2000FUN論壇

標題: (全書-完)"第十二話:無憾#308(第16頁)/#309 作者的話 [打印本頁]

作者: ~傳說中的傻仔︻    時間: 11-5-29 09:24 PM     標題: (全書-完)"第十二話:無憾#308(第16頁)/#309 作者的話

本帖最後由 ~傳說中的傻仔︻ 於 12-2-8 06:11 PM 編輯

不定期更新





序:
黑社會從來都是在刀鋒口上過日子,少一點本事便會斷送生命,
可是在極其危險的道路上,永遠有著優厚的金錢作為回報,
金錢與生命兩者之間一但選錯,便會萬劫不復.....



我在黑社會的日子I:http://www.2000fun.com/bbs/viewt ... &extra=page%3D1


目錄表:
第一話:重組『華興』#9(第1頁)
第二話:四旗#19(第1頁)
第三話:銀狼#29(第2頁)
第四話:代戰#40(第2頁)
第五話:尊重#61(第4頁)
第六話:陰謀#71(第4頁)
第七話:霍驚天的意圖#78(第4頁)
第八話:毒品之路#83(第5頁)
第九話:巧遇少年#90(第5頁)
第十話:教訓#98(第5頁)
第十一話:大D的挑釁#108(第6頁)
第十二話:去馬#116(第6頁)
第十三話:藍田公屋#123(第7頁)
第十四話:圍困#128(第7頁)
第十五話:鋤大D#137(第7頁)
第十六話:手足情深#145(第8頁)
第十七話:江湖大亂#152(第8頁)
第十八話:攪正殷采蜜#167(第9頁)
外傳上集:凌浩飛的過去#175(第9頁)
外傳中集:凌浩飛的過去(II)#179(第9頁)
外傳下集:凌浩飛的過去(III)#191(第10頁)
第十九話:『龍頭』之智慧 #194(第10頁)
第二十話:『講數』#198(第10頁)
第二十一話:『講數(I)』# 204(第11頁)
第二十二話:『講數(II)』#211(第11頁)
最終話:雄霸一方#226#(第12頁)
#252全一話外傳:龍仁

葉偉少年編:
第一話:雷兵#258(第13頁)
第二話:失蹤事件#263(第14頁)
第三話:挑釁#266(第14頁)
第四話:難堪的真相#269(第14頁)
第五話:苦戰雷兵(I)#274(第14頁)
第六話:苦戰雷兵(II)#277(第14頁)
第七話:前路茫茫#283(第15頁)
第八話:琥珀色戒指#287(第15頁)
第九話:困擾(第15頁)
第十話:碰見(第15頁)
第十一話:一人的路#304(第16頁)
第十二話:無憾#308(第16頁)


[ 本帖最後由 ~傳說中的傻仔︻ 於 11-8-19 07:05 PM 編輯 ]
作者: ~傳說中的傻仔︻    時間: 11-5-29 09:26 PM

社團介紹:

名稱:華興

架構:坐館(林勇佳)
     副坐館(蒙永強)
     四旗--虎旗.凌成波
              龍旗.terry
              鳳旗.犀牛
              狼旗.陸翔


成員人數:約二萬



名稱:東英

架構:坐館(霍驚天)
     五幹部--姚盛康.蔣裕.蔡連風.??.??
     八掌舵--陳逸朗.卓仁.大D.阿烽.??.??.??.??


成員人數:約一萬八千



名稱:盛聯

架構:雙坐館(程谷飛/史旺輝)
       金牌四大打手--張軍豪.殷采蜜.吳展文.sanchez anthony

成員人數:約三萬多


名稱:忠烈社

架構:龍頭(文烈)
       十二生肖:灰蛇(蛇).??.??.??.??.??.??.??.??.??.??.??

成員人數:四萬




===================================================================================================

主要出埸角色:

(華興)

名字:凌成波(阿波)
年齡:27
職位:華興當打紅棍王/華興四旗.虎旗  
性格:冷靜 擅長格鬥 重義氣  愛思考
外表:斯文 面上有一刀疤
背景:聽到林章氣絕前的說話後   立時失控並將對方監生打死
      想掃平『盛聯』之時卻遭到強哥阻止   其怒火更被迫壓制三個月
      三個月來沒有一絲放鬆   相信其實力比之前更強大



名字:蒙永強(毛強)
年齡:48
職位:副坐館
性格:穩重 忍讓 有大將之風
外表:成熟 男人味十足
背景:搶任重組後『華興』內的副坐館   對『四旗』有著很大的期望




名字:候永(terry)
年齡:36
職位:華興四旗.龍旗/蒙永強近身  
性格:沉穩  處事有長遠眼光  
外表:不太起眼   比較平庸
背景:搶任重組後『華興』內的華興四旗.龍旗    旗下地盤為荃灣




名字:林勇佳(佳哥/戰神)
年齡:52
職位:華興龍頭/雙花紅棍
性格:用人唯材 眼光遠大 手足情深
外表:威武 不怒而威
背景:重新掌管『華興』   同意與『東英』結盟
      把掃平『盛聯』為首要目標



名字:黃梓楓(王子)
年齡:28
職位:白紙扇/阿波近身
性格:分析力強 善用頭腦 臨危不亂
外表:文質有禮 帶著眼鏡
背景:被上層看重   搶任與『東英』結盟的重要角色
      曾與姚盛康在智慧上有著交鋒   被對方示為假想敵



名字:凌浩飛(浩飛)
年齡:21
職位:四九仔/阿波近身
性格:衝動 年少氣盛 重情重義
外表:高1米75 一副運動員的體格
背景:仍為著當天關世軒的事之件耿耿於懷   一直在自責
      渴望能替波哥分擔煩惱   三個月來強加訓練
      格鬥能力與分析能力增加不少   為阿波的一大助力   


名字:丁健(犀牛)
年齡:31
職位:華興四旗之一(鳳旗)
性格:忠心 唯命是從
外表:壯健 
背景:與billy在另一地盤--太子  管理得有聲有色


名字:張鄰(billy)
年齡:33
職位:草鞋  
性格:有毅力  喜愛克服困難
外表:斷了一隻手
背景:與犀牛在另一地盤--太子  管理得有聲有色



名字:陸翔(銀狼)
年齡:26
職位:華興四旗.狼旗
性格:喜愛獨行獨往   自負
外表:銀白色頭髮  雙眼銳利於狼
背景:近旗所招攬的猛將  由林勇佳親身任命為『華興』四旗之一
   格鬥能力極高  似乎比阿波有過之而無不及
   不喜愛與人應酬  討厭虛偽的小人
   其下地盤為旺角   
=====================================
(東英)
名字: 霍驚天(天爺)
年齡:51
職位:龍頭
性格:重義氣,城府深重
外表:健壯,有男人味,整天黑西裝出現
背景:與『華興』結盟 野心卻不止於此
   


名字:姚盛康 (古惑康)
年齡:35
職位:軍司/霍驚天近身
性格:聰明 不喜歡與笨人打交道 自負
外表:爽朗的短髮 左耳上有四隻耳環
背景:頗欣賞王子的智慧  有心與他一較長短
      看重阿朗   寄望對方為『東英』爭氣
   
   

名字:卓柏龍(皇龍)
年齡:71
職位:前雙花紅棍
性格:處事狡猾 不喜生事 頗懂反駁別人說話
外表:一股皇者之風
背景:史王輝在十年前想殺掉自己 大命逃往中山鄉村隱居
   掛心其兒子--龍仁 但卻脫離黑社會圈子
   拜託阿波完自己心願 堅決在異地終老



名字:陳逸朗(阿朗)
年齡:27
職位:東英八掌舵之首 (四大當打紅棍之一)/警方卧底
性格:頗重義氣 念舊 有頭腦
外表:天生啡色眼珠 
背景:被姚盛康看重  被升為八掌舵之首  但他卻不忘其卧底的身份



名字:卓仁(龍仁)
年齡:29
職位:雙花紅棍/八掌舵
性格:武痴 喜好武術 以打為生
外表:隱含一般威勢 令人望而生畏
背景:與史王輝發生一些事情  使他堅決除去『盛聯』!



會員人物:NotsWater
社團:東英
名字:蔡連風
年齡:31
職位:五幹部
性格:火爆、寸
外表:一身醉漢既樣
背景:史王輝既頭號手下,本來對屎王輝好忠心,點知有一次見到史王輝原來同菊花有路,之後就冇再幫史王輝做野。



會員人物:女商之領導者
社團:東英
名字:洪烽(阿烽)
年齡:25
職位:八掌舵
性格:學識廣博,心狠手辣
外表:四眼
背景:加入東英短短一年就升上掌舵一職,辨事能力高,深得龍頭寵愛,將來必成大器



會員人物:davidcks
社團: 東英
名字:白梯(大D)
年齡:38
職位:八掌舵
性格:陰險奸詐 經常想吃掉『華興』   對兩者結盟十分不滿
外表:硬漢
背景:有一股蠻力 但卻是自稱最有頭腦既人 曾在後巷被戰神打敗 深深不忿

=====================================
(謝記)
名字:李偉都
年齡:32
職位:紅棍
性格:沉默 只會按上頭旨示做事
外表:面上的刀疤
背景:恩將仇報    在荃灣碼頭伏擊阿波
      後來浩飛帶著人馬圍攻亦得以順利逃生
      其後卻無視自己旗下地盤被阿波破壞    似乎有著某種意圖!?


名字:張折(折哥)
年齡:42
職位:話事人
性格:思想古怪、偏激  難以捉摸
外表:白得可怕的皮膚
背景:『謝記』的高層之一   似乎與出賣『謝記』的火柴有著交情
    看見阿波之後對他產生興趣   認為對方與凌戰軍關係密不可分
=====================================
(盛聯)

名字:史旺輝(史王輝)
年齡:45
職位:盛聯雙坐館之一
性格:智謀為上 善於食腦 喜歡鬥智 唯缺容人之量
外表:雙眼總是很沉藏不露
背景:得悉『華興』與『東英』連成一線 不禁擔憂起來



名字:程谷飛(菊花)
年齡:44
職位:盛聯雙坐館之一
性格:器量小 野心大 個性反骨 重金錢 輕視情義
外表:五尺欠一寸 
背景:得悉『華興』與『東英』連成一線 不禁擔憂起來



名字:吳展文(阿MAN)/(鐵板)
年齡:28
職位:紅棍/金牌四大打手之首
性格:陰險 口蜜腹劍 極深城府
外表:健碩 約高1米9 
背景:在深水步一役中重創阿波 被升為四大打手之首


名字:張進財(火柴)
年齡:30
職位:大底
性格:反叛 喜愛出賣 見高拜 見低踩
外表:一副反骨的樣子
背景:『盛聯』大底之一  與大師狼狽為奸  為『盛聯』出謀獻計


會員人物: johnchc
社團:盛聯
名字:張軍豪(將軍)
年齡:29
職位:四大金牌打手之一(四二六紅棍)
性格:好戰,有人性
外表:愛穿背心,左右手各紋了一把劍
背景:深水步一役中  被龍仁說成手下敗將
   過去的生涯似乎與龍仁亦有關係 



