2000FUN論壇

標題: 一個非老玩家的小小意見(長文慎入) [打印本頁]

作者: 黑桃` 時間: 11-4-17 06:08 PM 標題: 一個非老玩家的小小意見(長文慎入)

我唔係好似呢個版既大部分人咁,
係當年有玩過神領,
當我幾個月前係2k fun見到一個版叫神領既時候,
忍唔住入左黎睇,
見到一班老玩家好興奮好期待,
心諗, 唔通呢個遊戲真係咁正,
值得人地等咁多年, 等佢"重出江湖"?
好用心爬文, 睇新手惡補班,
希望可以努力玩一隻好遊戲.
到出左CCB, 見到大家好不滿,
話要唔玩..心入面有D唔開心.幾乎可以話係失望.

其實我覺得,
一隻遊戲係咪好玩, depends on 玩家, 遊戲內容, 代理既efford.
呢3樣野真係缺一不可.
我見大家之前既post都話,
神領好有人情味, D老手好好, 會幫新手, etc
個時都覺得, 係喎, 呢班老手好有心機打惡補班俾新玩家睇,
又自己寫文,
但係最近呢兩日, 每日入呢個版都覺得好恐怖.
可能因為一D"打手", 又或者呢D改動令到老手好不滿,
每日入黎都係見到粗口橫飛..(包括打手/老手)
我諗緊.. 其實係咪唔止神領變左..
連各位玩家本身都變左, 所以會搞到咁?
我唔知道係呢個版關於研討會既事,
邊個真邊個假.
只係我覺得, 一個咁樣既版,
絕對會令到其他人望而卻步.
最終為神領"變回原狀"而努力既人,
會淨低幾多個呢?
當然你地唔怕其他人既諗法係咩
但咁樣會令到其他人覺得,
"原來神領D玩家同其他都冇乜分別"
既然係咁, 神領到底仲淨低D乜野值得我地去鍾意?

當然啦, 我只係等左幾個月,
而你地係等左幾年,等神領復活,
見到"貨不對辦", 唔開心, 甚至好嬲係好正常,
但我覺得..最近幾日, 呢個版大部分既post都好可怕,
幾乎句句都係粗口- -''
咁樣真係..我覺得有少少過分.

我唔係話邊個岩邊個錯, 我知我冇呢個資格-_-'
我個人好appreciate 為神領變返原先一樣而努力爭取既人
只係希望各位可以冷靜D去諗, 去討論,
而唔好令到呢個版咁唔和平, 咁得人驚:)

(其實呢幾個月真係令到我好鍾意神領架~
始終我覺得一隻好既遊戲, 最重要都係D玩家~
文筆唔好, 希望各位唔好介意~)

作者: willchu 時間: 11-4-17 06:25 PM

神領不再

我會玩但係當一隻新遊戲玩

玩過先可以睇接唔接受到

作者: 聖鬼 時間: 11-4-17 06:29 PM

好多時世界上和平理性爭取到GE,
某D人口中所謂GE暴力又點會出現呢?
或者點會有人支持呢?

作者: 闇之WIN神 時間: 11-4-17 06:40 PM

其實~其他人係點我唔知啦~
但係我自己本身就無變lor~一.一
我以前響舊神領版一樣係粗口橫飛(因為同個版主熟~唔怕俾人扣分@o@)
而響夢領版~原本都係咁上下~
係因為某粉好嚴(笑)~同埋後尾都叫熟絡左少少~費事佢難人做~
言詞上先收斂左少少~XDDD

其實~人情味依然健在~
我見到ccb入面~起碼都唔會有搶怪~霸地之類~
見到有人打緊~唔小心打到依然會講sor~然後對方依然係報以alt+1

不過~始終夢領就係夢領~
我會當佢係一隻商城制既免費game咁玩~
一蚊都唔會用~
that's it~XDDD

作者: 稀星@石石 時間: 11-4-17 06:44 PM

原帖由聖鬼於 11-4-17 06:29 PM 發表
好多時世界上和平理性爭取到GE,
某D人口中所謂GE暴力又點會出現呢?
或者點會有人支持呢?

樓主唔係咁既意思
係話d人只顧宣洩自己不滿
而且係討論區打粗口應該同爭唔爭取無咩關係
我原本都想講樓主相同既野不過後尾打完都係刪左
講真路過呢個版既見到咁混亂既情況
大家會點估老玩家既機品?
人情味個d更加唔使講

作者: 黑桃` 時間: 11-4-17 07:03 PM

如果我唔係係呢個版"吹水"過一段時間..
知道其實D老玩家幾nice幾好傾
入到呢個版一定嚇親~_~'

CCB個一日.
有幾多個post係宣洩不滿?
如果咁岩有人入到呢個版,
見到成頁都係度鬧人..
佢地會點諗?

我只係覺得爭取一D野唔一定要爆晒粗..
不過我好欣賞大家努力爭取的:)

作者: 谷川流 時間: 11-4-17 07:06 PM

新玩家歡迎你呀~

神領真係好有人情味~

記得個時我仲係新手

有老手自願帶我仲送裝備我..

從個時我就愛上左線上遊戲..

