2000FUN論壇

標題: ※經驗淺談 - 個人篇※ [打印本頁]

作者: killerbug 時間: 11-1-29 12:56 PM 標題: ※經驗淺談 - 個人篇※

引言

本人是一個Online FPS 愛好者, 玩過不少的FPS Game, 由最初的單人FPS Game Doom, 直至開始接觸Online FPS Game 如R6 RS, CS, Heat Project, COD 直至AVA, 不多不少都累積了一些基本的FPS 知識以及意識, 係呢一刻, 想分享下我認為玩FPS 除左槍法之外應有既基本知識,技巧同意識, 希望幫到大家有新既突破或者透過大家既回應有個分享和交流, 對新手可以提升FPS既技術, 對老手亦可以Reinforce 一下大家既技術。

好喇,廢up完, 入正題先, 就FPS 玩家來說, 要提升個人玩FPS 的技巧或意識, 可透過以下幾點:

裝備
正所謂”工欲善其事,必先利其器”。要發揮良好以及穩定水準, 首先要有良好既裝備。玩槍Game 既裝備基本上就是滑鼠,滑鼠墊,耳機,和鍵盤。在這裡就簡單介紹一下這些裝備的重要性。

滑鼠及滑鼠墊– 有好多人都認為一個幾十蚊既滑鼠同一隻幾百蚊既滑鼠是沒有太大分別,但在我而高, 這些在別人眼中的”沒有太大分別” 在FPS遊戲中往往就成為勝負的關鍵。

一隻良好的滑鼠可以令到你的落點更加準確, 具體來說就是DPI(如不明白DPI是什麼,請查詢Google等) 的調較, 除了DPI的調校外, 更專業的可以透過加,砝碼來調節滑鼠的重量, 而選擇滑鼠就最緊要選擇一個合自己手型的滑鼠(手感好), 價錢亦是次要。至於滑鼠墊當然就是令你的滑鼠移動得更加流暢。如何對比一張A4 紙,普通的Mousepad 跟遊戲的滑鼠墊,這是很難具體說明出來的, 或者真的要試用過先知道實際上的分別吧。而我認為一張好的滑鼠墊是比一個好的滑鼠更好重要._.||

耳機 – 一個好的耳機能夠讓你更準確的Locate 敵人的方位, 成日都有人  6D人用外掛,睇穿牆,又話點會知我係邊咁樣….其實用耳機就可以透過敵人的跑步聲,槍聲等等更清楚咁分辦到敵人方位。

鍵盤 – 鍵盤對比起上列3 種裝備為次要, 只要一個合自己手位的鍵盤就好了, 不過重要的是設定好自己的遊戲按鍵較為重要, 因為日子久了, 就會認為某些鍵比較重要, 就重設過一些按鍵,比如換彈鍵或慢行鍵等等。

聽聲,報數,報位

其實只要細心用耳機靜聽, 戰場中是有很多聲音也可以聽到,令玩家可以清楚附近到底有沒有敵人。可以聽到我聲音除槍聲, 跑步聲和跳的聲之外,還有開關門聲, 換彈聲音,放C4聲音,敵人看到手雷和需要換彈時發出的聲音也會聽見。同時,步行經過不同地面亦會發出不同的聲音, 靠著這些聲音就可以辦認到敵人大約在那處,從而作出下一步的對策。

小地圖

玩家除了要注意自己眼前有沒有敵人之外,其實亦需要留意畫面左上方的小地圖,
左上方的小地圖除顯示自己隊友方位, 當隊友射中敵人時亦會在小地圖短時間出現一粒紅點。然而, 這紅點亦可知道對方是什麼兵種, 短期內的去向。但由於左上小地圖顯示的區域是有限, 所以玩家可善用Tab 鍵，除了看大家最關心的戰績外，亦都可以觀察全地圖，整個局面的變化