會員人物: 紫軾小樂
社團:盛聯
名字:殷采蜜
年齡:25
職位:金牌打手
性格:忠心耿耿,做事心狼手辣,待人冷若冰心,對呀波有莫名奇妙的好感。    (到最後會唔會呀波背叛幫會,則由作者決定)
外表:五官標緻,清麗脫俗,美若天仙(眼睛帶有灰色con)。長髮。
      黑色緊身衣,黑高跟鞋,佩帶銀白色的項鍊,項鍊系有2隻指環。
背景:小時候與凌成波處於共一間的孤兒院   對阿波心存一份特別的情感
      三番四次放過阿波    但後者似乎並不知情




會員人物:肥蟲
社團:盛聯
名字:大師
年齡:28
職位:近身
性格:非常博學 冷靜沉著 喜歡拿著紙扇(因為胖 很怕熱) 平日言行舉止像個溫文儒生 但認真起來就非常可怕
外表:較肥胖的體型 背上紋有一幅海上怒濤的水墨畫 畫上題有"翻江倒海"四字
背景:『盛聯』大底之一  與火柴狼狽為奸  為『盛聯』出謀獻計



社團: 盛聯
名字: sanchez anthony(菲律賓回流拳手)
年齡:25
職位:四大金牌打手之一
性格:冷靜,重義氣,格鬥能力強
外表:健碩
背景:
菲律賓人,在菲律賓有名的社團勝鈴作金牌打手,後來因社團內部分裂逃到香港
一次在尖沙咀酒吧飲醉生事,以1敵4個手持開山刀既大隻佬,菊花剛好經過目到sanchez以一敵四既畫面,
,因此對佢產生好感,,多番招攬佢後才加入盛聯..憑著高超拳法刀法,重義氣的性格在盛聯站在一個不可或缺既地位...

=====================================
(普通角色)

名字:何靜儀
年齡:25
職位:OL文職
性格:長情  有點兒痴心  
外表:酒窩 大眼  典形的美女  
背景:被牽連在刀疤的伏擊事件    在貨倉被凌辱
         此舉反而令凌成波面對自己的愛    終於能盼回凌成波的心
         縱使再有更多的困難    亦決心與對方不再分開


名字:周武傑
年齡:29
職位:九龍區警署警長
性格:正義感十足  愛抱打不平  為加入警隊而自豪
外表:帥氣  渾身也散發出一股正義的氣息
背景:短短數月由警員晉升至警署警長,處事能力一流,
   將會成為香港黑幫的一股巨大阻力!!


=====================================
(已死角色)

名字:葉偉(阿偉) [已死]
年齡:26
職位:四九仔
性格:風趣 愛揶揄人 重情義
外表:花花公子
背景:他便是阿波的損友 由十五歲便踏入黑社會的路 至今已九年
   與阿波相識於校園 視其大家為兄弟手足
   死於史王輝的追殺中  以自爆換取阿波的生機


名字:鄧濟明(矮仔明)[已死]
年齡:31
職位:四九仔
性格:極有奴性 服從主人命令 愛狐假虎威
外表:四眼仔 人如其名是矮仔
背景:在荃灣碼頭巧遇阿波 最後亦捱不過半小時
   被阿波以鐵棍殺死 



名字:關世軒(細軒)
年齡:20
職位:四九仔  
性格:火爆 衝動 忠心
外表:充滿殺氣的雙眼   
背景:於血戰深水步一役   奮身替波哥抵擋阿man致命的一刀
      被刺穿心臟     當埸死亡




名字:凌戰軍(軍爺)
年齡:46
職位:前『東英』八掌舵之一/紅棍
性格:懶懶散散  愛為兄弟出頭  抱打不平
外表:有點白頭髮 高高的鼻樑 高一米8 有著成熟的男人味
背景:以往『東英』的紅棍之一 名氣之大僅次於皇龍
      真正身份為凌成波的父親   其妻子為陳秀靈
   因為下一代著想  決定退出黑道圈子
      可是二十多年前     被『謝記』張折的手下埋伏而死去




名字:林章(章哥)
年齡:40
職位:『東英』棄將
性格:極重怨氣  認為世上所有人也欠了他
外表:癮君子  手臂上有很多針孔
背景:數年前曾幫牛奶幹掉阿波  最後牛奶卻被阿偉幹掉
   一年前幫助史王輝捉去阿偉 卻似乎被史王輝出賣而被『東英』追殺
   長期沉淪毒海   已經不能自拔
   把所有事情遷怒於阿波  誓要將對方擊殺!!
   
   但與阿波激戰後被擊至右眼致盲  臨死前說了一句說話
   使凌成波失控下打死了自己  究竟他說了什麼話?


[ 本帖最後由 ~傳說中的傻仔︻ 於 11-7-16 03:33 PM 編輯 ]
作者: pk9000    時間: 11-5-29 09:28 PM

第一個..支持^^
作者: ~傳說中的傻仔︻    時間: 11-5-29 09:51 PM

多謝支持         快d叫你d朋友一齊睇啦
作者: 女商之領導者    時間: 11-5-30 06:25 PM

我個角色出場喇喎 XD
作者: ★Ringo.    時間: 11-5-30 08:34 PM

支持下先 ........追左好耐嫁啦我 希望快d出啦
作者: s2008228    時間: 11-5-30 08:47 PM

期待傻仔哥的新作,希望比I更刺激
作者: ~傳說中的傻仔︻    時間: 11-5-30 08:56 PM

一定唔會令大家失望       請大家期待下~
作者: ~傳說中的傻仔︻    時間: 11-5-31 12:18 PM

第一話:重組『華興』


人類每一天也在進步,科技亦是日新月異,

二十四小時已經能夠令很多事情產生變化,包括人或事情,

三個月更加是一段不短的時間,對於黑道中人更是認同.

「喂,仲記唔記得以前個首詩呀?」

「咩詩呀.」

「華興四大隨勇龍,東英五幹全掌舵.」

「『華興』仲有鬼四大咩,自從個三個大媽沙過底之後,

咪得番個毛強係度撐埸,無左呢支歌仔唱好耐啦.」

十二點後,兩名小混混正在旺角的其中一間茶餐廳討論著江湖事,

這正正是三個月之後,江湖中人都在熱烈探討著『華興』,

每人都在猜想『華興四大』失去其三之後,『龍頭』林勇佳會如何重組『華興』.

今天九龍灣長發工廠大廈內十分熱鬧,因為有重大事情要宣報,

『龍頭』林勇佳更親自到埸,似乎是為近期重組一事而有所表態.

「波哥,你估老頂會點樣安排位呀啦.」

說話的正是浩飛,見他身形硬朗不少,

相信在這三個月內沒有一刻偷懶,是值得信賴的近身.

「之前有四大...我估老頂都係離唔開個『四』字架啦...」

回答浩飛是一個外表略為斯文之人,但面上卻有一道由眉心橫斜至右邊面龐的刀疤,

雙眼比以往更為老練,聲線也是隱含著之前欠缺的成熟,

他正正便是我們的男主角,人稱『華興』紅棍王---凌成波.






「犀牛哥!!!」

門外一大班忠實的小混混向著到達的高層打招呼,來者便是我的好友之一,

「咦,犀牛都到左啦wo.」

我回過頭時看見犀牛健步如飛,想來當天腿上的槍傷已經痊癒,

「波哥!」

「波哥!」

他身後自然是伴著billy,但他空空如也的左手手袖,

我一絲的內疚感也就再次湧現,始終他也是為了我而失去整條手臂.

「坐啦.」

我拉開兩張椅子,示意他們坐下來討論一下.

「犀牛,今日我地牌頭重組,你點睇呀?」

我想考驗一下犀牛的智慧,畢竟他也是太子的話事人,

犀牛四周張望一下之後,便開始他的發言.

「波哥,我估老頂應該都會安排四條KING,

因為佢肯定會為左之前個『四大』而耿耿於懷,所以升四件大野就緊架啦.

當然,強哥就坐硬副車位,佢咁做得野,一定實食無痴牙.

嗯......我估個排位都咁上下架啦.」

犀牛所想的與我沒有太大差別,看來犀牛的管理智慧也上升了不少,

「當然,四條king入面...點都有老頂既親屬啦...」






犀牛突然道出一句我沒有想到的說話,我招一招手示意他說下去,

他便把頭稍稍捱近我,然後把聲線壓低地說,

「你諗下,之前老頂任命既『四大』有三個都過哂檔,件事已經令佢無哂face;

為左唔好比呢件事再次發生,佢一定會係四條king入面插一個自己人,

一黎可以保障自己,二黎可以睇住另外個三支公係唔係想玩野.」

犀牛的眼神變得鋒利,我亦明白說話當中的含意;

佳哥對手下的信心已經下降不少,『華興』的強勢更是隨著『盛聯』興起而比以往遜色,

所以為了重組後的『華興』再次發生像菊花叛變的事情,他當然要設下保險;

而最有效的方法便是安插自己人,好聽的這舉便是能夠隨時控制情況,

但真相是為了監視一班高層,方便立刻幹掉對『華興』內部不利的人.

心念急轉之下我已經估到佳哥的心意,眉頭也不禁鎖了起來,

浩飛聽到犀牛的說話後也估到一二,也只是露出無奈神色.

想不到看來耿直豪爽的佳哥,也會有其暗藏心計的一面,

這情況也像當天強哥的『棄車保帥』,相信現在大家的感覺與當天的我差不多.

『華興』終於要重組,究竟這是一件好事還是壞事呢?

在座的眾人不知道、我與犀牛等人也是不知道,外面的小混混更是沒有知道的權利,

黑道中的洪流猶如猛獸,我只知如果一個不小心、下埸將會比死更難受.

「佳哥!!」

「老頂!!」

一下又一下的歡呼聲不斷響起來,『華興』的第一把交椅終於到達!!






「老頂今日著得好型呀!!」

「強哥都唔差姐,兩個拍埋一齊行好似韓國既型仔組合呀!!」

小混混們不放過任何一個『拍馬屁』的機會,這舉動我亦已經司空見慣.

佳哥渾身的霸氣仍是沒有一絲減退,一雙難以看透的雙眼,

口中的雪茄在襯托出他高高在上的地位,一套緊身的黑色西裝像告訴人他是充滿智慧的文士;

他到達『龍頭專用』的椅子時並沒有立刻坐下去,相反是振臂一呼,

「大家好!!!!!!!」

語氣強得像平地一聲雷,使眾人的心神都離不開他,

「大家食野之前,可唔可以聽我呢個老野鳩up幾句先!!?」

身為龍頭竟然還來一個自嘲,眾人當然聽得不亦樂乎,

「老頂咪玩啦,你fit過班港女多多聲啦!!」

「佳哥唔好扮老wo!!!」

大家的回答是妙語連珠,佳哥亦滿意地點點頭,

然後他擺出一個手勢,著大家先停下來,

「見到大家都肯同我呢個老野吹兩下水,我都好開心;

咁樣證明我地『華興』仲係上下一心,而唔係好像出面咁講無左四大就撻哂皮,岩唔岩呀!!」

「岩呀!!」

「邊個夠彊話我地『華興』撻皮!?我沙皮狗第一個去攪正佢!!」

眾人的情緒被佳哥數句說話就挑動起來,佳哥的說話技巧可見一班.

