2000FUN論壇

標題: (字多)今日岩岩同男朋友分左手....其實都唔知叫嗌交定分手... [打印本頁]

作者: _yan 時間: 11-6-17 10:51 PM 標題: (字多)今日岩岩同男朋友分左手....其實都唔知叫嗌交定分手...

事發係咁既,
我同佢拍拖岩岩滿4個月,但係佢呢2個星期都冇搵過我,
(以前佢會臨訓比個信息我話訓啦,facebook見到我on就add我傾計)
呢排突然之間咩都冇.

其實佢幾日冇搵我我已經覺得奇怪,
咁我地住好遠,(我住新界,佢住香港)
我間唔中都會去接佢放工,我同佢講想去接佢放工,
我都講左唔洗佢同我食飯或者送我返屋企(因為太遠)
我只係想見下佢.

已前佢知道我黎接佢都會好開心,依家佢好似唔想我去咁.....
所以我都冇去到接佢放工...

之後...我愈等愈唔耐煩..點解佢可以成個星期同我一句野都唔講...
好啦..最多我做主動,我信息同佢講我訓啦 ,佢答我既竟然係同佢對上次比我既信息一模一樣!
簡直係copy出黎再send返比我!
唔知點解果下好灰....

之前我問佢點解呢排唔搵我,佢話好多野做.
ok你話多野做...但係我見到佢facebook約左同人去睇戲食飯....
點解你同人去睇戲食飯都唔比我接你放一次工.....

到左今日(同時都係我生日)
我等到今日,好開心諗住佢會主動搵返我.

點知...佢只係facebook打左句生日快樂,連感嘆號都冇一個...
信息一樣係冇...連我d fd講生日快樂都會講多好多野...
佢真係得一句生日快樂就冇...

我愈諗愈唔開心,之後我去睇佢網上日記...
先知道佢原來撞返佢之前鍾意既女仔,
佢仲數曬出黎,原來佢以前仲有成3個女仔(唔計我)
我覺得好嬲,又好似比人呃咁.

之後我係fb轉單身,但係我唔死心,
我想聽一次佢講,我打比佢,
佢答佢的確係掛住以前d女,
我話我終於知道點解你呢排唔搵我.
佢又話自己真係好多野做,多野做到病.

但係點解佢忙仲可以同人出去睇戲食飯.
我一直講佢都唔出聲...
只係講自己做野好忙.

我又見唔到佢,佢又唔搵我,
send個信息比我真係咁辛苦咩?
我都係求個安心炸!

最後我話我收線啦88 就cut左佢線...
(其實佢一直都唔講野都唔知叫唔叫cut佢線....)

我開始覺得我係佢之前d女既代替品...

但係..佢話忙有可能係真...
我就咁發佢脾氣要分手係唔係我唔岩...?
係唔係我唔信佢?但係真係佢冇證明比我可以放心信佢!
佢又淨係話自己忙,連我生日都唔理我.

但係我仲鍾意佢.
我依家應該點做...
好似比人呃左咁...
佢又真係完全唔搵我.
好唔開心....
我第一次拍拖就咁...

我想同返佢一齊但係我唔想佢再搵佢d舊女友...

作者: 吞食貝貝 時間: 11-6-18 03:03 AM

懸崖勒馬-早死早投胎(講緊段感情)
感情事無得強求...就算你幾想,都只係一霜情願~
放下這個,找個懂得珍惜你既男人吧~
執著下去只會痛苦,沉迷下去只會迷路
睇得出你係一個非常好既女仔

[ 本帖最後由吞食貝貝於 11-6-18 03:04 AM 編輯 ]

作者: 903997 時間: 11-6-18 12:52 PM

生日快樂^^~
其實照係咁講拒真係想分手/有左第2個....
冇理由生日都5同你過架嘛~~~
加油~~~~yan^^

作者: shing963963 時間: 11-6-18 01:41 PM

加油加油加油加油
唔好放棄

作者: _yan 時間: 11-6-18 05:07 PM

多謝你地肯睇同覆我.

我有同佢講不如分手啦,反正佢都唔想見到我,但係佢又唔肯-.-
好似唔知想拖咩咁-.-
我覺得佢應該係鍾意返佢舊女朋友.
因為佢呢幾日撞到見返,所以我呢個代替品就要消失啦.

我岩岩睇左個板規,見到呢句:
"所謂本來無一物，何處惹塵埃？我們出生就什麼都沒有，現在不是有了很多東西嗎？ "
我突然諗,
係囉我本來就咩都冇,依家只不過係返番去之前咁樣.
就算我點喊佢都唔會返黎.
今日,我掉曬佢送過比我既野,佢比我既介子我以後都唔會再帶.