Check位,衝刺系統

在AVA遊戲中, 加入了衝刺系統, 令玩家可以更快速搶點, 支援隊友, 但這系統往往亦過份被濫用, 而成為大家死亡的原因, 玩家其實應該多點Check 一些Camp 點(由其是在爆破模式), 而不是當一頭蠻牛橫衝直撞。  玩家應當確定前方沒有敵人才衝, 或是一開始衝刺搶點,  這樣才是正常運用衝刺。如剩下自己一人行動時, 還是慢行比較實際。

Reload(換彈)

我認為亂Reload 是FPS 玩家的其中一個致命陋習。何謂亂咁Reload就是在不適當既時間Reload, 玩家有時放幾下冷槍嚇唬對手, 或者殺掉一個敵人後, 唔理任何時間場合, 就潛意識地按了Reload鍵。其實一枝槍有咁多子彈, 殺掉一個敵人很少情況下是真係要用掉成排彈匣的….而即使是消滅數個敵人, 亦不代表你就是安全…除非是對方全數敵人都已被消滅。另一個不敵合的Reload時間就是邊行邊Reload, 這是一個最危險的動作…這樣做,法是比你換刀跑更加危險…因為換彈時間是沒反擊能力的, 所以邊行邊Reload , 一旦遇見敵人, 任你槍法多準, 也難逃一死, 在這兒反過來說, 玩家亦都可以好好盡量抓緊敵人換彈時間, 作出反擊。  而何謂適當的Reload時間, 簡單來說就是安全情況底下…即是有Cover(掩護), 或是遠離搏火區的情況底下。找Cover 可以是找死物Cover(例如箱子), 當然最好當然是找自己身邊的隊友Cover, 這樣就更加好(不過都要確定你隊友是不是都在Reload中….)如果是面對完數個敵人, 亦不確定在安全情況, 玩家應當立即換副武, 直到確定自己是安全才換彈吧。(沒買副武另作別論…)

多看Video
想提升自己的技術, 除了不段練習外, 多看別人的打法亦是提高自己技術的方法。看片除了是看別人比賽的片, 亦可錄回自己打的片,再看看自己的表現。因為很多時一旦進了遊戲就會投入其中, 很多時要看回自己錄制的片才發現自己問題所在, 不過後知後覺, 總比不知不覺好吧。　而那殺純粹是錄制殺人的片段(俗稱Frag Video)，對我來說就不用多看，與其看人家殺，不如享受自己殺更加好吧。

By  _刺客乂十三

作者: 車路士vs湖人 時間: 11-1-29 01:10 PM

thx
好波
:smilie_:):

作者: killerbug 時間: 11-1-29 02:17 PM

你的回覆就是我的力量

作者: 請勿按下 時間: 11-1-29 02:47 PM

你講得岩,但係呢..唔想練技術去殺人用rmk就得嫁啦

作者: killerbug 時間: 11-1-29 03:01 PM

你用RMK 唔駛換彈架咩= =

作者: 請勿按下 時間: 11-1-29 03:27 PM 標題: 回復 5# killerbug 的帖子

reload時間2秒都唔知有冇

連rmk都唔識用果堆就真係傻仔啦(雖則我都唔係太識用,因為玩唔慣呢支on9槍,識開槍就識殺人)

作者: killerbug 時間: 11-1-30 12:47 AM

去除槍枝同槍法既問題...我係= =, 我係focus 系意識上的= =

作者: ☆唯愛☆ 時間: 11-1-30 01:24 AM

原帖由 請勿按下 於 11-1-29 03:27 PM 發表
reload時間2秒都唔知有冇

連rmk都唔識用果堆就真係傻仔啦(雖則我都唔係太識用,因為玩唔慣呢支on9槍,識開槍就識殺人)

G36呢

作者: h.t.f 時間: 11-1-30 02:00 AM

刺客兄,有無D可以錄GAME既免費軟件可以介紹下?謝謝!!