「所以,我今日就決定重組『華興』,等出面班仆街知道我地唔係流既!!!!!」

佳哥說得眉飛色舞,重組一事亦終於決定落實!!


(待續)

大媽沙:即係可以解為有料既高層


[ 本帖最後由 ~傳說中的傻仔︻ 於 11-5-31 12:22 PM 編輯 ]
作者: 拉特基斯.旦尼    時間: 11-6-1 01:21 PM

頭香十卜你=]
作者: Sav_月    時間: 11-6-1 03:14 PM

樓主我支持你=]
作者: fgh14798    時間: 11-6-1 05:11 PM


作者: thchan96    時間: 11-6-1 08:58 PM

佳哥攪gag
作者: alan199772    時間: 11-6-1 09:06 PM

由您既第1集追到第2集;D
絕對係您既忠實FANS;D
繼續支持您丫;D
作者: F91西布朗    時間: 11-6-1 09:48 PM

路過來坐坐

雖然沒追開(我怕煩-=-),但仍對你的堅持表示支持和激賞
作者: ~傳說中的傻仔︻    時間: 11-6-1 10:41 PM

多謝大家      其實無左你地既支持    我都無乜心機作埋第二季

雖然讀者唔係多      不過都想寫一個完整既故事送比呢班支持左我咁耐既兄弟

或者之後得番一個讀者     我都會努力作埋落去
作者: 凸唯而出    時間: 11-6-2 03:57 PM

支持+1
作者: 女商之領導者    時間: 11-6-2 11:51 PM

快d出哂下一話喇 XD
作者: ~傳說中的傻仔︻    時間: 11-6-3 05:32 PM

第二話:四旗


「重組...點重組呀?」

「會唔會好多人事調動架?」

佳哥的決定立時遭到不少人的疑問,但這相信也是他意料中事,

只見佳哥從容不迫,把手中的酒杯搖了一搖,

然後把輕鬆的氛圍一改,雙眼有如戰神般射向在埸的每一人,

「放心,『華興』重組只係升幾個人,對大家搵食完全無負面影響;

相反,我相信今次既決定仲可以幫大家既生意額升上去.」

佳哥這一句話可說得真妙,他明白到在埸所謂的『義氣之輩』完全是看在金錢份上,

所以以金錢為首,說明今次的重組行動只會對他們的收入有利,

在這樣的引導之下,在埸的人很難會有反對的聲音;

事實上,現今的黑道圈子哪有什麼義氣之輩,

有金錢利益的便是兄弟,損害生意的便是玉皇大帝也不給面子,

佳哥怎會不明白這些淺見的道理,只因他亦是這班人的其中一個,

只不過他掩蓋自己的手法高明得很,高明得沒有人發覺.

「佳哥出到聲,我地實撐到應一應呀!」

「咁今次要升邊幾個呢?」

眾人既然同意,佳哥亦把話繼續說下去,

「當日有四大,但係我呢個老野睇漏眼,攪到而家『華興』咁;

不過我仍然會沿用舊有既人數...即係四個人,來坐正我地既『華興四旗』!!」






「四旗!?」

「好似好堅咁wo.」

四旗的新鮮感使眾人在討論著,而強哥這時也說話,

「無錯,老頂既決定係新增龍、虎、鳳、狼四旗,

呢四個人將會替以往既四大,其餘既大底都要同佢地交代,明唔明白!?」

而已這一句話卻使某些較有智慧的人驚訝,

「咁強哥你呢?你之前都係四大架wo.」

「係lo,強哥呢!?」

佳哥這時再發言,解答眾人的疑惑,

「大家唔好咁激動住,阿強佢緊係升為副坐館,

同我拍住上掘好『華興』,咁大家滿意未先.」

原來強哥被升為副坐館,可說是一人之下、萬人之上,

而強哥也很得民心,特別是以往菊花在搗亂的時間,

現在強哥貴為副坐館,眾人也當然特別滿意.

「咁呢四旗係邊四個大佬做呀!?」

終於來到了問題的核心,這四個人必定要服眾才可以,

「波哥..嘿..」

浩飛撞一撞我的手臂,然後向我露出一個笑容,

「咪玩!」






其實我心中也很高興,因為我相信自己有資格成為四旗中的一員,

但再深思地想了一想,今天的地位可是用了身邊的兄弟而換回來,

面上的笑容亦隨著我的想法而立刻消失,浩飛看見我的神色變化後也縮回手臂,

相信他也明白我在想什麼,畢竟我們曾經是朝夕相對的兄弟.

「好,大家坐低先,我而家將會宣報呢四個人!!」

大家坐下後卻是把眼光也集中在佳哥的面上,露出一副恐怕稍為放鬆也會錯過的表情

「龍旗、身為四旗之首,必定要成熟穩重、處事得體,更要有大將之風,

侯永!!! 我相信你可以擔當呢支大旗!!」

聽到名字之後,在廣大的排席上站起了一個人,

他正是terry,身為『華興』的中流抵柱之一,

強哥的可靠近身,處事可靠更是誠穩,

他在江湖中一向贏得美譽,擔當『龍旗』實在是當之無愧.

「terry哥,照住細佬呀!!」

「terry哥,今日威到盡呀!!」

terry亦得到兄弟們的尊重,所以大家也為佳哥的決定歡呼起來,

特別是terry的近身,他們更站起來大力地鼓掌.

「多謝大家,要講既野唔多,就係我會繼續努力為社團做野,

大家有咩頭暈身慶,即管黎搵我terry,拆得掂既一定會幫到你盡.」






掌聲過後terry便坐下來,接著便是虎旗的發佈,

「虎旗,顧名思議要處事強硬,亦都係好打既象徵,我相信大家都估到係邊個啦掛.」

佳哥在這時候賣一個關子,使眾人的情緒也瞬間飄升,

而幾乎住埸的眼光也集中在我身上,這埸景使我有點不知所措起來.

「哈哈,係你啦,我地既虎旗--凌成波!!」

佳哥向我指了一指,我馬上站了起來,

「我凌成波雖然名義上成為左虎旗,但係我份人唔會太著重用階級黎壓人,

我出黎行只係靠三樣野:夠彊,夠雷,夠疊馬!!

大家有邊度要我幫拖既,我第一個去幫你地!!!」

我用盡力氣大叫起來,說話的內容也得到大家讚賞,

「有波哥睇住,真係由旺角打到落北角啦!!」

「咩呀,我就話由九龍打到成個香港都係我地『華興』既!!」

雖然之前我被菊花陷害,使『華興』中人也對我有點不相任,

但自從幹掉矮仔明、深水步一戰與突襲刀疤地盤後,他們對我的信心已經比以往增加,

所以我現在擔當虎旗也得到大家的認可,為此我十分開心.

然後便是凰旗,出乎意料地由犀牛擔當,

雖然有點人似乎不太服氣,但我卻覺得犀牛的管理技巧與各方能力也提昇不少,

而且他以行動來證明自己對『華興』的忠誠,以管理太子的佳績來抹掉以往『背叛』的錯誤.

「最後係狼旗,佢就係我地『華興』既新猛將--陸翔!!!!!!!!」


(待續)


[ 本帖最後由 ~傳說中的傻仔︻ 於 11-6-4 10:51 PM 編輯 ]
作者: 0o小白o0    時間: 11-6-3 06:51 PM

我敢講讀者一定多 只係同我一樣懶回POST姐
支持
作者: NotsWater    時間: 11-6-4 12:25 AM

正啊!波派對菊屎派既對戰即將開始。
作者: winnerwalter    時間: 11-6-4 11:37 AM

估唔到咁快手有第2季wo
作者: fgh14798    時間: 11-6-4 02:21 PM

陸翔
作者: NotsWater    時間: 11-6-4 10:35 PM

陸翔會唔會係唔係佳哥既私生子?!
作者: tommy1512    時間: 11-6-5 01:34 AM

支持><  上期都有追開 不過冇回XD
作者: thchan96    時間: 11-6-5 05:52 PM

波哥出去打個陣
洗唔洗搵個旗手拎住支虎旗?
一定夠曬霸氣
作者: ~傳說中的傻仔︻    時間: 11-6-5 06:12 PM

虎旗只係一個名黎姐          唔通八掌舵真係渣住架船
作者: a1213829    時間: 11-6-6 12:09 AM

我出黎行只係靠三樣野:夠彊,夠雷,夠疊馬!! < 陳浩南?
作者: ~傳說中的傻仔︻    時間: 11-6-6 12:51 PM

第三話:銀狼


佳哥說出的名字使我驚訝起來,我驚訝的不是這名新人,

而是剛才犀牛的預言竟然成真,佳哥果然要安排一條自己的『針』進入四旗,

這時我與犀牛異目對望,雙方同時露出一個無奈的笑容.

「陸翔.....?咩料黎架...」

「未聽過wo...」

大家開始有鼓燥起來,畢竟要擔當黑道中的高層位置,

若缺少一定的聲望的話,情形便如現在般的難以服眾.

佳哥做出一個右手微微下放的動作,示意大家先不要作聲,

「我知大家諗緊咩,但係我夠彊講,佢將會係我地牌頭既一大助力;

唔知大家有無聽過個朵---銀狼呀!?」

(銀狼...好熟....呀!!!!唔通係個次....!!)

我忽然想起阿朗在沙灘營救我的事件,當時阿朗身後有五名幫手,

原來那五名人被合稱為『狼群』,難道銀狼便是其中之一!?

在佳哥介紹的同時,一個人影已經慢慢的從席內站起來,

銀白色的頭髮、雙眼銳利於狼,果然不負『狼』之名.

「......」

但他站起來卻沒有說過一句話,只是在掃視著在埸的人,

這一種的姿態對在埸人士來說絕對是一種挑釁,他究竟在想什麼呢?

「係唔係咁cool呀?」

「唔係扮大袋呀?」

果然他這種的行為,已經使某些人不滿了起來.






「哈哈,大家稍安無燥,做得四旗之一既,當然有番咁上下料啦;

唔知大家之前有無聽過『狼群』,佢就係其中一個.」

「狼群....職業殺手!!」

「嘩,佢地五條友好堅架wo...!!」

「點解得番一個人過檔呢!?」

『狼群』是香港本地著名的殺手,當中成員有五個人,

我相信這名銀狼侯是其中之一,但他為何會願意加入『華興』,

看來當中的因由只有佳哥知道,也是他身為『針』的理由吧!

「殺手大撚哂咩!?我飛機第一個唔妥你!!」

席間有一名大漢站了出來,他直指著銀狼怒吼,

而然銀狼只是看了一看佳哥,很明顯這是一個詢問的表情,

佳哥點了一點頭,然後他便說,

「如果大家對呢個新人有咩疑問,即管同佢間一間.」

佳哥言下之意便是:試試來扳下這名新人.

飛機與銀狼同時走到龍椅前的空間,那裡足夠他們比拼身手,

「我就睇下你有幾堅!!」

飛機不斷在弄著手腳當作熱身,可是銀狼卻沒有任何動作,

「仆街,當我無到!!」

飛機持著龐大的身影便撲向銀狼,但卻撲了一個空,

銀狼以迅雷不及掩耳的速度跳到半空,然後一下快速的手刀!!






(空手道既手刀!!好快!!)

