge野但系人地爛橙當你地透明
咁仲有咩好嘈姐仲意玩咪繼續玩 5中意玩咪吉7路lo

[ 本帖最後由 port123 於 11-1-21 12:24 PM 編輯 ]

作者: ayshjohn 時間: 11-1-21 12:25 PM

我自問對GAME既支持算多
對橙仔既支持都算多佢D GAME我次次都買GASH既錢起碼有$2000上
FEZ都唔例外但係過左咁多時間 FEZ既國戰商店令我真係好失望
我第一次抽抽左1200點冇收穫...跟住米買點再抽 1200 1200
發現抽左300幾都冇收穫跟住就同人收啦點知..比人昆左300

你話...

作者: port123 時間: 11-1-21 12:28 PM

原帖由 ayshjohn 於 11-1-21 12:25 PM 發表
我自問對GAME既支持算多
對橙仔既支持都算多佢D GAME我次次都買GASH既錢起碼有$2000上
FEZ都唔例外但係過左咁多時間 FEZ既國戰商店令我真係好失望
我第一次抽抽左1200點冇收穫...跟住米買點再抽 1200 1200
...

計埋都系幾舊水你比人坤哥d就5好入埋爛橙數la

作者: ayshjohn 時間: 11-1-21 12:34 PM

原帖由 port123 於 11-1-21 12:28 PM 發表

計埋都系幾舊水你比人坤哥d就5好入埋爛橙數la

我分享一次國戰商店既經歷幾百蚊一次國戰商店既戰役
冇話過入埋爛橙數唔好自作聰明啦

作者: jim511 時間: 11-1-21 12:50 PM

早就唔應該分開台港兩服!

作者: 凰ＥＸ 時間: 11-1-21 12:55 PM

好多字呀...我入黎呃下分算囉-.-

作者: LaviGNe. 時間: 11-1-21 02:52 PM

黑橙面前﹐窮人含撚

作者: 全職學生三世 時間: 11-1-21 05:28 PM

錯商人的責任是令我們「想」放水比佢地
而唔系就咁吸我地的水

作者: orzk 時間: 11-1-21 06:09 PM

原帖由 jim511 於 11-1-21 12:50 PM 發表
早就唔應該分開台港兩服!

咪係囉分咪鬼呀

起碼出國戰商店都可以兩岸一齊同歸於盡睇佢點被兩岸炮轟都唔洗只得我地香玩家受嘛

作者: 最鍾意掛9的人 時間: 11-1-21 07:37 PM

但係_音話會維護玩家利益`
原來佢吹水9

作者: ~寧~ 時間: 11-1-21 08:01 PM

我會俾幾句說話你

對玩家
講出黎未必得,但唔講就一定唔得

對爛橙
意見接受態度照舊

==============
方法2我好同意
SD GUNDAM ONLINE都係咁做法
實有D有錢玩家早買早享受

[ 本帖最後由 ~寧~ 於 11-1-21 08:02 PM 編輯 ]

作者: w49e7412 時間: 11-1-21 08:33 PM

藍龍裝個次根本就有問題啦
話就係買,其實就係用$500抽男同女
萬一男抽中女,而且又係限量20套,想收都冇得收
跟住就P街啦
而且我諗好多玩家都覺得爛橙一黎就禁大食

作者: mh9292341 時間: 11-1-21 08:48 PM

國戰商店抽完幾個月之後放輪盤”早買早享受,遲買慳幾舊

作者: Knight_雲冷 時間: 11-1-21 09:20 PM

原帖由 全職學生三世 於 11-1-21 05:28 PM 發表
錯商人的責任是令我們「想」放水比佢地
而唔系就咁吸我地的水

商人的責任只有公平交易。

「吸」或「想」只是手法而已，再者，評論手法多半是以顧客角度。

交易，你情我願，公平交易。

現在有人持刀恐嚇你非要花費不可麼？

別說那些輪盤裝備落在國戰商店，不同伺服器有不同的經營手法。

港服把裝備抽離輪盤表示那些只是一堆由管理團隊決定的數據，是可更改的。

並非遊戲系統，公平與否很難定奪。

作者: 難民不懈 時間: 11-1-21 10:55 PM

字海...
我唔睇了...

歡迎光臨 2000FUN論壇 (https://www.2000fun.com/)