2000FUN論壇

標題: 「童話」對你有甚麼意義？ [打印本頁]

作者: 殺‧拳 時間: 11-4-19 10:11 PM 標題: 「童話」對你有甚麼意義？

各位童話朋友，大家好！

又係老土開場白，

唔知仲有冇人記得我呢?

我諗冇啦!哈哈!

咁呢個係我上次既post，亦都介紹過自己，歡迎大家可以點擊入去睇下^^"

http://www.2000fun.com/bbs/viewthread.php?tid=3142094

好啦！咁講返正題先,

開始之前，我想問大家一個問題,就係「童話」對你有甚麼意義？

（其實唔緊要的，可以係冇都得，人人都唔同^^"，冇對錯之分！）

咁如果大家唔介意的話,小弟願意與大家分享我的童話故事。

記得童話開始公測冇幾耐,我就開可以玩了!

當時係朋友介紹既，亦都係我第一次玩既網絡遊戲。

記得我果陣就做左劍戰，而我既朋友就做左刀戰，

由於冇教學，好多既物品，配點都不太認識，

所以發生左一d趣搞笑既事情，

咁當時我升ｌｖ，都會將點數，加係敏捷到，

其實我都唔清楚有咩用，只係覺得係咁多既屬性之中，比較鍾意敏捷！

當然，最後弄出一個貧血，攻低既劍戰士吧！哈哈^^"

咁都唔緊要呀！我既朋友仲搞笑！

佢將所有配點加左係魅力到

，以為咁會型仔ｄ，會有意想不到既效果話！

結果如佢所願，每次同佢打怪果陣，ｄ怪都係打佢，靚仔呀嗱！？ｈａ！

最後，慢慢咁累積經驗，重新咁練過其他角色，現童話大部分既職業都玩過了！

咁之後，玩下玩下，就玩左幾年啦，

唔知係小學定初中開始，

眼見童話一年又一年既成長，

童話每大一歲，亦都代表我又長大一歲啦，

轉眼間就到左中學、高中，高中之後因為會考關係就停左，

果時都以為自己再冇機會踏入返童話，

但「世事冇絕對既」，呢句說話講得好岩！

咁大約係前半年左右啦，我就再次玩返，

不過好多野，都唔同左嚕，

但係，人生就係咁架啦！咩野都會改變的！

正如昔日那無知的小孩，現已長大成人了！

哈哈！而家既童話玩家，我相信都係讀緊書既朋友仔，

好似我當時一樣，一放學，就急不及待咁開電腦玩童話，

有冇試過比屋企人話，做咩成日打機呢？比心機讀書仲好啦！

哈哈，我就有啦！轉眼間我已經２１歲了，

而家就讀緊大學，其實比唔比心機讀書，同打機係冇關係既，

最緊要既係，你要識得諗！懂得分配時間，

享受童話世界既快樂之餘，亦都要好好計劃你現實既將來。

最後，記唔記得頭先，我問大家既一個問題？

「童話」對你有甚麼意義？

童話，顧名思義，

能給我童年般的回憶，

能給我童話般的快樂，

與我經歷了許多，也陪同著我一起成長，

對我來說，你就是我的知心好友，是我的良伴。

童話--

你給我了最寶貴的回憶，

亦給了我最幸福的感覺，

因你的存在，因我所擁有，

我才能寫下屬於自己的童話故事，

童話，謝謝你！

[ 本帖最後由殺‧拳於 11-4-19 10:27 PM 編輯 ]

作者: LNS 時間: 11-4-19 10:42 PM

又出現洋洋萬字老土文章

可見童話真係陪住我地大,D玩家愈來愈老,愈來愈土

作者: 屎太來 時間: 11-4-19 10:43 PM

我都係細細個開始玩童話我記得係美人ser 我第一隻人都係玩劍@@
現在的童話完全不同了,唉現在做到最強魔c有咩用? 到最後睇左你個post 諗番起,都係個時1x lv同人齊打屎洞既日子開心好多!!!!!
我玩左童話都8年了----「童話」對我有甚麼意義？
我真係講唔出,如果比我帶番隻過千力pet/智pet 同套體智番去我岩岩玩個時,我諗真係玩曬
最後,我想講的玩童話有甚麼意義不重要,一齊開心玩吧!!!!
有時我太悶個陣會想問d族人講玩捉e恩,不過次次最後都無講-怕比人話o+n+1+5-2x3

作者: 宮崎北鼻 時間: 11-4-20 02:46 AM

童話....

改版變得太多了...

作者: eddie0509 時間: 11-4-20 10:24 AM

我同樓主差唔多, 都係21歲, 都係讀緊大學, 由中2開始玩, 果時公測正係online game熱潮之時, 果時都係我第一隻online game, 初初我玩幻c的, 唔識配點, 聽人講+魅力會易d捉寵, 我就走去全魅, 再帶隻水蜘蛛強化佢慢慢打, haha
我有keep住玩, 就算唔玩都入去睇下, 停下玩下咁, 童話既意義係......玩家們細個果時既回憶, 可能我玩得好少隻online game, 見識比較少, 我覺得童話玩家好多都念舊, 重拾細細個既感覺因為果時大家都係最開心的, 而家大個左, 日日都有好多事煩惱, 所以大家都好掛住童話時代

所以其實玩童話時係最開心的, 咩野煩惱都可以唔理, 同一班玩家朋友吹水打寶

歡迎光臨 2000FUN論壇 (https://www.2000fun.com/)