我在旁看得一清二楚,這名銀狼的速度快得可怕,

「擦!」

飛機還沒有清楚什麼事情,胸前已經被劃出一道血痕,

「屌你!!」

可是飛機沒有明白對方是可怕的敵人,他從從便緊緊抱著銀狼,

「收野啦!!」

他想發力把銀狼拋開時,卻發現面前的銀狼猶如一條鐵柱插在地上;

原來銀狼只單靠下盤的力量已經能夠抵抗飛機的四肢,這份能耐可是不簡單,

「呀!」

銀狼怒喝一聲,雙眼閃過一下殺意,

雙手向外發力下,硬生生地掙開飛機的後抱,

然後頭也不回地使用左手緊鎖飛機的手臂,右腳一步踏前,

(係柔道!!)

果然他一下發力,把飛機從自己身後整個扯起,

我們在埸眾人皆看見飛機龐大的身體被扯往半空,然後繞過銀狼的頭頂往地上撞去.

「砰!!!!!!!!」

飛機便猶如餓狗搶屎般被狠狠摔在地上,然後我們亦知道他的左手已被摔至斷骨,

(呢個銀狼....絕對唔簡單...)

「飛機哥!!」

飛機的手下馬上撲至飛機身旁看看他的傷勢,亦立刻把矛頭指向銀狼,

「洗唔撚洗咁重手呀!!?係唔係玩野呀!!」






在埸眾人亦似乎一早對銀狼有所不滿,這時當然順勢發難,

「屌你老母,玩野呀!!」

「兄弟,做佢老母!!」

就在千鈞一髮之時,一下猶如雷嗚的聲音響起,

「你地做乜撚野!!!!!!!!」

能夠有如此震攝力的當然只有我們的佳哥,只見他雙目睜得大大的,

整個君臨天下的氣勢爆發出來,立時把大家的怒氣也壓下來,

「出黎行,打下交,損手爛腳不時有架啦;

而家大家都係同一個牌頭,但就係槍口對內唔對外;

玩兩下就要屌柒人!?我地『華興』幾時變到咁渣流灘架!?」

佳哥說得振振有詞,飛機的手下當然明白到這話是對他們說的,

而剛才想發難的也只好坐回去,畢竟老頂是不能得罪的.

「飛機,自己唔夠料就唔好扮四條,自己彈番埋去.」

飛機灰著面、慢慢地由手下扶起來,便一聲不作地坐回席內.

「頭先四四六六講清楚,有料既咪出黎試下砌低佢,

而家唔夠砌就持人多、發爛渣!?

我地『華興』係唔係真係無哂好打既人,而家要靠呢段手段黎上位!?」

佳哥在教訓著我們,在埸眾人皆沒有作聲回應,

「凌成波....」

銀狼這時卻說了三個字,然後他把眼神射向我處,

「仲有一個凌成波....」

(待續)

ps:間一間:過兩招


[ 本帖最後由 ~傳說中的傻仔︻ 於 11-6-6 12:55 PM 編輯 ]
作者: ~傳說中的傻仔︻    時間: 11-6-6 12:52 PM

早一日發佈         當係送比大家既端午節禮物啦~
作者: tommy1512    時間: 11-6-6 06:15 PM

又有排等
作者: johnchc    時間: 11-6-6 08:38 PM

最後剩番句凌成波咁釣我引
作者: ~傳說中的傻仔︻    時間: 11-6-6 09:03 PM

哈哈    小小預告   下期狼虎對決~
作者: a1213829    時間: 11-6-6 10:31 PM

一定係狼好想同虎隻秋@@
作者: NotsWater    時間: 11-6-6 11:36 PM

下集︰波哥與銀狼大戰六十回合不分勝負,然而波哥使出失傳已久的神技—











































主角威能,將銀狼打敗!
作者: ~傳說中的傻仔︻    時間: 11-6-7 04:26 PM

我得閒無聊又作左小小關於捉妖既小說        大家有無興趣睇第一話

有既我就貼上黎
作者: alan199772    時間: 11-6-7 06:17 PM

唔好喇; 我比較想快d睇下1段渣@@
作者: 馬小正    時間: 11-6-7 07:38 PM

原帖由 ~傳說中的傻仔︻ 於 11-6-7 04:26 PM 發表
我得閒無聊又作左小小關於捉妖既小說        大家有無興趣睇第一話

有既我就貼上黎

嘿嘿 捉妖 我有興趣喎=D
作者: thchan96    時間: 11-6-7 09:04 PM

你個日本侵華個故仔去左邊????
作者: ~傳說中的傻仔︻    時間: 11-6-10 02:35 PM

第四話:代戰



他把食指遙指著我,這擺明是挑釁的行為,

換著是在數年前,我必定立刻衝出去便幹架起來;

可是現在的情況有異,我已經身為四旗之一,

身價比之前的紅棍還要高,若然這麼容易便與這名新人較量,

我要考慮的將不是輸贏,而是在埸兄弟的看法;

身為四旗之一,就是這麼魯莽地與人交戰嗎?

身為四旗之一,沒有一兩個像樣的近身嗎?

就是『四旗』之這個位置,使我對於銀狼的行為猶豫起來.

(想同我打...)

在我思索的同時,身旁的浩飛卻比我更早一步,

「想同波哥打,問過我未!?」

浩飛數個箭步,雙拳已經連珠爆發般揮向銀狼,

浩飛的主動使我微笑起來,他替我接戰有兩個好處:

第一是使我看清銀狼的身手去到什麼地步,好讓我有所準備,;

第二是讓在埸人士明白『虎旗』身旁絕對有能人之士,我凌浩飛便是其中一個!!

(浩飛條靚仔成熟左好多...哈哈..)

回想起他當天跟隨我去石峽尾拯救王子等人的戰戰兢兢,到今天無所懼怕的大將之風,

不知不覺間、時間已經過了很久,我暗地裡把他當成第二個『阿偉』;

到這刻我才明白到,我在時光的洗禮下、慢慢地從阿偉的悲傷中走了出來,

(阿偉....安息啦...)

同一個地點、同一些人,卻已經不再是同一個想法與感受.






「條靚仔咩料呀?」

「好似係同波哥差唔多名...叫凌浩飛呀嘛!!」

「加油呀,靚仔!!」

「打爆個銀狼佢!!」

浩飛的決定果然正確,他決意要借著今次的格鬥來『上位』,

而在看看在埸各位的反應,不難看見他已經成功取得認同.

「波哥,浩飛識諗左好多wo.」

犀牛把我的茶杯倒滿,視線亦放入龍椅前那個交戰的位置,

「係呀,不過銀狼話哂係豬頭骨,唔知浩飛頂唔頂得浦姐.」

「砰!」

話語未完,一下拳骨相碰的巨響從埸內發出,

浩飛的身形猛然向後倒退,銀狼卻好像沒有移動過,

他的眼神仍是那樣銳利,冷靜得像一座冰山、任何事情也沒法動搖他.

「哈!!」

浩飛大喝之下重整身形,雙臂高高舉起作好防守,

身影左右搖晃地接近銀狼,這是西洋拳的步法與進攻前奏.

銀狼的眼神仍是一條直線地看著浩飛,雙手緩緩垂下,

根本沒有進攻或防守的意圖,他究竟在盤算著什麼呢!?

(呢個銀狼乜架式都唔擺,真係好難睇出佢究竟係至精邊樣...)

浩飛似乎被銀狼狼的冷靜擾亂到,他應該也在思考著銀狼的打算,

但猶豫往往會令我們失去機會,不只是進攻的機會、還有保命的機會......






「碰!!」

零秒出手、我終於見識到什麼是快如閃電,才一個眨眼的功夫,

浩飛被擊退的身形正好說明一個事實,銀狼把『寸勁』運用得出神入化;

數秒前浩飛剛好移動到銀狼約一個身位前,但銀狼以迅雷般的速度轉動腰部,

力從地起加上絕快的重拳,『寸勁』的威力立時倍增,

幸好浩飛不是平庸之輩,在敏捷的運動神經反射下仍能迴手格擋,

但力道之大卻是把浩飛的下盤也扯起,猶如衝擊炮般飛向後方.

「吱!」

浩用盡力道猛踏地面,終於站穩後退中的身形,

但只是一下交戰的形勢,便已經分到銀狼與浩飛實力間的距離.

「再黎!!」

但年輕人總是衝動,浩飛更加是不會例外,

他大口吸氣再度上前,他不能接受對方只用一招便把他擊敗.

「呼!呼!呼!」

數下快拳均被銀狼避過,浩飛看準他下盤似乎不太敏捷,

「掃低你!!」

他使出一下地堂腿,想把銀狼連人帶身整個掃趺.

「呼!」

卻又是一下擊空,銀狼已經跳向半中,

整個身形呈橫向直線,右腿屈滕提起,

(台拳道既側踢!!條友痴到可以係半空到用!!)

側踢是屬於台拳道的招式之一,通常是在平地使用的招式,

因為要在地上借力,才可以向跟前的敵人以180度橫踢過去;

銀狼可以在半空運用這個招式,簡直便是聞所未聞.






「砰!」

銀狼借落地之時使出半空中的側踢,直把在地上的浩飛踢開,

「嗚呀!」

浩飛更是因為料不到對方的身手竟強勁如此,所以不知如何防守,

雖然銀狼於最後一秒把位置踢偏,沒有直接擊中浩飛的頭臚,

但是這一下的力道也不容少觀,只看見浩飛的肩骨也被踢得歪了,

痛苦的神色與肩骨的傷害,浩飛在三分鍾內已經慘敗.

「浩飛!!」

我與犀牛等人趕忙出去看看浩飛的傷勢,猶幸只是偏了一點,

「波哥...我掉左你架...」

浩飛一面內疚,但是我卻微笑地安慰他,

「傻既,出黎行邊有百戰百勝,岩唔岩先.」

「緊係啦,下下都贏緊就唔洗玩啦.」

「靚仔,你打得唔錯呀,ok wor.」

「估唔到波哥身邊都有咁好打既人,真係睇漏眼.」

想不到浩飛雖然敗陣下來,得到的卻是超乎意料之外,

相信在這一戰之後,會有更多人認識凌浩飛這個人.

「凌浩飛呀嘛,我會記住你.」

想不到連銀狼也會對浩飛表達情感,這對於浩飛是一種鼓舞.

「good,友誼第一,咁先係呀嘛.」

佳哥欣賞浩飛的精神,出言讚賞更令剛才的尴尬消除不少,

「飛仔,以後好好跟你大佬搵食,收唔收到.」

強哥亦露出讚許的神色,使我們等人也感到高興.

安頓好浩飛之後,接下來便是今天的戲玉,

「銀狼哥呀嘛,我凌成波就黎同你玩兩手.」

「等你好耐.」

狼虎之戰即將展開,究竟誰勝誰負!?