作者: killerbug 時間: 11-1-30 02:14 AM

Fraps

作者: 小波比 時間: 11-1-30 06:48 AM

講真- -亂Reload呢個壞習慣好難改雖然成日提自己但都係有1/10機率按左個r制

作者: 炎髮‧灼眼 時間: 11-1-30 09:56 AM

我戴headset聽聲比人話透視

作者: 請勿按下 時間: 11-1-30 11:50 AM 標題: 回復 7# killerbug 的帖子

其實唔多洗意識

好似我同學咁,拎把m4 rmk玩爆破,整係殺人

都唔知殺幾多

7日之後,成條廢柴咁

作者: killerbug 時間: 11-1-30 01:37 PM

原帖由 請勿按下 於 11-1-30 11:50 AM 發表
其實唔多洗意識

好似我同學咁,拎把m4 rmk玩爆破,整係殺人

都唔知殺幾多

7日之後,成條廢柴咁

殺得多,死幾多先0.0
有人殺20死20, 有D人殺20死2-3

作者: 請勿按下 時間: 11-1-30 01:58 PM 標題: 回復 14# killerbug 的帖子

一場殺2十幾,死個位數咁囉..

把7日RMK過左,就話AVA都唔好玩既,D人咁易殺

條友之前玩cso既,1on1俾我請佢食蛋

作者: killerbug 時間: 11-1-30 02:52 PM

都係個別例子者0.0

作者: chanyh321 時間: 11-1-30 07:49 PM

我成日睇小地圖來用狙擊槍殺人，睇住佢跑入嚟我的伏擊點，幾好用的~~~

作者: killerbug 時間: 11-1-31 12:13 AM

最好當然小地圖加埋Tab 制果個全地圖一齊睇,有時太遠小地圖未必locate到

作者: h.t.f 時間: 11-1-31 12:40 AM

我仲未捉到個爆破節奏.
一時就好平靜,一時就好熱鬧...

作者: killerbug 時間: 11-1-31 01:26 AM

平靜同熱鬧都係咁危險....但係相比起有時平靜可能仲危險....因為D人可能慢行緊..

作者: h.t.f 時間: 11-1-31 02:13 AM

我打戰車同籤滅都一般啦,但一到爆破就直情唔識打咁.唔知係咪呢邊兩樣都係長時間處於交戰狀態啦.
總之爆破我硬唔係應該幾時衝,幾時停.
可能我悟性低啦....

作者: killerbug 時間: 11-1-31 02:41 AM

跟大隊囉如果唔知幾時沖0___0

作者: 炎髮?灼眼 時間: 11-1-31 05:26 AM

打爆破護送係要練

作者: h.t.f 時間: 11-1-31 09:32 AM

把握力太差,明明有時係肥肉在口邊,但係筷子夾唔實,趺左

可能得一條命,太緊張

同埋路係識行,但係D雷點,蹲點仲係未記得晒.

作者: killerbug 時間: 11-2-1 10:24 AM

要打多d,同睇多d小地圖,同埋睇多d人打同走位,咁樣會好d

作者: killerbug 時間: 11-2-2 03:39 PM

多謝大家推薦, 我又推推佢先 =]

唔知篇野對你地有冇幫助0 _ 0

唔知寫唔寫團隊篇好...

作者: baron2chung 時間: 11-2-2 09:29 PM

原帖由 killerbug 於 11-1-29 12:56 PM 發表
引言

本人是一個Online FPS 愛好者, 玩過不少的FPS Game, 由最初的單人FPS Game Doom, 直至開始接觸Online FPS Game 如R6 RS, CS, Heat Project, COD 直至AVA, 不多不少都累積了一些基本的FPS 知識以及意識, 係呢 ...

其實個人覺得最重要戈樣你冇講... 技術方面我覺得殺人, RELOAD技術唔係最重要... 最重要既係有體育精神, 我睇過有人好PRO架... 但係如果佢一死左既話會走場, 依D咁既人冇人會尊重佢...

作者: killerbug 時間: 11-2-2 10:28 PM

呢樣野其實我expect個個都應該有.....所以就冇講到 =]

歡迎光臨 2000FUN論壇 (https://www.2000fun.com/)