2000FUN論壇

標題: [活動]童話，不想一睡不醒;免得錯過你的消息:) [打印本頁]

作者: siusiu:p 時間: 11-5-16 11:45 PM 標題: [活動]童話，不想一睡不醒;免得錯過你的消息:)

童話能夠８年，陪伴左大家都有一段日子．
我都好開心！雖然唔係８年都有玩，但一直都有追消息！
好開心佢出呢個徵文活動，因為我好想好想用文字寫低我小小的感覺．
特別係對於童話，有一種講不出的親切感．
等我帶你去到　我以前玩童話的世界啦！

當我仲係小六個時，我妹唔知係邊見到有童話賣就買左返來玩啦．
點知到最後　我搶左我妹個ａｃｃ玩哈哈．名就唔講　廢事比人知:)

１開始人生路不熟咩都唔識．覺得玩修士應該好勁所以就揀左．
咁童話１開始係收點數制的，所以成日都靜靜雞儲夠錢就落街買點數
變做月費就玩成個月！　個陣細個，計到好足架，如果某一個月玩唔夠３個星期既話
我就寧願轉點數制或時段制:) hahahahhahah
咁之前童話有好多好好既人　帶你升下呢　傾下計咁．
咁小六中一咩都唔識．連字都唔識打多幾隻，我識打字都係全靠童話哈哈
跟住入左個族有好多唔同職既人１齊升呢打怪．
係全部人１齊打怪架，我仲記得係咕嚕島一定唔可以１條友打．．
唔係１０隻怪圍你一定瓜．有人出黑洞啦，有光Ｃ又有巫師咁．
個陣好開心日日都一齊玩一齊笑一齊有活動　佢地當然大過我．
唔知有冇人識佢地呢．廿蚊　鈴兒　盜心　耀揚　等等
如果你地仲有玩既　ＰＭ我吧　真係好想搵返你們！

玩左１－２年後．有人開始唔玩啦，佢地大個１Ｄ要開始返工．
見到一個一個好友唔玩．心都有點酸．咁我以後同邊個傾計．
慢慢慢慢咁．見到佢地唔玩我由最後一日上一次線，一星期上一次，
慢慢咁．．就停止左童話既世界．但我絕對保証　我好愛呢個遊戲．

眨眼間我到中４了，無意中係網上睇到　童話變左免費制．
其實都好想玩返．但有ｄ人係度話　ｄ棒你出一下技就扣一耐．
都唔好玩既．　我心諗　唔會既．但個時冇任何既意慾驅使下
冇玩返－＿－　直到有一年５月就放暑假．諗返下我之前玩過ｄ咩遊戲
我第一下就諗到童話．因為我覺得佢個　對話模式好靚　同埋
有皇用字形容唔到既感覺　我好中意．但我唔記得左個帳號．心諗死啦
冇得玩．　咁我問我妹啦　因為個ａｃ係佢開　佢又好似買新手包返來的
佢１講就講得出－ｏ－　跟住上童話官網撞密碼睇下有冇機會啦．
嘩　真係講你都唔信．撞一下就中左．好野
個天都比我一定要玩返童話．ahahaha 所以我就玩返了:)

個問題係我一上線係神燈沙漠．我１ｄ印象都冇　唔記得點玩．
咁岩有條友悄我　我想回返佢！個問題係．我搵左勁耐都唔知點悄返佢
真係好ｑ蠢阿我！咁我就慢慢禁下ｄ制啦．搵左３個字　我終於知道點悄返佢＝．＝
你地唔好話我蠢啦:(
終於行到返去金銀城銀行睇下我有幾錢．
得１００萬．係我小六中一個陣　１００萬係好勁架啦－＿－

跟住走去金商行街．見到好多野我都買唔起　唉
跟住識到人　人地教我點搵錢　慢慢我就有返小小錢就買下裝呀
車呀　玩具呀．好多野都係自己親手整的．個感覺又去返我之前一開始玩個陣了:P
依家我都有長期ｋｅｅｐ住玩既．返學個時咪去掛下技．
考完試咪升下ｌｖ咁．但童話來講　我玩到依家都唔覺悶．
因為我真係超中意佢左下角個對話頻！　有得錫人啦踢人屎忽啦同人跳舞咁
仲有好多　指令冇顯示出來的．ｈａｈａ

每個人既童話故事都唔同．
就係度同大家分享我的一點世界
打到好爛唔好介意．
但對於我來講，呢一切都係美好的回憶
冇人可以搶走佢的:p
anyway，祝童話可以長長久久．
我想結婚後我的仔女都可以玩到hahahahhahahha

作者: Mrtsz 時間: 11-5-17 12:01 AM

原帖由 siusiu:p 於 11-5-16 11:45 PM 發表

童話能夠８年，陪伴左大家都有一段日子．
我都好開心！雖然唔係８年都有玩，但一直都有追消息！
好開心佢出呢個徵文活動，因為我好想好想用文字寫低我小小的感覺．
特別係對於童話，有一種講不出的親切感． ...

我諗到你d仔女果陣會話你玩古董咩- - xd

作者: siusiu:p 時間: 11-5-17 12:06 AM

原帖由 Mrtsz 於 11-5-17 12:01 AM 發表

我諗到你d仔女果陣會話你玩古董咩- - xd

HAHAHA 都係咁講姐:P 有得笑嘛哈哈哈

作者: Mrtsz 時間: 11-5-17 12:11 AM

其實我都想玩返
但係我怕d技升得勁悶- -
因為我果時玩劍戰

作者: 真田幸昌 時間: 11-5-17 01:13 AM

咁你加油啦 ~_~ =/\=

by:真田幸昌

作者: 6cam1111 時間: 11-5-17 04:06 AM

係咪美人魚ser!?
個族名叫鈴雲閣定殿:o?
大頭目係小鈴兒:o?

作者: siusiu:p 時間: 11-5-18 12:31 AM

係美人魚..但唔記得族名..:o
好似係小鈴兒

who are u

作者: 火天使 時間: 11-5-18 11:49 AM

只能說我見證左童話誕生 8年

由中一寫小說 ( 個時文筆太差) , 到而家都廿歲了

By 睡美人 - 長空

作者: 遊戲問題先生 時間: 11-5-23 09:48 PM

我三年班(2008)開始玩..之後玩左幾個月冇玩
依家又玩番，發現以前我係唔識打機架~_~

歡迎光臨 2000FUN論壇 (https://www.2000fun.com/)