(待續)


[ 本帖最後由 ~傳說中的傻仔︻ 於 11-6-10 07:06 PM 編輯 ]
作者: a1213829    時間: 11-6-10 03:34 PM

波哥同狼哥隻秋呀 正呀
作者: johnchc    時間: 11-6-10 04:32 PM

頂你 仲以為今集就波哥同銀狼打 點知黎個浩飛
作者: ~傳說中的傻仔︻    時間: 11-6-10 05:48 PM

賣個關子呀嘛       呵呵呵~

攪掂埋『華興』四旗之後    又可以講番菊花個筆~
作者: tommy1512    時間: 11-6-10 06:50 PM

好吊癮=.= 同睇one piece有得揮下=.=
作者: ~傳說中的傻仔︻    時間: 11-6-10 07:01 PM

原帖由 tommy1512 於 11-6-10 06:50 PM 發表
好吊癮=.= 同睇one piece有得揮下=.=



=.="   你真係太睇得起我
作者: fgh14798    時間: 11-6-10 10:32 PM

吊癮故
作者: NotsWater    時間: 11-6-11 01:37 PM     標題: 回復 43# ~傳說中的傻仔︻ 的帖子

菊花同史王輝搞野,定係加埋阿MAN玩?
作者: thchan96    時間: 11-6-13 04:25 PM

台拳道<<<<<係咪錯字
跆拳道..........
(唔係錯字都可以呃一分 )
作者: a1213829    時間: 11-6-13 04:58 PM

原帖由 thchan96 於 11-6-13 04:25 PM 發表
台拳道


你咁9呃分
作者: ~傳說中的傻仔︻    時間: 11-6-14 05:31 PM

今日岩岩先由大陸番香港   未由時間作到新一話   唯有推遲至星期五    多多體諒
作者: tommy1512    時間: 11-6-14 06:26 PM

=.= 等成星期lol
作者: ~傳說中的傻仔︻    時間: 11-6-15 04:20 PM

唔好意思          最多應承大家今話寫多小小

一陣又要出去番工           抱歉唷
作者: 鋼牙章魚丸    時間: 11-6-15 05:40 PM

仲估好耐之後你先開2 所以好耐冇黎小說版
我真失敗
作者: Knight_雲冷    時間: 11-6-15 06:07 PM

(台拳道既側踢!!條友痴到可以係半空到用!!)

側踢是屬於台拳道的招式之一,通常是在平地使用的招式,

因為要在地上借力,才可以向跟前的敵人以180度橫踢過去;

銀狼可以在半空運用這個招式,簡直便是聞所未聞.



資料補充

拳道無錯



而側踢果到  其實一般練習之中都會響空中出腳  目標位大概都係頭部

比賽中唔跳起先側踢係因為跳起先踢響衝撞下好易失重心  所以可能一般響比賽都好難見到

而電影入面多數都係企地  原因係可能係空中腳黎講jump hock kick型太多掛



而跆拳道側踢既主要用力點應該係腰力  因為係速度腳  加上本身腰力同腿力夠已經好勁  所以唔使好似泰拳咁樣全力從地起

其實主要睇你四頭肌同小腳肌  因為踢果下係隻腳彈出去既






最近為左黎緊考帶試響到改番d動作苦練番


[ 本帖最後由 Knight_雲冷 於 11-6-16 04:17 PM 編輯 ]
作者: ~傳說中的傻仔︻    時間: 11-6-15 08:57 PM

原帖由 Knight_雲冷 於 11-6-15 06:07 PM 發表



資料補充

係跆拳道無錯



而側踢果到  其實一般練習之中都會響空中出腳  目標位大概都係頭部

比賽中唔跳起先側踢係因為跳起先踢響衝撞下好易失重心  所以可能一般響比賽都好難見到

而電影入面多 ...



多謝提醒     我會努力改善的     
作者: a1213829    時間: 11-6-16 04:17 PM

原帖由 Knight_雲冷 於 11-6-15 06:07 PM 發表



資料補充

係跆拳道無錯



而側踢果到  其實一般練習之中都會響空中出腳  目標位大概都係頭部

比賽中唔跳起先側踢係因為跳起先踢響衝撞下好易失重心  所以可能一般響比賽都好難見到

而電影入面多 ...


咁有學問==.
作者: Knight_雲冷    時間: 11-6-16 04:20 PM

原帖由 a1213829 於 11-6-16 04:17 PM 發表


咁有學問==.

因為基本上一篇小說

背後支撐既係大量既資料



就好似你既人物響小說一般行路  總唔係響天空漫步 所謂既重力會將你貼緊地面

其實原理一樣  好多時當你要用到某樣特別野既  好多寫手都會特登去搵資料



起碼費事寫錯

作者: 牙聰xP`    時間: 11-6-16 08:15 PM

咁快出2.仲諗住第一頁就留名
作者: ~傳說中的傻仔︻    時間: 11-6-16 10:20 PM

原帖由 牙聰xP` 於 11-6-16 08:15 PM 發表
咁快出2.仲諗住第一頁就留名



哈哈      唔洗咁執著       你做每板既第一個留名咪得
作者: a1213829    時間: 11-6-16 10:48 PM

我好想睇咋
作者: ~傳說中的傻仔︻    時間: 11-6-17 01:15 PM

第五話:尊重


我把頸向四周擺了一擺,骨骼間的神經發出『格格』的聲音,

銀狼似乎也認真起來,把腰左右來搖動地熱身,

這舉動證明雙方都視對手為強勁的敵人,絕對不敢有一絲的放鬆.

「收野啦!」

一聲過後,我如風疾影地衝向銀狼,

差不多到銀狼跟前,我右腳一踏、身形向右快轉衝去,

「呼!」

炮拳借勢擊出,是一下速度與力量兼備的重擊.

「碰!」

銀狼殊不簡單,他立時舉起左臂格擋、然後右方手刀馬上向我橫掃過來,

「擦!」

我把頭勉力向後一拗,剛好避開這記閃電快刀;

但銀狼攻勢接二連三,剛剛用作防守的左手已經捉緊我的肩膀,

他發力向前一拉,我整個身形猶如比黑洞吸前,

(仆街,比佢埋到身就渣都無!)

富格鬥經驗的我已經預計到銀狼下一步的行動,我左腳用盡全力向地上踩去,

然後右手成蛇般從外反鎖著銀狼捉緊自己的左手,左拳瞬間向銀狼面龐轟去,

「碰!!!!!!!」

但我擊中的卻不是銀狼的面孔,而是他硬如石鐵的右拳,

他快得可怕的反應使我吃驚,拳骨相碰之下更顯得對方沉厚的實力.






(條友d骨硬過我,好惡哽!)

我的左拳絕不好受,與他對碰數拳之後更感有點吃不消,

然而在我分心之際,銀狼卻沒有手下留情;

他一下勾腿踢向我下盤,我在分神之際慢了一步防守,

「呀!」

整個身形馬上向左傾趺,儘管我雙手想把防守力量集中一點......

「砰!」還是慢了.

腳尖已經狠狠地釘在我的腰間,一般強大的衝擊力使我向外趺去;

「波哥唔係唔掂呀!?」

「虎旗都係咁咋!?」

「睇黎窄窄地wo...」

(唔衰得!我唔可以趺!)

身旁兄弟的喃喃細語傳入耳內,身為四旗更不可以使自己的面子掉開去,

強大的自尊心使我忍受著這股力量,鬥志亦馬上倍增!

「呀!!」

我大喝一聲,用盡全身力量集中於右掌之內、然後往地上拍去,

「拍!」

雖然手掌剛好撐住下趺的身軀,但我全身空門卻向著銀狼正面大開,

而銀狼的快腿閃電攻至,猶如一把鐮刀往我面龐斬來;

我不慌不忙地把整個人自轉,右腿借旋轉之力向後彈出!!






「砰!」

旋蛓力加上腰力的力量,我感受到銀狼在我的腳底下被踢開;

而我不但避開了銀狼的快腿,更能劣勢時彈出一下快腿還擊,

精彩的程度不亞於龍仁的格鬥能力,使在埸眾人看得目定口呆.

「嘩,堅過葉問.」

「波哥即係波哥,踢都型過人.」

「不嬲話波哥最好揪,銀狼都要收皮呀!」

我慢慢站起來,看著銀狼在擦去口角的血跡,

我便知道剛才那一下突如其來的反擊十分有用,起碼令銀狼吐血.

這時銀狼向我舉起了手指公,雙眼裡露出讚賞的神色,

「凌成波,嘿.」

他冷笑了一聲,但我卻感覺到他的尊重,

我亦微笑起來以作回應,但手上的架勢並沒有放鬆.

正當我倆想再衝前之時,一把聲音卻阻止了我們,

「夠啦,你兩個大佬仲想打落去咩!

而家仲有邊個唔服銀狼既,即管出黎同佢過兩招!」

佳哥向在埸所有人士詢問,而答案當然是預料之內,

「無啦!銀狼哥夠哂班同波哥拍住上,四大打手都要企埋一邊!」

「屌,今次唔洗怕『盛聯』啦!」

「銀狼哥,打得好!」

在埸的所有兄弟亦服了銀狼,畢竟武力在黑道之中還是佔有一定的地位.

「good,咁我地『華興』四旗就咁定,黎緊我地仲會掃平菊花,

大家記住操fit d,準備攪正『盛聯』!!」

佳哥高舉酒杯,眾人皆馬上和應,

『四旗』的大典儀式亦在歡喜中告一段落,重組後的『華興』相信比以往更能發光發亮.







三天之後的晚上,我與阿儀在銅鑼灣的街道上行著,

自從那次在醫院坦白我的感受之後,我已經認定阿儀為我一生中最愛,

她對我的付出已經太多,我欠她的亦是一輩子也還不清,

我能夠給她的,就是以我微少的力量保護她,

「喂,諗咩諗得咁入神.」

阿儀從後把一個雪榚遞給我,我一手接過雪榚,

一手抱著她的腰間,並把她拉向自己的身前,

「無,諗緊我地第日既仔叫咩名好.」

阿儀聽到後有點面紅起來,她似乎在裝作抗拒,

「邊個話同你生?唔知醜呀你.」

「本身黎講我絕對係靚仔個一批,雖然面上多左條疤,

但係好多人都話我係深水步劉德華,你唔係咁唔識貨呀?」

阿儀被我逗得笑了起來,她想推開我,

但我卻把她抱得更緊,然後一下子便向她的嘴唇吻下去.

「嘩,好香呀!」

我在滿佈行人的街道上大叫起來,使阿儀更不知所措,

「喂呀!唔好咁啦!」

看見阿儀粉紅的面龐,更是使我想幹『那回事』;

「嘩,打交呀!!!」

「斬人呀!!」

在我幻想溫柔鄉之時,路人卻傳來陣陣叫聲,

我馬上向四周張望,正看見一名血流彼面的人被數名刀手追著,

看清楚一點之時,我發覺那被追殺的人正是鐵打酒!!

(待續)

作者: tommy1512    時間: 11-6-17 03:13 PM

@@  真係快手
作者: 凸唯而出    時間: 11-6-17 06:02 PM

但係銀狠做咩要過檔 ?
作者: ~傳說中的傻仔︻    時間: 11-6-17 07:05 PM

原帖由 凸唯而出 於 11-6-17 06:02 PM 發表
但係銀狠做咩要過檔 ?



