2000FUN論壇

標題: 夏天就黎啦..會影響皮膚嗎? [打印本頁]

作者: darkside 時間: 11-4-3 03:32 PM 標題: 夏天就黎啦..會影響皮膚嗎?

唔知係咪最近個天氣潮濕令到我塊面有時好油有時好乾呀!!!!!
但我平時自己都有用開護膚品既...
都唔知係咪唔夠我用呢??
你地有冇建議比我呀??

作者: 小sion子 時間: 11-4-5 11:31 PM

(係咪應該歡迎新會員~oo~?)
其實轉季應該都要轉護膚品~例如做多少少去角質~然後護膚步驟因應溫度同濕度調節返~
我自己目前就冬季夏季兩套skincare都擺晒係度~
凍d/乾d就搽返潤d個套~熱d/濕d就搽返爽身個套~
諗住等個天氣轉定左先收起d冬季skincare~

你本身用緊d咩?

作者: BB_VIP 時間: 11-4-6 02:22 PM

可能係你既護膚品唔岩你既SKIN~
試下轉用其他,睇下會唔會好D~

作者: darkside 時間: 11-4-12 01:32 PM 標題: 回復 3# BB_VIP 的帖子

咁應該用d咩先岩呢..??

作者: BB_VIP 時間: 11-4-13 05:53 PM 標題: 回復 4# darkside 的帖子

好難話你知WO~我又唔知你既SKIN係點~
最緊要保濕LOR~我自己就用緊我做緊FACIAL果間治療中心度配既~

作者: darkside 時間: 11-4-27 08:19 PM

咁應該點呀？
我都想做下ｆａｃｉａｌ呀？
係咪真係ｏｋ呀？

作者: MO4151 時間: 11-4-28 09:47 AM

原帖由 小sion子 於 11-4-5 11:31 PM 發表
(係咪應該歡迎新會員~oo~?)
其實轉季應該都要轉護膚品~例如做多少少去角質~然後護膚步驟因應溫度同濕度調節返~
我自己目前就冬季夏季兩套skincare都擺晒係度~
凍d/乾d就搽返潤d個套~熱d/濕d就搽返爽身個套~
諗住 ...

爽身果套?
有冇好介紹?

作者: 小sion子 時間: 11-4-29 11:02 AM

原帖由 MO4151 於 11-4-28 09:47 AM 發表

爽身果套?
有冇好介紹?

唔好意思都要講句~我想請你開個新post問~_~"
因為呢, 呢個post呢, 本來就係一個打算賣廣告既post
我係呢個post答左你之後, 如果樓主賣廣告, 咁我就移post又唔係唔移post又唔係了~oo~"
你開個新post我再答你丫^^

作者: ah屁;} 時間: 11-5-2 01:29 AM

其實點解塊面會有時好乾有時又好油...搞到我唔知自己究竟係油性定係中性皮膚

作者: 小sion子 時間: 11-5-2 03:47 AM

原帖由 ah屁;} 於 11-5-2 01:29 AM 發表
其實點解塊面會有時好乾有時又好油...搞到我唔知自己究竟係油性定係中性皮膚

仲可以一路甩皮一路出油添=_=.....而家呢d天氣=_="

一般黎講係洗完面既時候最容易判斷膚質
例如洗面後你會覺得皮膚緊繃既, 其實多數都唔會係油性皮膚~
而如果你冬天面對既唔係爆拆甩皮, 而係相對覺得比較舒服既(而夏天就又濕又焗又容易生暗瘡既), 咁就多數唔係乾性皮膚~

不過都不厭其煩咁講, 其實膚質只係一種分類, 充其量係幫你揀現時適合用既護膚品, 其實本身唔代表任何野, 無咩既定意義
膚質亦會變既, 隨住年齡增長油脂分泌會減少, 後生既時候係油性皮膚, 老左都可以變做乾性皮膚
又或者因應天氣都會有所轉變, 例如我係混合性偏乾既皮膚, 冬天面頰位容易甩皮, 比較接近乾性皮膚; 夏天呢, 油脂分泌就比較旺盛, 比較接近一般既混合皮膚
亦有品牌會標榜透過適當既護膚可以令大家都向最容易打理既中性皮膚邁進~

其實以香港咁既天氣黎講, 大部分人都係混合性~

作者: ah屁;} 時間: 11-5-2 01:56 PM

原帖由 小sion子 於 11-5-2 03:47 AM 發表

仲可以一路甩皮一路出油添=_=.....而家呢d天氣=_="

一般黎講係洗完面既時候最容易判斷膚質
例如洗面後你會覺得皮膚緊繃既, 其實多數都唔會係油性皮膚~
而如果你冬天面對既唔係爆拆甩皮, 而係相對覺得比較舒服 ...

甘我應該係混合性...
真係痴線嫁...一路甩皮一路出油 =.='''
個NOSE 明明勁多油囉...佢都同我甩皮

其實朝早起身個時係咪一定要用洗面奶洗一次面???
有時我用完洗面奶....過左無幾耐又出番好多油....

同埋用完個D MASK...又係甘

歡迎光臨 2000FUN論壇 (https://www.2000fun.com/)