2000FUN論壇

標題: 養狗新手. [打印本頁]

作者: topuiyin 時間: 11-3-29 06:23 AM 標題: 養狗新手.

大家好阿..
我叫阿賢.. 我就想養狗仔. 因為屋企吾係好大. 想養隻細狗...
但我所認識對狗仔既照顧真係太少..
我希望大大們教下我. 點養. 邊間既狗仔先吾會有病..
加上,.. 店主吾會打隻狗仔..(因為我同女朋友去大陸行街時,係東門丁果面有寵物店見到d老闆將d狗仔掉黎掉去好似當佢地吾係生命咁.. 搞到我女朋友就喊就喊咁我就忍吾到手... 打左人地... 呢d吾講)
所以我真係想搵一個好心人教下我.;..
有意pm我啦. 或者加我msn慢慢傾
topuiyin2005@hotmail.com

作者: 〝Ka穎‥。 時間: 11-3-30 12:34 AM

千其唔好係大陸買狗..雖然平但多數都病痛多..
建議領養,都有好多幼犬果D揀..
如果屋企養得狗既不防去SPCA 領養呀~

作者: topuiyin 時間: 11-3-30 01:07 AM

我都係想去買...
領養太多野搞.
加上我係住公屋. 因為同格離左右傾好曬全部都同意.
所以無人投訴我無咩問題...
搵人幫下我啦... 求救!

作者: 〝Ka穎‥。 時間: 11-3-31 02:58 PM

其實細狗選擇都好多,都係睇你鍾意邊一種,最多既有POODLE 啦,哥基,芝娃娃等等

如果你已經選擇左係寵物店買,有一點要提提你,

就係買狗狗時要留意佢既精神,眼有無好多眼屎眼膠,有無鼻水等等

因為係寵物店或者人地自家繁殖既都存在一定既風險,就係狗狗有機有無傳染病,例如狗瘟,病毒性腸炎等等,

買完狗狗最好拎去獸醫度做個BODY CHECK,買個安心都好呀嗎~

好難答你邊度買先唔會病,只可以話搵D有信譽既咯,

養新狗狗前要準備既就係佢訓覺既地方啦,你要考慮佢大小便既地方啦,

糧食就最好比返狗食既就最好,1歲前都係食幼犬糧,

我都建議你有個養狗既慨念先好買狗狗,因為由幼犬開始養時主人需要教育狗狗既行為,

而教育狗狗唔係一朝一夕既事,係需要時間耐性,例如大小二便,你預左初初一定會周圍痾,

同埋牙齒發育緊既時候會周圍咬野等等,同埋如果你平時無咩時間陪佢既話你就要考慮清楚,

同埋幼犬由第2個月開始就要同佢打防疫針,每個月一針連續打3針,之後就每年一針~

打完3針防疫針之後就要打政府規定既瘋狗針同拎狗牌,另外狗仔5個月開始要做心絲虫既預防,都係靠食藥,一個月一次,

同埋要做一D 牛蜱跳蚤既預防,即係滴頸,一般你去睇獸醫時佢地都會清楚教你同答你,

所以希望你除左心理有準備之外,金錢都有準備~

祝你快D搵到有緣份既狗狗,或者你有咩問題都可以問,因為我唔知你仲想知D咩~

作者: gv3170 時間: 11-4-1 10:23 PM

原帖由 topuiyin 於 11-3-30 01:07 AM 發表
我都係想去買...
領養太多野搞.
加上我係住公屋. 因為同格離左右傾好曬全部都同意.
所以無人投訴我無咩問題...
搵人幫下我啦... 求救!

住公屋千萬唔好養狗你同左右隔離傾好唔代表得到房署同意

到你同隻狗狗有感情個時比房署揭發要你將狗狗帶走到時就你同你女友又傷心
隻狗狗就更加傷心同會受到傷害

歡迎光臨 2000FUN論壇 (https://www.2000fun.com/)