銀狼係殺手... 佢唔屬於任何社團     只不過佢加入社團姐@.@   

至於點解會加入華興    遲d就會提及~
作者: ~傳說中的傻仔︻    時間: 11-6-17 07:12 PM

原帖由 tommy1512 於 11-6-17 03:13 PM 發表
@@  真係快手



放心       係不久既將來      銀狼同波哥將會打到爆哂頭           請期待啦~
作者: thchan96    時間: 11-6-18 07:53 PM

有無人遁得邊個鐵打酒
作者: ~傳說中的傻仔︻    時間: 11-6-18 09:29 PM

原帖由 thchan96 於 11-6-18 07:53 PM 發表
有無人遁得邊個鐵打酒



豬油同鐵打酒.........你咁快就唔記得左=.=
作者: alan199772    時間: 11-6-19 12:23 PM

第1話入面; 波哥d馬仔黎
作者: thchan96    時間: 11-6-19 06:25 PM

原帖由 ~傳說中的傻仔︻ 於 11-6-18 09:29 PM 發表



豬油同鐵打酒.........你咁快就唔記得左=.=

打機打上腦=]
唔記得曬D人
作者: NotsWater    時間: 11-6-19 09:13 PM

波哥既手下被搞?!波哥十成會幫拖啦
作者: ~傳說中的傻仔︻    時間: 11-6-21 12:10 PM

第六話:陰謀


(鐵打酒!?)

自己的手下正被人追斬,我當然立刻展開救援,

「阿儀,你番屋企先,我有d野攪.」

畢竟情況有別,當天的我是孤身一人、現在則要向另一半交待,

阿儀亦是一個明白事理的人,她看到我的焦急神情後,

「嗯,小心d呀.」

我點一點頭之後便往鐵打酒的方向跑去,沿途更是推開了數個路人.

鐵打酒這時不小心趺了下來,整個人向前仆在地上,

後方數個蒙面的刀手不肯放過機會,舉起剛刀便往他斬去,

但是我與鐵打酒仍有一定距離,我只好大叫吸引他們的注意力,

「你地係邊度架!!」

但事與願違,他們其中一名刀手仍然往鐵打酒背部刺去,

白刀進、紅刀出,我清楚看見鐵打酒的血如漏水般流出,

「鐵打酒!!」

數秒後我剛好跑到目的地,他們想也不想便把目標轉移,

「呼!呼!」

銀光在我面旁兩則擦過,我蹲下使出地堂腿,

「碰!」

一人先倒在地上,這時他身後的人一下冷刀往我刺來,

「擦!」

刀鋒剛剛碰到我的皮膚便沒法再推前,因為我已經緊抓著他的手臂.






我發力一扭,他整個手腕立刻偏掉、手中剛刀更被甩開,

我乘剛刀還沒有掉在地上,在半空巧妙把刀鋒踢向我眼前的人,

「插!」

刀鋒沒入他的心胸,我再放開他的手臂、右手套在刀柄之上直往前衝,

「呀!!」

他身形頓失、口中鮮血從口角流下,我左手緊握成拳再奮力一發,

「砰!」

左拳正中他的心胸,我右手借勢向後一抽、把插在他身上的刀也拔了出來.

當我想乘勝追擊之時,腳下突然一涼,

「擦!」

無情刀往我小腿斬去,幸好我反應敏捷、不致腳跟被斬開,

施襲者便是剛才被我掃趺之人,刀招陰險、不得不防,

我只好拉開身位再擺好架勢,先謀定再後動;

這時我眼角瞄了一瞄身後的鐵打酒,看他面色變紫,

傷口亦是大量流出鮮血,情況絕對不樂觀;

(仆街,再打落去既話,鐵打酒一定打柴!)

正當我煩惱怎樣擺脫眼前這三名刀手時,事情卻出乎意料地發展,

「哼,睇路呀!」

他們拋下這一句說話後,便在繁忙的行人路上消失.

但令我在意的是他們的口音,竟然有一些中國大陸的口音,

(唔通佢地係大陸人!?)





中國藉的刀手在香港發難,我忽然想起三個月前強哥的說話,

但現在情況危急,我只好先把這些事情壓在一旁,

然後我抱起鐵打酒,便立刻前最近的醫院.

一星期後......

「浩飛,鐵打酒點呀?」

「醫生話佢岩岩脫離危險期,好彩波哥你個日岩岩好送到佢黎,

如果唔係都兇多吉小.」

「嗯....浩飛,係鐵打酒比人伏之後個日,

我就再去番銅鑼灣個面睇,我發覺有d唔妥.」

在電話另一面的浩飛不明白我所言什麼,

「有咩唔妥?」

我吸了一口香煙,然後再繼續說道,

「呼...我check過啦,個時鐵打酒係『東英』d酒吧附近,

我地同佢地玩合作,當佢地係個晚睇到鐵打酒有事個時點解唔幫拖?

就算佢地唔識鐵打酒係邊個,但係銅鑼灣講明係休戰區,

有人係個度開片,『東英』班友仔點會唔出黎睇下咩料?

但係個晚我就一條友都見唔到,單野真係好古怪.」

我腦筋不停轉動,隱隱發覺鐵打酒被追斬的事情不太簡單,

「波哥,聽你咁講...唔通...」

「而且我仲聽到個三個刀手係大圈仔黎,睇黎單野真係開左波.」

「咁你有咩打算,波哥?」





「我諗住去盤下當日係鐵打酒附近既大媽沙,睇下佢有咩講.」

浩飛這時的聲音變得有點擔心,因為我要去會見的對象是一名『麻煩友』,

「波哥,個區係大D睇架wo..條友出名難攪.」

「屌,我有咩未見過;

我今晚單拖去;你幫我睇實鐵打酒先,有咩等我索左料番黎再講.」

我掛掉電話後,便在沙發上稍作休息、準備應付晚上的行動.

晚上十一時,我一人往銅鑼灣走去,

沿途看見不少年青男女在瘋狂舞動著,沉醉在這些五光十色的迷幻中,

不知不覺之間我已經到達今晚的目的地----『大D酒吧』.

我才剛推開大門,一陣又一陣的音響振動已經傳入耳內,

「HI,靚仔,幾多位呀!?」

侍應生馬上過來招呼我,我用平淡的聲線回答他,

「你大佬係邊,我有野要搵佢傾.」

他聽到之後馬上追問我是何人,以防自己惹上什麼麻煩,

「你係邊個呀?」

「『華興』凌成波.」

他聽到之後要我等了一等,然後走向內裡的貴賓房通傳,

過了一會之後,這名侍應生領我前往大D的房間.

去到一間藍色的房間前,侍應生便替我打開房門,

「係呢度啦,你地慢慢傾啦.」

這時我步入房間之內,看見......

(待續)

作者: tommy1512    時間: 11-6-21 12:48 PM

ya 咁快就更新@@
作者: thchan96    時間: 11-6-22 02:23 PM

大D同條女扑緊野?
作者: fgh14798    時間: 11-6-23 06:20 PM


作者: ~傳說中的傻仔︻    時間: 11-6-24 08:44 PM

今晚好忙.....星期二再更新    抱歉~
作者: a1213829    時間: 11-6-24 10:52 PM

冇了=.= 我下年返黎睇
作者: thchan96    時間: 11-6-25 08:05 PM

要求星期二更新兩篇
作者: ~傳說中的傻仔︻    時間: 11-6-26 12:40 PM

第七話:霍驚天的意圖



一名赤裸著上身的人,雙目眼神似幻如醉,

桌上佈滿白色的粉末,應該是剛剛『開餐』完畢.

這名赤裸上身的人看見我後,便向其中一名近身竊竊私語,

然後那名近身便先行離開房間,剩下只有我、大D與他的三名近身.

「『華興』波哥!!估唔到你會黎搵我wo.」

「大D哥,今晚黎係想問下你小小野姐.」

聽到我的說話後,他把頭微微傾斜、擺出一副不明白的樣子,

「有乜撚野好問?我地合作架啦,仲問乜撚?」

語氣極其不禮貌,樣子也是一副挑釁的神情,

可是我卻沒有動氣,只是維持冷淡的聲線.

「無,我條靚一個星期前係度比人伏,想問下你有無見到姐.」

這時他左看右看,向著他那數名手下問道,

「波哥開你地有無見到呀?」

「無wo..」

「邊有呀,大D哥.」

數名近身紛紛否認,看來他應該是存心玩弄.

「我d靚都見唔到有人玩野,係唔係你睇錯呀,波哥仔.」

(仆街...鐵打酒比人斬到入廠,仲話我睇錯...)

大D的態度實在十分囂張,但礙於雙方的合作關係、我也不好發作.

「大D哥,我條靚比人斬到差D打柴,佢就係呢間BAR出面比人伏,

個晚你地咁多人,成百幾隻眼都睇唔到?唔好玩細佬啦.」

我香煙吸了一吸後緩緩吐出,靜待大D的回答.






這時大D卻似乎露出一副無辜的神情,拿起酒杯便喝了一口,

「咕....」

他把食指指著我,語氣比剛才粗暴了很多,

「拿,我講過個晚見唔到就係見唔到,你唔好係度無事搵事理!」

反常的態度更顯當晚他是看到事情的經過,這使我要追查真相,

就在我想說話之時,我的電話響了起來.

「大D,我去放一放水先,我一陣再同你傾埋落去.」

正想走去洗手間時,看見內裡早已充滿著不少迷幻青年正在『開餐』,

(屌..都係去後巷算.)

推開大門之後,空無一人的後巷正響著我的手機鈴聲,

「喂,咩料.」

「波哥,你係邊呀!?」

「屌,我咪講左搵大D索料,做乜?」

浩飛的聲線忽高忽低,似乎有什麼大事發生,

「我收到風番黎,原來『東英』個邊已經留意到大D有唔妥;

而且班道友話見到大D呢排同阿MAN行得好埋,仲奇怪既係仲有班大圈仔同佢地一齊傾野,

黎睇大D條友應該同菊花埋左堆,你快D走啦波哥!!」

「咩話!!」

原來大D與菊花那邊已經有聯繫,那麼所有事情也說得通了;

鐵打酒那晚被人伏擊,大D是故意裝作看不見,

他已經預計到我會來向他問話,但他堅持不承認下我也沒有方法;

另外三個月前強哥已經預示大陸那方會有勢力與菊花結盟,襲擊鐵打酒的肯定便是灰蛇的勢力,

『盛聯』、大圈仔與大D,原來已經連成一線,

這情況下、大D當然想把我們的勢力清除,要裝作看不見鐵打酒的事件也不足為奇.






(原來係咁..唔怪得條友死都唔撚認!!)

「得,浩飛,我即刻番黎,你幫我叫埋王子落BAR等我.」

「醒扒呀,波哥.」

關上電話之後,我忽然想起剛進來時他的近身被大D叫離,

這時我想起一些不安的事情,把頭倚在後巷的門邊探看酒吧之內;

十多名拿著剛刀的小混混正在往洗手間走去,目標應該便是我,

(好彩我出左黎,如果唔係實比佢攪正.)

「出黎呀!!」

「全部同我彈出去!!」

帶頭的人便是大D,看他那副囂張的神情、應該還認為我在洗手間之內,

「同我刮佢出黎!!」

(仆街...大D真係想做低我,睇黎單野要同阿朗講番;

呢度都係早走早著,有朝一日我實親手攪正大D...)