[ 本帖最後由谷川流於 11-4-17 07:19 PM 編輯 ]

作者: 黑桃` 時間: 11-4-17 07:49 PM

呀...有D野唔記得講
咁呢..其實因為最近幾日見到大家都話隻game改到好差..
搞到我諗住唔玩~~~
點知有個朋友原來係老玩家,
尋日研討會都有去xdd
佢叫我陪佢玩=w='
(佢對呢個改動既意見係~當新game玩~)
希望大家多多指教la:)'

作者: chiusau 時間: 11-4-17 08:22 PM

有享受過神領旅程的老手一定回味無窮吧(包括我^^)
希望這新GAME夢之領域真的係有咩新凸破吧(不過心都係有D唔書服=,= 如果可以改返就好啦)

作者: 666乂 時間: 11-4-17 10:44 PM

神領最正就係冇乜搶怪

d人ok有禮貌~
同而家真係冇得比~_~

希望日後呢個風氣繼續保留..

作者: wa_sabi 時間: 11-4-17 11:37 PM

原帖由 666乂 於 11-4-17 10:44 PM 發表
神領最正就係冇乜搶怪

d人ok有禮貌~
同而家真係冇得比~_~

希望日後呢個風氣繼續保留..

講堅,真係有同感,以前新手個陣唔多唔少都有呢D情況,但係最多講聲唔好意思,禮讓一下就解決曬,有機會既仲可以識多個朋友添

唔似而家個D,係都要嘈到通街,結果,都係得個吉

作者: funny~k 時間: 11-4-17 11:50 PM

原帖由 wa_sabi 於 11-4-17 11:37 PM 發表

講堅,真係有同感,以前新手個陣唔多唔少都有呢D情況,但係最多講聲唔好意思,禮讓一下就解決曬,有機會既仲可以識多個朋友添

唔似而家個D,係都要嘈到通街,結果,都係得個吉

最好玩係,組隊好多時會兩隊合一大隊練,同埋呢d怪暴走咪一齊清囉:)

作者: bread 時間: 11-4-18 12:10 AM

原帖由 黑桃` 於 11-4-17 06:08 PM 發表
我唔係好似呢個版既大部分人咁,
係當年有玩過神領,
當我幾個月前係2k fun見到一個版叫神領既時候,
忍唔住入左黎睇,
見到一班老玩家好興奮好期待,
心諗, 唔通呢個遊戲真係咁正,
值得人地等咁多年, 等佢"重出江 ...

其實當初我都覺得: [搞錯呀改成咁]
第一件事向心中想: 搞到咁我點發達呀

但玩落，其實咪就係一開始玩神領咁...變返以前一開始一模一樣
大家組隊上去打，一個都不能少咁樣

其實某情況下都幾感動
因為這是一個舊遊戲, 老手都識晒點玩 (本來)
但因為這些改動，老手也不能不低頭, 要組隊去打以前一直有足夠能力單p的地方/怪物
也許這樣是養成老手有團隊精神的開始!! 不再只求單p單p單p單p單p單p單p

以上是我這位有ccb帳號的玩家心聲

我覺得唔差架

不過當然進步空間還是有的~

作者: 只怕不再遇上 時間: 11-4-18 12:26 AM

我反而擔心一樣野而家改左用點升技
遲下會唔會變左一隊入面有大部份人淨出普攻
再恐怖D係大部份齋企唔幫打淨吸經驗
因為唔駛升技lv
如果真係咁...將會演變成世頻不停有找人帶練
幫人帶升呢d強國職業團隊的洗頻告示呀

作者: HoZhI 時間: 11-4-18 12:46 AM

原帖由 只怕不再遇上 於 11-4-18 12:26 AM 發表
我反而擔心一樣野而家改左用點升技
遲下會唔會變左一隊入面有大部份人淨出普攻
再恐怖D係大部份齋企唔幫打淨吸經驗
因為唔駛升技lv
如果真係咁...將會演變成世頻不停有找人帶練
幫人帶升呢d強國職業團隊的洗頻 ...

你咁樣一講起...只會令我不敢相像個掛升既可怕程度

作者: repay 時間: 11-4-18 01:55 AM

我就係宜2日先入黎睇下隻game玩唔玩得過~
講真,見到又唔覺得有d咩野(去到邊都有人會講隻game邊度唔好,點睇係你自己既姐)

不過睇到偽研討,真係0晒..
對代理勁失望,偽研討好似係順手做黎俾上頭睇咁.唔係為左俾玩家交流.
我諗唔真係勁想玩既game,都唔會再玩gc d代理=]!

[ 本帖最後由 repay 於 11-4-18 02:09 AM 編輯 ]

作者: 稀星@石石 時間: 11-4-18 01:59 AM

原帖由 repay 於 11-4-18 01:55 AM 發表
我就係宜2日先入黎睇下隻game玩唔玩得過~
講真,見到又唔覺得有d咩野(去到邊都有人會講隻game邊度唔好,點睇係你自己既姐)

不過睇到ccb,真係0晒..
對代理勁失望,ccb好似係順手做黎俾上頭睇咁.唔係為左俾玩家交流. ...

有d野係要以前玩過先明既
要講邊度唔好都唔係一時三刻可以講曬俾你聽

作者: repay 時間: 11-4-18 02:09 AM

原帖由 稀星@石石 於 11-4-18 01:59 AM 發表

有d野係要以前玩過先明既
要講邊度唔好都唔係一時三刻可以講曬俾你聽

(sorry.其實我係想話偽研討,低b左,請無視我囧..)

作者: 紫蒼 時間: 11-4-19 01:46 PM

依家只係想係公測先盡小小努力去令神領變得好一點~

歡迎光臨 2000FUN論壇 (https://www.2000fun.com/)