2000FUN論壇

標題: 為左想拍而拍.. [打印本頁]

作者: 黃強仔 時間: 11-4-23 07:14 PM 標題: 為左想拍而拍..

入正題，我是個男生，幾年前鐘意左個女仔表白衰左之後就慢慢淡忘左佢，亦都無再有對象，一來自己對感情認真，唔鐘意拍對散拖玩玩下，二來班上得果幾個女生，亦不適合我。依家中六，中學時期未戀愛過可能會好可惜，過左依個階段就又唔同，在求學時未曾戀愛過是個遺憾。

而我一直都有不少女性朋友，但都無個有感覺，但上年識左個個過朋友既朋友，細過我，一開始覺得佢幾得意，而且佢不時走埋黎同我傾下計咁，但係依家又時冷時熱，咁我對佢都有啲好感，但並唔係鐘意，而且佢可能都唔係我鐘意果種，雖然佢淨係細我一年，但係比較細過，未成熟果類，但係佢都拍過幾次拖。

其實自己性格喜歡收藏自己的想法，好多野唔鐘意講出口，亦唔係太識沊人，都唔會有好多時間陪佢，但係我知依種女仔係好黏人果啲，都唔知岩唔岩我

但係其實都唔係重點問題，最重要係我覺得我對佢只不過是有好感，而不是鐘意，而我想同佢進一步發展也只是我想搵返個女友共度最後的中學生涯，雖然我唔知同佢"甲"唔"甲"，我亦唔係太了解佢，其實我想fb或者msn同佢傾下計，了解多啲先諗下，但係佢fb 又set offline，msn又無點見佢online

其實我唔係鐘意佢，只係對佢有好感，我應唔應該去了解下佢先，但係應唔應該從朋友方面了解下，但係我咁會唔會對佢唔公平？咁既感情會唔會唔長久呢?

作者: ζ×黑羽花子〥 時間: 11-4-23 08:35 PM

所以永遠先由朋友
開始入手了解比較好呢

作者: Azure. 時間: 11-4-24 06:21 AM

我覺得做左朋友先會好D 唔岩就做朋友算啦

勉強一齊到頭來可能會傷害左人地..

作者: CcP204 時間: 11-4-24 11:00 PM

有食唔食罪大惡極
將來想食既時候人地唔比你食就知咩叫後悔=]

作者: itsui002k 時間: 11-4-25 10:45 AM

其實佢好大機會都拍散拖既人

即係覺得幾個月己經一個好長既時間

但係睇樓主又唔係鍾意拍散拖既人

其實唔一定要係求學時期去拍拖

求學時期你唔一定會搵到一個你愛既人

作者: 黃強仔 時間: 11-4-25 07:58 PM

原帖由 itsui002k 於 11-4-25 10:45 AM 發表
其實佢好大機會都拍散拖既人

即係覺得幾個月己經一個好長既時間

但係睇樓主又唔係鍾意拍散拖既人

其實唔一定要係求學時期去拍拖

求學時期你唔一定會搵到一個你愛既人

其實中學時期拍拖都唔係話一生一身,
要搵個真係愛既又會唔會太難?陳義過高?
都只係增加經驗,雖然我都覺得佢可能都唔係真係合適我的人,咁我咁講又岩唔岩?

作者: itsui002k 時間: 11-4-25 08:10 PM

原帖由 黃強仔 於 11-4-25 07:58 PM 發表

其實中學時期拍拖都唔係話一生一身,
要搵個真係愛既又會唔會太難?陳義過高?
都只係增加經驗,雖然我都覺得佢可能都唔係真係合適我的人,咁我咁講又岩唔岩?

其實你可以追就追.. 唔追就唔追..

係我定義黎講如果你唔係真係好鍾意或者愛對方

敢你追黎做咩?

作者: 高等售賣員 時間: 11-4-26 02:02 PM

吾係真係鍾意人就吾好因為自己小小既遺憾去傷害人...

歡迎光臨 2000FUN論壇 (https://www.2000fun.com/)