明白到事情十萬火急之後,幸運的我再一次脫離險境,

『東英』之中存在著奸細,這件事情絕對不容忽視.

「吱...」

回到深水步之後,我當然立刻前往自己的酒吧,

推開大門之後,浩飛與王子早已經在等候著我.

「波哥.」

「波哥!」

這時我向二人訴說剛才的事情,他們亦為我的幸運而鬆了一口氣.






「波哥,你真係死好命,咁都可以無損無爛.」

王子把一杯定驚酒送向我處,我一口便乾了它,

「呼...如果唔係浩飛打黎提醒我,睇黎我而家應該損手爛腳.」

「波哥,我仲收到料,原來大D好唔鋸『東英』同埋我地合作,

所以佢先掉轉槍頭,幫『盛聯』份諗住過我地一棟.」

「咁阿朗佢地個邊知道呢件事未?」

「我估佢地都有咁上下眉目,話哂大D係佢地個邊既人,應該仲清楚過我地.」

浩飛幫我把酒杯再倒滿,然後再發出一條問題,

「不過我就唔係好明點解『東英』個邊既龍頭唔攪正大D,

我肯定佢地知既唔會比我地小.」

這時王子卻笑了一笑,他慢慢地回答著浩飛的疑問,

「浩飛,我問你一條問題,你覺得之前我地四大過檔單野瘀唔瘀?」

浩飛想了一想之後,然後無奈地搖頭,

「緊係瘀啦...成個『華興』既四大竟然有三個過左檔,唔只瘀...直情柒到爆...」

「咁你覺得『東英』會唔會都想咁柒?」

「咁緊係唔想啦...」

我與王子相視而笑,然後浩飛認真地想了一想之後便明白過來,

「我明啦!!『東英』而家個情況就好似當日我地四大咁,

自己班手下想跳槽個時,就即刻諗計黎團結番自己人,廢事好似我地上次咁無面,

所以霍驚天知道成件事之後,佢當然會盡力做番D門面功夫黎挽留自己既手下;

咁即係話大D今次扮睇唔到,可能根本霍驚天都有份落ORDER,

跟住就可以引我地同菊花自相殘殺,自己就睇準時機...」

這時我硬生打斷替浩飛的說話,並替他說下去,

「吞『華興』,滅『盛聯』.」

(待續)


[ 本帖最後由 ~傳說中的傻仔︻ 於 11-6-26 12:42 PM 編輯 ]
作者: NotsWater    時間: 11-6-26 08:50 PM

嘩,天叔真係老謀深算
作者: 凸唯而出    時間: 11-6-27 10:53 AM

老奸臣滑
作者: alan199772    時間: 11-6-27 06:10 PM

老樹盤根;D 樓下保持隊型
作者: tommy1512    時間: 11-6-28 02:10 PM

老老實實  
作者: ~傳說中的傻仔︻    時間: 11-6-28 04:55 PM

第八話:毒品之路


一時之間我們三人也靜了下來,只因為這事情是超乎我們想像之外,

想不到雙方的合作竟然成為了被吞併的導火線,後果實在是不可設想.

「波哥你講得岩....霍驚天根本就係精甩邊,佢條馬仔古惑康一定有份出主意;

不過現階段我地唔可做任何野,因為內哄既話只會益左菊花.....」

王子清楚地分析著情況,我與浩飛點著頭,

「咁又係..加上而家一d證據都無,全部都只係我地猜想,有撚用咩.」

我無奈地說著,事情好像到達了一個很差的局面.

「而且大圈仔個邊好似已經同菊花埋左堆;

鐵打酒比人伏個單野,我收到風就係『忠烈社』班大圈仔做.....」

聽到『忠烈社』三個字之後,我示意浩飛說下去,

「波哥,王子哥,你地記唔記得三個月前強哥咪講過大陸個邊會同菊花結盟,

佢地就係『忠烈社』,即係灰蛇個大佬--烈爺既牌頭,佢地已經到左香港.」

(灰蛇....)

這個名字令我想起在中山時的逃難情況,當地的小混混頭目便是灰蛇,

自從上次在中山與他惡戰之後,想不到在香港也將會碰上這傢伙.

「咁睇黎今次有排亂...」

我緩緩把目光聚焦在天花板的射燈上,四散的光線彷彿便是香港的江湖,

『華興』、『東英』、『盛聯』、『謝記』、『忠烈社』......

各個堂口都不會願意給予別人吞併自己的機會,這代表了一埸埸的腥風血雨將會來臨;

除了黑勢力之外,香港警方更會靜待時機把我們一網成擒,

那時不論是我、浩飛或是王子,每個人都會逃不出這埸災難.





隔天,大D令人發了電話訊息給我,

內容大概是體諒我昨晚不辭而別,有機會再一起暢飲,

看見這訊息之後,我暗罵了一聲之後便刪掉.

「波哥.」

浩飛剛好來到拳館,面容間露出歡喜的神色,

「笑得咁開心做乜春.」

「強哥話有事同你傾,叫你去佢OFFICE.」

「傾咩?」

比著以往的我不管是什麼,都是出發了再算,

可是現在我卻先問了什麼事情,這也證明我與強哥的關係始終回不了以前.

「好似話係打本比你做老闆.」

(老闆!?)

找我去當老闆,強哥是在想什麼呢?

「無啦啦做咩老闆...?」

「唔好理啦,去左先講啦!!」

浩飛卻是興奮萬分,硬推著我去換一套正經的衣服.

「凌生,黎左啦?」

轉眼間我與浩飛已到達強哥的辦公室外面,他的秘書一如以往先通報,

「你地可以入去啦.」

「吱...」

推開大門之後,一個熟悉的面孔再似呈現在我的眼前.





「強哥.」「強哥.」

我與浩飛同時叫了一聲,我慢慢走到強哥跟前的辦公桌然後坐下,

浩飛則坐了較後面的沙發,我倆都等待著強哥的發言.

「阿波.」

說話的便是強哥,看他深邃的雙眼充滿著智慧,

(唔通強哥又想過我一棟...)

我實不禁展開防範,畢竟眼前的強哥與以往大有不同.

「有無諗過做老闆?」

「我而家都係老闆呀....凌偉酒吧同埋拳館咪係我渣哂旗.」

強哥點起一枝雪茄,然後向我露出一個恥笑的面孔,

「阿波,唔好咁天真;你而家貴為四旗之一,剩係得個間BAR同埋拳館,

出黎傾野個陣好易同人比下去,明唔明?」

他轉向側身向後微靠坐大班椅子,等待著我的回答,

「出黎都係講好打同埋義氣既姐...」

「哈哈!!」

還沒有說畢,強哥的笑聲便已經打斷我的說話,

「阿波!!而家唔係八十年代,好打同義氣? OUT哂架啦.」

我不禁緊鎖眉頭,眼前的強哥真的是變了,

我還記得加入『華興』之時,強哥教會我『義氣』是最重要,

但到了此時此刻,他卻把以往的一套拋開、實在令我感到無奈.





「或者係啦.....」

「唔係或者,而家個個都講錢!!

你睇下菊花,佢拎正牌做二五仔,但係仲有大把人跟佢,點解呀?就係錢!!」

強哥有點激動起來,聲線比剛才提高,

「佢有成三萬幾條靚跟住佢!!如果佢無錢?食左屎好耐啦!!

所以我地要惡,就要靠錢;攪大我地自己既生意,就係唯一出路.」

強哥說的也不無道理,畢竟現在菊花的風光也是建築在金錢之上,

加上有史王輝、黑仔古和火海的資助,『盛聯』一日比一日強大起來;

相反我們『華興』卻真的給比下去,風光也不比以前,

看來『銀彈戰略』是當下最能夠扭轉劣勢的機會,也難怪強哥會轉變;

「所以,我想撈粉.」

強哥慢慢說出來把意圖說出來,這使我心底震驚起來,

(強哥一直最憎賣粉,佢而家竟然要掂!?)

以往的『華興四大』,強哥是唯一一名高層不靠賣毒起家,

靠的是地產或是走私,但他現在為了『華興』、也只好推翻了自己的觀念.

「強哥...但係你唔係一直都唔掂呢架野?」

我小心翼翼地問,以防挑起強哥的情緒,

「時移勢易啦...以前就話可以唔掂,而家就唔可以唔掂;

一包粉轉個手都搵幾千,對於我地收入絕對有好大幫助;

我而家需要幫手,你願唔願意幫我!?」

因為我一直是跟隨強哥,所以毒品方面我也沒有太大認識,

可是強哥現在需要幫手,我還是願意提供幫助.

「強哥...我肯幫你!!」

(待續)


[ 本帖最後由 ~傳說中的傻仔︻ 於 11-6-29 04:14 PM 編輯 ]
作者: 牙聰xP`    時間: 11-6-28 09:11 PM

波波吾好俾人捉
作者: davidcks    時間: 11-6-28 09:22 PM

個大D果然好有我想要既feel
作者: 拉特基斯.旦尼    時間: 11-6-29 04:09 PM

他轉向側身向後微靠坐大班椅子,等級著我的回答,
錯字??
作者: 凸唯而出    時間: 11-6-29 10:17 PM

我想問,之前波哥係咪比係第一季果條警察知道?
作者: ~傳說中的傻仔︻    時間: 11-7-1 03:17 PM

因為煩緊放榜既事情         下星期二再更新        多多體諒
作者: NotsWater    時間: 11-7-2 05:04 PM

撈毒品好大獲……
作者: ~傳說中的傻仔︻    時間: 11-7-5 10:48 AM

第九話:巧遇少年


深夜的街道上人煙稀少,我獨個坐在公園裡發呆,

(強哥....我肯幫你!!)

想起剛才下午的豪語,我忽然間有點猶豫起來,

(攪粉...一斷正就起碼成十錄....唉......)

雖然在香港沒有死刑的存在,但是一但被發現從事毒品活動,

相信我的大半生也會在監獄中渡過,為了『社團』值得嗎!?

(如果我奶左野...咁阿儀點算呢...?)

不自覺看著夜空,想的也是十分遙遠的事情,

似乎這條毒品之路,我自己也是不太願意接觸.

(但係男人老狗,牙齒當金駛..點可以淆底...)

的確、在黑道的圈子之內,並沒有開玩笑這條路,

就像我答應了替強哥做事,就一定把事情幹得完整,

否則只會令自己的面子往地上掉去,什至乎會被對方尋仇.

「屌你老味,係學校出賣我地大佬!!」

「打柒呢條撚樣!!」

公園的另一邊突然傳來某些聲音,現在正值深夜,

理應平常人也不會進來,那代表那些人應該也是混古惑的吧.

(睇下咩料先.)

我站起來拍拍褲子上的煙灰,便往發出聲音的一邊走去,

穿過小徑之後,眼前的一個遊樂埸卻站了十多個青少年,

每人也染了一頭金髮,有些更是露出半身、很是有型有格.





但令我注視的是在他們中間的那名年輕人,看他面腫口脹,

看來也應該是遭這班人毒打過,現在的童黨也頗可怕.