最多喊幾日,時間一定會令我忘記佢!

不過,之後我都唔想再拍拖,我寧願做老姑婆....

作者: 蟹明 時間: 11-6-18 05:23 PM

原帖由 _yan 於 11-6-18 05:07 PM 發表
多謝你地肯睇同覆我.

我有同佢講不如分手啦,反正佢都唔想見到我,但係佢又唔肯-.-
好似唔知想拖咩咁-.-
我覺得佢應該係鍾意返佢舊女朋友.
因為佢呢幾日撞到見返,所以我呢個代替品就要消失啦.

我岩岩睇左個板 ...

其實感情呢樣野..好睇對象
而吾系公認既好男仔一定會岩妳
有時候搵一個適合自己既人開始一段大家覺得舒服既感情
比一段轟轟烈烈永世難忘既愛情更好

流水長流先系我地一直追求既感情

希望妳明白  逃避感情  將呢段傷心既過去(原諒我形容為過去)放系心度
只會令妳將來既真命天子受到傷害
因為妳對愛情既不信任  亦會對佢產生不信任

而不信任配偶  不如不要開始

我曾經系過來人, 我諗比不下十個女仔厄過
但我好開心我可以企返起身  等候一個對我好既女仔

作者: _yan 時間: 11-6-18 06:42 PM

55! 呢個世界仲有好多好女仔,至少我識既都唔係港女型@@!

我想信佢但係佢已經認左佢鍾意返以前條女....
我有打電話比佢,我好想佢解釋,佢解釋左我就可以比個理由自己信佢,
佢偏偏咩都唔講...

算啦><唔係我既點都唔係我....
有時真係寧願自己係基-.-!

作者: w~inds. 時間: 11-6-18 11:08 PM

早d放手~搵過個吧啦~

作者: lokeiman 時間: 11-6-19 01:07 AM

照你咁講我估下

我有同佢講不如分手啦,反正佢都唔想見到我,但係佢又唔肯-.-
好似唔知想拖咩咁-.-

(((純猜測***

佢會唔會又鍾意番以前既女朋友追緊佢萬一追唔到
都唔會一無所有因為仲有你可以話係留番條後路比自己

我諗佢唔係唔鍾意你只不過佢鍾意果個女仔既程度大於你所以久久唔下決定就想用拖字訣

作者: ar麒 時間: 11-6-19 02:20 AM

與一個真的愛自己的人比搵一個自己愛的人一起好;(

作者: 『LuNg』 時間: 11-6-19 01:19 PM

原帖由 _yan 於 11-6-18 05:07 PM 發表
多謝你地肯睇同覆我.

我有同佢講不如分手啦,反正佢都唔想見到我,但係佢又唔肯-.-
好似唔知想拖咩咁-.-
我覺得佢應該係鍾意返佢舊女朋友.
因為佢呢幾日撞到見返,所以我呢個代替品就要消失啦.

我岩岩睇左個板 ...

雖然我唔識你..但睇到你既經歷覺得你係一個好女仔

係個男朋友唔岩先,無謂罰番自己去做老姑婆....
我相信你會好快會遇到一個會珍惜你既人..
我都係住新界...我學校d fd都無咩會咁珍惜男友...
而且你仲咁好為見一面去到咁遠...

[ 本帖最後由『LuNg』於 11-6-19 01:20 PM 編輯 ]

作者: 〝Ｋ．Ｃ◎可樂 時間: 11-6-20 11:51 AM

只要唔後悔做咩決定都係岩既.......感情係一件好特殊既野..冇永遠既自私冇一定既對與錯....只要你唔後悔...一切都係岩的

作者: 吞食貝貝 時間: 11-6-22 05:03 PM

原帖由 _yan 於 11-6-18 05:07 PM 發表
多謝你地肯睇同覆我.

我有同佢講不如分手啦,反正佢都唔想見到我,但係佢又唔肯-.-
好似唔知想拖咩咁-.-
我覺得佢應該係鍾意返佢舊女朋友.
因為佢呢幾日撞到見返,所以我呢個代替品就要消失啦.

我岩岩睇左個板 ...

加油啦樓主-3-
每個人對愛情都有一種不同的態度~
你要放棄既係呢個男仔,而吾係戀愛~

作者: 樂瘋天下 時間: 11-6-25 07:36 AM

我諗佢真係唔愛你放棄啦經一事長一智

作者: choyyps 時間: 11-7-10 09:50 AM

多謝樓主分享=]

作者: 颱風 時間: 11-7-10 07:16 PM

吾好傷心啦

歡迎光臨 2000FUN論壇 (https://www.2000fun.com/)