「你老味,阿雞已經係學校叫左你唔好咁多事,你去同miss報寸!?」

「呢條撚樣唔打唔知驚,今晚就溶撚左你!!」

正當這班青年氣焰高漲之時,一名保安員偏偏經過,

「你地做乜咁嘈呀.」

保安員只是一名老伯,他看見十多名青少年正以怒目注視著自己,

「老野,你唔好咁多事wo!!」

「我認得你呀,你試下報警呀,我保安室都燒撚左你呀!!」

帶頊的兩名少年正往保安員指去,盡是發出恐嚇之言,

(而家d細路真係幾惡...哈哈)

「你...你地好快d走啦!!」

保安員眼見神色不對,拋下一句說話之後便立刻離去,

看來這世上的黑勢力,往往是在晚上特別能發揮其功用.

我索性在暗角倚著小亭的木柱,看看這班童黨能玩什麼花樣出來,

而且我感覺那名倒在地上的中學生有點眼熟,我是不是在那裡見過他?

「陳浩廷,你係學校咪好撚惡既,將阿雞打到見哂紅;

見我地疊馬就淆底,平時好撚好打架,而家就扮哂死狗!?」

(陳浩廷...陳浩廷....)

我心裡默念了這個名字二次,但還是沒有太大印象,

「我屌你老母!!夠彊就隻揪啦!!」





我才剛回過神來,只見那名倒在地上的中學生猛然反撲,

他一下跳起便往那說話的傢伙撲去,一拳一拳地往他的頭臚打去,

「仆街,快d拉起佢!!」

想不到那帶頭的竟是膽小之人,那中學生的一個反擊把他嚇得尖叫連連,

他的手下當然馬上過去幫忙,硬把中學生拉開,

「屌,我地大佬都夠彊砌,食屎啦!!」

中學生雙拳難敵四手,在眾人的圍毆之下只能再次倒在地上,

而這次他的面孔剛好被燈光照射到,那帶著殺氣的雙眼,

永不服輸的神情,那不是一年之前我在後巷碰到的那名少年!?

(正當我想離去時,突然被一個少年撞到,

只見他滿身鮮血,但那眼神卻很特別,

看來只有十二、三歲的少年竟然有像虎目的雙眼,

那充滿殺意的氣勢,令我也忍不住逗一逗他......)

我對那名少年的印象很深刻,所以現在一看之下便記起是他,

(又係呢條靚仔,唔怪得我硬係覺得佢個名好熟.)

眼見陳浩廷被打得連站也站不起來,我心裡有種憐憫的感覺,

(不如幫下條靚仔......佢都幾似我......)

剛才他那種不屈的精神,很像當年去殺牛奶的我,

既然上天有緣令我碰到這少年,那我也樂得順水推舟.

「仆街...今晚唔插撚盲佢隻眼,我就唔叫摩打..」

那名被陳浩廷撲在地上的金毛站起來,並馬上在花槽圍欄扯了一根尖銳的木條下來.





「同我捉撚住佢!!」

名叫摩打的頭領著令手下抓緊陳浩廷,情況變得十分危急,

這時摩打走到陳浩廷的跟前,雙手高高舉起木條,

木條的尖銳處已經對準陳浩廷的左眼,只欠一下快而準的力道,

「細路!!」

這時一把聲音阻止吸引了這班青少年的吸引力,而發聲的當然便是我.

我緩緩從小亭裡走出來,並把香煙往口裡吸,

「呼....唔洗玩到咁大呀?」

吐出一個煙圈之後,我已經走到摩打的眼前.

其餘的青少年均看著摩打,等待著他的命令,

「你邊撚度架?係唔係想做架倆呀?」

摩打推了我一推,我裝佯退後了兩步,

「摩打哥,條靚仔你又執左一劑,彩你又拎哂,不如就咁算數?」

我在替陳浩廷求情之時,並順便看一看他,

只見他看著我的神情很是奇怪,我想他不明白我為什麼會替他求情吧!

摩打看我的語氣不夠強硬,只是以求情的姿態來央求自己,

氣勢比剛才看見我時囂張數倍,更是著令手下包圍著我,

「點撚解我要比面你呀!!你以為自己係邊撚個呀!!?」

「咪係,摩打哥唔撚洗比面佢!!」

「打柒呢條仆街啦!係度扮大袋!!」

身邊的少年得悉我好像沒有背景勢力,附和摩打之餘亦囂張起來,

「咁我又想問下摩打哥係邊度架?」

摩打聞後便露出恥笑的樣子,並把面龐捱近我,

「拿,我就『華興』既,頂頭大哥係四旗既犀牛哥呀!!」

(待續)

作者: davidcks    時間: 11-7-5 06:23 PM

摩打rip
作者: 女商之領導者    時間: 11-7-5 08:37 PM

波哥都唔識...sosad
作者: 拉特基斯.旦尼    時間: 11-7-5 10:45 PM

華興既連波波都唔識 擺明25仔喇XD
作者: fgh14798    時間: 11-7-5 11:00 PM

即抄啦
呢d員工
作者: 凸唯而出    時間: 11-7-6 03:26 PM

今時今日禁既服務態度,點得嫁
作者: thchan96    時間: 11-7-6 08:20 PM

一定俾波哥打鑊金
作者: johnchc    時間: 11-7-8 03:56 PM

皮而收
作者: ~傳說中的傻仔︻    時間: 11-7-8 05:50 PM

第十話:教訓


(原來佢係跟犀牛...照計犀牛唔似咁無腦...)

「咁即係你直接跟犀牛...?」

我打量一下眼前的摩打,他似乎只是一名『爛仔』,

若他真的是犀牛的直屬手下,那我也對犀牛收生的標準太失望了.

「犀牛你叫既咩!!?叫犀牛哥!!

我大佬係跟犀牛哥既,咁咪即係佢個條line lo..明唔明呀柒頭!?」

(屌...原來係跟犀牛下面班四九仔...呢條友睇黎都係會影衰我地個牌頭..)

思量之間,我口中的香煙突然被搶走,

「你老母,唔出聲即係點呀?聽到『華興』個朵淆哂青呀?

唔好無料扮大袋wo,我地『華興』專打架倆,特別係你呢d老襯.」

他說得口沬橫飛,真的是認為自己是『華興』便目中無人,

「摩打哥?咁你即係好打得...?」

話未說完,摩打一下衝拳便往我心胸擊去,

「碰!」

我裝作站不穩往地上趺去,這時摩打見我『弱』得可憐,

「屌,原來無料到,咁就唔好扮型啦.塊面有條疤就嚇撚到我咩?」

「摩打哥好野!」

「摩打哥收佢皮啦!!」

附近的童黨成員均被摩打的『神威』影響,高聲替摩打歡呼起來;

摩打見狀之後,便走過來指著我說,

「唔好話我唔比機會你,而家我同你隻揪,贏到我咪比你走,哈哈哈!!」








(呢個摩打真係食到傻左,撩我隻揪!?)

摩打身形大概矮我少許,身形算是扎實,

但與浩飛或王子等人相比,也只是與一般小混混無異.

「摩打哥...我怕一陣你d馬仔黎幫拖...」

「屌,我摩打牙齒當金駛,一陣剩係我同你隻揪,咁得未呀!!」

我心中暗笑,摩打真的是傻得可愛,

「好...咁我即管同摩打哥你間兩野...」

摩打已經當作是他『show off』的時間,並令手下們把手機拿出來,

「影低我點灼低呢條傻仔啦!!」

「哈哈,呢條傻撚有難啦!!」

「同摩打哥隻揪,十條命都唔夠死呀!!」

摩打振臂高呼,整個已經陷入興奮的狀態,

「睇我今晚點響朵啦!!」

十個小混混,九個也是靠打架來讓自己成名,

我、龍仁與刀疤這些江湖紅棍,便是利用每埸惡鬥來使威信建立,

但這可以代表每個人也能靠打架成名嗎?

答案肯定不是,試想想每天香港也有黑幫互相撕殺的事情,

在不同的時間、不同的地區與不同的敵人,人數多得不能盡錄,

你有這個能力在這堆人之中脫穎而出嗎?

小混混只是抱著一個心態:『唔妥打到佢妥』,

但你是戰神嗎?你能夠百戰百勝嗎?






像摩打這些小混混,當身邊圍著一些無知的青少年,

在欺騙善良無力的人們,他們會認為自己是天下無敵,

但遇上我這些有能力的老江湖時,下埸又會是......?

「打得未呀!?老襯!!」

摩打已經等得不耐煩,彷彿不想放過這個成名的機會,

我點一點頭,四肢亦只是隨意的擺放;

「呼!!」

摩打揮出毫無章法的拳,我身隨腰擺、並輕易跳去摩打身後,

重拳竟然全數落空,但他只是認為一時大意,

「仆街!!有無咁快!!」

他左拳快速直擊我的心胸,我一個右移踏前、使用腋下把他的左臂緊緊夾實,

這時向後一拉,摩打身形頓往前仆,

我的左拳再後發先至,重重在他的面上留下紅印,

「碰!」

雖然只發出七成力道,但衝擊力仍令到摩打的身形向後趺,

但我早已夾緊他的左臂,所以我輕易把他拉回來,

「砰!砰!砰!」

三元連發後、摩打的鼻樑已經被我打腫,這時他的右手才有意識護著頭臚,

可是我的攻勢已完結,這時我再鬆開他的左臂,

右腳向著摩打的腹部一伸,摩打便猶如餓狗搶屎般貼在地上.

過程不足兩分鍾,摩打剛才囂張的態度展開一百八十度轉變,

面上的恥笑早已消失,剩下的是一個絕望的神情.






我輕輕走過去摩打的跟前,他卻害怕得在地上愈爬愈後,

好像有心與我拉開距離,彷彿我就是一隻吃人的怪獸.

「摩打哥,咁快玩完?」

「你..你究竟係邊個!!上呀!!」

他那聲『上呀』,看來是想違反剛才的約定,

只見他的手下群個個猶豫,均不知如何是好.

「上呀,佢得一支公咋!!」

摩打再次下令,無知的青少年們只好向我衝來,

個個也是赤手空拳,每個也是雄心壯志;

當然我相信有些人是抱著『蟻多能殺象』的心態往我襲來,

但現實的黑社會裡,除了人多之外、也是要有能力,

缺乏能力的話,縱使再多人、也只會像現在般能被輕易擊破;

「碰!」

「砰!」

十多個童黨紛紛向我攻擊,但烏合之眾的能力往往也是很弱,

正所謂『人多手腳亂』,我展開純熟的馬步不斷閃避,

他們就像失去方向的犀牛在亂衝亂撞,更有數名少年撞在一起而趺低;

我先擒下一名少年作為護盾,他們立刻便不知所措,

我把這護盾推前之時再順手揮出數下重擊,三名少年已經失去戰鬥能力,

另外四名少年仍是不死心,一起向我正面衝來,

我深呼吸一下之後,跳起後擊出一記從左至右的橫踢,

「砰!!」

腳尖掃過他們的面龐,『倒下』便是這班童黨唯一可以做的了.

(待續)

作者: 牙聰xP`    時間: 11-7-8 06:04 PM

哇.其實叫犀牛黎咪得l0r.吾洗搞咁多野架波哥
作者: 凸唯而出    時間: 11-7-8 07:55 PM

摩打哥
已 J




歡迎光臨 2000FUN論壇 (https://www.2000fun.com/) Powered by Discuz! X1.5.1